رواية حب من طرف واحد

#حب_من_طرف_واحد (حقيقيه)✔?

الحلقه (6)

مهانش عليا نخليكم لا بعدين?

تيم:يقرب ويعيط عليها….هكي انتي??هاذا يلي تبيه خووووي طلعتي تبيه
بسمه:شنو تحكي انت?
تيم:ضرب المرايه بي يده لين تكسرت ….صكري فممممممك تمثلي ع الكل مش عليااا خوي ياكلبه مش حد تاني علاش موافقه من البدايه ولا باش تقعدي جنبه
بسمه:قعمزت تبكي ع السرير وهوا قاعد يعيط …اول مره نشوفه بطريقه هادي جيت بنوض من علي السرير وانا نبكي بس دفني وطحت ع السرير مره تانيه

فجأه سمعت صوت
مصطفى:تتتتتتتتتتتتيمممم?
تيم:سكت وشاف لي بوه
ادهم:تعالي بسمه
بسمه:مشت تجري حضنت ادهم وتيم يشبحلها
مصطفى:ممكن نعرف شنو الحاجه يلي دارتها ؟؟?
تيم:انت مشفتهاش بلوضع يلي ريته بيها مع ادم
مصطفى:هاذا خووووها ياحيووووان? شوفها كيف ترعش في حضن ادهم لما كنت انت في المانيا ومش مدورها ولا حاسبها ولا تسأل عليها ادم وادهم كانو دايرين بالهم عليها ادم وادهم لما تمرض يعاينو فيها ادم وادهم يجيبولها في الحاجه يلي خاطرها فيها كانت هيا تسهر معاهم لما واحد منهم يمرض هيا يلي تحكي معاهم في مشاكلهم هيا يلي ادسلهم في فلوسهم لاكن انت يلي استناتك وماداراتكش زي خوها لانك راجلها
تيم:قعد ساكت وعيونه لوطا ومعصصصب
مصطفى:اعتذر منها
تيم:قام راسه وشاف لي بوه
مصطفى:اعتذر لي مررررتك
تيم:وهوا يشوف لي الجيها التانيه…اسف
ادهم:?تعالي معاي بسمه
مصطفى:ادددهم
ادهم:نعم
مصطفى:خلي بسمه هنايا في حجات لازم تحكيها مع راجلها
بسمه:بصوت واااطي..ادهم متخلينيش
ادهم:بنزلها لوطه شويه
مصطفى:تتفاهم مع تيم وتنزل
ادهم:مش رح نخليه يمس شعره منك رح نوقف جنب باب الشقه متعطليش
بسمه:هزت راسها وهيا تبكي

مصطفى اخذ ادهم وطلعو وسكرو الباب .
بسمه:قعدت واقفه متجمممد من الخوف في مكاني
تيم:انا ءءء انتي انتي في حد في حياتك
بسمه:قعدت ساكته وتبكي
تيم:لو انتي قاعده معاي ع خاطر شي معين تقدري تطلقي وتعيشي حياتك انا تزوجت وخلاص انتي شنو تبي؟
بسمه:لاول مره قامت راسها والدموع في عيونها …انا منبي شي غير انك تخليني في حالي بس برا عيش مع مرتك وخليني …كملت كلمتها وخشت للحمام بسرعه ونهارت بكي

تيم:عرف روحه انه غالط وفعلا بسمه كانت اخت لي ادهم وادم طلع وجع لي شقة نهى وهوا مهموم
نهى:اااه اخيراا جيت شنو صاير نسمع في عياط خفت نطلع
تيم:شاف لي نهى وسكت
نهى:شنوو
تيم:وتيلي حوايجي بندوش
نهى:احكيلي قبلل
تيم:ناض وخش الحمام

✨روايات بنووتة الشيخ✨

ادهم:شاف تيم طلع وبسمه مهناش خش يجري زي المجنون …بسممممه بسمه بسممممه

بسمه:طلعت من الحمام وكانت منهاره بكي
ادهم:حضنها…اششش ميستاهلش وراس وخيتي الطيوبه اسكتي
بسمه:ميحبنيش يا ادهم?ولا حاول حتا يقرب مني ولاحتا يعرفني ??يبيني نطلع من حياته ياادهم
ادهم:وجعاته بسمه قريب مااات من الحرقه …سومه اهدي اششش
بسمه:قلبي يوجع فيا والله يوجع
ادهم:خلاص اهدي وتعالي ارقدي
بسمه:رقدت ع السرير وقعد ادهم جنبي وانا من كثر ما بكيت وراسي وجعني لين خلاص رقدت

تيم:قعدت تحت الدوش وهوا يفكر وحاس بذنب ومش فاهم بسمه اصلا علاش متحمله ضرتها وليش متطلقش وتريحه مجاش علي باله حتا 1‎%‎انها تكون تحبه كل يلي كان يشوف فيه انه يحب نهى ويبي يكمل حياته هوا ونهى بس

سلسبيل:شنو رقدت
ادهم:اي نقصي صوتك
سميره:ياربي صبرني علي ها البنيه يلي مشافتش يوم فرح بس ?
ادهم:بشويه امي …تعالي سلسبيل خليك باتي معاها
سلسبيل:به

تيم:طلع من الدوش وقعمز ع السرير جاته نهى
نهى:هي توا نبي بتفصيل…سمعت هذيك الخرا تعيط زي البقره خيرها
تيم:من هيا؟
نهى:بسمه?
تيم:انا تاعب نبي نرقد
نهى:باساته…ترضى ترقد وتخلي حبيبتك
تيم:تاعب قتلك تصبحي ع خير
نهى:ناضت من جنبه….افف نبي نعرف شنو صار

فاتت الليل وسلسبيل جنب بسمه وسميره راقده جنب مصطفى ويفكرو الزوز هل حني ضلمناها البنت؟ولو ظلمناها رح يكون عقابنا عند ربي كبييير لانها يتيمه
وادهم راقد جنب ادم الدايخ وهوا يتوجع علي بسمه ومش عارف كيف يتصرف

✨روايات بنووتة الشيخ✨

ثاني يوم :-
ناضت نهى ع اساس فالحه دارت قهوا وفطور لي تيم وجهزت روحها لان اليوم جايين عمات تيم وخالاته عشان يتعرفو عليها

ناضت سلسبيل ونصدمت في بسمه يلي كانت لابسه ومساويه
سلسبيل:بسمه?
بسمه:صباح الخير ياقلبي
سلسبيل:قدرتي تنوضي؟!
بسمه:اي ليش لا
سلسبيل:بسمه متهبلينيش امس قريب متي واليوم نايضه عادي
بسمه:معش بنكد ع روحي علي خاطره وحياتي مش رح توقف علي خاطره قررت خلاص لازم نطلعه من حياتي زي ماهو مطلعني من حياته
سلسبيل:يااارب
بسمه:هيا توا ننزلو نفطرو خلي عمي يشوف ابتسامة كرست ضد التسوس ?وميقعدش يخمم عارفاته امس الليل مرقداش
سلسبيل:عيونها دمعت
بسمه:هي مستنياتك …ونزلت
سلسبيل:وربي انتي معجزه مستحيل تتكرر

بسمه:صباااااحوووووو
مصطفى:نصدم في بسمه كيف جوها رايق..صباح الخير حبيبتي
سميره:بسمه انتي جيتي?
بسمه:اي امالا شنو تبو تاكلو عليااا
سميره:ههههه قعمزي نجيبلك صاسه
بسمه:قعمزت وعيون مصطفى مفارقوهاش
مصطفى:شنو صار معاك امس؟
بسمه:الامور تمام تفاهمت معاه ومعادش رح يعاودها الحركات هيا
مصطفى:حضن بسمه ….يابسمت عمري انتي
بسمه:اسكت تسمع مرت عمي تغار
مصطفى:هههههه
سميره:هي تفضلي الشاهي بنيتي
بسمه:وين ادهم وادم
سميره:راقدين
بسمه:خلي انوضهم ونجي
سميره:اي والله اديري فينا خير
بسمه:ناضت
مصطفى:ربي يحميها ويعطيها الوقت الطيب
سميره:يااااارب

بسمه:ادربك ع الباب ….نووووضووو نوضو نوضو حي حي ???
ادهم:وهوا راقد…اطلعوو?
بسمه:جت طاحت عليهم في السرير …دمدوووومي نوووض
ادهم:خلوووني
بسمه:ادهممممم نوض وانت شعرك واقف زي التلول
ادهم:فتح عين وحده وناض بسرررعه ???بسمه انتي كويسه بخير؟!
بسمه:اي امالا شنو

تيم:السلام عليكم
مصطفى:وعليكم السلام اهلا اهلا تفضلو قعمزو
تيم:استغرب بعد الجو يلي صار امس بوه يعامل فيه كويس؟
نهى:صباح الخير ياعمتي
سميره:صباح النور تفضلو قعمزو?

شوية وجت بسمه وادهم يشحو في ادم من رجلي وهوا قاعد راقد منضرهم يضحككك

مصطفى:هههههههه خيركم عليه
بسمه:ولا كأنه تيم موجود .??نبوه ينوض بكري
تيم:يشوف وساكت
ادم:مم شنو جابتي هني?
قعدو ادهم وبسمه يضحكو ???
ادم:والله لما نوريكم هي
بسمه:اسكت وتعالا قعمز وافطر
ادهم وادم وبسمه قعمزو ع سفرة الفطور ونهى تشوف لي بسمه من فوق لا لوطه
سلسبيل:اليوم عيد ولا شنو ?كلكم ع السفره
مصطفى:صلي ع النبي خير متقربعينا بي عين
سلسبيل:اللهم صلي وسلم علي محمد غير منو كان السبب بس
سميره:هوا في حاجه حلوه في الحوش ويكون سببها حد تاني غير سومه
بسمه:??
ادم:وفمه معبي…امالا دوري منو يجيبلك الخبزه كل صبح
كلهم :????…عادا تيم طبعا

نهى:عمتي امتا بيجو العيله خلي نوتي روحي
سميره:بعد الضهر
ادم:وتي روحك علي راحتك لاكن سطول الزواق يلي برا ردي بالك تمسيهم
بسمه:معرفتش تضحك ولا تخاف من تيم شنو بيدير فيه
نهى:???
سلسبيل:هههههههه يحب يبصر دمدوم بسلامته
ادهم:قويه يامان???
نهى:ربي يحفضه خفيف دمه
تيم:سارح في عالم تااااني

✨روايات بنووتة الشيخ✨

مصطفى:هيا انت وياه نوضو وتو روحكم لي صلاة الجمعه
ادهم ناض هوا وادم
تيم:حوايجي واتيات ؟
نهى:يييي نسيتهم بكل ?
تيم؛محبش يوضح قدام امه وبسمه….فداك
نهى:??
تيم:ركب وهوا متكنطي ع خاطر معرفش شنو يلبس وجمعه الحكايه بس وهوا في الدروج اذكر ان عنده حوايج في شقة بسمه فتحها وخش فتح الدولاب شاف حوايجه محددات ومبخرات خذي زبون وطلع

ونهى ركبت لي شقتها وجتها المزينه للحوش

بسمه:اما انا قعدت مع سلسبيل نطيبو وصايخه بي الضحك ع منضر ادم كيف يقلد في نهى كملت الحوسه معاهم وركبت دوشت ولبست قونة ليكره كحله وبلوزه حمراء ودرت شعري ديل حصان ومكياج خفيف وانا نوتي في روحي انتبهت ان زبون تيم يلي معلقاته مهناش وعرفت انه خذاه هه عليك وقت وخلاص المهم بدو كلهم يجو وانا استعديت نفسيا ليهم لان عارفه البنات رح يبدو يلقحو ويعاودو نزلت وانا نضحك والجو عااادي جدا

بسمه:خشيت سلمت عليهم كلهم وشفت في عيون البعض منهم اني مصخفتهم والبعض التاني متشمت والبعض التاني يسأل كيف صار وعلاش خدي عليها وكيف هيا عاادي المهم خشيت درت قهوا انا وسلسبيل والرجاله روحو وقعمزو في المربوعه

سلسبيل:وراس حبي انا عندي مكالمه بنخش الحمام بري نادي ادهم ولا ادم ياخذ السفره
بسمه:متعطليش يقعدو يدورو فيك
سلسبيل:تمام
بسمه:خذيت السفره ووقفت جنب باب المربوعه …ادهم يا ادهم
تيم:طلع لي بسمه..نعم
بسمه:وربي سرحت في شكله لما لابس الزبون سرحت فيه لان يجنن متقولوش مش قررت اطلعه من حياته كيف مزال عاجبها انا قررت نطلعه بس قلبي مزال يبي وقت

تيم:الووو
بسمه:ال القهوا
تيم:شد السفره من بسمه وجت يده اليمين علي يدها بلغلط
بسمه:رعشت لين السفره قريب طالحت
تيم:هاااا ردي بالك
بسمه:مشي للمطبخ نجري اول مره نمس يده قبل حتا السلام ميسلمش علياا …قدري علي نسيانه ياربي بسسس

حميده:هي وين العروس نشوفوها
مبروكه؛منبي نشوف حد انا والله بسمه صامتتني فسط كبدي
حميده:الله غالب هيا راضيا
سميره:الحمد الله علي كل حال وخلاص

دانيا:ريتي ميطلع منه ها التيم
بتول:اي والله صدمممني تعرفي لما قالنا سفيان ولد خالتي بابا مصدقش في الاول
ايناس:خاطري نشوفها مدام جابها من المانيا اكيد شقراء
دانيا:ههههه مسكينه بسمه طول عمرها تيم تيم تيم تفشك بيه لين جت ع راسها
بتول :??اسكتي خير متسمعنا امي

نهى:السلام عليكم
كلهم؛وعليكم السلام وبدو عاد يسلمو ويمطقو زي الخروات

بنووتة الشيخ:اسفه ع اسلوبي الحقير بس جديات قاهرتني ?

كانت نهى لابسه بدله لونها حمراء في الدهبي وشعرها اصفر وهيا حنطيه تخايلتو المنضر به خلاص انسو الموضوع?المهم مع المكياج وهكي طالع منضرها مقبول شويه تقدرو تقولو حلوه بس لما تجي جنبها بسمه قمرررر ونهى ولاشي

✨روايات بنووتة الشيخ✨

بدو يهدرزو وبسمه قعمزت مع سلسبيل وتلهي في روحها معاها ونهى عاد الاصطناع ومره مره تحذف في كلمه بي الانجليزي ع اساس راهو كنت عايشه برا وهكي ولما تشوف في بسمه تقلب في عيونها
المهم جي الليل تعشو وشربو الشاهي ودانيا وبتول وايناس رغم انهم نصدمو ان بسمه احلا بس قعمزو معاها ويهدرزو ع اساس احكيلنا قصة حبك معاه ويسمعو في بسمه كملت العزومه وروحو كلللهم وقعدت نهى وبسمه وسلسبيل مقعمزين في الصاله

نهى:دارت روحها تتكلم في التالفون مع تيم…هههه حبيبي عيب مش توا به اهو راكبتلك هي
سلسبيل:?
بسمه:مش قادره نتخيل راقد معاااهاا مش قااادره اععع
نهى:تصبحو ع خير
سلسبيل:تلاقي الخير

وركبت نهى لي تيم …حبيبي
تيم:ها ياقلبي
نهى:شنو رايك فيا
تيم:عسسل طالعه تعالي جنبي
نهى:قعدت تتسحون عليه وتدلع ولقطات لي عمي تيم سخن ودارو حجات عيب

سلسبيل:كان عندها خطه شيطانيه وكل مره رح ادير شي لين تقربه من بسمه …سومه
بسمه:ايواا
سلسبيل:بتركبي توا
بسمه:اي
سلسبيل:بنجي معاك بناخذ منك الروج العنابي
بسمه:به تعالي هي

بعد مكمل تيم مع مرته نهى رقدت ع طول وتيم ناض دوش وطلع في البلكونه يدخن

في شقة بسمه :-
سلسبيل:حبي شمي الريحه هادي
بسمه:متع شنو
سلسبيل:نفكر ناخذها لي افنان صاحبتي غير شميها
بسمه:شمت الريحه وبوووم ادوخ
سلسبيل:جبدت بسمه وساوتها ونزلت بسرعه تشوف تيم مقعمز في البلكونه اشرتله بي يدها انه ينزل ودارت روحها خايفه بتموت

تيم:خيررررك
سلسبيل:بس بس بسمه داخت معش تتنفس بكل
تيم:ركب مع سلسبيل بسررعه وشاف يسمه طايحه ع الارض
سلسبيل:قتلي معش نقدر نتنفس وداخت
تيم:جي بيفحص بسمه وتجيه سلسبيل ادفه وتبدا تعيط …وووه عليا متتتفسش ديرلها تنفس صناعي بسرررعه….يتبع