شر انتقام
#شر_انتقام * الحلقة الرابعة *
#الكاتبةوعدالخضر
صباح يوم جديد :
اتجهت سحر لخدمتها ولقت وراها هلبا قضايا وبدت فيهم
بعد ساعات من التعب خش عليها الجندي
رفعت راسها بتعب
الجندي : اسف ع الازعاج حضرة النائبة في واحد واقف برا قال انه مندوب توصيل
رفعت حاجبها بتعجب
سحر : خليه يتفضل
خش المندوب وحطلها بوكس
المندوب : ممكن اتوقعي اهني
وقعت
وطلع المندوب
فتحت البوكس لقاته بوكس فيه كريب و بريوش و نسكافي
تفاجأت اول مره يوصلها بوكس هك رفعت كوب النسكافي وذاقته
سحر :
” تهبل طعمته زعما منو جايبه ”
رفعت طبق الكريب لقت تحته ظرف فتحاته
” قلت اكيد مافطرتي لذلك بعتلك فطور بالصحه والهناء عزيز ”
ضحكت
وبدت تفطر وبعدها رجعت لـ شغلها
سحر :
” مفروض نشكره ع الفطور ”
واتصلت بيه
عزيز : ياهلا ومرحبا
سحر : شكرا ع الفطور
عزيز : هذا واجبي مادرت شي
سحر : كيف واجبك ولا كلمة عادية بس!
عزيز : لا مش كلمه عاديه بجد واجبي بعد تتعبي انريحك وبعد تزعلي نحس بيك لأنك جزء مني
سكتت
عزيز : سحر عادي نتلاقو بعدين
سحر : علاش
عزيز : بنقولك حاجه ، وافقي بالله عليك ؟
ترددت في الجواب بس في النهاية وافقت واتفقو ع المكان
بعد ساعات
وقفت سحر بملابسها الانيقة و كعبها العالي وشعرها الناعم تسأل في موظفة الريسبشن عن الحجز
الموظفة : بإسم منو الحجز ؟
في لحظه حست سحر حد حط يده ع خصرها ووقف جنبها
عزيز : عزيز ، عزيز الجابري
رعشت الموظفة بعد سمعت الاسم
الموظفة : تفضلو تفضلو من هنا
ابتسم عزيز لـ سحر واشر بيده
عزيز : من بعدك
مشت سحر قدامه
الموظفة : هذي طاولتكم تفضلو ثواني ويجيكم القرسون
ابتسملها عزيز وانصرفت
جبد الكرسي لسحر وطلب منها تجلس و ابتسملها
قعمزت وقعمز هو بدوره
جاهم القرسون وطلبو وبعد كملو
سحر : عادي نعرف في شنو طلبت مقابلتي ؟
عزيز : نحبك
ارتبكت وشافتله بصدمة ?
عزيز : هههههه خيرك منصدمة بنت بجمالك وحلاوتك شي طبيعي نطيح في غرامها من اول نظرة
سحر : مش كل شي جمال !
عزيز : اكيد بس انتي كاملة مش ناقصك شي
سحر : الكمال لله مش ليا
عزيز : اي ، بس اني حبيتك من كل قلبي ونتمنى تعطيني فرصة نوصلك مشاعري وصدقيني مش ح تندمي نهائيا
شبكت اصابعها وقعدت اتشوفلهم
قرب منها وشد يدها بأيديه الاثنين
شافتله بإستغراب ، ابتسملها وشافلها بإصرار
عزيز : مش محتاجة تشبكي اصابعك في بعض بيش تستمدي منهم الأمان اني معاك و ح نكون مصدر امانك الدائم
بعدت يدها منه بخجل وتلفتت يمين ويسار بيش تتأكد ان مافيش حد شافهم
عزيز : سحر صدقيني نحبك و ح نسعدك جربي مش ح تخسري شي
سحر : بس
عزيز : اسمعيني مش طالب منك شي حاليا غير أنك تعطيني فرصة انبينلك صدق مشاعري ومانبي منك شي غير هك
غمضت عيونها
عزيز : السكوت علامة الرضا ولا ؟
ابتسمت ورفعت حاجتها وطلعت وقفت ع الكاشير وخلصت الفلوس جاء لحقها
عزيز : بس اني الـ عازمك علاش اتخلصي
سحر : من قالك خلصت ، خلصت حق ماكلتي بس
وحطتله كمشة فلوس في جيبه ومشت
عزيز : شن هذا ؟
ردت عليه بعدم مبالاة
سحر : حق فطور الصبح