رواية اميره بلا فارس ( الجزء الاول ) للكاتبة اسراء على

الحلقه الثانيه (اميره بدون فارس )
.
.
.
فى المنزل الخاص بعائله الشامى 
هو منزل عباره عن طابقين … الاول به غرفه المطبخ والريسبشن وغرفه للمكتب والثانى به غرف النوم وهم اربع غرف
واحده ليوسف واخرى لوالديه والغرفتين مغلقتين

نزل يوسف على درجات السلم الموصله الى الطابق الاسفل بخطوات مرحه

يوسف بمرح وهو يلتقط احدى الاطعمه الموجوده على طاوله الطعام
_صباح الخير عليكو

فيروز (والدته ) بحنان وابتسامه
_حبيبي صباح النور يلا اقعد افطر

فؤاد بتهكم وهو يتصفح جريده
_اخبار الثانوى معاك اى يا استاذ ناوى تعدى السنه دى ولى هتعيد زى كل مره

فيروز بعتاب
_اى لزمته بس الكلام دا دلوقتى خلى الواد يقعد يفطر

فؤاد بضيق ممزوج بسخريه
_هو انا اتكلمت انا بسأل بس ليكون البيه ناوى يعيد كمان

يوسف بضيق
_لا انشاء الله هعدى مفيش اعاده تانى

فيروز بتساؤل
_حبيبى هو مروان اتصل

يوسف بجديه
_اه اتصل وبيسلم عليكو

فؤاد بغضب داخلى
_انا مش عارف اى لزمه قعده فى بره ما يدرس هنا ويمسك الشركه هنا

فيروز بجديه
_انت عارف ان مروان بيحب الدراسه بره واول ما خلص ثانوى سافر على طول وبعدين المانيا التعليم فيها على اعلى مستوى

قاطعهم يوسف وهو ينهض
_طب اسيبكم بقا ورايا درس سلام

فيروز
_سلام يا حبيبى وخلى بالك من نفسك

_________________________
فى منزل حور ،،،

جلست مع والدتها على مائده الطعام

حور وهى منشغله بالنظر فى الكتاب الذى بيدها
_ماما هو بابا بقالو كتير متصلش ليه حتى انا لما اتصلت بيه لقيت تلفونه مقفول

ناديه لتتجنب الحديث مع ابنتها فى ذلك الموضوع
_ممكن يكون مشغول يا حور عادى يعنى

نظرت لها الاخرى بطرف عيناها لتقول بشك
_ماما انتى مخبيه عليا حاجه

ارتبكت ناديه من سؤال ابنتها وقالت بتلعثم
_هاا هخبى عليكى اى يعنى مفيش الكلام دا ويلا خلصى اكلك عشان تلحقى تروحى درسك

نظرت له حور بشك لتقول بضيق
_انا مش عارفه اى لزمه الشغل بره مصر يعنى انا بقالى اكتر من 3 شهور مشفتوش

حزنت ناديه على ابنتها وتنهدت بضيق لتحاول مداره الموضوع
_خلصى انتى بس عشان درسك وهو لما يتصل هخليه يكلمك

تنهدت الاخرى لتنشغل بتكمله فطارها

__________________
انتهى الدرس الخاص ب حور متاخر
رانا بضيق
_يلا بقا يا حور نمشى الدنيا ليلت واحنا طريقنا طويل

حور وهى تقلب فى الكتاب الذي بيدها
_لا اصبرى لسه هسأل المستر على حاجات

تأففت رانا بضيق
_ياحور الوقت اتأخر وانا تعبانه وعايزة انام

نظرت لها جور بأصرار
_مش همشى غير لما اسال المستر لو انتى عايزة تروحى اتفضلى

مالت رانا براسها لترى كميه الطلاب الذين يقفون حول المدرس ليسالو شهقت بصوت
_يبقى تمام انا همشي خليكى انتى واقفه فى طابور العيش دا سلام

حور بأنشغال وعدم اكتراث
_سلام

وقفت حور فتره من الزمن حتى تستطيع ان تصل الى المدرس
تاخر الوقت عليها وانتهت من سرد الاسئله عليه وخطت خارج المكان لتعود الى منزلها
كانت تسير فى منتصف الطريق حتى قطعه عليها

احد الشباب وهو يقف امامها
_الحلو رايح فين وانا اوصله

لم تعيره اهتمام واكملت سير حتى وقف امامها مره اخرى
_الحلو مطنشتى ليه دانا غرضى شريف

اجابته حور بنزق وغيظ
_ابعد عنى لو سمحت بدل ما اعملك مشكله وفضيحه فى الشارع

غمز لها بطرف عينها وقال بخبث
_وكمان شرسه مشاء الله … لو مبعدش بقا هتعملى اى

هعمل كدا
قالها يوسف وهو يلكمه بقوه فى فمه وانفه عده مرات متتاليه

شهقت حور من الصدمه ووضعت يدها على فمها
وقفت بعيد عنهم نسبيا وهى تشاهد يوسف وهو يسدد للشاب اللكمات
حتى وقع الشاب على الارض ولم يقدر على الوقف
اتجه يوسف ل حور وجذبها من يدها واتجه بعيد

فاقت حور من صدمتها وحاولت الوقف وجذب يدها
_يوسف سيب ايدى انت ماسكنى كدا ليه

لم يعايرها اى انتبها حتى غضبت وجذبت يدها بقوه منه
_اى اللى انت بتعمله دا

نظر لها بغضب وحده
_خير عايزة تتعاكسي تانى ولى مستنيه لما يتحرش بيكى

نظرت له بحده وبصوت جاد
_ميقدرش انا كنت قطعتهالو

يوسف بسخريه
_فاكره نفسك مين انشاء الله يا ماما انتى بنت يعنى مهما عملتى مش هتقدرى على الولد
ولسانك الطويل دا اللى هيوديكى فى داهيه

حور بضيق
_عايز اى دلوقتى يا يوسف

يوسف بجديه
_امشى قدامى مش هروح غير لما اشوفك طالعه بيتكو

حور بصدمه وغضب
_نعم لا طبعا حضرتك ولى امرى

يوسف بأصرار
_مش عايز كلمه اتفضلى قدامى

لا تعرف لما انصاعت له وتحركت امامه عائده للمنزل
صعدت منزلها وجلست لتتناول العشاء مع والدتها
ثم دلفت الى غرفتها وامسكت بهاتفها
حور مهاتفه رانا
رانا بنوم
_خير يا حور فى اى

حور بتساول
_انتى نايمه من دلوقتى

رانا بارهاق ونوم
_ما انا قولتلك انى هروح انام المهم انتى كنتى عايزة حاجه

حور بعدم اكتراث
_مفيش كنت عايزه احكيلك على حاجه كدا حصلت معايا انهاردا

رانا وهى تنهض من الفراش وبفضول شديد
_اى احكيلى

حور بسخريه
_مش كنتى عايزة تنامى ومرهقه يلا روحى مش هقولك

رانا بفضول اشد
_لا عشان خاطرى قولى خلاص النوم راح من عنيا قوولى بقا

قصت لها حور ما حدث معها

رانا بخبث
_ايوة بقا شكل الواد واقع

حور بلاموبالاه مصطنعه
_بلا واقع بلا بتاع عادى يعنى
المهم متتاخريش بكره على الدرس وروحى كملى نوم يلا سلام

رانا وهى على وشك النوم
_سلام

اغلقت معها وتنهدت تذكرت ماحدث معها ثم ابتسمت وتمددت على الفراش لتذهب فى سبات عميق

فى مكان اخر ،،،
اجتمع يوسف مع اصدقائه على ومحسن ومعهم ذلك الشاب الذى حاول مضايقه حور

على بضحك هستيرى
_يخربيت عقلك يا يوسف بقا تعمل كل دا

محسن بضيق
_طب ليه كدا يا يوسف ياعم ملكش دعوه بيها وسيبها لى عايز تعمل معاها كدا

يوسف بغرور
_انا مفيش بنت تقف قدامى وبعدين دى شايفه نفسها اووى وانا حلفت انى هخلى غرورها دا فى الارض

تحدث الشخص الاخر ويدعى (عمر)
_بس انت ايدك كانت تقيله اووى يا يوسف يخربيتك وشي اتشوه

يوسف بضحك
_حقك علينا ياعم تتردلك

ليضكو الاخرين على ما فعلو مع تلك المسكينه

error: