رواية اغتصاب انقذ حياتي

الحلقة الثامنه

هبه:عجبني موقفك اليوم كيف خليت بنت عمك تقعد رغم يلي داره عمك
راكان:يقلب في محطات التلفزيون…معندكش شغل تاني غير تراقبيني
هبه:سكتت شويه وبتردد …راكان
راكان:ها
هبه:في موضوع هكي بنحكي فيه معاك ونبي رايك
راكان:حط ريموت التلفزيون ع الطاوله وربع يديه بس عيونه قاعدات ع التلفزيون…لو الموضوع يخصني ولا يخص حاجه في حياتي ياريت تنوضي ترقدي احسن
هبه:لا مش انت
راكان:مسح وجها بيديه…احكي
هبه:اختي الصغيره مسره الخميس الجاي حفلتها ومنعرفش لو تقدر ترفعني ليها صراحه لياتوا 4شهور معاك ومشفتهاش بكل ونبي نشوفها في عرسها ❤️
راكان:نزل عيونه وقعد ساكت
هبه:انا مقدره كل شي ادير فيه ع خاطري بس هاذي اختي ومعنديش غيرها بعد ماما واختي الكبيره
راكان:ساكت
هبه:شوف….عادي لو متقدرش او متبيش يكفي انك خذيتلي تالفون تو نتصل بيها ون….
راكان:يوم الاربعاء وتي روحي نمشو نباتو في فندق والجمعه نروحو هكي تكوني حضرتي عرس اختك
هبه:ياحليلي منننننك???والله انت تجنن هي
راكان:شافلها وهوا قايم حاجبه وقلب عيونه وشاف لي التلفزيون
هبه:ناضت لي الدار تجري فرحانه وتصلت بي سهيله قالتلها

هدى:تعلق في حوايج شهد في الدولاب وشهد راقده ع السرير وتهدرز عليها
شهد:ياربي والله ملينا من القطيعه ياريت بعد تروح ماما وتوقف ع رجليها يرجعو عمامي زي ماكانو معانا
هدى:متخافيش مدام راكان استقبلكم وعارف انتي وخوك مدخلكمش معناها رح يديرلكم حل اطمني
شهد:اااه من ها الراكان رغم انه صعب ويخوف لاكن عاادل مفيش منه الحق
رضوان:وقف قدام الباب…هدى تعالي
شهد؛مش زي الجربوع هاذا ?
رضوان:سكري فمك خير منخش نعجنك ..مرض عليك شكالات?
شهد:متكيه ع السرير وترقص في حواجبها…المهم قعدت ونكسرت كلمتك ?
رضوان:خش بيضربها لاكن شداته هدى
هدى:اهدااا رضوان فكنا من المشاكل عااد
رضوان:?وتيلي حوايج الجمعه من اليوم غضوا طالع الساعه8
هدى؛حاضر
رضوان:طلع وسكر الباب
شهد:فشك?
هدى:ربي يهديكم الزوز قاعدين زي قبل فااار وقطوس

شهد مواليد98 مواصفاتها بيضه شعرها قصير واسود عيونها ع الاسود الداااكن قنينه❤️لاكن مستفزه واعصابها بااااارده ولسانها طويل بشكككل

هبه:كملت مكالمتي مع سهيله وجيت بنحط تالفوني في الشحن لقيت حجات راكان ع الطاوله خاتمه وساعته وبطاقته الشخصيه خذيت الساعه شميتها …اااااه ياناس حتى من الساعه عالقه فيها ريحته??بعدين خذيت البطاقه متعه نتفرج ع صورته لفتني تاريخ ميلاده??مزال3ايام علي عيد ميلاد راكان ?زعما شنو نديرله خايفه نديرله عيد ميلاد ويصدني وحتا لو درتله شنو نهديله؟؟!افففف احسن شي بكرا نستفسر من هدى ونفهم منها

في الصاله صبريه وشهد وهدى مقعمزي يشربو في الشاهي :-
صبريه:وين مشت بعدين
شهد:طيح سعدها ولت لي راجلها عليك قهره
هدى:قصري لسانك ياحي عليك?
رضوان:امي انا طالع غضوا به من8
شهد:خوك من بكري نسمع فيه بيطلع الساعه8خيره فرحان شكله اول مره ينوض بكري?
رضوان:شد المزهريه وجي بحدفها علي شهد
صبريه:رضوااااان ?
رضوان:متسمعيش فيها الخرا هيااا شنو تنبح
صبريه:تحشم انت وياها كبار راكم معش زي قبل صغار وتتعاركو من اليوم نسمع منك كلمه انت وياها تشوووفو
شهد:تاكل في الفوشار…به?
رضوان:مهم قتلك باش متنشغليش عليا بكرا
صبريه:ربي معاك ..يالله تصبحو ع خير
كلهم:وانتي من اهل الخير
صبريه:ناضت وهيا اطق بي عكوزها

هدى:شافت تالفونها يشرين ضماته في جيبها…احمم اءء تو نجيك شهوده بنخش الحمام
شهد؛به

وقعدو رضوان وشهد مقعمزين:-
رضوان:ياكل في الفوشار ويتفرج
شهد:كول بشويه وانت مولي زي العجل
رضوان:خبطها ع ضهرها….تسكري فمك ولا نبرك عليك ياكلبه
شهد:قامت حاجبها وتضحك…كانك راجل ديرها?
رضوان:جي فوقها وشدلها شعرها
شهد:??اءءءء
رضوان:وهوا متكنطي ووجهم في بعض …وربي مزال نسمع منك كلمه هكي ولا هكي نكصرلك رقبتك
شهد:بعد من عليا خير منعيط ونقول بيغتصبني ونلمهم عليك
رضوان:بعد من عليها ….?شن ينغتصب فيك شوفي منضرك كيف رايح
شهد:تساوي في شعرها:محلاني زي العسل
رضوان:تفو لي ها شكل….وناض لي داره
شهد:محاسب في روحه

هبه:قعدت نتقلب طوول الليل وانا خلاااص مش قادره نرقد نضت من النوم وطلعت الصاله لقيت راكان صاهر وفاتح اللاب توب منعرفش شنو يدير قعمزت جنبه
هبه:راكان انت ديمه عندك حلول لي كل شي ديرلي حل?
راكان:نزل اللاب توب …افففف عليك ليله شن تبي تاني
هبه: مقدرتش نرقد متعوده نرقد ع يطني وتوا بطني زي الكوره?نحس في روحي تقول ذبانه زامطه حمصه
راكان:ضحك ع جنب
هبه:??كأنك ضحكت صح؟
راكان:بسرعه غير ملامح وجهااا وقرن حواجبه
هبه:وحق ربي ضحكت هي ??هههههه اخيرا شفتك تبتسم اخيررررررا
راكان:فتح اللاب توب ..نوضي شوفي لي روحك حل خليني نخدم منبيش الدوش
هبه:ابتسمت…خليني مقعمزه نتفرج وانت اخدم
راكان:ساكت
هبه:خذيت المخده حطيتها وراضهري وجيت جنب راكان رقدت وهوا جنبي مقعمز
راكان:ارتبك وبعد من عليها شويه

هبه:قعدت نتفرج ع مسلسل خليجي حلو لين حسيت بي شي وجيت مقعمزه من الخلعه??رااااكان
راكان:شبحلها ونخلع…خيرك
هبه:بدون متحسسس ع روحها خذت يده وحطتها علي بطنها

هبه:يتحرك???اول مره يتحرك في بطني شووووف ??
راكان:نسي روحه وقعد يشوف لي بطنها وهبه حاطه يدها فوق يده وع بطنها وتبكي
راكان:فاق علي روحه وبعد يده من عليها
هبه:تشوف لي بطنها….ياقلبي انت ياعيون امك محلاك ودموعها ينزلو كانت اول ضربات جنيني ليا نحس بيها هلبا هكي شعور مستحييييل نوصفه بي كلمه مستحيل شعور الامومه حلووو هلبااا ومفيش زيه شعور مهما تحاولي رقدت وين مكنت ويدي ع بطني وسكرت عيوني وانا بيني وبين نفسي نحكي في هلبااااااا كلام لين خذاني النوم

راكان:يشوف لي هبه وهيا راقده ويتكلم في سره…شنو طينتها البنت هيا مصره انها تخش حياتي بي اي طريقه الواااااضح اني عطيتها وجه هلبااا….
وناض بيرقد بس لما شاف هبه راقده بدون غطا مقدرش يخليها وغطاها ….وهوا في طريقه لي دار المعيشه شاف دار ولده انس(الله يرحمه))مفتوحه عرف ان هبه هيا السبب في كل مره يسكر فيها يرجع يلقاها مفتوحه خش لي دار انس وقعمز وهوا يشبح لي يديه ويذكر ضربات البيبي متع هبه وخذاته الذكريات لي ولده بي التفصيل اول ماحملت مرته لين جباته وكيف كان يحبه بجنوون وعنده بدنيا بعد فتررره خذاه النوم وهوا في دار انس❤️?

ثاني يوم:-✨✨✨
هبه:مع جو الساعه 8الصبح تقريبا فتحت نص عيني نشوف في راكان يبخ في البرفان متعه وشكله تم ساعه وهوا يخض في الشيشه لين حطها ع البار وطلع سكرت عيني وكملت نومي

هبه: نضت مع الساعه11الصبح اذكرت شن درت امس عليك عمله مصح خليقتي كيف ناخذ يده ونحطها ع بطني??‍♀️ خشيت الحمام غسلت وجهي وتوضيت وصليت قلت ننزل نفطر لوطه خير من بروحي فوق وقفت جنب شيشة البرفان ولقيتها فعلا تامه رديتها ونزلت

شهد؛وحق ربي قناع سمح هي غير تعالي نديرلك في وجهك
هدى:تي باهي خيره لونه هكي ?
شهد:فيه القهوا لان شوفي وجهي كيف يلمع لمع من الاقنعه ياماما منخلي مندير
هدى:مش عاررف
شهد:تعالي جاااي….وشدت هدى وبدت تلطخلها في وجها
هبه:صباح الخيرات??خيركم شن هاذا في وجهكم
شهد:مزال دورك غير افطري قبل
هبه:ههههه فتحتو كوافير هنايا
هدى:اااه راسي يا شهد
شهد؛تي اسكتي
هبه:???
هبه:بما ان بروحنا هدى نبي نسألك
هدى:راسها ع الطاوله وشهد اديرلها في القناع…ها شنو
هبه:بعد بكرا عيد ميلاد راكان زعمه شنو نديرله
شبحتلها هدى وشهد مصدوومين????
هبه:خيركم?
شهد؛من عقلك انتي وحش الجونينه بديريله عيد ميلاد؟!
هدى:مستحيل عمره محتفل بيه راكان مننصحكش ره لان متعرفيش كيف بتكون ردة فعله
شهد:ديريله تورته بي الاسلحه واهديله14ونص???
هبه:تسهوكي انتي وياها توااا. فكرت نهديله عطر لان عطره اليوم كمل
هدى:لون الشيشه حمراء؟
هبه:اي وفيها خط بي الازرق
هدى:انسي هاذي يجيب فيها من تركيا عنده صاحبه يجيبله فيها
هبه:اهااا يصير خير

رضوان:هدى نب..??اسم الله خيرا وجوهكم هكي
هدى:هاذي ابداعات شهد لصفاء البشره?
رضوان:ع اساس بدون اللبز يلي في وجها امورها تمام تي منضرها يرعش في جميع الاحوال هوا
شهد:قولها لي روحك منضرك زي كلب عمي بشير الله يرحمه
رضوان:لوح علي شهد الكاشيك
شهد:ااااه الله عطيك كسره
رضوان:سكري فمك خي…
هبه؛???
هدى:خلااااص عاد ريحونا خير متجي امي
رضوان:داره كبد…وجي طالع
هبه:طلعت وراه…استنا رضوان نبيك
رضوان:تلفت …نعم
هبه:في شيشة برفان نبيك تجيبلي زيها متع راكان
رضوان:اي وحده؟
هبه:لحضه نجيبها ….ومشت

رضوان:دراه الكبد شهد قداش خاطري نعجنها طريحه ها الخامره ناقصني عفن في حياتي ?
هبه:اهيا رضوان
رضوان:ااه?لالا يامرت الاخ صاعب هاذي ضروري نوصي عليها
هبه:بالله عليك حاااول نبيها مدابيا بكرا او بعده وراااس وخي
رضوان:مش عاارف ليش تبيها انتي؟
هبه:نبي نهدي لي راكان حاجه وملقيت شي غير العطر هاذا واضح يحبه اضايق اليوم اما كمل
رضوان:ابتسم….حاضر من عيوني نحاول
هبه:نجيك وخلاص?
رضوان:وجها راح احمررررر وطلع

عند مسره اخت هبه؛
توتي لي عرسها وبوها اعترف للعيله ان بنته تزوجت وحامل وخاف يقول هكي عشان خطيبها الاول ميديرش مشاكل لان رح تفسخ منه وتاخذ حد تاني
طبعا عادات الليبين في منهم صدق ومنهم من قعد يدوي ويطلع في اشاعات وياااااما دوا

بعد مرور يومين:-
مقعمزين يشربو في القهوا ويهدرزو …
رضوان:هبه تعالي شويه
هبه:ناضت

صبريه:شن عنده يبي هبه؟
هدى:وين نعلم
صبريه:راقبو البنت وتصرفاتها كويس
هدى:والله مشاء الله عليها يا امي
صبريه:كلمه هيااا
هدى:به?
شهد:تاخذي احلا مراقبه يامرت عمي
صبريه:انتي الهي في روحك ومعش تتعاركي مع رضوان
شهد??

رضوان:هادا العطر حصلته بعد الف واااسطه
هبه:?ياحليلي اناااا منووووووور بكل
رضوان:ولا يهمك?
هبه:كم حقه نجيبلك؟
رضوان:لاعاد مش بينا الكلام هوا
هبه:بس من…
رضوان:خلاص عاد
هبه:ربي يسعدك
رضوان?

ع سفرة العشي :-
العيله كلهااا ملتمه وهبه وهدى يجيبو في باقي الصواني
صبريه:قعمزي يابنت انتي بطنك علي ركابك
هبه:عادي ياعمتي ?

جت هبه بتعطي صونيه المرقى لي راكان شد الصونيه وبحركه سريعه وغير مقصوده حطت يدها ع يده
راكان:طلق الصونيه وهوا مصدوم وطاحت
هبه:قعدت تشبحله
صبريه:انكسر الشر انكسر الشر
هدى؛خليها هبوش تو نمسحه انا
هبه:قعمزت وراكان معادش شبحلي وكمل ماكلته
قعدت معاهم ع اساس بنغسل اماعين العشي لاكن مخلونيش قعمزت هدرزت شويه وركبت اول مخشيت الشقه جبدني راكان من مرفقي

راكان:وهوا متكننننطي…شنو يلي تحاولي اديريه انتي؟؟؟؟؟؟؟؟؟???
هبه:عع ع شنو تتكلم
راكان:يعلي في صوته …فااااهمتيني انتي بطلي حركات المراهقه هيا معاد تلمسيني ولا تجي جيهتي فااااااهمه????
هبه:نزلت عيون يلي كانو غارقات دمووع…حاضر?…وخشت للحمام

راكان: خش لي الصاله وهوا متعفللللق نحا جاكيته وحطه ع الصالون ومفاتيحه ع البار لقي هديه مغلفه جنبها كرت …فتحه ((كل سنه وانت بالف خير وعقبال الف شمعه عيد ميلادك اليوم❤️))

راكان:خذي الهديه وجي بيلوحها في الكناسه بس تراجع في اخر لحضه وقرر يفتحها ونصدم لما لقاه عطر جديد …معرفش كيف يتصرف او شنو يقول لي هبه؟?كل يلي داره حط العطر في المكان يلي ديمه يحط فيه وطلع

هبه:بكيت في الحمام لين عيييييت حاولت نساعده بكل شي وكل مره يصد فيا اكتر من المره يلي قبلها والله معاد جايه جيهتااا ولا حتا مكلماته ها البارد هاذا????

الساعه9في الليل :-
رضوان:اااااه يا امي طلعيها زي السم
صبريه:كيف بنطلعها الشوكه تبي ضوافر يا ولد
رضوان:اااه يا هدى زودي
شهد:بما ان مفيش غيري ضوافرها طوال مضطره نساعدك ?
رضوان:اقلبي وجهك انتي بنمشي المستشفى
شهد:تعالا بلا دلع….وخذت يده تضغط بضوافرها لين طلعت الشوكه ومسحت الدم
رضوان:….اااخ
شهد:قامت عيونها وهيا جنبه….ترحم عليا
رضوان:شافلها بطريقه غريبه ومردش
اما هبه:كانت سااااارحه في عالم تاني ومكسوره?

طق طق طق
صبريه:نوضي افتحي
هدى:يا امي متشبحيش فيا نطبق في حوايج ولدك جبببل ع رجليا
هبه:خليك تو نفتح…وناضت

طق طق طق
هبه:فتحت…تفضلي
فاتن:شافت لي هبه ولي بطنها…راكان موجود؟
هبه:اي مع رضوان داخل منى نقوله؟
فاتن:ضحكت ع جنب…مرته الاولى يااااااا مرته الثانيه?…يتبع