رواية لا تسألنى من انا

#لاتسألنى_من_انا

.
??بقلم زهورجمال الدين ??

.
?الحلقه الرابعه عشر ?

.
-الحاجه / والله زى مانحكيلك
-رواسى /معقولة !!..غادة تهرب ليش ..اكيدة فى شى عظيم صار خلاها تطلع من الدار ..لانها ماعندهاش وين تمشى
..فمستحيل تفكر تغادر

-صالحه / يعنى انتى اللى عندك وين بتمشى ..اهو طلعتى من الدار
-الحاجه / صالحه ?.. شن هالكلام هدا
-رواسى/ انا غيرر على غادة..حتى شخصيتنا تختلف

-الحاجه: الصادق منهار ..ياريتنى تاكدت من مكانها وبعتالى خبرته
-صالحه / قدر الله وماشاء فعل
-رواسى / غير قوليله يسأل على فطومه اكيدة تعرف مكانها وين

-الحاجه / من فطومه
-رواسى/ صاحبتنا الرابعه ..بالتاكيد تعرف مكانها
-الحاجه/ تو نقوله

-رواسى/ قوليله يمشى للدار ويسأل حتى على ابله سلمى اكثر اسرارنا عندها ..ضرورى انها تعرف مكانها
-صالحه / الغريب ان اسمها غادة وماتغيرش ..تحيري كيف عرفوه
-الحاجه / مدير الدار قاللهم ان مكتوب فى ملفها كانت لابسه حديدة دهب مكتوب عليها غادة
-صالحه / اهاا
-الحاجه / خلى انوض انكلم الصادق فى التليفون ونقوله على فطومه وسلمى بالك ايديروله راى

_________________________________

الصادق لا ليله ليل ولا نهاره نهار …الم فى قلبه ودموع فى عينه على بنته اللى ضاعت منه مرتين
مرة لما راحت وهيا صغيرة …ومرة بعد عرف مكانها

وبالنسبه لرجوعه لبريطانيا تأجل..وقال لصغاره ارجعو انتو لاعمالكم وتو نلحقكم…
لكن الزوز رفضو ايسيبو بوهم ..وفضلو انهم يقعدو معاه ويدورو على اختهم

وخبراته الحاجه باللى قالتهولها رواسى .. وبالفعل بعت ولده الطاهر للدار باعتباره عارف مراد تحت تصرفهم

مشى الطاهر للدار وتكلم مع مراد وقاله ان فطومه حتى هيا الثانيه اختفت معاها فى نفس اليوم

وسأله على سلمى ….
وناداها مراد وخلى المكتب ليهم الزوز وطلع

-سلمى / هيا كانت تقرا فى الصيدلة ولما عطوها عطلة اشتغلت فى عيادة
-الطاهر / باهى كويس وين هيا العيادة هادى
-سلمى /مشيتلها انا العيادة وسالتهم عليها قالو معش جت

-الطاهر/ باهى واللى اسمها فطومه بالك تعرفى وين مشت

-سلمى/ فطومه وغادة صاحبات وروح وحدة …مستحيلة يتفرقو ..صدقنى هما الزوز فى مكان واحد توة

-الطاهر/ انا بنهبل ..وين مشت بس
-سلمى / اعطى احكامك لربي ..وكانا عندكم نصيب فى شوفتها حتتلاقو معاها

_____________________________

-محمود / انا نبيها يا بوى البنت بنت حلال وعمامها معروفين
-ابراهيم / اسمع ياولدى انا راجل متدين ومانعترضش انك تاخد بنت كانت عايشه فى الرعايه

-محمود / باهى الحمدلله يابوى ان هدا رائيك
-ابراهيم / لكن بردو مامرضاش انك تاخد بنت امك مش راضيه عليها قنع امك وانشاءالله مبروك عليك

-محمود / مدامك انت راضى انا نص الطريق مشيتها..لان امى نعرفها تقعد تناور وفى الاخير ترضى بالشى اللى انت تبيه

وطلع محمود المحل فرحان قريب ايطير ..ويبي يمشى لفطومه ايفرحها معاه ..

ومع انه عارفها زعلانه منه حب ايدير واسطه بانه يمشى لابلة سلمى ويحكيلها تتوسطلها عنده لانه عارف معزتها عند فطومه

قيس العصر قعد واقف فم باب الرعايه ايراجى فى ابله سلمى تطلع ..وبالفعل طلعت وشافها واشرلها انها توقف

-سلمى/ تفضل خوى
-محمود / انتى ممكن ماتغرفينيش لكن فطومه حكتلى عليك هلبا

-سلمى انخلعت / فطومه !!
-محمود / انا فى مشكلة ونبيك تساعدينى ..نحكيلك بصدق ونبيك تحكى مع فطومه وتقنعيها

-سلمى/ هيا وينها فطومه
-محمود انصدم / وين بتكون يعنى عندكم فى الدار ولا

-سلمى / ليها فترة مغادرة الدار
-محمود متعصب/ شن تحكى انتى يا ابله ..وغادة وين

-سلمى/ غادة معاها اختفو فى نفس اليوم ..
-محمود حط ايديه على راسه / وين مشت وين اختفت

ولما قالتله ابله سلمى عاليوم اللى اختفت فيه فطومه لقاه اليوم اللى بعد اليوم اللى تلاقو فيه

عرف نفسه انه هوا السبب
______________________________

رواسى فى دار الصغار ….

غيرت لكركور حوايجه وبترقده ….

طق الباب …

-رواسى / شكون
-صلاح / انا صلاح

سكتت رواسى…فتح صلاح الباب وخش

لقاها عاطيه بالضهر وواقفه على سرير كركور

وقف وراها ..
حط يده على كتفها / فى حاجه
-رواسى صوتها مخنوق/ لا مافى شى

-مسكها من كتافها ولفتها ليه / نحبك
-رواسى / بالله عليك ماتكسرنى

-صلاح / وشن مناسبه الكلام هدا
-رواسى / غيداء قالتلى انكم بتتزوجو

مسكها من يده وهو حامق ورفعها للصالون / تعالى قعمزى

قعمزو عالصالون …

-صلاح / من قالك الكلام هدا
-رواسى/ غيداء قالتلى انها عرضت عليك الزواج وانك وافقت

-يشبجلها / باهى كملى
-رواسى/ فى خاطرى كدبتها ..لكن هيا قالتلى كل الحوش عارف و…فسألت صالحه واكدتلى الموضوع
-صلاح متنرفز/ وليش ماجيتيش سألتينى انا

-رواسى / خفت
-مسك يدها بحنان / خفتى منى انا
-رواسى/ لا خفتك تتنرفز وادير مشكلة واتكدبها ونقعد انا حاصلة

-صلاح مندهش/ حاصلة فى شنو يا هبله انتى راك بديتى وحدة مننا ..انتى تقعدى وهيا تطلع
-رواسى? / صلاح …

-ماسك يدها ويشبحلها / ياروح صلاح
-رواسى/ هيا تكدب ولا صادقه

-صلاح / بصراحة هيا ماكدبتش …صادقه
-رواسى مصدومه / كيف

-قام يدها وحطها على قلبه / انا نقولك كيف
-رواسى واطت راسها متحشمه / لاااا حول يشبحنا حد

-صلاح يضحك ونزل يدها/ حاضر كيف ماتبى
-رواسى / باهى احكى خلينى نفهم

-صلاح / سلسبيل مزال ماعطتنيش فيها تنازل ..وانا نساير فيها لين ناخد التنازل
-رواسى مستغربه / كيف

-صلاح/ كركور عطتنى فيه تنازل وهيا ماتعرفش انها حامل اصلا …ولما اكتشفت انها حامل كلمتها وهديت معاها الامور بيش ناخد البنت طمعت فيا

-رواسى/ اهاا
-صلاح / عرضت عليا الزواج وانا وافقت ..قلتلها لين نكمل اوراق تنازل سلسبيل ونفسخ خطوبتى وبعتالى نتزوجو

-رواسى/ وهيا غبيه لهدرجه تعطيك التنازل بعتالى تتزوجك..تى ماهو تخلى بنتها عندها وتاخدك عادى
-صلاح / انا شرطت التنازل قبل اى شى وهيا رضت

-رواسى/ شكلها حتى هيا تساير فيك بيش ترضى
-صلاح ضحك / ممكن ..

ومسك ايديها الزوز/ لكن انا الشعور اللى حاسه معاك عمرى ماحسيته زمان ..كمية لهفه واهتمام
وضحك/ غير كان ترخى روحك معاى شوى

-رواسى/ وترضى بيا كيف ما انا
-صلاح / انا راضى بيك لو شن تكونى

-رواسى / ترضى بيا حتى لو كنت متربيه فى دور الرعايه
-صلاح مسك ايديها بقوة / راضى

-رواسى عيونها دمعو / رانى ماعنديش اهل
-صلاح/ انا اهلك

-رواسى/ حسيتك ماتفاجئتش ولا ….انت تعرف !؟
-صلاح / خبرتنى امى منغير ماتقصد ..واسمعى يابنت الناس لو انتى تحبينى انا نحبك ونبيك وراضى بيك كيف ماتكونى

رواسى تحشمت نزلت راسها ..

قام راسها بيده / ارفعى راسك حبيبتى

نزلو دموعها وبدت تبكى / انا والدى حى غير مسافر برة

صلاح / ممكن انضمك

حركت راسها وشبحتله بايجاب

مد ايديه الزوز وحضنها / اوعدينى انك تكونى ليا
-حاطه رايها على صدره / راهو صغارك بيقعدو بلا خوال ..وقدام اهلك معندكش نسابات

-صلاح/ انا نبيك انتى وبس..ونبيك بالحلال
-رواسى/ وبتقعد هكى حنون عليا

-ضمها اكثر/ بالعكس بنزيد
-رواسى/ نحبك

-صلاح حاط ايديها عل شعرها يحرك فيه / واخيرا قلتيها من قلبك
-رواسى/ انت حاس بحبي لك من زمان

حولها من صدره وشبحلها حط ايديه على خدودها / اعطينى شهر بس وتكونى زوجتى قدام الناس كلها

-رواسى/ ربي يخليك ليا يا عمرى
-صلاح / شرطى امى وصغارى الزوز

-حطت راسها على صدره/ احنا كلنا عايشين بضلك انت
-ضمها ليه / ربي يخليكم ليا الاربعه

________________________________

وفات اسبوع ….

خالها لامين ماروحش ويوصى فى مختار انه مايتكلمش ولا يدير شى ..لانه عارفه كل قراراته وتصرفاته غلط

ومعاد قاعد يتعدب على صفاء اللى كدبت عليه وخدعاته

اما صلاح ورواسى عايشيين احلى علاقه حب ..الوحيدة اللى ملاحضتهم صالحه وماتبيش تتكلم

اما جيهان استغربو فيها لا جت ولا سلمت على حوش خالتها ولانقرزت اسبوع كامل
تاريتها كانت مسافرة مصر هيا وامها

وغيداء ديل تجرى على مكان اختها وين وتساعد فى خوها وبوها ..وديل اتعاكس فى صلاح ومتأملة انها ياخدها على خاطر صغارها

-رواسى/ معقولة لتوة مالقوهاش وين مشت

-الحاجه / مشى خوها الطاهر سأل عليها فى استعلامات العيادة اللى تخدم فيها قالولها معش جت ليها فترة

-رواسى/ انقولك حاجه ..انا نعرف عن طريق منو نلقاها

-صفاء / عن طريق من

-رواسى/ محمود

-صفاء/ محمود صاحب فطومه …حيه كيف ماخطرش عليا

-الحاجه / غير فهمونى من محمود ومن فطومه

-رواسى/ فطومه صاحبتنا اللى هربت مع غادة كانت تحب واحد اسمه محمود واكيدة عندها علم بمكانه

-الحاجه/ مدامكم تعرفوه امالا علاش ساكتات ليكم اسبوع

-رواسى/ اولا منبيش نطلع فى الصورة ..ثانيا ماشالله بوها مكانه قوى ومعارفه هلبا

-الحاجه / بوها كانا يسمع تو يفرح

-رواسى/ بالله عليك ماتقوليله مانبيش نطلع فى الصورة

-الحاجه / باهى كيف بديري

-رواسى/ شوى ثانيه نطلع ونمشيله

وبالفعل رواسى اتصلت بصلاح وحكتله فقاللها انه قريب ايروح وتو يرفعها هوا للمحل اللى يخدم فيه محمود

وطبعا صفاء اصرت انها تمشى معاهم

__________________________________

ام الدكتور وليد وصلت من مصر هيا وبوه
مشى وليد للمطار واستقبلهم …

كملو اجرائاتهم وخدو شناطيهم وركبو فى السيارة مروح بيهم ولدهم

-مريم / شوقتنى ليها يا وليدى من كثر ماحكيتلى عليها وانا فى مصر ..نستنى غير امتى نوصل ونشوفها

-محمد والد وليد / انشاءالله تكون بنت حلال وتجيك على قيس النيه يا مريم

وليد فرحان قريب ايطير بكلام امه وبوه وانهم راضيين على زواجته من غادة

-مريم / الحق قلبي قريب يتقطع عليها كيف عاشت من غير امالى العمر هدا كله

-محمد / اهو ربي عوضها خير بدكتور كبير زى وليد ولدى..ومزال ادير اعويله وصغار وتفرح فى الدنيا

وصلو للاستراحه …

طبعا غادة مجهزة غدى….رز بلاو وبازيليا ودايرة جنبها سلايط وامبطن

وقلبها ايطق فى الميتين

-غادة/ زعما نعجبهم يا فطومه

-فطومه بحزن وعيونها مدمعات/ طبعا تعجبيهم يا غادة وهما وين بيلقو احلى منك

-غادة / فطومه وسعى بالك

-فطومه مسحت دموعها / منبيش انكد عليك فى اخلى يوم فى حياتك

-غادة حضنتها / مانفرحش الا لما تفرحى انتى يا وخيتى

وسمعو صوت سيارة درست …

انخلعت غادة ورعشت

-فطومه / خليك قوية يا غادة

-غادة ماسكه يد فطومه / خليك جنبى

-فطومه / انتم عويله مع بعض قعادى معاكم زايد

-غادة / انتى اختى وكل عيلتى بالله خليك معاى

-فطومه / حاضر

وانفتح باب الاستراحه …

-وليد / غادة ..فطومه .. وينكم

طلعت غادة / السلام عليكم

-وليد مبتسم / هادى غادة يااام

-مريم / مصلى عالنبى …ماشاءالله عليك

ومدت ايديها / تعالل يابنيتى

مريم واااضح على وجهها الطيبه ..مشتلها غادة وحضنتها حضن الام على بنتها …

وسلمت على عمها محمد

وجت فطومه سلمت عليهم …

وقعمزو هدرزو مع بعضهم شوى …

وخشو فطومه وغادة جهزو الغدى وحطوه …

____________________________________

رواسى وصفاء جاهم صلاح …ركبو معاه فى السيارة

ومشو للمحل اللى فيه محمود

نزلو من السيارة ونزل معاهم صلاح

-صلاح / انا نسأل انتو الزوز اسكتو

-رواسى / حاضر

خشو للمحل وسأل صلاح على محمود وقاله بوه انه شويا وجاى

طلعو من المحل وركبو للسيارة ايراجو فيه

قعدو ممكن نص ساعه وجى

شافاته صفاء/ اهو محمود

نزلو البنات يجرو من السيارة منغير مايشعرو بنفسهم

-رواسى/ محموود

تلفت محمود شافها وانصدم بيها هيا وصفاء جاهم يجرى

-محمود / فطومه وين يا رواسى ..وينها

-صفاء/ احنا جايين نسالو فيك انت عليها هيا وغادة

-محمود / انتو شن تقولو ..نهارات السود حتى انتو ماتندروش عليها وين

-صلاح / لو سمحتو بلاش عياط فى الشارع اركبو نمشو لمكان بعيد نحكو فيه بهدوء

-محمود / من حضرتك

-صلاح / خطيب رواسى

-رواسى/ ??

-صفاء/ خطيبها?

-محمود / تشرفت بيك …شويا بس نعطى لبوى العلم انى ماشى ونجيكم بيش مايقعدش ايراجى فيا

وبالفعل مشى كلم بوه وجاهم ركب معاهم فى السيارة ومشو لجردينه قريبه قعمزو فيها

حكالهم محمود باللى صار كله

-صفاء/ يا حقير يا خاين ..كان انا مكانها راهو قطعتك مش ضربتك على راسك بس

-رواسى مصدومه / انت يا محمود … مستحيل نصدق انك انت ادير هكى فى فطومه …فطومه اللى عطاتك قلبها وعقلها

-محمود يبكى / ماتزيدونيش على مابيا…انا حكيتلكم بيش تساعدونى نلقاها مش بيش تهزبونى

-صفاء/ انت الهزيبه شويا فيك ..مفروض انبلغو عنك المركز

-رواسى فنصت فيها / صفاءءء

-صلاح / التحليل الوحيد لهربوها انها فكرت نفسها قتلاتك

-محمود / ممكن لان بعد فقت لقيت دم هلبا فى راسى

-صلاح / صدقنى حترجع

-رواسى / كيف

-صلاح / معروفه ديما المجرم يرجع لمكان الجريمه

-محمود / انا من يومها الشقه ما مشيتلهاش

-صلاح / حتجى تسال عنك فى المحل بالتاكيد …تبى تشوف شن صار

-رواسى/ ياااارب اتجى ونعرفو مكانها هيا وغادة

__________________________________

فى حوش الحاجه

-صالحه / واحد يبيك يا حاجه فى الصالة

-الحاجه / منهوا وشن يبي

-صالحه / مش عارفه …قال اسمه مختار ويبيك فى امر ضرورى

-الحاجه / باهى شوى تو نطلعله

______________________________

تمت ….ويتبع

نحبكم ❤