رواية سرقت قلبي
الحلقه الثامنةمحمد يفكر ويخمم وافكار ترفعه وافكار تجيبه
يومين وهيا متردش…قريب يهبل مش عارف شنصاير معاها ..ومرة مرة يخطر عليه ولد خالها يزيديتكنطى وتركب فيه نار
??يوم الاحد الصبح…
بعتلها رسالة” ردى عليا توة ولا اقسم بالله ح نجيك
لحوش خالك ”
وصلت الرسالة لابرار …قرتها ..خافت ايديرها حق
اتصل محمد ..ردت عليه
-ابرار: الو
-محمد : الو ..وينك انتى
-ابرار بهدوء : كيف الحال
-محمد بعصبية : حالى زفت ..انتى وين تدرى عليا
-ابرار انشغلت ?: خيرك .. وعلاش حالك زفت
-محمد : درت حادث قريب نقطعت رقبتى ومنبيش نقول لحد
-ابرار نخلعت ?: حيه عليا …وانت شن صارلك ..
الحمدالله على سلامتك
-محمد يضحك منغير متلاحظه هيا : الله يسلمك ..
ماهو على اساس نهمك هلبا انا
-ابرار ترعش : تحكى بجديات ولا فيلم دايره عليا
..اسمع بديت نرعش انا راهو
-محمد فرحان?: خايفه عليا
-ابرار تحشمت : مندرى ?
-محمد : لا قولى
-ابرار: باهى والسيارة شن صارلها
-محمد : تغيري فالموضوع
-ابرار : غير قول عاد
-محمد : ماهو انا هدا اللى منرفزنى ..
الحادث درته فى سيارة صاحبى مش فسيارتى
” خاف كدبته تنكشف ??”
-ابرار: ياودى المهم سلامتك انت الحديد فداهية
-محمد : ايه دايرة روحك وجعك حالى ..
وانتى حتى الرد مترديش الحادث ليه يومين
-ابرار : والله كانا نندرى راهو رديت عليك ..لكن
سماح ماقالتليش
-محمد : قلتلك ماحد يندرى عليا انى داير حادث
خيرك انتى ..ردى بالك تقوليلهم
-ابرار: باهى مش حنقول لحد
-محمد : وانتى خيرك مترديش
-ابرار: ماخيرنى شى ..مش انت طايح تحب
وتعشق…خلاص وعلاش انا بنرد عليك وانديرلك
مشاكل
-محمد : توة مش حنرد عليك فالتليفون…. امتى بنشوفك
-ابرار : منعرفش
-محمد : متبيش تجى تقوليلى حمدالله ع السلامه
-ابرار: اهو قلتلك توة
لقى الحيلة الاولى مانجحتش ?
-محمد : عموما انا بنسافر غدوة ..خسارة كان عندى نية نشوفك
-ابرار: وين بتسافر
-محمد : تركيا
-ابرار: قداش بتقعد
-محمد : ممكن شهر ..وممكن اكثر
-ابرار: باهى تعرف كيف
-محمد : كيف
-ابرار : تو نجى بعتالى.. وغدوة نروح
-محمد فرحان : خلاص بنراجيك ..متعطليش
_________________________
محسن طق على باب الدار
فتحت سهام
-محسن : سهام ترا ناديلى ابرار شويا
-طلعتله ابرار: نعم يا محسن
-محسن : لما تفضي نبيك شويا
-ابرار: انا فاضية توة ..شنو
-محسن : تعالى للصالة منسألك
-طلعت ابرار للصالة : اسألنى هى
-محسن : انتى تعرفينى راجل دغري .. ومعنديش
فالكلام الزايد ..نبى نسألك على اخلاق سماح ربيبت امك
-ابرار ?: هوا فى زى سماح ..ولا زى اخلاق سماح..
ياسعد من بيطيح فيها
“طاح وين يلعب..ابرار مستحيل أدم سماح ?”
-محسن : باهى شنو جوها فالعلاقات والكلام الزايد
-سماح : ماعندها شى نهائي..لا علاقات ولا هدرزة ولا
دوة فاضية نشك فى روحى ومنشكش فيها
“متقوليش المدة اللى فاتت شاريتلها شفرة سرية?”
-محسن : باهى شن رايك فيها ليا ..تمشى معاى ومع عيلتنا
-ابرار: تبى الحق هيا مع العيلة تمشى مية مية …لكن
معاك انت مندرى ..هيا فرفوشة وانت جدى?
-محسن : قصدك انا منكد ??
-ابرار: لا فى فرق .. انت جدى هلبا ..وهيا ديما
تضحك وتلعب ..يعنى حبابه
-محسن : خلاص احنا اقطاب مختلفة ..معناها نتجادبو ??
وشرين تليفون ابرار لقاته سماح
-ابرار: مطول عمرها
-محسن : ??
ومشت ابرار ترد عليها
– سماح: بتجى اليوم ولا شنو
– ابرار: بيجيبنى خالي ناصر بعتالى المغرب
-سماح : اهاا
-ابرار: لكن جايبتلك معاى خبر بمليون جنيه
-سماح : شنهوا الخبر
-ابرار: تو لما نجى نقولهولك الخبر الحلو ??
وخلت سماح راى يرفعها وراى يردها
_________________________
_________________
المغرب جاها خالها ناصر
ورفعها لحوش امها
شرينت على سماح قالتلها افتحيلى
فتحتلها الباب وخشت
سلمت على امها …وعلى سناء
لقتهم لابسين
-ابرار : وين ماشيين
-سماح : جايينهم ضيوف منحبوهمش انا وياك ورزان
على قلوبنا
-سناء تضحك: جايتنا ابتسامه هيا وامها يباركو على خطوبتى
-ابرار تلفتت لسماح بعصبية?: وعلاش مقلتيليش كنهدا راهو ماجيتش
-امينه : اسكتو عاد حتى على خاطر وسام
-سماح : انا اصلا لما متصلة بيك كنت نبى نقولك
عليهم …لكن انتى سبقتينى و قلتيلى جايبتلك خبر
قوى .. فكيف تبينى نضيعك من يدى
-سحر مقعمزة عالصالون : مش عارفه كيف انا ..بنت
تجى لحوش شيابينها قبل ماتاخد ولدهم رسمى
-سماح : قليلة ادب حاشاكم ورامية روحها
-ابرار: غير هيا نركبو فوق قبل ماتجى فكينى منها
وركبو ابرار وسماح للدور الثانى …
وعلى طول شرين الباب
وفتحت سحر …
خشو ابتسامه وامها …
دخلوهم لدار المسند ..
ووسام طبعاجايب كل شى من العصير الطبيعى
للكيكه للبكلاوة
ابتسامه حولت عبايتها …
طولها 170 سم .. لابسه قونه قصيرة وبلوزة ..
فاتحه شعرها ودايرة مكياج خفيف ولابسه عدسات زرق
هيا حلوة زى الباربى ..غير لما تتكلم تبان عليها حاجه
باردة وتبدا شينه ??
بدت سحر تمد فالعصير
وسناء وامينه مقعمزين مع الضيوف
ام ابتسامه مراءة زى العسل .. وهدرزتها حلوة
واما من ابتسامه تحكى لسناء غير على ماركه
فيرزاتشى وماركه جوتشى ..عرفتو البنات اللى اهلهم
ماعندهم شى وهما حافضات زوز ماركات ولا ثلاثه
ويلوو فلسانهم ويتكلمو بيهمو?…
لا والمشكلة انهم مايمتلوش ..لا هما يحكو بجد
ومصدقات ارواحهم
??ابتسامه من الفئة هادى
_______________________
ابرار متكية على سرير سماح
بعتت رسالة لمحمد : ” انا فى حوشكم ”
بعتلها رسالة” وانا نقول خيره حوشنا ضاوى ”
ابرار ضحكت من عيونها
واتصل بيها طول .. سكرت عليه
-بعتتله رسالة” منقدرش نرد عليك سماح جنبى ”
-بعتلها هوا ” اهو بنروح انا للحوش توة ”
– ابرار : منقدرش ننزل لوطا فى ضيوف
-محمد:” مدخليش بنجى للمطبخ وانزلى نبى نشوفك
خير مانركبلك فوق”
-ابرار? :” انت كل شى عندك بالتهديد ”
-محمد: “الله غالب ..ماهو انتى متعبتنى
…ومايمشيش معاك الا التهديد?? ”
-ابرار: ” باهى يا همى منك اوصل وكلمنى ”
????
خشت سحر رفعت كيسان العصير الطبيعى
وجابت نسكافيه…
وناضت سناء جابت معاها الكيكه ..
وقعدو يمدو فيها
-ابتسامه : امالا وين سماح
-سحر: سماح فوق عندها امتحان
-ابتسامه : ربي يعاونها انشالله
طلعت سحر .. وطلعت وراها سناء
خشو للمطبخ
-سناء: بري قعمزى معاهم .. درهت كبدى انا
-سحر: انا منسايرش زيك ..انا نعطى فالسنون طول
…فكينى تو خوك يزعل
على خشت محمد
-محمد : السلام عليكم
-البنات : وعليكم السلام
-محمد : من عندنا
-سناء: عندنا ابتسامه خطيبة وسام وامها
-محمد : خطيبه وسام عندنا ..شكلها ليبيا تغيرت هلبا بعدى
-سحر: حاشاها ليبيا ..غير هادو ترا وين عندهم عرق ????
وضحكو كلهم مع بعض
-محمد يضحك: باهى اعطونا حاجه ناكلوها من اللى تمدو فيه
-سحر: الفايدة فيك وخي .. حطتله نسكافيه وكيكة
خدى محمد تليفونه بعت لابرار رسالة ” انا فالمطبخ”
ابرار شافت الرسالة فرحت طول
خشت للحمام غسلت وجهها وطلعت حطت بودرة
واحمر خدود عالخفيف
وسشورت قصتها .. ودارت الوشاح زى الحطه
-سماح : قصدك بتنزلى
-ابرار: متشوفيش فيا ناخد فى احتياطاتى بالك
نتلاقى معاها اللفعه ??
سماح تضحك : انا سلامتك منيش نازلة ..انزلى
واركبى تلقينى هنايا بيش تحكيلى عالخبر المليح على رواقة
-ابرار: باهى
-سماح : وجيبيلى معاك حاجه ناكلها من الحلو
-ابرار : باهى وانتى ديما مفجوعه ?
وطلعت ابرار من الدار .. نزلت من الدروج للدور الاول
لقت سحر وسناء كيف خشو لدار المسند
مشت طول للمطبخ
لقت محمد مقعمز عالطاولة
شافها فرح ووقف طول بيش يسلم عليها
-محمد : اهلين
-ابرار ?: اهلين بيك
وقرب منها سلم عليها ….صافحها بيده
هوا يشبحلها وهيا مواطيه راسها …
محمد بدى هايم .. يشبحلها ومعش متحكم فى
نفسه ..مشاعره هما اللى يتكلمو ..
ومع هدا منتبه انه فالمطبخ وخايف ان فى اى لحظه
ممكن تخش اى وحدة من خواته
-محمد: انا نبي ندوى معاك شوى .. لكن هنايا
صعب …اسمعى تعالى نركبو فوق لدارى استر
-ابرار: لا منقدرش
-محمد : سماح تحسابك لوطا ..والبنات يحسابوك
فوق ..شوويا بس نتكلمو فى دارى وننزلو
-ابرار: ماهو …
-قص عليها محمد : ماضيعيناش الوقت ..قلتلك شويا بس …
اركبى وخشى دارى تلقيها مفتوحه ..اهو لاحقك انا
-ابرار ترعش : باهى
ركبت ابرار بسرعه من الدروج وهيا تتلفت يمين
ويسار خايفه يشوفها حد …
فتحت دار محمد وخشت فيها وسكرت الباب …
ترعش مع بعضها وقلبها يطق ..
لحظات وانفتحت الدار ..وخش محمد ..وسكر الدار
بالمفتاح …لقاها واقفه فى وسط الدار …
جابها من يدها وهيا ترعش ..وقعمزها عالكرسى متع
الزيانه ..وقعمز هوا على حاشيه السرير
مسكلها يديها الزوز …
-محمد : خيرك ترعشى
-ابرار ابتسمت وواطت راسها : لا لا شى
-محمد قاملها راسها : ستاحشتك ..
ابرار تشبحله وساكته …تبكشت بكل ??
-محمد : ردى عليا
-ابرار: شن بنرد
-محمد : يومين منسمعش صوتك يا ظالمة ….
ليش القسوة هادى
-ابرار بكبرياء : مدامك جبت سيرة وحدة ثانية
تحبها ..كأنك تقولى ابعدى عليا
-محمد : انا تكلمت عن نفسى قلتلك انى نحب .. منو
جاب سيرة وحدة ثانية
-ابرار: مش قلت انك تحب فى وحدة ..خلاص?
-محمد : ايه انا قلت انى نحب ونعشق ونبى نتزوج ..
لكن مجبتش سيرت وحدة ثانية
-ابرار: مفهمتش عليك
-محمد : ابرار نقولك سري .. صح انا نحب بنوته
زى القمر …وخاطرى نقوللها “نحبك ”
وخاطرى نعرف شنو جوابها
ابرار غارت وقلبها بيتقطع من كلامه تحسابه يتكلم على بنت يحبها
– ابرار : باهى خلاص قوللها ..ومن شادك
-محمد : قلتلها
-ابرار: امتى
-محمد : توة
-ابرار: وينها
-محمد : اهيا قدامى وتسمع فيا ..
حط يده على خدها وهمس ن ح ب ك
ابرار بدت ترعش من رهبة الموقف ووقفت مشت
تجرى جهه الباب
لحقها محمد وشدها من كتافها
-محمد : انا اسف كانا رعشتك حبيبى
ابرار ساكته
-محمد : تعالى ….
وقعمزها على الكرسى …
-محمديشبحلها بكل رومنسية : انا نحبك وحدة
شكيت فيها انها سرقت تليفونى وبعدها لقيتها فى
دارى شكت فيها ترا شن بتسرق
ابرار تضحك …
-محمد: لكن هيا بالفعل سرقت عقلى…وسرقت معاه
قلبى …وحبيتها من اول لحظه
-ابرار فرحانه : انااااا
-محمد : ايه انتى .. ليش مش حاسة بيا قصدك
-ابرار: حاسة بس منقدرش نحلم ونتخايل.. نخاف
يطلع الموضوع حلم حلو وخلاص
-محمد : تتزوجينى❤
ابرار بطير بالفرح وصوتها هرب …ومعرفتش شن ترد
-محمد : انا عارف ان مشاعرنا متبادلة ..بس انتى
منحقك تفكرى فالموضوع..واللى تبيه انتى انا موافق عليه
-ابرار: انا مانبى شى
-محمد قاملها وجهها بيده : تحبينى
ابرار واطت راسها : انااااا الحق توة نرعش وو
-محمد : فاهم عليك ..
ابرار تشبحله ومالاقيه الفرحه وين تحطها
-محمد : اسمعى انا بنسكن فى دارى هادى .. تسكنى معاى فيها …
-ابرار: نسكن معاك حتى فالمخزن اللى فالجنان
-محمد : لو تبى انأجرو عادى مابين ماشرينا حوش
-ابرار: لا حتى هنايا كويس وين مايريحك انت
-محمد : خلاص ندير حمام فالدار.. هيا اصلا واسعه
….ويشبحلها برومنسية : وبدل ماكنتى ترقدى مع
سماح فى دارها مرة مرة ….تبدى ترقدى فى دارى
على طول
ابرار فرحانه وتشبحله
-محمد : تحبينى
-ابرار تشجعت ?: ايه نحبك
حضنها محمد بين يديه وضمها ليها : وانا نحبك يا
مرتى يا حبيبتى
-محمد : بس ما جاوبتينيش .. تتزوجينى
-ابرار: نتزوجك طبعا …انا قلبي وروحى معاك ..وانت
عارف الشى هدا
-محمد : عندى نية ننزل للعيلة كلها توة ونقوللهم انى نحبك
-ابرارتضحك : اصبر مزال سيورهم يسمعو كلهم
-محمد : نخطبك من بوك ولا
-ابرار: طبعا من بوى.. خلى يفوت عرس خالى وبيان
سناء ..وبعتالى نديرو احنا موضوعنا
-محمد : نحبك
-ابرار: نمووت فيك
نطت ابرار وقفت كأنها ادكرت حاجه ومحمد وقف معاها
-ابرار: خلى ننزل .. تو يدورونى مايلقونيش ونقعد فى قصه
-محمد : مع انك خشيتى دارى ومعش حاب انك
تطلعى منها لكن توة على خاطرك لازم نساير..
وشبحلها : تحبينى
-ابرار: نمووت فيك
-محمد : وانا نحبك
وقفو جنب الباب
-محمد شد يدها ويضحك : تعرفى حبيبي منبيكش تطلعى من هنايا
-ابرارتضحك : ولا انا نبى نطلع …لكن خلاص تخاف يلاحظونا
“عندها نيه تقوله حبيبي وما قدرتش تحشمت قدامه”
-محمد : اصبري نطلع نشوفلك الممر ….
ونديرلك اشارة اطلعى طول
-ابرار: باهى
طلع محمد للممر وهيا واقفه ورا الباب تشبحله
دارلها اشارة …
طلعت طول نزلت من الدروج…
خشت للمطبخ لقت سحر وسناء
-ابرار: وينهم
-سحر: روحت يا حنه بسلامتها .. وبترجع يوم البيان
-ابرار: وعلاش جاية يوم البيان
-سحر?: سناء عزمتها
-ابرار: امممم سنيوة دارتها …معناها منقدروش نتكلمو?? …
هاتى هاتى من الكيكه نركب وحدة ليا ووحدة
لسماح خير من خليقتها
-سحر : هاك خودى حتى بكلاوة وعصير ..بفلوس
وسام مش بفلوسها
وضحكو الثلاثه
خدت ابرار الكيكات وركبت من الدروج
هيا راكبة ومحمد نازل
قاللها نحبك .. وركبت هيا
__________________________
ابرار خشت دار سماح
-سماح : سلمتى عليها
-ابرار : ماشفتش خليقتها بكل
-سماح : احسن افتكيتى ..هاتى الكيكه جاى ..
وتعالى احكيلى عالخبر اللى جايبتهولى
-ابرار: محسن ولد خالى
-سماح : اللى جانا امس
-ابرار: هوووا بالزبط
-سماح : خيره
-ابرار: يسئل عليك يا حبى
غصت سماح بالكيكه ….
ناضت ابرار جابتلها مية طول شربتها
-سماح : كيف يعنى يسأل عليا
-ابرار: يعنى سألنى على اخلاقك ..وعلى تصرفاتك …
وغمزتلها وعلى علاقاتك بالاولاد
-سماح ?: وانتى شن قلتيلة
-ابرار: تى هوا طاح وين استراح …تى كانا يدور
الشرق والغرب مايلقاش وحدة تشكرك زينى انا ??
-سماح : لاااا هادى صدقتى فيها.. باهى شن قلتيله
-ابرار: قلتله هوا فى زى سماح ..ولا عقالة سماح …
دى القط بياكل عشاها ??
-سماح : ريري قوليللى شن يقصد زعما
-ابرار: تى هدا ولد خالى ونعرفه …معنداش فى دوة
البنات ومدامه سأل عليك معناها طاح على راسه خلاص
-سماح : تصدقى حتى انا لفتلى نضري ..تحسيه رزين ولا
-ابرار: هوا غير رزين وسكتى .. بصراحه سعدها اللى بطيح فيه
-سماح : زمان تقولى عليه انه جديات هلبا ..وواعر
-ابرار: ومازلت عندى رائي لتوة .. لكن هوا راس ولد ..
ولو تزوج بالتاكيد حيسكن مع اهله .. اللى يعجبك
فيه انه عنده كلمة فى حوشهم ..وفارض شخصيته ومش هازيين عليه
-سماح : باهى افرضى طلب منك رقمى .. كيف ندير انا
-ابرار: حبى هدا تبع الرقم الاصلى راهو .. لانه معرفه..
مش تمشى تعطيه شفرتك السرية وتقعدى ففضيحه قدامه
-سماح : واللى نكلم فيهم كيف نديرلهم
-ابرار: تخلصى منهم بنفس الطريقه السحرية
-سماح : نقول جونى خطابة
-ابرار: طبعا ..اصلا هادى هيا الطريقه اللبقه الوحيدة
اللى تقدرى تتخلصى بيها من اى شاب ?..
-سماح: تقوليله جونى خطابة ..يرخى بيك يحسابك
بتحقدى عليه.. مايحسابش انك دايرة هكى قصدا
تراجى فيه يرخى ..لان عندك صاحب جديد
وماتبيش القديم يضايقك ??
“اما البنات اللى يقدهم يجى يحاسبنى ?..يانارى عالشباب يضحك والضحك عليه ”
-ابرار: ياحنه المعلومه وصلاتك ..وانتى فكرى وشوفى جوك
ابرار وصلتها رساله ” انزلى ستاحشتك……. نحبك”
فرحت .. وتكمت روحها : سماح هيا ننزلو لوطا
وبالفعل نزلو هما الاثنين
لقو امينه مقعمزة فالصاله …..
-سماح : وين البنات
-امينه : هما ومحمد فالمطبخ
خشو سماح وابرار للمطبخ ..لقو محمد وسحر وسناء
مقعمزين على طاولة المطبخ
ابرار نست تسلم على محمد
-سناء: خاطرى نعرف علاش متسلميش على محمد ديما
-ابرار: والله تلخبطت …
ومدت يدها صافحت محمد : اهلا محمد
-محمد يشبحلها: اهلا ابرار
وتحشمت ابرار بتطلع
-محمد : ابرار تعالى خيرك انتى وحدة مننا راهو
-ابرار: باهى شويا ونجى
-سناء: تعالى بلا جو .. نحكو على بيانى
جت ابرار وقعمزت معاهم …
وقعدو يتكلمو مع محمد شن بيحجزو وكيف بيديرو
ومحمد مسيطر على نفسه بالسيف قدام خواته
وابرار مرة مرة تخنب فى نضرة مع محمد منغير
مايلاحظها حد
شرين تليفون ابرار …قاماته .. هدا خالى
-ابرار: الو
-ناصر: هيا اطلعى ونادى امك
-ابرار: اهو طالعة هى …
سكرت الخط وتلفتت : يااام خالى يبيك برة
ناضت امينه طلعت للجنان ..دخلت خوها ناصر
قعمزو عالكراسى ويهدرزو
“ناصر قنين هلبا فى شكلة ..وشخصيته قوية
..جماعه البحرية عاد محلاهم ومقوا شخصيتهم ??”
وابرار قد ماشدو فيها البنات قالتلهم مانقدرش نقعد
على خاطر صغار خالى
ومحمد ساكت قدام خواته ومخنوق مش قادى يتكلم
لانه مايبيهاش تروح
__________________________
وروحت ابرار لحوش خالها
حتى ملامح وجهها غير …
اول يوم حب رسمى بينها وبين محمد
السعادة واضحة عليها …
وتليفونها كل شوى توصله رسالة حب واشواق من محمد …
الساعه 1 الكل رقد وهيا فالبلكونه تتكلم معاه
يحكيلها على مشاعره اللى بدت من قبل مايمشو
للاستراحة مع بعض
يحكيلها انها خشت قلبه منغير مايحس …
وان ردودها الجريئة معاه يوم فضانية اخته هيا اللى
زادت خلاته يتعلق بيها ويحبها اكثر
وهيا تعاودله فى ايامات الاستراحه وتضحك كيف
قعد يوكل فيها
واستمرو على هالحال فى هادوكا الاسبوعين كلهم
وهوا قريب يهبل يبى يشبحها
اسبوعين وهيا فى حوش خالها وماشافهاش
فالنهار شادينها رسايل وخلاص
وكل متعطل ابرار فى رد الرسالة يزبط محمد ان
رصيدها تم ويبعتلها
يتكلمو مع بعضهم رسالة برسالة ..
لحد ماوصل بيان سناء
-سماح : والله مفروض منكلمك ونقولك تعالى
-ابرار: بلا جو عاد تى امس تكلمنا وقلتلك تو بنجى
غدوة .. اسمعى شن صار فيك
-سماح : هوا طلب منك رقمى ولا مزال
-ابرار: ماطلبش الحق
-سماح : مرزن امه .. واااك عليا ..نضفت تاريخى كله
وهوا قاعد يوزن ويوازى
وضحكو الزوز مع بعضهم …
خش محمد عليها انتظار ..
-ابرار: باى توة
وردت على محمد
-محمد غيور : مع من الانتظار
-ابرار تضحك : مع صاحبى الجديد ??
-محمد : منيش عارف ليش نتكهرب لما نلقاك انتظار
.. مع انى واثق فيك فوق ماتتصورى
-ابرار تضحك : علاش زعمااااا
-محمد: منبيش حد يتكلم معاك منبيش حد يشوفك
.. موعرها الغيرة الزح
-ابرار: نحبك يا غيور ..ونموووت فغيرتك
-محمد : بتجى اليوم
-ابرار: لا بنجى غدوة انشالله
-محمد : شن بتلبسى
-ابرار: عادى ..مش عارفه مرات قفطان ..بنشوف
سهام بنت خالى بناخد منها حاجه
-محمد : لا سهام ولا غيرها .. بري لاى محل وخودى
اللى يعجبك وتو نمشى انا نخلصها
-ابرار تتغلى : لا والله منقدر ناخد منك
-محمد : غير بلا جو عاد .. ابتطلعى اليوم ولا غدوة
-ابرار: تو نطلع غدوة الصبح
-محمد : كلمينى قبل ماتطلعى
-ابرار: باهى
_______________________
طلعت ابرار وشرت قفطان قنين…
طلعها خالها ناصر ..
حطت القفطان عند البياع وحطت فيه عشرة جنيه وقالتله العشيه نجى ناخده
وطلعت لخالها وقالتله انها وصت على لون ثانى
وبعتالى بتجيبه
وكلمت محمد وصفتله المحل ..مشى خلصه ..
وخدالها معاه كندرة على دوقه من محل ثانى ورجع
حطها فى نفس الكيس
وجت ابرار العشيه خدت الكيس وروحت مع خالها …
حطها فى حوش امها …
خشت قريب المغرب …
سلمت عالبنات وامها …
وخش محمد للحوش
-محمد : السلام عليكم
-كلهم : وعليكم السلام
ابرار ابتسمت غصبا عنها .. مستاحشته ..بس مزال
ماحد لاحظها
ركب محمد لداره وكلمها بالتليفون …
-محمد : مدخليش ديري حل ..تعالى حتى خمسة دقايق مستاحشك يابنت
-ابرار: باهى تو نشوف حبيبي كان قدرت
-محمد : كان ماجيتيش بننزل نخطفك راهو
ابرار تضحك
-محمد : نحبك ومستاحشك
-ابرار : وانا اكثر
_____________________
تمت .. ويتبع ???
ابرار ومحمد بدو يحبو فى بعض ..زعما يسلمو من المشاكل ولا كيف
الحلقه الجاية نحكو عالبيان… وشن بدير فيه ابتسامه المنجوها ??
نحبكم ❤