رواية حب من طرف واحد

#حب_من_طرف_واحد( حقيقة)?
الحلقه(9)طق طق طق
بسمه:اففف وام ع سلسبيل ان….
تيم:اهلين
بسمه:نعم؟!
تيم:لحضات بنشوف السخانه
بسمه:تمام…طبعا نسحابه في مشكله في الحوش اللوطي او شي

صكرت بسمه الباب وتجي المفعوصه حنين تقربعه بي المفتاح وتنزل زي الجن.

تيم:خش للحمام يشوف في السخانه وخشت بسمه غيرت حوايجها ولبست بيجامه بيضه ناعمه وقعدت تستنا في تيم يكمل باش تغسل وجها

تيم:شاف السخانه لقاها والعه وامورها تمام طلع من الحمام
بسمه:كملت؟
تيم:يشبحلها في نضرات غريبه
بسمه:كملت؟
تيم:اها اي لقيتها امورها طيبه السخانه
بسمه:تمام ..وجت بتخش الحمام شدها تيم من يدها
بسمه:?
تيم:تعالي نهدرزو كلمتين
بسمه:انا تاعبه وبنغسل وجهي وبنرقد
تيم:خلينا نحكو بعدين ديري يلي تبيه
بسمه:يقعمزت علي السرير…شنو فيه؟
تيم:انتي مرتاحه هكي؟
بسمه:كيف؟
تيم:يعني بي وضعك هاذا مرتاحه معاي؟
بسمه:الف سؤال جي في دماغي خيره هادا شن صارله فجأه
تيم:نسأل فيك
بسمه:مرتاحه في حياتي الحمد الله عندي هدمتي يلي نحبها وبين اهلي عمي ومرت عمي وصغارهم يلي نحبهم يعني تقدر تقول عندي كل شي الحمد الله
تيم:هادم بس يلي تحبيهم؟
بسمه:قعد قلبي يدق بسررررعه واستاكيت معقوله تيم يلي يدوي معاي هكي…ليش انت شنو تقصد؟
تيم:مرتبك ومعرفش يوصلها المعلومه …يعني انا مش عادل بينكم لو تبي زيك زي نهى انا معنديش مشكله احكي قولي انتي شنو تحسي
بسمه:معمريش توقعت انه يجي يوم ويقارني بي حبيبته يعني ك كيف صار وليش يحكي هكي ؟
تيم:بسمه نكلم فيك
بسمه:انت شنو خطر عليك السيره هادي؟
تيم:ولاشي بس راجعت حساباتي يعني اناي بنت كويسه وفي نفس الوقت مرتي وحتا واجبي بيني وبين ربي نعتبر مقصر يعني منباتش عندك ولا نطلع فيك وهلبا حجات منقصها عليك
بسمه:هه وحتا لو حاولت عمرك مارح تعدل بينا لان في النهايه هيا حبيبتك انا مطلبت منك شي ومتخافش مرتاحه في حياتي بس انت باين عليك مش مرتاح حافض علي حبيبتك عشان مضيعش منك لان وقتها رح اتحس بي شعور اخييي هلبا ورح تتحسر عليها هلبا …وناضت
تيم:شد يدها …بسمه انا ب…
بسمه:نفضت يدها منه…للمره الالف نقول خليني في حالي …وخشت الحمام

تيم:لهاذي الدرجه ولت قاسيه عليا هكي ??‍♂️منعرفش ليش بس تمنيتها تقولي اي خليك معاي واعدل بينا متوقعتش الرد منها هكي وهيا تحبني معقوله تكون كرهتني؟؟؟ليش انا بديت نفكر فيها هلباااا ونبي نكسبها بي اي طريقه ؟ملقيتش اجابه اكتر من ان بسمه عندها حجات نهى معندهاش نهائياا علي قد محاولت نلقاها

بسمه:خشيت الحمام وعقلي راضي ع يلي قلته بس قلبي لاااااا عقلي يقولي اخسن مادرتي بس قلبي يقولي حرام عليك علاش تزيدي اتعبي فياااا غسلت وجهي وانا نبكي ونحاول نهدااا

تيم:قررت نخليها علي راحتها المره هادي ..نضت افتحت الباب بس مباش يفتح ع قد محاولت مره واثنين وثلاثه بس مقدرتش
بسمه:خيره الباب؟
تيم:مش عارف كأنه حاصل او مسكر بي مفتاح
بسمه:عندك نسخة المفتاح؟
تيم:خليته لوطه هوا تالفوني
بسمه:تو تشوف عندي واحد يمكن
تيم:تمام
بسمه:فتشت الشنطه لين عيت بس مفي شي

تيم:يحاول يفتح الباب وفجأه يسمع صوت من وراء الباب
حنين:خالو
تيم:حنين حبيبتي
حنين:نعم
بسمه:ملقيتاش
تيم:حنين نادي خالو ادهم
حنين:انلاا انا ثكرت الباب بي المفتاح
تيم:علاش?
بسمه:?
حنين:دخلكش فيا
تيم:?حنين بري نادي اي حد باش نعطيك حاجه
حنين:انا غضوا انادي جدي
بسمه:حنين اسمعيني
حنين:باااي ..ونزلت

بسمه:??‍♀️

روايات بنووتة الشيخ(اروى)

نهى:اففف وينه هادا …طووط طوووط طوووط
سلسبيل:الوو
نهى:شنو يدير تالفون تيم عندك
سلسبيل:خلاه لوطه ?
نهى:وين هوا مع…..
سلسبيل:صكرت في وجها
نهى:??لبست وشاح ونزلت

طبعا الصاله فيها مصطفى وسميره وسلسبيل يهدرزو علي اجواء اللمه وتخش نهى
نهى:اهلين كيف حالكم توا
مصطفى:الحمد الله
نهى:معليشي وين تيم؟
سلسبيل:تيم ركب مع بسمه انتي بات عندك امس ولا؟اليوم عندها
نهى:??شنننننووو
مصطفى:اي يابنتي هكي خير العدل
نهى:ركبت وهيا بتتفجرررر اطق علي شقة بسمه ….تييييييم ياتيم

جت بسمه بتتكلم بس تيم حط يده علي فمها
تيم:اششش مترديش عليها
بسمه:علاش؟
تيم:ع اساس انا مش هنايا تو بدير قصه وهيا مريضه خايف تزيد تتعب
بسمه:اهاا تمام
تيم:طبعا انا كذاااب قلت هكي لان لان لان…بصواحه منعرفش علاش بس جي خاطري نقعد معاها

نهى:رجعت لي قتها وهيا تغغغغغلي ومش مصدقه ان تيم بايت في شقة بسمه

ادهم:عاود عاود??
ادم:اي نبي نخطبها
ادهم:من امتا وانت تفكر في الزواج???
ادم:لان تعبت وانا نجري جرتها وهيا مش مصدقتني يمكن لو جبت امي وخطبتها تصدقني
ادهم:قصدي نبي نعرف انت علاش شادفيها الشده هادي فهمني؟!
ادم:لاني ملقيتش بنت تحبني زيها
ادهم:اممم نسيت يلي درته معاها ؟نسيت كيف تعيط عليها بدون سبب
ادم:ونبي صكر فمك تو انا نشكيلك في همي منبيكش تزيدني
ادهم:المهم توا امتا بتفتح الموضوع مع امي
ادم:مزال لازم نقول لي بسمه قبل تقنعهم
ادهم:اي راي مليح

سلسبيل:شنو درتي يلي قتلك عليه
حنين:اي هي وين العثره جني؟
سلسبيل:هاك ياهمي??

بسمه:شربت اميه وخشيت رقدت ولا كأنه موجود وهوا مقعمز يتفرج ع التلفزيون رغم ان خاطري نتسبل بي اي شي ونقعمز نتفرج عليه

بعد ساعه:-
تيم:خشيت الدار ولقيت بسمه راقده …فتحت دولابي بدلت حوايجي وقعمزت جنبها تأملتها شويه بعدين قربت عليها
بسمه:فتحت عيوني لقيته قريب مني هلباااا
تيم:قعدت في مكاني لاعرفت نقدم ولا نوخر
بسمه:متحرك فيا شي غير عيوني قعدت نشوفله نشوف لي عيونه حسيت بي نفسه عليااا ااااه محلااه
تيم:ابتسم وباسها ع جبينها
بسمه:ساكته
تيم:بعد البوسه البريئه يلي عطيتهولها معش قدرت نشد روحي عليها ..زدت بستها ع خدها ونزلت ع فمها ونزلت ع رقبتها كانت ريحتها تجنن
بسمه:عقلي يقولي نوضي باااااعديه من عليها بس كنت متخدرررره هلباا مقدرتش نتحرك كانت نحس بي شفايفه ولحيته علي رقبتي شعور يدوووخ مع شخص تحبيه
تيم:تماديت اكتر وفكيتلها بطم البيجامه وانا نبوس فيها …..

روايات بنووتة الشيخ(اروى)

ثاني يوم :-
بسمه:فتحت عيوني لقيت روحي في حضن تيم يلي كان راااقد وحاضني بي يديه الزوز قعدت نتكلم في سري انا شنو درت ياااااربي اذكرت اني مراته وحلال يلي صار بينا بس منعرفش شنو خلاني نستسلم كرامتي بعد هادا كله وين قعدت سااارحه بعدين نضت من جنبه بشووويه وانا مغطيه روحي بي الشرشاف وخشيت الحمام دوشت ولبست قفطان حوش طويل لونه بيج جفتت شعري وصليت حضرت فطور ودرت ع الطاوله وجيت فتحت الباب وطلع مفتوح؟عرفت طووول انها كانت خدعه من سلسبيل

تيم:نضت من النوم وطوول اذكرت شنو صار بيني وبين بسمه امس يلي صار معاها بجد كان غيررررر مع نهى منعرفش كيف نوصف بس شعور حلو نضا دوشت وطلعت من الحمام ناديتها بس ملقيتهاش شفتها محضرتلي فطور زي قبل منتزوجو لما نروح من المانيا مستحيل تنسا فطوري او اي شي يتعلق بيا المهم فطرت ولقيت الباب مفتوح نزلت

بسمه:ياكلبه والله عرفتها خدعه منك هدمتيلي يلي بنديره كله
سلسبيل:تي غير شنو صااار هيا بنموت
بسمه:افففف
سلسبيل:تكلمي هياااا حاسه ان فيه شي
بسمه:تهنيت امس
سلسبيل:تبصررررررررري هاذا صكرت عليكم الشقه يوم كان اسبوع كيف راهو حملتي???
بسمه:خدودها حمررر..خزي تحشمي
سلسبيل:احكيلي من البدايه شنو صار
بسمه:شنو بنحكيلك تحشمي ?
نصطفى:شاركونا الحديث وانتم توشوشو من بكري
سميره:هادا حالهم ديمه ههههههه
تيم:السلام عليكم
كلهم:وعليكم السلام
بسمه:انا قلبي خلااااص بيطلع ومتحشمه هلبااااا
تيم:كيف حالكم
مصطفى:الحمد الله شنو بتمشي اليوم المصحه
تيم:اي اكيد شنو بسمه بتمشي
بسمه:ها?
تيم:قتلك بتمشي المصحه؟
بسمه؛اءء بب ان
سلسبيل:اي بتمشي من بكري تستنا فيك تنوض
بسمه:فنصت فيها
تيم:به نوضي البسي هي
بسمه:تمام ….وكبت بسمه لي شقتها وركب تيم لي شقت نهى

نهى:مععععصبه ومقعمزه ع النت
تيم:صباح الخير
نهى:شافتله من فوق لا لوطه ومردتش
تيم:شنو متبيش تردي
نهى:اقلب وجهك من عليا مش طايقاتك
تيم:انا نقلب وجهي?كيف تكلميني هكي انتي ?
نهى:وين بايت امس
تيم:شن دخلك فيا وين باااايت
نهى:عند الكلبه هديكه صحح
تيم:اي عندها
نهى:كيييييييف كيف تبات معاها
تيم:والله حلالي نبات معاها مش حرام
نهى:ممكن نعرف انا علاشششش ماشيلها الحقيره الوسخه هادي
تيم:والله مفي وسخ غيرك وغير شقتك شوفيها تي معنديش حتا لبسه نصيفه عندك وريحت الشقه تقلب الراس لافطور لاغدي لاعشي زي الناس
نهى:تواااا توااا طلعتلك منصلحش؟؟؟
تيم:اي توا بعد عشت معاك وعاشرتك
نهى:والله انا هكي متعوده لبسي في المغسله ينغسل وماكلتي من برا وجوي كلللله متع اجانب عاجبك به مش عاجبك خليني ناخذ راجل ع الاقل عند كلمته
تيم:عصصصصب وطلع الدخان من ودانه ضرب نهى ونهى تعيط خشت بعضها

تيم:نروح نلقاك قاعده وربي إلاما نقتلك
نهى:????

روايات بنووتة الشيخ(اروى)

تيم:نزل ولع سيارته وبعد شوي لحقاته بسمه وركبت من تالي
تيم:تلفت…خيرك راكبه من تالي؟
بسمه:ارتبكت…امم مش جايا نهى
تيم:ابتسم هذيك الابتسامه يلي اذوووب …تعالي اركبي من القدام مش جايا
بسمه:عادي حتا هنايا مرتاحه
تيم:تي تعالي القدام اسمعي الكلام
بسمه:نزلت وركبت القدام

نهى:اتصلت بي بوها وخذت حجاتها وروحت لي حوش اماليها

تيم:طوووول الطريق شاد في يد بسمه وبسمه مسكينه يابسه زي المومياء?مش عارفه كيف تتصرف

بنووتة الشيخ:استنو نتعشا ونكملكم الله محلا الحياة العشي مش عليا??

جييييييتكم …

تيم:وصل للعياده وبسمه خشت المختبر تخدم وحكت لي بلقيس كل شي وبلقيس مسكينه قريب نجلطت
فات جو ساعتين تقريبا

حفصه:سوومه
بسمه:عيونها
حفصه:فيه بنوتة في قسم الاورام ونبي تعالي تصرفي معاها تعيط قالبه الدنيا مش راضيه تاكل شي
بسمه :غرفه كم؟
حفصه:2
بسمه:به جايا هي …كملي بلقيس الراجل نص ساعه ويجي ياخذ التحليل
بلقيس :تمام

بسمه:خشت للغرفه وشافت البنت تبكي..سلامات سلامات
ام البنت:والله مراضيه تاكل حاجه تعبتنا سلامتها?
بسمه:ضحكت للبنت اهلين ?
البنت:????
بسمه:جت في وذن البنت…تبي شكلاته ولا حلوه؟
البنت:?حوا
بسمه:به وشن خاطرك تاني
البنت:جيلاتي
بسمه:بصوت واطي…به اسمعي نعطيك حوا وجيلاطي متقوليش لحد باهي
البنت:به??
بسمه:انتي صاحبتي ولا
البنت:اي اي
بسمه:به توا ناكلو حجات الدكتور وبعدين نجيلك الحلوه لان كان مكليتي شي منقدرش نعطيك وبطنك توجعك وتولي تبكي
البنت:تعطيني حتا جيلاتي
بسمه:ههههه اي
البنت:به ماما نبي ممي
ام البنت:الله يفتح عليك دنيا واخره يااااارب
بسمه:ضحكت وحطت ايديها في جيوب البالطو…ولا يهمك هي عطوها تاكل صاحبتي بنمشي نجيبلها السر يلي اتفقنا عليه
البنت:تضحك وفرحانه
بسمه:تلفتت ولقت تيم وراها…يتبع

error: