رواية اغتصاب انقذ حياتي

الحلقة العاشرة

القفطان طلع عليا يجنن وبطني طالعه محلاها ???قعمزت قدام المرايا وانا نفكر بنموووووت ونعرف شن صار امس مع راكان وفاتن وعلاش قالي ماتت بس علاااااش ..نضت وقفت نبخ في الصنه ع خشت راكان?..
راكان:خش للغرفه جت عينه في عين هبه طلع بسرعه وقعد واقف قدام الباب
هبه:تلفتت بناخذ عبايتي وقلبي بيطططلع…خش راكان مفيش حد
راكان:خش للغرفه وهوا مش عارف يشبحلها ولا يشبح لوطله فعد مرتبك…نن نسحابه معاك اختك سهيله
هبه:تلبس في عبايتها….لالا وليش بتجي مهم انا واتيه تبي ادوش ولا نطلعو طول
راكان:قام عيونه يشبحلها…خليني ندوش ونطلعو
هبه:ابتسمتله …تمام?
راكان:نزل عيونه بعد فتره وخذي حوايجه وخش للحمام ويفكرر…اول مره يشوف مرا متزينه وحلوه بعد مرته قعد واقف في الحمام وهوا مسبوه لين اذكر روحه بعد مطقت عليه هبه
هبه:راكان انت كويس؟
راكان:مسح يديه بوجه وشعره…اي اي علاش؟
هبه:لا سلامتك….وقعمزت ع السرير
راكان:افففف…وبدي ينحي في سوريته

هبه:تشوف لي روحها في المرايا..زعمه عجبته?طيح سعدي مقامش حتا عيونه فيا عليك بخت

شهد:حطت المكنسه وخشت…هدى وين خوك الخرا؟
هدى:يدوش كيف مديتله فوطه
شهد:دخل معاه كيسه وين حطها
هدى:في داره علاااااش
شهد:شاري حوايج جدد نبي نشوف خلي نلحق قبل ميطلع
هدى:هههههه ربي يهديك بعد تكملي تعالي للمطبخ
شهد:به …وخشت دار رضوان تتفرج…هاذي مقبره مش دار طيح سعده تقول انثايا خامره حوايجه في كل مكان ….اهيا الكيسه?وفتحتها قعدت اطلع في الحوايج وتتفرج
رضوان:لابس روب الحمام وخاش لي داره ويمسح في وجها خش وسكر الباب بدون ميشوف قدامه
شهد:وقفت ??
رضوان:قام حاجبه…شنو اديري هنايا؟?
شهد:حاولت تخفي ارتباكها وخوفها…ششي نشوف في الهرابيش يلي شاريهم
رضوان:مسح شعره بي الفوطه…هه هرابيش صار تي هادم حقهم اغلا منك
شهد:تقول شاريهم من سوق الخضرا …وجت بتطلع
رضوان:حط يده ع الباب وسكره
شهد:شنو?
رضوان:ضحك ع جنب
شهد؛بعد من قدامي بنطلع
رضوان:هوا دخول الحماما زي خروجه
شهد:قلبها طاح …شن تبي?
رضوان:سكر الباب بي المفتاح وحطه في جيبه
شهد:خااايفه???
رضوان:الحوايج يلي طلعتيهم من الكيسه كللللهم بتساويهم عابيه ع روحك تطلعي وتخليهم هكي
شهد:بدون متتكلم قعدت تساوي في الحوايج وقلبها خلاص
رضوان:وقف قدام المرايا ونحى روب الحمام
شهد:حطت يديها علي عيونها
رضوان:قعد يضحك لانك كان لابس سروال تحت روب الحمام ….هههههه وين لسانك يلي 3ميترو برا داري
شهد:فتحت عين وحده شافاته لابس سروال ومن فوق عريان نحت يديها….اس اس اسمع خلاص كملتهم انا هي بنطلع افتح الباب
رضوان:قيمي الحوايج الطايحات
شهد:شن خدااامتك اناااااا افتح خير منلم عليك الناس
رضوان:هه والله انتي ياي في داري مش انا عندك اول شي الناس بيقولولك شنو اديري هنايا …وقعد يساوي في شعره
شهد:افففف….وقعدت تقيم في الحوايج واطبق فيهم

 

هبه:طلع راكان من الحمام وانا لابسه عبايه بس
راكان:لبس سوريه كحله ويبطم فيها قدام المرايا
هبه:انا هاااااايمه في ضهره وعضلات كتافه?
راكان:قعد يساوي في شعره وبعدين جي يبي يبخ العطر ناضت هبه عطتهولا
راكان:خذاه وبخه…بخصووص ال هاذا
هبه:ضحكت …شنو؟
راكان:يشبح للعطر …نحكي ع العطر
هبه:خيره؟
راكان:انتي جبتيه تعبتك
هبه:ضحت من داااخلي ميعرفش يقول شكرا ولا صحيتي ….عادي مفي شي من قيمتك
راكان:وجها راح احمررررر …هيا وقت
هبه:تمام…ليست وشاحي وطلعت انا وياه طبعا لابس خمار ولما وكبت الاصانصير شديت في يده وكتفه
راكان:يزمط في ريقه
هبه:ااااه منحبش نركب فيه نحس بروحي كأني بندوخ
راكان:ساكت ومن كتر التوتر سخن مع بعضه
هبه:ركبت السياره انا وراكان ومحكيناش في الطريق

شهد:وقفت وحطت يدها في نصها …كملت افتح الدار
رضوان:يلبس في التيشرت ….طلعي معاك حوايجي المسخات
شهد:اففففف لا عاد مسختها يابابا
رضوان:اقعدي هنايا وحني شنو ورانا
هدى:تنادي من المطبخ…شهدددد
شهد:خافت …حي هدى???افتح الباب يادراه تو يفكرو غلط
رضوان:يلبس في ساعته وهز براسه بمعنى لا
شهد:قلبها يقربع من الخوووف شدت حوايجه المسخات كلهم….هكي باهي هياااا افتح
رضوان:وقف قدامه والباب كان جنبه حط في المفتاح وفتح الطقه الاولى وعيونه في عيون شهد
شهد:ساكته وقريب تطيح من طولها
رضوان:حط يده علي يد الباب واليد التانيه جبد بيها شهد وباسها بوسه جهنميه??وبعد من عليها
شهد:عيونها نفتحو من الصددددددمه ومش عارفه شنو يلي صار ويبست في مكانها
رضوان:ابتسم ع جنب وفتح باب الدار وطلع
شهد:واقف في مكانها ومصدومه وشادا الحوايج منضرها زي العبيطه

راكان:درس السياره …امتا بتروحي؟
هبه:ع راحتك
راكان:انا قاعد هنايا تو نتصل بيك اطلعي
هبه:تمام …ونزلت
…وقفت قدام الصاله وانت نرعش مع بعضي بنشوف عيلتي عماتي خلاتي خواتي كيف رح تكون نضرتهم ليا؟استجمعت قوتي وخشيت

شهد:فاقت ع روحها بهد نصف ساعه تقريبا?خشت للحمام تجري غسلت وجها وتشوف لي روحها في المرايا ومش مستوعبا يلي صار وتحط في يدها ع فمها وع خدودها وتقول شن درت?
?

هبه:خشيت لي الصاله نحيت عبايتي في الاستقبال وبعدها دخلت ع القاعه وكانت العيون ملها عليا والتوشويش طبعا في كل مكان سلمت علي عماتي يسلمو ويتباكو وقولولي الله غالب مفرحناش بيك يابنتي انتي معرفتش شن قالولهم بوي وخوتي لاكن كملت السلام عليهم كلهم ويباركولي وطبعا التلفيح امتا صار وفي اما شهر مقلتش التاسع ع اساس السابع بس بطني منفخه مريضه واخترعت هلبا حجات مهم قعدت قريب ساعه ندور علي الصاله ونسلم وكلهم مصدومين بعدها خشيت للحمام ساويت مكياجي ورجعت للقاعه مع سهيله نسيت الدنيا ملها مع العيله كذب عليك والله حيات بدون ناسك وعيلتك ماتسوى ?

هدى:شن رايك مدام فيه جبنه نديرولها عشي ؟…شهد؟؟؟؟
شهد:ها?
هدى:تي وين وصلتي من بكري وانتي مش معاي بكككل
شهد:معاك بس نفكر في ماما
هدى:مش كلمتيها بكري وامورها تمام؟
شهد؛الحمد الله
هدى:به نوضي هيا اعجني بيتزا نديروها عشي
شهد:به
هدى:حست ان في شي لان شهد كان لونها مخطوف وعلقها مش معاها بكل

رضوان:طلع مع صحابه ويفكر في يلي داره وكيف تجرء ان يديره اصلا بس مل ميدكر منضرها كيف مصدومه يضحككك

 

هبه:لما سمعنا العروسه جت وقفت انا وسهيله وتخش مسره تبارك الرحمن عليها زي الغزاااله بي الفيلو وخطواتها البطيئه
هبه:مقدرتش تشد دموعها هيا وسهيله لما شافو مسره تدرج من بداية القاعه
ومسره لما طاحت عينها ع هبه من فرحتها بتبكي خلااااااص لانها متوقعتهاش يصيرلها وتجي وزادت فرحتها لما شافتها لابسه ومتكمه استريحت ان راكان مش منقص عليها شي قعدنا ندرجو فيها بدموعنا لين قعمزت ع الكوشه حضنتها وباركتلها وعطيها هديتها يلي كانت عباره علي سوار دهب متع ماما الله يرحمها عطتهولي قبل ماتتوفى ?مسره كانت فرحاااانه بوجودي جنبها اكتر من زواجها بدت الحفله ويفرقو في العشي عطيت رقمي لي عماتي وخلاتي ومشي الجو حلوو

راكان:قعد مقعمز في السياره ويفكر في كل شي اصلا التفكير بدون صوت ولا جزء من حياته تقريبا

ام احمد:ياسلام ع الروائح الحلوه
هدى:هادي بيتزا متع شهد زي العسل
شهد:سارحه
ام احمد:شنو شهوده خيرك مريضه؟
شهد:لا ليش؟
ام احمد:حسيتك مش علي بعضك
شهد:لالا كويسه بس يمكن تاعبه شوي
ام احمد :سلامتك حبيبتي ..ومشت المطبخ
صبريه:اشرت بعيونها ع شهد لي هدى
هدى:بصوت واطي…رضوان سمعك كلام اخي؟
شهد؛لل ليش?
هدى:حسيت بيك مضايقه قلت مفيش غير رضوان يضايق فيها
شهد:لالا والله يمكن تاعبه شوي بس
هدى:ع راحتك

هبه:اتصل بيا راكان وقالي هيا سلمت ع خواتي وطبعا مسره روحت مع راجلها قبلي لبست عبايتي وطلعت لقيت راكان مدرس قدامي ركبت طول

راكان:تمام الامور؟
هبه:ابتسمت… اي وشوف شن جيتلك?
راكان:يسوق …شن هاذا
هبه:بكلاوه ديما زمان نشوف في ماما الله يرحمها تجيب لي بوي في حجات من العرس
راكان:تنهد كأنه يلي داراته هبه مش عاجبه?
هبه:مهتمتش وكملت هدرزه…طلعت جنن وخيتي ربي يكمل فرحتها تعرف هاذا وين تريحت عليها
راكان:ساكت
هبه:راكان ورااااسك خودلي فراوله وحني مروحين جاي خاطري فيها
راكان:يصير خير
هبه:ضحكت وشافت لي الروشن

مكالمة فايبر:-
طلعت شهد لي الجنان
شهد:اهاااا فهمت عليك به شنو توا يا حسن وراس وخي فهمني امتا بتروحو
حسن:مش معروف توا خلي امك تطلع من الملاحضه قبل امس وجعت مرضت ?
شهد:نقدر نكلمها؟
حسن:لالا راقده
شهد:به مهم طمني كل شويه
حسن:تمام
شهد:سكرت الخط وتنهدت?حست بي حد وراها تلفتت لقاته رضوان

شهد:??خلعتني شن ادير هني
رضوان:والله هادا حوشنا انتي شنو اديري هني ..وجي بيخش شداته شهد
رضوان:شافلها وضحك
شهد:ارتبكت وضرباته ع كتفه….نقدر نفهم شنو يلي درته مبكري
رضوان:يبتسم …ميحتاجش شرح
شهد:رافعه صبعها….شوف وعزت جلالة الله نبهدلك ونقول لي راكان ونفضحك قدام الدنيا كلها ره بالك تسحابني من البنات يلي يسكتو
رضوان:يشبحلها بطريقه تجنن
شهد:ارتبكت وضرباته ع صدره…نكلم فيك
رضوان:ضحك وخش للحوش
شهد:الحقيرررررر هوااا?

هبه:روحت للفندق بدلت حوايجي وغسلت وجهي بس خليت شعري مفتوح وغسلت الفراوله وجيت جنب راكان ناكل

هبه:مدتله الفراوله وهيا تاكل …ضوق
راكان:اشرلها بي يده انه ميبيش
هبه:حطت الفراوله….راكان بما ان كساد والتلفزيون مفيش حاجه باهيا خلينا نلعبو
راكان:شبحلها بي صدمه وقعد يتخايل في روحه راكان علي سن ورمح يلعب ?
هبه:الوو
راكان:هبه نوضي ارقدي
هبه:انلا مش جايني نوم غير هيا ونبي اهو نشرحلك اللعب وكان معجباتكش قول
راكان:شبح اي منضرها كيف لابسه بيجامه ورديه وبطنها كوره طالعه كيوت❤️
هبه:اللعبه هيا ان تسألني مثلا تقولي ياهبه راكان شنو يحب ياكل وانا نجاوبك لو طلع صح تنحسبلي نقطه وهكي لين يفوز واحد فينا
راكان:وشنو بنربح؟
هبه:فرحت انه شبه وافق ..يلي يربح يطلب اي شي يبيه من التاني ?
راكان:سكت وهز براسه
هبه:ونننننبي راكان هيا عاد حامل انا
راكان:اتكا ع الصالون وربع يديه وبدون نيه…به

هبه:من فرحتها صفقت….اوكي امممم انا نبدا
راكان:يشبحلها ومش مصدق انه يلعب?
هبه:شنو اكتر كلمه نقول فيها اني هلباااا
راكان:انتي تتكلمي هلبا منعرفش بزبط اي كلمه
هبه:هيا حاول???
راكان:شبح فوق يفكر…نبي ديما تقولي نبي
هبه:???به دورك
راكان:تنهد امممم …شن اكتر لون نحبه
هبه:الاسود طلعا وتحب الزيتوني حسيتك
راكان:شاف بي الجنب وابتسم…صح
هبه:ابتسامته ياناااااااس❤️????
هبه:دووري ….اكتر حاجه بايخه فيا شنو
راكان:قام حاجبه…شنو؟
هبه:يعني اكتر شي بايخ فيا
راكان:مممم ….الزن متعك
هبه:شكرا?هيا دورك
راكان:اكتر شي نفضله في الماكله؟
هبه:القهوا طبعا راسك وراسها
راكان:تراقبي مليح
هبه:توا نغيرو انا نسألك وانت جاوبني
راكان:ياسر نوضي ارقدي
هبه:بالله عليك?????
راكاني:اففففف اسألي
هبه:لما كنت صغير شنو كان خاطرك تولي؟
راكان:سرح شويه….راجل اعمال
هبه:كويس دورك هي
راكان:شبحلها…امتا بترقدي
هبه:تعرف انك بارد الحق فيا انا نبي نهدرز عليك اقعد فيها …وناضت
راكان:ضحك بس بدون متشوفه
هبه:رقدت ع السرير بس فرحااااانه ان هدرز معاي حتا شويه عادي مهم في امل انه يحكي معاي

 

شهد:مقعمزه في السرير ورجلها تهز وقريب تاكل ضوافرها مقهوووره تبي تعرف رضوان شنو يفكر وليش دار هكي
هدى:هاااايمه تحكي بي التالفون
شهد:ناضت من السرير
هدى:اشرتلها بيدها وين ماشيه؟
شهد:الحمام وانتم حتا الحمام بنادم ميتهناش بيه عليك شعب…وطلعت
هدى:ضحكت وكملت مكالمتها
راكان:مقعمز ينضف في سلاحه انتبه ان هبه واقفه جنبه
هبه؛تشوف لي السلاح بس مش خايفه
راكان:شن تبي
هبه:مشبكه يدها في بعض زي الصغار …معرفتش كيف نرقد وحق ربي هي ضهري لين تجلط
راكان:تنهد وناض …تعالي
هبه:استغربت كيف قبل يساعدها؟
راكان:رقد هبه علي جنبها اليمين وجابلها زوز مخدات وحده لي ضهرها من الجنب التانيه والثانيه بين رجليها وفعلا هبه استريحت وراكان رجع مكانه

هبه:راكان
راكان:بصوت واطي …اياااه علينا …نعم
هبه:صحيت وحق ربي تجنن انت هي…وغمضت عيونها وهيا مبتسمه
راكان:سرح بينه وبين نفسه…عليك حصله حصلتها

ثاني يوم

هبه:نضت فرحاااااانه وتيت حوايجي وراكان راقد زي العسل??حلو منضره وهوا مش قارن حواجبه وخيتي زي الغزال قعدت واقفه نشبحله بالك ولدي ولا بنتي تجي يشبهله
راكان:فتح عيونه شاف هبه قدام وجها ….خيرك?
هبه:ولا شي بس حلو منضرك وانت مش مكشر?
راكان:?خش للحمام
هبه:جهزت كل شي واتصلت بي خواتي طمنت عليهم ونزلنا انا وراكان فطرنا وركبنا السياره

ع سفرة الفطور:-
رضوان:مروح اليوم راكان كلمني بكري
صبريه:امتا بتجيب ها البنت ونخلصو
هدى:خياره تعودت عليها
رضوان:وين هذيكا الزهاق
هدى:سهد راقده مش عارف شن صاير فيها من امس مش ع بعضها
رضوان:يالله انا طالع متوصو شي
صبريه:سلامتك ولدي
رضوان:جي بيخش لي داره بس شاف دار هدى بابها مردود خش بشويه وشهد كانت راقده .

هبه:اااخ تعبت من التقعميز معش قادره
راكان:درس السياره ع اليمين وجي لي كرسي هبه ينزل فيه
هبه:جي فوقي عشان يطول البطمه متع الكرسي وانا وجهي في جاكيته والررررريحه?????دمااار
راكان:حس بي روحه قرب اكتر من اللازم نزل الكرسي وبعد من عليها

احمد :يطق ع الروشن
راكان:نزل الروشن…شن في؟
احمد:انت شن في وقفت بدون متقول
راكان:لالا تمام كملو وراي
احمد:ميا ميا

شهد:فتحت عيوني لقيت شال جنبي …راياته الشال هوا متع رضوان??البارد هاذا

هبه:طوول الطريق وانا حاسه بي وجع غريب في بطني يمشي ويجي بس معدلتش هلبا لين وصلنا بعد العصر

صبريه:كيف حالها اختك وحال عيلتكم
هبه:الحمد الله تمام كلهم بخير
هدى:خليتي مكانك والله
هبه:ياحليلي هههههه
هدى:ناضت واشرت لي هبه بمعنى تعالي
هبه:مفهمتش
شهد:تعالي ياهبه ضروري ننبحو ع طول رقبتنا
هدى:??‍♀️

راكان:خير؟شنو الموضوع المهم؟
صبريه:اختك هبه
راكان:شن دارت
صبريه:ولا شي لاكن طلبها ايهم?قال بيتزوجها ويسافر يكمل قرايته
راكان:وانتي شن رايك في الموضوع
صبريه:انا مش راضيه يشهد عليا الله
راكان:متصكريهاش من البدايه خلي نشوفوه هوا وهيا شن رايها وبعدين ساهل
صبريه:قصدك بتقابله الفرخ هادا
راكان:بعصبيه…اممممي هدى تختي ومش رح نلوحها لي اي حد نشوف الولد شن وضعه بعدين ساهل
صبريه:قلبت وجها

هبه:اخيراااا?
شهد:راقده زي الاولاد….فرقت الاخيراا والله مرت عمي مسكره راسها زي الدحيه الخامره
هدى:اففف تزيدي فيا
هبه:لالا متخافيش وتو نحاول محكي مع امك وراكان
هدى:فيش داعي ادخلي روحك في مشاكلي
هبه:ولوو متقوليش هكي
شهد:تاكل في خياره….اي تو تحصل مف باهي من راكان ينزل العيل بدون نقاش
هبه:يالطيف من لسانك ?…يالله بنركب نرتاح انا بطني توجع فيا مغص
هدى:به ديري بالك

هبه:ركبت الشقه امتديت بس مفيش فايده حاسه بوجع وشوي شوي يقوى قعدت نتمشى في الحوش وخلاص معندي مندير

ايهم:مقالت شي امك؟
هدى:من لما طلع راكان من جنبها مجابت سيرة شي
ايهم:ان شاء الده خير
هدى:يارب

راكان:خش للحوش وشاف هبه تتألم
هبه:الحمد الله يلي جيت كيف كنت بنتصل بيك خلاااص معاش قادره?
راكان:خخ خ خيرك شن في?
هبه:منعرفش شكلي خلاص بنجيب مش قادره نتحمل الوجع???
راكان:قعد زي المتهستر جاب العبايه ونزل ينادي ع ام احمد ركبتها

ام احمد:شنو هبه شن صاير?
هبه:مش قادره ياعمتي خلاااص?
ام احمد:شافت اميه نزلت من هبه…راكااااان رااااااكان
راكان:شنو?
ام احمد بسرررعه برا مرتك بتجيب ارفعها تو نلحقو عليك مع رضوان
راكان:قام هبه ونزل بيها يجيها ركبها في السياره وطلع

ورضوان:رفع شهد وام احمد وهدى لاكن صبريه رفضت تمشي قالت مش حفيدي عشان نلحقها?

?روايات بنووتة الشيخ.اروى الطاهر المسلاتي?

راكان:اول موصل…بسررررعه نزلوها ودخلوها ع صالة الولاده طووول وقعد يستنى هوا وهدى وشهد ورضوان

بعد مرور نصف ساعه:-
الدكتوره:وين زوج المريضه
راكان:ااءء ا انا
الدكتوره:الف مبروك …يتبع

 

error: