رواية اختطاف

الحلقة السابعة

سمر:سكرت الخط وشويه وصلت رساله لي صقر وسمر نصدمممت …

مصطفى:وتيها ياصقر في الطريق انا نبي نطلعها بلا شوشره
سمر:????
صقر:طق ع الباب…هي شنو كملتي نستنى في مكالمه
سمر:تجمعو الدموع في عيونها وناضت وقفت قدامه
صقر:عقد حواجبه….شنو؟
سمر:ضرباته ع كتافه…..هادي نهاية ثقتي فيكككك
صقر:شن تحكي خيرك
سمر:بدو دموعها ينزلو وتعيط عليه….هاذي اخرتها بتسلمني ليهم يا وااااطي زيك زيهم?
صقر:مسك يدها بقوه ومتكنطي…اهدددددي وبطلي تخرريف
سمر:خليت روحك رااااجل وسلمتني من الاول ياحقققققير تبينلي في روحك راجل وتحمي فيا وانت تخطط من وراي
صقر:زاااد تكنطى من كلامها وحدفها لين طاحت ع السرير وسكر عليها الباب بي المفتاح وطلع

سمر:تبكي وتخبط ع الباب وتعيط …..افتتتتتحلي صقرررر صقرررر تكلم فيك

وشرين باب الحوش
سمر:قلبها قريب وقف ?مشت تجري لي الروشن شافت صقر يسلم ع الولد ودخله حاولت تفتح الروشن عشان تهرب بس لقاته مسكر حاولت وحاولت ومفيش فايده بعدت تفرفش في الدار مش عارفه شنو ادير وفي اي لحضه يفتحو الباب وياخذوها

ترن ترن ترن
منال:الو
نيروز؛هلا منو كيف الحال
منال: بي استغراب…..تمام منو معاي؟
نيروز:انا نيروز بنت عم وليد
منال:اهااا اهلين نيروز
نيروز؛اهلين بيك والله تعبت وانا ندور في رقمك
منال:حطت يدها ع جبينها من كثر البكي وتعب….ليش ان شاء الله خير؟
منال:نبي نسألك اكيد عندك خلفيه ع حوش وليد الجديد نبي نعرف لون المطبخ شنو لان خلاص معش مزال وقت ونبي ناخذ اماعين نفس اللون
منال:ششش ش ششنو؟ع شن تحكي انتي ليش تبي تعرفي اللون ووقت شنو يلي تتكلمي عليه؟
نيروز:اااه مقالكش وليد؟!
منال:علي شنو بيقولي ؟?
نيروز:فسخ منك وخطبني طول وخلى نفس موعد العرس فهمتي
منال:من الصدمه مقدرتش حتى ترمش عيونها …انتي شن يلي تقولي ففففيه
نيروز:زي مسمعتي …قصدي عادي افرحي لي غيرك متكونيش انانيه كل شي قسمه ونصيب
منال:سكرت الخط ونهارت بي البكي

?روايات بنووتة الشيخ.اروى الطاهر المسلاتي?

سمر:سلمت حكامها لربي وقعدت تستنى في حد يخش عليها الدار ويرفعها خلفت وقتها اي حد بياخذها ويركبها السياره رح تفتح الباب وتلوح روحها والسياره تجري ..قعدت سمر واقفه ع الروشن تتفرح ومستغربه ليش محد جاها لين شافت من الروشن باب الحوش انفتح وطلع الولد وفي يده شنطه…سلم ع صقر وركب سيارته وطلع

صقر:قعد واقف ع الباب لين طلع صاحبه بي السياره
صقر:قام عيونه بعفويه وتجي عينه في عين سمر شبحلها بي نضرت شفتي كيف تسرعتي ؟؟؟؟!وخش للحوش وسكر الباب
سمر:عرفت انها ضلماته وان الولد يتكلم ع حاجه تانيه مش ع سمر…من الصدمه حطت يدها ع فمها

قعدت سمر مصدوومه وكيف بترقع الموقف بعد كل الكلام والهزايب يلي قالتهولا قعدت مقعمزه ع السرير وخلااااص مش قادره توقف لين انفتح عليها باب الدار

سمر:طلعت بسرعه من الدار وشافت صقر فتح باب الحوش علي وسعه وقعمز ع الصالون…
صقر:مش واثقه فيا ومتأكده اني زيهم في كل شي تقدري تطلعي باب الحوش مفتوح علي وسعه مجبرتكش علي شي انا تقدري تمشي في اي وقت تبيه
سمر:نحرجت وقعدت واقفه معش عرفت شنو تقول
صقر:ولع الدخان ومعش قام عيونه فيها
سمر:اتجهت لي باب الحوش وسكراته
صقر:سمع باب الحوش تسكر يسحابها طلعت طووول تلفت
سمر:ابتسمت تسحابني طلعت صح?
صقر:رجع تلفت بدون اهتمام
سمر:قعمزت جنب صقر….صقرر اسفه
صقر:ساكت ويدخن
سمر:صقر رد عليا
صقر:ساكت
سمر:نكلم فيك عاااد خلاص اسفه صقر والله مكنت نعرف يعني اول مشفت المسج طووول جي بالي انه يتكلم عليا
صقر:?مش معدل عليها
سمر:مسكت يده…صقر نكلم فيك
صقر:حس بكهرباء في جسمه سحب يده طوول منها وارتبك…نوضي جبيلي تالفوني
سمر؛ابتسمت …بعني سامحتني؟!
صقر:معش تعاوديها ومعش تقري حجات مش ليك
سمر:فرحت…حااضر??…وجت ماشيه
صقر:والبسي حاجه مستوره
سمر:قتلك مغسلتش حوايجي معرفتش نشغل الغساله
صقر:قلب عيونه وشاف لي الجيها الثانيه
خشت سمر لي الدار وجابت التالفون

سمر:تفضل
صقر:خذاه منها بدون ميشبحلها
سمر:كلمت اختي وقتلها توتيلي ملابس وحجات ضروريه نبيك تاخذهم منها
صقر:حاليا معش نقدر نخش طرابلس
سمر:تنهدت بحزن
صقر:تو نشوف حد يمشيلها
سمر؛تمام?
صقر؛فتح تالفونه وقعد يتصفح وتأكد لو ادم بعتله شي بس للاسف معادش فتح نهائي
سمر:صقر
صقر:عيونه في التالفون…هاا
سمر:قاعد حرجان مني ؟!
صقر؛سكري السيره خلاص
سمر:خيتي سلمه وسلم قلبه الابيض ?
صقر:قام حاجبه وشافلها…كلام النتايات والتبوديع هاذا منحباش انا نوضي لي دار ارقدي ليل
سمر:ابتسمت…حاضر وخشت لي الدار
صقر:عليك خرا

في الوقت هاذا كانت منال تبككككي ومحروقه كيف حوشها يلي اختاراته هيا بتسكن فيه غيرها كيف قدر وليد يخطب غيرها لاا وزياده حتى موعد العرس قعد نفسه?

ترن ترن ترن
منال:ردت وهيا تبكي….ايوا
قيس:منال معاي؟
منال:تشهق بي البكي ….اي الزفته معاك منو انت الثاني
قيس:??اءءء انا من طرف اختك سمر اتصلت عشان نحددو موعد وناخذ منك حجاتها
منال:مسحت دموعها وتحشمتتت….ااه اسفه بس قبل شوي حاني تالفون اخي ونساحبكً انت….المهم وخي انسى واسفه
قيس؛ولا يهمك عادي تصير
منال:وين تبي نتلاقو؟!
قبس:انا بكرا جاي طرابلس
منال:ليش انت من وين
قيس:الخمس
منال:اها تمام خلينا نتلاقو قدام جامعة ناصر عشان يكون سهل عليك وعليا
قيس:تمام ع الساعه كم؟
منال:10الصبح
قيس:تمام
منال:تصبح ع خير
قيس:وانتي من اهل الخير

وانتهت المكالمه

عند سمر:-
كانت مرتااااحه لما عرفت ان في حد من طرف صقر عنده دليل عمالك ومرتاحه لانها كلمت اختها واختها مصدقتها وواقفه معاها ❤️قعدت تتقلب طول الليل مش جايها نوم تفكر الايام الجايه شنو رح يصير معاها؟! ناضت من السرير وطلعت ادور في اميه

خشت المطبخ فتحت الدولاب طلعت كوب صبت اميه وقعدت واقفه ع البار تشرب بعدها جت بترجع لي الدار شافت صقر راقد ع الصالون بدون غطاء ورغم ان الجو صقع كان لابس كناتيرا وسروال توته

خشت سمر لي دار فتحت الدولاب طلعت بطانيه ومشت لي صقر غطاته وخذت من يده الولاعه يلي كان شادها حطتها ع الطاوله ورجعت لي الدار رقدت

المحامي:خلصت كل شي والمبلغ يلي جمعناه من الحجات يلي فاضله في ليبيا بي اسمك قريب81فقط
ميلود:تنهد بوجع….الحمد الله علي كل شي المهم حجزتلي؟!
المحامي:اي السبت الجاي ان شاء الله زوز تذاكر
ميلود:تمام بارك الله فيك
المحامي؛ولا يهمك …وسكر الخط

ثاني يوم:—
ناضت سمر سبقت صقر يلي كان في نوم عممميق وتت الفطور ودارت القهوا شويه وخش صقر ينشق في شعره من الميه

سمر:صبااحو??
صقر:صباح النور?
سمر:وتيت الحجات يلي تحبها وهكي
صقر:اشحطي روحك ومعش تتكلمي بدلع
سمر:انا هكي نتكلم ?منتصنعش
صقر:قعمز ع الكرسي
سمر:هاذا بدل متشكرني؟
صقر:فمه معبي،…علاش بنشكرك علي كم دحيه قاليتها وقهوه
سمر:قامت حواجبها…ومربي وجبنه زياده
صقر:هز راسه ….ربي يشفيك
سمر:قصدي هادي حاجه كويسه اني درت هكي زمان مكنتش نعرف حتى كيف يوتو فيه الفطور
صقر:وهوا ياكل طاحت عينه علي قفطان سمر والفتحه يلي موضحه شوويه من صدرها سكر عيونه ثواني وهوا يستغفر بي ازعاااج
سمر:تكمل في كلامها …لان اختي منال هيا يلي كانت تدير في كل شي وعندنا خدامه اسمها ستيلا و….
صقر:مسك يدها بقوه وجبدها….تعالي معاي
سمر:وين خيرك??
صقر:رفعها للحمام وسمر قلبها يقرررربع
صقر:هاذي الغسااله اول شي تضغطي ع البطمه الحمراء بعدين تختاري الميه تكون بارده ولا ساخنه والحجم شويه ولا هلبا والمكان هادا تحطي فيه الصابون يلي جنب الغساله فهمتتتتتي
سمر:هزت براسها….اها فهمت
صقر:اغسلي حوايجك والبسي حاجه باهيه
سمر:حاضر
صقر:طلع من الحمام ورجع كمل فطوره
سمر:قعدت مستغربه فيه بدات لان طووول عمرها عشاته في لندن وحتى بعد روحت مفيش مره بوها كلمها لا ع لبس ولا علي حجاب جابت حوايجها وحطتهم في الغساله وبدت تتبع في خطوات صقر

?روايات بنووتة الشيخ.اروى الطاهر المسلاتي?

منال:لابسه عبايه كحله ووشاح عنابي وشنطة كحله ونضرات شمسيه وماسكه شنطت سفر…وين بزبط؟
قيس:قدام الكافيتيريا الحمراء
منال:شن لون سيارتك؟
قيس:نزل من سيارته وقام يده….رصاصيه وين انتي
منال:اهاا شفتك ..وقامت يدها
قيس:تمام….وقرب منها سلمو علي بعض

قيس:شن اخبارك ؟
منال:نحت نضراتها…الحمد الله تمام
قيس:لاحض عيونها التااااعبه بي صوت واطي شويه…عيونك متقولش هكي
منال:نعم؟!
قيس:سلامتك شنو جبتي يلي وصاتك عليهم اختك؟
منال:اها اي كل شي في الشنطه هاذي
قيس:خذي الشنطه….وقعد يشوفلها….متبي شي؟نوصلك؟
منال:لا صحيت جيت مع صاحبتي
قيس:تمام ديري بالك ع روحك
منال:ان شاء الله صراحه نبي منك طلب
قيس:عيوني ليك
منال:نصدمت من كلامه المبالغ بس محبتش توضح….نبيك تسلملي ع اختي هلبااا واطمنها عليا وتوصيها تكلمني كل فتره
قيس:حاضر
منال:شكرا ربي يحفضك
نسرين:منال هياااا
منال:سلامات
قيس:سلام …وقعد يشبحلها لين ركبت السياره ودارها بيده باي

سمر:بي عيون بريئه كان طفل مداير عمله….صقر
صقر:يتمرن….نعم
سمر:شكلي درت حاجه غلط في الغساله ?
صقر:لوح الحديد يلي كان يتمرن بيه…قلت حتى انا البااااايره وشكالاتك عمرهم ميتعلمو
سمر:درت يلي قلت عليه كللللله مش فيا الغلط
صقر:ربي يصبرني،….وخش للحمام لحقاته سمر لقي الغساله اطلع في صوت غريب ومعش تتحرك جي بيشوف الطوبو الميه واول ما مسه اتفجر وبدت الميه تبخ وصقر وسمر انبلوووو بدو اميه يقطرو الزوز وقعد صقر عاد يسب ويكفر

وبصعوبه صقر وصل في المركز الرئسي متع الميه وسكره وشاف لي سمر وهوا دااااهش
كانت سمر مبلوله مع بعضها
سمر:مدرت شي ره?
صقر:مسح ع وجها بي يديه وكانت لحيته كلللها اميه وحوايجه مبلولات …فرح الغساله وعرف ان في شي عالق قعد يدخل في يده لين طلع حديده مقوسها

صقر:شنو هاذي؟
سمر:عرفت انها حديدة سنتيان?تلبكت ….اااه هاذي،؟
صقر:اي منين جت
سمر:تقريبا متع جيب السروال
صقر:داهش….اقعدي عريانه ومحبوسه في الدار معش تلبسي شي ومعش تغسلي شي ….وطلع
سمر:بشكل مفاجئ قعدت تضحك ع الموقف وكيف صقر مبلول والحديده متع السنتيان??

خش صقر لي الدار غير حوايجه وطلع
سمر:اخسن شي غيرت عشان متمرضش صقع برا
صقر:اقلبي وجهك من قدامي
سمر:????..وخشت الدار تجفف في روحها بي الفوطه ولبس كبوط صقر

طق طق طق
صقر:فتح الباب
قيس:خش وحط الشنطه
صقر:الحمد الله ع السلامه
قيس:الله يسلمك
صقر:مفيش مشاكل؟
قيس:كله تمام هادم الحجات قولي توا
صقر:شنو
قيس:حتى اختها يلي هنايا طرف ?
صقر:اطلع اقلب وجهك
قيس:????المهم اختها وصلتني نطمنها عليها وتبيها تكلمها كل فتره والثانيه
صقر:به منور سلمك شحشاح طير هي
قيس:حقك يا عمي متبي حد معاكم??
صقر:قيييييس??
قيس:خلاص طالع?
صقر:سمر الباب وجي بينادي ع سمر معرفش كيف بيناديها ….احمم يااااااااا
يااااااااا
صقر:خيرها هيا متجيش…ياااا بنت
سمر:مقعمزه ومتبيش تطلع لين يقول اسمها
صقر:طق ع الباب كذا مره ومتكلمتش
صقر:اففف ….سمر
سمر:فتحت الباب ….نعم؟
صقر؛انصدم لما شافها لابسه الكبوط…نحي امه منحبش ريحة البنات
سمر:معندي شي نلبسه يا صقر?
صقر:اختك بعتتلك الشنطهاهو في الصاله
سمر:مشت تجري فرحاااانه فتحت الشنطه شافت حوايجها كريماتها كلللل شي يتعلق بيها سكرتها وخشت لي الدار وسكرت الباب

صقر:صبر ايووووب يارب
ترن ترن ترن
صقر:اياااااه علينا توا
ترن ترن ترن
صقر:ايوا
سالمه:ووووووينك هااا؟ويييينك تقول معنديش ولد هكي كبره
صقر:يما بالله اهدي عندي الف موضوع فوق راسي
سالمه:ناسي ان مزال اسبوعين بس علي عرس اختك ولا متبش تحضره؟!
صقر:خبط بيده ع راسها…..راحت من بالي بكككل
سالمه:اقسم بالله ياصقر متجيش غضوا معاد لا ولدي ولا نعرفك ونغضب عليك
صقر:تي غير اسمعي م…..سكرت الخط

صقر:لوح التالفون ع الصالون ….نلقاها منك ولا من البايره المطفوشه يلي قاعده ع دين فيتي هنايا الززززح

ميلود:وين مشيتي؟
منال:طلعت لي الجامعه جبت كم ورقه عشان السفر لقيتك راقد محبيتش انوضك ….كيف تحس في روحك اليوم احسن؟
ميلود:بي غصه?تمام وتي روحك السبت موعدنا
منال:تنهدت…. ان شاء الله

صقر:طق علي باب سمر اكتر من مره…..افتحي نبيك في كلمتين
سمر:فتحت الباب وهيا مبتسمه
صقر:قعد ساكت و….يتبع

error: