رواية اغتصاب انقذ حياتي

الحلقة الخامسة

(حقيقيه)
هبه:قعمزت جنبه وقويت روحي وتكلمت …راكان
راكان:بدون ميشوفلها…نعم
هبه:عارفه اني مثقله عليك في كل شي بس نبي منك طلب وياريت ماتردني ووعد مش رح نطلب ولا شي تاني
راكان:نسمع فيك شنو طلبك؟
هبه:نبي نكلم اختي سهيله يعني نتصل بيها ونطمنها اني وصلت خليتها مشغووله عليا
راكان:يغير في قنوات التالفزيون….واتصلي بيها وين المشكله؟
هبه:بنستأذن نكلمها من تالفونك لان انا معنديش تالفون
راكان:وين خلتيه تالفونك؟
هبه؛لا معمري درت تالفون انا
راكان:ناض للحمام…تلقي تالفوني ع البار كلميها ورجعيه مكانه
هبه:فررحت..تمام
راكان:خذي حوايجه وخش للحمام يدوش

ترن ترن ترن
سهيله:??يا عمررر عمررر
عمر(راجلها):نعم
سهيله:تعالا شوف تالفوني
عمر:شن فيه
سهيله:يشرين لاكن مش طالع رقم مكتوب غير معروف
عمر:?شفرة ثريه هادي …هاتي جاي نرد

هبه:الو
عمر:تفضلي منو
هبه:انا هبه ياعمر كيف الحال
عمر:ااه اهلين هبه الحمد الله كيف حالك انتي
هبه:بخير سهيله جنبك
عمر:اي لحضات ….هاك اختك

سهيله:ايوا هبوش?
هبه:هلا سولتي انا كيف وصلت
سهيله:به كويس شنو طمنيني الوضع
هبه:كله تمام عنده اخت واخ زي العسل مشاء الله بس حسيت امه واعره شوي
سهيله:به المهم متطلعش العيبه منك وديري بالك ع روحك
هبه:اكيد ان شاء الله المهم لما تتلاقي مع مسره طمنيها عليا
سهيله:تمام ان شاء الله بين الفتره والتانيه كلميني
هبه:نحاول يلا سلام توا
سهيله:سلام
هبه:سكرت الخط
سهيله:نسيت مقتلهاش ع قصة الرقم يلي مطلعليش?

هبه:رديت التالفون في مكانه وقعدت واقفه معرفتش انا وين بنرقد وراكان وين ؟قعدت ماشيه جايه حايره شنو ندير لين سمعت صوت باب الحمام فتح وطلع لابس سروال توته وكناتيرا اااااه ياقلبي ع الجماال ❤️

راكان:خش لي الصاله وقام الصالون فتحه وقعد يساوي فيه لين راح زي السرير
هبه:اول مره نشوف صالونات هكي قعدت فاتحه فمي زي الهبله?
راكان:مشي لي دار النوم جاب غطاء وبطانيه وقعمز يحط تالفونه في الشحن
هبه؛اححم ااء انا وين نرقد
راكان:يشوف لي تالفونه …خليك في دار النوم
هبه:تت تمام تصبح ع خير
راكان:ساكت
هبه:مشيت لي الدار وانا متنرفزه منه ميردش عليا كان قتله صحيت او تصبح ع خير او حتا صباح الخير خيره هاذا ?…المهم حطيت راسي ع المخذه ومن كثر التعب خذاااااني النوم طول

هدى:به شنو يا امي توا؟كيف بتعرفيها علي عيلتنا خالتنا عماتنا جيرانا كيف؟
صبريه:راكان مش غريب عليهم بتصرفاته المجنونه رح نقولو ان تزوجها في غريان قبل 4شهور وتوا حامل جابها هنايا
هدى:به شن رايك نديرو عزومهً خفيفه بكرا متع عشي عشان يتعرفو عليها وخلاص معش تبدا غريبه
صبريه:اي كنت نفكر فيها تو يكرا ان شاء الله نكلمهم عشان يجو
هدى:وهيا تبتسم….كلمي حتا خالتي هنيه☺️
صبريه:نوضي اقلبي وجهك من قدامي
هدى:علاش يما شن قلت ?
صبريه:الف مره قتلك ولد هنيه طلعيه من راسك
هدى:حطت المخده وهيا متكنطياااا….تصبحي ع خير
صبريه:وانتي من اهل الخير ?

مسره:كيف؟
حاتم:شن هوا يلي كيف العيله كلها سمعت بي هبه مريضه وسفرناها وجاين غضوا ينشدو عليها ع اساس
مروى(مرت حاتم):ياحشمتنا قدامهم شن بنقولو
مسره:علاش ياحشمتك خلاص هبه تزوجت ع سنة الله ورسوله
مها(مرت عبد المعطي):اممم تزوجت بعد شنو
مسره:هي سكرو فم نساوينكم عااااد?
عبد المعطي:مهااا جيبي الصغار وتطلعي
حاتم:متنساش بكرا تجي وتجيب العيله عشان الناس يلي جايا
عبد المعطي:تمام ولا يهمك

✨ثاني يوم✨
هبه:نضت ع صوت الباب يلي تصكر بقوه طلعت من دار النوم لقيت راكان مغير حوايجه وطالع خشيت الحمام غسلت وجهي وسنوني وتوضيت وصليت بعدها قعدت نرتب في الصاله وقمت حوايجه يلي كانو ع الارض وريحتهم يانااااااس?تجنن ساويت الصالون ومشيت لبست قفطان طويل ووشاح ونزلت

هبه:صباح الخير☺️
هدى:صباح الوردات? تفضلي افطري معانا
هبه:خشت باست يد صبريه….صباح الخير عمتي
صبريه:نصدمت انها باست يدها ….صباح النور
رضوان:طالع من الكوجينا بعدين رجع بسرررعه?
هدى:ههههه تعالا رضوان هادي مش غريبه مرت خوك
رضوان:?سامحيني معرفتكش
هبه:لاعادي?
هدى:هاذا خوي رضوان يلي بعد راكان طول وهاذي هبه مرت راكان
هبه:تشرفنا
رضوان:بيك اكتر☺️…هيا هدى حدديلي حوايجي
هدى:به
ام احمد:وهاااذا الشاهي …من الاموره هاذي?
هدى:هههه اليوم تعارف وبس هاذي مرت خوي راكان
ام احمد:جت تبوس في هبه …مشاء الله مشاااء الله محلاها ربي يهنيكم
هبه:كانت ام احمد مرا كبيره بس شادا حيلها
هدى:هاذي ام احمد تساعد فينا في شغل الحوش لان ماما مريضه بسكر وانا قرايا وجامعه تعرفي عاد شغل الحوش
هبه:ربي يعاون ان شاء الله
صبريه:ساكته وتراقب في هبه
ام احمد:رجعت للمطبخ
رضوان:ياااهدى
هدى:واااك خلي نشوفه شن يبي ونجي
هبه:تمام☺️…وقعدت مقعمزه انا وام راكان ومتلبكه مش هارفه شنو نحكي لانها الصراحه تعابير وجها كلها جديه

صبريه:ديري في حسابك اليوم عزمت العيله عشان يتعشو ويتعرفو عليك
هبه:بصدمه…اه?
صبريه:اي ورح تقولي قدامهم ان ليك متزوجه 4شهور وتوا حامل في الثالث
هبه:هزيت براسي بس مصدومه معقوله راكان قلها ع قصتي ولا كيف؟!
صبريه:افطري توا وكولي كويس وبعدين تو تجيك هدى وتفاهمك شنو اديري
هبه:حح حاضر

هدى:جيتكم ووووه طلبات الاولاد متكملش
هبه:ربي يحفضهم يارب☺️
صبريه:خودي اتصلي بي الممرضه وقت عليا
هدى:حاضر
هبه:ليش الممرضه؟
هدى:عشان تعطي يبرا السكر متع ماما
هبه؛انا نعرف نضربها لو تحبي كنت نضرب فيها لي ماما الله يرحمها
صبريه:تشبحلها وساكته
هدي:به كويس جتنا ممرضه للحوش ههههههه
هبه:???
هدى:يالله دقايق نجيب الحجات ونجيك
هبه:اوكي☺️

