رواية اغتصاب انقذ حياتي

الحلقة الرابعه عشر

هبه:لانك واحد اناني وتبي تتخلص مني ومن نور حتا لو عطيتنا للحقير محمود ?متفكرش في نفسك ولا عمرك وحياتك حاولت تفهم قصتي وانا يلي طول ها المده هاذي كلها نحاول نساعدك بس انت معطيتنيش فرصه حتى وتوا جاي بتلوحنا لمحمود بكل سهوله
راكان:الشر يلي كان في عيونه اختفى قرب من هبه وفها ع الحيط ولصق فيها ويديه الزوز محاصرينها??????

هبه:كانت داهشه من البكي بس الموقف هادا تجمدت ومعرفتش راكان علي شنو ناوي الحيط وراها وراكان قدامها ومسكر عليها بيديه الزوز
راكان:قرب من وجها…هاذا كله وتشوفي فيا اناني
هبه:من كثر ما فمه قريب منها مقدرتش تتكلم
راكان:من وين طلعتيلي انتي وبنتك باش تخشو حياتي ومش قادر نطلعكم
هبه:صوتها هرب وقلبها يدق بطريقه مش طبيعيه
راكان:عيونه كانت علي فم هبه ويقرب منها
هبه:بصوت متقطع انا م….
راكان:قبل متكمل كلامها قاطعها بي بوسه ع فمها ❤️وكانت طووويله …بعد علي فمها شووويه وكانت بينهم شعره بس ويشوفو لي عيون بعض
راكان:جبدها من خصرها بي عضلاته ولصقها فيه
هبه:نن انت متأكد من يلي ادير فيه
راكان:قامها وحطها ع السرير وجي فوقها. … تعبتيني باش خليتيني نتأكد هكي تاعبتيني وربي ونزل ع رقبتها
هبه:وقتها مكنتش حاسه بي شي غير اني حضنته ويديا ع ضهره يلي كان كله عضلات يقططططع
راكان:مزج حنيته مع الخجريه يلي فيه وكانت بوساته قويه بس حنونه وفي حضن هبه مش راكان القاسي يلي يعرفوه الناس ❤️

راكان:كل مره ينحي في حاجه من ع هبه وهيا فاشله ولا حاسه بيحاجه
هبه:راكان
راكان:اشششش متتكلميش ومدكرينيش بي شي خليني انا وياك وبس منبي نسمع شي
هبه:حطت يديها ع لحيته وباساته ….وخشت بعضها

بنووتة الشيخ:عاد نبيش نحكيلكم بتفصيل هلبا هكي?

صبريه:ان شاء الله خير
رضوان:خلي عندك نور ومتركبيش فوق
هدى:علاش طيحتلي قلبي شن في
رضوان:ولا شي
هدى:مخطرش في بالها ان في شي زي يلي فوق?☝?بس حست ان في مصيبه

خالد:شنو قالك ؟
محمود:طلع كلامي صح وقالي تو نرد عليك
خالد:به كان صار وعطاك البنت كيف بدير
محمود:مش عارف غير توا نضمن ان فلوسها عندي بعدين نشوفلها صرفه
خالد:مش تنسانا عاد احسبنا
محمود:ههههه عندكش مشكله

ع التالفون:-
شهد:به مسمعتش صوت عياط؟
رضىوان:وين؟
شهد:شنو وين فوق عند هبه وراكان
رضوان:لا هادي الجو
شهد:حي عليا كان مقتلها?
رضوان:شن يقتلها خيرك انتي
شهد:مش عارف انت خوك كيف غجري ميعرفش يتعامل مع البنات اركب شوفهم خير متلقوها غارقه في دمها
رضوان:هههههه به اهو انا طول عمرك تقول عليا غجري وعرفت نتعامل معاك?
شهد:لانك انت صايع مش زي خوك
رضوان:مصحك????
شهد:ربي يستر ع هبه
رضوان:غير امتا نتزوجو بس?
شهد:هاذا فاش فالح ?

 

هبه:راقده في حضن راكان ….راكان
راكان:عيونه
هبه:انت عارف يلي درته ومع منى؟
راكان:شافلها وزاد حضنها…درت الحلال مع مرتي
هبه:بس انا ….
راكان:سكر فمها بي صبعه …اشش منبيش نسمع شي ..اتكا ع الجنب وهيا راقده
راكان:يشوف لي عيونها…إلا اذا كنتي متبيش تكملي حياتك معاي هاذاكا موضىع تاني
هبه:عيونها دمعو وحطت يديها علي لحيته وبتسمت….انت شنو تقول ؟؟طول عمري نتمنى روحي معاك ونكون جزء منك ونهمك
راكان:ابتسملها ومسح علي شعرها…تقبلي تكملي حياتك معاي بكل المشاكل يلي تواجهني؟
هبه:اكيد
راكان:مسح دموع هبه وضحك…وبنسبه لي نور تفاهمت معاها وموافقه
هبه:ضحكت …يعني في مواضع صايره من وراي؟
راكان:هز براسه ويضحك امممم وهلبا وبوسات وضحكات وغمزات
هبه:خيااانه يعني ?
راكان:شن رايك اءءءء
هبه:اءءء شنو
راكان:حسيتك غايره من نور قلت نرضيك
هبه:بعد من عليا ياسرك?
راكان:غير تعالي موضوع صغير ونتناقشو فيه
هبه:ههههه راكان خلاااص

ثاني يوم:-
هبه:فتحت عيوني بسيف ع ضي الشمس خاش من الروشن وكنت نسحابه يلي صار معاي امس كللله حلم بس لما شفت روحي في حضن راكان تأكدت انه حقيقه?عاكسه الشمس علي رموشه ولحيته وهوا راااقد زي العسل?بسته ونضت للحمام دوشت ولبست توته وقمت شعري فوق وهوا قاعد راااقد ولا مفكر ينوض طبعا فات علينا واذن الفجر قبل منغتسلو يعني رح نعاودو نصيموه اليوم …خشي للمطبخ طق الباب

طق طق طق
هبه:فتحت الباب ….نور ياقلبي ?استاحشتها
هدى:مدتلها نور وخشت وسكرت الباب ….توااا فهميني شن صاير
هبه:باست بنتها….هلبا حجات
هدى:طاحت عينها ع رقبت هبه نصددمت….تبصرررررررررري?
هبه:ضحكت وغطت رقبتها
هدى:تعالي جااااااااااااااي????نبي نعرف كل شي

طق طق طق
هدى:فتحت الباب
شهد:خشت بدون مقدمات…..وووه عليا نسحابه قتلك ولا خنقك ولا ذبحك
هدى:ياريت شوفي رقبتها
هبه:اااايااااه علينا عاد?من جابك انتي
شهد:?كأنها بوسه وحجات حمر??يا سايعين شن صاااار احكيلي توااااا نبي نعرف
هبه:ووه عليا منكم استنو نحط نور جنب راكان ونجي
شهد:ياعيني ع التطورات وين كنت انا بس
هبه:هزت براسها وتضحك …ربي يهديكم …حطت نور راقده جنب راكان وطلعت

صبريه:متبيش تقولي شن صاير مع خوك ومرته
رضوان:هوا يقولك
صبريه:شوووف يمين بالله تقولي ولا بنت عمك معاد شايفها في حياتك
رضوان:…احوووو احووو احوو من بنت عمي
صبريه:بلا تمثيل نحكي ع شهد
رضوان:يحاول يخفي ملامح وجها…شن نبي فيها العنزه هيا
صبريه:العنزه هادي يلي تحكي عليها لحستلك عقلك وخلاتك طاااير بيها وعندي علم بكل شي شنووو بتقول ولا نتصرف
رضىوان:اففففف اي اي به….امس هبه حاولت تهرب هيا وبنتها
صبريه:بصدمه…وعلاش
رضوان:منعلمش يكمن ع خاطر خلاص خذي راكان الاوراق وحست معادش يبيها فقررت تروح
صبريه:تو ينزل ويفهمني هوا

هبه:هاذا يلي صار
شهد:رمضان الناس تعبد في ربي وناس تتباوس
هبه:ع اساس انتي مدرتي شي مع رضوان امس
هدى:رضوان؟؟؟؟علاش شن دخله
شهد:??ششي خليها تخرط
هدى:قصدك شهد مع رضوان????لا مستحيل نصدق
شهد:اياه علينا تو بتستلمني بي الضحك وتسهويك
هبه:ياسرك انتي وياها وقت ع العشي
شهد:اي ياحنى نايضه نشيطه امس فيتامينات واخذتيهم
هبه.صاااايعه خزي???
نزلو شهد وهدى يطيبو في العشي مع ام احمد ورضوان:يغمز لي شهد من بعيد وهيا تلف في البوريك وتضحك

راكان:ناض قبل المغرب بشويه علي صوت نور تناغي وتلعب جي بحداها…..شن اديري هنايا ياسمحه
نور:تبتسم
راكان:باسها …ريحتها ياناس محلاها
هبه:خشت الدار ….خلي بنتي في حالها ونوض المغرب بي اذن
راكان:انتي اطلعي من وجهي خير منوض نبوسك يكفي اليوم صيامي بنعاوده بسببك
هبه:كانت مبدله ومساويه حطت وشاح ع راسها وخذت نور…محدش قالك دير الصياعه?يالله انزل المغرب بيأدن ونزل معاك الصواني يلي ع البار
راكان:وقف خذي منها نور…انتي نزلي الصواني وانا بنزل بنتي معاي
هبه:نصدمت في كلمة بنتي وحستها في قلبها قريب طارت من الفرح…حاضر يالله هاك راهو اطيح منك
راكان:مدخلكش فينا?
هبه:ضحك وطلعت

 

ع سفرة الفطور:-
شهد وهبه وهدى يوتو في الصواني ويحطو في الصفر وصبريه مقعمزه هيا ورضوان يلي عيونه علي شهد وبس

صبريه:وين راكان المغرب قريب يأذن
هبه:شوي وينزل عطل بنومه اليوم
رضوان:غمز لي شهد …بمعنى شوفي خوي شن دار امس?
شهد:ضحكت
هبه:تخشمت وناضت
راكان:خش وهوا شاد نور…السلام عليكم
صبريه:نصدمت وقعدت تشبحله وهوا شاد نور ???
راكان:قعمز ونور في حجره…هي وين العشي المغرب يأدن
هدى:فرحانه …حاااضر هي
صبريه:شنو يلي في يدك هاذا
راكان:شاف لي يديه…شنو؟
صبريه:اشرتله ع نور بعيونها
راكان:اه تبي تشديها …هاك
صبريه:لا مش….
راكان:حط نور بين يدين صبريه
صبريه:شافت لي نور لقتها تناغي وترمش في عويناتها
راكان:تشبهلي صح؟
صبريه:شن صايرلك اليوم؟
راكان:ابتسم…شي
هبه:طلعت من الكوجينه ..هاتي عليك عمتي تعشي
صبريه:مدتلها نور
هبه:حطت نور في دار هدى وقعمزو يتعشو

بعد العشي الساعه11:-
صبريه:شنو نفهم من كلااااامك?
راكان:مش رح نسيب البنت ولا امها
صبريه:وشنو يلي تغير قبل كم يوم كنت مصمم ترجعها غريان هيا وبنتها فهمني توا شنو تغير
راكان:مهانش عليا وهبه بنت كويسه مشف منها الا كل خير ونور تعودت عليها
صبريه:لاكن نور بنت حر…..
راكان:بعصبيه وصوت عالي ….منبيش السيره هياااا تنفتح ?نور بنتي وتم الكلام واي واخد يتكلم في يلي فات رح يصير شي مش رح يعجبه …وطلع
صبريه:تنهدت وقعدت ساكته

شهد:ااااه والله وطلع حنين ها الغجري
هبه:زي خوه وانتي ادره??
هدى:اي ياحنا?
شهد:اياااه علينا تو معش بنخلصو من التسهويك هوا ?

تسريع_في_الاحداث

اول يوم العيد :-
هبه:بعد مكملت ضمان الحوش توتي في زبون راكان
هبه:راكااااان هيا قريب تأذن صلاة العيد
راكان:خذي حوايجه وباس خدها
هبه:مستعجله….بسرررعه مش وقتك توا مبردك
راكان :يضحك
هبه:طلعت ولعت بخور ورجعت لي راكان تبخر فيه وتبخله في الريحه

هبه:ياحليلي محلاك?
راكان:يساوي في روحه …هيا لبسي اميرتي باش اول منروح ناخذها معاي ونعيدو ع الناس
هبه:ضرباته ع كتفه …نغار مبردك
راكان:مسك خدها …سلمها اميرتي الكبيره
هبه:هيا وقتت
راكان:لبس ساعته وطلع

هبه:غيرت لي نور لبستها قفطانها الجديد ودوشت حتا انا لبست ودرت مكياج خفيف وقعدت نوتي في الحجات بنزلها معاي لان راكان شرالي حلويات قات نستنا راكان يروح وننزلو مع بعض? ….

راكان:فتح الباب …نواااارتي
هبه:نوارتك بس تبيها ؟?
راكان:الجمااال الجمااال?
هبه:برا لي نوراتك …وجت بتمشي شدها من يدها وجبدها
راكان:وين هاربه مني اليوم عيد مش صيام?
هبه:?هني روحك خليما ننزلو نعيدو حوشكم زحمه لوطه وبعدها نركبو ونتفاهمو
راكان:باسها ع راسها
هبه:مشت جابت نور وخذاها منها راكان وطااااير بيها نزلو مع بعض منضرهم يجنن?? والعيون كلللللها عليهم ?خشت هبه عيدت عليهم كلهم وقعمزت

وراكان:خش المربوعه يعيد لان اقاربه ومعارفه كلهم حوه ونصدمو لما خش وجاب معاه نور وفرحان بيها

بنووتة الشيخ:لو بنحكي التفاصيل الخلقه مش رح اتم?

رابع يوم العيد :-
بدي عرس هدى والزززززحمه والبنات وكل تعايقاتهم علي هبه وراكان وكيف تعامل فيه وتدلع عليه وهوا عصبي وشخصيه معاهم بس مع نور وهبه زي القطوس?

اما شهد ورضوان الصايعين العرس كله مع بعض في دار رضوان ربي يهديهم

داروه عرس كبيييير مطنطن ويوم الحفله راكان طول الوقت معاه نور ميبيش يطلقها دارو الحفله في الحوش بس الديكور فخخخخخخخم وصلت هدى وكانت طالعه حللوه حلوووه ودرجوها بي زفه خليجيه لين وصلت الكوشه

راكان:برا مع الرجاله ونور معاه
طه:نزل لي وذن راكان …في واحد يبيك
راكان:قوله يخش الخيمه
طه:لالا غير اطلع تو تزبطه
راكان:خذي نور وطلع

محمود:ان شاء الله قاعد مذكرني ؟
راكان:منو انت؟!
محمود:جيتك بخصوص هبه وبنتي؟
راكان:اشر لي طه بعيونه بمعنى اطلع
محمود:ان شاء الله تكون حليت الموضوع
راكان:اه اي اي نحل
محمود:تمام
راكان:بهدوء..توا تاخد بعضك وتطلع بمل هدوء تروح لي غريان ولا عاد تفكر انك ترجع هنايا وتنسى حاجه اسمها هبه
محمود:ككككيف?نبي بنتي وهاذا حقي
راكان:ضحك…بنتك ؟شوف
محمود:شنو
راكان:انا عطيتك حل بدون شوشره …لو تبي نقدر نرجعك لي غريان في تابوت
محمود:ساكت
راكان:ارجع من وين ماجيت والا ورب المون توا بي اشاره مني يفترشوك في مكانك
محمود:طلع بدون ميحكي
راكان:امتا بتكبري بس ونعلمك كيف تدفلي ع الناس?
نور:???

 

في دار النوم:-
هبه:ااااه رجليا تورمو خلاااص مش قادره من الكعب
راكان:حط نور في سريرها وجي لي هبه قعد يدلك في رجلها
هبه:حطت يدها علي شعر راكان…خيتي سلمه المساج متعي انا
راكان:نعجبك مش في الرجلين بس ره?
هبه:ههههه عارفه بتعلمني فيك?

بنووتة الشيخ:وخشت بعضها زي كل مره????

ايهم:الف مبروك علينا?
هدى:اخيراااا?مش مصدقه روحي
ايهم:باس يدها …ربي يخليك ليا
هدى:ولا يحرمني منك

ع التالفون:-
رضوان:باااارده وحق ربي الزززح علاش مخليتينيش نشوفك
شهد:تاكل في شكلاته….هكي سادك طرل العرس وانت لاصق فيا تبي حتا في الحفله?✨
رضوان:اصبري عليا بس غير نتزوجو والله لما ناخد حقي تالت ومتلت
شهد:هههههه به به
رضوان:اضحكي اضحكي خوذي راحتك تو نشوفو

#تسريع_في_الاحداث
بعد مرور اسبوع:-

اتفق راكان هوا ورضوان وهبه انهم رح يسافرو الاسبوع الجاي بس اليوم صار شي تاني …….

راكان:ناض من النوم بكري لبس حوايجه وخذي سلاحه وباس نور وهبه وطلع

هبه:نضت الساعه 2الضهر استغربت في راكان مهناش اتصلت بيه ميردش فطرت انا ونور ونزلت مع ام راكان سألتها قتلي مريتاش ولعت نار في قلبي بس قلت يالله تو يروح …استنيت استنيت لين روح رضوان طلع ميعلمش بيه وطلعو يدورو عليه بدو دموعي ينزلو وهما يصبرو فيا وانا نااااار شاعله فيا جت الساعه3في الليل و6الفجر و12الضهر وراكان مهناش وانا موقفتش بمي لين خش علينا رضوان

هبه:وجها تااااعب من البكي…الحمد الله جيت وين راكان
رضوان:ساكت
هبه:رضواان نكلم فيك
صبريه:وين خوك تكلممم
رضوان:نزل راسه
هبه:تبكي وبصوت عااالي….تكللللللم راكاااان وين ????
رضوان…يتبع