رواية اميره بلا فارس ( الجزء الاول ) للكاتبة اسراء على
.
.
مرت عليهم اشهر وكما هما
دائما يفاجئها يوسف باشياء لا تتوقعها
وفى كل مره يذداد حبها وتعلقها به
*******
فى احدى الكافيهات ،،،
جلس يوسف مع اصدقائه معادتهم لكن هذه المره بدون محسن الذى ابتعد عنهم نهائيا
وهذا ما احزن يوسف كثير
هتف على بتسأل :- اى يا جو
شايفك مكمل ودايس اوى مع البت اللى اسمها حور دى
لتكون حبيتها
نظر له بطرف عيونه قبل ان ينفجر فى نوبه ضحك
توقف بعد فتره وهو يلتقط انفاسه
_ يعنى بذمتك انت .. تعرف عنى حاجه زى دى
انا احب … دا من امتى بقا
عمر :- بس انت طولت معاها اوى يا يوسف دا مفيش واحده خدت معاك اسبوع
لكن دى داخله فى الشهر الخامس اهو
يوسف بلاموبالاه :- عادى يعنى … مش لاقى غيرها
قولت اسيبها
على :- ناوى تخلص منها امتى
يوسف بشرود :- قريب اووى
******************
فى غرفه حور
جلست رانا بجانبها وهم يذاكرون ما عليهم
فها هى الامتحانات لم يتبقى عليها الكثير
صاحت رانا بضيق فى حور بسبب شرودها المستمر
_حور ركزى معايا فى اى مالك
سرحانه فى اى
فاقت حور من شرودها وهتفت بضيق جلى
_ اى يا رانا اتكلمى براحه
رانا بتعجب :- فى اى يابنتى مالك … ليه ديما سرحانه وشكلك مضايق كده
حور بضيق شديد :- يوسف يا رانا … بقالو كام يوم متغير معايا
مبقاش بيرد عليا لما اتصل ولو رد يا اما يتخانق معايا … يا اما يكلمنى ببرود
رانا بتعجب :- طيب ما يمكن بسبب الامتحانات وانو قلقان وكده
حور بحزن :- احساسي بيقولى لا يا رانا
انا عارفه
اكيد فى حاجه تانيه
رانا بخوف حاولت اخفائه :- متكبريش انتى بس الموضوع واكيد هو مشغول فى المذكره
حور بخوف اشد :- يارب يكون كلامك صح
******************
بعد مرور يومين ،،،
كانت تقف فى غرفتها وهى ممسكه بهاتفه وتعاود الاتصال للمره الالف
لكن فى هذه المره اجاب عليها
لتهتف هى باندفاع ولهفه
_ يوسف انت مبتردش عليا ليه
ومختفى ليه بقالك يومين
يوسف ببرود :- عادى
حور وقد اغاظتها نبره البارده :- هو اى دا اللى عادى
انت بتهزر … انا قلقانه عليك وانت بترد بكل برود وتقول عادى
_ اعملك اى يعنى
حور بقلق :- يوسف فى اى انت تتكلم ليه كده
يوسف بجديه شديده :- حور انا عايز اقابلك
حور بحزم :- وانا كمان
يوسف :- هستناكى بكره فى المكان اللى ديما بنتقابل فيه
****************
فى اليوم التالى
قى تلك القطعه التى تطل على النيل
دلفت حور بها وجدته يقف يعطى وجه للنيل
ذهبت له وهتفت بحنق
_ممكن اعرف بقا فى اى