رواية اختطاف

الحلقة الثالثة

سمر:صباح الخير
صقر:رفع عيونه فيها ونصدم قام حاجبه ونزل راسه
سمر:حست بيه…خيررك فيه شي؟
صقر:يتمرن بي يده وعيونه لوطه…كيف تطلعي قدامي هكي،؟
سمر:كيف يعني هكي ؟!
صقر:بي لبستك هيا وشعرك امس عدرتك لان كنتي في حال متتحاسبيش عليها ولا نقدر نلومك بس اليوم تطلعي في قصير وشعرك برا مش محرم عليك انا …ووقف يدير في قهوا
سمر:ملتزم انت?
صقر:شبحلها وطربق المستكه…هاذا منضر واحد ملتزم،؟؟؟ورجع يحرك في القهوا
سمر:انا من البدايه مش متحجبه
صقر:وبوك مجوزك وانتي مش متحجبه؟راجلك ملبسكش حجاب؟
سمر:لا
صقر:لانه بغل ولد ستين كلب
سمر:تجمعو الدموع في عيونها
صقر:بري استري روحك وتعالي افطري
سمر:مسحت دموعها صحيت منبيش بس لو ممكن نبي نكلم بوي اتصال يعني
صقر:صب فنجان القهوا …حاليا منقدرش لين نحصل خط جديد اكيد حطوه ع المراقبه اليوم
سمر:به امتى نقدر نوصل في بابا؟
صقر:والله بالك تسحابيني مستاحشك انا البنات نكره صنت امهم ره متقعديش تزني عليا في اقرب فرصه تسمحلي تو نلوحك عند بوك
سمر:نزلو دموعها…قصدي نبي نفهم ليش تعامل فيا هكي ع الاقل البني ادم يقول كلمة خير متنساش اني هنايا بسببك انت والكلاب صحابك الله لاتربحكم
صقر:قام عيونه وهوا مفنص فيها
سمر:خافت منه خشت لي دار وسكرت الباب
صقر:ياريتني جيت في زمن الجاهليه راهو دفنت جنس حواء كلهم …عليك نفخ

حسن:واقف علي بابا الشركه وماسك التالفون….شنو؟
مالك:زي منقولك يا بوي خداها صاحب عمران والشله وطلع بيها
حسن:بغيييط وسنونه علي بعض….شن تقول انت
مالك:هاذا يلي صار مش معروف مكانهم وين
حسن:انت عارف لو رجعت البنت ابوها شنو ممكن يصير فينا؟؟!
مالك:عارف يا بوي قالي عمران سكر عليهم الطريق لي طرابلس متقدرش ترجع
حسن:تنهد ….تو نشوف حل
ميلود:خش الشركه وحيله مهدود?….صباح الخير
حسن:صباااح النور نسيبنا شن اخبارك
ميلود:الحقني للمكتب مصيبه وطاحت ع راسنا
حسن:له له? ان شاء الله خير شن في؟!
ميلود:تعالا ونفهمك
حسن؛تمام جاي ….سكر الخط من مالك ولحق ميلود ع مكتبه

?روايات بنووتة الشيخ.اروى الطاهر المسلاتي?

قيس:الوو
صقر:اها شن جو
قيس:مليح غير فهمني شنو فيه امس نكلم فيك وراقد ره
صقر:تي قصه طووويله هلبااا المهم توا نبيك تاخذ سيارة اي مخلوق متكونش مشبوها وتجيبهالي
قيس:وين قاعد انت
صقر:تعالا في الكوخ متعي ونبيك تجيبلي بضاعة فطور وحجات معلبه وهكي
قيس:تم تم
صقر:دير بالك حد يتبعك خلي اي واحد يطلع بسيارتك باش يلحقوه وانت تعالا
قيس:ولا يهمك
صقر:بنقولك في حاجه نبيك تجيبهولي
قيس:تبي سلاح؟
صقر:لا لا
قيس:ذخيره؟!! فلوس؟
صقر:تي لا
قيس:شنو به
صقر:متردد ومعرفش كيف يحكي…نبي ننبي حوايج
قيس:به تم
صقر:لا مش حوايجي
قيس:امالا شنو
صقر:تنهد….امممم حوايج لي بنت
قيس:نصدم…….صقر شنو مداير فهمني بنت منو؟?
صقر:ايااااه علي امنا تووو قتلك تجي ونفهمك بلا اسئله توا
قيس:اففف به شنو تبي بزبط
صقر:جيب اي شي بيجامات داخليه خارجيه المهم حوايج
قيس:كيف جسمها
صقر:بدي يصب عرق ووجها احمر
سمر:طلعت من دار
صقر:يشبحلها
قيس:الووو؟؟كيف مقاسها يا نم
صقر:يشبح لي جسم سمر لين خشت للحمام وسكرت الباب
صقر:اءءء هيا هيا مش سمينه ومش ضعيفه يعني
قيس:ياعيني سمبتيك صار
صقر:اقلب وجهك عن شكلك
قيس:??دقايق ونجيك
صقر:سكر الخط وغسل وجها

حسن:كيييييف???
ميلود:زي مقتلك ولدك وبنتي في خطر ولازم ندفعو
حسن:لا حول ولا قوه إلا بالله وانا نقول من امس معادش كلمنا يااااربي بس المشكله متحتيش غير6ألاف
ميلود:مش مهم رح ناخذ من فلوس الشركه وورق
المناقصه متع تركيا طلبوهم فديه
حسن:بي صدمه مزيفه…المناقصه؟؟?بس هكي الشركه رح تفلس يا ميلود
ميلود:شركة شنو تحكي عليها نقولك بنتي وولدك مخطووووفين
حسن:لا حول ولا قوه إلا بالله
ميلود:فتح خزنة الشركه وقعد يلم في الفلوس وطلع الورق وحطهم في شنطة
حسن:بعت مسج لي ولده مالك .

((دقايق وتعالا في محل خالك انت والشباب باش نفهمكم ع يلي بيصير لان الفلوس والمناقصه واتيات))

سمر:طلعت من الحمام وجايا بتخش الدار
صقر:يشوف لي تالفونه…تعالي كولي حاجه
سمر:تلفتت…مخاطريش صحتين عليك انا رح نقعد في الدار لين تصير معجزه ونمشي لي بوي …وخشت الدار
صقر:تنهد ….عليك حصله درتها لي عمري حتى انا
ترن ترن ترن
صقر:ايوا ادم
ادم:صقر رسمي الدوا يلي سمعتها؟?
صقر:غير صبح النم
ادم:غير جديات خذيت البنت؟
صقر:اي خذيتها يكذبو ع دين امي يقولولي البنت جايه مع مالك بي الحرام بعدين نخش الدار نلقاها خاطفينها بي قفطان العرس؟؟!!!
ادم:عرس شنو شن تقول انت
صقر:الزامل مالك طلبها ع سنة الله ورسوله وخذاها من حوش بوها بس عرس هكي كبره بيخافو الفلوس والورق وبي (كلام فاحش??)ع الحيط
ادم:كيف مفهمتش
صقر:بيغتصبوها ويقتلوها
ادم:بلع ريقه…اسمع صقر انا توا نكلم فيك من المطار اول منوصل رح نبعتلك فلاش ممكن يساعدك
صقر:وين مسافر وعلاش؟
ادم:تي هلبا قصص والف واحد يدور فياا بنختفي شويه
صقر:تم دير بالك
ادم:تصرفت صح انت دير بالك عليها
صقر:ان شاء اللله
ادم:سلام

سمر:قعدت مقعمزه ع السرير ونراقب فيه من بعيد انا حتى اسمه منعرفاش بس شكله واااعر هلبا ومعنداش اسلوب في الدوه اول مره نشوف حد جسمه هكي في الطبيعه يعني العاده نشوف فيهم في الافلام والصور لحيته كثثثثيفه هلبا محلاها ❤️بجد سعدودها يلي رح اطيح فيه جمال ورااااجل لو كان عيل راهو اعتدى عليا من اول يوم قعدت معاه

?روايات بنووتة الشيخ.اروى الطاهر المسلاتي?

حسن:خلي نمشي نجيبلك باقي الفلوس ونجي
ميلود :حاط التالفون قدامه يستنى في اتصال منهم…تمام غير متعطلش بالك يكلموني ولا شي
حسن:تمام ….وطلع

سمر:قعدت مقعمزه ومسكره ع روحي الدار نبكي شويه ونسكت ونسرح قعمزت قدام الروشن نتفرج ع المطر والبرق ونراجع في روحي قداش كنت غبيه وكيف ضحك عليا مالك?وياترى شن صاير في بابا ومنال اختي توا؟!

ترن ترن ترن
صقر:ها
حسن:معاي صقر
صقر:حط رجل ع رجل فوق الطاوله….معاك جميع انواع الطيور
حسن:انا بو مالك واسمعني كويس
صقر:منيش سامع
حسن:بغيضض….من تسحاب رووحك انت البنت تكون عندي قبل العصر اليوم فااااااااهم
صقر:بي استهزاء…..عاود اشرح….ونفخ الدخان
حسن:شووف انت متعرفنيش انا منو وشنو ممكن ندير
صقر:ونتعرفو شنو المشكله؟
حسن:مش قاعد نتسهوك معااااااك انا??
صقر:طفا الدخان وعدل تقعميزته …انت تبي البنت والبنت مش رح توصلك وعطيني يومين تكون عند بوها غير هكي متعبش روحك ومعنديش كلام ….سكر الخط
حسن:سكر التالفون وهوا بيطررررربق وطلع من الشركه

طبعا كانت تستنى فيه سياره برا ولما ركب لقي عمران يسوق وجنبه صلاح ومالك
مالك:شن يابوي
حسن:اسمع انت وياه البنت هربت ومفيش طريقه ترجع الزفت صاحبكم مسكر دماغه
صلاح:ضرب الكرسي بيده
حسن:في خطه تانيه رح نديروها باش نطلعو منها بدون شك
مالك:شنو؟
حسن:اول شي لازم ………

طق طق طق
سمر:سمعت باب الحوش طق وقريب ماتت طلعت تجري من الدار وترعش مع بعضها ….ممنو هادا?
صقر:متخافيش هادا واحد وصيته ع حجات خشي لي الدار لين يمشي
سمر:رجعت لي الدار وخلت الباب مردود عشان تشوف من يلي جي

قيس:السلاااام
صقر:خش
قيس:خش للحوش وشاد معاه هلبااا كياس …..هاذا يلي وصيت عليه بنسبه لي حوايج البنت طلعت معاي نادر يفهم في الجو هوا
صقر:طلع من الكيسه مشروب ردبول وفتحه ….به مليح
قيس:يتفحص بي عيونه …وين هياا ؟!
صقر:شرب وضرب قيس ع رقبته ….مدخلكش
قيس:حط يده علي رقبته…احححيه خيرك الزح
صقر:فوتها دوت البنت توا
قيس:قعمز ع الصالون…والله منتحرك لين نفهم القصه شنو
صقر:تنهد….وقعد يحكيله في القصه

ميلود:بي لهفه ويديه يرعشو رد ع الهاتف…الوو
عمران:يلي طلبناه واتي؟!
ميلود:اي كله تمام
حسن:خش للمكتب وجايب الفلوس
ميلود:اشرله بيده بمعنى اسكت
عمران:كل يلي عليك اديره تجيني في …..وبرووحك نستلم منك ونسلمك
ميلود:وقف…تمام اهم شي بنتي
عمران:ميه ميه تعالا هي
ميلود:سكر الخط …وقعد يلم في الفلوس في الشطنه
حسن:شن صار حدوو معاك مكان؟
ميلود:اي وبنمشي بروحي منبيش شوشره
حسن:لازم نجي معاك ولدي حتى انا وبنتي
ميلود:تمام ….وطلعو مع بعض

منال:والله حبيبي خايفه عليها مفهمتش ليش مكلمتنيش
وليد:هدي روحك يمكن سافرو وميبوش يقولو لحد عرسان وبياخدو راحتهم
منال:مستحيل اختي ونعرفها كويس لازم تقولي ع كل شي عماتي وخلاني كلهم يستنو تكلمنا
وليد:به اهل العريس كلموهم؟
منال:مبكري كلمت اخته وقتلي محدش فيهم رد
وليد:ياعمري صدقيني هما مدايرين هكي عشان يقعدو بروحهم بس فرحانين ببعض
منال:ياااارب
وليد:هدي روحك
منال:تنهدت… ان شاء الله

قيس:عليك قصه ?
صقر:ولع دخانه …لو كنت مكاني شنو درت وقتها؟
قيس:مستحيل نسيبها ضميري معاد يخليني نرقد
صقر:به ياسرك هي وقت نوض روح وخليك في الحوش
قيس:وقف…به شنو نروح بيها سيارتك؟
صقر:لالا خليها بعد غضوا بنديرو راي باش نخشو طرابلس ونسلم البنت لبوها
قيس:تمام توصي ع شي ؟
صقر:سلامتك
قيس:طلع وسكر الباب

طلعت سمر من الغرفه وهيا لابسه فانيلية الصوف القصيره متع صقر وقصتها فوق عيونها
سمر:منو هاذا؟؟
صقر:يطلع في الحجات من الاكياس….مدخلكش وهاك جابولك حوايج خشي استري روحك
سمر:قعدت ساكته ونشبحله ….شن اسمك لا توا منعرفاش
صقر:بدون نيه…اسمي صقر ?
سمر:في سرها اسم ع مسمه صقر ياكبدي?

صقر:قام عيونه فيها وعقد حواجبه …شنوووو؟
سمر:بلعت ريقها…لا شي
صقر:به بري
سمر:خذت الحوايج وخشت الحمام
صقر:تنهد وقعد سارح شويه

?روايات بنووتة الشيخ.اروى الطاهر المسلاتي?

ميلود:وصل للمكان المطلوب وقلبه بيوووقف قعد يستنى في مكالمه لين فعلا شرين تالفونه

ميلود:الوو
عمران:دور وروح مصارش اليوم بكرا تعالا في نفس المكان
ميلود:شنو لعبببببيه هيااا??
عمران:سكر الخط
ميلود:لوح التالفون وخبط ع السياره
حسن؛لغو الموعد الكلاب؟
ميلود:اي حسبي الله بس والله لو يطلع صاير لبنتي حاجه لما نجيبهم واحد واحد ومانرحمهم
حسن:خلينا نطولو بالنا ونشوفوهم لا وين بيوصلو

سمر:خشيت للحمام لقيت بيجامه شتويه اخيرا وملابس داخليه نحيت فانيلية الصوف وكيف جايه بنحول باقي حوايجي عشان ندوش حسيت بي الدنيا لفت فيا بعدين معاد نعلم بشي ✨

صقر:سمع صوت تقربيع في الحمام وقف قدام الباب
صقر:يااا انتي فيه شي؟!
سمر:…….
صقر:طق ع الباب يابنت نملم فيك شنو فيه؟
سمر:لا إجابه
صقر:بنفتح الباب لو متكلمتيش
سمر:….
صقر:بلع ريقه وكسر الباب بي كتفه ونصدم من يلي شافه….يتبع