رواية اغتصاب انقذ حياتي

الحلقة الحادية عشر

الدكتوره:وين زوجها؟
راكان:اءءاءانا
الدكتوره:الف مبروك بنوته زي القمر
راكان:كأن حد طعنه بي موس …ش شكرااا

هدى:يااروووحي انا بنوته اميد حلوه هيا نبي نشوووفها
شهد:ياحليلي انا نبي نشووف هبه شن صاير فيا
راكان:طلع برا المستشفى يدخن
رضوان:وقف جنبه…كنت عابي انها بتجيب ولد صح؟
راكان:هز براسه بمعنى اي
رضوان:به توا كيف يصير؟
راكان:ولا شي البنت رح نكتبلها العماره يلي في الدريبي وهبه معرض الاثاث هكي نكوون ع الاقل ضمنت مصروفهم
رضوان:متردد…راكان في شي نبي نحكي معاك فيه
راكان:طفى الدخان وشاف لي رضوان…شنو
رضوان:يشهد الله اني مش راضي ع جوازتك من الاول ولا ع الحل يلي درته
راكان:سكر الموضىوع
رضوان:خليني نكمل ✋✋✋
راكان:حط يديه في جيوبه
رضوان:كلنا عارفين انك مراقب ومفيش حد يقدر يقتلك لانهم يبوك في مصالحهم لاكن مستعدين يقتلو اي حد قريب ليك باش يضغطو عليك وحاولو يقتلو هدى وانت لي السبب هاذا تبي تسافر
راكان:وليش تحكيلي في قصة حياتي لي شنو تبي توصل؟
رضوان:قتلو ولدك ياراكان….وتوا كلهم يسحابو البنت يلي داخل بنتك ورح يحاولو يقتلوها
راكان:شاف لي رضوان بصدممممه
رضوان:مفكرتش فيه شي زي هاذا؟!!!!
راكان:تلفت ….خليني نسافر ويقتلو يلي يبيوه
رضوان:عندك عادي؟
راكان:شكلك نسيت منو انا
رضوان:في بالي راكان يلي ميحبش الضلم اما راكان الاناني ويلي شغله فوق كل شي نسيته
راكان:خليك مدكره يكون احسنلك….وخش للاستعلامات
رضوان:حط يديه في جيوبه وضرب الدخان الطايح بي رجله وخش

هبه:??????
شهد:الله عليك نكد ?…به توا فهميني انتي علاش العياطات
هبه:?تمنيت اني معاي في اللحضه هاذي
هدى:ياعمري خلاص هدي روحك…شهد جيبي اميه
شهد:طلعت من الغرفه

راكان:واقف ع الاستعلامات متع المصحه ويخلص فيهم ورضوان متكي ع الحيط يلي جنبه
رضوان:شاف شهد ماشيه ….هي هي وين ع خير
شهد:مدخلكش?….وطلعت
رضوان:لحقها
راكان:هز براسه بمعنى لا حول ولا قوه الا بالله?

رضوان:جبد شهد من يديها….تعالي جاي نكلم فيك
شهد:نحت يدها بقوه…..شنو يلي تبيه مني
رضوان:وين ماشيه
شهد:بنجيب اميه وحجات لي هبه من المافي متع المصحه غيره؟
رضوان:خشي تو نجيبهم انا
شهد:وعلاش معنديش رجلين ولا كيف
رضوان:قتلك خشي الدنيا ليل
شهد:وك عليا من يلي خايف عليا
رضوان:خشي
شهد:حت بتمشي شدها من يدها
شهد:قامت عيونها فيه
رضوان:دخلي شعرك سلم بنتي
شهد:متقوليش انت شن صايرلك اليومين هادم قاعده مش ناسيه عملتك اولامس ره
رضوان:مسح علي خدها…منو قالك نبيك تنسي
شهد:??
راكان:رضواااان
رضوان:هيا خشي
شهد:خشت وهيا وجها ميتفسرش

 

هدى:ايوا اني
صبريه:شن صار معاكم
هدى:بخوف وتردد..الحمد الله جابت وصحتها كويسه
صبريه:بنت ولا ولد؟
هدى:ب بنت?
صبريه:سكرت بدون متتكلم ومدت التالفون لي ام احمد
هدى:ربي يستر?…ورجعت لي هبه

ام احمد:ها ان شاء الله خير
صبريه:تنهدت وقامت حاجبها….صار يلي كنت خايفه منه
ام احمد:علاش شن فيه؟
صبريه:ناضت لدار بدون متحكي

طق طق طق
شهد:فتحت الباب
رضوان:هاك …ومدلها كيسه
شهد:شدت الكيسه ورضوان مسك يدها
شهد:شبحتله
رضوان:ضحك وطلع

شهد:هي نوضي كولي حاجه رضوان الخرا جاب حجات خفيفه انا بنمشي الحمام
هدى:به
شهد:طلعت
هبه:نبي نشوف بنتي علاش مجابوهاش لاتوا
هدى:غير نوضي توا اشربي حاجه ضروري تاخذي سوائل
هبه:منرتاحش لين نشوف بنتي ياهدى??
هدى:عير اهدي تو نطلع نجيبهالك
هبه:هدت شويه وشربت اميه

الممرضه:لو سمحت
راكان:تفضلي
الممرضه:نبيك تجي معاي توقع علي ورقة الحضانه متع المصحه لان البنوته محتاجه تقعد لابكرا في الحضانه
راكان:ضروري انا؟
الممرضه:مش حضرتك بوها ?…ولا انا غالطه؟
راكان:تنهد …تمام
الممرضه:مشت ووراها راكان

شهد:واقفه في الحمام ومضااايقه ..بديت نحس بي حاجه غريبه اتجاه رضوان ?معش نتقزز منه الحقير بدي يعجب فيا وهوا منعرفش ليش تغير معاي للاحسن تمنيت لو قعدنا نتعاركو 24ساعه وميصير بينا ولا حاجه اففففف ياربي

الممرضه:شفت البنوته يلي ع اليمين اخر وحده
راكان:اي
الممرضه:هاذي بنوتك الف مبروك
مدت الممرضه ورقه لي راكان وراكان وقع
راكان:قعد معلق عيونه في البنيه ويشبحلها قداش صغيرونه وكيف تثاوب عسللل اذكر لما حضن ولده بفرح اول مره
ومن لما توفى ولده ابتعد ع كللل طفل يلقاه جرحه كبببببير وكأن بنت هبه جت عشان تخاي جرحه ينزف او اداويه ❤️مقدرش راكان ينحي عيونه من عليها بس ميقدرش يقرب عليها ويمس يديها الصغيره لان خايف ع قلبه يتعلق بيها ?

هدى:انت هنايا
راكان:اي شن في
هدى:هبه تبكي وقالبه الدنيا تب بنتها
راكان:قلها بكرا يجيبوهالك توا في الحضانه
هدى:شافت للحضانه ….تي وحده فيهم?
راكان:اشرلها بي عيونه …هذيكا
هدى:ياعمررررري عسسسسل شوف مصغرها راكان
راكان:شبحلها وبتسم
هدى:راكان بالله عليك تعالا معاي كلمها يمكن تهدا
راكان:مفيش داهي تو تدهش من البكي وترقد انا مروح ورضوان بيقعد معاكم
هدى:لاكن مش …هبببببه???
هبه:لابسه روب المستشفى والتغديه في يدها وطالعه تمشي بشويه ومعاها الممرضى
راكان:شبحلها بصدمه ?
هدى:شن طلعك
الممرضه:اصرت تجي تشوف بنتها
هبه:مكانتش تشبح في ولا حد حتا راكان منتبهتش لي وجوده تشوف للحضانه وتبكي ….وينها بنتي
الممرضه:خشت الحضانه وتشوف في الحدايد يلي لابسينهم الصغار لين وصلت في وحده مكتوب عليها هبه لطفي خذتها الممرضه وطلعتها لي هبه

هبه:نهاااتترت بي البكي لين طاحت وساعدتها هدى والممرضه قعمزوها علي الكرسي
هبه:شدت بنتها وتبكي …ياعمري انتي ياقلبي اخيرا جيتي ?خفت يصيرلك شي ياقلب امك انتي مش مصدقه انك في حضني….وحاطها خدها علي خد البنوته ومره مره تبوس فيها بشووويه
راكان:يشبحلهم من بعيد ومتأثر
هبه:شدت صبع بنتها الصغيرون….نوعدك نحميك من كللل شي وندير جهدي معاك عشان متنقصك ولا حاجه يا ضي عيوني انتي❤️
هدى:شنو تبي تسميها
هبه:اسمها جاي معاها ..نور❤️يلي رح تنورلي حياتي
الممرضه:هي خلاص مدام اطمنتي عليها بنردها الحضانه وبكرا تستلميها وتطلعي
هبه:باست نور علي راسها وعطتها الممرضه
راكان:طلع من المصحه وقلبه يتوجع

 

هبه :رجعت لي غرفتها عشان ترتاح لانها هدت بعد شافت بنتها❤️هدى مقعمزه جنبها وتتكلم مع حبيبها مسجات

شهد:مقعمزه قدام الدار وتحكي مع خوها
حسن:بي اذن الله الاسبوع الجاي مروحين
شهد:ع خير ان شاء الله مبكري هدرزت مع امي وقالت اول متروحو بنحولو علاش؟
حسن:مش عارف هكي معادش طايقه تروحله الحوش
شهد:به تمام مهم دير بالك عليها
ولد:بست يا حلو
حسن:ان شاء الله اسمعي
شهد:ناضت وقفت …نعم
الولد:جي جنبها…عارف مش وقتها وفي نصحه لاكن مقدرتش نشد روحي الحق جمالك جدبني
شهد:استغفر الله?….حسن منسمعش فيك
الولد:منو هادا حبيب القلب …به عيو اسمعي خوذي الرقم و ……….بوووم
شهد:تتلفت تشوف رضوان يضرب في الولد بغل غله وخشو الشباب يلي يحرسو في راكان ورضوان رفعو سلاحهم يسحابو ان الولد تعرض لي رضوان وخشت بعضها في المصحه وشهد مصدوووووومه والولد مسكين فتح عيونه من الضرب لقي الف واحد فوق راسه رافع السلاح عليه قريب دارها تحته??

جي امن المصحه وقعد يحز فيهم وتفاهمو مع الشباب يلي مع راكان ونحلت لاكن قعد في توتر في المصحه
رضوان:خشي لي امها الدار معش تطلعي
شهد:وشن دخلي اناااا
رضوان:كلمه هيااااا خشي?
شهد:خشت لي الدار وهيا خلاص مش قادره توقف ع رجليها من الخلعه

هدى:شن صاير?برا
شهد:خوك تعارك مع واحد
هدى:شن صار
شهد:شن بيكون صار يعني خش جيش كامل سحنو الولد سحن مسكين
هدى:??
هبه:وجها داااابل وتاعبه…وين راكان
شهد:منديرش عليه مشفتاش برا
هبه:سكرت عيونه وعرفت ان خلاص هاذي النهايه البيبي وجاباته والورق متع راكان رح يحصله وبيختفي من حياتها قررت بينها وبين نفسها اول متطلع من المصحه رح اطلع فكرة راكان من راسها وتركز علي بنتها وبسس صح تمنت يكون راكان راجلها جديات وسندها لانه شافت فيه كل صفات الرجوله لاكن مهما كان يقعد اسمها حملت بي الحرام?

هبه:وجعتني بنتي انها رح تربى بلا اب ولي دقايق قلت يااريتني نزلتها من الاول بس تعودت من الشطان يمكن خيرتي فيها البنوته هيا ورح ندير جهدي عشان نكون ليها الام والاب

طق طق طق
ام احمد:فتحت الباب …جيت ?الف مبروك قتلي هدى بنوته زي العسل
راكان:الله يبارك فيك وين امي ؟
ام احمد:داخل ع الصالون
راكان:خش بي خطوات واااثقه باس يد امه وقعمز جنبها

صبريه:يوم قتلك او تجي بنت شنو يلي بديره مجاوبتنيش واهو جت البنت كيف رح تتصرف توا
راكان:رمضان ع الابواب مزال اسبوع بس ونحنا ان شاء الله رح نسافرو بعده
صبريه:هبه وبنتها؟
راكان:تعبت وانا نعاودلكم اني رح ناخذلها حوش بروحها ونكتب للبنت حجات بي اسمها عشان مستقبلها يكفي هكي
صبريه:نصدمت من رد راكان توقعاته رح يحن علي هبه وبنتها
راكان:وبي المناسبه سألت عاي ايهم بي التفصيل وبنسبه ليا انا عاجبني وبنتك تبيه
صبريه:سكتت
راكان:بنتك لو وافقتي رح تاخذ الولد يلي تبيه وتسافر تعيش حياه زي الناس
صبريه:ساكته
راكان:ها شن رايك؟!
صبريه:الكلام كلامك نعرف الراي يلي تاخذه ديمه مناسب
راكان:كويس معناها فرح هدى بعد العيد وبعدها نسافرو
صبريه يصير خير
راكان:يالله متبي شي؟
صبريه:ربي معاك
راكان:طلع
صبريه:قعد يأنب فيها ضميرها لانها عارفه هبه وبنتها رح يعيشو في خطر مدام يحملو اسم راكان حتا او اطلقو ?

 

طق طق طق
هدى:ادخل
رضوان:يالله مدام هبه راقده تعالو تعشو جبتلكم حجات
هدى:اي والله جعانه
شهد:مخاطريش انا خلوني
رضوان:قرن حواجبه ….اطلللعي قلت
شهد:ناضت وهيا متنرفزه
تعشو ورجعو للغرفه مع هبه

ثاني يوم:-✨✨

كانت هبه لابسه قفطان ابيض وطالعه تهبل ضاريه مع بعضها وشاده بنتها في حضنها وفرحانه

رضوان:هي شنو خلاص حصلنا الخروج ره متبوش تروحو
هبه:اختفت علامات الضحكه علي وجها …وين راكان
رضوان:ارتبك ….اكيد علق في زحمة الطريق انتي عارفه الوقت هوا متع مدارس وخدمه
هدى:تغير في الموضوع …هيا ياقلبي وقت نوضي
شهد:شادا الشناطي…وين السياره؟
رضوان:غمزلها تعالي معاي ?
شهد:طلعت وراه….صبرك يااااارب?
هبه:بدت تلبس بشويه عليها وخذت بنتها وطبعا هدى ساندتها

شهد:حطت الشناطي في السياره
رضوان:اتكا ع السياره وضحك ….يعني متبيش تعترفي ان عاجبك الجو معاي؟
شهد:وشنو يلي مخليك واثق هكي ياحليلي
رضوان:معش بديتي اطولي في لسانك زي قبل و ….خير حنين
حنين:رضوااان اهلينن …ونحت النضارات….شنو ادير هنايا
رضوان:مرت خوي جايبه والله
شهد:?
حنين:الف مبروك يتربى في عزكم
رضوان:تسلمي
حنين:يلا نتلاقو باي
رضوان:سلام?
رضوان:الضحكه ع وجها …عيرك بتموتي انتي
شهد:لا بنموت ولاسو الاسبوع الجاي مروحه وبنرتاح منك وبترتاح مني ويلي صار بينا اولامس رح نعتبره حقاره وصياعه منك ووخر من طريقي ..وجت بتمشي شدها
رضوان:يتكلم بجديه….انتي عارفتيني مش انا متع الصياعه والدوا الفارغه يلي تحكي عليها
شهد:تشبحله…بو مكنتش هكي شن تفسير يلي درته ؟
رضوان:انا بروحي مش عارف بس مل يلي نعرفه ان في شي حلو حاس بيه معاك ومش قادر نوصفه رغم انك ….
هدى:رضوان:خيرك واقف
رضوان:نستنو فيكم هي اركبو
شهد:قلبها خلاااااص لاعارفه روحها تفرح ولا تتحطم?

هبه:طوول الطريق وانا عيوني في نور بنتي ومش مصدقه روحي الله علي الشعور اللله❤️❤️❤️❤️❤️❤️لين وصلنا ورضوان ينزل في الشناطي والحجات طبعا معطلتش في المصحه لاني جبت طبيعي ومعنديش مشاكل الحمد الله ❤️

هدى:اركبي وهاتي البنوته نركبها انا
هبه:استني نخش نسلم علي عمتي قبل
هدى:عارفه ان امها رح ادير لقطه اخي ?…مش ضروري ياقلبي ارتاحي قبل وهيا تركبلك
هبه:متجيش هيا الكبيره❤️وخشت

ام احمد:روروروروي الف الحمد الله ع السلامه حبيبتي
هبه:الله يسلمك
ام احمد :تبارك الرحمن ع العوينات مشاء الله لونهم محلاه زي هبه وراكان
صبريه:قايمه حاجبها …عيون ولدي مش زي حد
ام احمد:?خلي نجيبلك الشربه متع الخضار طيبتهولك واتيه
هبه:تسلمي ….كيف حالك ياعمتي
صبريه:بخير من ربي
هبه:مصدومه كيف صبريه تغيرت معاها?….عمتي هاذي بنتي شوفيها
صبريه:وليش بنشوفها قلتيها بلسانك بنتي مش بنتنا
هبه:وقفت متجمده وخاطرها مكسور …ادخل رضوان يغير الجو
رضوان:ياحليلي طالعه طرف من هيا صغيره امالا لما تكبر كيف ?
هبه:ضحكت بوجع وشهد وهدى ضحكو
رضوان:حطلها فلوس في البطانيه وباس راسها
هبه:شافت لي رضوان ….ربي يسعدك ويجبر بخاطرك
رضوان:ولوو?….رضوان كان خاطره يقول هاذي حبيبت خالها بس امه والحو يلي صاير منعه من الشي هاذا?

ركبت هبه لي شقتها بي مساعدة هدى وشهد رتبت احوالها ونضفت روحها وكلت من الشربه يلي دارتها ام احمد لين جت الساعه 10في الليل :-

هبه:رضعت بنتها وهيا فرحانه ورقدتها ع السرير سمعت صوت راكان خش?يلي مقاللهاش حتا مبروك قعدت هبه في الدار ترتب في اغراض بنتها يلي جابهولها رضوان

طق طق
هبه:تفضل
راكان:اسف بس بناخد حوايجي
هبه:اها اميد تفضل
راكان:خش وهوا يتفحص بعيونه كأنه يبي يطمن عاي صحت هبه وبنتها قعد راقف في الدولاب ويطلع في حوايجه
هبه:واقفه ورا راكان واطبق في الحوايج…ع فكره انا بخير
راكان:راكان قعد ساكت شويه بعدين تكلم….ليش شن فيه
هبه:ولا شي بس كله بي فضلك صحيت ع مل شي درته ع خاطري
راكان:مدرت شي بدون مقابل انا
هبه:يكفي ان حسيتني وراي راجل وطول المده هادي محسيتش بي الخوف?
راكان:طلع من الدار بدون ميحكي

هبه:رقدت جنب بنتي ودموعي ينزلو ?

 

شهد:مقعمزه بروحها وتفكر…شن قصده الخرا هوا بي كلامه زعما يلعب؟؟؟؟….لالا رضوان نعرفه صح دراه كبد بس مش متع نساوين …المشكله بنرووووح ونبي نريح قلبي الحقير هوا خلاني نحبه??

طق طق طق
راكان:فتخ الباب
هدى:تفضل راكان هاذا عشي هبه
راكان:خشي
هدى:امك تبيني جنبها ومتبيش نقعد مع هبه قالبه وجها عليها من لما روحت هيا وبنتها مهم عطيها عشاها
راكان:تمام …..وسكر الباب

خش راكان لي الدار ورافع الصونيه يشوف هبه اطبق في حوايجها وتستف فيهم في الشناطي
راكان:لا وين؟
هبه:بدون متشبحله…حوش بوي مهمتك ومهمتي كملو بنمشي غريان ونربي بنتي بروحي وانت ربي يسهلك في سفرك
راكان:…يتبع

الحلقات الجايه +18????