رواية اختطاف

الحلقة الخامسة

صقر:قبل حتى ميفتح عيووونه لوالها يدها ولصقها فيه (يسحابه عمران ولا واحد من جماعته خشله)
وطبعا الصدمه لما ركز وشاف انها سمر وهيا لاصقه فيه ولاف يدها?
سمر:اااااه خيرك
صقر:عيونه يرمشو بسررعه …اننا اءءءء
سمر:طلقت يده وباعدت عليه…هدي اعصابك وانت حياتك كلها ضرب
صقر:غير ملامح وجها وقرن حواجبه…شن تبي من دين امي في هاليل انتي؟
سمر:نبي نفهم بس علاش متحكيش كلمتين بدون متسب؟
صقر:سكر عيونه ثواني وهوا ينفخ….استغفر الله وخلاص …..رجع…رقد ع الصالون
سمر:صقررر. ياصقرر
صقر:شن تبي
سمر:الفاشه متع راسي تعبت دم نبي نغيرها
صقر:تلقي الشنطه فوق المكتبه
سمر:شبحت للمكتبه لقتها عاليه هلبااا
صقر:راقد
سمر…احمم صقررر
صقر:فاضي حتى انا مقايلك ع اسمي الزح
سمر:بعيد عليا الشنطه
صقر:ناض وهوا ينفخ نزل الشنطه وفتحها….تعالي قحمي قدامي
سمر:قربت منه وقعدت تضحك ع الخفيف
صقر:قام حاجبه….شن يضحك فيك؟
سمر:احمم لا شي هيا غيرهالي بنرقد
صقر:قعد ينحي في اللفه يلي ع راسها وسمر:منزله عيونها وتشوف لي لحيته السوووده❤️❤️❤️
صقر:يحاول ان ميدير اي لقطه غبيه وكانو يديه يرعشوو بدات لما اصابعه تخش بين شعرها✨تقريبا مان اول مره يلمس شعر بنت ?

صقر؛تمام هكي نوضي ارقدي كان حتى غضوا نزف لازم نرفع نخيطك
سمر:وقفت…شكرااا صحيت مكنتش نعرف ان ورا العضلات هادي انسان حنين?
صقر:عقد حواجبه…..شنو حنين لا قيتيني نطبطب عليك ولا نهز بيك
سمر:هههههه لا بس مخليتنيش وبعد بكرا بترفعني لي بوي
صقر:مش حنيه هاذي اسمها حصلت فيك وبري من قدام وجهي خليني نرقد
سمر:ابتسمت…اوكي تصبح ع خير
صقر:معندي وين بنتلاقى معاه ….وشاف لي الجها الثانيه ورقد
سمر:خشت لي الدار وهيا فرحانه شويه ان اخيراااا بتمشي لي بوها ❤️ومتعلمش مالك كيف تبلى عليها وفضحها قدام الناس كلللللهاااا

?روايات بنووتة الشيخ.اروى الطاهر المسلاتي?

منال:ناضت من سرير المستفىوهيا مدمرررره بسبب الكلام يلي قاله مالك …طلعت من غرفتها ولقت عمتها مقعمزه حضنتها وبدت تبكي

زينب:الله غالب ابتلاء يا بنتي?
منال:ربي يصبرني ياعمتي عمري متوقعت خيتي سمر ادير هكي ?انا مش مصدقه ولا رح نصدقك لين نسمع منها طووول عمري نشوف فيها كيف تحب مالك ومتعلقه فيه ليش تسيبه ليلة عرسهاتت ليش بعد مدارت كل التضحيات ع خاطره ???
زينب:اطب طب عليها….يااارب يطلع كذب هدي روحك وبوك محتاجلك الوقت هوا خليك قويه
منال؛مسحت دموعها وهزت براسها

مالك:توا لازم نستنى لين سمر تخش طرابلس
حسن:علاش؟
مالك؛اكيد بتمشي لي بوها واول متخش طرابلس بنمشي لي بوها ونقوله ع يلي حكينا فيه مبكري عشان مهما تقول ميصدقهاش
حسن:بعدها سااافر منبيش نشوف وجهك لا بعد حتى6شهور
مالك:اكييييد وانت كبر شركتك يابوي بي المناقصه واقهره زي مكان يقهر فيك
حسن:بي ابتسامت خبثثث….اكيدددد

صقر:بدون سبب مقدرش يرقد قعد يتقلب يمين يسار لين ناض من مكانه وراسه منفوووخ يحسب في الف حاجه

منال:مسكت يد بوها وابتسمت والدموع علي خدها….اخيرا فتحت عيونك
ميلود:تنهد…وبي صعووبه…منال
منال:عيونها
ميلود:بصوت متقطع…ب بب بري لي شركة اسحبي الفلوس يلي فاضلات واحجزي اول تذكرتين لي برلين
منال:بنسافرو?؟
ميلود:معادش نقدر نقعد ونرفع عيوني في الناس بعد يلي دراته اختك فياااا
منال؛في شي غلط يابوي مستحييييل سمر تربايتك
ميلود:حاول يمسك دموعه….شفت بعيوووني?هيا نوضي ديري يلي قتلك عليه
منال؛بوي انت تبي اسبوع ع الاقل في المستشفى
ميلود:تو نكلم المحامي يسفرني علاج في برلين ع حساب الشركه
منال:متبيش تسافر وتسيب خطيبها واختها ايلي متأكده انها مضلوومه بس متبيش تعارض رغبت بوها

ثاني يوم:-
سمر:فتحت عيوني وانا فرحااااانه اخيرا بكرا بنروح لي بوي خلاااص جيت بنطلع من الدار بس وقفت قدام الباب قعدت نتفرج ع صقر يلي كان نداير حديده خدام الكوجينه يتمرن عليها وضهرات مش طبيعي???? طلعت من الدار وخشيت الحمام بسرعه بدون منتكلم

ترن ترن ترن
صقر:نزل من الحديده وهوا دااااهش مسح العرق من ع جبهتا ورد…ها
قيس:صباحك طيب
صقر:يفتح في شيشة الميه…اختصر
قيس:تي خيرك النم خلينا نهدرزو
صقر:شن فيه ادوي مش فاضي انا
قيس:تنهد…المهم البوابات يلي دارهم عمران روحو
امس في ليل
صقر:قام حاجبه….علاش؟
قيس:وين نعلم
صقر:اكيد كمين مش مطمنلهم
قيس:درت اليوم ع المناطق كلهم مهناش حتى اثرهم
صقر:اسمعني مليح ..شفت الطريق يلي ادخل ع سوق الجمعه؟
قيس:به؟!
صقر:امنهالي اليوم في الليل بنطلع بيها
قيس:تم لاكن بنقولك ان بوها في المصحة
صقر:علاش؟
قبس:مش عارف لما سألت عليه هكي قالولي
صقر:تعرف اما مصحه
قيس:اي تو نبعتلك العنوان في رساله
صقر:تمام ..وسكر الخط

سمر:طلعت من الحمام وابتسمتله…صباحو
صقر:بدون ميشبحلها…صباح النور
سمر:جعاااانه خاطري ناكل
صقر:اهو قدامك كولي شن تبي
سمر:فيه كورنفلكس؟
صقر:نعم?
سمر:خيرك؟?
صقر:في هريسه عربيه ودحي ديري بيهم نفض
سمر:??اه لااا عندي حساسيه من الدحي
صقر:بنفاذ صبرر….خشي فتشي في الكوجينه وخوذي شن تبي
سمر:به عادي اطيبلي شاهي?
صقر:قام حاجبه وعلاش مطيبيشي انتي?
سمر:منعرفش?
صقر:ومن كان يطيبلك في حوش بوك ياروح بوك انتي ولا مجوزك وعاطيك لي راجل وانتي متعرفي شي
سمر:كانت عندنا شغاله في حوشنا واختي تعرف حتى هيا
صقر:عليك دلع?….وخش حط السخان ع النار وهيا واقفه جنبه
صقر:قبل ما ننسى وتي روحك اليوم في الليل
سمر:ليش?
صقر:بنخشو طرابلس وبنرفعك لي بوك
سمر:من مكثر الفرحه حضنااااته
صقر:تجمد في مكانه ووجها الوان الوان
سمر:قلبها طاااح بعدت عليه بسرعه ..اسسمع اءء انا انا اسفه بجد بس والله فرحت الحمد الله اخيرااا??
صقر:بلع ريقه …وعقد حواجبه ….هني روحك وبلا جو الاجانب يلي اديريلي فيه
سمر:هزت براسها وهيا خااااايفه لما شافت شبحته

طق طق طق
مالك:السلاام عليكم
ميلود:بصعووبه…وعليكم السلام
مالك:كيف حالك اليوم
ميلود:احسن احسن
مالك:قعمز جنبه…رغم يلي دراته بنتك ياعمي قاعد نعزك وانا معاك
ميلود:ساكت
مالك:ولا يهمك دفعت تكاليف المستشفى كلها
ميلود:يتحسر في داخله
مالك:بس جايك ومعاي خبرعلي سمر
ميلود:معادش تعنيلي?
مالك؛لازم تعرف ياعمي سمر ضحك عليها الولد خذي منها الفلوس وهرب
ميلود:سكر عيونه ثواني وفتحهم
مالك:واكيد في اي لحضه ترجعلك
ميلود:قعد ساكت
منال:السلام عليكم
مالك:وعليكم السلام كيف الحال منال
منال:بخير تمام …ياريت تطلع شوي بابا محتاج لي الراحه
مالك:تمام ماعليك شر ياعمي ان شاء الله
ميلود:هز براسه
مالك:طلع من الغرفه وسلم علي خوال سمر وعمامها يلي كانو في الممر وطلع قعمز في سيارته يستنى في سمر لان عارفها رح تجي في اي لحضه

في الاجتماع:—
حسن:جمعتكم اليوم لان لااازم تعرفو ان من اليوم وطالع انا الكل في الكل السيد ميلود للاسف باع اسهمه وافلس وانا اليوم مدير الشركه ورح تلاقي شريك يساعدنا

كان واضح علامات الصدمه علي الموضفين بس تقبلو الامر في النهايه

سمر:قعدت نستنى في الليل بفاااارغ الصبر خلاااااص بنرجع لي بابا مش قاااادره

صقر:ايوا
سالمه:متقوليش وينك من الاسبوع يلي فات مريناش وجهك؟
صقر:احمم قاعد مع الاولاد يما تو نروح اليوم
سالمه:تعرف متروحش بنكلم صحابك تعرفني نديرها
صقر:افففف به خلاص
سالمه:مشينا لي عرس بنت خالك اليوم مصلي ع النبي ع البنات يا صقر م….
صقر:خلااااص عاد ديمه نفس السيره فوتيني يمااا
سالمه:غير تروحلي بسسس تو نوريك الصور وتغير رايك
صقر:سلامات
سالمه:بسلامه…وسكرت الخط

صقر:حط التالفون وشاف سمر تشبحله …خيرك
سمر:لا شي بس مشاء الله عندك ام وعيله
صقر:امالا جاي من دحية كندر؟؟
سمر:هههههههه منعرفش بس نسحابك عايش بروحك
صقر:لا مش بروحي
سمر:عندك خوات وخوت؟كم عندك
صقر:شنو انتي خيره عجبك الجو،؟فكيني منها هدرزة البنات ونوضي لي الدار لين يجي الليل
سمر:مليت منها الدااار خلاص استحملني اليوم بنروح
صقر:تنهد وولع التلفزيون
سمر:قعدو عيوني يفصلو في لحيته وعضلاته معش قدرت انزلهم

?روايات بنووتة الشيخ.اروى الطاهر المسلاتي?

ترن ترن ترن
وليد:ايوا
منال:وليد وينك من الصبح نتصل
وليد:تنهد بوجع…منال وين انتي توا
منال:قعمزت ع الكرسي…في المصحه اكيد سمعت بيلي صار بس متأكده اختي مضلومه
وليد:انا شوي ونكون عندك لازم نشوفك
منال:تمام نستنى فيك

خيريه؛الواااطيه الله لا تربحها الله يفضحها اكتر ما هيا مفضوحه الخامره الحقيره
مالك:ريتي يا امي معش فيه بنات اصلول شوفي ليلة عرسي شن دارت فياا
خيريه:اختيارك هادااا لا كن انا تو نجيبلك سيدتها المسخه الله لا تربحها

وليد:وصل للمصحه وخش جت عينه في عين منال الدابله من كثر البكي
منال:جاتها بسررررعه….وليد اخيرا جيت بحاجتك انا …وحضناته
وليد:بعدها من عليه
منال:نصدمت وقعدت تشبحله….خخخ خيرك؟
وليد:نحا الذبله وحطها في يدها…..عارف انك بنت خالي وعشنا ايام حلوه مع بعض لاكن مفيش نصيب بعد يلي دراته اختك منقدرش نكمل معاك
منال:وو و و وليد شن تقول انت
وليد:هاذا يلي عندي امي خلاص مستحيل ترضى بيك
منال:بدت تبكي وتعيط وشداته من رقبت سوريته…شنووو امك خيرررك انت شن تحكي انت يلي كنت تحبني مش امك سنيني ضيعتها معاك مش مع امممممك
وليد:فك يديها من سوريته…سامحيني منقدرش…..وطلع

منال:بدت تبكي وتخبط في ممر المستشفى لين اغمى عليها وجو الممرضات رفعوها

في الليل:-

سمر:لابسه وتستنى بي فااااارغ الصبر
صقر:حط الدخان في فمه وبخ برفان ولبس طاقيه
سمر:تتفرج عليه❤️❤️✨
صقر:ولع الدخان…هي نوضي
سمر:ناضت وهيا فرحاااانه وطلعوو

منال:فتحت عيونها لقت عمتها زين وخالتها ندى جنبها بدت تبكي وتقول سيبني?وهما يصبرو فيها ?

سمر:طووول الطريق ساكته وتشوف لي الروشن رغم فرحتها انها بتروح لاكن مكسووره ومقهوره من يلي داره مالك ??سرحت ومحستش بي الطريق لين قاطعها صوت صقر

صقر:اننننتي هيي
سمر:هاا?
صقر:وصلنا انزلي
سمر:هادي مصحه ؟
صقر؛اي بوك تعب شويه متخافيش انزلي
سمر:حطت يدها ع قلبها وفتحت باب السياره وشافت لي صقر…..بجد صحيت انت انسان كويس بعد عليها الطريق هاذي ❤️
صقر:قعد ساكت
سمر:نزلت وسكرت الباب وخشت المصحه بسرررعه

سمر:لو سمحتي في شخص اسمه ميلود هنايا وين غرفته؟
الاستعلامات:لحضه شوي……ميلود الهنيدي؟
سمر:اي بضبظ
الاستعلامات:اول غرفه نهاية الممر ع يدك اليمين
سمر:شكراا….ومشت تجري خشت للغرفه وخش وراها مالك يلي كان يراقب فيها من اول منزلت

سمر:شافت بوها مقعمز جاته تجري وبدت تبكي بهلووووسه….بابا انا هربت منهم?????جيتك قريب متت يا بابا حسبي الله ونعم الوكيل فيه …وبدت تبوس في يده والصدمه لما دفها
ميلود:لاعاد بنتي ولا عاد نعرفك
سمر:مستوعبتش يلي سمعاته…شن ت…قاطع كلامه صوت مالك
مالك:نوضي يا حقيره اطلعي من الدار كل شي صار بسببك ضيعتينا دمرتي سمعت بوك خليتي راسنا في الارض ياعااااهره
سمر:تبكي..ناضت شداته من تيشرته…..ياحقير يا وااااطي
مالك:شدها من شعرها وقعد يسحب فيها برا
سمر:بابا مش مني السبب في
مالك:حط يده ع فمها…..خلاااااص بووووك تاااعب ومش راضي يشوفك ولا يسمع منك اطلللعي

خشو زوز ممرضات خذو ميلود من الغرفه وسمر تبكي وتحاول تناديه بس الصدمه انه فات من جنبها ولا كأنه بنته يلي بيموووت عليها ومدللها ?
مالك:تسحابي روووحك تقدريني يا وسخه يا حقيره….وقعد يسحب فيها من شعرها وهيا تبكي لين وصل بيها لي بابا المصحه وشافهم صقر يلي مقدرش يروح لين يطمن ان الامور تمام

صقر:نزل من السياره يجرررري وفك شعرها من مالك وجت سمر وراه
مالك:وانت ياحقير تسحاب روحك درت انجاز ولا تسحابني بنخليكم تخربو علياا يا عيل
صقر:تمالك اعصابه وهوا مش فاهم شي …العيل يلي بمد يده ع بنت يا بغل
مالك:جاي بيمد يده لاكن شدها صقر ولواها وضربه جيهت رقبته من قدام ثواااني بس وطاح مالك فاااقد الوعي

سمر:طاحت ع ركابها تبكي
صقر:نوضي لي بوك
سمر:وقفت واستندت علي صقر لي وصلت لغرفة الكشف وطلبت تخش لاكن جتها الممرضه وقتلها بي الحرف الواحد بوك معادش يبي يشوفك انصدم صقر والصدمه زادت علي سمر بدت تبكي وتبكي بلعبره

صقر:بعد من عليها وجي بيطلع وهوا يقول في سره خلاص درت يلي عليااا بس صوت سمر كيف تبكي مقدرش يخليه يطلع قعد واقف في النص بين انه يخليها وهوا دار يلي عليه ولا يرفعها معاه ؟!….يتبع