رواية اغتصاب انقذ حياتي

الحلقة الرابعه

(حقيقيه)
بعد ماكمل الاسبوع جي وقت نمشو طرابلس وتيت حوايجي وطلعت انا وراكان وخوفي كان شنو يستنا فيا غادي؟؟؟؟وليش راكان قالي اي حاجه تشوفيها ماتسأليش عليها؟.

هبه:ركبت السياره ومشينا وانا عقلي مش معاااي بكل ساارحه لين فقت علي روحي راكان ينادي فيا
راكان:هبه
هبه:اها?
راكان:انزلي سلمي علي عيلتك وجيبي جواز السفر متعك
هبه:لقيت روحي قدام حوشنا نزلت بدون منرد عليه ولا نسأله ليش يبي الزواج؟خشيت للحوش لقيت بوي مقعمز قدام الباب الداخلي ويشرب في الشاهي لما شافني وقف
هبه:ودموعها في عيونها….بوي سامحني ?بالله عليك
لطفي:انتي شن جابك هنايا
هبه:بناخذ جواز سفري وبنمشي لي طرابلس مع راكان …سألتك بي امي الغاليه الله يرحمها تسامحني منبيش نمشي وانت مش راضي عليا??….وجت تبوسله في يده
لطفي:بدون ميشوفلها….مسامحه دنيا واخره اهم شي صوني راجلك
هبه:رررررردت فيا الروح وقعدت نبكي من فرحتي وجت مسره فرررحت بيا هلباااا حضنتني وخشيت معاها

راكان:طلع من جيب السياره صوره وقعد يشبحلها وسرررح لين جاه اتصال قاطعه
ترن ترن ترن
راكان:ايوا
رضوان:ها وين؟
راكان:شويه وطالعين
رضوان:تمام اول متوصل لي الشيل متع السيمافرو الاول تلقى سياره متشي تستنا فيك بدل السيارات
راكان:تمام وشوفلي سياره تانيه اول منخش طرابلس بنعاود نبدل السيارات
رضوان:تي امورك طيبه في طرابلس غير اوصل
راكان:الاومور طيبه في كل مكان لاكن الحذر مليح
رضوان:تمام دير بالك وخلي طه وراك
راكان:ميه ميه

مسره:تعرفي هادا وين استريحت الحمد الله لما شفتك مرتاحه مع راكان
هبه:الحمد الله خليني توا نمشي وتو ندير كيف نتصل بي سهيله من اي رقم ونقلها اطمنك عليا
مسره:ان شاء الله ديري بالك ع روحك
هبه:انتي يلي ديري بالك
مسره:حضنت هبه وبعدين عطتها جوازها وباقي حوايجها واعراضها كلها وطلعت

 

هبه:فتحت باب السياره الخلفي حطيت شنطي وبعدها ركبت وانا نمسح في دموعي
راكان:بدون ميشبحلها….كملتي؟
هبه:اي تمام
راكان:ولع السياره وطلع …وهوا يسوق ولع المسجل وحط ع القرآن وكمل سواقه
هبه:تفاجأة منه كيف ولع قرآن اغلب شباب ها الايام يفتحو في اغاني …اتكت علي باب السياره وعيوني في الروشن وسرررحت سبحان الله ربي كيف حلها في يومين يعني خلاص كنت رح نموت مفيش ولا اي حل لي مشكلتي سبحان الله قدرة ربي يمكن طلعني منها لانه عارفني مضلومه ومليا ذنب في شي ?…حطيت يدي علي بطني وبتسمت وانا نقول في خاطري بي اذن الله رح نتحدا كل شي ورح نخلي روحي قويه ع خاطر البيبي يلي في بطني وحندير كلللل شي نقدر عليه باش نحميه وميعيشش يلي عشته انا ?حاولت نقوي روحي بس ها الشي ميمنعش اني نخاف من يلي مستنيني في طرابلس بعدين جت عيني علي راكان ❤️يلي كانت ملامحه كلها رجوليه صح مكلمش فيا الا لي الضروره ولا عمره شافلي في عيوني ولا قام عيونه فيا بس صراحه حاسه بي الامان معاه لدررررجه قعدت تشوف في خيوط الشمس يلي نازله علي شعره العسلي ولحيته البنيه وعاكسه علي لون عيونه❤️دعيتله في قلبي ربي يحفضه ويحميه من كل شر

حسناء(عزوزة سهيله):خيرها اختك يا سهيله قالو مريضه
سهيله:اي يا عمتي والله دارت شوي تحاليل وطلعت مريضه خطيبها متحملش وفسخ وتوا سافرت عشان تعالج
حسناء:منو هاذي مسره ولا هبه؟
سهيله:هبه
محمود:كان مقعمز ياكل ولما سمح هبه بدي يكح…احوو احوو احوو
سهيله:سلامتك …تفضل اشرب
محمود:اشرب اميه وطلع بسرررعه للمختبر وهوا خايف تكون هبه عذاته بي المرض بعد ما اغتصبها

راكان:درس ع اليمين وفتح باب السياره ونزل
وبعدها جت سياره درست جنبه بي الزبط ونزلو منها زوز شباب ينزلو في الشناطي من سيارة راكان لي السياره التانيه
هبه:استغربت…وقعدت ساكته
راكان:فتح باب السياره وخذي شويه اوراق ….انزلي اركبي في السياره التانيه
هبه:خافت بس خذت كلامه ونزلت ركبت في السياره التانيه وقعدت تشبح لي راكان والشباب من بعد
راكان:خليني نوصل لا عند اول شيل في طرابلس ونغيرو لي السوناتا
طه:تمام برا قدامنا
راكان:ساوا الجاكيت متعه وركب السياره ولع وطلع
هبه:بتردد…علاش بدلنا السيارات؟
راكان:يشوف لي تالفونه ويسوق…..تاني مره تخلفي الشرط وتسألي ع حجات مدخلكش فيها ردي بالك التالته ثابته
هبه:خفت منه ولفيت ع الروشن وسكتت

محمود:اطمن بعد ما حلل وطلع تحليله نضيف ولوح الموضوع وراضهره بدون ميفكر في الكارثه يلي دارها ولا دقيقه

هبه:خذاني النوم في الطريق وبعد مدددده فيقني راكان وغيرنا السياره زي المره الاولى والمره هاذي مسألتش خليت روحي عاديه لين وصلنا مع المغرب ?

 

راكان:هي انزلي
هبه:قلبي يددددق ونرعش ….هادا حوشكم؟
راكان:ينزل في الشناطي ….اي
هبه:نزلت وقعدت نشوف للحوش محلاااااه من برا علي 3ادوار ولونه ابيض كريمي في القهوي وتصميمه جديد واضح عليه مع الاضاءه يلي برا خياااال جي واحد اسمر فتحلنا الباب الخارجي وجي يجري خذي الشناطي من راكان وخشينا

هبه:قعدت نمشي وعيوني في الحوش الجنان مشاء الله محلاه كله معشب والارضيه يلي مزلزه بي احسن انواع السيراميك بجد حلو حلو ….طق راكان الباب وانا قلبي بيووووقف خايفه ..شويه وفتحت الباب بنت لابسه توته وقايمه شعرها

هدى:راكاااااان ياقلبي??????وحضناته
راكان:طبطب عليها بهدووء وخش
هدى:انتي مرت خوي صح?
هبه:ابتسمت وهزيت راسي
هدى:اهلين بيك حبيبتي انا هدى اخت راكان الوحيده?
هبه:تشرفنا حبيبتي
هدى:اااه اسسفه خليتك برا خشي
هيبه:خشيت مع هدى ويديا متشابكات في بعض وعيوني في كل مكان تبارك الرحمن الحوش من داخل شويه وتجي عيني علي مرا كبيره في السن شويه بس شاده صحتها وملامحها حااده واقفه وحاطه يديها الزوز علي عكوزها وتشبحلي

راكان:هادي امي صبريه…وهادي هبه مرتي
هبه:ارتبكت من امه لانها متكلمتش ف تقدمت انت وسلمت عليها وقعمزنا
محسن:وانا محسن اصغر واحد فيهم ?
هبه:ضحكت….تشرفنا
صبريه:تشوف في نضرات غريبه لي هبه…هدى
هدى:ايوا امي
صبريه:نوضي ديري قهوا لي خوك ومرته
هدى:نسيت ?….نايضه هي
هبه:قعدت نشوف لوطه وقلبي بيطلع
صبريه:قلتلي هبه اسمها
هبه:قامت راسها
راكان:اي ان شاء الله
صبريه:نوضي ياهبه مع هدى في المطبخ خليها توريك الحوش عشان تتعودي وبعدين اشربي قهوتكم
هبه:ان شاء الله …ونضت وانا مش حاسه بي رجليا

صبريه:شبحت لي راكان….البنت صغيره
راكان:وهوا يمسح علي شعره…..اي
صبريه:ومفهمتش منها ليش حملت بي الحرام وشن قصتها؟
راكان:شاف لي امه وقام حاجبه ….البنت جت هنايا لي غرض معين كل يلي عليها تجيب ولدها بسلامه ونضمو اوراقنا وهيا تمشي في حالها وحني في حالنا مدخلينيش في متاهات حياتها يكفي المتاها يلي انا فيها
صبريه:كل يلي قاعد ادير فيه مش عاجبني
راكان:ولا انا عاجبني ولا عاجب حد اصلا بس مفيش حل غيره كل يوم قاعد الخطر يزيد في حياتي وانا متباعد علي كل شي غلط لان وربي وقت نتفجر رح نحرق الاخضر واليابس وانا تبت من هاذا كله ومنبيش نرجع كيف ماكنت
صبريه:تغيرت ملامح وجها من قاسيه وحازمه لي ملامح حنينه وحزينه….عارفني ياضي عيني ملياش غيرك بعد بوك الله يرحمه ومنودلكش الا كل خير
راكان:باس يد امه ….ولا انا عندي غيرك انتي وخوتي …طبطب علي يدها …ولا يهمك كله تو يمشي تمام
صبريه:ياارب

 

هبه:قعمزت ع طاولة الكوجينه وبدت تهدرز مع هدى ويشربو في القهوى
هدى:طبعا راكان هوا الكبير فينا بعده خوي رضوان تو يجي وتتعرفي عليه وبعدهم انا وبعدين محسن اخر العنقوذ
هبه:ابتسمت..?ربي يحفضكم
هدى:انا طبعا مواليد94نقرا هندسه وانتي؟
هبه:انا عمري19السنه وموقفه قرايتي بعد مخذيت الشهاده الثانويه بسبب ضروف
هدى:اااه عادي ان شاء الله يسخرلك ربي وتكمليها
هبه:يارب
هدى:طبعا الحوش الفوق لي راكان ويلي فوق منه لي رضوان
هبه:مشاء الله ❤️
هدى:ناضت جابت اميه ورجعت
هبه:بتردد بس في الاخر حكت…هدى نبي نسألك
هدى:تفضلي
هبه:انتي عارفه يعني زواجنا صار بسرعه و
هدى:اي فاهمه الضروف
هبه:في خاطري زعمه شنو قاللهم علي زواجنا وكيف وامتا صار?
هدى:بس شنو تبي تسألي احكي
هبه:تزوجت راكان بدون منعرف طلعه ولا شي ونبيك تفهميني عشان نعرف كيف نتعامل معاه
هدى:اهااا …فهمت عليك شوفي
هبه:اها
هدى:راكان وااعر هلبا والعيله كلللها تخاف منه مش بس حني خوته حتا عمامي وخوالي وصغار عمامي و و و و كللللهم ونوعه ميحبش يحذر هلبا يعني لو غلطتي اكتر من مره ينهيك في مكانك كبار العيله يستشيرو فيه في كل شي وعنده كلمه بينهم من غير كلمته في شارعنا كله
هبه:?
هدى:بس منقدرش ننكر ان يساعد في كل حد يطلبه وميحبش يظلم حد غير هكي صايره هلبا حجات مع راكان قبل اعذريني منقدرش نقولك عليهم
هبه:لا عادي ع راحتك ومشكوره ساعدتني شوي
هدى:يلا تعالي نركبك لي الشقه فوق عشان ترتاحي
هبه:ابتسمت…اوكي☺️

طلعو هبه وهدى لي الصاله
هدى:تلبس في وشاحها …انا بنركب هبه فوق
راكان:ناض من مكانه ..خليك اصلا انا راكب مره وحده
هدى:تمام ….تشرفنا بيك هبوش
هبه:بيكم اكتر❤️

راكان:طلع من الحوش ومشت هبه وراه لين ركبو من الدروج الداخلي

 

هبه:وقفنا علي باب الشقه وقعد راكان يطلع في المفتاح فتحها وخشت

هبه:خشيت الشقه وكانت خيااال محلاهااا واضح عليها بني جديد ونضيفه الله يبارك عليها خشيت لقيت الشناطي في الصاله قعدت واقفه تلبكت لان راكان واقف علي بار الكوجينه وساكت

راكان:هادي الكوجينه والصاله وعندك الممر غادي فيه 3ديار دار معيشه ودار نوم ودار مصكره وبينهم حمام جنب باب الحوش ع يدك اليمين مربوعه بي حمامها تقدري تخشي الدار وتستفي حوايجك
هبه:ان شاء الله
راكان:رقد ع الكنبه وحد يده علي عيونه ….وديري في بالك الدار المسكره متحاوليش تفتحيها ردي بالك
هبه:حح حاضر
راكان:قعد راقد ع الكنبه وهوا تعباان

هدى:اي صغيره البنت وقنينه يا امي?
صبريه:ساكته
هدى:اول مره نشوف بنت عيونها خضر وشعرها بني مائل للاحمر بس حنطيه مش بيضه
رضوان:ياكل…..الصبغه والعدسات شنو يديرو
هدى:لا يابارد هدرزت معاها وفهمت ان امها صهباء وبوها اسمر هيا جت خليط
محسن:شن يعني صهباء
هدى:يعني بيضه وشعرها احمر وعيونها ملونات
محسن:زي ديمه متع حب للايجار?
هدى:هههههههه اي
صبريه:كانت ساااارحه في عالم تاني

هبه:خشيت لي دار النوم يلي كان ديكورها ابيض في الخشبي وجديده بديت نستف في الحوايج متعي وبضاعتي كلها وبعدين خشيت دوشت ولبست بيجامه ولفيت شعري وطلعت من الدار لقيت راكان يتفرج ع التلفزيون جيت قعمزت جنبه وعيونه متنحوش من التلفزيون ولا شافلي حتا بنضره وحده

هبه:قعمزت جنبه وقويت روحي وتكلمت …راكان
راكان:بدون ميشوفلها…نعم
هبه:عارفه اني مثقله عليك في كل شي بس نبي منك طلب وياريت ماتردني ووعد مش رح نطلب ولا شي تاني
راكان:نسمع فيك شنو طلبك؟
هبه:..يتبع

error: