رواية اختطاف

#اختطاف 13
درتها قصيره عشان تطول الروايه لانها خلاص قريب تكمل خليني نشوف قداش توصلوها لايك عشان نزيدكم حلقه اليوم ❤️

سمر:بجرأه مش عارفه كيف طلعت منها ….صقر متخطبهاش البنت
صقر:?
سمر:يعني …وسكتت
صقر:عدل شبحته وقرن حواجبه ك العاده…علاش منخطبهاش؟
سمر:يعني يعني انت البنت متعرفهاش وامك خطبتها مرات يكون زواجك فاشل
صقر:امي واثق في ذوقها بعدين انتي لي السبب هاذا متبينيش نخطب وااو خايفه عليا لهدرجه
سمر:صقر انا حاسه بشي مش قادره نحكيه
صقر؛قام حاجبه…شي شنو؟!
سمر:نزلت دمعتها …يعني تعودت عليك ونتمنى ديمه نكون جنبك رغم عصبيتك وتكشيخك عليا نحس معاك بي الامان ولما سمعت انك بتخطب حسيت بنار في قلبي??
صقر:بجديه…شن الكلام الفارغ يلي تحكي فيه هوااا بالك تسحابي لو قعدنا بروحنا اسبوع خلاص بتصير بينا الف حاجه هييي فيقي هاذا كله في المسلسلات يلي لاحسه عقلكم ره
سمر:مصدوومه تشبحله ودموعها في عيونها متجمعات
صقر:بلا حركات مراهقين انا سريب الحب والعلاقات والدوا الفاضيه منعرفهاش ولا نبي نعرفها وكان خايفه عليا نتزوج وحده منعرفهاش وجوازي يفشل شوفي روحك اهو متزوجه واحد تزبطيه ويعرفك ووين انتي توا بسببه
سمر:سكرت عيونها ثواني ودموعها ينزززززلووو…خذت بعضها وطلعت من غير متحكي ولا كلمه وهيا بتموووت بسبب كلام صقر والموقف يلي نحطت فيه ?

اما صقر حس انه زودها ومكانش في داعي يجيب سريب مالك وتمنى لو انها حكت اي شي قبل متطلع حتى لو تعاركت معاه بس سكوتها حرقه?

سمر:خشيت الدار وانا مش مصدقه يلي سمعته ?قعمزت ع سريري شفت بلقيس وباقي البنات راقدين قعدت نبكي من غير صوت بكيت ع حالي وع يلي عشته رغم صغر سني ?شنو رفعني داره شنو خلاني نحكيله بكل وقاحه?تي شنو ندير بين العيله هاذي انا شنو حببني فيه وهوا كل كلمه يقولها تجرح اكتر من يلي قبلها خلااااااص راسي بيتفجر من البكي وكل منذكر بكرا بيانه نزيد ننقهر ونستاهل الكف يلي جاني?

صقر:قعد ماشي جاي في داره يفكر في الشي يلي قاله من جيها نادم انه تكلم من غير اسلوب ومن جها يدير في روحه عادي ومصار شي بس وجعاته

اما منال وقيس يحكو مع بعض ع النت طوووول الليل ومنال تضحك وبس لان كان جو قيس يهبللل

?روايات بنووتة الشيخ.اروى الطاهر المسلاتي?

ثاني يوم✨✨
التمو البنات ع سفرة الفطور عادا سمر راقده وكل وحده تهدرز شنو بتلبس في البيان وكيف بدير شعرها و و و الخ
علي خشت صقر ..
صقر:امي متبي شي طالع انا
سالمه:فرحانه….سلامتك ياعيون امك ارتاح انت اليوم عريس
صقر:عندي كم حاجه بنتمها وراجع
سالمه:به في حفض الله
صقر:جي بيطلع بعدين رجع قعد يشوف للبنات وهما تجمدو من الخوف مش فاهمين ليش يشبحلهم
صقر:وين سمر؟
بلسم:راقده مسكينه باكيه لين عيانه
نجلاء:اي قالت امس كلمها خوها المسافر وقال بوها تعب هلبا
صقر:اهاا لاباس لاباس ديرو بالكم البنت امانه عندنا
كلهم:به??
صقر:طلع وهوا حاس بي شعور اخخخخخي بكل

قيس:وين ع خير
صقر:بندير دوره في حوش المزرعه من يوم المشكله معش لهيت بيه
قيس:اممم به في حجات بسيطه هكي بنقولهالك
صقر:شنو؟
قيس:طحت ع وجهي يا ولد امي كبدت
صقر:مفهمتش؟!!!
قيس:سمر
صقر:قلبه طااح ….شش شنو؟!
قيس:اختها النم طرف وحلوه وراقيه هكي كيوت تحسها ركبت ع جوي من الاخر
صقر:تنهد براحه…..اهااا اختها
قيس:لهاذا السبب نبيك اول ما سمر ترجع لي بوها تفاتح امي في الموضع وتعترفلها ان سمر مش اخت صاحبك وتقلها الحق
صقر:اففف …وعلاش ان شاء الله
قيس:صقر خيره عقلك مش معاي ؟؟نقولك كبدت النم
صقر:اسمع متسبقش الاحداث برا اسأل ع البنت وشوف راي امك بعد متعرف الحق بعدين ساهل
قيس:منو بيتزوج امي ولا انا؟؟!وبعدين شنو برا اسأل ع البنت هيا ؟يعني كان واحد قالي متنفعش بنفوتها ؟!تي طز المهم عاجبتني
صقر:يولع في دخانه…..ترضى بيها كان امك عارضت؟
قيس:تي خلي تعارض انا بنعيش معاها مش امي هذاكا انت تخطبلك ع مزاجها مش عارف كيف بتعيش مع وحده متعرفهاش
صقر:لوح دخانه وركب سيارته وطلع
قيس:ضحك ع جنب وخش

بلقيس:سموره سمر حبيبتي
سمر؛فتحت عيونها المنفوخات من البكي …ايوا بلقيس
نجلاء:نوضي حب قلبي انتي بري معانا للبيان تغيري جوك
سمر:مستحيل منقدرش بابا نبي نطمن عليه والله منقدر سامحوني يابنات
بلسم:صح خلوها ع حالها متضغطوش عليها
هدايه:به تبي حاجه نجيبلك فطور؟
سمر:لالا صحيتي نبي نرقد بس
اميمه:اطلعو خلوها ترتاح
بلقيس:غطت سمر وطلعو

قعدت سمر تسمع في زغاريط سالمه والبنات كيف يوتو في روحهم بيمشو وهيا بتموووت?

صقر:خش للحوش قعد يساوي فيه ويرتب شاف الباب مكسور متع الدار اذكر كيف حضناته سمر وهيا خايفه?
سمر:??قريب متت ياصقر معش تخليني بروحي معنديش غيرك توا
صقر:تنهد وهوا يقيم في الباب المكسور وكل زاويه في الحوش اذكر فيه بي سمر بس كان متعمد انه يتجاهل ومش فاهم يلي يحس بيه شنو بعد كمل وجي بيطلع خش للحمام بيسكر الضي شاف سلسله متع سمر خذاها دارها في جيبه وطلع

?روايات بنووتة الشيخ.اروى الطاهر المسلاتي?

منال:منعرفش حاسه جوك ابصر كيف صاير معاك شي ؟!
سمر:سنو بيصير اكتر من هكي بعيده علي عيلتي والناس كلها تحكي بيا وبابا ادمر شغله من تحت راسي
منال:سمر معش تقولي هكي عااااد كله سيوره يتصلح وصقر معاك لين يكشف الحق
سمر:ضحكت بهزوه..هه صقر صار
منال:ليش شنو دار؟?
سمر:ولا شي اليوم بيانه ?
منال:به ربي يهنيه وين المشكله
سمر:المشكله ان بيلها في روحه وينسى مشكلتي
منال:لالا مش هكي مستحيل خيرك
سمر:خلاص بالله سكري عليا السيره ترا …امتى طيارتكم؟
منال:9الصبح
سمر:…وكملو هدرزه

صقر:خش لي داره دوش وسرح شعره لبس سروال جينز اسود جيوبه بارزه مع قميص اسود وجاكيت اسود…حبه للون الاسود هلباااا?مع ساعه ورشت بارفان قويه

صقر:يسكر في جاكيته …هيا وقت
سالمه:والله واتين من العصر….هيا يابنات
طلعت بلقس والباقي ركبو السياره
صقر:وين سمر علاش مش طالعه؟
سالمه:ياروحي عليها متنكده علي بوها خليتها براحتها متبيش تمشي قلت تقعد ترتاح
صقر:انتي اطلعي وتو نجي نسيت مفاتيحي نجيبهم ونجيك
سالمه:به وليدي هي…وطلعت

مشي صقر قعد واقف قدام دار بلقيس وهوا متردد لين اخيرا طق الباب

سمر :بصوت تااااعب…ادخل
صقر:فتح الباب وشافها مقعمزه كانت تصلي ..السلام عليكم
سمر:ناضت واطبق في المصليه…وعليكم السلام
صقر:خيرك متبيش تمشي؟!
سمر:نحت بدلة الصلاة وتعلق فيها كانت لابسه توته ….مخاطريش بنرقد
صقر:يشبحلها
سمر:رقدت في السرير وتغطت …سكر الضي وانت طالع
صقر؛قاعد مكملتش كلامي اناا
سمر:مش مشكلتي سكر الضي عيوني يوجعو فيا
صقر:حط سلسلتها ع الطاوله وطلع وسكر الباب
سمر:من لما سمعت باب الدار تسكر نهاااااارت بي البكي

?روايات بنووتة الشيخ.اروى الطاهر المسلاتي?

ركب صقر لي السياره ووراه قيس بي سيارته رافع البنات وطلعو ….
طول الوقت صقر يفكر في سمر ويلي داره فيها مفروض ان كلمها بي شوية اسلوب وفهمها ان مش متع الجو هاذا ويلي تخطبها امه راضي بيها بس جرحها اكتر ما هيا مجروحه صورة سمر بي المصليه وعيونها الحمر مفارقتش عيونه طووول الطريق

سمر:بعد متأكدت ان مفي حد في الحوش طلعت للمطبخ دارت قهوا وكانت تااااعبه خذت الفنجان وقعمزت ع الطاوله وفي راسها الف حاجه وحاجه

صقر:وصل ونزلت سالمه والبنات ولحقوهم عماته وخلاته ونساوين عمه وجابو زكره وهيلوله هكي كبرها
ترن ترن ترن
صقر:ها امي
سالمه:هي سلم ولدي خش لبس البنت
صقر:شنو بنلبسها خيرك انتي؟!
سالمه:وراس وليدي متحشمنيش عاااد خطيبتك هاذي توا
صقر:تنهد خوذيلي طريق وقوليلهم يسترو رواحهم
سالمه:بفرح …يانجيه وليدي هي تعالا
صقر :تمام …سكر الخط ومن كثر ماباله مشغول ع سمر لان قاعده بروحها اتصل بيها لاكن!!!!مفيش رد

صقر:تنهد بي حيره …وخش زي مطلبت منه امه وزغاريط ويصورو فيهم وصقر عيونه لوطه ومش راضي يقيمهم لين جي بيلبس الذبله

صقر:خذي الدبله من الباكو الصغير وقام عيونه في العروسه وشافها ….كانت العروسه مش خاطيه تعتبر قنينه بي تسريحتها ومكياجها بس مش زي ميبي صقر اللحضات هيا وقف عقل صقر وقعد يقارن هوا يبيها زي سمر عفويه ومعمرها كترت مكياج بطبيعتها بس يلي قدامه تتصنع حتى في الحشم وتغير في صوتها

صقر:حس ان كلهم يشبحوله ويتسألو خيره ملبسهاش فاق علي روحه ولبسها الذبله وبدت صوت الزغروطه تعلا اكتر واكتر
سالمه:هي ولدي وكلو التورته توا
صقر:امي عارفتيني مش متع الجو هاذا الذبله ولبستها بسيف بنطلع انا
سالمه:قعدت تضحك وتقلهم يتحشم بسلامته?

طلع صقر ونحو الناس عباياتهم وبدو البنات يضحكو ع صور صقر لما يلبس في العروسه كيف خاش في بعضه وعقله مش معاه ابدا

طلع صقر وقعد يتصل مره و2و3بي سمر وهيا متردش عليه
قيس:خيرك ؟
صقر:انا بنروح انت خليك هنايا
قيس:تي شنو بتروح مصحك منو العريس فينا
صقر:خلاص لبستها استنى لين امك تروح وروح بيها وكان فيها كيف تو نرجع
قيس:به فهمني وين ماشي
صقر:تو نجيك….وركب السياره وطلع بسرعه
قيس:هاذا حاله ميقول شي لين نسمع بي كارثه هكي كبرها

ميلود:منال يامنال
منال:طلعت من دارها…ايوا بابا
ميلود:جهزتي روحك؟!
منال:بحزن …اي كل شي واتي
ميلود:به كويس
منال:خذيت الدوا؟
ميلود:الحمد الله
منال:به في شي تبي ترفعه ومحطيتهولكش؟
ميلود:كله تمام …تصبحي ع خير يا بنتي
منال:وانت بخير

خش ميلود لي داره وهوا يفكر كيف بيسافر ويخلي حوشه وذكرياته وبنته يلي مش عارفها وين?ومش قادر يدور عليها عقلها تبرا منه بس قلبه لا مهما كان هوا اب ?

صقر:وقف قدام باب الحوش وتعمد انه يطق عشان سمر تفتح ….طق وطق وطق بس بدون جواب زاد خوف صقر وفتح الباب بي المفتاح وخش مشي طووول لي داره بلقيس بس ملقاهاش؟زااااد خوفه وقعد يدور في الحوش لين شم ريحة غاز?وطووووول مشي للكوجينه شاف سمر دايخه ع الطاوله وفاتحه الغاز بروسه ال4وريحة الغاز قوووويه وتخنق

صقر:سمممممر????…خش بسرعه طلع سمر لي الجنان ورجع لمطبخ فتح الروشن وسكر الغاز وشغل المروحه وطلع

قام راسها …سمرر سامعتيني سمررر ..يحاول يفيقها بكل الطرق بس نفسها كان ضعيف وشبه معدوم في لحضه فقد صقر شعوره وقعد يحضن فيها

صقر:لالالا نووووضي عارفك تبي تحرقيلي دمي بس سمررررر نوضييييبيي ….ياااااربي???
سمر:بدوون اجابه

خذي سمر ركبها السياره وطاار بيها للمستشفى وهوا طوول الطريق يتلفت ويشوفلها لين وصلو وطوول دخلوها ع الطوارئ لان نفسها نقطع.

سالمه:وووين خوك
قيس:وين نعلم بيه الزح طلع وقالي خليك معاهم
سالمه:توا كيف بتسدنا السياره فهمني
قيس:تنهد…ديمه وانا حاصل البنات يركبو معاي تو يحشو روحهم في السياره وانتي شوفي وحده من عماتي اركبي معاها
سالمه:ربي يصبرني وخلاص

صقر:قريب يهبل وحاس ان هوا السبب في كل شي وخايف يصيرلها شي بسببه بذات لما قالوله متتنفسش?
الدكتور:طلع من الغرفه ونحا نضراته
صقر:يحاول يبان ان هادي
الدكتور:وين عيلتها ؟
صقر:انا ….اءء نن نقصد انا خوها وشوي ويلحقو العيله كيف وضعها
الدكتور:والله شنو بنقولك ….يتبع