رواية اختطاف

#اختطاف 14

صقر:انا ….اءء نن نقصد انا خوها وشوي ويلحقو العيله كيف وضعها
الدكتور:والله شنو بنقولك هيا توا حالتها مستقره بس قاعده تتنفس بي الاكسجين
صقر:يعني امورها تمام ولا كيف فهمني
الدكتور:نقدرو نقولو هكي توا بس ضروري تقعد في الملاحضه المهم نبي نعرف وين لقاته الغاز لدرجة ان اغمى عليها؟
صقر:مش عارف انا روحت لقيتها دايخه في المطبخ وريحة الغاز في كل مكان
الدكتور:الباين انها مراهقه وتوصلنا حلات انتحار عن طريق الغاز حاول تفهم من اختك والف لاباس
صقر: شش شكرا
طلع الدكتور وقعد صقر في صدمه من يلي سمعه سمر حاولت تنتحر؟؟!

في الحوش:-
سالمه:وين خووك
بلقيس:حتى سمر مهناش
قيس:بلع ريقه تت تو نشوفه
بلسم:شن القصه زعمه?
هدايه:بالك خوها روح

ترن ترن ترن
صقر:ايوا
قيس:وينك؟حتى سمر مهناش
صقر:سمر تعبت شويه وجبتها المستشفى
قيس:خيرهااا?
صقر:هبوط من قلة الماكله
قيس:باه ان شاء الله لا باس غير امي نشغلت
صقر:طمنها طمنها شويه ومروحين
قيس:تمام …وسكر الخط

سالمه:شنو صااير
قيس:سمر مرضت شويه ورفعها صقر يعاين فيها
سالمه:شهقت…..ياحنى ع البنت خيرها شن صايرلها
سالمه:قال هبوط
اميمه:اي مسكينه من كثر ماتنكدت اليوم الصبح ع خاطر بوها
سالمه:شنو نلحقوه ولا كيف؟
قيس:لالا مفيش داعي قال شويه ومروحين
سالمه:ارفع اختك تقعد معاهم مهما كان البنت غريبه وغلط تقعد مع صقر بروحها
قيس:بالله امي متنفخيهمش عارفتيه ولدك عدو جنس حواء مش عارف حتى كيف خطبتيله قال مروح يعني مروح معندي لاش متشحط…..وطلع
سالمه:طيح سعدك انت الثاني

صقر:خش للغرفه يلي فيها سمر ولقاها واعيه
سمر:اول مشافت صقر شافت لي الجيها الثانيه
صقر:جبد كرسي وقعمز جنبها
سمر:تبكي بدون صوت ومتبيش تشبحله
صقر:الدكتور قال يمكن يلي صار انتحار انا مصدقتش قلت يمكن نسيتي الغاز او شي
سمر:ساكته
صقر:صح كلام الدكتور،؟
سمر:تشهق بي البكي…وانت شنو يهمك في الموضوع
صقر:معناها حاولتي تنتحري
سمر:شافتله بعيونها الحمر ودموعها…وانت علاااااش مخليتنيش هاااا؟؟؟علااااااش
صقر:مصدوم…شن تحكي انتي علاش بنخليك تموتي
سمر:وعلااااش بتخليني عاااااايشه؟؟؟؟سمعت اهلي تحت الارض بسببي وبابا شغله ادمر وبيسافر بسببي معش ليا حد في الدنيا انااا
صقر:بتردد…وانا؟!
سمر:شافت لسقف الغرفه…انت شنو؟عباره علي شنو غير واحد يهين فيا ع الطالعه ونازله وكل متصير اي لقطه تبدا تدوي وتحسس فيا اني عبئ عليك وبارك الله فيك يلي متحملني
صقر:بصدمه ..بس معمري كنت قاصد هكي
سمر:تدوي فيه بلسانك هادا كله …قامت يدها يلي فيها التغذيه ومسحت دموعها
صقر:تنهد….لو كان ع الموضوع يلي صار امس وو…
سمر:اي موضوع ؟؟؟
صقر:امس لما جيتيني وقلتي متخطبش و….
سمر:انساااااا انسا اي شي قلت هولك تعرف علاش؟؟؟!لان كلامك صح وانا غبيه
يمكن تعلقت فيك لان اول مره يصادفني راجل هكي مش زي الصايعين يلي توا وفكرت في الف حاجه مفروض اني مفكرتش فيها انسا يلي قلته صقر خلاص
صقر:نزل عيونه …عموما بكرا رح يكتبولك خروج رح نقعد معاك اليوم
سمر:روح اكيد امك مشغوله عليك اصلا حتى وقت نروح مش رح نرجع معاك
صقر:نعمم؟؟؟كيف مش رح ترجعي معاي
سنر:وقت كنا في حوش المزرعه وصار سوء التفاهم فتحتلي الباب وقتلي مش جابرك تقعدي معاي وامتى متبي تقدري تطلعي….خلاص انا توا قررت معادش نرجع معاك صقر
صقر:والسبب؟!ووين بتمشي؟
سمر:تشوف لي يديها ….قعدتي معاك غلط جايبتلك المشاكل وبس حتى يوم خطوبتك متهنيتش بيه مفروض توا معاهم انت ارض ربي واسعه وين منمشي به
صقر:بلا دوه فاضيه بتروحي معاك
سمر:مش بي سيف كتر خيرك وبارك الله فيك ع يلي درته معاي خلاص لا هني وساد
صقر:قرن حواجبه …كلمه هياااا بتروحي معاي يعني بتروحي معاي
سمر:نفجرت بي البكي وبدت تعيط بي هستيريااا….افهممممم???منبيش نروح معاك مش قادره نتحمل نشوفك قداااامي???منقدرش خلااااص خليني في حالي ….وقعدت تبكي بي حرقه
صقر:مسك يديها…اهدي اءءء انا انا…
سمر:بعدت يديها من عليه ولتفتت لي الحيها الثانيه وسكرت عيونها وهيا تبكي

?روايات بنووتة الشيخ.اروى الطاهر المسلاتي?

منال:قيس بالله عليك دبرلي كيف نكلمها ضروري مش قادره نتحمل?
قيس:ياعيوني والله من بكري نتصل بي صقر تالفونه خارج التغطيه تو نمشي المستشفى ونخليها تكلمك من تالفوني
منال:مسحت دموعها…بنمشي معاك
قيس:وو ين?قصدي قصدي الدنيا الليل
منال:سكر شوي ونكلمك
قيس:تمام
ناضت منال طلعت من الدار لقت بوها رااااقد بسبب الدوا فيه نسبة منوم سكرت باب غرفته كووويس ولبست عبايتها

صقر:قعد مقعمز ع الكرسب جنب سرير سمر مقدرش يطلع خايف ادير شي في روحها يشوفلها طول الوقت وكانت عاطياته بي الضهر ومش راضيه حتى تشبحله

سمر:مسكره عيوني صح بس مش راقده النار يلي في قلبي مش رح يحس بيها حد حبيته وخطب?ومش حاس بيا اي اي عارفه الغلط مني هوا مدار شي بس تورطت وحبيته وقعدت نعااااني ??

منال:ركبت السياره وهيا تررررعش
قيس:مش مصدق ان منال جنبه في السياره قعد يشبحلها مصدووم ??
منال:قيس الله يربحك بسرررعه خايفه بابا ينوض لازم نشوف سمر قبل منسافر
قيس:حاضر ياعيون قيس ?….وطلع بيها بسرررعه

ترن ترن ترن
صقر:شاف رقم غريب سكر بس رجع اتصل
صقر:ايواا
انفال:مساء الخير
صقر:بدون اسلوب ….منو انتي ؟
انفال:?بلعت ريقها ….اناا انا انفال ?
صقر:منو انفال؟
سمر:تسمع وساكته ع اساس راقده
انفال:خخ خطيبتك…كيف حالك توا
صقر:من عطاك الرقم انتي؟
انفال:تنرفزت….بلقيس
صقر:اسمعي يابنت الناس مش كان خطبتك معناها دوا في التالفون ونشوفك وتشوفيني ومسخره زايده نقرا عليك فاتحتي وبعدين ساهل
انفال:رعشت مع بعضها …ااءء اء تت تمام اسفه ع الازعاج
صقر:تصبحي ع خير
انفال:سكرت الخط
سمر:رغم دموعي يلي ينزلو وقلبي يلي نااار قلت في داخلي نجيه المتربي خيتي سلمه?

صقر:سكر تالفونه وسررررح .
تذكر لما كلماته سمرر وقعد معاها ع الخط لين رقدت اذكر لما كل شويه يطمن عليها بعيونه باهي الحجات هاذي دارها مع سمر البرانيه كيف رافض يديرها مع خطيبته واي بنت تانيه؟؟؟قاطع كلامه بي جملة….محبور فيها بس نسلمها لي بوها وكله ينتهي

طق طق طق
صقر:منووو
قيس:انا
صقر:اقعد متخشش
قيس:خيره هاذا?
صقر :خذي جاكيته وغطا بيها شعر سمر
منال:فتحت الباب وخشت واول مشافت اختها نهااااارت ….سمررر????
سمر:فتحت عيونها وهيا مش مصدقه تحضن في اختها بقووووه ويتباكوو

صقر:خذي قيس وطلع وسكر الباب
صقر:منو هاذي وشن جابها؟
قيس:اختها
صقر:قام حاجبه…شنو جاااابها؟؟؟
قيس:هاذي اخت سمر?
صقر:قييييييس?
قيس:اففف انا جبتها كانت بتهبل وتشوف اختها
صقر:وين عيلتها في هاالليل وكيف تركب مع واحد غريب
قيس:انا اسمي قيس مش غريب?
صقر:ايااااااه ع دين امنا في هاالليله المتغبره
قيس:الزززح معندها حد هيا عير بوها ورااقد حرام عليك النم خليها تطمن عليها غضوا مسافره هياا
صقر:تنهد….خش قلها هيا متعطلش بيها خير منصبحو في زوز مصايب بدل وحده
قيس:به نزيدها5دقايق
صقر:كيف قدرت اطلعها من حوووووشها بسسسس
قيس:خلاااص عاد قلنالك مستاحشه اختها وانا قلبي رهيف منتحملش
صقر؛خبط قيس ع ضهره
قيس:ااخخخ

سمر:خلاااص تعبت يا منال نبي نموت ونرتاح
منال:مسحت دموعها …اسمعيني تحملي وكل شي رح يكون تمام ساااامعه رح نتجمعو في حوش واحد زي قبل فرحانين وبي اذن الله بابا رح يرجع شغله زي قبل واحسن بس انتي تحممملي ع خاطرنا لين يطلع الحق
سمر:حضنت منال

قيس:طلع جاب دخانه من السياره ورجع لي صقر
طق طق طق
منال:ادخل
صقر:معليشي وخيتي ياريت تروحي خلاص وقت والدنيا ليل خير متصير مشكله
منال:باست سمر….ديري بالك ع روحك وطمنيني
سمر:هزت راسها وتبكي….ديري بالك ع بابا
منال:ابتسمت …اكيد يلا سلام
سمر:ودعت اختها ورجع امتدت ع السرير

منال:طلعت ولقت قيس قدامها….شنو نروحو؟
قيس؛اي اكيد بس لحضه …هاك صقر
صقر:شنو هادا ؟؟
قيس؛هاذا جاني واحد الصبح يسحابني انت وطلب يشوفك وقتها انت في حوش المزرعه المهم نفخهملي لين قتله انا خوه عطاني الزرف هادا وقالي وصلهولا
صقر:خذي الزرف….معرفتاش منو؟!
قيس؛لالا
صقر:به وصل البنت
قيس:تمام ….طلع هوا ومنال

رجع صقر جنب سمر وزي قبل رافضه حتى تشوفله

في الطريق :—
ترن ترن ترن
شاف قيس تالفونه وسكره
ترن ترن ترن
منال:رد ع حبيبتك عادي مش رح نتكلم
قيس:ضحك ورد ع تالفون وفتح المايك ….ها حبيبتي
سالمه:متقوليش وينك يا قرخ دايح في هالليل انت وخوك
منال:??
قيس:كنت عند صقر يمه
سالمه:خيره مروحش لا توا
قيس:البنت طلبو عليها اليوم تقعد في المراجعه وبكرا الصبح تروح
سالمه:عليك قصه
قيس:عادي بسيطه بكرا يروحو ان شاء الله
سالمه:متجيش ياولدي بايت معاها البنيه مش محرم عليه
قيس:هههههه تي شنو بايت معاها يما تحشمي هيا في الدار وهوا برا في صالة الانتضار
سالمه:به ان شاء الله يلي يدير فيه بين صحيحته والسو
قيس:يارب
سالمه:وانت وين
قيس:اهو في الطريق
سالمه:به دير بالك علي روحك ليل
قيس:حاضر هي سلامات
سالمه:بسلامه…وسكرت الخط

منال:تبتسم
قيس:وهاااذي حبيبتي
منال:ههههه ربي يحفضهالك
قيس:ويحفضك…بصوت واااطي ….ليا
منال:كيف؟!
قيس:سلامتك ?…ودرس السياره
منال:بجد مهما ندير منوفيك حقك صحيت❤️
قيس:مش بجميلي المهم بعد تسافري متنسيناش بس وتقعدي تتواصلي معانا مش تلهي مع الاجانب
منال:ههههه ولا يهمك تصبح ع خير
قيس :تلاقي الخير
منال:نزلت من السياره وخشت للحوش بهدوووووء

?روايات بنووتة الشيخ.اروى الطاهر المسلاتي?

في مرر المستشفى

شاف الحاج ونيس تالفونه يشرين مكالمة ماسنجر ومصدقتش عيونه من الفرحه لما شاف الاسم

ونيس:صقر ولدددي?
صقر:بي تردد…كيف الحال
ونيس:وقف من فرحته…بخير بخير انت شن اخبارك وكيف حال خوك وخواتك
صقر:تمام …ااءء متصل بيك نبيك في خدمه ياريت اديرهولي
ونيس:بي اهتمام…اكيد اكيد صقر انت ولدي
صقر:في شخص رح نبعتلك اسمه وملف كامل عليه صاحب شركة نفط او منعرفش مهم مشهوره من فتره صاحبها واجه مشكله وخسر كل فلوسه وشغله نبيك توقف معاه لين يرجع واقف علي رجليه
ونيس:ساهل ساهل من عيوني لو شي زي هاذا يرضيك حاضر ابعتلي معلومات عليه وحاضر
صقر:ياريت لو ميعرفش اني بعتك ليه خلي الموضوع كأنه صدفه
ونيس:حاضر ولدي ادلل
صقر:شش شكرا
ونيس:واجبي هاذا
صقر:سلام
ونيس:صقرررر
صقر:نعم؟!
ونيس:خليني نسمع صوتك مره مره
صقر:ان شاء الله
ونيس:تصبح ع خير
صقر:وانت من اهل الخير ….نتهى الاتصال ورجع صقر لي سمر

قبل سنين فاااتو اتزوج ونيس سالمه وجابو صقر❤️بعدها كثرت المشاكل بينهم ونفصلو?اختار ونيس ان يقعد صقر مع امه وهوا تزوج وسافر بعد سنتين تزوجت سالمه راجل طيب وقبلها بي ولدها صقر وجابت منه منار وروان وقيس ولا مره حس صقر انهم مش خوته بلعكس

بعد مكبر صقر حاول ونيس يرجعه ليه بس كان صقر يحمل كره كيييير لي بوه لان خلاه وسافر بدون ميسأل عليه وتوا لما طلب منه خدمه فرررررح ونيس ومستعد يدير اي شي عشان قلب صقر يحن عليه طبعا ختار صقر بوه للمهمه عادي لان ونيس يكون راجل اعمال كبير وفلوووس

في حوش صقر :—
روحو البنات بعد ما ودعو بلقيس وقالو انهم وح يرجعو لما سمر تروح عشان يطمنو عليها ❤️

سمر:فتحت عيونها وناضت بصعوبه نحت التغديه
صقر:هي هي وين ماشيه
سمر:وقفت وهيا دايخه…بنخش الحمام
صقر:به فوتي
سمر:قعدت زي السكرانه مره يمين ومره يسار وصقر وراها
سمر:خشت للحمام وجت بتسكر الباب
صقر:لالا خليه مردود
سمر:بي استغراب…نعم؟!
صقر:نسيتي شن صارلك في حوش المزرعه؟؟!مش رزقي هاذا باش نكسر الباب
سمر:قعدت ساكته
صقر:خلي الباب مردود ومش رح نشبحلك تمام؟!
سمر:ردت الباب وخشت
صقر:قعد واقف يستنى فيها لين كملت وطلعت

سمر:طلعت من الحمام وجت بتقعمز ع السرير بس قعدت واقفه وتحاول تتوازن
صقر:خيرك؟!
سمر:حسن بدوخه وشدت في رف معلق ع الحيط قعد الرف يميل والمزهريه رح اطيح ع راس سمر يلي تشوف لوطه وحاسه بي الدنيا دايخه بس بسرعه ملفت يد صقر ع خصر سمر وجبدهااا??…..يتبع

 

error: