رواية اختطاف

الحلقة السادسة

صقر:بعد من عليها وجي بيطلع وهوا يقول في سره خلاص درت يلي عليااا بس صوت سمر كيف تبكي مقدرش يخليه يطلع قعد واقف في النص بين انه يخليها وهوا دار يلي عليه ولا يرفعها معاه ؟!.اخيرا تشجع وطلع من باب المصحه وكان مالك مقعمز يمسح في فمه يلي ينزف بسبب ضربة صقر

صقر:ركب سيارته وولعها وعيونه ع المصحه هز راسه يمين ويسار يبي يطلع سمر من راسه وخر السياره وجي بيطلع وفي لحضه قلبه قرصه علي سمر ورجولته وضميره مسمحولاش يروح تنهد ونزل يجري من السياره واول مرجع لي سمر لقاها طايحه وتبكي وتترجه في الممرضات يدخلوها بس بدون فايده

صقر:مسكها من يدها….خلاص توا نوض معاي وتو نلاقو حل
سمر:بوي هادا ياصقر كيف يخليني???
صقر:خلاص اهدي قتلك توا ارتاحي وبكرا نديرو حل
سمر:شافت لي عيونه
صقر:خلاص عطيتك كلمه انا….نوضي هيا
سمر:مسحت دموعها وناضت وهيا مستنده عليه
وقعدو يمشو لين طلعو من المصحه وتجي عين سمر في عين مالك وتفقد شعورها مشتله تجري قعدت تضرب في وتعيط كللللله منك كلللللله منك ومالك يبعد فيها لين ادخل صقر وشدلها يديها الزوز بس قعدت تحاول تفكهم وتهجم ع مالك من جديد
صقر:شاد يديها الزوز بي يد وحده واليد التانيه قامها بيها وركبها السياره دخلها وسكر عليا وركب حتى هوا

سمر:????حسبي الله ونعم الوكيل فيه الحقير
صقر:اهدي
سمر:طووول الطريق وهيا تبكي بعبرتها

منال:طلعت من غرفت المصحه…عفوا شنو الدوشه يلي كانت في الممر ؟
الممرضه:والله منعرف بنت تعيط بس السبب الله اعلم
منال:تمام هيا بابا
ميلود:يمشي شوي شوي لين طلعو من المصحه ركبو مع ولد عم منال ووصلهم للحوش وبدت عاد الزحمه بتحمدو ع سلامة بوها ويحاولو يفهمو القصه طبعا في ضرف يوم بس انتشرت قصة سمر يلي هربت مع ولد وخذو من بوها فلوسه ?وميلود مش قادر يقيم عينه في حد لان كان مدلعها هللللللبه

سمر:نزلت من السياره واول مخشت الحوش طاحت وبدت تبكي بشكل هستيري وصقر واقف ومش عارف كيف يتصرف
لين بدت سمر تخبط علي وجها بدون وعي ادخل صقر شدها بي يديه الزوز ع راسها

صقر:حطي عينك في عيني واسمعيني كووووويس
سمر:وقفت بكي لثواني وقعدت تشبحله
صقر:بجديه…..بووك رح يعرف الحق وبترجعيله سوا توا ولا بعد وقت فاااااهمه زي ما واعدتكم نطلعك من هنايا ونرجعك ع طرابلس المره هادي نوعدك بوك يفهم كل شي وترجعو زي قبل فااااهمه!
سمر:هزت راسها وبدو ينزلو دموعها بلا صوت وبمجرد ما نحى صقر يديه من علي راسها حضناته❤️وهيا تبكي بشويه
صقر:من كثر منصدم قعد جامد في مكانه
سمر:تبكي
صقر:مسك يديها الزوز بعدهم من عليه…نوضي ارتاحي في الدار توا والصباح رباح
سمر:نار والعه فيا مش قادره?
صقر:نوضي دوشي وحاولي ترتاحي ع الاقل
سمر:ناضت شوي شوي خذت حوايجها وخشت للحمام
اما صقر عقله مشوووش كيف دار هكي ورجعها عنده وكيف رح يثبت لي بوها ان البنت مضلومه؟والاهم من هادا كله شن خلاه يوقف معاها؟؟!!

غسل وجها يلي كان سخوووون واحمر من لما حضناته سمر وهوا مش متعود ع الحجات هيا وفي نفس الوقت مقدرش يهزبها ولا يدير حاجه لان كان واضح عليها تبي حد يسندها

في نفس اللحضه اذكر كيف حضناته وادكر اول مره خش لي الدار وشافها وكيف تترجى فيه يهربها وكيف طاح عليها?وكيف كسر باب الحمام ولقاها طايحه مسح وجها بي يديه وناض

?روايات بنووتة الشيخ.اروى الطاهر المسلاتي?

منال:بعد مروحو اقاربها كلهم حاولت تتصل بي خطيبها اكتر من مره مردش لين اخر مكالمه رد

وليد:ايوا
منال:وليد فهمني شن الكلام يلي قلته في المصحه ؟
وليد:كلامي واضح يامنال وعطيتك ذبلتي وهاذا الشي زاااد وضحلك
منال:نزلو دموعها ….شن تقول انت مزال شهرين علي عرسنا بس?حوشنا كل زاويه فيه ع دوقي بتاتي كلللله واتي
وليد:عرس شنو واختك دارت العار بالله عليك بالك تسحابي كان انتي قريبتي خلاص منقدرش نفسخ
منال:تبكي….هاذا حبك ليا هكي؟؟؟
وليد:تنهد….مننكرش اني حبيتك وهلبااا زياده لاكن حتى انا نفكر في مستقبلي ورضاء امي
منال:خيره مستقبلك وشنو يلي يرضي تمك فهمننننني
وليد:مستقبلي مناخذش وحده اختها وطت راس عيلتها مرات السر يضرب حتى فيك انتي وامي من لما سمعت القصه طلبت مني نفسخ اصلا سيرتكم ولت ع كللللل لسان راهو
منال:تبكي بحررررقه….انا متأكده اختي مديرش هكي وفي غلط صااااااير
وليد:والله مشكلتك هذيكه اقعدي عايشه في الاوهام
منال:قلبها زاااد انكسر وتقطع….حسبي الله ونعم الوكيل فيك ياوليد انت وامك وان شاء الله تلقووووووه????
وليد:فوتيه الكلام هوا وبري حتى انتي شوفي نصيبك هاذا كان لقيتيه واخطيني ….سكر الخط
نهااااارت منال بي البكي حب سنين وحلم زواج ضاع في لحضه

سمر:طلعت من الدوش وخشت لي الدار بدون متتكلم اول محطت راسها ع المخده طوووول رقدت بسبب التعب ومن كتر البكي

صقر:خش حتى هوا دوش وجي فايت لي الصاله مر من جنب الدار وكان الباب مردود شاف سمر وهيا راقده تنهد وسكر الباب ?

ترن ترن ترن
صقر:نعم
عمران:تي وينك
صقر:شن تبي?
عمران:فوتها الدسكه هيا صقر مهما كان حني في نهايه صحاب قصدي متوقفش ع موضوع زي هاذا كان البنت قاعده عندك جيبها نزردو فيها وننسو يلي صار خلاص ره حتى بوها معادش قابلها
صقر:ودين ربي يازامل انت وياه يوم نشوفك في الطريق انت ولا واحد من جماعتك ورحمت الغالين إلاما نفترشكم واحد واحد
عمران:بلع ريقه….تي علاش الدوه هيا متصل بيك باش نحلو الموضوع حني
صقر:منبيش خلي كل شي مسكر ومتقربش جيهتي ولا عاد تكلمني خير منقلب ام الدنيا ع راسكم…سكر الخط

فات الليل. طوووووويل
ع منال يلي نصدمت في خطيبها وحب حياتها وعرسها يلي مصارش منه

علي صقر يلي مصدوم في روحه كيف رجعلها وخذاها وكيف وعدها بي حاجه هوا مش عارف كيف يديرها

علي سمر يلي من كثر صدمتها وبكاها مكانش حاسه بي الدنيا بكككككل ورااااقده

علي ميلود:يلي قلبه محرووووق علي بنته وبسببها جاته الجلطه لولا الفيديو كان مصدقش ان بنته ادير حاجه زي هكي معش قادر يطلع لي الناس وخشر الاسهم متعه في الشركه?طووول الليل يفكر شنو بيدير لين خلاص قرر يبيع كللللل شي عنده هنايا ويرجع لي لندن هوا ومنال

ثاني يوم:-
سمر:فتحت عيوني وكان كل شي مضبب قدامي بديت نقيم في راسي ع المخده شوي شوي لين وقفت وحاسه ان راسي رززززين طلعت من الدار وشفت صقر في المطبخ

سمر:صباح الخير
صقر:شبحلها..صباح النور
سمر:قعدت ساكته
صقر:اءءء تعالي ت تعالي افطري
سمر:معنديش نيه
صقر:لا عاد تعالي كولي منبيكش اطيحي في الجديد ونكسر باب الحمام كيف صلحته فكيني
سمر:بدون شعور طلعت منها ضحكه
صقر:تعالي انا فطرت
سمر:قعمزت ع الطاوله
صقر:وقف قدام المطبخ وبدي يتمرن
سمر:شدت الفنجان وتشبح لوطه…صقر
صقر:عيون في التمرين…ها؟
سمر:شبحتله….بتساعدني صح؟الوعد يلي امس بتوفيه؟
صقر:شي اكيد
سمر:ابتسمت …حاليا انا معنديش غيرك ره
صقر:خش في بعضه وبدي يقوي في التمرين ومعش تكلم
سمر:قتلك من قبل منكلش في الدحي عندي حساسيه منه
صقر:افتحي الثلاجه خوذي شنو تبي
سمر:فتحت الثلاجه وطلعت خيار وطماطم وزيتون
قرضتهم وطلعت مربى وقعدت تاكل ..
صقر:شبحلها…تو بالله هادا فطور
سمر:ههههه خيره
صقر:طماطم وخيار وزيتون تي هادم ناكل فيهم مع كسكسي بي البصله
سمر:قعدت تضحك
صقر:عليك نفخ بنات وخلاص
سمر:قعدت نشبحله كيف يتمرن ومبتسمه متوقعتش يرجع ياخذني ويتكفل فيا بجد مش طبيعي الشخص هوا

منال:تفضل بابا دواك
ميلود:خذي الحبه وشرب اميه
منال:صحتين
ميلود:خيرك؟
منال:خيرني؟؟؟
ميلود:واضح فيك شي
منال:قعمزت جنبه….بابا انت وانا عارفين سمر كويس مستح……..
ميلود:معااااد تذكري حتى اسمهاااااا
منال:لاكن مش….
ميلود:منااااال خلاص
منال:حاضر …بس في شي لازم تعرفه
ميلود:شنو
منال:وليد امس فسخ ومعش يبي يكمل
ميلود:نزل عليه الخبر زي الصاعقه
منال:تبين انها قوووويه…بس طز فيه يلي سيبني ع خاطر كلام الناس واحد تافه والحمد الله يلي طلع ع حقيقته من الاول
ميلود:بلع ريقه….بعد اسبوع رح نسافرو
منال؛وين؟
ميلود:نرجعو لي لندن يا بنتي خلينا نبدو من جديد
منال؛وسمر يابابا منعلمووووش بيها حتى وين كيف هكي
ميلود:وقف وعطاها بي ضهره …معادش نبيها
منال:لاكن ….
ميلود:نزلت دمعته….خلاااااص اخر كلام هادا من هني لين يتم الاسبوع رتبي تمورك لي السفر
منال:ان شاء الله…حطت كوب الميه وطلعت من الدار..اول مسكرت الباب بدت تبكي

صقر:مقعمز يحاول يتصل بي ادم عشان يشوفله حل بس الخط مشدس نهائي
سمر:قعمزت جنبه…شنو ادير؟
صقر:شي مقحم جنبك زي البنت لا خدمه لا قدمه
سمر:انت شنو تشتغل؟ووين اهلك ؟
صقر:عقد حواجبه….وعلاش ها الاسئله
سمر:شي بس هكي عادي
صقر:الهي في روحك
سمر:سكتت وهيا في خاطرها تقول معش فهمته كيف مره نحسه قاااسي ومره طيب

حسن:امتى طالعه طيارتك
مالك:الساعه 9لاكن وربي مسافر بي السيف
حسن:قام حاجبه….وعلاش؟!
مالك:نبي نربي الكلب صقر ونعلم عليه
حسن:منو الولد هادا يلي دار فيكم العار مش شايفه انا قبل
مالك:واحد منضره تقول مصارع وخلوقه في راس خشمه
حسن:فوته توا مش ناقصنا مشاكل سافر خلي تهدا الاوضاع بعدين سافر
مالك:يصير خير …قولي بوي
حسن:شنو
مالك:مشت امورها الشركه
حسن:ابتسم …اكيد خلاص اسم ميلود معش ليه وجود معت المحامي اليوم بيسكر الحساب توا ندور في شريك جديد وطبعا رح تكون الاسهم متعي اكتر يعني تقدر تقول الشركه ليا
مالك:بتوفيق وريهم الصح

الساعه7المغرب:—
صقر:فتح الباب وخش وجايب معاه عشي من برا دخل الاكياس حطهم البار ….يااااا شن اسمها هياا؟؟الزح لتوا منعرفش اسمها

قعد صقر يوتي في الطاوله ويرتب في العشي وقعمز ….يااااابنت يابنتتتت
سمر:طلعت من الدار …نعم
صقر:قعد يشبحله ونزل عيونه….النمممم قداش مره بنكلمك علي لبسك شنو هادا يلي لابسه دين فيته
سمر:شافت لي روحها كانت لابسه قفطان حوش كمامه نص كم وع الركبه بي الزبط ….هاذا من الحوايج يلي انت جايبهولي مفيش غيره نضيف وباقي الحوايج معرفتش كيف نشغل الغساله ونغسلهم
صقر:الله يلعنك يا قيس يا معفن
سمر:شنو؟
صقر:كنت نقول كيف بوك بيزوجك وانتي منعرفيش حتى تشغلي غساله
سمر:قربت منه وقعمزت ….عادي نتعلم اهو انت موجود?
صقر:مصح وجهك?
سمر:ضحكت…ع فكره اسمي سمر
صقر:وشن بنديرلك?
سمر؛تاكل….انت من يوم جيت هنايا تنادي فيا يا انتي هييي يابنت
صقر:قعد ياكل وساكت
سمر:قعدت تشبحله وتبتسم
صقر:شبحلها وفمه معبي…خيرك؟?
سمر:لحيتك ملبزه
صقر:حط يده ع لحيته ملقي شي
في لحضه سريعه حطت سمر يدها ع لحيته ونحت طرف صغيييير من البطاطا كان عالق في لحيته…اهيااا
صقر:تنفس بعممق…وتصرف كأنه مدار شي
سمر:كملت ماكلتها وهيا مبتسمه

?روايات بنووتة الشيخ،اروى الطاهر المسلاتي?

الساعه11في الليل؛-

ع التالفون:—
صقر:وهاذا يلي صار
قيس:حي علي اممممه به توا كيف يصير في البنت؟
صقر:ادم عنده الحل بس من لما سافر معش قدرت نوصل فيه
قيس:بتستناه؟
صقر:منبيش نتصرف ولا ندير شي لين يكلمني
قيس:لا امتى بتقعد غايب ع الحوش به امكبتب ا تشك
صقر:تو ندير راي
قيس:تمام امالا
صقر:طير هي تو نكلمك …سكر الخط
قيس:تمام

سمر:وقفت جنب الصالون…صقر
صقر:ها
سمر:نبي نكلم اختي
صقر:تعالي قعمزي نبيك
سمر:قعمزت وقلبها يددق خافت يقلها خبر مش كويس
صقر: صاحبي عنده دليل ان مالك هوا يلي متورط في موضوعك مش انتي
سمر:الحمد الله???
صقر:بس توا سافر وقاعد مكلمنيش نبيك تصبري مرات المده اطول بس في النهايه لازم يكلمني ويعطيني الدليل عشان ترجعي لي بوك وراسك مرفوع
سمر:فرحاااانه…..اي اي اكيد
صقر؛مدلها التالفون…هاك مطوليش
سمر:خيتي سلمك…وناضت لي الدار تجري

صقر:قعد يشوف لي عضلاته….بي طولي وعرضي هاذا كله وتقولي خيتي سلمك عليك حصله حصلتها وخلاص ربي يستر ع الجاي ??‍♂️

منال:كملت صلاته وردت ع التالفون …الو
سمر:نزلو دموعها
منال:الووو؟؟!
سمر:نولتي
منال:لين طاحت ع السرير من الصدمه…سسسسمر سمر وينك??مدرتي شي انتي صح تكلمي سمر قولي يلي يحكو فيه الناس غلط بالله عليك???
سمر:انضلمت يا نوله?
منال:مسحت دموعهاوبتسمت…كنت عااااارفه احكيلي توا شنو صار
سمر:بدت تحكي

زكيه:فكنا ربي منها غضوا بنمشي نخطبلك
وليد:تنهد…منو؟
زكيه:نيروز بنت عمك مشاء الله جمال واناقه نبيها من الاول غير انت صكرت راسك علي هذيك العاهره
وليد:تنهد بوجع وسكت

منال؛به الحمد الله حتى لو طوالت المده المهم يبان الحق
سمر؛يارب…انتم امتى مسافرين؟
منال:الاسبوع الجاي
سمر:لازم تتواصلي معاي ونعرف مكانكم
منال:اكيد ولا يهمك المهم توا نديرلك حوايجك وحجات في شنطه ونبعتهولك
سمر:تمام ديري بالك ع روحك وع بوي?
منال:انتي ديري بالك
سمر:في حفض الله
منال:سلام

سمر:سكرت الخط وشويه وصلت رساله لي صقر وسمر نصدمممت …يتبع