مسره:الحوش ززززحمه عماتي وخالاتي وبناتهم كللللهم جونا تغدو ونساير فيهم ع اساس هبه مريضه ومنبوش نقولو مريضه بشنو

هبه:ضربت اليبرا لي ام راكان وقهدت مقعمزه معاهم لين تغدينا وشربنا الشاهي بعدها ركبت لان حسيت روحي دايخه وكبدي زاهقه من الوحم …ركبت غيرت حوايجي وفتحت الثلاجه لقيت ليمه قارصه خذيتها ومتديت ع الصالون ااااه ع الراحه ?

راكان:شن يعني؟
احمد:يعني ان في بضاعه مخلطه بين كم سلاح وذخيره نسيناها في المستودع قداش ايها تبينا نبيعو باهي تبينا نخلوها ع راحتك
راكان:خليها يمكن نحتاجوها ..انا حاليا منبي ندير شي بس الفتره يلي رح نقعد فيها في ليبيا منبيش مشاكل لاكن لو المشاكل جت لا عندنا الله غالب
احمد:تم

طق طق طق
هبه:نضت من الصالون وفتحت الباب
هدى:ان شاء الله مش راقده ?
هبه:ههههه لالا خشي
هدى:خشت وهيا شاده كيسه …وقعمزت
هبه:نديرو قهوا ولا شاهي
هدى:غير تعالي توا نحكيلك بعدين ساهل
هبه:شنو
هدى:هادا قفطان بسيط وحاجاته مبيك تلبسيه اليوم ورح نكلم مزينه نعرفوها تجيك تمكيجك وديرلك شعرك
هبه:ليش هاذا كله?
هدى:للعزومه يا حلوه توا تعالي نديرلك الحلوه ع السريع مابين جتنا المزينه جبت معاي حلوه واتيه
هبه:هههههه تجنني انتي
هدى:?هيا بسرعه

مسره:به المهم حالها كويس
سهيله:منعرفش امتا بتكلمني مره تانيه بس واضح من صوتها انها مرتاحه
مسره:حسب رايك يجيبها لي عرسي؟!
سهيله:مش عااارف الحق بس توقعي اي شي
مسره:ربي يكمل فرحتي بس وتجي
سهيله:مسكت يد مسره …ولايهمك تفائلي خير
مسره:يااارب

الساعه7المغرب:-
هبه:كملت الحلوه الله ع النضافه?نلمع لمع وجتني المزينه دارتلي شعري تسريحت فلو مفتوح ومكياج هااادي بعد مكملت نزلت مع هدى وقعدت بروحي في الحوش لابسه بيجاما بس شعري ومكياجي واتي خشيت المطبخ ناكل في ليم قارص شويه ونسمع في راكان خش وقلبي خلاص طووول تلفتت منبيشي يشبحني

راكان:السلام عليكم
هبه:وعليكم السلام ?
راكان:خش لي دار النوم خذي الزبون من الدولاب وطلع بدون ميحكي
هبه:خشيت دار النوم وطلعت القفطان يلي جاباته هدى ونصدمت فيه محلاااااه قفطان استريت ماشي مع الجسم لونه عنابي وطوله حاير وكمامه منفوخات ومعاه اكسسواراته لبسته وطلع عليا حلو قعدت نشبح لي روحي في المرايه ونتحسر هاذي الجوازه يلي تمنيتها؟ولا هاذا العرس يلي كنت نحلم بيه؟?بس حمد الله الف مره كيف نقذني من الموت طق الباب وراكان فتح جتني هدى لبست عبايتي ونزلت انا وياها

هبه:نغلعت من منضر الكنادريلي قدام الباب عرفت ان زززززحمه هشيت وانا نرعش بس هدى معاي نحتلي عبايتي وخشيت نسلم ع وجوه اول مره نعرفها مخلطه بين نساوين كبار وبنات متزوجات وبنات صبايا سلم ع الكل وطبعا ميخلاش الامر من مدحهم ليا والبنات يلي يشبحولي ويوشوشو وقعمزت
فطيمه:مشاء الله ياصبريه الزين حتا هيا عويناتها زي راكان
صبريه:اي ربي يحفضهم☺️
هند:من وين انتي اصلك؟
هبه:غريان
هند:مشاء الله بجوده بيك
هبه:تسلمي
مريومه:مشاء الله احلا من مرته الاولى
هبه:انا راسي استتتتتتتتككككككككك????????????????ممممرته الاولى ؟؟؟؟؟يعني كان متزوج
صبريه:يالله قدمو ع العشي انتي وياها

كلهم قدمو ع الصفر يتعشو وهبه ساااارحه ومش مصدقه

هدى:حست ع هبه…تعالي هبوش مع بنات العيله نتعشو نعرفك حتا عليهم
هبه:بضحكه مصطنعه ..اوكي☺️وناضو قعمزو

هدى:هاذي نرجس ونهى بنات خالتي سلوى وهااذي رؤى ورندا بنات عمتي فطيمه وهاذي نهله بنت خالتي مريومه
هبه:تشرفنا☺️
كلهم:بيك اكتر
هبه:قعدت نقش من الماكله وخلاااص معنديش نبه واضح فيه الف سر منعرفاش
هدى:نادت عليها عمتها وناضت

نرجس:احمم بنسألك معليشي
هبه:تفضلي
مها:نرجس اسكتي
نرجس:والله منخليها في خاطري?…المهم
هبه:شنو☺️
نرجس:راكان يضرب فيك ؟
هبه:نعم؟?
نرجس:نقصد يعني يخووف اقسم بالله شبحه بس نموت في مكاني يعني كيف قادره تعيشي معاه
هبه:عادي انسان كويس هوا
رندا:وانسان طرف?
هبه:ضحكت
رؤى:ربي يحميكم ان شاء الله
هبه:تسلمي

هبه:كملنا العشي وقعمزت في مكاني بدو يفرقو في الشاهي والحلاوات وانا خلاااص نستنا غير امتا نروح مش قادره ع ناااار??يهدرزو وانا مش معاهم بكل وفجأه✨✨✨✨✨يخش راكان لابس الزبون اااااه ياقلبي كيف طالع يجنن?خش سلم علي خلاته وعماته يبوسو فيه ويباركوله ع حملي وزواجنا ويلومو فيه كيف ميقولش وسلم ع البنات بي اليدين وبس بدون ميتكلم ولاحضت ان اول مخش البنات كلهم يلبسو وعيونهم في الوطا خايفين منه ….

هبه:كملت السهره اخيرا سلمت عليهم وركبت اول مخشيت الدار نحيت عبايتي وقعدت ماشيه جايه نبي نعرررررررف شن صاير وشنو مش صاير نبي نفهم وين مرته الاولى وليش مش معاه توا ؟؟؟!

راكان:فتح الباب وخش لقي حوايجه مطبقات ع الصالون خش للحمام غير حوايجه ورجع لي نفس المكان قعمز يتفرج ع التلفزيون

هدى:بس حسيتها نصدمت يا امي مفروض قلتولها من الاول
صبريه:خوك يقول كلمه نمشو عليها كلللللنا وبعدين انتي وانا وكلنا عارفين هيا ليش هنايا ومدخلهاش في راكان
هدى:بس هيا توا مرته وعايشه معاه كيف متعرفاش
صبريه:نوضي من قدام وجهي
هدى:نايضه?

هبه:نفكر نمشي نكلمه بس انا شن دخلي وهوا منبهني مندخلش في حياته ?..نحس بي مغص خفيف في بطني بس مدورتاش قعدت نفكر في اي طريقه شنو الحل يلي نديره شويه ونشبح لوطه لقيت دم نازل من رجليا والمغص تقواااااا بدون شعور طحت وقعدت نعيط ونادي في راكان

هبه:راكااااااان?????….يتبع