رواية حب من طرف واحد

(حقيقيه)✔?

الحلقه( 3)

لايك قبل متقري ياعمري❤️

بسمه:ركبت بي دارها يلي كانت مقابله دار تيم ….خشيت بي داري بدلة حوايجي واذكرت ان شحني عند ادهم طلعت من الدار وقابلني تيم طالع من داره
تيم:شافلها من فوق لا لوطه وقلب وجها قربع الباب ونزل
بسمه:قعدت واقفه في مكاني ودموعي تنزل عرفت انه تيم كرهني هلبا لاني واقفه في طريق سعادته وحياته كرهت روحي حتا انا وكرهت الحصله يلي بين ضلوعي يلي ينبض ع خاطره ومش راضي يبطل يحبه ?مشيت لي دار ادهم خذيت الشحن وجيت بنطلع

ادهم:اقعدي نبيك
بسمه:تشبح لوطه لان متبيشي يشوف دموعها …بعدين توا بنرقد بس جيت ناخذ في الشحن
ادهم:صكر الباب ووقف…اشبحيلي فوق
بسمه:وعيونها لوطه..ادهم مش وقت براتك توا
ادهم:يتكلم جديات…بسمه اشبحيلي
بسمه:قامت عيونها
ادهم:تبكي ع خاطره؟!
بسمه:بعد من قدامي
ادهم:منبيش نبعد جاوبيني
بسمه:قعمزت ع السرير ونهارا بكي
ادهم:خلاص بسمه اهدي
بسمه:????
ادهم:قعمز بحداها …سومه اهدي وكلميني
بسمه:ناضت بسرعه فتحت الباب وطلعت
ادهم:افففف ياربي بسس

✨روايات بنووتة الشيخ✨

بسمه:مسحت دموعي حطيت تالفوني في الشحن كيف بنكلم بلقيس شرين تالفوني
ترن ترن ترن
بسمه:ايوا
بيلسان:متقوليش خيرك شنو صاير معاك؟!
بسمه:شي مرضت شويه
بيلسان:اختي ونعرفك بسمه شنو صاير
بسمه:تعالي وتو نهدرزو
بيلسان:تمام تو نجيكم بعد ميروح ايهم من العمل
ايهم(راجل بيلسان)
بسمه؛تمام
بيلسان:تحسي في روحك كويسه توا ولا قاعده تاعبه
بسمه:لا بلعكس بخير الحمد الله
بيلسان:به تو غضوه نهدرزو هي تصبحي ع خير
بسمه:تلاقي الخير

نهى:اوكي بيبي به توا شنو رح يصير
تيم:خلي الاوضاع تهدا ونعرف كيف نتكلم معاها مفيش حل غير اني نتزوجها ع خاطر بوي وناخذك بعدها
نهى:تيم كيف تحكي هكي?كيف تتزوجها نجنيت انت
تيم:بعصبيه…هادا كلللله باش نقدر ناخذك لان لو متزوجتهاش رح نخسر كل شي بوي وشغلي ومش رح يرضى ولا واحد يخطبك ليا بس لو درت يلي يبيه بوي الشرع محلل 4بعدين معش حد يقدر يتكلم
نهى:بدت تبكي
تيم؛تنهد..نونو خلاص بالله ارحميني بالله عليك
نهى:واعره عليا رح كيف بتاخذها
تيم:تقدري تنزلي قدام حوشكم؟
نهى:الساعه2في الليل توا شنو تقول
تيم:عارفها الساعه هادا باش نبي نجيك الشارع فاضي هيا انزلي
نهى:اوكي

في غرفة ادم وادهم:-
سلسبيل:عارفه انها تبكي والانهيار العصبي بسببه
ادهم:وكيف الحل توا
ادم:الغلط كللله من بوي هوا يلي وهمهم بي الشي هادا ومخلالهمش حتا فرصه يعطو رايهم
سلسبيل:الغلط من خوك مفروض من البدايه قاللها مش بعد متخرج وخلاااص جت مرحلة الخطبه بعد مسكينه مستناته 7سنين وترفض في العرسان قبل ميوصلو الحوش وطووول عمرها تتخايل في روحها معاه
ادهم:صح كلامك
ادم:به توا كيف الراي؟لازم تعرفو ان بوي في النص وصحته علي قده
سلسبيل:خليهم يتفاهمو بروحهم ونشوفوهم لاوين يوصلو
ادم:هادا يلي بيصير

✨روايات بنووتة الشيخ✨

بلقيس:وانتي بعد هادا كللله شنو قررتي
بسمه:لو عمي سمع ان تيم رح يتزوج غيري والله ينجلط
بلقيس:المعنى؟!
بسمه:منعرفش خليها مع الايام بلقيس قلبي مكسوووور نحس في روحي خلاص مش قادره حتا نتكلم حتا نفسي يتعب فيا
بلقيس:لا سومه ردي بالك منحبش نشوفك هكي الف واحد يتمناك وانتي عارفه
بسمه:وتيم مش من الالف ?المهم تعالي بكرا
بلقيس:وين؟
بسمه:هنايه لحوشي
بلقيس:ليش انتي متبيش تمشي العياده بكرا؟
بسمه؛لالا نحس في روحي تعبانه

((بسمه تخدم في عيادة عمها في مختبر التحاليل وبلقيس تخدم مع بسمه وتعرفت عليها من اول شهر خدمه وبدو صاحبات هلباا))
بلقيس:به يا قلبي ارتاحي
بسمه:به شنو تحيني
بلقيس:خليها مره تانيه
بسمه:لو نعرف علاش تتهربي بس لما نقولك تعالي بلقيس محتاجتلك انا
بلقيس:ارتبكت هلبا..به حاضر بكرا جاياتك
بسمه:تمام خلي نرقد توا
بلقيس:ديري بالك ع روحك وتباعدي عليه الفتره عادي
بسمه:انشاء الله تصبحي ع خير
بلقيس:تلاقي الخير وسكرت….ياربي على غبائى بسسسس كيف بنمشيلها غضوا??‍♀️

✨روايات بنووتة الشيخ✨

نهى:ركبت في السياره مع تيم ودرس سيارته في مكان فااضي
تيم:قريب هلبااا من نهى ويده علي شعرها
نهى:كيف تبيني نتحمل وحده تانيه معاك
تيم:يتكلم وفمه قريب لي فمها هلبااا…معاشت يلي تكون معاي غيرك والله ما نمسها ولا نجي جيهتها ورح تشوفي بعيونك انها مجرد جسر يوصلني ليك بس
نهى:باساته في فمه بوسه طوووويله
تيم:ياقلبي انتي وحضنها
نهى:شنو صار في التعين حبيبي نبي معاك في نفس العياده نبي كل يوم نشوفك
تيم:اي انتى قدمي اوراقك في مصحة بوي ونوصيهم يقبلوك وتبدي معاي
نهى:نحبك
تيم:نموت في حبك وقعد يبوس فيها
نهى:حبيبي هههه خلاص ياسر
تيم:مستاحشك من لما روحنا من المانيا معش ريتك
نهى:رح نشوفو بعض هلبااا وغمزتله
تيم:اكيد ويمسح علي شعرها
نهى:يلي خلاص لازم ننزل
تيم:ديري بالك ع روحك
نهى:انشاء الله وباساته ونزلت وتيم روح

سلسبيل:تتكلم في التالفون اشرت لي بسمه بي يدها بمعنى وين ماشيه؟!
بسمه:بصوت واطي للمطبخ
سلسبيل:هزت بي راسها بمعنى تمام

بسمه:مجانيش النوم نزلت للمطبخ وكان الحوش هدووء وكلهم راقدين درت قهوا وقعمزت ع الطاوله سرحت بي افكاري ليش يصير معاي هكي طول عمري طيبه مع الكل هادا ياترى ابتلاء من عند ربي ولا غضب قاطع افكاري صوت تيم يلي منعرفش امتا خش؟

تيم:شنو اديري في هاالليل بروحك؟
بسمه:قعدت نشوفله وقلبي يقررربع داخل ياربي نفس الرعشه ونفس دقة القلب مفيش ولا شي تغير من ناحيته قاعده نموت فيه ..
تيم:جبد الكرسي وقعمز قدام بسمه…لازم الموضوع هادا ينحل
بسمه:نشوفله وانا ساكته معقوله مش شايف الحب يلي في عيوني؟مش شايف عيوني اصلا كيف متورمات من البكي لهدرجه هوا قاسي ؟
تيم:خلينا نتزوجو انتي عارفه بوي رح يقلب الدنيا لو عرف اني نبي وحده تانيه واحتمال يمرض مش احتمال اكيد
بسمه:تشوفله ومحكتش كلمه
تيم:بس لازم تعرفي اكتر شي بنفوت شهر وناخذ نهى لازم تعرفي الشي هادا ورح تسكن معاي في نفس العماه
بسمه:ابتسمت …هههه منعرفش علاش ابتسمت ع خيبتي؟ولا منكثر مقلبي محروق ولا شنوووو
تيم:عصب …تسمعي فيا انتي ولا ندوي بروحي
بسمه:خذيت نفس وحركت لساني يلي كان متشنج …اها نسمع كله إلا صحت عمي انت عارفني قداش نحبه ومستحيل ندير شي يزعله ومتخافش مش رح نرفض انك تتزوج بلعكس رح ندير جهدي تاخذ يلي تبيها
تيم:مكانش متوقع الرد هادا وقعد ساكت
بسمه:نضت وانا مبتسمه حطيت الفنجان في الحوض وطلعت دموعي ينزلو خشيت سريري ونبكي بدون صوت لين رقدت

((علي سيرة العماره مصطفى عم بسمه حوشه كبير وباني عماره جنب حوشه بزززبط تتكون من 3شقق زوز مقابلات بعضهم لي ادم وادهم والثالثه بروحها لي تيم ومداير سور ع الحوش والعماره))

✨روايات بنووتة الشيخ✨

بسمه:نضت الصبح بدلة حوايجي صليت …سلسبيل سلسبيل
سلسبيل؛هااا??
بسمه:نوضي الساعه 10
سلسبيل:خليني نرررقد في حالي
بسمه:طلعت ونزلت لوطه لقيت تيم وخوته وعمي ومرت عمي مقعمزين يفطرو
بسمه:صباح الخير
مصطفى:ياصباح النورات ع الحلوات
بسمه:?
سميره:طلعت من المطبخ وجايبه البريوش..سومه كيف حالك اليوم
بسمه:الحمد الله ..وقعمزت
تيم:يفطر ولا علا باله ومقامش حتا عينه
ادهم:بسمه هيا امتا نلعبو بوبجي
بسمه:تاكل…مخاطريش
ادم:تسحابيه بي مزاجك ولا خايفه تخسري
ادهم:هداك اليوم كبشت فيا تقولي وووه عليا جايين وراي
مصطفى:???
بسمه:ضروري من الفضايح يعني ?برا والله مش لاعبه
ادم:ادهم شنوو
ادهم:هي

ناضو ادهم وادم قامو بسمه ورفعوها
بسمه:ياعمممي???ههههههه
ادهم:كان تبيها لازم تدفع فديه
ادم:اي
بسمه:???نزلوني يابهايم
ورفعوها لي الصاله لان فيها نت وبدو يلعبو وطبعا ادم وادهم كانو متفقين انهم يغيرولها جوها

تيم:??كيف هكي
سميره:شنو؟
تيم:شنو يقيمو فيها وبلا حجاب قدامهم
مصطفى:هادم خوتها معش تتكلم هكي طول عمرها متربيه معاهم
سميره:ادخلت …ههههه متواخذاش يغار عليها ياحنه مش رح توالي مرته
مصطفى:اي نسيت ههههههه لاكن ميغارش عليها من خوتها
تيم:قرن حواجبه…ع سيرة الجواز خلينا نستعجلو يابوي نبي نستقر في حوشي ونبدا خدمه
مصطفى:فرررررح اكيد اكيد وبسمه تستنا حتا هيا خلاص نحددو العرس بعد شهرين
تيم:لو بعد شهر بس يكون احسن
مصطفى:اه ياشيطان ههههه عادي علاش لا

تيم:يلا سلام …وهوا طالع يسمع في خوته
ادهم:ههههههه بسمه اجري
بسمه:جاييني جايين وووه
ادم؛هههههههه
تيم:طلع وسكر الباب

✨روايات بنووتة الشيخ✨

مصطفى:بسمه ياسووومه
بسمه:احموني لين نجيكم
ادهم:بسرعه
بسمه:ايوا عمي
مصطفى:توا هدرز عليا تيم وبنتي الحلوا عرسها بعد شهر بس مستعجل
بسمه:ضحكت لي عمي …علي هير انشاء الله
سميره:كانت فاهمه بس سكتت
سلسبيل:صباح الخير
مصطفى:صح النوم والله

طق طق طق
ادهم:نوض افتح
ادم:نوض انت
ادهم:تنوض ولا نقول لي بوي ع السياره
ادم:انشاء الله تموت ونرتاح منك?…وناض
طق طق طق
ادم:فتح الباب …?بلقيس?
بلقيس:ترعش ومعش قدرت تتكلم
ادم:ش شش شن حالك وشن مدايره
بلقيس:من ربي بخير
ادم:انا مش…
بلقيس:بالله عليك متقولش ولاشي ومتتكلمش
ادم:اسمعيني بس ا…..
بسمه:بلقيس ياقلبي اخيراااا…وحضنتها …وانت خيرك يابارد مخلي صاحبتي واقفه في الباب
ادم:ضحك ضحكه صفراء ..كيف فتحت انا وانتي زي المهبوله
بسمه:هي تعالي خشي
بلقيس:خشت سلمت ع سميره وركبت مع بسمه
ادم:شنو يلي درته انه بسس?

بعد ساعتين:-
بلقيس:جديات تتكلمي انتي شهر بس علي عرسك من واحد رح يتزوج عليك؟
بسمه:معنديش اي حل تاني
سلسبيل:لا عندك تقدري تتكلمي وتقولي منبيش
بسمه:سلسبيل انتي اكتر وحده عارفه قداش نحب عمي ونخاف علي زعله
سلسبيل:سكتت
بلقيس:يعني بتقنعيني ع خاطر عمك بس؟
بسمه:لا ولان قاعده نحبه ونبيه فرحان حتا لو كان مع غيري
بلقيس:معش عارفه شنو نقولك
سلسبيل:ولا انا
بسمه:عادي خلاص رح نتعود مهم توا صكرو الموضوع
بلقيس؛انا لازم نروح قبل المغرب
بسمه:خللليك
بلقيس:والله منقدر ياقلبي منبيش بابا يروح ميلقانيش
بسمه:به خليني نوصلك لوطه هي
بلقيس:هي بسلامه
ادم:كان واقف قدام الحوش ….بلقيس استني
بلقيس:ساكته وتمشي
ادم:نكلم فيك بلقيس
بلقيس:خليني في حاااااالي شنو مزال تبي مني
ادم:ردي ع مكالماتي
بلقيس:مشت وسيباته

بنووتة الشيخ:تعالو نسرعاكم الاحداث عشان متملوش

بسمه:بدت تحضيرات العرس وانا مستغربه في مرت عمي مفتحتش معاي موضوع تيم الحوش كله يحضر للعرس وتيم فرش الشقه وتكمها وعمي فرحاان ودار عرس كبير هلبااا والعزايم والززززززحمه فضيعه خلال الشهر هادا معش مشيت للخدمه وفي العرس متلاقيتش مع تيم ابدا ابدا المهم جي يوم الحفله طلعت حلوه الحق وطول الوقت وانا نضحك ع اساس فرحانه ونشوف في حسد بعض الناس وانا نقول هه ياريتكم تعرفو الحقيقه بسسس وانا مقعمزه ع الكوشه طبست عليا مرت عمي وقتلي
سميره:انتي بنتي وبنتي منلوحهاش لي اي حد مش معنى اني ساكته رح نسكت ع حجات تانيه ره
بسمه:ابتسمتلها وبس المهم تمت الحفله والعرس يحكو بيه كلللهم روحت مع تيم وفي السياره حتا كلمه لا لين وصلنا الشقه

بسمه:بدون منتكلم نحيت الفيلو دوشت لبست توته عاديه جدا وطلعت حطيت العشي لي تيم يلي حتا في المصور مباش يقيم عيونه ويشوفني تعشا تيم وخذي المطول وشحن وتالفونه وخش لي دار الضيوف وسكر ع روحه ?كنت عارفه ان رح يحكي معاها طول الليل عشان تتأكد انه مش رح يلمسني كنت عارفه?خشيت لي دار النوم ودموعي معش وقفو تعبت اني نمثل ع الكل دور الفرح تعبت وررربي

بسمه:مش رح نحكيلكم ع تاني يوم ولا ثالث ولا شي لان كلللل الايام زي بعض انوض الصبح نوتيله فطوره يفطر ومعش يروح من الخدمه لا الساعه3او2في الليل نكون راقده يعني منشوفش فيه الا من الصبح لا الصبح ولو نبي شي نكتبله ورقه بي الحجات الناقصه ونحطها ع المدخل ومع هاذا نحبببببه قاعده مقصرتش معاه في واجباتي من ناحية الماكله ولبسه ديمه نضيف ونفس الشي نمثل علي عمي ان نحنا بخير والامور تمام وانا لان نفسيتي تعبت معش مشيت الشغل

الساعه10الصبح:-
تيم:صباح الخير
بسمه:صباح النور…وحطتله القهوه علي الطاوله جنب فطوره
تيم:يفطر
بسمه:بي تردد…تيم ممكن ناخذ اللاب توب
تيم:ليش؟
بسمه:تالفوني معش يربط مع الواي فاي وضروري نبعت ملف للمصحه
تيم:اوكي مش مشكله ..ولبس جاكيته وطلع

بسمه:كملت حوست الحوش وقعمزت ع اللاب توب وصلته بي تالفوني نسخت الملف وفتحت النت وجيت بنبعته بس لخبطت في الملفات وطلعلي فيديو ياريته مطللللع?فتحته

نهى:مقعمزه في حضن تيم…هاااي إڤري بادي اليوم قررت نصور الفيديو هادا لان عندي شي مهم نبي نقوله
تيم:يبوس فيها
نهى:يااسر خليني نحكي
تيم:حضنها ويشوف للكميره
نهى:رح نتزوجوووو وورت الخاتم للكاميره وتسكر الفيديو

بسمه:بدون وعي بديت نبكي ونخبط ع راسي …لللللليش ياربي للللللليش ?????حراااام والله تعبت تعبت

في المصحه:-
نهى:خشت لي مكتب تيم وسكرت الباب
تيم:شنو ادير هني?
نهى:استاحشتك
تيم:ههههه مجنونه اطلعي للكافيتيريا ونلحقك
نهى:باساته…نستنا فيك

بسمه:نضت توضيت وصليت ودعيت ربي يصبرني ويغسل حبه من قلبي وليت للاب توب بعتت النلف وسكرته ورديته في مكانه

#بعد_مرور_3_اشهر
بسمه:استغربت ان تيم روح بكري اليوم كنت راقده ع الصالون ونتفرج
تيم:شن الجو
بسمه:الحمد الله بخير…طبعا اول مره يحكي معاي من3شهور غير صباح الخير بسلامه
تيم:الموضوع يلي قتلك عليه نبيك تفاتحي قيه العيله
بسمه:عرفت انه يقصد ع الزواج …حاضر رح ننزل بعد شوي
تيم:يكون احسن…وخش يدوش
بسمه:لبست متع الصلاة ونزلت

سلسبيل:خيرك؟
بسمه:بنكلم عمي تعالي معاي صبريني بنمووت نحس في روحي
سلسبيل:علاش مدايره في روحك هكي بسس
بسمه:خذيت نفس وخشيت لي عمي نضحك…هلا عمي
مصطفى:سكر الكتاب…اهلا اهلا بي سومتي
بسمه:جاياتك في طلب ومنبيكش تردني
مصطفى:عيوني ليك
بسمه:عارفه ان يلي رح تسمعه صعب لاكن نبيك تفهمني
مصطفى:تغيرت ملامح وجها ..شنو فيه؟
سميره:خافت تكون بسمه رح تطلب الطلاق
بسمه:تيم رح يتزوج وانا موافقه ومستعده نخطبهالا
مصطفى:شششنو تقووولي ؟
سميره:??
بسمه:زي مسمعت عمي
مصطفى:علاااش
بسمه:عادي عمي انا تأخرت في الحمل واصلا حتا من غير الحمل تيم يبي يتزوج والحمد الله الشرع حلل4
مصطفى:كيف؟؟ انتي تتكلمي جديات
بسمه:والله
مصطفى:انتي طول عمرك تحبيه كيف ترضي ياخذ وحده تانيه
بسمه:ههههه عمي عادي مش جريمه راهو انا مقتنعه الراجل ياخذ شرع ربي محلله وبعدين الحمد الله مدارهاش بي الحرام ولا؟
مصطفى:اي الحمد الله…وهوا مذهوول من تصرف بسمه وسميره احرف منه
بسمه:المهم هوا يبي شقة واحد منهم ادم ولا ادهم لين يبني وحده قدام شقتي وفي نفس الوقت يبي موافقتك ع الزواج
مصطفى:انتي موافقه
بسمه:وهيا تضحك…اكيد

بعدقريب4ساعات اقتنع مصطفى وهوا مصدومه من بسمه
بسمه:نضت روحت ولحقتني سلسبيل وبكيت لين عيت نضت دوشت وسلسبيل نزلت وروح تيم

بسمه:وعيونها في الطنجره..عمي وافق
تيم:جديات?
بسمه:اي
تيم:صحيتي
بسمه:ولا يهمك

بنووتة الشيخ:تعالو نختصرلكم الاحداث مره تانيه لان التفاصيل تقطع القلب

بسمه:كملت تمثيل ان عادي والعيله مصدوومه كيف تيم يتزوج ع بسمه وبسمه عندها عادي وانا كل ليلي نبكي كمل ثيم تفريش شقة ادم وهوا فرحان كأنه اول مره يتزوج خطبها بعت امه وسلسبيل وانا درت حجة اني مريضه هلبا وكانو عارفين اني نكذب مشو خطبوها وبعد اسبوع بس تخيلو اسبوووع بس جت شركة تنسيق مناسبات للحوش وقعدت تساوي في ديكور الجنان والديكور كله زي متع الاجانب جو طاولات بدون كراسي وهكي عمي قال منبي نعزم حد خليها تجي هيا واماليها وتيم عزم صحابه يوم عرسه انا مرقدتش قلبي يتقطططططع واختي تبكي معاي لانها مش مش مستوعبه يلي قاعد يصير الصبح ناض تيم للحلاق وانا نتفرج ع الجنان كيف مجهزينه من فوق الحفله تبدا الساعه 6العشيه

لبست قفطان قصير وردي وفتحت شعري خفيت عيوني التاعبات بي شوية مكياج ونزلت لي مرت عمي
سميره:بتحضري الحفله?
بسمه:وهيا تضحك اي اكيد ?ولا متبونيش
سميره:حضنت بسمه وقعدت تبكي
بسمه:بالله عليك متنكديش ع تيم لانه فرحان
ادهم:كان يسمع فيهم طلع وهوا متكنطي هلبااااا

الساعه6بدو المعازيم يخشو طبعا اماليها هيا وانا طلعت سلمت وكلهم مصدومين كيف عادي نازلت قعمزت مع سلسبيل شويه وقالو العروسه وصلت وقفت وانا نحاول نخفي الحزن يلي في وجهي نحاااول

بسمه:خش تيم والضحكه علي وجهااا وجنبه عروسته يلي كانت لابسه فيلو ماشي ع الجسم وصابغه شعرها اصفر وواضح عليها فرحانه انا حسيت ان الوقت وقف?نشوفله عيوني تعبو دموع وتيم فرحاان ويسلم ع الناس فجأه تجي عيني في عينه ..ابتسمتله وهوا ضحكلي بعدها تلفتت لقيت مرت عمي يلي كانت رح تبكي حتا هيا …يتبع