رواية اختطاف
#اختطاف 16
جت عينه ع الزرف فتحه وطلع فيه فلاش وممري استغرب صقر لان مفيش حتا ورقه ولا اسم يلي باعته ناض قلب الدنيا ع اللاب توب لين لقاه وركب فيه الفلاش قعد يستنى ع نار لين نفتح الكمبيوتر ….خش ع الملفات وهني كانت الصدمه لما فتح اول فيديو
مالك:المهم شباب الموضوع لو وافقتو عليه مضمون صدقوني وحصتكم رح تكون كبببببيره
ادم:مالك انا مفهمت شي عاودلي مستوعبتش
مالك:تي وااااك النم موضوع بسيط هوا عرسي الشهر الجاي تمام؟
ادم:به؟!
مالك:بناخذ عروستي وبنطير بيها ومش رح نخلي حد يتبعنا ع اساس ماشيين فندق بتعلقو علينا في الطريق وتكونو ملثمين ارفعونا لي استراحت صقر وبعدين تو نشوفو بوها ونساوموه
صلاح:به قداش بتطلب؟
مالك:والله ماني عارف بوي يبي ورق متع مناقصه ضرووري وانتم شوفو السعر يلي يعجبكم وحطوه
عمران:800الف
مالك:تي به مليح المهم تقيمو القدر بس
ادم:وانت كيف بتطلع منها؟!
مالك:ع اساس طلقتًوني انا وهيا خذيتوها الله اعلم شن صار فيها
صلاح:به البنت شنو منو بعدين شنو بيصير فيها؟!
مالك:تي معش بنشوف خليقتها بعدين خذوها ان شاء الله تبيعوها حتى بطرف نضمو اموركم فيها
عمران:شنو ادم مسمعناش صوتك؟!
ادم:مليح اي كان مفيش اعتراض ومشاكل عادي
صلاح:مزال صقر ومعتقدش يوافق
عمران:تو نقوله البنت هاربه مع مالك بي الحرام ونقنعه
مالك:تمام امالا خلي نروح توا ونتلاقو
ادم:سلامات ….وتم الفيديوو
صقر:مصدوم منو يلي يصور وعلاش وكيف؟؟!قعد يفتش في باقي الفيديوهات ولقي تسجيل صوت بي التاريخ
حسن:بما ان انتم حمير وخليتو البنت هربت مع يلي اسم صقر هاذا وهوا مسكر دماغه اسمعوني كويس
صلاح:ها شنو
حسن:رح تتفاهمو مع ميلود يجيب الفلوس والورق وتجيبوله بنته وتنبهو عليه يجي بروحه
مالك:وكان جاب الشرطه؟
حسن:يخاف علي بنته مش رح يديرها المهم اول ميجي خذو منه الحجات وعطوه مالك بعد متخلوه كأنه مضروب واول ميسأل مالك رح يقوله ان سبب الخطف هاذا كله بنته سمر هربت مع واحد صايع بعد متفقت ان يخطفهم وياخذو فلوس بوها ويهربو
مالك:تي مستحيل يصدق يابوي كيف هكي
حسن:اسكت خليني نكمل مبكري شفنا كميرات المراقبه متع الاستراحه وكيف طالعه البنت بي ارادتها فرحانه ركبت معاه السياره هاذا رح يكون دليلي كبير علي كلامك
عمران:به لما يرجعها لي بوها وتحكيله كل شي؟!
حسن:رح نفتحولهم الطريق عشان يخشو طرابلس ومالك رح يسبقهم ويعطي علم لي بوها ان الولد هرب ولوح سمر في الشارع بعد مخذي الفلوس ورجعت نادمه ….غير هكي تالفون البنت قاعد في سيارت مالك رح نبعتو رساله لي بوها ع اساس منها هيا ….وتم التسجيل
قعد صقر مصدوم كيف كل شي موثق بي الصوره والصوت والتاريخ والف سؤال قعد يدور في باله سكر اللاب توب ورقد ع السرير فرحان ان اخيرا حصل الدليل بس كان في شي يقوله راهو لو رجعت سمر لي بوها معش بتشوفها ?في الوقت هاذا جاه اتصال خارجي وعرفه انه ادم
صقر:ايوا
ادم:وصلت الامانه؟!
صقر:وصلت ادم فهمني شنو هاذا علاش صورت وكيف صاار
ادم:كل صفقه درناها مسجله هكي سواء كنت معانا انت او لا عشان نلقوها للمواقف زي يلي انت فيها توا
صقر:عندهم علم عمران والباقي؟
ادم:كان عندهم راهو خذوهم المهم توا رجع البنت لي بوها وانا تشاو تشاو بنطلع من الحبس وبنبدا من جديد فكني منها المواضيع الخامره هيا
صقر:تنهد….احسن مدير لاكن كيف بعته الفلاش؟!
ادم:واحد طالع من الحبس بعته معاه وصله للبريد وهلبا قصص
صقر:منور ادم
ادم:يالله ديرها والحقنني حتا انت
صقر:ابتسم….شكله هكي اي
ادم:لازم نسكر توا
صقر:ربي معاك
ادم:سلام…..وسكر الخط
?روايات بنووتة الشيخ.اروى الطاهر المسلاتي?
كانت سمر تحكي مع اختها ماسنجر لين فجأه وصلتها رساله من صقر
صقر:تعالي داري توا
سمر:قلبها دق بس مسكت روحهاوبعتتله….ليش؟!
صقر:تعالي نبيك
سمر:تاعبه وبنرقد مش جايه تصبح ع خير
صقر:تنرفز….تمام وتي روحك بكرا بنرقعك لي بوك وصلني دليل برائتك ….وانتي من اهل الخير
سمر؛من صدمتها لوحت التالفون وناضت تجري
صقر:نحى تيشرته ووقف يحرك في عضلاته
سمر:فتحت الباب بدون مطق عليه……صقررتحكي جد ولا تبصر ??
صقر:?وعلاش بنبصر عليك؟!اهو الفلاش فيه كل شي بكرا نشوف حجز لندن ونوصلك
سمر:حضنت صقر بفرح?
صقر:سكر عيونه بدون حركه
سمر:بعد عليه بسرعه
صقر؛فتح عيونه وخلا روحه عادي
سمر:بلعت ريقه وستوعبت انها حضناته وهوا عريان من فوق وال??يجننو ❤️❤️قهدت ساكته معش عرفت شنو تقول
صقر:يالله ارجعي غرفتك
سمر:خدت نفس عميق …امتى بنطلعو يعني ساعه كم بنمشو معش عندي صبرر خلاااص
صقر:ابتسم ع جنب…تخافيش سيروك توصلي بكرا وتي روحك مع الساعه10الصبح
سمر:تمام….وصلت لعند الباب وتلفتتله ….ع فكره صقر
صقر:شبحلها ع جنب…ها؟
سمر:اول مره نشوفك تبتسم حلو لما تضحك❤️
صقر:قعد يشبحلها وطلعت بسرعه
قيس:بجد ليبيا كلها ضلمت بعد سافرتي
منال:ههههه بطل مجاملات عاد
قيس:تعرفي مرات في شنو نفكر
منال:شنو؟?
قيس:خطيبك السابق كيف قدر يدير هكي؟يعني وين مزال بيحصل زيك
منال؛سكتت?
قيس:اسف لو تكلمت هكي بس بجد انتي احسن وحده عرفتها
منال:???….وكملو هدرزه
سمر:تتقلب طوووول الليل بي فرح وحزن لان خلاص مشوار صقر رح يكمل هنايا هيا رح ترجع لي بوها وهوا بيتزوج المشكله حتى بعد معترفتله بماشاعرها طلع ميبادلش فيها بي نفس الشي قررت تركز علي بوها واختها وبس❤️
صقر:قعد يوتي في الشنطه متعه ويفكر في الف حاجه?امه خطيبته وسمر?
ثاني يوم✨✨
في لندن :—
منال:صباااحو الحلو نايض قبلي اليوم
ميلود:ابتسم …تي الحمد الله ربي فرجها ماشي للخدمه
منال:ورح يزيد يفرجها وبي ادن الله الايام الجايه رح تكون اسعد اب في الدنيا
ميلود:ع شنو تحكي؟
منال:اااه نسيت الشاهي ع النار??
ميلود:ضحك ولبس نضاراته وكمل قرايه الجريده
سمر:نايضه من الساعه9توتي في شنطتها مع الساعه10طلعت تفطر مع العيله
ع سفرة الفطور:—
صقر:عيونه في الماكله….شنو سمر واتيه
سمر:اي تمام
سالمه:وين العفو؟
بلقيس:بوها روح خسارها?بتمشي
سالمه:اااه منعلمش
سمر:اي امس كلمني خوي في الليل ومقدرتش نروح اجلناها لا اليوم
سالمه:به الحمد الله ع السلامه وربي يهنيكم
سمر:تسلميلي يارب
سالمه:وانت ياباش مهندش من وين طلعتلي بي سفرة تونس مكملناش دوتنا بكري
صقر:شرب القهوا….قلنالك ماشي مع الولد كلها كلها يوم بس مش رح نعطل
سالمه:متنساش تجيب هديه رمزيه لي خطيبتك من غادي
صقر:قام عيونه وجت في عين سمر ….يصير خير هيا خلي نوصلك علي طريقي خوك معطل شكله
سمر:اي ياريت
صقر:جيبي حجاتك وهيا
سالمه:استنا نحطلك سبيزا
صقر:تي سبيزت شنو يما رافعين معاهم الاولاد
سالمه:شبحتله ع جنب..صقر
صقر:يلبس في ساعته ….شنو؟
سالمه:متأكد البنت بتروح وانت ماشي تونس؟؟؟
صقر:عقد حواجبه….كيف مفهمتش
سالمه:مش غريبه يروح بوها وانت تسافر في نفس اليوم؟يعني مش ماشيين لي نفس المكان ووراها قصه البنت؟!
صقر:بجديه ومتعصصصب….شن الكلام يلي تقولي فيه الله يهديك يما عارفتيني مش متع سريب البنات انا
سالمه:??♀️يقطع لساني حتا انا وين نعلم وليدي سامحني
صقر:تنهد وباس راس امه…ادعيلي لين نروح
سالمه:ربي يفتحها قدامك ان شاء الله وين متمشي بجاه محمد
سمر:سلمت علي بلقيس وطلعت ….بسلامه عمتي وصحيتي علي المعامله الكويسه ربي يسعدك ويفرحك بي صقر والباقيين
سالمه:سلمت عليها….الله يسلمك وربي يهنيك انتي وعويلتك
سمر:يارب?….وطلعت هيا وصقر رمبو السياره وعيون سالمه وبلقيس عليهم لين طلعو
في الطريق:-
سمر:امتا لحقت تحجز؟
صقر:عندي معارف في الخطوط اموري طيبه
سمر:منسحابكش بتسافر معاي كنت مفكره انك بتبعتني بروحي
صقر:انتي امانه والامانه لازم نتأكد ان وصلت لي صاحبها
سمر:تلفتت لي الروشن وقعدت ساكته
مالك:طمني الله يطمنك
الدكتور:درنا كل يلي علينا وللاسف جلطه ع الدماغ قويه حاليا ميقدرش يحرك غير عيونه
مريم:طاحت علي طولها وبدت تعيط ومالك مصدقش يلي قاعد يصير معاه خسر ممتلكاته كلللللهم وبوه جاته الجلطه شنو ممكن يصير اكتر من هكي؟!
في المطار:-
هدووء بين سمر وصقر ولا واحد فيهم تكلم لين صار اول نداء لي الرحله ركبو الطياره وكان كرسي سمر جنب صقر
بدت المضيف تقول ((الرجاء ربط الاحزمه قبل الاقلاع))
سمر:شافت لي صقر
صقر:شنو؟
سمر:ابتسمتله ورجعت شافت قدامها
صقر:تنهد بوجع لان مش عارف شنو يلي قاعد يصير معاه ?
?روايات بنووتة الشيخ.اروى الطاهر المسلاتي?
منال:تعرف حاطه يدي علي قلبي ونستنا فيها ع نااااار
قيس:ان شاء الله توصل بي السلامه قبل بنجي معاهم بس صقر مخلانيش لان مش رح يقعد راجل في الحوش بعدين
منال:اهاا ياريتك جيت
قيس:انتي تبيني نجي ?
منال:???اهاا عشان ندهور بيك هنايا حافضه لندن اكتر من طرابلس
قيس:ههههههه اي علاش لا مره تانيه
سمر:حطت راسها ع كتف صقر ورقدت
صقر:قرب منها بدون متحس وشم ريحتها ❤️كأنها تعذب فيه اكتر واكتر
بلسم:ياريتني لحق عليها خسارها
نجلاء:وين حوشها هيا؟
بلقيس:والله منعلم يروح صقر ونسأله
هدايه:المهم روح بوها بي السلامه
بلقيس:اي الحمد الله
بلسم:متقولوليش وين مغطسه فرخه روان???
هدايه:هههههه في العسل ياماما معاد حتى تود علينا
نجلاء:اااااه بس امتا نتزوج ?
بلسم:وووه عليك بتهبلي
بلقيس:????
الساعه7المغرب:—-
بعد ساعات من السفر المتعبببب نزلت الطايره ونزل صقر ومعاه سمر خذو شناطيهم وحجاتهم وقعدو واقفين في المطار
صقر:خلينا نشوفو فندق نقعدو فيه بكرا نمشولهم
سمر:لالالا صقر مستحيل والله منقدر لاااازم اليوم
صقر:تنهد …به عارفه انتي وين قاعدين توا
سمر:اي عندنا حوش نعرفه وين خلينا ناخذو تاكسي
صقر:امري لي الله فوتي هي
سمر:ابتسمت وطلعت …اول مطلعو خذو تاكسي وركبو
سمر:Please take me to the building next to the university
((من فضلك خذني الى المبنى الذي بجانب الجامعه))
التاكسي:ok
(حسنا)
صقر:شن قلتيله ؟!
سمر:وصفتله الطريق
صقر:ولع دخانه وفتح الروشن
ترن ترن ترن
مالك:مقعمز يبكي في المستشفى….الوو
مجهول:وين انت
مالك:في المستشفى منو معاي؟!
مجهول:فاعل خير اختك هربت مع واحد مصري الجنسيه وخذت ذهب امك
مالك:بلع ريقه ….شش شش شن تحكي ؟!
مجهول:سكر الخط
مالك:قعد يشوف لي التالفون
مريم:تمسح في دموعها ….منو هاذا
مالك:لسانه ربط وقعد واقف مش مستوعب
سمر:تشوف للعماره ….حوشنا في الدور الرابع
صقر:في تالفون متع شوارع هنايا انزلي كلمي اختك تأكدي ان بوك قاعد في الحوش
سمر:تالفون شوارع??
صقر:تي انزلي
سمر:نزلت ولحقها صقر
ترن ترن ترن
منال:الو
سمر:?Hello, forget him Manal
(مرحبا انسه منال اليس كذالك؟)
منال:Yes, who is with me?
(نعم من معي)
سمر:مسحت دمعتها …منال انا لوطه تحت العماره
منال:سسسسسسمر???…ومشت تجري فتحت الروشن
سمر:دارتلها باي من بعيد
منال:حطت يدها ع فمها من الصدمه …اخيرااااا
سمر:بابا قاعد؟!
منال؛اي يصلي في المغرب
سمر:اوكي سكري
منال:تتنفس بسرعه ومش مصدقه …تت تمام
سمر:سكرت الخط وترعش مع بعضها
صقر:اهدي خيرك ترعشي؟!
سمر:بلعت ريقها …خايفه بنمووت
صقر:رح نركبو مع بعض ونخش بروحي للحوش نوري لي بوك كلللل شي وبعدها تخشي انتي
سمر:هزت براسها…تت تمام
صقر:هي ….وركبو مع بعض للاسنسير لين وصلو لي الشقه
منال:علي اعصااابها ماشيه جايه
طق طق طق
منال:حطت وشاح ع راسها وفتحت الباب وبي صوت واااطي …الحمد الله ع السلامه
صقر:الله يسلمك كلمي بوك هي
منال:تمام…وخشت
ميلود:يطبق في المصليه …منو جي؟
منال:بلعت ريقها …وو واحد يقول انه يبيك ليبي
ميلود:استغرب وطلع
صقر:كيف الحال عمي
ميلود:سلم عليه وهوا يفكر وين شايفه ؟؟! اهلين اهلين
صقر:انا باعتتني ليك شركه ولو عندك لاب توب لازم تشوف حجات محمله ع الفلاش هاذا ياريت تسمحلي نخش معاك
ميلود:اكيد تفضل
خش صقر وكانت سمر تراقب فيه من بعيد
ميلود:حاب اللاب توب وقعمز….الفلاش شن فيه يعني بخصوص شنو؟
صقر:رح تشوف يا عمي….وركب الفلاش وفتح الفيديو …تفرج
ميلود:شاف لي صقر بنضرات استغراب وبعدين شاف للفيديو
?روايان بنووتة الشيخ.اروى الطاهر المسلاتي?
مالك:طلع يجري من المشفى روح للحوش وكانت صدمته اخته مهناش?ومفيش حتى حاجه من حوايجها ولا دهب امه قاعده انهاااااااار للاسف مفلسين وسيرتهم رح تصير ع كل اللسان
(عدالة ربي ياناس❤️)
تم الفيديو وفتح صقر التسجيل وميلود ولا كلمه من صدمته بدات لما سمعهم كيف يخططو يتبلو علي بنته في التسجيل قهد يسمع لين كمل وتأكد من التواريخ
صقر:سكر اللاب توب …وهااذي كل القصه ياعمي
ميلود:….
سمر:قعدت واقفه قدام الشقه وتستنى في اشاره ع الاقل من صقر وقلبها بيطللللللللع قريب تهبل بعد شوي شافت بوها طالع من الشقه وجتي جيهتها وعيونه دموع
سمر:بسرعه متجمعو الدموع في عيونها …بابا اناا انن اناا
ميلود:بدوون كلام حضن بنته ويبكي يبكي يبكي كأنه طفل صغير وسمر من بكاها لين صوتها راح منال:جت حضنتهم الزوز وتبكي حتا هيا اخييييرا اللقاء يلي انتضروه الوقت هاذا كله تحقق وزي متبي
اما صقر:كان يشوفلهم وساكت وحاس انه سمر خلاص ضاعت منه
ميلود:شاف لي سمر
سمر:باست راسه…عمري مفكرت نواطيلك راسك
ميلود:فرحتي بيك انك بريئه من كل شي نقال عليك اكبر من الدنيا كلها
سمر:رجعت حضناته بفررررح
منال:مسحت دموعها….هيا عاد شنو بتقعدو في الممر قدام الجيران?
ميلود:ضحك وخش وسمر في حضنه
صقر:يالله نستأذنكم انا
ميلود:وين؟
صقر:رح نبات اليوم في الفندق وبكرا متسقد تونس ان شاء الله
ميلود:لالالا اليوم وح تتعشا معانا وتبات هنايا والصبح حني نوصلوك
صقر:ضحك….لا ياعمي مفيش داعي لتعبكم
ميلود:والله مصارت خش يالله منبيش اعذار
صقر:خش وعيونه علي سمر ❤️❤️
في المطبخ:-
منال:تحضن في سمر….اخيرااا سموره اخيررا
سمر:الحمد الله ياربي
منال:يالله خلينا نحطو العشي لي صقر
سمر:بحزن …اي هيا
منال:طلع راجل وحق ربي
سمر:ابتسمت…واحسن راجل شفته تصدقي
منال:رجعت حضنتها
سمر:خيرك???
منال:قاعده مش مصدقه??
سمر:??
ميلود:يلي زيك في ها الزمان قليل ياولدي بارك الله فيك
صقر:كنت شبه مشارك معاهم والحمد الله فقت لي روحي اهم شي صلحت غلطي
ميلود:طبطب ع كتفه …ربي يخليك
منال:هياا تفضلو ع العشي
ميلود:هي
كملو عشاهم وقعمزو يهدرزو ويحكو شن صار معاهم وسمر تشكر لي بوها في صقر وتعاود وميلود من فرحته اتصل بي خوته وكل الاقارب حكالهم ع يلي صار وانتشرت في المنطقه القصه في نفس الليله البعض صدق والتاني كذب وقال لين نشوف سمر مع بوها بي عيوني جي الليل متأخر خش صقر لي دار الضيوف عشان يبات فيها ومنال في دارها اما سمر رقدت في حضن بوها زي الصغار ❤️ومحاولتش حتى تنوض من جنبه
صقر:قريب يموت من الشعور يلي حاس بيه كل ميذكر انه بيسافر ويخلي سمر هنايا بس كان يطمن في روحه ويقول يمكن لان تعودت عليها سيوره ننسى
اما منال فرحتها متنوصفششش وطول الليل مع قيس يضحك فيها وتهدرز معاه❤️
ثاني يوم:—
ناض صقر بكري ولقاهم كلهم فايقين قعمز يفطر معاهم
منال:يالله بابا نازله بنشوف ورق الجامعه انا
ميلود:ربي معاك
صقر:شاف لي الساعه …خلي نمشيى حتى انا وقت هنايا في الموعد الطياره مش تشحيط زي ليبيا
ميلود:ههههه هي سمر نوضي البسي نوصلوه
صقر:سكت لان فعلا يبي يشوف سمر اخر وجه في المطار❤️
ناضت سمر لبست جاكيتها وطلعو مع بعض وطول الطريق تشوف لي صقر تمنت يحكي اي شي يقول اي شي ?بس للاسف مصارش ولا حاجه?
وصلو للمطار ومزال دقايق ع الطياره ميلود لقي شخص يعرفه قعد واقف يهدرز عليه
سمر:بلعت ريقها…مش عارفه شنو نحكي وكيف نشكرك وعلي كم حاجه بنشكرك فيها
صقر:فيش داعي لاني كنت واحد من يلي وصلوك لي هاذا كله
سمر:بس كنت احسن واحد عرفته في حياتي
صقر:تنهد ونزل عيونه
سمر:امم اءء نتمنالك السعاده في حياتك واسفه لو في يوم زعلتك بجد
صقر:انا يلي اسف لو في يوم اضايقتي مني او صار بينا خلاف
سمر:ربي يهنيك مع خطيبتك
صقر:اءء….
ميلود:يالله يابطل ينادو ع الرحله متعك
صقر:ان شاء الله ?
ميلود:حضن صقر…شكرااا وتبي اي شي تفضل انا موجود
صقر:بارك الله فيك …وخذي الشنطه متعه وطلع
قعدت سمر واقفه تشوف فيه يباعد عليها لين اختفى قعمزت ع الكرسي
ميلود:هي نوضي شنو قعمزتي
سمر:حاسه روحي دايخه
ميلود:بعيد الشر خيرك ?
سمر:مم مش عارف
ميلود:خليك هنايا متتحركيش لين نجيك
سمر:هزت براسها
طبعا كانت تكذب مكانتش دايخه بس تبي تقعد لين الطياره تقلع عشان تتأكد ان صقر سافر وفعلا طلعت الطياره ?وسافر صقر….يتبع
الاخيره بكرا