رواية اختطاف

#اختطاف 15

سمر:حست بدوخه وشدت في رف معلق ع الحيط قعد الرف يميل والمزهريه رح اطيح ع راس سمر يلي تشوف لوطه وحاسه بي الدنيا دايخه بس بسرعه ملفت يد صقر ع خصر سمر وجبدهااا??
سمر:قامت عيونها فيه وكانت الصوره مش واضحه بس ريحته تأكد ان هوا صقر❤️
صقر:قامها وهوا متوتر وخصلات شعرها عليه حطها ع السرير ورجعلها الاكسجين

صقر:ارتاحي ارتاحي
سمر:متكلمتش سكرت عيونها وهيا خايفه تزيد تتعلق اكتر واكتر

مرت الليله طوووويله علي صقر وهوا مقعمز جنب سمر ومشاعره ملخبطه

وسمر:يلي تحاول ترقد عيونها مسكرات بس تسمع في انفاس صقر جنبهاوتراقب في تحركاته بي الصوت❤️

قيس:يلي مش قادر يتصل ولا يقرب اكتر من منال خايف تكون قاعده متعلقه بي حبها القديم بس في نفس الوقت مش قادر يبعد عليها

منال:يلي عالقه بين نارين ??تبي تقعد جنب اختها ومشغوله علي صحتها وبوها يلي مسره الحزن يحاول يبين انه قوي بس مش قادر وصحته نهارت بعد الجلطه وجرح خطيبها يلي معش يبرا ?

سالمه:تتقلب طوووول الليل حاسه ان في شي غلط اهتمام صقر بي سمر مش طبيعي بذات بعد سيب حفل خطوبته علي خاطرها

روان:هااايمه في العسل مع راجلها

ثاني يوم
بعد مجو خوت ميلود وخواته للحوش سلمو عليهم وودعوهم وقعد ولد خوه عشان يرفعه المطار
منال:تكر في الشناطي هيا شنو ياااابوي
ميلود:سكر الشنطه وطلع …هيا
حفيظ:هات عليك ياعمي….وقعد يركب في الشناطي

شاف ميلود نضره اخيره للحوش ياترا ممكن في يوم من الايام يرجعله؟!

صقر:افطري متحرقيليش دمي
سمر:للمره الالف مخاطريش
صقر:سممممر??تاكلي ولا نقلب الدنيا عليك
سمر:????
صقر:تغيرت ملامحه وهدت….متقوليليش خيرك وليتي زي العيله؟؟
سمر:مسحت دموعها خليني في حالي مش متحمله حد راهو
صقر؛مفيش طلوع لين تفطري هيا
سمر:خذت شوي بريوش وقعدت تاكل
صقر:شاطره

في المطار:—

ترن ترن ترن
منال:بعدت من علي بوها وردت….الوو
قيس:صباح الخير
منال:صباح الورد
قيس:صوت زحمه جنبك
منال:اي في المطار
قيس:حتى انا في المطار
منال:?ليش وين مسافر
قيس:ههههه لا بس جيت نشوفك
منال:تحشمت ..اهاا
قيس:وين انتي بزبط
منال…..انا

في نفس الوقت يلي كانت منال تحكي فيه مع قيس رن تالفون ميلود برقم غريب ومردش لين بعتله مسج استاد ميلود ياريت ترد ضروري

ميلود:الو
الشاب:الو السلام عليكم
ميلود:وعليكم السلام تفضل؟
الشاب:استاذ ميلود معاي؟!
ميلود:ان شاء الله تفضل ولدي!
الشاب :زايد فضلك معاك موضف من شركة Lam لتصنيع مشتقات البترول وعندنا مذا فرع لي مختلف المجالات
ميلود:بي استغراب …اهلين بيك اي اكيد شركتكم معروفه
الشاب:شكرا طبعا نحنا علي علم بيك وبي كل يلي صار معاك في خدمتك وبعد الاطلاع علي خبرتك قرر مدير الشركه يعرض عليك الخدمه معاه نستفيدو من خبرتك واكيد رح يكون عندك حصه وتعاود تبني روحك من جديد
ميلود:ابتسم …والله شن بنقولك انا توا في تلمطار والطياره شوي وتقلع
الشاب:اي تمام انا رح نبعتلك ايميل شركتنا ورح يتواصلو معاك لما توصل عشان نشوفو كيف رح نشتغلو
ميلود:تمام
الشاب:سلامات ….وسكر الخط

سمر:فطرت بعد عراكات ولبس حوايجها بعد مكتبولها خروج وطلعت مع صقر وطووول الطريق محكتش ولا كلمه ساكته بس

منال:سكرت الخط وقعمزت جنب بوها وقيس يتفرج عليها ويبتسملها
ميلود:منو كان يكلم فيك؟!
منال:اااه هاذي نسرين تطمن عليا قبل منركبو
ميلود:به كويس
منال:خيرك متكدر؟!
ميلود:تنهد….الحمد الله علي كل حال
منال:ع خاطر سمر صح؟!استاحشتها؟!ولا مشغول عليها
ميلود:بجديه….الاسم هاذا معاااد نبي نسمعه اختك ماتت واخر مره تجيبي سيرتها
منال:تنهدت بحزن وشافت قدامها جت عينها ع قيس
قيس:دارلها بااي من بعيد ….ابتسمت❤️

?روايات بنووتة الشيخ.اروى الطاهر المسلاتي?

سمر :نزلت من السياره وصقر جنبها لين خشو للحوش
بلقيس:حضنت سمر ….الف لاباس خيرك شغلتينا عليك
سمر:الله لايوريك باس حبيبتي
سالمه:طهورا ان شاء الله خشي رتاحي سلم بنتي
سمر:سلمك ياربي ….وخشت دار بلقيس

سالمه:جبدت صقر….شن فيها البنت؟!معقوله من امس في المستشفى ع خاطر فقر دم؟؟!
صقر:اي لقو الحديد نازل وهكي خلوها في الملاحضه
سالمه:حشمتني قدام الناس امس كيف العريس يروح اول واحد
صقر:اممي خذيت بخاطرك وخشيت لبستها خلاص تربحي خليني تاعب من امس مرقدتش
سالمه:ياروحي علي وليدي خش ارتاح مابين حطيت الغدي
صقر:لالا ماتنوضينيش خليني نرقد امتا منوض تو ناكل
سالمه:تنهدت…به

سمر:لانها كانت تاااعبه هلبا وطول الليل تفكر اول محطت راسها ع المخده رقدت طووول

منال:بعتت لي اختها مسج لان متقدرش تكلمها وركبت الطياره هيا وبوها ✈️✈️✈️✈️

##########

الساعه8في الليل :-
ناضت سمر صلت العصر والمغرب مع بعض لان فاتها وطلعت لي الصاله لقت صقر مقعمز ياكل وبلقيس وامها يشربو في القهوا دارت البرنوص ع راسها وخشت

بلقيس:تعالي اشربي معانا سمرر
سالمه:صحه النوم
سمر:سلمك عمتي?…وقعمزت معاهم
بلقيس:صبت فنجان قهوا لي سمر
سمر:خذت منه رشفه وشافت لي صقر يلي هااايم في الماكله وتالفونه
بلقيس:والله خساره ياريتك مشيتي معانا
سمر:شافت لي صقر…في العرس ان شاء الله
صقر:بلع ريقه ومقامش عيونه
سالمه:تالفونها شرين ….الووو حميده كيف حالك وحال الصغار …وناضت من جنبهم
بلقيس:تعالي شوفي الصور
سمر:خدت تالفون بلقيس وقعدت تتفرج ….هوا خش لبسها??
بلقيس:اي?
سمر:عيونها في التالفون….غريبه مقلهاش استري روحك
بلقيس:ضحكت …ههههه خطيبته هادي
صقر:شرب اميه وطلع
سمر:مدت التالفون لي بلقيس….ربي يهنيه ان شاء الله عقبال نفرحو بيك
بلقيس:ياااارب ?
سمر:شافت لي التلفزيون وقلبها يتقطع??

صقر:ايواا
عبدو:عاااش من شافك ياقرد لين مصدقتش عيوني لما شفت اسمك
صقر:تي والله عالق في الف حاجه
عبدو:شن يلي دكرك بينا ياصقر الصقوره
صقر:شي قلت ندير عكسه معاكم
عبدو:تعالا مقعمزي في قوة الرحيمي
صقر:تمام جايكم

?روايات بنووتة الشيخ.اروى الطاهر المسلاتي?

سمر:الوو
منال:سمورتي شن جو
سمر:وصلتو ياقلبي
منال:اي وعندي اخبار تجنن
سمر:ان شاء الله خير شنو
منال:بابا بعتوله طلب من شركه كبيره متع نفط وهكي يبوهم يشتغل معاهم ورح يكون مركزه كويس
سمر:الحمد الله فرحتيني????
منال:اي تعرفي رح يقعد شهر او ثنين هنايا بعدين بنرجعو ليبيا يعاود يفتح شركته الخاصه
سمر:الحمد الله يااااربي يفتحها عليه ?
منال:يااارب …وكملو هدرزه

مالك:شششششنوووو شنوشنً كككيف مفهمتش ؟!
حسن:طاح ع الكرسي وحيله مهدود
مالك:تكلللللم بوي فهمننننننني
حسن:زز ز زياد شريكي الجديد دخلني في مناقصه وضحك عليا ورطني في ديون حتى لو بعت الشركه مستحيل نسددها
مالك:هه تبصر ?تبصررررررر صح???
حسن:يفك في القرواطه متعه
مالك:قعمز ع الصالون ومش مستوعب….يعني توا شنو افلسناااا؟؟!؟
حسن:يبلع في ريقه البنك يلي تعاملنا معاه رح يحجزوع الحوش والشركه وكل ممتلكاتنا ضعنا يامالك ضعنا ياولدي
مالك:قعد يشوف لي بوه يلي فجأه تغير لون وجها وجي طايح
مالك:بوووووووي بوووي كلمووووو الاسعااااااااااف كلمو الاسعاااااااااف
مريم:ووووه علياااا حسن حسسسسن خيره يامالك?????????

صقر:روح للحوش بعد مشاف صحابه وهدرز عليهم
قيس:وين كنت
صقر:مع الاولاد في القهوا
قيس:اممم به مليح
صقر:خيرك مقعمز برا؟
قيس:فاد وكساد ونفخ
صقر:كساد ولا في شي تاني؟!
قيس:سافت اليوم اخت سمر
صقر:اهااا
قيس:لا عرفت نقدم ولا نوخر
صقر:خليها مع الايام
قيس:ان شاء الله
صقر:جي بيخش بس وقفه صوت قيس
قيس:حسب رايك مرض سمر وبكاها صبح وليل ع خاطر بوها؟!
صقر:تلفت وقارن حواجبه….شن قصدك؟!
قيس:يمكن البنت فيها شي احكي معاها
صقر:مفيها شي ومش ناقصها شي ورح ترجع لي عيلتها
قيس:ان شاء الله يكون كلامك صح
صقر:خش للحوش وهوا يفكر في تلقيحات قيس …خش لي داره وبدل حوايجه

طق طق طق
صقر:قلبه دق بقوه…تفضل
سالمه:روحت؟
صقر:خاب امله يحسابها سمر….اي ملياش هلبا
سالمه:هاك ولدي مبكري نغسل في حوايجك لقيت الزرف هادا
صقر:اذكر
قيس؛هاذا جاني واحد الصبح يسحابني انت وطلب يشوفك وقتها انت في حوش المزرعه المهم نفخهملي لين قتله انا خوه عطاني الزرف هادا وقالي وصلهولا

صقر: خليه ع الطاوله
سالمه:حطاته…تعشيت؟!
صقر:اي صحيتي كليت مع الاولاد برا
سالمه:به صحيحتين
صقر:سلمك
طلعت سالمه وطلع صقر يدور في الحوش شاف بلقيس مقعمزه تتفرج ع فيلم بس سمر مش جنبها رفعوه رجليه لي سمر بدون ميحس

طق طق طق
سمر:خشي بلقيس
صقر:فتح الباب …شن جو
سمر:رجعت شافت لي تالفونها ….تمام
صقر:قاعده تحسي في روحك تاعبه؟!
سمر:لالا احسن
صقر:قام حاجبه….به مليح
سمر:نزلت التالفون…حلوه خطيبتك ربي يهنيك
صقر:قلب وجها وسكر الباب
سمر:تنهدت بوجع

صقر:خش لي داره ومصدوم في روحه ويلي قاعد يصير معاه واهتمامه بي سمر ومضاااايق من يلي قاعد يصير لين حت عينه ع الزرف فتحه وطلع فيه فلاش وممري استغرب صقر لان مفيش حتا ورقه ولا اسم يلي باعته ناض قلب الدنيا ع اللاب توب لين لقاه وركب فيه الفلاش قعد يستنى ع نار لين نفتح الكمبيوتر ….خش ع الملفات وهني كانت الصدمه ….يتبع

 

error: