رواية حب من طرف واحد

#حب_من_طرف_واحد (حقيقيه)?
الحلقه(5)خشت بسمه للمختبر لبست البالو الابيض ولتمو عليها البنات
بلقيس:ياعمممري اخيراا 
سماح:اي والله كسااد تعرفي والدنيا متوتره وانتي مهناش مفيش حد طايق التاني
بسمه:لهدرجه انا حاجه كبيره يعني?
منتهى:واكتررر ياحبي

الدكتور خيري:يلا ياسركم لكلك وابدا شغل خي….بسمممه?
بلقيس:هههههه حتا انت يادكتور
خيري:والله مفاجأه حلوه يابنت وينك
بسمه:تسلم شوية ضروف والله
خيري:به انشاء الله خير معش تغيبي علينا
بسمه:انشاء الله …هيا بنات
بلقيس:بدت عاد ?
بسمه:امالا شنو?

بعد ساعه :-
تيم:مقعمز في مكتبه وطبعا معاه مكتب دكتور ابراهيم في نفس الغرفه …

د.ابراهيم:انشاء الله تكون متريح
تيم:الحمد الله تمام
د.ابراهيم :انشاء الله تزيد تتعود ع الشغل هنايا مع الوقت
تيم:بي اذن الله

بسمه:السلام عليكم ?
ابراهيم:وعليكم السلام?
بسمه:وهاااذي قهوتك
ابراهيم:اي والله استاحشت ايامتك يابنت اخيرا رجعتينا
بسمه:تسلملي دكتور
تيم:قرن حواجبه ..شنو مفيش قهودجي هنايا؟تشتغلي بدله ولا شنو
بسمه:سكتت وقعدت تشوفله بنضرت كسر?
ابراهيم:لا فيه اكيد بس القهوا يلي ادير فيها بسومه غير الدكاتره كلهم يستنو فيها امتا تجيبلهم…صحيتي بسوم
بسمه:سلمك ?..
الممرض حسن:بسمه انتي هنايا وانا قالب عليك الدنيااا عاد توا معش تفضي وتيم هنايا
بسمه؛شنو فيه?
حسن:الدكتوره حفصه تبيك عندها بنت تعيط متبيش تصور الاشعه تعالي ديريلها حل
بسمه:تمام جايه …وطلعت

تيم:قعد سارح ويتكلم في سره…هاذا باش يحبوها همااا ؟؟تساعد في هاذا وهاذا شغلها في المختبر شنو دخلها في الاشعه والقهوااا؟؟اففف … خلي نمشي نشوف نهى شويه

روايات بنووتة الشيخ

حفصه:صحيتي بسومه
بسمه:ولوو ?
حفصه:بيني وبينك بجد انصدمت في راجلك
بسمه:ارتبكت
حفصه:قعمزي شوي
بسمه:قعمزت ع الكرسي وحفصه سكرت الغرفه
حفصه:احكيلي كيف ساكته ؟
بسمه:علي شنو؟
حفصه:طووول عمرنا نعرفو انكم تبو بعض وتحبو بعض بعدين تجوز عليك وانتي قاعده عروس لا وزياده تخدم في نفس المكان شنو القصه وشنو صاير؟!
بسمه:القصه اني حبيت من طرف واحد
حفصه:?
بسمه:وعيونها دموع ..اي حبيت من طرف واحد ومقدرتش نباعد عليه ونرفض الجواز لان وقتها رح ندمر حياتي بي يدي
حفصه؛كيف؟?
بسمه:اولهم عمي رح يخيب ضنه ومش رح نفرحه واكيد حيمرض ومش رح يخلي تيم يتجوز يلي يبيها وهكي تيم رح يكرهني ويعتبرني السبب في خراب حياته ووقفت في طريق ساعادته انا راضيه بيلي انا فيه قاعده بين مرت عمي وعمي يلي يحبني اكتر من اي شي وخوته ادم وادهم يحبوني ومعوضيني شويه ع يلي انا فيه
حفصه:وبعدددين؟؟؟ هوا تزوج يلي يبيها به انتي حياتك شنو بيصير فيها
بسمه:شنو قصدك
حفصه:اطلقي منه وشوفي نصيبك انتي صغيره وحلوه الف واحد يتمناك
بسمه:معمريش تخيلت روحي مع حد غيره ?
حفصه:بسمه يلي قاعده عايشتيه غلللط انتي مش معاه اصلا جايب وحده من برا العياده كللها اذم فيها لانها مش زينا ووقحه مع الكل ومسيبك انتي يلي مفيش حد عرفك إلا وحبك
بسمه:انا ندعي في ربي ..مش انه يخليه يحبني اوشي لا بس يريح قلبي بي اي طريقه ويختارلي ميخيرنيش في حد طلب ربي وربي موقفش معاه؟
حفصه:لا?
بسمه:خلاص امالا خلي ربي يرتبلي اموري
حفصه:ياريت عندي ربع عقلك سومه ربي يخليك
بسمه:ويخليك حبيبتي

فهد:فتح الباب…هيا الدفعه الاولى كملت غداها تعالو تغدو
حفصه:جايين

روايات بنووتة الشيخ

تيم:وصل قدام الصيدليه لان ماشي لي نهى ووقف يسمع
نهى:ردي بالك ياماما تجي جيهتي والله انتي عارفه ان راجلي ولد صاحب العياده يعني انلزك امته منبي انا سامعه
فاطمه:بالله عليك توا هاذا اسلوب دكتوره تخدم في عياده محترمه عليك شكالات ع اساس عايشه برا كان عشتي هنايا كيف
نهى:لا والله خليت الاسلوب ليك ياتافها يا….
تيم؛نهى
نهى:جيت في وقتك حبيبي تعالا شوفها التافها هادي مدايره راسها من راسي
فاطمه:دكتور ان….
تيم:راسي يوجع فيا منبيش نسمع شي اطلعي معاي
نهى:شبحت لي فاطمه نضرت استفزاز وطلعت مع تيم مشو للكافيتيريا متع المصحه

ع الطاوله:
تيم:حبيبتي حاولي مديريش سمعه سيئه لي روحك
نهى:بدلع…يرضيك انت يبهدلوني
تيم:شد يدها وبتسم..اكيد لا

بعد شوي خشت بسمه للكافيتيريا قعمزت وجو الدكاتره خذو الطاولات ولصقوهم في طاولت بسمه وقعمزو كلهم مع بعض بدو ياكلو ويهدرزو وضحك والجو تمام

نهى:شنو في الزحمه هادي؟
تيم:خليهم مدوريهمش خليني لاهي معاك?
نهى:تعرف امس كلمتني اختي قتلي عرسك يهدرزو بي و…..
نهى طايحا فيها هدرزه وتيم عيونه ع بسمه يشوف فيها كيف تهدرز معاهم وتضحك مش غيره او حب لا في الحقيقه انه يشوفلها حب فضول لانه ولا مره حسبها في الوجود اصلا ولما التفتلها شويه شافهم كللللهم يحبوها ومهتمين بيها

في الطريق وهما مروحين:-
ادهم:وانا نقووول علاش مخليتيهاش تمشي معانا
سلسبيل:اي هاذي اول خطه مني نبيها تمشي وتروح معاهم خلي يتعود عليها تيم وتخرب ع الكليه هذيكه
ادم:يلي يقدركم يا بنات انتم ووك ووك
سلسبيل:امالا شنو

الساعه3:-
تيم:غسل يديه وطلع من غرفته خذي نهى وجو طالعين شاف بسمه قدام باب المصحه
تيم:تستني في حد؟
نهى:حبيبي هيا ..وتقلب في وجها
بسمه:ااءء ء اي نستنا دكتوره حفصه تكمل باش تروح بيا
تيم:منضرك مش حلو وانتي واقفه هكي اركبي روحي معانا
نهى:مش ع اساس بنخطمو ع المول تيم?
بسمه:عادي روحو اصلا هيا معادش مزال هلبا وتكمل
تيم:لو بوي شافك واقفه هني ونحنا روحنا رح يدير العار اركبي
نهى:افففف????
بسمه:ركبت بسيف وانا محروقه من لقطات نهى يلي ادير فيها ..قعمزت لتالي وعيوني في المرايه نشوفله ااااه لو كنت ليا بس لوو تعرف قداش نحببك لو تعرف?

روايات بنووتة الشيخ

بسمه:اول موصلنا ركبت لي شقتي بدلت حوايجي وصليت عيت وانا نبكي في السجود لين تريحت ورقدت

تيم:حبيبي تذكري لي صاحبي حسام يلي في المانيا
نهى:اي خيره
تيم:بكرا مروح لي ليبيا وبيجي يتغدا عندي
نهى:به ياعمري يوصل بسلامه
تيم:وتوا مرتي الفالحه بطيبلنا احلا غدي
نهى:شافت لي تيم…جديات تتكلم؟
تيم:اي هوا قال بنذوق تطيب مرتك
نهى:انشاء الله حبيبي حاضر
تيم:سلمها حبيبتي انا

ترن ترن ترن
بسمه:نضت ع صوت تالفوني يشرين..الوو
بيلسان:سومه كيف حالك؟
بسمه:الحمد الله شن اخبارك انتي وحنين (بنت بيلسان)
بيلسان:الحمد الله تمام قاعده غضوا؟
بسمه:اها قاعده بتجي??
بيلسان:اي انشاء الله بنتغدا عندك فوق
بسمه:ع سلامتك ياروحي …وقعدو يهدرزو

في الصالون:-
مصطفى:تيم وين؟
سميره:فوق اكيد
مصطفى:عند منو بايت اليوم
سميره:ارتبكت..اشبح دور منو اليوم هوا مداير يوم بيوم
مصطفى:به اهم شي العدل
سميره:في خاطرها كان تعلم بس
بسمه:السلام عليكم
مصطفى:وعليكم السلام ?
بسمه:كيف حالكم اليوم
سميره:الحمد الله وين مشفناكش
بسمه:روحت تاعبه بكل رقدت شويه
سميره:ربي يعاونك
بسمه:سلمك وين ادهم ولا ادم
ادهم:سمعت اسمي
بسمه:زي الجن انت??
ادهم:هههه امالا شنو
بسمه:بنعطيك ورقه فيها حجات نبيك تجيبهولي ضروري غير تيم مش فاضي غضوا
ادهم:من عيوني
بسمه:سلملي عيونك ياربي
سميره:اه علي سيرة غضوا تمشي معانا لي حليمه كنتها جابت
بسمه:مره تانيه بكرا جايه بيلسان بتتغدا عندي
مصطفى:ايوا حني خواتنا بيتغدو عندنا
بسمه:هههههه اي
سميره:به ربي يونسكم بي بعض
بسمه:سلمك ياربي

نهى:حبيبي بكرا عطله وين بترفعني
تيم:مش قتلك الولد جايني غضوا
نهى:نسيت?

بسمه:صهرت شويه مع سلسبيل وركبت رقدت .

ثاني يوم:
بسمه:نضت بكري جابلي ادهم الحجات الناقصه وبديت نطيب درت بيتزا وطاجين ومبطن وكسكسي بي البصله وسلايط وزوز كيكات وكنافه …طبعا ناشطه ?لان اختي تسكن بعيد ولما تجي عيد وعاشوراء ياكبدي المهم طيبت بي الزايد باش يذوقو مرت عمي وسلسبيل

تيم:روح من المحل جايب فواكه ولما خش انصدم لقي نهى راقده وبدي يعيط عليها

تيم:بصوت عصبي ….تي كييييييف مش قتلك الولد جايني بيتغداااا
نهى:نسيت وراحت عليا نوومه به شنو بندير
تيم:تي قريب يوصل الولد كيف اديري هكي انتي…وكان معصب هلبا
نهى:برا جيبله من المطعم كتر ربي غير المطاعم
تيم:لوح التحفه يلي كانت ع طول يده وطلع وقربع الباب
نهى:افففف عروسه ويبيني نطيب

بسمه:بعد كملت حوستي بخرت الحوش وخشيت دوشت

تيم:طلعت من شقه ونفكر شنو ندير بسسس حتا امي وسلسبيل طالعه وانا نفكر نشم في ريحك تطيب مغبقه الدنيا عرفت ان بسمه هيا سبب الريحه بعد تردد كبييييير قررت نمشيلها

بسمه:طلعت من الحمام دهنت كريمة اليدين والمنشفه فوق راسي نسمع في الباب يطق …اخيرااا وصلت

بسمه:جت حبيبت خالتوو يا…??
تيم:شاف بسمه لابسه بيجامه ورديه عاكسه ع بياضها ولافه فوطه ع راسها وريحتها يلي وصلاته❤️
بسمه:قلبي زي كل مره بس خفت مش من عوايده يجيني
تيم:بب بسمه والله نبي نطلب منك طلب ومتحشم
بسمه:ربي ميحشمك انشاء الله خير
تيم:عزمت صاحبي ع الغدي وعابي ع نهى بطيب لاكن مرضت الصبح والولد قريب يوصل لو مطيبه شي علي السريع ياريت تنقذيني
بسمه:اها اكيد فيه كل خير
تيم:صحيتي
بسمه:ولا يهمك…من الخلعه سكرت الباب في وجها وانا نررعش مشطت شعري بسرعه وقعدت نوتي في السفر جهزت سفرت تيم قبل

حسام:والله واستاحشتك ياقرد
تيم؛ههههه سمنت مشاء الله هادي كلها راحه!
حسام:اي منحكيلكش هي وين الغدي جعاان ولا متبيش اضوقني غدي مرتك
تيم:ههههه ادلل لحضات هي

طق طق طق
بسمه:اها تفضل واتيه السفره
تيم:صحيتي ..طبعا السفره كانت مغطيه بي بخشه رفعها للمربوعه واخذ البخسه فرشها ونصدم في السفره يلي كانت مرتبه ومنسقه وريحتها خيااال مش ناقصه ولا شي
حسام:تبارك الرحمن متأكد مش امك يبي دارت هاذا كله??
تيم:مصدوم حتا هوا …هههه كول وسكر فمك

✨روايات بنورتة الشيخ✨

بيلسان:اخخخخ بس وفوق هادا كله سترتيه قدام ضيوفه
بسمه:عادي اصلا مطيبه بي الزايد انا المهم توا احكيلي شنو جوك مع مراد وعزوزتك الحرفه?
بيلسان:ههههه والله شنو بنقولك حنين بنتي تتعارك معاها اكتر مني
بسمه:شاف لي حنين حقا???
حنين:منحبهاث
بسمه:علاش?
حنين:وجها معكرث
بسمه:معكرش هههههه

طق طق طق
بسمه:تو نجيك اكيد هوا
بيلسان:الخامر هادا
بسمه:فتحت الباب
تيم:خش دخل السفره…اهلين بيلسان كيف الحال
بيلسان:من غير نيه …اهلين بيك
حنين:ياخالو
تيم:نزل باسها عيون خالو
حنين:عروستك اخي مس حلوا
تيم:?
بيلسان:???
بسمه:اءء تيم تفضل
تيم:شنو هادا؟
بسمه:نسكافي وكيكه نزلهم لي الراجل
تيم:ابتسم ..صحيتي
بسمه:تشوف لوطه سلمك
تيم:طلع وسمر الباب
بيلسان:صراحت بنتي فضيعه???
بسمه:ههههه …

حسام:والله صحه ليك درتها وخذيتها
تيم:الحب ومايفعل ياصاحبي
حسام:به وبنت عمك شنو ؟
تيم:شنو؟!
حسام:قصدي مستغرب كيف وقفت معاك وعادي زوجاتك معناها اكيد حتا هيا تبي حد تاني
تيم:قرن حواجبه حد تااني؟
حسام:اي لازم تحكي معاها يعني تتفاهمو اطلقها ولا شنو بيصير فيكم
تيم:علاش بنطلقها
حسام:ههههه مصح وجهك انت خذيت يلي تبيها وديمه معاها وهيا بروحها يعني خليها تشوف حياتها
تيم:فقت ع روحي صح يعني لهيت مع نهى هلبا ونسيت نسألها انتي شنو تبي تطلقي ولا شنو؟
حسام:الوو
تيم:اها معاك..وكملو هدرزه

بعد ضحك وهدرزه وجوو روحت بيلسان وروح حسام صاحب تيم

✨روايات بنووتة الشيخ✨

نهى:راقده وفاتحه نت…شنو صار؟
تيم:متكلمش معاها اخذ مفتاح جاكيته وطلع
نهى:سيورك توليلي ?

الساعه10في الليل :-
روحت سميره وسلسبيل ونزلت بسمه ذوقتهم الحجات الفاضله وقعنزت تهدرز شوي ونزلت نهى حتا هيا

ادم:وقف قدام الباب وكان منضره مش طبيعي يعني مش قادر يوقف ع حيله
سلسبيل:ادم خيرك
ادم:يضحك بشكل هستيري …هههههه تخ تت تخيلو علي قد مترجيتها تر تر ترجعلي صكرت راسها
بسمه:ادم شنو واخذ?
نهى:??
ادم:تعرفو علاش لاني م مم مش راااجل
سميره:يانهاري الاحرف شنو واخذ
ادم:بصوت عالي…لان حني كلاااب كلااااب البنت يل يلي تحبنا ومخلصه لينا نفوتو فيها زي مدار تيم لي بسمه
نهى:?
بسمه:??ادم تعال تعال برا معاي لي غرفتك
سميره:دخليه قبل ميجي تيم ويقلب علينا الدنيا
بسمه:بدت تجر فيه لي داره بسيف وهوا بي اعلا حسه
ادم:حني كلاااااب خاينين اي اي نبو وحده رخيصه وتدفل علينا باش نحبوها حني هكي
بسمه:حضناته …اششش خلاص ادم
ادم:يبكي…انا مش راجل معاها معش تبيني يابسمه?
بسمه:تو ترجعلك غير تعالا …رقداته ونحتله سبيدروه وجت بتطلع بس شدها من يدها
ادم:خليك معاي متمشيش حتا انتي
بسمه:قعمزت جنبه وشاده في يده وادم رقد

نهى:ركبت لي شقتها بسرررعه وسلسبيل مشت للمطبخ ادور في اي شي يصحي خوها ونهى اتصلت بي تيم حكتله كلللل شي وطبعا تيم روح بسرعه

تيم:بي اعصاااب …ويييييينه الكلب هادا وينه
سميره:تترجا فيه ..اهدا ولدي بالله عليك مش هكي تنحل الامور
تيم:بعد امه ومشي لي دار ادم يشوف بسمه جنب ادم وشاده في يده

تيم:????شد بسمه من يدها وبعدها بقوه لين طاحت …نوض ياحيوان نوووووض
ادم:دايخ …ههههههه انت حيوان زيني
تيم:يضرب في ادم وبسمه تباعد فيه وتبكي
بسمه:بعد من عليه حرام عليك بعدددد

وسميره وسلسبيل حتا هما جو يعزو وتيم معصصب
تيم:خذي بسمه من يدها وركبها لي الشقه
بسمه:من كثر ماخايفه مشي لي دار نومي بسرعه حاولت نسكرها بس دفني وخش

تيم:ضربها ع كتفها وقعد يعيط عليها وبسمه حاطه يديها ع فمها وتبكي

تيم:يقرب ويعيط عليها….هكي انتي??هاذا يلي تبيه خووووي طلعتي تبيه
بسمه:شنو تحكي انت?
تيم:ضرب المرايه بي يده لين تكسرت ….صكري فممممممك تمثلي ع الكل مش عليااا خوي ياكلبه مش حد تاني علاش موافقه من البدايه ولا باش تقعدي جنبه
بسمه:قعمزت تبكي ع السرير وهوا قاعد يعيط شويه وسمعنا حد خش …..يتبع

نكمل الروايه علي حسب التفاعل وروني❤️

error: