شر انتقام
#شر_انتقام * الحلقه 12 *
#الكاتبةوعدالخضر
في ليل
كان سالم مقعمز في مكتبه في الحوش وشارد ويشوف للقمر من نافذة المكتب بكل هدوء
وقعد يفكر
سالم :
” اخ ياربي كيف ح نعيش مع إنسانة واني قلبي مع ثانيه كيف ح نتأقلم ونقضي حياتي مع إنسانة مانعرفهاش ياربي اكتبلي الخير ع قد نيتي ”
قطع تفكيره صوت رنين الهاتف رفعه وشافه رقم غريب رد بلا مبالاة
سحر : مرحبا سالم ؟
سمع الصوت الي ماكانش غريب عليه
سحر : الو تسمع فيا
فاق من شروده
سالم : ايوا معااك تفضلي
سحر : ههههههه اني عروستك ولا انقول خطيبتك احسن
سالم : الا يريحك مش فارقة
تفاجأت سحر من رده
سحر : نعم ؟
سالم : اسف قصدي قولي الي يريحك لين انحددو شن بنديرو
سحر : اها اي وشن بنديرو
سالم : مش عارف والله يا… ، معليش شن اسمك
انطلقت ضحكه قوية من سحر
سالم : قلت حاجة اضحك لهدرجه
سحر : هو الصراحة سؤال عادي بس في وضعنا مش عادي بالعكس يضحك هلباا
فرد سالم ظهره ع الكرسي وقعد يسمع لكلامها بأهتمام
سالم : قوليلي كيف ترا
سحر : نقولك كيف توا بعد يسألك اي شخص ع اسمك ح تجاوبه مباشرة لأنه سؤال عادي لكن لمه يسألك شريك حياتك الي قاعدين تحددو تفاصيل زواجكم ع اسمك هذا شي يضحك
ابتسم سالم
سالم : ياستي كلامك صح والله بس اني ماسألت ع اسمك من فراغ سألت لأني مانعرفش اسمك بجد
تنهدت سحر
سالم : أسف لو اتضايقتي من صراحتي الزايدة بس والله مانعرفش اسمك وماحاولت نسأل حتى اليوم بعد حكو عليك ماركزت معاهم
سحر : اها عادي بالعكس حلو بعد الإنسان يكون صريح ومايحبش اللف والدوران ، عموما اسمي سحر
وقف سالم وهو مصعوق
سالم : سحر ؟
سحر : اي سحر وتقابلنا يوم زرت خوك عزيز نسيتني ؟
حط سالم يده ع جيب سرواله الأمامي واتجه نحو الشرفة الي استقبلاته بهواء عليل وتنهد بفرح
سالم : الحمدالله ياربي
رفعت سحر حاجبها بتعجب
سحر : الحمدالله ع كل شي بس علاش قلت هك ؟
سالم : قلت هكك لأن ربي رحيم بعباده و بعد العبد يدعيه بصدق طول يستجيبله ويسخرله السبل بيش يوصل لغايته
سحر : كلامك صح بس الصراحه مافهمتش لشن تبي توصل
سالم : تبيلها قعدة هالهدرزه
سحر : شكله موضوع مهم
ابتسم
سالم : هلباااا
ابتسمت حتى هي
سحر : خلاص امالا نتقابلو غدوة حتى نا عندي موضوع مهم هلبا بنقوله ليك
سالم : ان شاء الله
وسكرو الخط
وكل واحد منهم اتجه لسريره ويفكرو كيف ح يكون لقائهم غدوة وكيف ح يحكو
صباح يوم جديد
فتح سالم عيونه بشوية ع صوت المنبه بيش ينوض لصلاة الفجر رفع تلفيونه وبعت مسج لسحر
وتوضأ وفرش صلايته وصلى ودعى ليه ولأمه و لأخته وخوه وبالرحمة لبوه ولزوجته المستقبلية سحر
كمل صلاته ودوش ولبس ملابسه وطلع لقى امه حاطه سفرة الفطور باس ع راسها
غيثيه : ربي يرضى عنك ياوليدي
ابتسملها و قعمز يفطر
غيثيه : ها ياوليدي تكالمتو انت والبنت و قتلك شن تبي وشن ماتبي
سالم : اليوم بنتقابلو وبتقولي كل شي
ع خشة عزيز
انصدم بعد سمع جملة : بتقولي كل شئ
عزيز : ع من تتكلمو ?
غيثيه : ع عروسة سالم
قعمز عزيز جنب سالم
عزيز : سالم شن اسمها خطيبتك
سالم : وكيلة النيابة الي جت زاراتك في المستشفى يوم انصبت في راسك
نزل الكلام ع عزيز زي الصاعقة
سالم : هي اني طالع وماضنيت نروح للغداء ماتحسبوني
هرول وراه عزيز
عزيز : سالم نبيك في موضوع مهم
سالم : مش توا ياعزيز وراي اجتماع مهم
عزيز : امالا امتى
سالم : توا بعد نروح في ليل نهدرزو
عزيز : لالا ضروري توا
حط سالم يده ع كتف خوه
سالم : خيرك متوتر هك ، والله ياعزيز وراي اجتماع مهم هلبا كان هذا سمعتلك ، في ليل نقعمزو ونهدرزو تمام
مشا بسرعه وخلى عزيز يتصبب عرق
عزيز :
” كيف الراي كيف بندير كان حكتله كل شي نهايتي ??♀ ”
سمع صوت حنان اتنادي فيه من فوق وقف تحت الدروج ورد عليها
حنان : اركب لفوق بيش نفطرو
عزيز : امي اموتيه فطور تعالي انتي
حنان : عزيز كلمة وقلتها اركب يعني اركب ?
شاف يمين ويسار وركبلها جري
============================
عند سحر
ناضت فتحت تلفيونها لقت مسج من سالم
” صباح الخير حبيت انوضك لصلاة الفجر ، وماتنسي موعدنا اليوم ”
حطت التليفون وحست بشعور غريب
سحر :
” صلاة الفجر حاضر ؟ يحكي بجد ??♀ ”
فتحت التليفون وبعتتله
” مش ناسيته ابعتلي اسم المكان بس ”
سكرت التلفيون واتجهت للحمام
وقت الغداء
سمعت سحر رنين تلفيونها المحطوط ع مكتبها سكرت الملف وحطاته ع الرف واتجهت للتلفيون وردت
سالم : مرحبا نجيك ؟
سحر : وين بتجيني
سالم : في المركز انتي ولا
سحر : اي بس علاش بتجيني ابعتلي اسم المكان ونجي بروحي عندي سيارة
سالم : عارف عندك بس نبي نوصلك بروحي
سحر : اياه وكيف ندير في سيارتي
سالم : توا نبعت حد يرفعها لحوشكم
#شر_انتقام * تابع الحلقة 12 *
سحر : ههههههههه و شن بيقولو هلي لالا فكني من المشاكل
سالم : مشاكل شنو بس خديت اذن من بوك وقتله نبيها في موضوع ونرفعها ونروح بيها اني
سحر : ههههههه اذن لشنو
سالم : اذن لاني مازال ماقعدت خطيبك ف لازم ناخد اذن من بوك مايجيش نطلع معاك هك وخلاص
شردت سحر في كلامه
سالم : ها نجيك
ابتسمت
سحر : تمام تعال
وسكرت الخط
سحر :
” مؤدب هلبا ولا يفهم في الاصول ؟ ??♀ ”
دقائق و جاها سالم وركبت معاه
سالم : طالع عليك لبس الخدمة
سحر : ههههههه اول مره حد يقولي طالع عليك ديما يقولولي زي الراجل
سالم : بالعكس ماعمره الملابس غيرت شخصيه حد وبعدين المهم انتي كيف شايفه روحك باقي الناس رايهم مش مهم
ابتسمت
سحر : قولي وين رافعني
سالم : تو تعرفي
وانطلقو بعد دقائق وصلو لمطعم ع الشط بسيط هلبا ع عكس المطاعم الي كانت تمشيلها مع عزيز
قعمزت بتعجب
سحر : كيف عندك كل هالفلوس وتاكل في مطعم بسيط هك ؟
سالم : شن دخل الفلوس في المكان المهم وين ترتاح وبس ، راه في مطاعم فخمة وو… لكن تلقي ماعندهم ادنى معايير النظافة او السلامة بأختصار مظاهر بس
سحر : صح كلامك
نادى سالم ع راجل الي رحب بيه كأنه صاحبه من سنين
الراجل : هذي المدام ؟
ابتسم سالم
سالم : اي ان شاء الله
الراجل : الله يباركلكم في زواجكم ديري بالك عليه يابنتي هذا راجل مايتعوض
سالم : ههههههه من بعدك والله ياعمي
الراجل : نجيب نفس كل مره
سالم : اي ياريت وكتر الفلفل
ابتسم الراجل ومشا
سحر : شكلك تعرف القرسون من زمان ؟
سالم : هذا صاحب المطعم
سحر : والله وعلاش مايجيبله قرسون يخدمه وياخد الطلبات بيش يرتاح
سالم : في الحركه بركة ديما يقولي هك
سحر : قولي من وين تعرفه باه
سالم : من وانا صغير ديما نجي هنا بعد نضايق نقرأ ونتفرج ع البحر وناكل و مره…
حطت سحر ايديها تحت ذقنها و قعدت تسمع في كلام سالم بإهتمام غير معتاد
الراجل : وهذا السمك وصل ان شاء الله يعجبكم
حطه وانصرف
سحر : ســـمـــك قداش نحبه وكان خاطري فيه
سالم : عارفك تحبيه ومع فلفل زيادة
رفعت سحر حاجبها
سحر : ومن وين تعرف هذا كله ؟!
غمزلها
سالم : سر المهنة ، هي سمي بالله وابدي
بعد كملو
سحر : يااه كليت بيدي توا كيف بنحول زفرة السمك
سالم : ساهله ديري زي
رفع قطعة ليمون وفرك بيها يده دارت زيه
سحر : مازال فيها زفرة
سالم : لأنك درتيها غلط هاتي يدك
شد يدها وقعد يديرلها في اليمون بكل حنية
شافتله سحر بتعجب
سحر :
” سالم الجابري الي يعتبر من أغنى اغنياء البلد قاعد في مطعم بسيط ويمسحلي في ليمون ع يدي ! ”
سالم : امسحي بمنديل بعدها عادي
دارت زي ماقاللها وشمت يدها
سحر : حلو هلبااا
سالم : ههههههه اي ، نحكيلك ع موضوعي المهم ؟
سحر : ياريت لأن حتى ني بنحكيلك حاجه
سكت لـ دقائق
سالم : اااا كيف بنقولك توا ااا سحر
سحر : ههههههههه تي احكي خيرك متوتر هك
سالم : نحبك
شافتله بصدمة
سالم : ااا اسمعيني قبل اني والله مانعرف نعبر ولا نعرف نقول كلام حلو والي في قلبي ع لساني ، من يوم شفتك في المستشفى ومش قادر نشيلك من بالي نفكر فيك اكتر من روحي وماعرفتش كيف بنحكيلك وشن بنقولك لدرجة فقدت الأمل وبعد قتلي امي بنخطبلك قلت خل نوافق وخلاص لأن حسيت وقتها حبي ليك قصته عقيمة فقررت ننسى ونشوف روحي وامس نكتشف ان البنت الي بتخطبها امي نفسها البنت الي نحبها وعرفت ان رحمة ربي كبيره وعطاني فرصه ثانيه فلذلك قررت نقولك ع مشاعري طول بيش ماتضيعي مني
نزلت سحر راسها بشرود
سالم : سحر ؟
رفعت راسها وشافتله
سالم : اا لو لو ضايقكك الموضوع اعتبريني ماقلت شي
تنهدت
شافلها وقلبه متقطع رفع حاجاته ووقف
سالم : هي بيش نروح بيك
مشا خطوات لحقاته سحر وحطت يدها ع مرفقه وشدت عليه
وقالتله بمرح
سحر : من قالك نبي نروح توا ؟
شافلها بإستغراب
سحر : نبي نتمشى ؟
سالم : اا كيف !
سحر : زوجتك قتلك نبي نتمشى فيها شي غريب هذي
سالم : لا بس
سحر : اسسس لا بس لا شي من واجبك ك زوج تلبي طلبات زوجتك الحبيبه ولا مانيش حبيبه
ردت الروح في سالم وشافلها في عيونها
سالم : انت الحب بإسمك انكتب
اتهربت من نظراته وقالت
سحر : هي نتمشو
مشو بمحاذاة البحر وايديهم متشابكات
سمعو صوت سيارة قربت منهم ونزل منها……
================================
#شر_انتقام * الحلقه 13 *
#الكاتبةوعدالخضر
سمعو صوت سيارة قربت منهم ونزل منها عزيز بسرعة واتجه نحوهم
سالم استغرب من جية خوه في هذا الوقت وهذا المكان
عزيز : سالم اسمع مني بس
رفع سالم حاجبه بتعجب
سالم : شن بنسمع ؟ شن في امي صارلها شي
عزيز : لا ماصارلها شي
سالم : امالا خيرك شن جايبك
شاف عزيز لسحر الواقفه بثقه و وضع خوه العادي واستنتج ان سحر مازال ماقلتله شي
عزيز : اا نقصت عليا فلوس
سالم : فلوس وعلاش ماسحبت من اقرب صراف الآلي
عزيز : ماه ماه بطاقتي قالولي فيها مشكله ولازم تمشي تشوفها ليا في البنك الرئيسي
سالم : باه ياعزيز نروح ونشوفها ليك مشغول توا
عزيز : لالا لازم توا هيا امشي معاي
تحشم سالم من تصرف خوه جبده من يده ومشا بيه بعيد عن سحر بعد مااستأذن منها
سالم : خيرك شن الي اتدير فيه هذا
عزيز : ااا
سالم : تكلم خيرك
عزيز : حنان مريضه ونبي فلوس بنرفعها المستشفى توا لأنها تعبانه هلبا هلبا
سالم طلع فلوس من جيبه ومدها لخوه
عزيز : شويه مايكفو
سالم : اياه علينا خيرك عزيز زح
نزل عزيز راسه يتمثل الحزن
عزيز : الله غالب عليا ماعندي اخ غيرك كان هذا ماازعجتك
سالم : باه تمام اصبر نروح بخطيبتي ونجيك
واتجه سالم نحو سحر
سالم : جاني موضوع طارئ نروحو عادي ؟
هزت سحر براسها ايجابا
رن تلفيون سالم
سالم : لحظه نرد ونجيك
وابتعد شويه وسرعان ماجاها عزيز
عزيز : شن الي اتديري فيه هذا ها
سحر : شن درت ؟ مازال مادرت شي
عزيز : تي عارفك ياكلبه ع شن ناويه بس والله اتخبريه بـ شي انوريك
سحر : ههههههاي شن بتوريني ها
قرب منها عزيز
سحر : سااااالم
تلفت عليها سالم وبعد عنها عزيز بسرعه وخوف
قفل سالم الخط واتجه لسحر
سالم : نعم عيوني
شافت لعزيز بإستفزاز
سحر : نبي نروح تعبت
سالم : تمام هيا ، عزيز نروح ونتفاهمو
ابتسمت سحر لعزيز ومشت ورا سالم
وصلها قدام باب الحوش
سالم : اسف ع الي صار المره الجايه انعوضك
ابتسمت سحر ونزلت
خشت غرفتها وقعمزت تفكر
سحر :
” سالم طيب هلبا مايستاهل ندير فيه هك بس عزيز الندل لازم ننتقم منه لاااازم ، ااوف وضروري نحكي لـ سالم ع القصه كلها مانقدرش نكذب عليه اليوم ع اساس بنحكيله فاجئني بأعترافه بحبه اه ياربي مش عارفه شن بندير زعما مشاعره حقيقيه حسيت بالصدق في كلامه ونظراته اوووووووف ”
حطت راسها ع السرير وغطت وجهها بالمخدة بيش تمنع سيل الأفكار الي نزل عليها
عند عزيز
كان خايف موت من ان سحر تحكي لـ سالم ع الي داره فيها و في اختها لأن لو عرف سالم ح يمنع عنه كل شي و حنان ماتتحمل عدم وجود فلوس في يدها 24 ساعة ??♀
كان واقف في حديقة منزلهم الي يعتبر قصر مش منزل بس
سمع صوت خطوات سالم تقترب منه
سالم : مريت ع البنك وقالو بطاقتك مافيها شي
عزيز : اه اي تصلحت بروحها مش عارف
سالم : ومرتك شن صار فيها
عزيز : كويسه رفعتها المستشفى وقبل شوي روحنا
سالم ماصدقش كلام خوه بس ماحبش يتدخل في خصوصياته ف قاله
سالم : باه الحمدالله هي اني خاش لداخل تبي شي
كلمني
هز عزيز براسه وقعمز ع احد الكراسي ويفكر كيف يقدر يفرق بين سالم وسحر بدون مايخسر شي
سمع صوت كعب عالي تلفت لقاها حنان وقفت ع راسه وهي لابسه ومتمكيجه
عزيز : وين ماشيه ؟
حنان : اه بنطلع مع صحباتي نغير جو
عزيز : وعلاش ماقتليلي
حنان :وعلاش بنقولك هاا ولا تبي اتدير عليا هالحركات ? مهم نبي فلوس توا
طلع الفلوس من جيبه
عزيز : كم تبي
رفعت الفلوس كلها وباساته ع خده
حنان : هذوم كفايه ، لافيوو بيبي
وطلعت
طلع تلفيونه واتصل
بعد عدة مكالمات سمع الرد
سحر : شن تبي ؟
عزيز : مانبي شي غير انك ماتخبري سالم بشي افضل ليا وليك
سحر : افضل ليك لأنك كذاب وتحب الكذب حتى ع اقرب الناس ليك ، اما اني مش من مصلحتي نكذب ع سالم في شي و ح نقوله في اقرب وقت
رد بعصبية
عزيز : ســحــر
سمع عزيز صوت من وراه يقول
سالم : سحر ؟
تلفت عليه عزيز وهو يرعش
============
تلفت عليه عزيز وهو يرعش
سالم : خيرها سحر ؟
نزل التليفون بخوف ومسح بكف يده ع مقدمة رأسه
عزيز : ااا حنان اي حنان كانت تبي تشري سلسال فيه اسم خطيبتك و نست الاسم ف سألتني عنه هدية يعني
سالم : حنان مش مريضة ؟
عزيز : ايي كانت تعباانه بسس قالت تتحرك احسن بيش ماتزيد تتعب
شاف سالم لـ عزيز بعدم اقتناع
سالم : عزيز شن في خيرك متوتر هك ؟
عزيز : متوتر ايي متوتر ع خاطر خايف ع حنان
سالم : مدام خايف عليها علاش خليتها تطلع
عزيز : اصرت تطلع مهم خيرك جيتني في شي
سالم : اه اي امي اتنادي فيك قتلك تعال دارت عالة الشاي
عزيز : تمام توا نلحقكك
مشى سالم بخطوات غير واثقه ومستغرب من تصرفات خوه الوحيد
رفع عزيز التيلفون و رد
سحر : هههههههاي خايف منه لهدرجه
تابع 13 شر انتقام
سحر : هههههههاي خايف منه لهدرجه توا نوريك ياعزيز كان ماخليتك تبكي بدمعتك و تترجاني مايقعد اسمي سحر يلا تشاااو
وسكرت الخط
نزل عزيز التليفون من وذنه وقعد يسب ويلعن
اتصل بحنان
عزيز : حنان وانتي جايه جيبي معاك سلسال بإسم سحر
حنان : وعلاااش يعني ؟
عزيز : نبيك اتجيبيه بيش تكسبي سحر وكان كسبتي سحر ح تكسبي سالم وكان كسبتي سالم
حنان : نكسب الفلوس ? عزيز انت فلتوز هيا صكر خل نشريلها احلى سلسال
سكر عزيز وتنهد
عزيز :
” شن المشاكل الي تتحدف عليا هذي ??♂ ”
وخش لأمه
عند سحر
سحر :
” وطحت في يدي ياعزيز وربي لمه انشردك وانوريك شي عمرك ماشفته في حياتك ، زعما وين أروى خل نمشي انقوللها ”
اتجهت لغرفة اختها وخبطت الباب اذنتلها وخشت
لقتها تهدرز في التليفون
أروى : امممم خلاص بعدين نهدرزو ، والله بعدين اصبر بس ، هههههه حتانا باي
حطت سحر يدها ع خصرها
سحر : حركات من ورااانا
أروى : ههههههههههه
سحر : قوليلي منو قبل
أروى : مابتعاركيني ☹
ضربتها سحر ع كتفها
سحر : وعلاش بنعاركك يابنت لو كويس ومحترم عادي
أروى : امممم هو كويس ومحترم و إخلاق وشهم و راجل و نبيل و شجاع
سحر : هذا واحد من شخصيات ديزني ولا كيف ؟
أروى : ههههههههه احسن منهم
سحر : باه ياستي صدقت هيا من هو شوقتيني
أروى : بسسم الله اااه سراج
فتحت سحر عيونه بصدمة
أروى : هدي روحك سحر
رمشت بعيونها
سحر : سراج صاحب عزيز ؟
أروى : كاان صاحب عزيز لكن توا خلاص معاش يكلم فيه نهائيا ، و طيب هلبا ياسحر والله وقالي بعد عرسك ح يجي يطلبني طول صدقيني هالمره واثقه من حبي ومتأكدة انه الشخص الصحيح ، شن رايك انتي
سحر : اممممم مشش عارفه ?
شافت أروى لسحر بترجي ، ابتسمت سحر وحضنت اختها
سحر : ههههههه عارفته كويس ساعدني في قصتك هذاك اليوم ربي يهينيكم ياقلبي
أروى : ان شاء الله ، حق قوليلي علاش جيتي بتقولي شي
سكتت سحر لأن ماحبتش تخرب فرحة اختها
سحر : ااا لا لا شي جيت بنهدرز عليك بس
أروى : ايييي هي احكيلي كيف كانت طلعتك مع خطيبك
سحر : وحكتلها كلل شي
أروى : شكله حقق يحبكك ياسحر ماتضيعيه من بين يديك وفوتي انتقامك من عزيز
سحر : مشش عارفه ان شاء الله خير
وكملو هدرزه
رن تليفون سحر رفعاته وشافت الاسم لاشعوريا ابتسمت
أروى : احم احم شكله حبيب القلب
سحر : ههههههه خل نرد عليه بعدين نهدرزو
ومشت خشت دارها و ردت
سالم : استااحشتك
قعمزت ع السرير
سحر : ههههههه قبل شويه كنت معاك امتى لحقت تستاحشني
سالم : الصراحه واني معاك نستاحش فيك يعني بعد تبعدي شي طبيعي نستاحشك اكتر
سحر : اممممم يعني توا مستاحشني هلبا
سالم : فوووق ماتتصوري ، عارفه سحر اتصدقيني لو قتلك عمري ماحبيت و البنات ماشيات جايات ومافكرت نحب وحده فيهن بس انتي مجرد ماشفتك خديتي قلبي مش عارف كيف
رقدت ع السرير
سحر : ههههههه ومنو يعرف باه
سالم : ربي ، متأكد ان ربي حطك في طريقي وعلق قلبي بيك وجعلك من نصيبي لحكمة
تنهدت سحر
سحر : سالم في شي لازم نحكيه ليك
سالم : احكي نسمع فييك
سحر : الصراحه…
سالم : لحظه الباب يخبط
تنهدت سحر
فتح سالم الباب لقاه خوه عزيز
سالم : شن في ؟
عزيز : مشغول
وشاف التيلفون
عزيز : شكلك كنت تكلم في خطيبتك
سالم : اي ، قولي خيرك
عزيز : حنان جابت السلسال تفضل
ومدله السلسال
سالم : مشكور واشكرلي مرتك هلبا
ابتسم عزيز ووقف
سالم : في شي ثاني ؟
عزيز : اا مابتجي تهدرز معانا ؟
سالم : مش توا ياعزيز مشغول
هز عزيز براسه ومشى سكر سالم الباب و رد ع سحر
سحر : خوك هذا ؟
سالم : اي مش عارف خيره هالايام ، اي صح نسيت مرته جابتلك هدية
سحر : اووو شكرا هلبا والله علاش تعبت روحها
سالم : انتي الوحيدة الي تستاهل يقولولها تعبك راحه ، هي كملي شن كنتي بتقولي
سحر : ااا خليه بعد نتلاقو مايجيش في الهاتف
سالم : خلاص امالا نتلاقو غدوة بيش حتى نحددو كل شيء
سحر : تمام توا بنرقد باي
================================
#شر_انتقام * الحلقة 14 *
#الكاتبةوعدالخضر
وقف عزيز في الممر
عزيز :
” هالبنت مصرة تحكيله وشكله مايمشي معاها التعامل بالطيب لازم نستخدم معاها الطريقة الثانية ”
فتح تلفيونه و بعت احد صور أروى لـ سحر
ثواني وعاودت عليه ابتسم بمكر و طلع لبرا بيش مايسمعه حد
عزيز : ياهلا ومرحبا بمرت خوي
سحر : لا مرحبا لا عمك يحزنون توا تمسح الصور من عندك ولا راه نمسحك من الوجود
عزيز : لاه لاه بتمسحي سلفك عيب هك هذي مش اخلاق الكنة الكبيرة
سحر : كبيره عينك والله ياعزيز نقتلك ماتلعبش معايا خيرلك
عزيز : اسمعي اني الي بنهدد مش انتي و بتسمعي كلامي بالحرف ولا والله تتصبحو ع فضيحة اختك غدوة
سحر : فضيحة شنو ؟
عزيز : لاه عاد سحوره تنسى مايجيش ، نسيتي بعد جبت اختك للاستراحة وشن درت
سحر : كان نزلته بتفضح روحك في الاول
عزيز : ههههههه قديمة هلبا انتي ياسحر اسمعي غدوة نبعتلك نعتت مكان واتجيني فيه وانوريك كل الي عندي
سحر : من قالك بنجيك يعني اقلب وجهك
عزيز : كان ماتجيش ننشر الصور وبعدها المقطع اللذيذ
وتقعد سيرة اختك ع كل لسان
سحر : حقيير
عزيز : نتلاقو غدوة باي
وسكر الخط وابتسم بمكر وخش رقد ولا كأنه مداير شي
صباح يوم جديد
وقف عزيز ويستنى في سحر سمع صوت اقتراب سيارة منه تلفت لقاها سحر واقفه قدامه
سحر : اختصر ماعنديش وقت ليك
عزيز : قبل عابي ع ان بنهدرزو بس تمام سحوره مشغوله نختصرو علاش لا
طلع تلفيونه ومده لـ سحر شافت سحر المقطع الي كان مقطع وجود أروى في الاستراحة ومبين كل شي صار لكن مغطي وجه عزيز بحيث واضحه فيه أروى بس
لوحت سحر عليه التلفون
سحر : كيف هذا كيف المكان ماكانش فيه كاميرات مراقبه
عزيز : مافيش كاميرات مراقبة بس في كاميرات شخصية مخفيه صغيروونه زي اختك بزبط اخخخ لو ماجاش سراج بس
سمعت هالكلام و جن جنونها وهجمت ع عزيز بكل بقوة وخنقاته وفي اخر لحظه بعدت
سحر : ياندل ياخسيس
قعد عزيز يكح
عزيز : وربي ياسحر اتعاوديها نفضح بأختك
شافتله وهي بتموت من القهرة
تمالكت نفسها
سحر : شن تبي توا ها ؟
عزيز : ماتخبريش سالم ب شي ولو خبرتيه ح ننشر المقطع
حطت سحر يدها ع راسها
عزيز : يااما خوي يااما اختك اختاري ?
فكرت لثواني
سحر : تمام تمام مش ح نخبره بـ شي
قرب منها ويبي يحط يده ع خدها ضرباته ع رجله وطاح وصاح بتوجع ، شافتله بتقزز
سحر : اياك تلمسني ياعزيز
وركبت سيارتها وانطلقت
اتصل بيها سالم
سالم : غاليتي نسيتي موعدنا ؟
ضربت سحر راسها بكف يدها
سحر : والله نسيت توا نجيك اسفه
سالم : معاش تتأسفي حتى لو غلطتي مانرضى تعتذري مني انتي وجودك في حياتي بروحه يكفي
ابتسمت بأسى وسكرت الخط
وصلت للمكان شافت لـ سالم مقعمز ويستنى فيها وباين عليه الحب ، حطت راسها ع دركسون السيارة وبدت تبكي ، سحر القوية الي مايكسرها شي كسرها الكذب كانت ماتبيش تكذب ع سالم لأنه مايستاهل لأنه يحبها من كل قلبه وهي مضطرة تكذب عليه عشان تحمي اختها ، مسحت دموعها ونزلت لسالم
وقف سالم اول ماشافها و رحب بيها بحرارة ابتسمتله وقعمزت حط سالم ايديه ع ايديها وضغط عليها
شافتله سحر
سحر : شن معنها بعد تتغط ع يدي كم مره درتها ومافهمتش
سالم : معنها انا معاك وانا نحبك و حاسس بيك ومستحيل نخليك
ابتسمت سحر
سحر : سالم انت طيب هلبا
شافلها وقلد صوتها
سالم : سحر انتي حلوة هلبا
انطلقت من سحر ضحكة قوية
سالم : ايوا هذا المطلوب ، وتوا احكيلي خيرك مضايقة
سحر : كيف عرفت ؟
سالم : حسيت بيك وبعدين الماسكرا امدايره شغلها
رفعت سحر التيلفون وشافت لروحها لقت الماسكرا سالت ع خدودها
سحر : وووه هذا شنوو تقول غولة ?
سالم : ههههههه مش لهدرجه انتي حلوة في كل حالاتك
سحر : في عيونك بس هي خل نمشي نغسل وجهي ونجيك
بعد ثواني جت
سحر : مش رافعه معايا ميك اب غسلت وجهي بس ☹
سالم : وربي احلى من الميلكب خليك ديما هك
سحر : الـ شنو ؟
سالم : الميلكب
سحر : ههههههههههههه اسمه ميك اب يا سالم ??
سالم : وين نندري عنه انا ??
ابتسمت سحر
بعد دقائق من الهدرزة
سحر : خلاص امالا نديرو عرس طول
سالم : تمام طلباتك أوامر ، شهر الجاي يناسبك ؟
سحر : اي عادي
بعد دقائق
خشت سحر الحوش
سمعت امها صوت الباب
عائشة : سحر جيتي
حولت حذائها وخشت
سحر : اي روحت
عائشة : تعالي قعمزي واحكيلي
سحر : شن بنحكيلك ؟
عائشة : شن قررتي انتي وخطيبك
سحر : اهااا اي قررنا الفرح الشهر الجاي
حطت عائشة يدها ع قلبها وعيطت
فتحت سحر عيونها بصدمة
تابع الحلقة 14 شر انتقام
جت أروى تجري
أروى : شن في من عيط ؟
سحر : ماما عيطت بس علاش مش عارفه
شافولها بأستغرب
قعدت تهز في راسها يمين ويسار وتولول
عائشة : اختك بتجنني يا أروى بتجنني
سحر : خيرك يا ماما شن درت توا اني
عائشة : شهر ع شن بنلحقو وشن بنخلو اه ياكبدي ااااه
سحر : ههههههه خيرك ياماما هلبا شهر نلحقو ع كل شي عادي
أروى : اي ماما عادي نتعاونو جميع
عائشة : باه هي نوضي انتي وياها جيبولي تلفيوني نتصل بخواتكن وخالاتكن
خشت سحر غرفتها وارتمت ع السرير
سحر :
” سالم يستحق فرصة يستحق نعطيه مساحة في قلبي ، ح نمسح عزيز من راسي و نفتح صفحة جديده مع سالم ”
خشت دوشت وطلعت تسمع في صوت دوشه خشت عليها أروى
أروى : سحر الحقي بدت حالة النفير القسوى والقوات متوجهة ليك
خشت عبير اختهم الكبيرة
عبير : تصحيح القوات وصلت خشن يابنات
وخشو كل بنات العيله يغنو
هي زينة والزين لي هلها ** مبرك يوم اللي حصلها
صلن علي الهادي وارعنها*** راكن بالعين تخودنها
يامبروك افراح ضنانا *** من عين المعيان ارعانا
ان شاء الله تسلملي ياباتي **** يامدلعني اني وخواتي
يامبروك علي ابنيتنا** ياهنايا في غيبتنا
يامبروك علي غاليتي **حطيتك وين تهنيتي
.
يامبروك عليه خداها** ان شاءالله بطول العمر امعاها
خشت بناتهم سحر وترقص بكل فرح
لووووولووووولوووولي ????
============================
بعد مرور شهر
حان موعد الفرح
سحر و معاها خواتها ، طلعت قدام باب الحوش
سحر : نسيت حاجه توا نجي
خشت خدت وشاح وعباية وحطتهن في الشنطة وطلعت
عبير : خلاص نمشو؟
هزت سحر براسها ايجابا
وصلو الكوافير
الكوافيره : نبدو بالعروس
سحر : ااا لالا خلي خواتي قبل بيش مايخرب مكياجي خليني اخر وحده
قعمزو الخوات في الكراسي و بدو فيهم قعمزت سحر بعيد وشاده تلفونها جاها مسج
” اطلعي اني برا ”
سحر : بنمشي للحمام باهي
شافولها خواتها من المرايا
رفعت شنطتها ومشت وقفت في الممر لبسة العباية والوشاح وفتحت الباب الخلفي وطلعت
تلفتت يمين ويسار لقت سيارته ركبت بسرعة وتحرك طول
تنفست الصعداء وتلفتت عليه وحوطاته بيديها و حضناته بادلها نفس الشي بعدت عنه دقائق
سحر : توا شن لزومه طلعتي مش بعدين ح نتلاقو
سالم : وربي ماقدرتش استااحشتك تي اسبوعين ماريتك هلبا عليا
سحر : ههههههههه وربي مجنون هي
قرب منها
بعدت بخجل
سحر : ساالم بــعــديــن
سالم : ههههههههه بعدين مافيش يايما ارحميني
ضحكت بخجل ونزلت راسها
رفعلها راسها بيده
سالم : ي حليلي من الخجلان
شدت يده
سحر : نحبك ياسالم خليك معايا
سالم : معااك وربي
سحر : لـ امتى ؟
سالم : لـ اخر العمر لـ مالا نهاية
ابتسمت ورجعت حضناته قاطعهم صوت رنين الهاتف
بعدت عنه وشافت المتصل
سحر : احي هذي مريم شن بنقوللها
سالم : عادي قوليلها مع سالم اني راجلك شن فيها يعني
ابتسمت وقعدت تفكر
سحر : راجلي الله ياسالم قعدت راجلي ?
سالم : هههههههههه ردي ردي
ردت ع تليفون
مريم : سحر انتي وين
سحر : هدي روحك مع سالم شوي ونرجع
مريم : احي عليك كان عرفت امي بتقتلك
سحر : تي عادي راجلي هو
وشافت لسالم بحب الي شد يدها وباسها
مريم : باهي باه روحي وقت عليك
قفلت الخط
سحر : هيا روح بيا تأخرت
ولع السيارة وانطلق وهو مازال شاد في يد سحر
سحر : ياراجلي
تلفت عليها
سالم : عييون راجلك وقلبه وكله
غمضت عيونها
سحر : ذوووبت ? ? ?
سالم : هههههههههههههههه انزلي وصلنا
شافتله بدلع
سحر : مانبيش نبي نقعد معاااك
سالم : اني قاعد ع سبله راه
سحر : ههههههه باهي نزللت باااي
سالم : شن قلنا ع باي ؟
سحر : قلت نقولك نحبك بدال باي ، نحبككك
سالم : سحر
فتحت الباب وتلفتت عليه بتسأل
سحر : في شي ثاني ؟
سالم : اي اصبري فيك حاجه
سحر : وين ؟
باسها ع خدها
سالم : خلاص مشت
سحر : خزوو صايع
ضحك
ونزلت
استقبلتها عبير
عبير : اخسسس مش قادرين تصبرو يعني
سحر : طالعه سمحه راه
ابتسمت بفرح
عبير : والله ؟
وجرت ع المرايا تشوف في روحها بإعجاب
عبير : محلااني ?
ضحكو عليها
« طبعا الي ماعرفوش منو مريم و عبير هذوم خوات سحر المتزوجات عرفت عليهم في البداية
عبير جوها سمح وتحب روحها وضحك واغاني
مريم شويه واعرة و دقة قديمة زي مايقولو »
الكوافيره : هي وين العروس ياجماعة وقت علينا
قعمزت سحر ع الكرسي
الكوافيره : شن تحبي انديرلك
سحر : نبيه بسيط وحلو مش اوفر هلبا اوك
هزت الكوافيره راسها إيجابا وبدتلها
بعد ساعات
وقفت سحر وابتسمت
كانت طالعه حلوه بشكل خيالي والمكب اب البسيط محليها و مخلي ملامحها بارزة بشكل جميل
وفستان زفافها المرسوم ع جسمها والتاج الملكي
بأختصار طلعت ملكة
عبير : بيهبل عليكك سااالم
تابع الحلقة 14 شر انتقام 2
بعد ساعات
وقفت سحر وابتسمت
كانت طالعه حلوه بشكل خيالي والمكب اب البسيط محليها و مخلي ملامحها بارزة بشكل جميل
وفستان زفافها المرسوم ع جسمها و عقد الألماس مزين عنقها والتاج الملكي ع راسها
بأختصار طلعت ملكة
عبير : بيهبل عليكك سااالم
مريم : هو هابل هابل ماريتي مبكري
سحر : مررريم
شافت مريم للجهة الثانيه وضحكت
سحر : هك تمام ، شن قعد اتصلتو ببوي
أروى : اي قال في الطريق
مريم جابت المبخرة وقربت من سحر
سحر : شديري يابنت
مريم : اسسس هذا من العين
بخرتها وجاهم بوهم وطلعو
وصلو للقاعة الي كانت افخم من قاعة فرح حنان
خشو غرفة العروسة
سحر : خايفه يابنات
أروى : هدي روحك بسس خودي نفسس
خدت نفس
خبط الباب وخش بوهم
شافلهم الاربعة متجمعات نزلت من عينه دمعة
قربو منه كلهن
أروى : بابا علاش تبكي بسس
ربتت مريم ع كتف بوها
حامد : فرحان بيكم يابناتي ربي يحفظكم لبعض
سحر : ويحفظك لينا يابوي ومايحرمنا منك ومن وجودك
ابتسم ومسح دموعه
قربو من بوهم وحضنوه
« الأب سند يابنات لا تقوليلي حب ولا راجل مدام بوك حي انتي في عز و ظهرك مسنود »
خشت عليهم عائشة لقتهم متحاضنين ويبكو
عائشة : ووك عليا شن مدايره في عمري اني
تلفتو عليها بأستغراب
عائشة : الناس يستنو فيكم برا وانتو قالبينها مناحة سحر ترا حولو خل نشوفها والله تطلعي مخربة مكياجك نقتلك
بعدو عن العروس واتاحو مجال للأم بيش تشوف بنتها
حطت الأم يدها ع فمها وبدت تبكي حتى هي
عبير : شوفو من كان يتكلم ع البكاء ??
ضربتها امها ع كتفها
عائشة : طالعه غزاله بنيتي تعالي جاي
قربت سحر من امها وحضنتها
مريم : هياا سحر المنشطة قتلك خشي
صلحت سحر مكياجها وشدت في يد بوها وخشت للقاعة بثقه وشموخ
والناس يتهامسو
” محلااها ، احلى من سلفتها ، مع انها مرت الكبير لكن تحسيها اصغر من سلفتها ، اييي صغيره هذي قالو عمرها 24 بس ، احي امالا الثانيه كم ، 26 ، عزوز ”
قعمزت سحر وتشوف للكل وطايره من الفرح وتستنى في عريسها يخش
واخيرا خش سالم ، لابس بدلة رسمية سوداء متماشيه مع لحيته السوداء وعيونه طالع يهبلللل
باس ع راسها وحط يده خلف ظهرها وقربها منه وهمسلها
سالم : ربي يجعلك دايما قربي يا كل قلبي
ابتسمت سحر وقعمزو
قطعو التورته و جاملو المعازيم وطلعو
وصلو للشقه خشت سحر لغرفة النوم
شافت يمين يسار وتطمنت انها مع سالم الحنون الي اخلاقه ينضرب بيها المثل الي حسسها بالحب طول الشهر الي فات لين ملك قلبها حولت الفيلو و بدلت ملابسها ومسحت مكياجها خش عليها سالم
سالم : عيوني توضيتي بيش انصلو
سحر : ااا لحظه توا نتوضأ
توضت وصلو مع بعض
بعد كملو تلفت عليها سالم
سالم : من اليوم انتي مرتي وحلالي و ح نصونك ونحفظك و نهتم بكل شي يخصك و ح تكوني اول أولياتي
ابتسمت سحر ونزلت راسها بخجل
سالم : ههههههه لالا لهني وساد معاش فيها خجل
…
في شقة عزيز
خشت حنان لوحت شنطتها ع طول يدها
حنان : ريت ريت شن دارلها افخم قاعة في ليبيا وفيلو من برا و عقد الماس وشهر العسل مش معروف وين مش زيي ني اه يابختي ااااه
عزيز : هدي روحك ياحنان حتى انتي درتلك حاجه يحلمو بيها الناس
حنان : درتلي شن درتلي تي الكل في القاعة كانو يشكرو فيها ويقرمو عليا هذا كله ع خاطر هي مرت سالم المعبي مش زي حالتي
شاطت في عزيز النار قرب منها وشدلها مرفقها بقوة
عزيز : شن قصدك هااا
تفاجأت من ردة فعله
حنان : حول من عليا خيرلك
عزيز : حنان احترمي روحك وتكلمي معايا بأدب ولا والله نوريك شي عمرك ماشفتيه
ودفعها ع الارض وطلع
تناولت تليفونها وكتبت رقم واتصلت
حنان : ايوا شكله المفعول بدأ يختفي نجيك غدوة ديرلي تجديد ، تمام ح نجيب كل المطلوب …
================================
#شر_انتقام * الحلقة 15 *
#الكاتبةوعدالخضر
فتحت سحر عيونها بشوية لقت وجه سالم في وجهها ابتسمت و ناضت دوشت وطلعت لقاته مازال راقد
قربت منه ونوضاته
سحر : سالم حبيبي نوض
سالم : صباح الجمال
سحر : ههههههه صباح القايله نوض ساعه 12
وقف بسرعه
سحر : خيرك انخلعت
سالم : نسيت نصلي ، صليتي انتي ؟
هزت براسها نفيً
شدها من يدها و دخلها الحمام ووقف جنب الباب
سالم : هي توضي من اليوم كل الصلوات حاضره
توضت وطلعت
سالم : صلي انتي اني بندوش و نجيك
ابتسمت ومشت فرشت الصلايات وقعدت تستنى فيه يطلع
« طبعا سحر اتصلي بس زي معظمنا مش مركزه ع الصلاة هلبا اتصلي اي بس مش كل صلاة في وقتها ع عكس سالم الي كان ضروري يصلي كل صلاة في وقتها و يقرأ قرآن يوميا و ملتزم بالصدقة و الزكاة و الصيام مش متشدد بس مسلم بحق »
بعد دقائق طلع سالم لقاها لابسه بدلة الصلاة ومقعمزه تستنى فيه
سالم : شكلك ماصليتي تعالي نصلو مع بعض
وصلو بعد كملو سمعو تخبيط الباب
ناض سالم وفتح الباب لقاها رهف
رهف : صباحية مباركه ياعريس
نزل راسه بخجل
سالم : تسلمي
رهف : ياخيتي سلمه المتحشم ?? ، مهم هذا فطوركم درناه اني وماما و سر اني درت معظمه ع خاطر سحوره العسل ?
سالم : تسلمي وخيتي ان شاء الله مانفقدوك
ورفع منها السفرة
رهف : ايييي نسيت قول لسحر بعدين بتجيها الكوافيرة للمحضر
هز سالم براسه ايجابا ، نزلت رهف وسكر الباب
حط الفطور ع الطاولة
جت سحر وقفت
سحر : الله ع الروائح الحلوه ?
سالم : هي تعالي نفطرو
وحطو الفطور وقعدو يفطرو وطول الفطور سالم يوكل في سحر بيديه
سحر : من مبكري توكل فيا هيا جاء دوري
مدتله الماكله باس يدها
سحر : ساالم كوول
أكل من يدها
سالم : اي أوامر ثانيه ؟
سحر : اممممم خل نفكر قبل
سالم : ههههههه فكري ع راحتك ، المهم رهف قتلك بتجيك المره نسيت اسمها للمحضر
سحر : الكوافيره ؟
سالم : ايواا هذي هي
سحر : هههههههههه ضروري نديرلك كورس بيش تفهم كلام البنات
سالم : ههههههه لا ماعندي حاجة بالبنات كلهن المهم فاهمك انتي
سحر : ي حليلي خل نغسل الماعين
بدت تغسل في الماعين وهو يساعد فيها ويهدرز عليها لين كملو
خش سالم ولبس بدلته العربيه
سحر : اححي وين ماشي
سالم : بنمشي صلاة الجمعة وماتنسيش تصلي حتى انتي
هزت براسها ايجابا ومشت جابت المبخرة
سالم : متعوده تبخري من زمان ؟
سحر : لالا تعلمت من اختي مريم وماما
بخراته وساوتله بدلته وطلع
وهو طالع لقى عزيز طالع من شقته سلم ع خوه
عزيز : بخور وحركات عرسان ?
سالم : ههههههه هذا هو ضروري نخشو في الجو ، بيش ع الاقل يصيرلك تغيير ويعرفو انك متزوج
عزيز : اييي صح اني نازل للفطور تعال معاي
سالم : لالا الحمدالله فطرت في الحوش
شاف عزيز لروحه ملابسه معكرشة و نازل جيعان وحنان راقده ومش معدلة ع شيء
نزل راسه بأسف ومشا
خش سالم ع امه وباس ع راسها
سالم : شنو عزيز تمشي معاي للصلاة ؟
تكلم عزيز وفمه معبي ماكلة
عزيز : لالا قاعد نفطر خليها مره ثانيه
طلع سالم
تلفتت رهف لعزيز الي كان ياكل بشراهة
رهف : امال وين مرتك ياعزيز ؟
عزيز : راقده راقده
رهف : في وحده متزوجه ترقد لل12 و راجلها نازل يتغدى عند امه ، كان ماتعرفش اتطيب شوفلها شيف يطيبلها البايرة
عيط عليها
عزيز : رهف ضمي فمك
رهف : ووووه منك حتى كان الواحد يبي مصلحتك تهزبه ?
ومشت لغرفتها تتأفأف
غيثيه : ياوليدي معاش تقسى ع اختك هك البنت تبي مصلحتك وواجعها حالك زي ماواجعني
حط الكاشيك بقوة وطلع
عند حنان
ناضت تلفتت يمين ويسار مالقت عزيز جابت كيسه وحطت فيها قميص لعزيز و شعرات من المشط متاعه ودخلتهن في شنطتها ولبست وطلعت
وصلت للمكان وخشت
كاميلا : ياهلا ومرحب بكنة عيلة الجابري
قعمزت حنان بغرور وعطت كاميلا الكيسه
حنان : اهو كل الي طلبتيه ، رديه ليا زي ماكان تخايلي امس قريب ضربني والله لين خفت منه
خبطت كاميلا ع قلبها بخوف متصنع
كاميلا : لاه لاه مدام قعد فيها ضرب لازم نغيرو الحاجة
حنان : وشن بتديري ؟
كاميلا : الحاجة كانت بعيدة توا لازم تقرب بيش تعطي مفعول اقوى واحسسن
حنان : ايييي وبالله عليك نبيه زي الخاتم في يدي وماينتبه لتصرفاتي ومكالماتي
كاميلا : هههههههاي تي خودي راحتك بككل لكن السعر بيزيد راه اهو عطيتك العلم من تو
طلعت حنان رزمة من الفلوس ولحوتها لكاميلا
حنان : ديري المطلوب الفلوس ماتهمش
وحطت رجل ع رجل، رفعت كاميلا الفلوس وبدت تحسب
كاميلا :دقائق ونجيك
شافتلها حنان بعدم مبالاة وطلعت تلفيونها وبدت تهدرز
بعد دقائق جتها كاميلا وفي يدها زجاجة صغيره وشيشة مياه ومدتها لـحنان
كاميلا : هذي الزجاجة 3 مرات في اليوم ع الفطور و الغداء والعشاء تخليه مايقول الا الكلام الي تبيه ويرضيك
#شر_انتقام * تابع الحلقة 15 *
ومدتلها شيشة المياه الي كان لونها غريب
كاميلا : وهذي تصبيها وراه بعد يطلع فيها شوية ريحة لكن كويسه تخليه يتحرك زي ماتبي انتي
رفعت حنان الحاجات ورجعت لحوشها
طيبت الغداء ع غير عادة وحطت لـ عزيز من الزجاجة
خش عزيز للحوش وشم ريحة الماكلة
عزيز : حنان الريحة هذي في حوشنا ولا حوش خوي ؟
تكلمت في سرها
حنان : عطك جدري وانت حتى الشم ماتعرف تشم ?
علت صوتها
حنان : عندنا ياحبيبي تعال تغدأ امدايرتلك احلى غداء
استغرب عزيز من تصرف حنان لكن منظر لأكل عماه عن كل شي وبدأ ياكل زي المجنون
تكلمت حنان بصوت واطي
حنان :
” كول كول بيش نتحكم فيك ههههه ”
عزيز : قلتي حاجة ؟
حنان : قتلك كول بالصحه والهناء
ابتسملها وكمل ماكلته
عزيز : هي اني بنرقد نعست هلبااا
وخش رقد
عند سحر
جوها امها وخواتها سلمو عليها وجابولها حلويات وعصائر و… وروحو
بعدها جتها رهف ومعاها الكوافيرة
رهف : سحوره ريحة الماكلة هذي عندك ولا عند شقة عزيز
سحر : لا والله ماطيبت حاجه الي جبتوه ليا ع الغداء حطيته سلم دياتكم
رهف : سلمك ياحنه ، يعني في شقة عزيز ياوخيتي شن خطر عليها وهي من يوم تزوجت ماحرقت حتى بصله
ضحكت سحر ع كلام رهف ??
رهف : ياوخيتي حتى بعد تضحكي احلى منها مسكين عزيز والله
سحر : ههههههه خلينا منهم توا خلي الكوافيرة تبدالي
هزت رهف براسها إيجابا ونادت ع الكوافيره الي بدت في سحر فور دخولها
بعد ساعة
لبست سحر و نزلت سلمت ع الناس وتصورت مع سالم وهو قريب يطير بيها والكل لاحظو حبهم لبعض
تعشت مع اهل راجلها وركبت لشقتها لقت حنان واقفه ترش في مياه قدام باب شقتها واول ماشافت سحر خشت وسكرت الباب بقوة
شافتلها سحر بأستغراب وحطت يدها ع أنفها من الريحة القوية وخشت
بدلت ملابسها وحاست ع الشقة شوية وقعدت تستنى في سالم
خش سالم لقاها مقعمزه ع الكنبة وتتفرج ع التلفزيون باسها ع خدها و مدلها تذاكر السفر
شافتله بفرح
سحر : شن هذوم ؟
سالم : تذاكر سفر لـ باريس و ميلانو و لندن
حطت يدها ع فمها بفرح
سحر : بجد تحكي ؟
سالم : اكيد بجد هي وتي روحك طيارتنا مازال عليها 3 ساعات بسس
جرت عليه وحضناته بقوة ودمعت عيونها مسحلها دمعتها
سالم : علاش تبكي توا بسس
سحر : هذوم مدن أحلامي ?♥
سالم : اي عارف هذا علاش اخترت انسافرولهم
سحر : ي حليلي ?♥
ورجعت حضناته ، بادلها الحضن ومسح ع راسها
سالم : هياا وقتت
سحر : اي اي هيا بسرعه بسرعه
سالم : وقتك يبدأ دحين ?
ناضت تجري وترتب في الشناطي وسالم يساعد فيها
كملو ترتيب شناطيهم و طلعو قدام باب الشقة فجأة انفتح باب شقة عزيز وطلع لقاهم لابسيين و رافعين شناطيهم
عزيز : شن حالك مرت خوي ؟
شافتله سحر بعدم مبالاة وردت بالحمدالله
عزيز : سالم نبيك في موضوع ضروري
سحر : اني بننزل نسلم ع عمتي ورهف
سالم : تمام خلي الشناطي توا اني انزلهم
نزلت ع الدروج وكانت الصدمة بعد سمعت عزيز قال لـ سالم …
==============================
#شر_انتقام * الحلقة 16 *
#الكاتبةوعدالخضر
نزلت ع الدروج وكانت الصدمة بعد سمعت عزيز قال لـ سالم
عزيز : نبي 100 الف ياوخي
سالم : 100؟ شن تبي فيها
عزيز : بنغير كم حاجة في الشقة
سالم : تمام توا نكلم المحاسبة يحطولك المبلغ في حسابك
عزيز : تمام صحيت وخي
ابتسم سالم ونزل
نزلت سحر بسرعه بيش مايشوفها سلمت ع عمتها ورهف
نزل سالم الشناطي وسلم عليهم وركبو السيارة
حطت يدها ع خدها وشافت للروشن
سحر :
” عزيز علاش يستغل في سالم هك قصدي 100 الف بيغير بيها حاجات في الشقة ؟ وبعدين الشقه جديده شن بيغير المشكله سالم طيب هلبا ومش حاس انه عزيز يستغل فيه وياخد في فلوس ماعنده حق فيها وياريته حد يخدم معاه ويساعده الخدمة كلها ع راس سالم وعزيز يصرف بسس ??♀ ”
حست بيد سالم قريبه منها ، تلفتت عليه
سالم : ندور في يدك معاش لقيتها
ابتسمت و شدت في يده
سالم : خيرك في حد ضايقكك في شي ؟
سحر : لا شي
سالم : كانك تعبانه نأجلو السفره عادي
سحر : لا مجرد صداع حبيبي مافيا شي بعدين متحمسه للسفره هلبا مانبيش نفوتها
ابتسملها بحب وكمل طريقه
عند عزيز
حطت حنان يدها ع خصرها
حنان : والله ؟
عزيز : اي ياحنان قال بيكلم المحاسب
حنان : وانت صدقت زي الاهبل
عزيز : شن بندير يعني نقوله لا عطيني توا
حنان : اي اتقوله يعطيك توا نبي كاش اني مانبيش متاع المصرف
عزيز : يا حنان ياحبيبتي كان تبي كاش اسحبي من المصرف المبلغ الي تبيه وخليه عندك واصرفي كاش
قلبت عيونها للجهة الثانيه ?
قرب منها عزيز وطلع من جيبه كل الفلوس الي عنده ومدهم ليها
عزيز : هاك هذوم لين تطلع فلوس المصرف ونزيدك تمام
حنان : باهييي مش بطال
عزيز : هي اني نازل لـ امي خودي راحتك انتي
هزت راسها ايجابا وعيونها ع الفلوس تحسب فيهم طلع وسكر الباب وراه
حنان : 1500 في دقيقه ، والله ياكاميلا وطلعت خدمتك زابطه ، احي نسيت خل نمشي نرش المياه وراه
رفعت المياه وفتحت باب شقتها ورشت المياه في المكان الي مشا منه عزيز
« للناس الي ماعرفوش شن قصة المياه هذي مياه فيها سحر عطتها كاميلا لحنان بيش عزيز يسمع كلامها وطلبت منها كل مايطلع عزيز ترش المياه وراه »
فجأة لقت رهف واقفه وحاطه يدها ع خشمها وتشوفلها
رهف : شن العفن الي تصبي فيه هذا ؟
انصدمت حنان
رهف : تكلمي شن هذا ؟
حنان : هذا مبيد حشرات بعدين شن دخلك انتي
شافتلها رهف بغيض لكن خافت عزيز يهزبها لو تكلمت معاها
واتجهت لشقة سحر وفتحتها
حنان : شن عندك في شقة سحر ؟
رهف : شقة خوي ومرت خوي سحوره العسوله بعدين شن دخلك انتي
وكشخت عليها وسكرت الباب بقوة في وجه حنان
حنان : هالفرخة الحقيره تبيلها حتى هي عمل ?
سمعت صوت تلفيونها جرت ع الصالة وردت
حنان : ها حبيبي يانور عيوني انت
مع طلعت رهف من شقة سحر وتسمع في حنان تتكلم قربت رهف من الباب بيش تسمع كويس ، شافتها حنان من ع المرايا
حنان : حبيبي عزيز تعال للعشاء
وسكرت الخط
وتلفتت ع رهف الي مالحقت تهرب وشدتها حنان من مرفقها بقوة
حنان : واقفه تتصنتي عليا يالي ماتتحشمي
رهف : وانتي من قالك تخلي باب شقتك مفتوح
حنان : نخليه مفتوح نخليه مسكر مادخلك فيا
نفضت رهف يدها من حنان
رهف : اياك مره ثانيه تغلطي معايا ياحنان
حنان : هههههههههاي وشن بديري يعني
رهف : حـقـــيـــْْرة
وبدت حنان اتنزل دموع التماسيح بدون مقدمات
رفعت رهف حاجبها بتعجب وماتلقى غير جايها كف من حيث لا تدري ولا تعلم ، حطت يدها ع خدها بألم ونزلت جري لغرفتها
قرب عزيز من حنان
عزيز : حبيبتي حنان ماتزعلي روحك
حنان : اهئ اهئ علاش اختك تعامل فيا هك واني مادرتلها شي اهئ اهئ
عزيز : خلاص ي عمري ماتبكي اهو ضربتها ع خاطرك
مسحت دموعها وخشت شقتها ووراها عزيز
صباح يوم جديد
سالم : سحورتي نوضي للصلاة
سحر : خليني شوي مازال نعسانه
سالم : لالا نوضي مافيش نوم
غطت وجهها ورقدت
حول سالم عنها المفرش ورفعها بين يديه ووقفها في الحمام
سحر : ساااالم
سالم : هي توضي بدون جدال
رفعت اكمام توتتها وبدت تتوضأ وبعدها صلو
سحر : سالم علاش ديما اتذكرني بالصلاة
سالم : لأني ياروح سالم مانبيش نخش الجنة بروحي نبيك معايا زوجة دنيا وآخرة
سحر : ي حليلي يعني توا تبي تقنعني انك ماتبيش زوجة من الحور العين
سالم : ومن مايبي هالحور العين ?
ضرباته ع كتفه
سالم : ههههههه نبصر نبصر وربي نبيك انتي وبس لأنك تغنيني عن كل شئ فلذلك لازم تسمعي كلامي واتصلي
سحر : حاضر من عيوني
سالم : هي ارجعي ارقدي بيش بعدين بنطلعو
سحر : وانت شن بتدير
سالم : بنقرأ شوية قرآن
قربت وقعمزت جنبه
سحر : بنقعد معاك
ابتسم وبدأ يقرأ في القرآن بصوته الجميل
بعد مرور شهر
حنان كل مره تزيد في الجرعة لعزيز بيش يسمع كلامها اكتر
عزيز قعد الي تبيه حنان حاضر وقطع علاقته بإي حد غيرها
غيثيه حزنانه ع حال ولدها بس مش عارفه السبب ومش قادرة اتدير اي شي غير انها تدعي لربها يبين الحقيقة
سحر وسالم عايشين في العسل كل اسبوع في دولة و الفرحة مش سايعتهم و حبهم كبر اكتر وتعلقو ببعض اكتر
في يوم
روحو سحر وسالم لليبيا واخيرا
فرحو بيهم الكل ورحبو بيهم
سالم : هي ياامي عن اذنكم بنمشو نرتاحو
رهف : خلييكم مازال ماهدرزنا
سالم : العشية اني طالع و سحر بتنزللكم وهدرزو ع راحتكم
ابتسمت رهف
وركبو العروسين لشقتهم
في الشقة المجاورة
حنان : ريت كيف رحبو بيها مش زي حظي انا ووووه عليا وووه
عزيز : حبيبتي هدي اعصابك
حنان : شن بنهدي بس علاش يعاملو فيها كويس واني لا
عزيز : لأنها تعامل فيهم كويس حاولي حتى انتي اتديري هك
حنان : شن قصدك يعني اني مش كويسه ولا كيف
عزيز : ماقلتش هك بس انزليلهم وهدرزي مره مره اكيد بيحبوك زيها
حنان : اووف توا بعدين ننزل ونشوف اخرتها معاهم
في العشية
سالم : أميرتي اني طالع توا احتمال نروح متأخر
تلتفت عليه سحر وقربت منه وشدت في جاكيته بدلع
سحر : مازال ماشبعت منك طول هك بتمشي للخدمة
حط يده ع خصرها وقربها منه
سالم : نفوت الخدمة كلها كان في يوميا دلع هك
ضرباته ع صدره بشويه
سالم : اااه ياقلبي
سحر : سالم شن فيك ?
سالم : قلبي فجأة نخصني مش عارف خيره ااه
ارتبكت سحر
سحر : ااا علاش ااا شن بندير سالم تعال قعمز باه
تسند عليها و قعمز ع الكنبة
غمض عيونه
سالم : مياه مياه
جابتله مياه وشربها
سحر : وليت كويس ؟ شن تبي ثاني
فتح عيونه وشافلها
سالم : محلاك وانتي خايفه عليا ?
وقفت بحنق
سحر : حرام عليك خوفتني وفي نهاية تطلع بصارة
سالم : تي نبصر ماتزعلي خلاص اسف
سحر : معاش تعاودها
سالم : حاضر من عيوني ، هي اني ماشي تأخرت
نزلت سحر لتحت لقت غيثيه راقدة ف قعدت تهدرز مع رهف في الصالة خشت عليهم حنان طول ناضت رهف ومشت للمطبخ
ابتسمت سحر بمجاملة
سحر : مرحبتين حنان اا خلي نجيبلك فنجان بيش تشربي معانا القهوة
شافتلها حنان بعدم مبالاة
لحقت سحر رهف للمطبخ
سحر : خيرك مع حنان
رهف : عزيز ضربني ع خاطرها
سحر : اياه امال شن درتي
رهف : فوتيها ماخاطري نحكي عليها هالمستفزه
سحر : رهف والله فكك من المشاكل في النهاية هذي مرت خوك ولازم تحترميها كان مش عشانها عشان خوك
رهف : اووف ان شاء الله
رن تلفيونها
شافتله لقت المتصل حبيبها وتحشمت ترد جنب سحر
سحر : ههههههه ردي ردي
« طبعا رهف تحب ولد عمها ويوم ضربها عزيز يوم باقة الورد لو تتذكرو كانت خايفه انه عرف بعلاقتها بيه »
رفعت سحر الفنجان و مشت قعمزت مع حنان
وماهي الا دقائق وجت رهف تكشخ
حاولت سحر تلطف الاجواء
سحر : نسييت الهدايا ياجماعة نجيبهم ونجيكم لحظه بس
ركبت لشقتها وجابت الهدايا وبدت توزع
سحر : هذي هدية عمتي غيثيه بعد تنوض عطيهالها وهذي هديتك رهف ان شاء الله تعجبك
رهف : ياخيتي سلمها مش زي ناس جابو لكل قبيلتهم وماجابو لأصحاب المال
وشافت لحنان
سحر : رهف
ومدت سحر لحنان هديتها وماقالت حتى شكرا
شافتلها رهف بغيض ، ابتسمت سحر بمعنى عادي
رهف : سحوره احكيلي شن درتو في باريس و لندن و ميلانو يااي احلى مدن في العالم عرفتو تختارو مش زي الشلافطيا الي نعرفهم سافرو تركيا ويسحابو روحهم مشو القمر
وقفت حنان
حنان : هيه انتي من بكري ساكتتلك وانتي ولا قلتي نسكر فمي نفختينا سحر سحر ريت هذيك الحاجه الكبيره
وقفت سحر وشافت لحنان بأستهزاء
سحر : اي كبيره وهلبا ياماما ع الأقل مقارنة بيك
حنان : شن قصدك يعني
سحر : قصدي اني لو شفتلك بس نكون درت فيك خير فلذلك احترمي روحك ووازي كلامك لأنك مش قدي تمام
ومشت قدامها بكل ثقه
حنان : تعالي ياخوافة
رجعتلها سحر ووقفت قدامها وطبعا سحر اطول من من حنان بـ هلبا
اشرت بأبصبعها السبابة تهديدا
سحر : اسمعي اني مش متاعت كترة كلام راه نحذرك مره و اثنين الثالثه ندفنك في أرضك ومايهمني ، و اي رهف خط احمر ياحلوه بعد تجي تتكلمي معاها اتذكري اني وراها واظن انتي عارفه اني منو وشن نقدر اندير
رعشت حنان ع بعضها وركبت جري لشقتها
رهف : اوميقاد سحر ماعرفتك ??
سحر : ههههههههه نعجبوك وربي اني مش متاعت مشاكل بس الي يغلط فيا ندير معاه الواجب وهي بجد مستفزه ع قولتك
رهف : ايوااا هذا الصح ??
ابتسمت سحر
ركبت حنان لشقتها وطايرتلها منهم فتحت التلفيون واتصلت وقعدت تهدرز
بعد ساعات
خش عزيز رافع هلبا أكياس
شافاته رهف
رهف : اووو ع وين
عزيز : ع شقتي طبعا حنان فوق ولا
تكلمت رهف بصوت واطي
رهف : مافالح غير جيبيلها بسسس
عزيز : شن قلتي ؟؟
غيثيه : اي ياوليدي فوق اركبلها
ركب عزيز الشقه واستوقفه صوت حنان في التلفيون
حنان : اسمعي كاميلا عزيز تعبني راه ضروري اتديريله عمل أقوى مبرده عارفه بكري كلمني ابراهيم قالي مستاحشك خلاص ياحنه قلت نطلع معاه لاستراحته نغيرلي شوية جو جاء هالخرا الي اسمه عزيز قالي مافيش طلعه
كاميلا : كان فوتي هالجو ياحنان توا انتي متزوجه
حنان : لالا ياقلبي مانقدرش نستغنى عن حبايبي ابراهيم و احميده و علي ووه هالعليوه يدير في شي سكري سكري خل نكلمه بالك نحصلي طلعه معاه
نزل الكلام ع عزيز كأنه نار حنان الي يحبها من طفولته الي دار كل شي بيش يوصللها و طلاباتها كلها مستجابه في النهاية تطلع خاينة وياريته مع واحد مع 3 رجالا و زايده ع هك طلعت تسحر فيه
غمت الدنيا قدام عزيز و مالقى روحه إلا و طايح في حنان ضرب بدون وعي وين ماتجي يده يضرب كل مايتذكر كلامها يزيد يضرب
كانو غيثيه و رهف وسحر متجمعين تحت وسمعو صوت العياط
غيثيه : يابنات في صوت عياط في شقة عزيز
رهف : اييي شكله عزيز تعارك مع حنان احسن تستاهل
غيثيه : نوضو معايا نشوفه عيب يضرب بنت الناس هك
جرو الكل لحنان لقوها غارقه في دمها وتعيط وهو يضرب فيها ، تدخلو الكل بيش يفكو حنان من بين ايدين عزيز ف شدها من شعرها وكرها في الدروج ونزل بيها وهي تعيط بأعلى صوت
فتح باب الحوش و لوحها في الشارع
عزيز : رجعتك للشارع مكان مالقيتك يا&&&&
قربو منها رهف و سحر بيدخلوها
عزيز : اقسم بالله اتدخلوها للحوش نقتل روحي توا
سحر : عزيز استهدى بالله مهما ماتكون المشكله كبيره مايجيش تتعامل معاها هك
عزيز : كلمه وقلتها انا وربي نقتل روحي ونقتلها
غيثيه : خلاص ياوليدي مابيقربها حد
ركب لشقته جاب حاجه وبعدها ركب سيارته وطلع ، دخلو حنان وحاولو يساعدوها ، دقائق ويسمعو في تخبيط الباب بقوة وخشو خوت حنان الـ 4 كروها من شعرها وطلعو بيها
تلفتت رهف ع امها بذعر
رهف : ماما شن هذا ?
قعمزت غيثيه بتعب وحطت يدها ع راسها
غيثيه : اه كلمو كلمو سالم يجي ربي يستر ربي يستر
اتصلت سحر بسالم وخبراته ع الي صار الي جاء بأسرع مايمكن خش لقى الممر كله دم
سالم : شن صاير ياجماعة علاش عزيز دار هك ؟
سحر : مش عارفين والله و الأغرب تصرف خوتها
غيثيه : ياوليدي اتصل بخوك خايفه يدير في روحه حاجة
اتصل سالم لقى الرقم مقفل
سالم : مقفل ياامي ، بنمشي لي اهل حنان غلط الي صار غلط كبير
سحر : رد بالك ع روحك شكلهم مش ناويين ع خير
هز سالم براسه ايجابا وطلع واتجه لحوش اهل حنان خش للمربوعة الي كان الأب مقعمز في وسطها وحاط يديه ع راسه بعد شاف سالم رفع راسه و رحب بيه
سالم : ياعمي اني كنت في الخدمة و مانعرفش شن الي صار و اسف ع تصرف خوي امسحها في وجهي وسامحني
الأب : انت الي سامحني ع عدم تربيتي لبنتي جابتلي العار ووطتلي راسي قدام الناس
سالم : ياعمي اني مش فاهم شي عزيز تلفيونه مقفل ياريت تفهمني شن صار
الأب : الي صار اني ماعرفتش نربي بنتي لدرجة خانت راجلها و خانت ثقتي فيها ، اليوم عزيز سمعها تتكلم بالتليفون مع وحده سحارة تبيها اتدير شي لعزيز بيش يسكت عن خيانتها و بعد ضربها ودار الصح فتش تلفيونها و لقى صورها مع شباب في اوضاع استغفرالله ياربي صبرك بسس
سكت سالم من هول الكلام الي سمعه
قطع سكوتهم خشت خو حنان
خو حنان : يابوي درنا اللازم وين ندفنو ؟
الأب : وين ماتبو فكوني منها بسسس
هز الاخ راسه وطلع
انصدم سالم ?
سالم : يدفنو شنو ؟ شن في
الأب : غسلنا العار بالدم وتوا تفضل ياوليدي لحوشكم ورانا عزاء
نزل سالم راسه بأسف
سالم : لا حول ولا قوة الا بالله
طلع وهو في راسه ألف قصة معقوله في ناس للوقت هذا يقولو ” غسلنا العار بالدم ” الدم والقتل عمرهم ماكانو حل لي اي شي القتل خطيئة و مش حل
سالم :
” ابو جهل مات بس الجهل مازال قاعد ومستمر في الانتشار ربي يهديهم ”
وصل للحوش وجهه اسود من الي صار قابلوه امه واخته و مرته شافلهم بوجع و خش لشقته مباشرة بدون اي كلمة
غيثيه : خيره هك بسم الله
سحر : هدي روحك ياعمتي توا اني نشوف خيره ونقولك
هزت غيثيه براسها ايجابا و قعمزت بتعب
ركبت سحر لشقتها لقت سالم مقعمز ع الارض وراسه تحت
قربت منه وحطت يدها ع كتفه تحاول تسانده رفع راسهه وشافلهاا
سالم : قتلوها ياسحر ع خاطر غلطة
اتسعت عيون سحر
سحر : من الي قتلوها احكيلي شن الي صار
حكالها كل شئ
سالم : نأسف ان في ناس هك تفكيرهم معاق لهدرجه كان في هلبا طرق لمعاقبتها غير القتل بس هم اختارو الابشع
سحر : الله غالب لازم ندعولها بالرحمة بس
سالم : ربي يرحمها ، لازم نديرو عزاء في النهاية هي فرد من عيلتنا ، بس توا ضروري نطلع ندور ع عزيز وبعدها يصير خير
هزت سحر براسها ومشت وراه طلع هو لبرا وهي نزلت لعزوزتها وحكتلها الي صار
وصل سالم لأستراحة عزيز ولقاه…
#شر_انتقام * الحلقة 17 *
#الكاتبة_وعد_الخضر
وصل سالم لأستراحة عزيز ولقاه مقعمز ع الارض وحاط راسه بين رجليه قرب منه سالم و قعمز جنبه و ربت عليه
سالم : هذا حال الدنيا ياخوي نسأل الله يتقبلها برحمته
رفع عزيز راسه
عزيز : علاش صارلي هك ياخوي علاش البنت الوحيدة الي حبيتها وتمنيت نكون معاها اتدير فيا هك و تطعني في ظهري عطيتها حبي و ثقتي و في النهاية طلعت اتخون فيا علاش بس قولي
سالم : قضاء الله وقدره واكيد الي صارلك حكمة من ربي مش من فراغ مرات رايدلك الخير
غمض عزيز عيونه وتذكر البنات الي لعب بيهن والي ضحك عليهن و كسر قلوبهن الي خدا منها غايته وخلاها ملوحة ومشا الي فضح بيها قدام اهلها لأن رفضتله طلب الي شوه سمعتها لأن رفضت تتكلم معاه وتذكر الي داره في سحر والي كان ناوي يديره في اختها وتذكر كلمة سراج ليه ” كما تدين تدان ” وعرف ان الحكمة من يلي صارله العقاب !
فتح عيونه و بكى من كل قلبه ، حاوطه سالم بأيديه وقعد يسكت فيه
عزيز : ربي عاقبني ياسالم نسيت كل الي درته ونسيت ان ربي ح يعاقبني عاجلا ام اجالا
سالم : استهدى بالله ونوض معايا ورانا الف حاجة خليك قوي ماتنكسرش ، مرتك ماتت لازم توقف في عزاها واتدير الواجب
عزيز : ماتت بسببي اني الي خبرت خوتها ع خيانتها بس يشهد عليا ربي ماكنتش ناوي ان القتل خبرت خوتها في لحظه غضب بيش يعاقبوهاا بس لكن هم قتلوها ?
سالم : نوض معايا انت بس و بعدها ح ناخدو حقها
عزيز : كيف ؟
سالم : بعدين ح تعرف ، هيا
مشو البيت ودارو العزاء ومرت الايام صعبه ع الكل
عزيز كان متحطم من كل النواحي جسديا ونفسيا كان ضميره يأنب فيه ع موتت حنان بكل لحظه ومش عارف شن يدير بيش يصلح غلطته الفادحة
في يوم كان عزيز قاعد في شقته و الحزن مغيم عليه خش عليه سالم
سالم : هي نوض دوش و بدل ورانا مشوار
عزيز : مش قادر نمشي لإي مكان ياسالم خليني في حالي
قعمز سالم جنب عزيز
سالم : ح نحاولو نصلحو الغلطه الي صارت ولو ب اقل شي نقدرو عليه بيش معاش تتعاود ومعاش حد يحلل قتل النفس بحجة الدم يغسل العار الدم يزيد العار لازم نقضو ع هالعادة الجاهلية وانخلو قصة موت حنان عبرة لمن اعتبر
عزيز : وشن بنديرو يعني ح نردو حنان للحياة و نمنعوها تغلط بيش ماتموتش ؟
سالم : لا لأن هالشي في يد ربي بس لكن ح نديرو الشي الي في يدنا والي يمنع الموت بسبب غلطه
ظهرت علامات التساؤل ع وجه عزيز
سالم : قتلك نوض بس وتوا تعرف
بعد ساعات كانو سالم و عزيز في مكتب احد اشهر و اشطر المحاميين في البلد وحكوله كل القصة
المحامي : بس هك سيد عزيز ح يكون طرف في القضية و ح تتوجهله تهمة التحريض على القتل
عزيز : اني غلطت و بنتعاقب زي زي خوها الي قتلها و راضي بـ هالشي
المحامي : اذن ع بركة الله ح نجهز الاوراق و نقدم القضية للمحكمة في صباح الغد وبإذن الله ح تكون قضية رأي عام و الكل ح يتعظ و تندثر هالعادة الجاهلية ، بجد انحيكم ع شجاعتكم لأنكم ب هالشي ح تنقذو الكثير من البنات الي كان من الممكن أنهن يموتو بسبب غلطة
سالم : هذا السبب الي خلانا نقدمو هالقضية إننا نقضو ع الجهل الي للأسف منتشر في مجمتمعنا
ابتسم المحامي بفخر وشرع بتجهيز الأوراق المطلوبة
بعد مرور عدة ايام
قدرو الأخوين يكسبو القضية بعدما الشهود أكدوا انهم سمعو صوت عياط حنان وطريقة قتلها و دفنها و ان غلطها مايبررش قتلها ، فلذلك حكم القاضي ع خو حنان بالسجن لفترة طويله و عزيز حتى هو كان عنده عقوبة سجن بتهمة تحريضه ع القتل ، الكل سمعو بالقضية وقصتها و كيف كان جزاء القاتل وبجد قدر سالم يوصل رسالته للناس
كان واقف عزيز خلف قضبان السجن ويكلم في سالم
سالم : الحمدالله وصلنا رسالتنا و ب هك كل مايفكر اي حد انه يقتل شخص ح يتذكر انه ح يلاقي نفس مصير خو حنان الله يرحمها
عزيز : الحمدالله ربي يسامحني ع كل الي درته ويغفرلي ذنبي
سالم : ان شاء الله
وصل سالم للحوش الي كان اهله حزينين ع حالهم ، خشت فجأة اخت حنان ( سلسبيل )
سلسبيل : هك ارتحتو ها اختي ماتت بسبب ولدكم و خوي توا في السجن كله منكم
وقفت سحر وتكلمت معاها
سحر : استهدي بالله الي صار لـ اختك قدر ربي و كلنا حزنانين عليها و عزيز خدا جزاته و زيه زي خوك غلط و قاعد يتعاقب
سلسبيل : انتي بذات ماتتكلمي مدايره روحك شريفة واختي خاينة وشن تقلي عنها ها ع الاقل اختي مشت للبعيد مش زييك مشيتي لخوه
الكل انصدم بكلام سلسبيل
سالم : شن اتقولي انتي ، روحي لحوشك ياانسة وفكينا من المشاكل
سلسبيل : بالله امشي انت التاني راقدلي ع وذانك وماتندري ع شي ، زوجتك المصونة كانت ع علاقة بخوك الندل عزيز قبل لا تتزوجك
طبعا حنان عرفت بعلاقة عزيز يوم جت سحر لفرحها فشكت في الموضوع وسألت عن سحر وعرفت الحقيقة ، ح تقولو علاش ماخبرت سالم نقوللكم علاش لأنها ماكانت تبي تخلق اي عداوة بين سالم و عزيز بيش ماتخسرش الفلوس الي توصلها من عزيز الي هي في الأصل فلوس سالم ولكن خبرت اختها كنوع من الهدرزه وبس »
اتسعت عيون سالم بصدمة وشاف لسحر الي كانت حالتها ماتتفسرش
طلعت سلسبيل و خلت العيله في حالة ثانيه
تلفت سالم ع سحر
سالم : شن الي قالاته البنت هذي ؟
نزلت سحر راسها
سالم : سحر نكلم فيك شوفيلي
شدت غيثيه بنتها وخشو لداخل بيش يخلوهم يتكلمو براحتهم
سالم : سحر انتي عارفتيني قداش نحبك ومستحيل نرضى فيك شيء ومستحيل نصدق وحده زيها ريحيني و قوليلي انها تكذب
رفعت سحر عيونها و مسحت دموعها وقررت تحكيله
سحر : ااه صح كلامها اي كنت ع علاقة بعزيز قبل زواجنا وكنت بنخبرك بكل شي من البداية بس
قرب منها سالم وشدها من يديها بقوة
سالم : بس شنو يا سحر بس شنو معقولة اتديري فيا هك بعد الحب الي عطيته ليك تطلعي تحبي خوي علاش درتي فيا هك
غمضت عيونها ودموعها تنزل بغزارة
سالم : تكلميييي علاااااااااش في شنو قصرت انا في شنو بس
انهار ع الارض وحط يده ع راسه
بعد دقائق قربت منه سحر وحطت يدها ع كتفه نفض يديها عنه بقوة
سالم : اياك تقربي مني مش طايقكك
وطلع متعصب
قعمزت سحر في نفس مكانه وخشت في حالة هستيريا من البكاء
ركب سالم سيارته وحاير بيه الدليل مش عارف وين يمشي او شن يدير وقف سيارته قدام البحر وقعد يشوفله و يبكي
لأول مره سالم يبكي بوجع بعد موتت بوه لأول مره يحس أنه انخدع انه حب بقلب ونية و اتطعن
غمض عيونه
« كنت شاقي في مشاكل الناس وتوا من بيشقى بـ حالي ، وكلت لك أمري يالله »
حنو غيثيه و بنتها ع حال سحر من طلعت سالم وهي مقعمزه في نفس المكان وتبكي
غيثيه : نوضي ياابنتي ارتاحي في شقتك و ربي يحلها ان شاء الله
سحر : خلاني ياعمتي سندي و راجلي خلاني هذا الي كنت خايفه منه كنت خايفه نفقده بعد ماحبيته اصلا ديما كل شي نحبه يضيع مني
غيثيه : ماضاعش شي المره الشاطرة ترجع راجلها ليها مهما مايصير بناتهم وكلي امرك لله بس
مسحت سحر دموعها
سحر : ونعم بالله ، عمتي والله اني ماخنت سالم ولا عمري فكرت انخونه وعلاقتي بعزيز قبل لا نعرف سالم ونحبه وكنت بنحكيله من البداية بس عزيز الله يسامحه هددني بـ …
وحكتلها كل شي
سحر : صدقيني ياعمتي هذي الحقيقة
مسحت غيثيه ع راس سحر بحنية
غيثيه : مصدقة يابنتي وعارفتك بنت اصول ماتطلع منك الشينة هي نوضي ارتاحي ع خاطر الي في بطنك
حطت سحر يدها ع بطنها بحنية
سحر : كنت ح نخبره اليوم بس الله غالب
غيثيه : توا يهدأ وترجع المياه لمجاريها و تخبريه و نشوف حفيدي بين يديا غير قولي ان شاء الله بس
ابتسمت سحر برضا
سحر : ان شاء الله يارب