رواية حب من طرف واحد

#حب_من_طرف_واحد (حقيقيه)✔?
الحلقه (4)بسمه:خش تيم والضحكه علي وجهااا وجنبه عروسته يلي كانت لابسه فيلو ماشي ع الجسم وصابغه شعرها اصفر وواضح عليها فرحانه انا حسيت ان الوقت وقف?نشوفله عيوني تعبو دموع وتيم فرحاان ويسلم ع الناس فجأه تجي عيني في عينه ..ابتسمتله وهوا ضحكلي بعدها تلفتت لقيت مرت عمي يلي كانت رح تبكي حتا هيا
بسمه:اشش عمتي متبكيش قدام الناس
سميره:ربي يعطيك ع قيس نيتك الطيبه وقلبك الكبير
بسمه:ضحكت وانا منبيش نرمش لان عارفه ان الدمعه رح تنزل طوول خشيت للحمام ولحقتني سلسبيل قعدت واقفه تراجي فيا

تقوى(اخت نهى):يلي لابسه قفطان وردي ضرتها؟
بشرى(اخت نهى):اي نصدمت بصراحه قنينه وصغيره
تقوى:اي حسيت حتا انا
ايمان(بنت عم نهى):تبو الحق ضرتها احلا منها(تقصد ع بسمه)
تقوى:لاياماما وخيتي احلا طالعه زي القمر اليوم
ايمان:اي مشاء الله?
بشرى:وبعدين المهم مش الشكل المهم انه يموووت في نهى
ايمان:?

سلسبيل:بصوت واطي…ماما ليا ساعه نطق علي بسمه في الحمام مفتحتش
سميره:حي عليااا كان دارت في روحها حاجه?بري نادي واحد من خوتك
سلسبيل:به
سميره:مشت تجري اطق ع بسمه هلباااا بس مفيش رد؟
ادم:شنو في ?
سميره:وهيا خايفه بتموت كسر الباب دير اي شي مهم افتحه
ادم:….

✨روايات بنووتة الشيخ✨

بنووتة الشيخ:خلينا نشوفو اجواء الحفله????

تيم:مقعمز جنب نهى وفرحاان
نهى:خليك نسلم ع صاحباتي ونجيك
تيم:العروسه تقعد مقعمزه ياهمي
نهى:تو نجيك حبيبي…وناضت

بنسبه لي نهى كانت مش جميله هلبا وهيا زايده مشينه روحها لما ادير في لوك مش ماشي معاها يعني هيا سمره وعيونها صغيرات جسمها حلو وشعرها لنص ضهرها صابغه شعرها اصفر يلي مكانش ماشي معاها بكككل والعدسات متراعيش في لون بشرتها
بنووتة الشيخ:يعني تقدرو تقولو نضام مزيتات??
عكس بسمه يلي عيونها كباار ولما يتعبو دموع منضرهم يجنن❤️كانت بيضه لين خدودها ورديات وملامحها طفوليه بس الله غالب ع تيم القلب ومايريد والحب يخليك تشوف الشخص اجمل ماخلق ربي

ادم:لحق عليه ادهم وكسرو الباب مع بعض وشافو بسمه طايحه ع الارض وفيه دم ?الواضح انها داخت ولما طاحت جي راسها ع البانيو
ادهم:بسمه ببسمه??
ادم:قامها …سلسبيل هاتي حاجه نغطيها بيها
سلسبيل:جت تجري وجابتها عبايه لبسوهولها وادهم يخبط في الحيط ويقول كلا منك ياتيم ويسب ويكفر
سلسبيل:ماما انتي خليك مع الضيوف انا ماشيه معاها
سميره:بدت عاد تبكي وبس …طلعها من الباب الخلفي منبيش الضيوف يشوفوها

ادم:سكر دماغه وطلعها من الباب الرئسي طبعا كانت الكوشه مقابله الباب والضيوف لاهين في بعض

تيم:يضحك وجوه مليح طاحت عينه علي ادم طالع وشاد بسمه يلي منضرها زي الميته يمشي والدم يقطر من راسها اختفت علامات الضحك من علي وجه تيم وبدت علامات الخوف والفزع وقف
نهى:وين حبيبي
تيم:باس نهى ع راسها..توا كملي حفلتك وبعدين نجي ركبك لي حوشنا
نهى:اوكي

تيم:طلع بسررررعه لي سيارة وكان ادم راكب وبيطلع وقف تيم جنب السياره يخبط ع روشنها بس ادم سطرب عليه وطلع
تيم:خيررررر امه هادا

✨روايات بنووتة الشيخ✨
نكتب الروايه في المحاضره ويلي جنبي عيونها في تالفوني قداش خاطري نعطيها بونيه ع خشمها داراه الكبد الهي في حالك

تيم:خش بسرعه لقي ادهم بيطلع…خيرها بسمه شن في
ادهم:يتكلم بي السيف ..طاحت وراسها مفتوح وخر من قدامي بنطلع
تيم:عرف ان خوته يلي كانو يخافو منه موووت نقلبو عليه ومعادش طايقينه
سميره:تساير في الضيوف وتسلم وع اساس جوها تمام
المهم الحفله كلها نضامها اجانب يعني الماكله والشراب والديكور وطبعا جايبين شيف للحوش ع اساس لقطات ولما خشت زفتها بي عازفة الكمان حتا العروسه مش مدايره مكياج هلبا شعرها مفتوح والڤيلو ضيق ع جسمها هوا الصح اللوك حلو بس مش ماشي معاها

تيم:قعد مقعمز مع صحابه ع اساس حتا هوا اموره تمام بس خايف تكون بسمه مش بخير وتخرب عليه فرحة عمره وقتها بوه احتمال حتا يتبرأ منه من كثر ميحب بسمه واختها

الدكتور:انتم عيلتها؟
تدم:اي خوها شن صار
الدكتور:الامور تما الحمد الله الفتحه مش هلبا 3بونتو ولانها نزفت هلبا زدناها دم تقدرو تروحو بيها
ادهم:الحمد الله صحيت بارك الله فيك
الدكتور:يبارك في الجميع يلا عن اذنكم
سلسبيل:خشت لي بسمه…سومتي كيف حالك توا
بسمه:حاطه يدها ع راسها…تمام الحمد الله
ادم:الزفت كنت عارف راسك كبير وزي الدلاعه لاكن منسحاباش هكي بسرعه مينفشخ
بسمه:???حيوان معش اضحكني
ادهم:هي نوضي ياحبنا وانتي ديمه مكركرتينا في المستشفيات تقول حوامل
بسمه:هههههه
سلسبيل:تشوف لي بسمه بي نضرات حزن لانها جديات ساخفه عليها
بسمه:لحضات نخش الحمام ونجي
ادهم:راك اطيحي ع الجيها الثانيه
بسمه:متخافش?…ومشت

ادم:قعمز …اففف لا امتا بس بنقعد نشوف فيها هكي
سلسبيل:وربي رح ندير فيه العار ونخليه يدور ويدور في بسمه زي الكلب
ادهم:شنو بديري?
سلسبيل:رح تشوفو استنو عليا بس
ادم:كيدهم عضيم ياكبدي
بسمه:هي نروحو؟
ادهم:هياا

ترن ترن ترن
ترن ترن ترن
ترن ترن ترن
ادهم:تي رد ع تالفونك ياراجل
ادم:منبيش نرد هادا تيم
بسمه:اسمه بس يخلي فيا نرعش مع بعضي

ترن ترن ترن
ترن ترن ترن
ادهم:اهو يتصل بيا انا
ادم:متردش ادهم فو….
ادهم:الوو
ادم:??‍♂️
تيم:تي وين امكم انتو
ادهم:قاعدين شنو تبي؟ندرجوك ولا نرقصوك
تيم:صكر فمك خير منفسدلك وجهك بلا دوه فاسده ..شن صار فيها
ادهم:منو هيا؟
تيم:بسمه
ادهم:اهاا تذكر اسمها يعني
تيم:بتصكر فمك ولاشني انت
ادهم:الحمد الله جتها بسيطه واهو مروحين
تيم:تمام..وسكر ارتاح ان خلاص رح تروح في نفس اليوم ومفي شي خطير

✨روايات بنووتة الشيخ✨

ادم:نزل للقهوا شري شاورما وبيتزا ومشروب وسلايط
سلسبيل:خيره نزل؟
ادهم:بيشريلنا حجات اليوم نتعشو ع البحر ونروحو
بسمه:ضحكت لي ادهم وفرحت لان جديات محتاجه حاجه زي هكي وبلمره نبعد ع الاجواء يلي في الحوش اليوم
سلسبيل:وووه يابسمه كل يوم طيحي باش يرفعونا للبحر
ادهم:???مهبوله
بسمه:??ولا يهمك
ادم:ركب السياره ولوح الشكاير ع ادهم….ووه نشوفلك خلقت بنت يا ادهم حي علي قلبي حي
ادهم:شنو مليحه?
ادم:تي رااااقيه لا الصقف طلبت سكالوب بي الينيرساسموستكشدم والليمون
سلسبيل:هئحم تحشم انت وياه واجلو كلامكم المعفن في الحوش
بسمه:??
ادهم:نسيتهم ورانا??
سلسبيل:هياااا نمشو البحر
ادم:به الصبر

✨روايات بنووتة الشيخ✨

ترن ترن ترن
ادم:ها امي
سميره:بي خووف …وين بنتي شن صار فيها
ادم:لالا تمام اصح منك ومني ?توا ماشيين للبحر بنتعشو غادي
سميره:به احسن غيرولها جوها
ادم:تمام شنو تبي نجيبلك امية بحر نغسلو بيها مرت تيم بالك تنضاف
سميره:اي عبيلي شيشه?نبيها
ادم:من عيوني هي سلامات
سميره:سلام

تمت الحفله ونهى ودعت عيلتها وروحو بعدين لبست ومشت هيا وتيم للمصور خذو كم لقطه وياعيني ع الرومانسيه في الطريق بعد كملو الصور روحو لي الشقه خشت نهى لبست روب احمممر
تيم:اخيراا بديتي ليااا?
نهى:قربت منه وبدلع…حبيبي
تيم:ياعيونه
نهى:وين ترفعني شهر عسل
تيم:نرفعك علاش لا غير الهي معاي توا خلينا في العسل يلي حتي فيه
نهى:بدت تدلع عليه ولقطات وبوسات
تيم:قامها ورقدها ع السرير ودارو حجات عيب …

بسمه:قعمزنا ع الشط وادهم وادم يهدرزو وحني ميتين بضحك وانا فرحت الحق بي البحر ونسيت همي شويه وقعدو يرصو فيا وانا ناكل بسيف وصورنا وجرينا ع الشط زي المهبله وانا راسي فاشه ?مخلينا مادرنا وروحنا

في الحوش
سميره:تحضن في بسمه وتبوس ..الحمد الله علي ها الساعه الحمد الله نضتي امورك كويس الحمد الله
بسمه:متخافيش عليا صحتي زي الحديد ره وضحكت
سميره:شبحت لي بسمه بي نضرة حزن وقالت…انشاء الله يلي متحملتيه كله يرجعلك خير
بسمه:حسيت روحي بنبكي بس ضحكت وقلتلها انشاء الله يارب هي بنركب انا
سلسبيل:تعالي باتي لوطه
بسمه:لاياعمري راسي يوجع فيا ونبي نرتاح في سريري
سلسبيل:بنجي نبات عندك مستحيل نخليك بروحك
سميره:اي بري
بسمه:تعالي حبيبتي ?..وين عمي؟
سميره:اليوم ماسك في العياده
بسمه:ربي يعاونه هي تصبحي ع خير
سميره:وانتي من اهل الخير حبيبتي
سلسبيل:لاحقاتك
بسمه:تمام …وركبت لي الشقه وانا راكبه شفت قدام شقة ادهم كندرت تيم وكندرة العروسه?مش قادره حتا نفكر هما شنو يديرو داخل مش قادره نتخيل تيم راقد مع بنت ومسها??نش قااااادره قعدت واقفه نشوف لي الشقه ونبكي بعدها ركبت ولحقتني سلسبيل درنا كيكه وقهوا هدرزنا شويه بعدين بدت تتكلم في الفون وانا رقدت من كثر ماتاعبه

ثاني يوم:-
بسمه:نضت بكري لبست توته جسكار وبدي طويل لا الركبه ووشاح عشان يدرق الخبطه علي عمي ونزلت نوتي في الفطور مع مرت عمي وسلسبيل كا العاده راقده

تيم:راقد جنب نهى….حبيبي نونو نونو
نهى:هاا?
تيم:هيا نوضي خلينا نفضرو مع امي
نهى:فتحت عيونها …صبحيتي وننزل؟مفروض هما يركبولنا الفطور مش ننزل
تيم:اي صح?…به حبي تو مجيبهولك
نهى:لفتت وجها لي الجها الثانيه
تيم:دوش ولبس سروال توته رصاصي مع بدي اسود مشط شعره ولبس شبشب ونزل

تيم:خش للمطبخ يدور في امه …اني ام ….
بسمه:سمعت صوته ..هوا واقف وراي قاعده صوته لما نسمعه نحس في شعور حلوو قاعده نفس دقات الحب ليه تلفتت
بسمه:بعيون حززينه…الف مبروك وابتسمت
تيم:الله يبارك فيك صحيتي لولاك مكنتش نقدر ناخذها
بسمه:بي قلب يتقطع ولا يهمك ?
سميره:صباح الخير
تيم:صباح الهير ياغاليه
سميره:بدون نيه…مبروك
تيم:يبارك في عمرك …شنو وين الفطور
سميره:وين مرتك منزلتش
تيم:يما ميف تنزل يوم صباحيتها نسحابكم وتيتو الفطور اني قبل بنركبهولها
سميره:وكان نزلت يعني شنو خاسره ست الحسن والجمال
تيم:يما ا…..
بسمه:حست ان رح تصير عركه وادخلت….اهاا اي صح كنت عارفه ان لازم تركبلها الفطور هادا باش وتيتلك سفره ارفعها مزال القهوا شويه واطيب
سميره:تشوف لي بسمه وهيا محرووووقه
تيم:وينها السفره؟
بسمه:هاك
تيم:صحيتي وركب
سميره:تكدرت وجوها نقلب وقعمزت ع كرسي متع طاولة الكوجينا ووجها ميتفسرش
بسمه:باستها ع خدها ….متخليشي يحس انكم ضده خليه معاكم متفسدوش فرحته
سميره:اكتفت بي السكات لان بسمه جديااات مش طبيعيه بعد هادا كله متبي ولا شي يضايقه وتبتسمله وعادي

تيم:بيبي هي نوضي الفطور
نهى:ناضت صباحو ياعمري
تيم:صباح الحب
نهى:يعع شنو هادت
تيم:شنو هادا فطور
نهى:في حد يفطر تن وجبنه هادي اسمها وجبه خفيفه الناس تفطر علي كريب وعصير طبيعي
تيم:شاف لي السفره وكان فيها تن وجبنه وبريوش وكيكه وعصير وشاهي خفيف سأل روحه هادا كله مش عاجبها؟؟
نهى:حبيبي نكلم فيك
تيم:اها ياعمري
نهى:خليني نلبس ونطلعو نفطرو برا بليز بليز بليز
تيم:اوكي نوضي بسرعه هي
نهى:نقزت ع تيم وباساته….ربي يخليك ليا ياعمري انت نحبك
تيم:نموت فيك..وناض تيم يلبس حتا هوا

بسمه:القهوا طابت درتها في سفره وساويتها بعدين قلت نستناه ينزل ياخذها لاكن جاني فضول وياريته مجاني خلاني نركب لا عندهم كيف جايا بنطق نفتح الباب بروحه

نهى:فتحت الباب وكانت لابسه وبتطلع ووراها تيم
بسمه:صباح الخير
نهى:صباح النور مني حبيبي هادي الشغاله؟
بسمه:?
تيم:فنص في نهى…هادي بسمه يلي حكيتلك عليها
نهى:ااه سوري مزبطكش
بسمه:ولا يهمك تفضلو جبتلكم القهوا
نهى:اسفه منشربش فيها من حد غريب وبعدين طالعين نفطرو برا ياريت حتا سفرة الفطور تنزليها لان مناكلش في الحجات يلي حاطينهم
بسمه:شافت لي تيم يلي محكاش ولا كلمه كأنه موافق علي كلام نهى ..تمام ربي معاكم ونزلت

نهى:جديات متتحشمش ع وجها هادا كله ومزال ليها عين تجي قدامي الكلبه هادي
تيم:عيب معش تحكي هكي
نهى:كيف تبيني نحكي ع وحده خطفت حبيبي وتزوجاته قبلي
تيم:نهى خلاص عاد اهو معاك اناا
نهى:ع اساس طيبه وجو نحلف عليها الا مدايرتلي سحر في القهوا
تيم:عصصصب…ننننننهى?
نهى:بدلع…اوكي حبيبي اسفه
تيم:تنهد….هي انزلي

بسمه:منبيش نقوللكم نزلت نبكي لان جديات دموعي جفوووو خلاص منحس في شي غير نار بين ضلوعي

نهى:السلام عليكم
سميره:وعليكم السلام ?
نهى:كيفك عمتي
سميره:الحمد الله بخير
نهى:دوووم
تيم:هيا وقت
نهى:هي باي نشوفوكم ع خير
سميره:سلمك?

وطلعت نهى وتيم فطرو ودهورو ونضمو امورهم روحو مع جو الساعه 7المغرب

✨روايات بنووتة الشيخ✨

تيم:هي خلينا ننزلو نتعشو لوطه
نهى:مخاطريش حبيبي خلينا فوق ماكلو حجات خفيفه
تيم:نبيك تتعرفي ع خوتي وبوي
نهى:لاني نحبك وح ننزل معاك
تيم:سلمها العاقله يلي تسمع في كلمة راجلها
نهى:لبست سروال وبدي ونزلت مع تيم خشت سلمت عليهم وبسمه في المطبخ اطيب في العشي ومعاها سلسبيل

وفي الصاله مقعمزه سميره ومصطفى وتيم ونهى ع الصالون وادهم وادم ع الارض يلعبو في بلايستيشن

مصطفى:صار طلعتي تشتغلي معانا في العياده
نهى:اي?
مصطفى:به ربي يعاونكم
نهى:تسلم

ادهم:بسمممه بسمممه
بسمه:من المطبخ ….نعم
ادهم:هيا تعالي الشوط بيبدا
بسمه:كملو انا مش فاضيه
ادهم:بعد تكملي تعالي
بسمه:به

نهى:حبت تخش فيهم…تو نجي نلعب معاك انا ?
ادم وادهم تلفتو وشبحولها بي الطريقه هادي??
ادهم:فسد البلايستيشن نوض ادم
ادم:انا عندي موعد مع ال هاذاكا سلام
نهى:شافت لي تيم وهيا معصبه
تيم:ابتسملها باش تهدا

بسمه:حطت العشي …هي تفضلو
مصطفى:سلم بنيتي هي قدمو قدمو
نهى:قعمزت كلت فمين وناضت
تيم:كولي خيرك
نهى:لا بيبي مدايره دايت

سميره:نصدمت منها كيف تقول بيبي قدامها وقدام مصطفى
تيم:وضح عليه انه نصدم بس محبش يبين وكمل ماكله ناضت بسمه للمطبخ ولحقها تيم

بسمه:تغسل في يديها
تيم:بتردد..لءء حقا نسيت نقولك الحمد الله ع السلامه
بسمه:ابتسمت…الله يسلمك
تيم:شنو قالولك
بسمه:ان….
نهى:تيم شنو نركبو؟
تيم:اها لاحقك
نهى:بدلع انلا اركب معاي نحس في روحي دايخه من كتر متعبنا امس …وغمزت لي تيم
تيم:تصبحي ع خير
بسمه:وانت من اهل الخير?
نهى:باي يااا شن اسمك انتي؟
بسمه:اسمي بسمه
نهى:ااممم يلا حبيبي …وركبت هيا وتيم
بسمه:تنهدت بي وجع وطلعت

تيم:ردددي بالك مزال تعاوديها ??الكلام هادا بينا لاكن قدام امي بوي تكلمي معاي برسميات وفكيني من الدلع الزايد
نهى:هادا كله ع خاطر نحبك وندلع فيك قدام الناس
تيم:اي منبيكش ادلعي دين امي قدام حد
نهى:دارت روحها بتبكي
تيم:اففف خلاص
نهى:قربت منه وباساته
تيم:بعدي جوي متعكر
نهى:تعالا نعدلهولك….وجبداته لي السرير

قعدو ع الحال هادا لمدة اسبوع تيم يرقد عند نهى وبس حب وغرام ولا حاسب بسمه في الوجود وبسمه تبكي وتخبط بروحها ولما تطلع قدام الناس مفيش حد سعيد في حياته زيها

بلقيس:اي اي لا امتا هكي بتقعدي تعااالي بكرا للعياده
بسمه:بكرا اول يوم لي تيم ونهى بعد الزواج ?رح يمشو يخدمو
بلقيس:اي والمعنى انتي شنو دخلك يعني
سلسبيل:تسمع وساكته
بسمه:مش عاااارف
بلقيس:ع الاقل تلقي حاجه تشغلي بيها روحك وتبعدي ع جو الكآبه يلي اناي فيه
بسمه:اي والله خلاص بكرا بنمشي
بلقيس:يلا نستنا فيك

ثاني يوم؛-
ناضت بسمه الصبح بكري لبست سروال جينز ازرق وسوريه ورديه وسبيدرو وردي ووشاح مزركش ونزلت دارت فطور في حوش عمها ناضو ادم وادهم تسهوكو ع بسمه وقعدو يفطرو

تيم:نونو وين الفطور؟
نهى:فطور شنو حبيبي قصدك عندك نبه تاكل الساعه7
تيم:افف به انزلي هي خلينا نصبحو عليهم بعدين نطلعو
نهى:اوكي

مصطفى:وعليكم السلام
تيم:اووووه فطاير وجو وين الحجات الحلوه هادي
مصطفى:هادي بسمة عمري دارتهم
تيم:شاف لي بسمه …تسلم يدك
بسمه:اااه ع نضراته لو يرحموني بسس..الله يسلمك
نهى:هيا تيم وقت?
تيم؛استني جعان

مصطفى:الحمد الله اخيرا بترجعي بتنور عيادتي والله
بسمه:بنورك ياغالي
سلسبيل:ادهم هياااا
بسمه:استنو وصلوني معاكم
ادهم:به هيا
سلسبيل:فنصت في ادهم بمعنى سكر فمك
ادهم:لين خاف مسكين?طلع بكل
سلسبيل:….لالالا احني مش طريقنا العياده ره هي سلامات
بسمه:منو بيرفعني?
سلسبيل:بري مع تيم راااجلك اهو يرفعك شن ناقصه
بسمه:?
مصطفى:اي برو مع بعض
سلسبيل:هيا اددددم
ادم:الخبزه في فمه …اشتني نناكل
سلسبيل:جبداته من يده وطلعت…هي بسلامه
سميره:ربي معاكم

بسمه:ارتبكت وقعدت مقعمزه
تيم:هيا وقت
نهى:طلعت وهيا بتتفجرررر خلاااص ركبت من القدام وركبت بسمه من تالي
ركب تيم وبدت نهى عاد تشدله في يده وتتكا ع كتفه وتعلي في الاغاني وتيم موقفهاش
بسمه:متعمده نصكر في عيوني ونشوف اوطه منبيش نزيد ننقهر حسيت الطريق طوووويله وانا خلاااص معش قادره لين اخيراا وصلنا

نزلت نهى شاده في يد تيم ووراهم بسمه طبعا مدخل العياده اول متخشي تجيك الصيدليه ع ايدك اليمين طول اما المختبر والقسم يلي يشتغل فيه تيم مزال داخل

✨روايات بنووتة الشيخ✨

نهى:هي باي حبيبي تو نجيك بعدين نتغدو مع بعض
تيم:تمام
نهى:شقلبت عيونها ومشت

خشو تيم وبسمه مع بعض داخل وبدي الجو :-

الدكتور ابراهيم:لالا ?بسمه اهلا اهلا اهلا ??تي وينك
بسمه:اهو جيتكم
الدكتور:تي احلا جيااااا غير عندي عمليه تو ندير عليك دوره
بسمه:انشاء الله

تيم:تعرفيه هادا؟
بسمه:اي
الريسبشن:سوووومه??مش مصدق اخيرا رجعتي
بسمه:اي رجعت ع قلوبكم
الريسبشن :تي احلا رجعه نتلاقو في الغدي
بسمه:انشاء الله

زادو تيم وبسمه قدمو :-
الممرض حسن:والله لو نعرف نزغرط راهو ركيتها زغروطه هكي كبرها
بسمه:ههههههه
خسن:صباح الخير انستينا سوومه
بسمه:الله يأنسك?
دكتور خليل:لاه لاه لاه هادا جديات ولا نحلم وانا نقووول علاش العياده كلها منوره اليوم
بسمه:بنورك دكتورنا والله
خليل:انستينا بسوم
بسمه:تسلم

الدكتوره حفضه:جت تجري حضنت بسمه….الحمد الله اخيرا اخيرا رجعتي والله العياده من غيرك ماتسوا
بسمه:ياعمري انتي تسلميلي
حفصه:يلا غير عالقه في الطوارئ نتلاقو ع الغدي
بسمه:تمام?

تيم:في سره علاش الترحيب هاذا كله ؟شنو فيها زايد ع الناس

مهندس الضي مالك:راجعتيلنا ولا تعايني ?
بسمه:رجوع ???
مالك:شرفتييييي
بسمه:تسلملي …

وبعدين بدو عاد يتلقطو اطباء وممرضين وحتا عاملين النضافه ع بسمه وتيم واقف بعيد مصدوم علاش هاذا كله ؟؟قعد واقف استناهم لين كملو استقبالهم وجاها

تيم:شنو قصة الغدي إلي يجيك يقولك نتلاقو ع العدي
بسمه:متعودين نفطرو مع بعض ع طاوله وحده …هي عن اذنك
تيم:اذنك معاك …طبعا كانت اول مره تقريبا نهدرز معاها ونشبحلها

بسمه:حطت يدها ع قلبها وصكرت عيونه …ياارب ساعدني ….يتبع

نكمل الروايه علي حسب التفاعل