رواية لا تسألنى من انا
![](https://zoomroda.com/wp-content/uploads/2019/11/رواية-لاتسالنى-من-انا.jpg)
#لاتسألنى_من_انا
.
??بقلم زهور جمال الدين ??
.
?الحلقه العاشرة ?
.
.
مختار ايمولج يبي يعرف اللى شافها بنت اخته والا لا
مقعمز فى مكتبه فى العمل
-مختار: معاد تعالى وينك
-معاد : نعم يابوى
-مختار: قتلك منسألك ..البنت اللى شفناها يومها مع صلاح مولى الحوش اللى تبى نخدموله..شن اسمها
-معاد : خسارة يابوى وقفتهالنا خدمه التشجير فى حوش المهندس صلاح كنهدا راهو قداش لينا باديين فيها
-مختار : انا نكلم فيك فى موضوع تهدرزلى فى موضوع ثانى…قلتلك البنت شن اسمها
-معاد : منعرفهاش يابوى
-مختار: باهى هيا مرته ولا شن تكون
-معاد : منعرفش الحق ..نحسابه مش متزوج
-مختار: غير برة لعملك …اسبوع ويوصل عمك وتو نتصرف انا
__________________________
غادو وفطومه يحكو مع بعض
.
-غادة : وين المكان اللى تتلاقو فيه
فطومه تلخبطت: فى الكليه طبعا
“ماهو مش حاكيتلها انها قاعدة تتلاقى معاه فى شقه خوه ”
-غادة : شنو بتمشى غدوة ولا شن بديري تخافى ايجيك حق للدار
-فطومه تضحك : مجنون ..وشن بيقوللهم
-غادة : قال بنقوللهم زميلها فى الكليه
فطومه تضحك : زى مادار دكتورك
-غادة : ايوووه زيه بالزبط
-فطومه : غير كمليلى وبعد ماكلماتك امه شن قالك
-غادة : قولى شن ماقالش …قالى نحبك ونبيك مرتى وام صغارى
-فطومه : الحمدلله ياغادة تستاهلى . شفتى ربي ماينسى حد
-غادة : الحمدلله ياربي
-فطومه : وامتى بيخطبك
-غادة : قال امه بتروح بعد شهر
-فطومه : فرصه تتعرفو على بعضكم كويس
-غادة : وبيشغلنى معاه فى العيادة متعه من الاسبوع الجاى
-فطومه : وبتاخدى ادن من المشرفات هنايا
-غادة : بلغت ابله سلمى وخدتلى ادن …ومن غدوة بنبدا انباشر معاه
-فطومه : وكليتك
-غادة : خيرك انتى اخر امتحان درته اليوم ..الكليه عطله توة
-فطومه : ربي يعطيك على قيس نيتك
-غادة : ومحمود كيف بديري معاه
-فطومه : تو نمشى غدوة وامرى لله
__________________________
بعد ثلاثه ايام
رواسى مقعمزة فى الجردينه معاها كركور تمشى فيه ..تبيه يتعلم يمشى كويس
خشت سيارة صلاح من البوابه…درس ..طفى سيارته وحول نضاراته …
من يومها مقاطعها ومايكلمش فيها …ولا شافها اصلا
لكن توة لما شافها مقدرش ايقاومها …
نزل من السيارة ومشى جيهتها ….
وقف : كركور بابا تعالة هى
مشاله الولد وهوا يضحك فرحان بيه
تلفتلها : السلام عليكم
-رواسى تشبحله : وعليكم السلام …
وقعدت مقعمزة ….
رفع هوا الولد بعيد عليها وقعد ايلعب فيه …
وهيا تشبحلها ومتكدرة ان اهتمامه بيها زمان تغير….
حست انها تبيه يكلمها ويهتم بيها زى زمان …
وفى خاطرها: كيف يارواسى..لا نبيه ولا نطيق فراقه…
وهوا يلعب فى الولد ويشبحلها ….
قامه فى غمره ورفعهولها : كان بتخشو ندخله انا
-رواسى : لا مزال قاعدين شوى نبى نمشيه
-صلاح : باهى نغير حوايجى ونجيكم
-رواسى فرحت : باهى
قرب منها وبرومنسيه : لو يزعجك عادى مفيش داعى نجى
-رواسى : لا عادى مفيش ازعاج
-صلاح بمكر: يعنى تبينى نجى والا لا
-تلفتت للجهه الثانيه وضحكت : خلاص عاد قلتلك تعالة
-قرب منها اكثر: قلتى تعالة لانى نبى نجى..ولا لانك انتى تبينى نجى
-رواسى : واااك منك
-صلاح : نحبك
-رواسى واطت راسها : خلاص برة غير حوايجك
-صلاح : على فكرة لمابنجى نبيك تحكيلى على خطيبك …
وغمزلها : وتى كدبة مليحه …
وخش للحوش
__________________________
طبعا هيا وين تلقيها ..فرحت انه قاللها بنغير حوايجى وبنرجع …
وتتكلم فى خاطرها : انا نحبه.. وشعورى تجاهه اول مرة نحس بيه…
وتخمم : انا بنقوله ان اهلى مش معروفين ..وانى تربيت فى الرعايه ..واللى بيصير خلى ايصير
جتها صالحه : الحاجه تبيك لداخل
-رواسى : اهاا
-صالحه : ومعاها الاستاد صلاح
حست ان فى امر مهم خلى صلاح مايرجعش للجردينه ويراجيها مع امه
-رواسى : باهى تو نلحقك هى
مشت صالحه ..وخدت هيا كركور وخشت
-رواسى : السلام عليكم
-الحاجه وصلاح : وعليكم السلام
-الحاجه : هاتيه الغزال
مدت رواسى كركور لحناه : انشالله خير قالتلى صالحه انك تبينى
-صلاح : وخيرك خايفه ..قعمزى
قعمزت رواسى عالصالون
-الحاجه : كلمتنى ام جيهان توة
انخلعت رواسى ووقف: خير انشالله
-الحاجه : ماتخافيش جايبه بنتها بتعتدر منك
-رواسى: وشن فكرها توة تتأسف منى
-الحاجه : صلاح فسخ منها ..ولما تأسفت شرط عليها تعتدر منك
-رواسى تكنطت: مانبيش اسفها انا
-الحاجه: وعلى خاطرى
-رواسى تحشمت : خاطرك عندى كبير..لكن انا نبيش يصير بينى وبينها اى موقف ..ولا نبى نكون السبب فى اى مشكله بينها وبين السيد صلاح
-صلاح : هيا بتتأسفلك ..ولو ماقبلتيش اسفها مش حيصيرلها طيب
-رواسى : ارجوك ماتخلطش هدا بهدا
-صلاح : اسفها ليك مهم ..لانك انتى بديتى وحدة من الحوش..وممكن من اهم للموجودين فيه …
سمعو صوت سيارة وقفت
-الحاجة : اهم وصلو
رواسى بدت ترعش
-صلاح قرب منها : قلتلك ماترعشيش
-رواسى : خلى كركور معاك ..بنمشى انادى صفاء تكون معاى
-الحاجه : باهى على راحتك ..تو نبعتلك صالحه تناديك
مشت رواسى من جهه الممر
وخشت جيهان وامها من الباب
__________________________
خالد مشى هوا ووليد للضابط اللى عطوه الصورة
وصدمهم ان الشخص هدا مش مسجل من ضمن المجرمين
زعل خالد هلبا على حاله ..حس ان الدنيا تسكرت فى وجهه
مروحين فى السيارة
-وليد : ماتغشش روحك .. سيورك تلقاها ياعمى خالد
-خالد يبكى : وينها بس ..اهو تشبح فيها كيف مسكرة
-وليد : انت قول يااارب
-خالد : وين ماشى بينا
-وليد : للعيادة ..نبى نوريهالك انت لتوة ماشفتهاش
..ونسعلك خاطرك شوى ..
-خالد : لكن منعطلوش
-وليد : لا بنقعدو للعشيه …عندى مقابله مع مهندس تعرفت عليه الايام اللى فاتو ممكن بيوسعلى العيادة
-خالد : الله يبارك ..ربي يوسع عليك ..وانا شنو عاد رافعنى معاك
-وليد : اسمه المهندس صلاح تبى نعرفك عليه ..مش قلتلى تخصصك زراعه ..نبي تشوف معاى خريطه البناء وتعرف مكاناته ..بيش باقى المكان نبيك تزرعلى فيه
-خالد : مدامك تبينى فى شغل باهى نتعرفو عليه المهندس ليش لا
-وليد يضحك : كل شى بحسابه راهو ياعمى خالد
-خالد يضحك: مزال غير ناخد منك انت فلوس ..انا كان نعطيك عيونى شويا فيك
__________________________
الحاجه ترحب بجيهان وعمتك منيرة
-الحاجه : اهلين منيرة اوخيتى شن حالك
سلمت منيرة ام جيهان على الحاجه وصلاح وامها وراها
قعمزو …وبعد السلام والنشدة عالاهل كلهم
-منيرة : بنتى حكتلى عالحكايه كلها ..وانا قلتلها مدامه خطيبك وامه قالولك اعتدرى مفروض اعتدرتى وطلعتى
-صلاح : بنتك ماحكيتلكش عالقصه الاصليه
-جيهان بتطنفير: وشنهيا القصه الاصليه
-منيرة : تحشمى يابنت ..وردى على خطيبك كويس
-صلاح : القصه الحقيقيه انك حولتى الخاتم من يدك وحطيتيه تحت سرير رواسى
-انصدمت جهان ووقفت : انا!!!!
-صلاح : ايه انتى
-جيهان : وانت كيف شفتنى بايت معاها امالا
-منيرة : تحشمى يابنت
-صلاح : انا كنت جاى وراك بنخش للدار شفتك بما حولتى الخاتم وحطيتيه تحت السرير
-منيرة : انا والله ياماما …
-قص عليها صلاح :تخلفى عالقران …انا قلتلك متاكد ..نكدب عيونى ونصدقك
-جيهان : انا مالاخير معش نبيها تقعد فى الحوش هداا
-الحاجه : وليش ماتبيهاش..البنيه ماشفنا منها الا الخير من يوم ماجتنا ..
-منيرة : غير ناديلى البنيه خلى تعتدرلها ..وحسابها معاى بعتالى لما نروح
-الحاجه خدت من صالحه سلسبيل : ترا نادى رواسى
خشت صالحه تنادى فى رواسى
جت هيا وصفاء
خاشه وعيونها معلقات فى صلاح ..وهوا نفس الشى
وجيهان تشبحلهم وقريب تموت …
رواسى تشبح للحاجه وصلاح
وصفاء عيونها معلقات فى منيرة ام جيهان ..تشبح لوجهها وايديها
-منيرة : جيهان بنتى تبى تعتدرلك عالموقف البايخ اللى صار يومها
جيهان حاطه رجل على رجل وتلعب فى رجلها : سورى انى شكيت فيك
-رواسى : حصل خير
صفاء تنخص فى رواسى: اشبحى ايديها
-رواسى تهمس: منهيا
-صفاء: ام جيهان
-رواسى: خيرهم ايديها
-صفاء: شوفى صبعها الزايد …زى صبع منو ..
انصدمت رواسى وشدت صفاء من يدها: نستادنكم
وخشت هيا وياها للممر
-منيرة مضايقه : حتى احنا نستادنوكم
-الحاجه : اللطف مشربتيش حتى طاسه عصير
-منيرة : شنو احنا اول مرة نجوكم ياحاجه شاربين وواكلين ربي يطول فى عمرك انشالله
وتلفتت لبنتها : نوضى وحسابك معاى بعدين
طلعو وسقدتهم صالحة للباب
وقف صلاح : حتى انا نستادنك يااام ..عندى موعد شغل مع دكتور
__________________________
رواسى مصدومه وحاطه يدها على فمها
-صفاء بهمس: شفتى اللى شفته
-رواسى : شفت ايه ..
-صفاء: صبعها الزايد نفس صبع غادة
-رواسى: وشكلها
-صفاء: فيها شبه من غادة هلبا ….
رواسى : خليك هنايا تو نجيك
-صفاء: وين ماشيه
-رواسى: نبى نتاكد
وخشت للصاله لقت الحاجه وصلاح قاعدين مقعمزين
قعمزت رواسى عالطاولة اللى قدام الحاجه ..
-رواسى : بنسالك حاجه
-الحاجه : انشالله خير
-رواسى : ام جيهان عندها بنت رايحه منها
-الحاجه : وانتى كيف عرفتى !!!
-رواسى: ???
__________________________
تمت …..ويتبع
زعما غادة تطلع اخت جيهان وبنت منيرة …..الدنيا مصغرها حق
وزعما خالد بيتلاقى مع صلاح
نحبكم ❤