زواج مرفوض

الحلقه الثانيه
دخلوا الى المكتب
اول ماكريم شافها رفع حاجبيه وابتسم بخفه
اماهي فقد شعرت بالاحراج اول ماشفته واحمرت وجناتيها
قطع الصمت
اسمك ايه
جاسي :جاسمين حسن
كريم:اهلا ياجاسمين
جاسي :اهلا بحضرتك
كريم بجديه مبدائيا كده انتي عرفتي انك طبعا هتشتغلي معايا
عليا هتعرفك نظام الشغل والمطلوب منك ايه وبعد كده هتنزل شغلها في الحسابات
اهم حاجه عندي الشغل مش بحب اي شغل يتاخر عن ميعاده ملفك قدامي كويس بس اهم حاجه الالتزام في الشغل
جاسي:ماشي حاضر
كريم:تمام تقدروا تتفضلوا على شغلكم
وخرجوا من المكتب

بداءت عليا تعرف جاسي على الشغل
الحمدلله هتريحني عايز انزل شغلي
جاسي:ايه يابنتي هتفرق ماكله شغل
عليا:اه طبعا هتفرق هتعرفي كلامه ده بعدين
جاسي بقلق :انتي هتقلقني ليه
عليا:مش زي ماجيه فى دماغك البشمهندس كريم محترم جدا وتعامله كويس اوي بس شغله كتيرومبيهزرش في الشغل
جاسي:ياستي لو على الشغل سهله
⬜⬜⬜⬜⬜⬜⬜⬜

انا مبسوطه اوي يامامي اننا خارجين هو بابي مش جاي معانا
ساره:لا ياحبيبتي عنده شغل
نور:هوكله شغل شغل
ساره:معلش ياحبيبتي اكيد يوم هياخد اجازه ويخرج معانا
نور:ماشي
كاد ان يخرجوا من باب الفيلا
لكن استوقفتهم هي بصوتها
على فين
ساره بهدوء ما انا قولت لحضرتك ياطنط انا خارجه انا ونور
كاريمان:طيب هتيجوا امتى
ساره:مش عارفه محمد هيخلص ويجي ياخدنا
كاريمان:وليه تعذبي ابني معاكي ماانتي واخده ااسواق يوديكي ويرجعك.
ساره:ياطنط حضرتك محمد هو اللي قال هيجي ياخدنا.
كريمان :اوك متتاخريش مش عشانك عشان خاطر نور بتوحشني انما انتي ترجعي مترجعيش براحتك.
ساره:بدموع محتبسه ماشي ياطنط عن اذن حضرتك

⬜⬜⬜⬜⬜⬜⬜⬜
كانت بحانبها تشرح لها العمل
عليا:ماشاء الله عليكي شكلك سريعة الفهم مش هتتعبيني
جاسي:ههههههههه ميرسي
كادت ان تتكلم لكن قطع حديثها خروجه
كريم:ها ايه الاخبار
عليا :كويس جاسي شكلها زكيه ماشاء الله
كريم :تمام انا نازل الحسابات وراجع
عليا :ماشي يافندم

وبعد كده فضلت تكمل شرح الشغل لجاسي
وانتهى اليوم
جاسي روحت اابيت
فتحت الشقه ودخلت وجدت والدتها في انتظارها

سميره:ايه يابنتي كنت فين كل ده
جاسي بتعب كنت في الشغل ياماما
سميره:هو انتي لحقتي اشتغلتي

جاسي ايوه اصلهم محتاجين سكرتيره
وبداءت جاسى تحكي لمامتها اللي حصل
⬜⬜⬜⬜⬜⬜⬜⬜
كانت تجلس شارده
وابنتها تلعب مع الاطفال
تنتفض فجاءه عندما يضع يديه على كتفها
محمد :ايه ده سرحانه في ايه اكيد فيا
ساه بابتسامه خفيفه اكيد
محمد مالك ياساره
ساره:مفيش
محمد:بس واضح انك معيطه
ساره وبداءت في البكاء
محمد:طيب فهمني في ايه
ماما قالتلك حاجه
نظرت له ساره ولم ترد
محمد:معلش ياحبيبتي انتي عارفه ان دي طريقتها على طول مع اي حد بس بردوه عارفه انها طيبه جدا
ساره ببكاء عارفه بس والله انا بتعامل معها كويس
محمد عارف والله بس بردوه انتي عارفه هي شويه كده وشويه كده ⬜⬜⬜⬜⬜⬜⬜⬜

نزل من سيارته دخل الفيلا
وجدت والداته جالسه بتسمع االتلفزيون
كريم:مساء الخير
كاريمان:مساء النور
كريم:البيت هادي نور مش موجوده والا ايه
كاريمان:الست هانم اخدتها وخرجت
كريم:تقصدي ساره
كاريمان:ايوه هو في غيرها
كريم وهو يجلس بحانبها ياماما ساره دي طيبه جدا
كاريمان:لاطيبه ولازفت هي اللى عامله كده سهونه
كريم:حرام عليكي ياماما انا عارفها من يوم ماكانت بتشتغل عندنا في الشركه ومحمد شافها وحبها
كاريمان:ماجايب الهنا يااخويا
كريم:ههههههههه
كاريمان:انا بقا هخترلك عروستك بايدي بنوته اسبور كده
كريم وهو بيقف:اه انا بقول اقوم اريح شويه قبل مانور تيجي عشان العب معاها شويه
تمسكه كاريمان من ايده وتقعده
اقعد انت هتفضل كده
كريم :هفضل كده ازاي
كاريمان:كريم متستعبطش انت فاهمني انا بقا عندى ليك عروسه ايه قمر
كريم:ماما انتي عارفه انا مش بفكر في الموضوع ده
كاريمان:ليه بقا ان شاء الله وبعدين العروسه اللي انا جايبهالك احنا عارفين وانت كمان عارفها
زفر بضيق :انجي
كاريمان:ومالك بتقولها وانت زهقان كده هي انجى واحشه وبنت خالتك
كريم محاول تغير الكلام
هو بابا فين
كاريمان:جيه قبلك بشويه وطلع يريح
كريم وهو بيغمز بعينه وتسيبي جوزك يريح لوحده ياكوكو ماتقومي تريح جمبه شويه
كاريمان:بس ياواد بطل قلة ادب
كريم :ههههههه هو انا قولت حاجه انتي اللي دماغك بتروح لحاجات غريبه

دخلوا من باب الفيلا
محمد:مساء الخير
الجميع:مساء النور
نور جريت على كريم كرييم
كريم ياخدها في حضن قلب كريم
محمد :عيب يانور اسمه عمو
كريم:ملكش دعوه تقول براحتها
ثم كمل وهو بيبوسها من خدها انا ونور صحاب صح يانور
نور:صح
ثم شالها على كتفه يلا تصبحوا على خير
ساره هههههههه على فين
كريم:هروح اغير هدومي ونلعب شويه انا ونور
كارمان:متنساش تفكر في الموضوع اللي قولتلك عليه
كريم وهو طالع على السلم
ربنا يسهل
محمد:موضوع ايه
كاريمان:موضوع كده بعدين
ونظرت لساره
ساره باحراج:طيب انا هطلع اغير هدومي وابلغهم يحضروا العشا عن اذنكم
بعد ساره ما مشيت
محمد:ايه ياماما الطريقه دي مع ساره ساره مش غريبه وبعدين ياماما لو سمحتي غيري طريقتك معاها شويه عشان خاطري انا
كاريمان:انت عارف اني مكنتش موافقه انك تتجوزها اصلا
محمد:ياماما انتي جايه تقولي الكلام ده بعد ما بقا عندنا بنت 4سنين
كاريمان:اهي نور هي ااسبب في وجودها هنا لحد دلوقت
محمد:يوووه واضح ان الكلام ملوش لازمه انا هطلع اغير هدومي احسن
كاريمان:اطلع ياخويا اطلع
انتهت الحلقه
بقلمي شيماء حنيش