رواية حب من طرف واحد

#حب_من_طرف_واحد (حقيقة)✔?
الحلقه (11)والآخيرةةةلايك قبل متقري ياروحي

بسمه:تفاجأت من تيم ومشت لبست عبايتها
تيم:ركب السياره بسرعه وطوووول الطريق يدعي انشاء الله يلي في باله مش صح ياااااارب..
تيم:وصلنا المستشفى وانا من الخوف قريب يغمى عليا

الريسبشن:تفضل؟
تيم:نبي الدكتور احمد الماجد
الريسبشن:عندك موعد معاه؟
تيم:لا بس قوليله الدكتور تيم مصطفى يبيك
الريسبشن:لحضه ….ومشي

بسمه:خيرك خايف هكي
تيم:حضن بسمه…لا بس نبي نطمن عليك
الريسبشن:تفضل دكتور
تيم:شكرا
بسمه:خشينا لي مكتب الدكتور ووجه تيم ميتفسرش نهائيااا

فريده:ها المعفن هاذا والله رح نزوجوك سيد سيده
نهى:يلي حارقني انه طلقني بي برودة الدم الحقير???
تقوى:والله شكلها سحراته هذيك الوسخه
بشرى:وحده حقيره

د.احمد:شنو حسيتي تاني غير النزيف؟
بسمه:ولا شي
د.احمد:به كم مره صار معاك
بسمه:اليوم مرتين والاسبوع يلي فات مره
تيم:بيمووووت
د.احمد:دكتور تيم انت عارف هاذي اعراض شنو بس لازم ناخذ منها شوي تحاليل عشان نتأكد وانشاء الله خير
تيم:هز براسه بمعنى موافق

سحبو دم من بسمه وطلبو عليها شوي تحاليل دارتهم وقعمزت في المكتب هيا وتيم تراجي في النتيجه

بسمه:تيم
تيم:عيونه …وشاد في يديها
بسمه:شفتهم التحاليل يلي طلبوهم عليا …تبع سرطان الدم صح؟
تيم:انتي مفيك شي انا نبي نطمن عليك بس?
بسمه:ابتسمت ?
تيم:وعيونه دموع …بسمه ارحميني المره هادي متبتسميش ?لما قتلك نبي غيرك ابتسمتي ولما جت عيني في عينك في عرسي ابتسمتي ولما طلبت منك فطور في صباحيتي مع نهى ابتسمتي كل مره نقهر فيك كنتي تبتسمي المره هادي لا بالله عليك?
بسمه:المره هادي ابتسمت لانك جنبي ❤️توا حتا لو طلع فيا المرض ومتت عادي المهم سمعت منك نحبك في يوم
تيم:حط يديه ع فمها ودموعه ينزلو ….اسشش معش تجيبي سيرة الموت مستحيل نخليك انا حتا لو عطيتك دمي كله مستحييييل?….وحضنها بقووووه
بسمه:منزلت مني ولا دمعه منعرفش علاش كنت مرتاااحه لانه جنبي
تيم:قريب يموت من الخوف وحاس الدقايق تمر عليه سنين

د.احمد:السلام عليكم
تيم:طمنااا شنو صار
د.احمد:تفضلو قعمزو
تيم:قعمز وهوا شاد في يد بسمه
د.احمد:بعد كل التحاليل يلي درناها وعاودناها اكتر من مره
تيم:???شنووو
د.احمد:طلعت كل التحاليل نضيفه والنزيف هادا بسبب درجة الحراره المنخفضه يعني الصقع وتصير لي هلبا ناس في الدرجه الحراره المرتفعه او المنخفضه الانف ينزف يعني عادي مش خطيره
بسمه:شافت لي تيم وضحكتله ضحكه خفيفه
تيم:?ان ان انت انت متأكد ؟؟؟؟؟؟؟
د.احمد:اها اكيد من امتا نغلط انا يا تيم?
تيم:بارك الله فيك نوضي بسمه بسرعه ?
بسمه:طلعت معاه وكان يجري زي المجنون ورفعني لي مستشفى تانيه وتالته ورابعه وخامسه وكككلهم يقولو في نفس الكلام الحمد الله مفيا ولا شي

قدام المستشفى:
تيم:حضنها بقوووووه ويبكي بشهقه وهستيريا…..فكرة اني رح نخسرك وربي ماتحملتها??????مستحيييل نقدر نعيش من غيرك
بسمه:ههههه تيم خنقتني ?
تيم:يديه علي خدودها وقربها ليه….رح نحافض عليك طوول عمري مستحيل نخلي ولا شي يبعدك عليا ولا حتا يأذيك فاهمه مستحييل
بسمه:مجنون?….وحضناته
تيم:ركبت السياره وطووول الوقت يدي في يدها لين وصلنا

✨روايات بنووتة الشيخ(اروى)✨

بسمه:خشينا للحوش تقريبا الساعه1في الليل ومنحكيلكمش ع الدلع عاد يرعش عليا رعيش وطول الوقت يبيني في حضنه وبس

تيم:قعدت نتفرج عليها وهيا راقده في حضني طووول الليل يلي صار اليوم ربي دارهولي عشان يخليني نحس لو خسرتها كيف رح نكون عشان يفيقني ويخليني نهتم بيها اكتر واكتر والفرصه هادي مستحيل نضيعها بي اذن الله

ادم:به مدام قاعده تحبيني علاش بس تشحوري فيا
بلقيس:اي قلت نحبك بس مش مصدقاتك
ادم:مش مصدقه صار؟
بلقيس:بس لما شفت امك اليوم صدقت?
ادم:استاحشتك
بلقيس:حتا انا ❤️
ادم:اطلعي من روشن دارك شويه
بلقيس:علاش?
ادم:غير اطلعي
بلقيس:اممم به ….فتحت روشن ونشوفه واقف
ادم:استاحشتك
بلقيس:يامجنون شنو ادير هنايه?
ادم:بصوت عااااالي…استاحشتتتتتتك
بلقيس:حي عليا فضحتنا يا مهبول ياسرك
ادم:عطيني بوسه
بلقيس؛انلا هيا اركب سيارتك يلا
ادم:والده نعيط بصوت اعلا ره
بلقيس:امممممواه خلاص هيا اركب
ادم:محلاها ياربي
بلقيس:ادم هياااا ?
ادم:عيونك ادم انتي …وركب السياره وقعدو يهدرزو طول الليل

ثاني يوم:-

بسمه:تيم تيم حبيبي نوض ياسرك نوم
تيم:تلفت الجيها الثانيه
بسمه:تتتتتتيم هياااا نوض
تيم:انا الجن يلي لابس تيم اسمي مخهرع
بسمه:?
تيم:ومش رح نخلي تيم ينوض لين تعطيه خمسه كيلو بوسات
بسمه:ضرباته ع كتفه…ياباارد خلعتني ???
تيم:ناض حضنها وقعد يبوس فيها
بسمه:مزال 3بوسات وبس هيا نوض
تيم:امممممواه
بسمه:واحد
تيم:امممممواه
بسمه:اثنين
تيم:امممممواه
بسمه:ثلاثه
تيم:امممممممواه
بسمه:ياغشاش??
تيم:انتي غشاشه لانك حلوه هلبا
بسمه:????هيا نوض حوايج واتيات دوش والحقني عمي يبينا نفطرو لوطه
تيم:به هي

بسمه:خليت تيم يدوش وانا لبست ونزلت …والاجواء كانت تهببببل في حوش عمي فطور وسفنز وشاهي العاله ومطرر تصب برا ااااه قداش كانت نفسيتي متريحه

بسمه:السلام عليكم الصباح الخيرات
مصطفى:هلا هلا هلا والله وين مغطصه لين استاحشتك
سلسبيل:لاهيا ياحنا مع راجلها?
سميره:سلسبيل تعاللي
بسمه:نوضي امك تنادي فيك??
سلسبيل:نايضه?

مصطفى:كيف حالك بنيتي
بسمه:الحمد الله بخير وانت عمي كيف حال صحتك
مصطفى:انا كويس بذات الايام هيا لان وضعكم تصلح انتي وتيم
بسمه:?هههه وضعنا من قبل تمام ?
مصطفى:الاب يابنتي يعرف بنته من عيونها لو كانت فرحانه ولا لا وانا مكنتش راقد علي وداني طوووول ها الفتره لا كنت نساير فيكم ومداير روحي مش فاهم شي
بسمه:?
مصطفى:بس مدخلتش في الموضوع لان عارفه مرجوعه ليك وعارف انك بنت اصل وصبرتي وتحملتي وربي رح يجازيك وزدت تأكدت لما شفت نهى طالعه مع بوها ولامه حوايجه
بسمه:اءء ان انا
مصطفى:انتي احسن بنت عرفتها في حياتي
بسمه:حضناته …ربي يخليك ليااا
مصطفى:ولا يحرمني منك❤️

سميره؛لاهكي هلبا الصراحه
سلسليل:اي ياماما ديري حل
مصطفى:انتي اسكتي ياسوسه
سميره&بسمه؛????
سميره:هي قعمزو افطرو
ادهم&ادم:صباح الخير
كلهم:صباااح النور
مصطفى:تي وينك يافرخ ادهم قداش ليا مشفتكش
ادهم:نخدم علي راسي يابوي
سلسبيل:والله شكله في وحده في البال?
سميره:ياريت والله خلي نديرو عرسك انت وادم مع بعض
ادم؛وجها ولا موف?
سميره:ع سيرة العرس مبكري كلمتني ام بلقيس وموافقين العيله
مصطفى:علي بركة الله
ادم:??
ادهم:ع اساس متحشم يعني ايوا حني ايوا
ادم:خلاص عااااد?
سلسليل&بسمه:???
تيم:صباح الخيرااات
كلهم؛صباح النووور
سميره:تعالا وليدي افطر نصبلك شاهي
تيم:ياريت والله
مصطفى:كيف الحال ياتيم
تيم:تمام التمام
مصطفى:وين مرتك التانيه معش بانت
تيم:ااه انا مقلتلكم طلقتها امس
كلهم:????
مصطفى:غمز لي بسمه?
ادم:فتكيت منها مرزن دمها مسكينه
ادهم:اي والله لاتعرفها مزيته لا مصننه
سلسبيل&بسمه&سميره:?هههههههههه
مصطفى:عيب تحشم انت وياه
ادهم:احمم امي بنسألك
سميره:شنو
ادهم:جديات عادي تخطبيلي
ادم: ديما مقلدني في كل شي كان نقول انا حامل يقولي حتا انا في للشهر الثالث
سلسبيل:ههههههه والله إلا عرفته هي
سميره:اي ولدي شققكم واتيات خلي نفرح بيكم مع بعض
تيم:انشاء الله ع خير

#بعد_مرور_شهرين

بسمه:كل يوم تيم يزيد يحبني اكتر واكتر وانا اسعد انسانه في الدنيا هادي المهم الحوش كللله مقلوب يوتي للعرس الكبيييير عرس ادهم وادم والحوش زحمممممه هلباااا وطبعا لما عرفو ان تيم طلق نهى في منهم كان متوقع ها الشي وفي منهم فرحولي وفي منهم نحرقو مساكين توا خلوني نحكيلكم ع اجواء العرس عمي دار عزومة غداء كبييييره هلبا عزم الناس يلي في المصحه كلهم والعياه والجيران الدنيا كلللللها وجي عرس مش عادي بكككل

يوم الدخول:-
بسمه:بعد ماروحنا من الصاله طول الطريق وانا نبكي مش مصدقه ان ادهم وادم تزوجو فرحانه لين خلاص
تيم:تقول مروحين من عزي ياسرك بكي ياعمري??
بسمه:اااله ياقلبي مش قادره ???
تيم:والله مهبوله زيك مريتش …..

وصلو للحوش وتيم قام بسمه وهيا تعيط?وركب بيها لي الشقه والعيله كللهااا شافاته
تيم:هي خلاص عاد امسحي دموعك تي هما لاصقين في وجوهنا
بسمه:هدت …به خلاص
تيم:تو باهي همي خربتي مكياجك
بسمه:استنا نغسل وجهي ونجيك
تيم:هي بسرعه نستنا فيك
بسمه:خشيت الحمام غسلت وجهي ودرت ميكب خفيف ولبست روب وردي عارفه ياكبدي تيم مستحيل يفوت الليله ع خير??

بسمه:جيتك ?
تيم:ياحليلي انا علي الجمااال???
بسمه:??
تيم:قبل ماننقز عليك بنعطيك حاجه
بسمه:????شنو
تيم:هاك….مدلها زرف✉️
بسمه:شنو هادا؟
تيم:افتحيه
بسمه:فتحت الزرف لقتهم زوز تذاكر لي تركيا

بسمه:جديات???
تيم:خلينا نمشو شهر عسل نفرهدو شويه
بسمه:حصناته يااااااقلبي انت ربي يخليك ليا
تيم:احمم لا متشكرينيش هنايا تعالي نتفاهمو في دار النوم
بسمه:????

بعد سفرتنا وهياجتنا لي تركيا لمدت شهرين اكتشفت اني حامل وفرحة تيم كانت اكتر متي صراحه??جبت بنوتة سميتها وتين ?وبعد اسبوعها سلسبيل خطبها حبيبها يلي تنبح هيا وياه طول الليل???? والحمد الله توا بناي عمرها 4سنين وحامل وحياتي مرتاحه فيها وشكرا لي بنووتة الشيخ ع تنسيقها ونشرها لي قصتي

-افتحي عيونك كويس ع الناس يلي جنبك فرقي بينهم يلي يحبوك ويلي لا وحاولي تعاملي يلي يحبوك بي احسن شي ومتجرحيهمش لان مرات تعرفي قيمتهم بعد مايخلوك مرات ميكونش عندك فرصه تانيه زي تيم وتخسريهم للابد

-ديما خليك متأكده ان الصبر فعلا مفتاح الفرج وربي يحرمك من حاجه لان يبي يعوضك بي خير منها وخليك تتعاملي مع الناس بي نيه طيبه لان محبت الناس ليك بروحها نعمه الوقاحه مع الناس والخبث مش رح يجيبلك اي فايده غير انك تولي مكروها من الكل ودي منقول ديما الحب موجود في كلللل مكان بس افتحو عيونكم واختارو صح….بنووتة الشيخ(اروى)