رواية اغتصاب انقذ حياتي

الحلقة التانية

هبه طول الطريق ساكته ومسره اختها حاضنتها وتبببببكي ومصدومه كيف اختها هبه يلي طول عمرها عاقله وهاديه ادير هكي؟؟!

وصلو للحوش واول مخشو دخلو هبه من شعرها لي الدار وطاحو فيها ضرب اخوتها الزوز وبوها واقف قدام الباب وهوا قاعد تحت تأثير الصدمه

عبد المعطي:شادها من شعرها ويخبط فيها الارض….واطيتي راسنا يااااااااكلبه خطيبك يلي محدد العرس ومزال عليه شهر بس شن بنقولوله
حاتم:يخبط فيها بي رجليه علي بطنها ….وزياده حااامل بي الحرام يا سااااااقطه يا عااااهره
هبه:بين ضرباتهم علي راسي وبطني ودموعي يلي ينزلو وفمي يلي ينزف كانو عيوني علي بوي?بوي يلي طوووول عمره يفضل في الاولاد علينا ويعتبر في البنت عاار عليه بوي يلي عمره موقف معاي ولا دافع عليا اليوم واقف بعيد ويتفرج عليا بدون ميحاول حتا يفهم مني ?لفيت يديا الزوز علي بطني وغمضت عيوني ونبكككي وهما مستمرين يضربو فيا

مسره:واقفه منهاااااره بي البكي ….بالله عليكم ياحاتم خلاااااص بتموت????
لطفي(ابو هبه):شد مسره من يدها وطلعها وسكر الباب ومسره قعمزت ع الصالون وتبكي وقلبها محرووووق علي اختها

حاتم:وقف دااااهش ومسح جبهتا من العرق…شوفي ياكلبة الكلاب الخطبه من ولد الناس رح نفسخوها ونقولو ان طلع عندك مرض خطير خلي مسره تتزوج وتنستر وبعدها بنغسلو عارنا بيدينا ولو يسألو الناس علاش متي ؟بسبب المرض يلي طلع عندك
عبد المعطي:خبطها برجله علي بطنها…غير عندك خوات متزوجات بس خايف يطلقو بسببك كنهادا دفنتك اليوم بيديا انتي وفرخ الحرام يلي في بطنك تفووووو عليك يافاسده….وطلع وهوا داهش وعرق مع بعضه من كثر م ضرب هبه
حاتم:قبل ميطلع من الدار دف هبه علي طول يده لين جي راسها ع الحيط وطلع وسكر الباب
هبه:جسمي من كثر الضرب معش نحس بيه نهائي بذات راسي وبطني?بعد اخر خبطه طحت وبدت الصوره في عيني مشوشه لي خلاااص اغمى عليا ومعش نعلم بروحي

 

عبد المعطي:مسررررررره مسرررررره
مسره:تبكي وبخوف….نعم
عبد المعطي:نسمع ولا نحس عليك مدخلتيلها ماكله ولا شراب تشوفي حسابك فاااهمه
مسره:هزت راسها ودموعها ينزلو
حاتم:بوي ولا يهمك هادي وحده ساقطه والباين معرفناش نربوها لاكن الدم يغسل العار
لطفي:ناض من الصالون….منبيش فضليح اقتلو ودفنو بدون شوشره وبنسبه ليا متبري منها طوول العمر
مسره:?????
عبد المعطي:شاف لي مسره وعيونه شرااار….وانتي نسمع عليك حاجه هكي ولا هكي بندفنك جنبها هني روحك لين توصلي لي راجلك
مسره:حطت يديها علي وجها

في المستشفى:-

الممرضه :مسكينه البنت يلي جابوها بكري اشبح شن ضار فيها
رائد(الدكتور):اكيد قتلوها شن بيصير فيها يعني
الدكتور حمدي:ضاهرة فقدان العذريه والحمل بي الحرام كاثره الايام هيا
الممرضه:ربي يستر علينا ان شاء الله

ترن ترن ترن
رائد:طلع من الغرفه ورد علي تالفونه…ايواا
احمد:اهلين رائد كيف الحال
رائد:تمام ياصحبه وين مغيب؟
احمد:والله كنت في طرابلس هاذي وصلتي
رائد:شن عندك غادي؟
احمد:جبت معاي راكان وخوه بنشوفو حل لي موضوعه
رائد:راكان?ليه وحشه الكلب
احمد:المهم تعالا اليوم بعد تكمل دوامك بالك تفيدنا بحاجه?
رائد:ههههه تم تم
احمد:هي سلامات ..وسكر الخط
رائد:هي انا طالع
حمدي:المناوبه متعك متمتش
رائد:بالله نضمنا الامور يادكتور عندي موضوع
حمدي:مردوده ره
رائد :ولا يهمك?

هبه:فتحت عيوني ونشوف في اختي سهيله تغسلي في وجهي وفمي من الدم وتبكي
سهيله:منو دار فيك هكي ياهبه?نعرفك مستحيل اديري حاجه زي هادي بي إرادتك طول عمرك شريفه تكلمي
هبه:مقدرتش تتكلم قعدت تبكي بي شهقه ويدها علي بطنها
سهيله:حضنت هبه وتبكي …ياااارب يفرج عليك بجاه النبي?ويسترك
هبه:بيقتلوني ياسهيله?
سهيله:بعيد الشر عليك ??ربي يباعدهم عليك
هبه:?????
سهيله:مسحت دموعها…نوضي اشربي وان شاء الله تنحل
هبه:شربت ميه هلبااا من كثر ما عتشانه ونضت مع سهيله سندتني ورقدتني علي الفراش كان جسمي كلله متكسر من الضرب
سهيله:تكلمي تواا قوليلي من دار فيك هكي
هبه:ساكته ودموعها ينزلو
سهيله:هبه تكلمممي
هبه:م…..
مسره:سهيله اططططططلعي بسرعه حاتم روح
سهيله:لبست وشاحها وطلعت تجري

طق طق طق
احمد :اهلين كيف الحال
رائد:تمام بخير (سلمو ع بعض)
احمد:خش يا دكتورنا
رائد:نحا كندرته وخش …اوووو تي وينكم ليكم وحشه
راكان:سلم علي رائد وحضنه
رضوان:خوي بس يلي ليه وحشه يعني ?
رائد:حتا انت ياكلب تعالا (وسلم عليه)

خليني نعرفكم ع بطلنا (راكان) يسكن في طرابلس من مواليد88قبل سنين فاتو لما كان عمره 20سنه كان يخدم في مصنع متع تحلية مياه وفي يوم تعارك مع صاحب المصنع بسبب راتب ناقص والمدير قاله اخدم اليوم وخوذ راتبك ومعش تجيني وافق راكان وكمل دوام خدمته ولما مشي لي مدير المصنع عشان يستلم راتبه جي حد ضربه ع راسه لين راكان فقد الوعي ✨وبعد نصف ساعه فتح عيوني لقي روحه طايح جنب مدير المصنع والمدير غااااااارق في دمه يعني مقتول بعد دقايق جت الشرطه وتهمو بي ان راكان قتل وطبعا كلهم شهدو ضده لان سمعو اصوات عياطهم لما يتعاركو .
طبعا راكان رفض ان ينحكم ضلم وهرب لي تونس وبسبب انه كان مطلوب قعد يخدم في حجات غلط زي التهريب والتجاره في السلاح و و و …..وقعد عنده معارف في كل مكان بعد6شهور بزبط طلع حكم برائة ركان من قضيه القتل بسبب مقطع فيديو متع كاميرة المصنع لقوها ملوحه في مكان قريب من المصنع روح لي ليبيا ع خاطر وفاة بوه وكان مخطط ياخذ امه واخته ويسافر بيهم منعاته الدوله من السفر بسبب قضايا التهريب والتجاره في السلاح وغيره بعد فتره صارله حادث غير حياته وخلاه يتوب علي كل شي ومستعد يدير كل شي ويصكر ملف القضايا متعه ويسافر ويبدا من جديد عنده اخت وحده اسمها هدى وزوز خوت رضوان طبعا يده اليمين في كل شي مواليد 90وخوه الصغير محسن مواليد2000

مواصفاة ركان??حنطي طويل وعريض شعره ولحيته ع العسلي الهادي وعويناته خضررر عنده ضربه خفيفه في حاجبه محلياته شخصيته رزززززينه بكل ميضحكش هلبا وديمه مهموم بس طرف ❤️

بعد دقايق :-
رائد:راكان انت قداش عليك قضيه؟
راكان:20 ونبي نخلص منهم بي اي طريقه
رائد:به انا جاي هنايا ع اساس احمد عنده حل احمد:اي وعندي
رضوان:يلي هوا؟
احمد:ااااه لو كنت متزوج وعندك ع الاقل طفل واحد نقدرو انفذوك من هاذا كله وتسافر زي قبل
راكان:سرررررح
رضوان:خيرك احمد هبلت ؟؟؟شن متزوج وعنده طفل
رائد:كيف رح تنفذه لو كان متزوج؟
احمد؛لو نقعد نشرحلك من هني لا غضوا الصبح مستحيل تفهم نبيه قدام الدوله يكون عنده عيله وبعدين نفبركوله وراق ع اساس ولده او بنته مررررريض ويحتاج علاج للخارج ومن هني من هني تمشي الامور
راكان: ولع دخانه وقام حاجبه…مزال 6شهور بس ولازم نسافر وين بنلقى البنت يلي تجيبلي طفل في6شهور بعدين انا منبيش يكون عندي عيل
احمد:خلونا نشوفو وحده حامل مطلقه ارمله اي شي بس لازم الحمل متقولش عليه
رضوان:تي الحكااايه ملخبطه معقوله وحده حامل متبيش تقول علي حملها خيرك احمد بعدين القصه هادي كله مش زابطه
رائد:اذكر هبه…وقعد متردد….في وحده
راكان:شاف لي رائد …منو؟وشني؟
رائد:جتنا حاله اليوم بنت حامل في الشهر 3وشكلها حامل بي الحرام اهلها معندهمش علم يعني لو مشيت طلبتها رح يوافقو عشان مينفضحوش
رضوان:ضحك …لا مستحيل حامل بي الحرام
راكان:يدخن وهوا سارح
رضوان:جت عينه في عين راكان…..متقوليش موافق؟
راكان:عندك حل تاني
رضوان:تي فوتها القصه كلها
راكان:كل يوم في تهديدات علي عيلتي والسفر لازم منه امك معش تتحمل
رضوان:لاكن ان…
راكان:خلاااص سكر الموضوع
رضوان:ناض وهوا متكنطي وطلع
راكان:شوفلي اسم عيلتها ياريت نكمل الموضوع قبل السبت الجاي لاني راجع لي طرابلس
رائد تمام
راكان:هي متبو شي
احمد:سلامتك ياحب
راكان:حط سلاحه في خصره ولبس الجاكيت وطلع
احمد:متخايلتاش يوافق
رائد:ان شاء الله منندمش اني قتله …خليني انوض للمستفى نحيبله الاسم ونجيك
احمد:نتلاقو

 

لطفي:كان حيله مهدود بسبب حمل هبه بنته وكل يلي يشوف فيه قدامه انها لازم تموت وبس

حاتم:تفضل يابوي الشاهي
لطفي:معنديش نيه
حاتم:كلمت خطيب يلي ماتتسمه فركشت معاه
لطفي:قالب وجها ويشبح فوق
حاتم:وبعدين كلمت العرب يلي طلبو مسره وخليتهم يقدمو موعد الفرح خليها تتسهل
لطفي:ناض وقف …خليهم يسرعو في الزواج قبل ما الحرام يكبر في بطنها اقتلوها وريحوني من الهم
حاتم:متخممش يابوي كله نسامحو عليه إلا الشرف
لطفي:لبس الجرد وطلع

هبه:راقده ع الفراش ومش قادره نتحرك قعدت نفكر شنو رح يصير فيا؟امتا رح يقتلوني وكيف ،؟ربي رح يعاقبني بي حاجه انا معنديش ذنب فيها ؟لالا مستحيل ربي عادل ميرضاش بي الضلم …بس رح نموت وانا حامل بي الحرام?حطيت يدي ع بطني شعور ان يكون عندك روح في بطنك شعور ميوصفش اقسم بالله تحسيه قطعه منك قداش خاطري نحميه من كل شي قاعد يصير بس يمكن لو نموت انا وياه افضل من ان يعيش ولد حرام?وانا بين هاذي التساؤلات خذاني النوم

رضوان:انت خوي وعارفني نبي مصلحتك
راكان:رضوان انت عارف اني منحبش ندوي هلبا عندي الف هم في راسي خلي الموضوع يمشي ع خير
رضوان:به مفكرتش بعد مخلاص تحصل يلي تبيه شنو بيصير في البنت وولدها؟
راكان:خلينا في الحاضر توا بعد عليك المستقبل شويه
رضوان:ربي يستر وخلاص

طووول الليل خوت هبه الزوز مرقدوش من التفكير وقلبهم محنش علي اختهم حتى شويه ميفكروش الا كيف يقتلوها ويستنو بي فااااارغ الصبر لان خايفين ينفضحو ?

اما سهيله محروووووقه علي هبه وروحت لي حوشها بسيف وهيا تبببببكي ومش عارفه كيف تساعد اختها

ومسره يلي ضاعت فرحتها بي عرسها وبدت مش عارفه تفرح ولا تبكي ع جنازة اختها يلي قربت

راكان:.وصله مسج من رائد فيه لقب البنت ووين تسكن …قعد طول الليل شادها دخان ويذكر في الحادث يلي صاير معاه ويفكر شن بيصير في حياته وكيف رح يقدر يحمي امه واخته وخوته من الناس يلي كان بخدم معاهم وكل يوم تهديدات

 

ثاني يوم:-

راكان:لبس وطلع هوا ورضوان لي حوش هبه ومش معروف شنو رح تكون ردة فعلهم

عند هبه:ناضت وفي بطنها مغص رهيييييب حست انها خلاص رح تفقد البيبي بس بعدين اختفى المغص وقعمزت ندعي لي ربي ياخدلي حقي

حاتم:استقبل راكان ورضوان وهوا معنداش خير علاش جايين بس لما عرفهم جايين من طرابلس دار معاهم واجب الضيافه

بنووتة الشيخ؛عاد ناس غريان معروفين بي كرمهم ياحليلي منهم??

جي عبد المعطي حتا هوا رحب بيهم وواخيرا فتح راكان الموضوع

راكان:بدون اي مقدمات انا جاي نخطب بنتكم ع سنة الله ورسوله
حاتم:شاف لي عبد المعطي…بس احني معندناش بنات عزابين وحده متزوجه ووحده مخطوبه والتالته ….
عبد المعطي:التالته مريضه بمرض خطير عفاكم الله
راكان:نبي نخطب هبه عارف ضروفها وراضي بيها
حاتم :بي صدمه…ضرووف شنو?
راكان:نحكي ع الحمل وافقو وخلوني نستر عليها خير من القتل والشهدره بين الناس
عبد المعطي:شد راكان من حوايجه….متقوليش انت صاحب العمله???
رضوان:بدون تفكير سحب السلاح علي عبد المعطي
راكان:نزل سلاحك رضوان
حاتم &عبد المعطي :مصدووووومين ??
راكان:شن قلت؟

عبد المعطي :جبد خوه حاتم ومشو لي بوهم يلي كان مقعمز قدام الحوش مع شوية شيابين ويلعبو في كارطه حكوله القصه وان راكان طلب هله وعارف انها حامل وشاكين فيه ان هوا يلي غلطت معاه وحملت منه

رضوان:رجع قعمز وهوا مضايق….مش كان هاجرت وخلاص
راكان:اي ونركب امك مع عبيد في فلوكه
رضوان:??تي لا خليني نهاجر انا وياك وتلحقنا امك بي الطياره
راكان:نعرف اكتر منك وحاسب لي كل خطوه نخطبها نبي كل شي يكون قانوني
رضوان:مش….

لطفي:السلام عليكم
راكان:وعليكم السلام
لطفي:شنو موضوعك ياولدي
راكان:موضوعي ياحاج حكيته لي ولادك نبي نتزوج بنتك ونستر عليها عندي حوش في طرابلس واهلي كلهم غادي ان شاء الله مره مره نجيبها تزوركم هنايا
لطفي:يساوي في الجرد متعه….لاعاد نبيها ولا نشوف وجها تعالا من بكرا خودها واقرا عليها الفاتحه
وضوان:??‍♂️
راكان :تمام في الموعد ان شاء الله

 

هبه:نحس في روحي دايخه وجعانه من امس مكليت شي شويه ونسمع في مسره خشت وتبكي
مسره:الحمد الله يا اختي ربي فرجها عليك??وتحضن فيها
هبه:مش فاهمه شي
مسره:جي خطبك وبكرا رح تتزوجو مش رح تموتي ياهبه???
هبه:مم محمود?؟
مسره:لا من محمود مبكري سمعتهم يهدرزو عليه راكان اسمه صح راكان اب يلي في بطنك
هبه:راكان؟?
مسره:بدت علامات الضحكه تختفي علي وجها وترتسم عليه علامات الصدمه….هبه اب يلي في بطنك منو
هبه:دموعها ينزلو
مسره:محمود؟من محمود هبه تكللللللمي
هبه:منقدرش?
مسره:هبه قوليلي انا اختك
هبه:مسحت دموعها …كل شي صار غضب عني محمد سلف سهيله?
مسره:سس س سهيله اختي?
هبه:اي
مسره:جت بتنوض شدتها هبه من يدها
هبه:لو قلتي حوش سهيله اختك رح ينخرب والحقير رح يتبلى عليها وانتي عارفه بنت سهيله بتتشرد بعدين ومش بعيد يقتلوها ويطلعوها تخون في راجلها
خافت مسره وقعدت مقعمزه ومش عارفه كيف تتصرف
مسره:راكان منو هادا وعلاش يبي يتزوجك؟
هبه:الله اعلم مسره ونبي اميه نحس في روحي بنموت

تسريع_في _الاحداث

طول الليل وهبه ومسره مغمضتش ليهم عين وهما يفكرو منو هاذا وليش يبي يتزوجها
اما سهيله كانت فرحانه ان اختها مش رح تموت وتسحابه هوا يلي اعتدى عليها ?

ثاني يوم:-
ناضت هبه غسلت وجها وجابتلها مسره سروال وبلوزه وعبايه شوية مكياج تخفي بيه الضرب يلي في وجها وجت سهيله تسلم عليها وتودع فيها

اما راكان قري الفاتحه وتم كل شي علي هبه وبعدها ركب السياره وهوا يشتنى فيها

طق طق طق
مسره:تفضل
حاتم:اطلعي راجلك يستنى فيك
هبه:طلعت وانا نرعش نتخيل في منضر راكان هادا عجوز كبير او واحد يخوف جت في بالي هلبا تخيلات لين وصلت في الباب وشفت بوي وخوتي مشي لي بوي وطلبت منه السماح وانا نبكي

 

هبه:سامحني يابوي انا والله مليا ذنب في يلي صار كله ?
لطفي :لو تبيني نسامحك معش توريني وجهك
هبه:خوتي كانو رافضين حتا يشوفو وجهي طلعت ركبت السياره وعيوني في الوطى مشفتش العريس قاعده

راكان:مبروك
هبه:قمت عيوني ونشوف شاب غزاااال شخصيه مقعمز جنبي مصدقتش روحي قعدت نشوفله وهوا يسوق تبارك الرحمن عليه جسم شكل لحيه شعر علاش متزوجني؟؟؟وطيت عيوني وانت نرعش مع بعضي لين وصلنا الفندق خشينا لي الدار ومحكيناش حتا كلمه

راكان:قعمز ع السرير وعيونه لوطه يفكر
فجأه تجيه هبه تبكي وتحاول تبوسله يديه ورجليه وتترجى فيه
هبه:بالله عليك????ورااااس من عندك غالي متقوليش نزلي يلي في بطنك والله منقدر نقتل قطعه مني وربي كل شي مني صار بي قصد منعرفش علاش اتزوجتني لاكن بالله عليك نترجاك….يتبع