رواية اغتصاب انقذ حياتي

الحلقة التاسعة

طق طق طق
هبه:فتحت…تفضلي
فاتن:شافت لي هبه ولي بطنها…راكان موجود؟
هبه:اي مع رضوان داخل منى نقوله؟
فاتن:ضحكت ع جنب…مرته الاولى يااااااا مرته الثانيه?..
هبه:نصدمت…ششش شنو؟؟?
فاتن :هه ومش مقايلك زياده متزوج قبلك…مش غريبه عليه اصلا
صبريه:منو يا هبه؟
هبه:تلفتت…فف فاتن
صبريه:ناضت من مكانها وشافت فاتن…..?راكاااااان
هبه:في البدايه مصدقتش يمكن هاذي تكذب عليا قعدت واقفه نستنا في راكان وقلبي خلااااص?

راكان:نعم
صبريه:شوف من جايك في ها الليل واشرت بعيونها لي فاتن
راكان:?في حالة صدمه
فاتن:خيركم لا باس مفيش حتا تفضلي
هبه:عيونها ضببو من الدموع…راكان هاذي مرتك؟
فاتن:بي هزوا ….اي ياقليلت الحض مرته
راكان:شد فاتن من يدها وطلعها برا وطلع معاها

هبه:استندت ع الحيط ويدها علي بطها ودموعها ينزلو بدون صوت لين وصلت للكرسي
شهد:شن جابها هاااذي توااا
هدى:هبه انتي بخير?
هبه:تبكي….علاااش بس متكونوش معاي واضحين وتحكولي شن فيه علاش كل يوم تطلعلي صدمه جديده
شهد:ليش هيا مش عارفه بي القصه قصدك
هدى:شهد ريحينا مش وقته الكلام هوا توااا اسكتي
هبه:يدها ع بطنها وتبكي
هدى:اهدي تو نجيبلك اميه وميصير الا الخير …وناضت

راكان:بعد مكان ماسك يدها بقوه اول مطلعو طلقها بي غيضه…..شن جايا تبي توااااااا?
فاتن:نبي ورقة طلاقي يلي حارمني منها سنه مسكره فديت ع الحال هاذا ياراكان متبيناش نرجعو ولا اطلقني نشوف حياتي حرام عليك
راكان:ضربها كف?
فاتن:لين وخرت من قوة الكف حطت يدها ع خدها وتشبحله بخوف
راكان:بعد يلي درتيه فيا وفي ولدك عندك عين تجي وتقولي الكلام هاذا
فاتن:بدت تبكي ….معاك حق راكان في كل شي ونعترف اني غالطه بس عطيني فرصه تانيه نصلح غلطي راكان كيف يهون عليك حبنا وولدنا وتمشي تتزوج وحده وتخليها تحمل منك
راكان:شدها من فمها ….سيرة ولدي ياخامره معش تجيبها ع لسانك والا ندفنك وانتي حيه هنايا…وطلقها بقوه ….وبعدين اصلا لو مكنتيش جيتي راهو بعتلك ورقتك الاسبوع الجاي
فاتن:مفيش فرصه لينا مع بعض بكل?؟
راكان:انتي طالق طالق طالق….وخش وسكر الباب
فاتن:مسحت دموعها وطلعت لي خوها يلي كان يستنى فيها برا وخايف يخش يواجه راكان بعد يلي دراته اخته

 

هدى:شنو هبوش احسن؟
هبه:اي
راكان:خش لي الصاله متع الضيوف شاف هبه مقعمزه وجنبها هدى وشهد
راكان:وعيونه علي هبه…شنو ياهدى وين امي
هبه:لفتت وجها للحيط
هدى:داخل مع رضوان
راكان:مشي لي امه

شهد:بما ان مرته جت خلاص خليني نحكي لي هبه
هدى:فكينا ياشهد
شهد:اسكتي وانتي موليا زي خوك رضوان نفاخ …المهم هادا ياحنى بعد متزوج فاتن علي حب وجابو انس اكتشف ان فاتن تخون فيه وشدها بي الثابت تخيلي صور وفيديوهات ومكالمات مع حبيبها
هبه:???????
شهد:بس راكان مرضاش في البدايه يطلقها ولا يفضحها ع خاطر ولده رفعها تقعد عند اماليها لين يناري توفى انس مسكين ?وحلف راكان يخليها معلقه زي الكلبه لا تطلق تشوف حياتها ولا يردها وياااااما حاولت اتردله ?بس مفيش فايده راكان معند
هدى:وطبعا متقدرش ترفع عليه قضيه لان عنده دلائل ضدها ادمرها في المحكمه
شهد:هبه خلينا صريحين تو نحنا نعرفو علاش راكان تزوجك ويلي في بطنك مش ولده انتي علاش تبكي
هبه:مسحت دموعها…وكيف تعرفو؟
هدى:اني حكيتلها صراحه يا هبه مفيش حد في الحوش ميعرفش لان راكان منبهنا منقولوش لحد برا ولازم نكونو علي علم بكل شي
شهد:بس انا خاطري نعرف قصتك هبه من منو حملتي وكيف؟
هدى:اسكتي شهد
هبه:لا خليها تسأل ونبي نفضفض يمكن نرتاح
شهد:به احكيلنا
هبه:قعدت تحكيلهم

صبريه:يازززين مادرت ياولدي اخيرا قلبك حن عليها قداش ليا نقولك طلقها تشوف نصيبها
راكان:طلقتها عشان لما نطلع ميقعد عندي شي في ليبيا بس مش ع خاطرها
صبريه:تنهدت بوجع…طول عمري خاطري نشوفك متهني انت ومرتك وصغارك جنبي
راكان:قلبي وججججعه ….عادي تمشي
صبريه:والله هبه لو مكانتش حامل بي الحرام بس بنت كويسه
راكان:سكت
صبريه:لاكن هيا شنو قصتها حقا؟?
راكان:منعرفش ومعندي علاش نعرف مزالها شهر وتجيب وكل واحد ياخذ مصلحته وتمت
صبريه:وبتخليها مع عيلها؟
راكان:رح نأمن مستقبلها هيا وولدها وتو لما يكبر يشد حيله وتعتمد عليه
صبريه:ولو طلعت بنت؟
راكان:شاف لي امه وهوا مش عارف شنو يرد
صبريه:اشرت بي عيونها….احكي لو طلعت بنت كيف بتحميي امها ؟
راكان:قرن حواجبه….يلي عليا بنديره والزايد ومدخليش في الباقي …تصبحي ع خير
صبريه:وانت من اهل الخير
راكان:طلع
رضوان:خايف بدل مينقذنا ولد هبه يزيد يضيعنا
صبريه:تنهدت….نفس خوفي والله

 

هدى:ياااروحي عليك?
شهد:تي كيف سمتي ع شي زي هاذا فهميني
هبه:منقدرش يا شهد حقير والله لو قلت حرف اختي رح ينخرب حوشها ويقتلونا الزوز وهوا يطلع الشريف ديما في المواضيع هاذي البنات هما يلي يضيعو
شهد:عليك مجتمع معفن وخلاص
هدى:ان شاء الله الدنيا تكون مخبيتلك حجات حلوه
هبه:ان شاء الله يالله انا بنركب نرقد حاسه راسي خلااااص تعرفي
شهد:خشيتي شهرك صح؟
هبه:اي بعد بكرا نخشله
شهد:ع خير ان شاء الله
هبه:تسلمي …يالله تصبحو ع خير
—وانتي من اهل الخير

هبه:خشت لي صبري سلمت عليها وباست يدها:-
هبه:تصبحي ع خير
صبريه:شافت بي حسره ع هبه…وانتي بخير

هدى:شهوده انا بنخش الدار عندي مكالمه
شهد:مقعمزه ع الكرسي متع طاولة الكوجينه…بري انا نشرب في نسكافي بشويه مابين كملتي صياعتك
هدى:هههههههه خزي…ومشت لي دارها

هبه:خشيت الشقه وانا قريب نموووووووت حبيته ياناس حبيته ومفيش شي يخليك متحبيشي يجنن كله ع بعضه شكله شخصيته رجولته بس مرته يلي طلعتلي توا شنوووو؟؟؟؟وهوا اصلا من البدايه مش عاطيني وجه واضح ان قاعد يحبها هاذا باش لا توا مش راضي يطلقها?شكلي شبحت لي شي مش ليا وعنده حق لما قالي متدخليش في حياتي ….جيت بنخش لي الدار لقيته مقعمز ع الصالون درت روحي مريتاش لاكن ناداني?

راكان:هبه
هبه:تجمدت في مكانها وتلفتت بي هدووء…نعم
راكان:تعالي نبيك شوي
هبه:قعمزت جنبه وانا قلبي بيطيح قريب نجيب?
راكان:يشبح للارض…شوفي مهما كان يلي تفكري فيه بي تصرفاتك يلي اديري فيها ياريت تنحي اي شي من راسك يخصني
هبه:كيف؟
راكان:قام عيونه فيها….متنسيش روحك انتي علاش هنايا ولي شنو ومتتخطيش حدودك معاي
هبه:عيونها يلمعو بي الدموع….راكان انا ولا عمري فكرت نأذيك ره حاولت نخليك تهدرز معاي تضحك تفضفض ومكانش غرضي شي انا نشوف فيك سند ليا لاني معندييش غيرك توا يعلم ربي قدااش….
راكان:قام عيونه بسرعه وحاجبه…..قداش شنو؟
هبه:قداش نعزك?
راكان:يعدل في تقعميزته ….لازم تتعودي علي غيابي من توا وتستندي علي روحك لان معادش مزال غير شهر عشان تجيبي وشهرين نتم فيهم الاوراق يعني بي الكثير3شهور وفي حياتك معاد تشوفيني
هبه:طاحت من عينها دمعه وعيونها مجمدات تشبحله
راكان:نزل عيونه….ومتخافيش مش رح نمشي قبل منخليلك مصدر تعيشي منه انتي وولدك ورح نكتبله عماره كامله عشان مستقبله ميضيعش
هبه:ناضت من مكانها ومسحت دموعها بس العبره خااانقتها?حطت يدها علي بطنها….لا انا ولا ولدي نبو منك شي لو جبته بسلامه وقعدت عايشه خوذ يلي تبيه وبرا لينا ربي ….ومشت لي دار النوم سكرت الباب وعيت وهيا تبكي بدون صوت عشان ميسمعهاش

 

رضوان:خش للمطبخ وهوا مهموم شاف شهد مقعمزه وتشرب في نسمافي وسارحه خذي كرسي وقعمز قدامها

شهد:مسكينه هبه
رضوان:خشت بعضها وان شاء الله خير انا من الاول مش راضي عليها الجوازه هادي لانها مش حل
شهد:خوك لو ميديرش هكي رح يقتلوه لو مسافرش والعيله كلها تعلم
رضوان:اتكا ع الكرسي…..اففففففف ياااااربي

وبصدفه الزوز شدو الكوب متع الميه وجت يد رضوان ع يد شهد

رضوان:??
شهد:?نفضت يدها….خيرك انت متشبحش
رضوان:قعد ساكت ويشوف لي شهد اول مره تقريبا يتأمل في شكلها بعدين فاق ع روحه
رضوان:به وانتي درتي العار غلطنا ع مسكت يد وانتي يدك تقول منجل
شهد:ترعش من الموقف ومعادش عرفت شن تقول ناضت….الله لا يصبح ع خير ….وطلعت تجري
رضوان:لاحض ارتباكها وضحك

هبه:كانت تبكي بي العبره تحت غطاء سريرها زي البيبي ومقدرتش تغمض عيونها بعد الكلمات يلي سمعتهم من راكان

راكان:الافكار متزاحمه في راسه بنت عمه يلي قعدت معاهم وهموم الناس يلي تحاوب فيه وضرورت انه يسافر ويسفر عيلته وهبه يلي طلعتله في النص كيف رح يخليها بعد متجيب ومنو بيحميها?حط راسه ع مخدة الصالون وهوا خاطره يرقد بس النوم طاااااير

ثاني يوم:-
هبه:نضت عيوني مش قادره نفتحهم من كثر ما بكيت امس قررت نفطر فوق درت حجات خفيفه وقعمزت ناكل علي طلعت راكان من الحمام

راكان:يلبس في ساعته….باش توتي روحك اليوم مع العصر
هبه:بدون متشبحله…وين
راكان:اليوم اربعاء وبكرا عرس اختك
هبه:ردت فيا الرووووح اخيرا بنمشي نشوف خواتي ليا شهووور عليهم❤️❤️❤️…تمام
راكان:خذي العطر وبخه قدامها وطلع
هبه:شميت العطر وصكرت عيوني ع الاقل دارلي قدر وملوحاش حتى لو مشكرنيش عادي?

هدى:وحق ربي انس تعرفي بعد سمعنا قصتها خلاااص قداش وجعتنا
صبريه:ياما بنات قصصهم زي هبه ..ان شاء الله غير صادقه
شهد:واضح عليها البنيه صادقه
هدى:تعالي نركبو نشوفوها شن حالها منزلتش اليوم
شهد:اي
رضوان:صباح الخير
شهد:اذكرت للموقف يلي صار مبارح وقداش كانت غبيه?واطت راسها
صبريه:هوا انت هنايا نسحابك طلعت
شهد:هدى هيا
هدى:جايا هي
رضوان:يشوف لي شهد من بعيد
صبريه:ضرباته علي عنفقته….ياسر خلي البنت في حالها وانتم فالحين عير تراقبو في بعض باش تتعاركو
رضوان:ااحححححيه يا امي وااااك

هدى:جوك مش تمام نعرفك انا
هبه:تلم في حوايجها…والله عادي هي بس تاعبه شوي من الحمل الشهور الاخيره صاعبه
شهد:راقده ع السرير…هبه خاطري نسألك
هبه:شنو ؟
شهد:درتو السخافه انتي وراكان
هدى:شهد تحشمممممي
هبه:ههههه لالا
شهد:الله خاطري نعرف كيف يكون الجو معاه يعني هوا همجي احتمال تموتي بين يديه??
هدى:شهدددددد
هبه:ربي يهديك?

 

هبه:وتيت روحي ونزلت سلمت عليهم كلهم وطلعت انا وركان لي غريان وطبعا زي العاده ورانا شباب وانا قلبي خلاااص مستاحش غريان وشوارعنا وخواتي وحتى بوي كيف بيستقبلني عماتي عمامي خوالي شنو تكون ردت فعلهم يااااربي

رضوان:خش لي الدار وضرب شهد علي ضهرها
شهد:اااه يا حيوان
رضوان:هوا انتي?نسحابك هدى
شهد:عطيك كسره مرض
رضوان:لوالها يدها ولصقها فيه ….قداش مره قتلك معش اطولي لسانك
شهد:مصدومه في كمية المسافه الصغيره يلي بينهم ولت زي الفلوسه المبلوله?
رضوان:قعد يشوف في عيونها وريحتها يلي واصلاته وشهد يلي متشنجه
هدى:حي علياااا البنت سدها بتتكسر خيرررك رضوان
رضوان:طلقها بسرررعه?….
شهد:تمس في يدها….مان نعرف مرت عمي ع شنو متوحمه بس الهمجي هاذا…وخشت الحمام تجري
هدى:ياسر راسي نتفخ منكم
رضوان:هيا ترد في الدوا زي النم
شهد:خشت للحمام ترررررعش مع بعضها تغسل في وجها ومش فاهمه شن قاعد يصير معاها

بعد مرور وووووووقت:——
هبه:وصلنا للفندق وطبعا سهيله تستنى فيا سلمنا ع بعض بي الدموع وهدرزنا في كافي الفندق وروحت بعدها ركبنا لي الدار وطبعا لازم نباتو في دار وحده قتله خوذ دار بروحك ورفض لان خايف يصير شي منعرفش شنو هوا لبست بيجامه وقمت شعري خلاااص ياسر والله معاد متحشمه منه وانا حامل بناخذ راحتي …رقدت ونصكها نومه لا تاني يوووم الضهر تخيلو من كثر التعب وراكان منوضنيش

يوم الخميس:-
هبه:نضت الضهريه صليت ولقيت فطور ع السرير شكله جايبه راكان فطرت وقعدت نقلب في الشنطه ندور شنو نلبس للحفله وقداااااش مستاحشه مسره وخيتي

طق طق طق
هبه:منو
راكان:خش …صباح الخير
هبه:صباح النور…وكملت ادور في الحوايج
راكان:هاذي ليك….ومدلها كيسه
هبه:شنو هادا؟
راكان:ينحي في جاكيته…لي سهرت اليوم …وخش للحمام
هبه:فتحت الكيسه ويطلع قفطان يجنن لونه سكري وكمامه طايحات وفيهم خرز ومعاه بروش متع شعر فضيه ومداس عالي شويه ع خاطر حملي…قعمزت ع السرير …قدااااش متمنيه يكون نصيبي راكان بس??
راكان:طلع من الحمام
هبه:راكان صحيت
راكان:نلقاك واتيه المغرب…وطلع
هبه:ولا حتا فرصه???‍♀️

شهد:تكنس في الجنان
رضوان:خاش للحوش وطااااارح لبسه تهبل ومساوي شعره وشاد شكاير
شهد:زهي في عيونها ?…لي شنو الشكاير هادم
رضوان:خذيت شوية حوايج
شهد:نبي نشوفهم حشيشتي لبس الاولاد
رضوان:كملي شغلك يابنقاه وتعالي شوفيهم
شهد:?
رضوان:خش لي داره

هبه:قعمزت قدام المرايه بديت نمكيج…درت كريم اساس بدون لمعه مع بودره خفيفه وريمت ايلاينر عرريض وضل ع اللون البيج ودخلت فيه القهوي اللامع شوي وروج عنابي دمي شوية تحمر خدود علي هاي لايتر وتمت شعري استشورته ودرت البروش علي جنب ودرت زمالو دمي ولبست القفطان طلع عليا يجنن وبطني طالعه محلاها ???قعمزت قدام المرايا وانا نفكر بنموووووت ونعرف شن صار امس مع راكان وفاتن وعلاش قالي ماتت بس علاااااش ..نضت وقفت نبخ في الصنه ع خشت راكان?….يتبع