رواية اغتصاب انقذ حياتي

الحلقة السادسة

هبه:نفكر نمشي نكلمه بس انا شن دخلي وهوا منبهني مندخلش في حياته ?..نحس بي مغص خفيف في بطني بس مدورتاش قعدت نفكر في اي طريقه شنو الحل يلي نديره شويه ونشبح لوطه لقيت دم نازل من رجليا والمغص تقواااااا بدون شعور طحت وقعدت نعيط ونادي في راكان

هبه:راكااااااان????? اااااه راااااكان ??
راكان:اول مسمع عياط هبه مشالها يجري خش لي الدار وكانت اول مره يرفع عيونه ويشوفها بس المنضر ياي شافها فيه طايحه بي قفطانها والدم نازل علي رجليها لسانه ارتبط ومعرفش شنو يقول غير انه خذي العبايه يلي كانت فوق السرير وغطاها بيها وقامها وطلع يجري والدم ينزل منها

هدى:خلاص حبيبي عاد قداش مره نقولك متعدلش عليها تصرفات امي
ايهم:نقولك يا هدى مبتش حتى تسلم عليا النم هاذا كله ع خاطر نحبك ؟؟؟
هدى:ياحليلي من يلي يحبني ?❤️
ايهم:اففف مش وقتها الدوا هيا توا راني متنرفز
هدى:عمري اهدا والله نموت فيك
ايهم:تي اكتر منك بي هلبااا

راكان:هدددددددددى هددددددى
هدى:ان شاءالله خير ???سكر تو نكلمك
ايهم:شن في?
هدى:سكرت الخط وطلعت لي راكان وترعش مع بعضها
صبريه:شن في ياولدي
هدى:ايوا ركان?
راكان:بسرعه البسي عبايتك وتعالي معاي هبه في السياره وتنزف مريضه
صبريه:بسرررررعه تحركي مع خوك منبوش الولد يطيح ولا يصيرله شي
هدى:مشت تجري لي دارها تلبس وسبقها راكان لي السياره

هبه:تبكي وتدعي ….ياااربي ساعدني??
راكان:عيونه في الارض ومتلبك مش عارف شنو يدير ولا حتا شنو يقول غير انه يتنفس بسرعه وبس
هدى:ركبت السياره وراكان طلع بسررررعه وطلعو وراه جماعته

هدى:اهدي هبه وتنفسي كويس
هبه:???

 

نرجس:امي
سلوى:تخيط في القفطان….نعم
نرجس:علاش راكان مقالش علي جوازه من الاول؟
سلوى:وين نعلم بيه بالك خايفين من العين
نهى:كان خايفين من العين راهو مقالوش حامل
سلوى:وانتي وياها شن دخلكم في الموضىوع هااااا؟
نرجس:اقسم بالله فضول بيقتلني كيف عايشه معااه راكان صوته بروحه يجلط فيا
نهى:واعر هلبا
نرجس:لاكن باين عليها صغيره
سلوى:باهيه مش هذاك الصغر عمرها 19اما كنت في عمرها متزوجه وعندي محمد
نهى:لاكن قنينه احلا من مرته الاولى بي هلباا??
نرجس:وووه عليا امالا رضوان مولي زي الغزال
نهى:اصلا الزوز راكان ورضوان عسل ياكبدي ?
سلوى:سكري فمك انتي وياها نفختولي راسي وبرو لي دياركم قليلات ادب
نرجس؛?

هبه:دخلوها ع الاسعافات طووول وقعد راكان وهدى يستنو برا
هدى:في سرها …زعما شافها طالعه حلوه اليوم وهجم عليها وهيا حامل هاذا باش صار هكي??حي حي غباره كنهادا …لالا راكان مش متع الجو هوا ميديرهاش
راكان:قعمز ع الكرسي وشابك يديه في بعض وهوا متوتررر
هدى:رر ر راكان
راكان:همم
هدى:صار شي ؟
راكان:شافلها وقام حاجبه….نعم؟
هدى:خافت…نقصد يعني طاحت؟او تعاركتو عشان نزفت؟
راكان :مصار بينا شي كل يلي صار سمعتها تنادي فيا وخشيت لقيتها بي الحالههه هادي
هدى:ان شاء الله خير وخلاص يارب
الدكتوره:طلعت
هدى:طمنينا وخيتي
الدكتوره:وين زوجها
راكان:بي تردد…ااءء اء انا
الدكتوره:حمل زوجتك متدهور حاليا رح نعطيك روشيتا بي حبوب تثبيت تاخذهولها ورااااحه تامه بذات او عندكم دروج او شي ع الاقل لين تفوت الشهر الخامس وبنسبه لي النزيف وقفناه وتقدرو تروحو بيها بعد تكمل كيست التغذيه
راكان:تمام
الدكتوره:يالله تعالا معاي للمكتب عشان نعطيك الروشيتا
هدى:لو سمحتي نقدر نخشلها؟
الدكتوره:اكيد
خشت هدى لي هبه وراكان مشي مع الدكتوره

صبريه:اتصلي بيهم شوفي شن صار معاهم
ام احمد:والله من بكري نتصل هدى نست تالفونها هنايا وراكان ميردش
صبريه:لا حول ولا قوه الا بالله ربي يستر وخلاص
ام احمد:هدي بالك ان شاء الله مفي الا الخير

خشت هدى الغرفه لقت هبه مقعمزه تبكي
هدى:توا انتي كويسه وصحت البيبي تمام ليش البكي ؟!
هبه:نمر في لحضات صاعبه في حياتي ياهبه وتمنيت امي ولا وحده من خواتي جنبي
هدى:باهي وانا شن ندير هنايا يشهد عليا ربي اني حبيتك ونعامل فيك ري وخيتي
هبه:ابتسمت …حتى انا والله
هدى:هاك كليلكس معطر امسحي وجهك
هبه:خذت وبدت تمسح في وجها من المكياج

راكان:جيب يلي مطلوب في الوصفه شوف اقرب صيدليه
طه:تمام تو نمشي بروحي اهو الشباب قاعدين معاك
راكان:تمام دير بالك ومتعطلش
طه:حاضر

خش رضوان للمستشفى ولمح راكان من بعيد جاه يجري
رضوان:شن صار معاكم
راكان:مشت الامور تمام
رضوان:البيبي شن صار فيه متقولش طاح?
راكان:لالا تمام قاعد اموره طيبه خيرك طلعت من الحوش
رضوان:انت متردش وامي نفختهم تبي تعرف شنو صار
راكان:به روحلها انا شكلي مطول هنايا لين تكمل كيسة التغديه متخليش امك بروحها
رضوان:تمام متبي شي؟
راكان:سلامتك

 

صبريه:ها شن صار
رضوان:تمام الجنين مصارله شي وهيا بخير بس تكمل كيسة التغذيه وتروح
صبريه:اااااه الحمد الله ع شوي كان رح يضيح كل شي
رضوان:ام احمد مفيش عشي؟
ام احمد:فيه ياغالي دقايق نسخنه بس
رضوان:سلمها ياربي

بعد مرور ساعه:-
هدى:راكان وتي السياره بنطلع هبه
راكان:خلاص كملت؟
هدى:اي تمام
راكان:طلع وولع السياره وهدى طلعت هبه سندتها لين وصلت لي السياره وركبو من تالي الزوز
هبه:سامحيني تعبتك معاي في ها الليل
هدى:شن تقولي ياهبله مرت خوي انتي مش برانيه
راكان:شبح لي هدى في المرايه بنضره عريبه ورجع يشوف قدامه

اول مخشو الحوش جت صبريه تطمن علي هبه:-
صبريه:الف سلامه عليك حبيبتي ان شاء الله لاباس
هبه:الله لا يوريك باس صحيتي
ام احمد:ردي بالك ع روحك
هبه:ان شاء الله
رضوان:ان شاء الله هاذا حد السو
هبه:تسلم☺️
هدى:يالله لازم تركبي فوق ومعش تنزلي لان الدكتوره طلبت عليها راحه تامه ومعش تركب وتنزل هلبا
صبريه:به ساعدي مرت خوك

هبه:ركبت انا وهبه لي الشقه ساعدني وتتلي حوايجي ودوشت ورقدت ع السرير وهدى نزلت شويه وسمعت الباب تصكر وكان جي❤️

راكان:طق ع غرفت النوم رغم انها كانت مفتوحه
هبه:تفضل خش
راكان:يشوف لوطه …هادم الحبوب خوذي وحده قبل الغدي والثانيه بعد العشي
هبه:تمام
راكان :قرب من السرير وحطلها الكيسه وطلع باكو صغير من جيبه …وهادا ليك
هبه:شنو هاذا?
راكان:تالفون وفيه شفره عشان تتواصلي مع خواتك براحتك
هبه:فررررررررحت قريب طارت

جي راكان طلع بس بدون قصد شداته هبه من يده
راكان:نصدم وشاف لي يدها كيف شداته
هبه:خافت ونزلت يدها…..بجد شكرا ع كل شي ادير فيه ع خاطري❤️
راكان:قام عيونه شبحلها …بعدين طلع بدون ميحكي
هبه:قعدت نشم في يدي يلي علقت فيها ريحته …ااااااه ياقلبي حبيته يجننن البني ادم هاذا راااجل بمعنى الكلمه فتحت التالفون وانا بنطير من الفرحه اول مره في حياتي نملك تالفون خاص بيا طول جري القجر متع الزيانه طلعت رقم اختي سهيله وحكيتلها كللللل شي وفرحت ان راكان جابلي تالفون عشان بين الفتره والفتره تكلمني ❤️استمريت معاها بي الهدرزه قريب ساعه وبعدين رقدت

 

هدى:وحق ربي لما نداني قريب متت نسحابه سامع علينا شي
ايهم:معش تخافي ياحبي انا معاك
هدى:ياحليلي?
ايهم:وتوا شن حالها مرت خوك
هدى:تمام بخير
ايهم:ان شاء الله هاذا حد السو
هدى:يارب…..وكملو هدرزه

الساعه3في الليل :-
هبه:نضت من النوم وقريب نموووت خاطري نشرب امية بحر اقسم بالله الوحم عذااااب?قعدت ماشيه جايه في الدار شن بندير شن بندير بس مفيش فايده البحر بين عيووني خلااص نبي نشرب منه مش قادره …طلعت من الدار وفتت من قدام راكان يلي كانو عيونه في التلفزيون خشيت الكوجينه صبيت اميه في كوب وحطيتله ملح وشربته …بس مفيش فايده???

هبه:مشبكه يديها في بعض ومتوتره….راكان
راكان:عيونه في التلفزيون …نعم
هبه:عارفاته طلب سخيف في عز الليل بس نبي نشرب امية بحررر
راكان:شبحلها بي صدمه
هبه:ياقلبي علي عيونه??
راكان:نزل عيونه …شن تقولي انتي
هبه:وحم به شنو بندير خلاااص نحس في روحي عطاشانه بي امية البحر
راكان:قعمز وتنهد…نوضي البسي
هبه:فرررحت وناضت تلبس
راكان:حط يديه علي وجها وهوا يتذكر في حجات يبي ينساها?وسررح

شاب مجهول:ايوا يافندي راكان طلع هوا وشخص تاني في السياره منعرفش منو
_طلع بروحه؟
شاب مجهول:لا لا طلعو وراه شباب زي كل مره
_خليك مراقب وقولي وين مشو بتفصيل
شاب مجهول:تمام

هبه:نزلت نجري للبحر ريحته تجنن وشربت لين عيبت اععع مالحه بس انا تبننتها زي العسسسسل قدت نبل في رجليا وراكان واقف متكي ع السياره ويديه في جيوبه ويتفرج ع البحر جيت وقفت جنبه

هبه:تحبه البحر؟
راكان:قام حاجبه وشافلها …مش ملاحضه انك خذيتي ع الهدرزه هلبا
هبه:وو و وليش منهدرزش معاك عادي يعني شي طبيعي عايشين مع بعض?
راكان:لفت وجها للبحر…منحبش كثر الدوا
هبه:عادي مرات متحبش تهدرز معاي لانك متعرفنيش مش رح ندخل في حياتك زي مطلبت بس ع الاقل خلينا عاديين مع بعض
راكان:تنهد وركب السياره بدون ميرد عليها
هبه:شبحت للبحر….اقسم بالله الحق فيا انا كان مزال كلمتك خرااا?
راكان:كلكسلها بي السياره
هبه:نخلعت …بسم الله?…بع جايه?…وركبت

في الطريق :-
هبه:تتكلم بصوت عالي …خاطري نعرف ليش اي مكان نمشوله يلحقونه السيارات هادم
راكان:يسوق وقارن حواجبه
هبه:كأنك تخدم في الدوله وحرس?او زي مسلسل الهيبه?نسحابه الحجات هاذي في الافلام بس
راكان:ساكت
هبه:فتحت الروشن وسكر عيونها ونسمات الهوا تخشلها من الروشن
راكان:شاف لي هيه وهيا مغمضه عيونها بعدها عاود يشوف قدامه

هبه:خشيت للحوش لي دار النوم طول وكنت ياأسه راكان محاولش حتا يهدرز معاي …فكرت بيني وبين روحي وقلت يمكن معاه حق منعرفش ضروفه وهوا جي معاي راجل وفهمني من الاول اني مندخلش فيه بس انا نحس بي انجذاب ليه غيرررر عادي منشوفش فيه راكان يلي كلهم يخافو منه نشوف فيه راكان المهموم والراجل ويلي عنده خلقت عيون ياويلي وخلاص?

 

تسريع_في_الاحداث
بعد مرور 4شهور :-

هبه:انا توا حامل في الشهر السابع تم الوحم وبطني كبرت وحاسه بي حركات البيبي يلي تجنن ?وحق ربي شعور منقدر نوصفه .بنسببه للحال مع راكان نفس الشي ولا كلمه غير الحجات الضروري بس باقي العيله خذت عليا بذات امه قعدت نضربلها في يبرا متع السكر وديمه نهدرز عليها ….خواتي الحمد الله نحكي معاهم واموري تمام

هدى:وين راكبه ياحلو
هبه:بنركب نبدل حوايجي حسيت روحي اضايقت
هدى:به
صبريه:وين راكان؟
هبه:طلع يمكن
صبريه:هدى ناديلي رضوان
هدى:به
هبه:ركبت لي الشقه وكانت فاضيه عرفت ان راكان مهناش جيت بنخش بي دار النوم لاكن لمحت كاغط متع حلوه تحت باب الدار يلي منبهني راكان اني منفتحهاش ضربني الفضووول شفت لي بيبان الخوش لقيتهم زي بعض مشيت خذيت مفتاح دار النوم وركبته في باب الدار يلي مصكره قتحت الطفه الاولى ولما جيت بنفتح الباب جبدني راكان من يدي وانا خلاااااااااااص قلبي قريب طااااح
راكان؛….يتبع

error: