رواية لا تسألنى من انا

#لاتسألنى_من_انا

??بقلم زهور جمال الدين ??

.
?الحلقه التاسعه عشر ?

.

صلاح ورواسى خشو لغرفه الحاجه

-رواسى وصلاح / صباح الخير

-الحاجه / صباح الخيرات

-رواسى / قلت نخلى جنبك سلسبيل ونمشى نغير لى كركور

-الحاجه / اصلا انا مالاول بناديك نبيك فى حاجه

-رواسى / شنو انشاءالله خير

-الحاجه / افتحى الدولاب الفردة اليمين

-رواسى /حاضر

عطت سلسبيل لصلاح ومشت فتحت الدولاب

-الحاجه / هاتى الصندوق اللى قدامك

خداته رواسى ورفعاته للحاجه اعطتهولها

خداته منها الحاجه فتحاته طلعت منه سلسله دهب وفيها

قلب ..ومدتها لرواسى

-الحاجه / السلسله هادى غاليه عليا هلبا ..هداهالى المرحوم

بو صلاح لما مشينا الحج

-رواسى / مفهمتش

-الحاجه / حبيت تكون عندك حاجه غاليه عليا هلبا …

…مالقيتش اغلى من السلسله هادى

-رواسى متفاجئة / وبأى مناسبه تبى تعطيهالى ..ياحليلى والله مانقدر ناخدها

-الحاجه تضحك / لا خوديها هيا ليك

-صلاح مبتسم / فى حد يرد الحاجه عاااد ..الف مبروك عليك سلسله قنينه

__________________________________

غيداء وجيهان فى الجنان

-غيداء/ اسمعى بنقولك زوز اسرار ..واعرفى كيف تتصرفى

-جيهان / قولى

-غيداء/ السر الاول ان رواسى متربيه فى دار الايتام

-جيهان/ حيه عليها ..ريتى ولا

-غيداء/ السر الثانى ان بوها قاتل امها

-جيهان مصدومه / معقولة !!.. من قالك ..انتى متاكدة

-غيداء/ ايه متاكدة

-جيهان / يانااارى تبى الحق سخفتنى

-غيداء/ بديري روحك نيه وجو الطيبه اللى انتى فيه مش

حيصير منك راهو

-جيهان / هيا والله غير اهتمام صلاح بيها مكدرنى..لكن هيا

البنت والله ماضرتنى بحاجه

-غيداء/ تمام سامحينى .. امالا خليلها صلاح وانتى اقعدى صفقى

وتلفتتلها / ياهبله لما قلتلك صلاح يحب وحدة كنت نقصد رواسى …

وحطت يدها على ودنها اليمين / بودانى اهما سمعته وهوا

يقوللها نبيك ونحبك

-جيهان بتعصب/ااااه ..شن قلتى

-غيداء/ اللى سمعتيه ..ولو بتسمعى كلامى حنطيرها من قدامك الليله

-جيهان / تمام

___________________________________

فى حوش وليد

طق الباب …فتح ..لقاه بوه قدامه

-وليد / اهلين بيك يابوى

-محمد / شن حالك انشاءالله غير قاعد عمك خالد

-وليد / ايوتى فى روحه بيمشى لبنغازى

-محمد / غاااادى ..مطول رجليه

وخشو للصاله

-محمد/ السلام عليك

-خالد / وعليكم السلام اهلا بالناس الباهيه

-محمد / ماشى لبغازى

-خالد / ماشى جاى مانيش قاعد يادوبك بنبات ليله

-محمد / وفيش بتمشى

-خالد / فى الطيارة

-محمد / وعلاش ماشى

-خالد / عندى اوراق نبيهم ..وانت عارف كتيبي فى الاصل صادر من بنغازى

-محمد / مدامها ليله كان تبى نمشى معاك نسايرك

-خالد / مادابيا خير من الكساد

-محمد / امالا خلى نمشى نجيب جوازى ونجى

-وليد / تى كيف يابوى عالسريع هكى

-محمد / امك وغادة لاهيات من بكرى قالت امك ماشيين

للمزين ..وتو تبيلها بتمشى فى الليل وبتروح متاخر …معناها

نمشى مع عمك خالد خير

-خالد / امالا تعرف كيف ..نطلعو توة طول نفوتو لحوشك

تاخد جوازك ونطلعو طول للمطار خاطر الطيارة معش وقت عليها

-محمد / تمام امالا تطلعو هى

وبالفعل مشو لحوش محمد خدو جوازه ولبسه بسيطه

واتصل بمريم بلغها بسفره وانه غدوة بيروح

__________________________________

فى الجنان ….

-غيداء/ انتى كان تنفدى كلامى بالحرف حتطلع بروحها منغير ماطلعيها انتى

-جيهان / معقولةةةة

-غيداء/ وراسك زى مانحكيلك

-جيهان / باهى تو نشوف …

وخشو للحوش لقو الحاجه مقعمزة ومعاها سلسبيل

-جيهان وغيداء/ صباح الخير يا ماما

-الحاجه / صباح الخير

-جيهان / وين صلاح

-الحاجه / منغرفش بالك فى داره

-جيهان / اهاا

-الحاجه / تعالى شدى بنتك ياغيداء ..عالاقل حتى تحن عليك

-غيداء/ لابسه ظوافر ونخاف نخبشها

-الحاجه / لا حول ولا قوة الا بالله

طلع صلاح من الممر

-جيهان / ممكن نحكى معاك شوى يا صلاح

-صلاح / ايه اكيد تعالى

-الحاجه / قبل ماتمشى …بنقوللكم انتى وغيداء …لو تبو

تلبسو هنايا اركبو للغرفه اللى مقابله المنور الفوقى

-جيهان / حاضر

وطلعو للجنان هيا وصلاح

-جيهان / شن رايك حبيبي فى التنسيق

-صلاح / يسلمو يدياتك كل شى حلو

-جيهان / تعرف بكرى انخلعت نقزت عليا قتوسه من فوق

-صلاح هازى على تفاهتها/ لاااا الف سلامه عليك

-جيهان / اسمع كان شفتها ثانى بنلزها

-صلاح / حاضر ياستى لزيها عطيتك الادن

-جيهان / هوا ايقولو لو شفتى القتوسه قوليلها كلام تهرب طول

-صلاح / هدا فى الدين ولا فى العرف

-جيهان / منعرفش الحق

-صلاح / ايقولك اي حاجه تبيها تبعد عليك قوليلها بينى وبينك رسوب الله …
وعموما قوليلها اللى يعجبك ..هى نستادنك توة

-جيهان / اوكى حبيبي حنقوللها اللى قلتهولى انت

ومشى لسيارته ولعها وطلع

طلعت غيداء/ شنو

-جيهان / نص الخطه نفدتها ..ربي يستر فى الباقى

-غيداء / انشاءالله

خشت سيارة الطاهر ..طفى السيارة ونزل

-الطاهر/ مساء الخير

-غيداء وجيهان / مساء النور

-الطاهر / حبيت نعطى لكركور هديته لانى بنسافر

-جيهان بهزوة?/ حتى انت بديت اتقول كركور

-الطاهر/ حناه وبوه ورواسى يقولوله كركور

-غيداء?/ رواسى رواسى …باهى غير هات الهديه وخش تو نجيبهولك للصالة

وبالفعل خش الطاهر جنب الحاجه وجابت غيداء كركور

شافه خاله وسلم عليه وعطاهم هديته…

وعلى قد ماحاول ايشوف رواسى مقدرش

ستادنهم ولع سيارته وطلع بيفوت ياخد شنطه ويسلم على

بوه ويمشى للمطار

_____________________________

طلعت غيداء وجيهان كل وحدة منهم مشت للمزين

وصفاء لبست لبسه كاجول حلوة عطتها الحاجه فلوس شرتها

وتكمت رواسى شعرها ولبست القفطان اللى شراهولها صلاح

وبدت المعازيم تخش من اقاربهم

وغادة ومريم جايين فى الطريق

جت صالحه لرواسى / تبيك جيهان فى الدار الفوقانيه

-رواسى مستغربه / وشن تبينى

-صالحه / منعرفش

-رواسى/ باهى خودى كركور طلعيه اهو كملتله تغيير

-صالحه / باهى تمام تو نطلع بيه نقعمزو جنب الحاجه وسلسبيل

لبست رواسى كندرتها وركبت من الدروج مشت للدار الفوقانيه

طقت عالباب

-جيهان / تفضلى

فتحت رواسى الباب وخشت / نعم

-جيهان وقفت وتشبحلها بفوقيه / ماشالله حلو قفطانك

-رواسى/ شكرا

-جيهان ادور حوالين رواسى وتلف / صلاح كان هنايا توة

-رواسى / ايه وشن بنديرله

-جيهان / بالك تحسابيه كان تبعك معناها يحبك حق . …

لا يا ماما ..ايراجى فرصه بالك ايحصل فيك شوط بس راهو

-رواسى / انتى وحدة مريضه

-قربت منها وببرود / قلتله انى مضايقه منك ..فقالى

اتصرفى زى مايعجبك ..لزيها لو تحبى

-رواسى / انتى كدابه

-قامت جيهان تليفونها / حاااضر اسمعيه بودانك

رواسى فى حاله صدمه

اتصلت جيهان بصلاح ..رد عليها ..فتحت المايك

-جيهان / صلوحه حبيبي ..

وغمزت لرواسى / القتوسه اللى تكلمنا عليها بدرى وقلتلك

ضايقتنى ..اهى فى غرفتى توة

-صلاح / توة مكلمتنى على موضوع تافه زى هدا ..تى ماهو

قلتلك لزيها عندك الادن

-جيهان / خفت انزلها تطلع عزيزة عليك وتقولى كيف لزيتيها

-صلاح / لا لا مانقولكش ..قوليلها صلاح قالك اطلعى برة

-جيهان عيونها لمعو / راهو بنقوللها اللى قلتهولى انت كله

بكرى ..
وكان مامشتش بكرامتها ح انلزها

-صلاح / ديري رايك

وسكر الخط …

تلفتلها/ سمعتى بودانك

-رواسى صوتها مخنوق / شنهوا اللى قالهولك عليا ..نحس

فيك دايرة تمثيليه ..مستحيل يكون هدا اسلوب صلاح

-جيهان ضحكت بصوت عالى / نقولك شن قالى بيش تتاكدى

انى ماكدبتش عليك …

-رواسى / ايه قولى

-جيهان/ قالى انك جايه من دار الرعايه ومتربيه فيها..

واعترفلى وقالى قلتلها نحبك فى لحظه ضعف لانك مسافرة

ومسيبتنى ..وباسلى على راسى وقالى سامحينى

-رواسى بدت تبكى/ انتى كدابه

-جيهان قامت التليفون / نتصلك بيه ونقولك شن قالى على

بوك وامك

-رواسى تعصبت وتبكى/ شن قالك قولى بسرعه

-جيهان / قال قالوله فى الدار..ان بوك قتل امك ..وانه

محبوس مؤبد لانه قتلها

-رواسى/ ياكدابه …ياحقيرة انتى وياه

-جيهان / انا تقوليلى حقيرة …تعرفى كنت بنسخف عليك

وبنخليك تقعدى تخدمى

لكن مدامك هكى ماصارليش

ومدت ايديها للباب/ اطلعى برة منشوفش خليقتك فى

الحوش …وصلاح سمعتيه بودانك قالى ديرى زى ماتبى

-رواسى / بنطلع منغير ماتطلبيها منى انتى

ونزلت تجرى وهيا تبكى خشت دارها بسرعه وغيرت

حوايجها …لبست سروال جينز وسوريه طويله وطلعت

منغير ماتكلم حد

مشت تجرى فى الجنان ..حتى صفاء نست تكلمها من كثر صدمتها …

وطلعت من الباب الرئيسى تجرى ماعارفه روحها وين ماشيه

_________________________________

.

غادة ومريم راكبين فى السيارة وماشيين للعيد ميلاد

وهما ماشيين شافو سيارة فى نفس شارع حوش صلاح

خاشه فى الحيط ..ومفيش حد جى للسيارة وانقد المصاب

الحى راقى والشوارع فاضيات واكثر الحياش مزال اهلها

ايشطبو وماسكنوهاش

-غادة / الراجل خاش بالسيارة فى الحيط يااام

-مريم درست / ترا خلى ننزلو نشبحوه

ونزلو الزوز فتحو الباب عليه بالشوى …

وبدت مريم تضرب فيه على وجهه

-مريم / ولدى ..نوووض …نوووض خيرك عندك سكر ولا شنو

وهوا واضح انه حى ويتنفس ووجهه نازل منه دم

-مريم / تعالى نمشو لمتاعين العيدميلاد نخبروهم حد ايجى ينقده

-غادة حاطه يدها على رقبته / مامشينا للناس وناديناهم الا

لقيناه ميت ..نبضه ضعيف هلبا

-مريم / باهى كيف انديرو والناس اللى ايراجو فينا

-غادة/ عندهم هلبا ضيوف غيرنا ..واصلا هما مايعرفوناش

بيش يلاحظو عدم وجودنا

-مريم / قصدك احنا نرفعوه ..بالك رزين علينا

-غادة/ انا نشد من الكتاف وانتى من الرجلين بسرعه خلى نرفعوه لعيادة وليد

وبالفعل شاملوه كل وحدة من جهه وحطوه فى السيارة

وولت غادة تجرى فتحت بوكس السيارة خدت منه جيزدان

اكيدة للمصاب ولقت تليفون طايح تحت خداته ورجعت

تجرى للسيارة وطارو بيه للعيادة

فتحت غادة الجيزدان طلعت بطاقه مكتوبه بالانجليزى

-غادة/ شكله الراجل اجنبى..بطاقته اجنبيه

-مريم / ياودى شكله ليبي

-غادة تقرا فى البطاقه / اسمه الطاهر الصادق

-مريم / ربي يحفظه يانارى اهو قريب نوصلو للعيادة

____________________________________

رواسى طالعه تجرى ماعارفه وين تمشى

والوقت وقت مغرب ….

ماعندهاش مكان تمشيله …

فكرت فى محمود …

مشت للمحل …لقت بوه عمك ابراهيم

-رواسى / لو سمحت ياحاج نبى محمود

-ابراهيم / محمود مهناش ماشى لبلادنا ايطلع فى ورقه من

الكتيب متاعنا

-رواسى / باهى شكرا

ورجعت للطريق وقفت تاكسى وهيا افكار ترفعها وافكار

اتجيبها غير وين بتمشى بس

______________________________

.
صلاح استفقد رواسى

-صلاح / يااام ماشفتيش رواسى وين

-صالحه / نادتها جيهان للدور الثانى

-غيداء خافت جيهان تكشفهم / لا شفتها طالعه منها من بكرى

-صلاح مشغول/ امالا وين مشت ..خلى نمشى نسأل عليها صفاء

.
.
وهيا يانارى ركبت سيارة التاكسى

ووين بتمشى …

حست ان قلبها يبي يرفعها لحوش الدكتور صلاح

ليش مش عارفه

حست ان الحوش فيها حاجه ممكن تكون امان بالنسبه ليها

سبحان كأن قلبها حس ببوها

-السواق / اختى وين تبى تمشى

-رواسى/ تعرف مصنع عصير جوجو

-السواق/ مانعرفاش الحق …لكن هوا فى اما منطقه ..نوصلو

غادى وننشدو

وبالفعل قالتله رواسى على اسم المنطقه ومشولها وسألو على

اسم المصنع ودلوهم عليه طول

وصلت قدام الحوش خلصت التاكسى …ونزلت

طقت عالباب الخارجى لقاته مفتوح

خشت من الكنشيلو لباب اللوح وطقت

فتحلها وليد واضح انه لابس وكيف بيطلع

-رواسى / السلام عليكم

-وليد / وعليكم السلام ..من حضرتك كأنى شايفك لكن وين مش عارف

-رواسى/ انا اللى شفتنى يومها مع المهندس صلاح

-وليد / اهاا ادكرت انتى خطيبته

-رواسى / اياً كان ..المهم انا نبى نقعد عندك يوم ولا يومين لابين مانأمن سكن

-وليد / لكن انا عزابى ..ومنقدرش الحق

-رواسى / بالله عليك خلينى عندك الليله بس لين يطلع

النهار ..وارجوك ارجوك تعاهدنى ماتقولش لصلاح على مكانى

-وليد / غير شن فى

-رواسى / موضوع خصوصى منقدرش نحكيه ..وانا الحق

حاليا مانعرفش حد غيرك نلجئله

-وليد / باهى خشى

وخش وراها وسكر الباب …وقفو فى الصاله

-وليد / والله انتى هنايا فى الحوش فى مقام اختى ..خشى

الدار الوسطانيه وسكرى على روحك ..وماتخافيش انا حنطلع نبات برة

-رواسى/ ربي يحفظك يادكتور جميلك هدا والله ماننساه طول عمرى

وشرين التليفون الارضى

قامه وليد ورد / الو

-الممرضه / السيدة الوالدة ومعاها الدكتورة غادة الصيدلانيه

جابو حالة دايرة حادث ومغمى عليها

-وليد مستغرب / امى وغادة ماشيين مشوار خاص توة

-الممرضه / صح هما لابسين واضح انهم كانو ماشيين

مناسبه المهم يجب حضورك يادكتور

-وليد / حاضر اهو جاى

وسكر الخط…

وتلفت لرواسى / انا بنطلع وماتفتحيش الباب لحد كائنا من يكون

-رواسى/ عاهدنى بدينك انك ماتخبرش صلاح على مكانى

-وليد / مع انى مافاهم شى …لكن حاضر زى ماتحبى اقسم

بالله ماحنقوله لين انتى تطلبى منى هكى

تنفست رواسى براحه

وطلع وليد وسكر الباب وراه

___________________________________

تمت …ويتبع

نحبككككم ❤