رواية اختطاف

الحلقة الثانية

سمر:قعدت نلود في الدار راسي مش مستوعب الكلام يلي سمعته من الانسان يلي حبيته ودرت المستحيل عشان بابا يوافق عليه موقف يلي تحطيت فيه بشششع موقف مستحيل تقدر تتحمله بنت انا قاعد بي الڤيلو والطرحه بس وجهي غرب من كثر البكي والعياط وصوتي راااح نهد حيلي وقعمزت وانا نتحسب عليه وع الاولاد يلي معاه ودموعي زي المطر معش وقفو

ميلود:من صدمته جي طايح ع ركبيه ….شششنو
عمران:زي مسمعت 800الف بكرا يكونو عندي وكاااش من غير الاوراق متع مناقصت تركيا وفي المكان يلي نبيه انا فاهم؟ولا بنتك وراجلها بحححح
بدير جو الرجال الاعمال وبتجيب ردع ودسكات هيا اقسم بالله بنتك إلاما نقطعهالك طرف طرف ونحطهالك في شكاير قدام باب حوشكم
ميلود:بخوووف كبير…..لالالا مش رح نكلم حد انا اننن انا نبي نكلم بنتي خلوني نسمع صوتها بس نتأكد
عمران:هااك خوووذ تكلمممم ياحيواااان
مالك:يشهق من البكي بي الكذب…..ايوا عمي الحق سمر ياعمي عطيهم يلي يبوه انا حتى قتلوني عادي سمررر ياعمي تربح?
ميلود:لون وجها انخطف وبدي يرعش….تت تمااام تماممم
عمران:ها شنو اتفقنا
ميلود:يحل في القرواطه متعه….تمام اسمعني بس خلو البنت زي ماهيا محدش يقربها ويلي تبوه يوصلكم بدون شوشره وعد مني بس اهم شي بنتي بنننننتي يا اخ منبيش يصيرلها شي
عمران:سكر الخط في وجها

وبين ماكان عمران وصلاح ومالك مفتخرين ان خطتهم ماشيه تمام رن هاتف مالك ورد……
مالك:ايوا بوي
حسن:ها شنو صار؟!
مالك:تمام وافق يعطينا الاوراق بكرا بنستلموهم
حسن:دير بالك علي اتفه التفاصيل منبوش ننكشفو
مالك:لالا متخافش كله تمام
حسن:دير بالك ومتطلعش من مكانك لا غضوا
مالك:ان شاء الله

?روايات بنووتة الشيخ.اروى الطاهر المسلاتي?

عمران:السلام عليكم
صقر:يولع في الدخان….اخيرا شرفتو
صلاح:بنخش نطمن ع البنت ?
عمران:واااك ارزن يا صلاح رزرز شويه يوصلونا الفلوس ونضمنو كل شي بعدين نضم امورك
صلاح:علاش مش توا النم نايض عليا شعوري ?
عمران:متعرفش شنو ممكن يصير مرات بوها ميصدقناش ويطلب يكلمها بتبدا تعيط واغتصبوني وتخبط فوت الموضوع نضمنو فلوسنا وفوقها البنت
صقر:نفخ الدخان من فمه….بعد ماتخذو الفلوس وتاخذو يلي تبوه من البنت؟!شنو بديرو فيها
عمران:شبح لي صلاح
صلاح:شنو بنديرو بيها يعني رصاصه في دماغها وتم الموضوع خلاص البنت شافت وجوهنا وعرفت ان راجلها متفق معانا تبيها تفضحه؟ع الاقل تموت مخطوفه ومحدش يعلم وتمت
صقر:مكانش راضي بس في نفس الوقت ميبيش يدخل روحه في مشاكل….نضمو اموركم والعريس وين مشي؟
صلاح:وصلناه لي استراحت ادم خليه يقعد غادي لين نحصلو الفلوس وبعدها ياكل ضربتين ع وجها ع اساس طلقناه وتمت
صقر:هز بي راسه وكمل دخان
عمران:فيه شنطه صغيره كانت في سيارت مالك وينها
صقر:قدام الباب
عمران:ناض خذي الشنطه وفتح الباب ع سمر….هاك ياعروسه بدلي حوايجك لقيت في الشنطه روب وحجات مليحه دلعينا ياعسل غير مش اليوم بكرا ليلتك ولا يهمك
سمر:حطت يديها علي وجها وبدت تبكي
عمران:ضحك وسكر الباب

صلاح:مدام الحكايه مفيهاش سرير مع البنت خلي نخش نرقد خيرلي
عمران:شوي ولاحقك حتى انا
صلاح:ناض لي الدار داخل وخذي معاه تالفونه
صقر:وانت متبيش ترقد؟
عمران:ناعس والله خليك انت عس ع البنت بالك تصير لقطه
صقر:لانعس لا نمي مدخلي في حد انا فوتني
عمران:ضحك ولحق صلاح

سمر:فتحت شنطة دخولها وهيا تبكي طلعت كليلكس معطر وبدت تمسح في وجها من المكياج السايح ودموعها موقفوش بعدها طلعت بيجامه سروال وتيشرت حرير لبستهم ولوحت الڤيلو في اخرر الدار ولفت روحها في كاب العرس ومعش عرفت شنو ندير خلاص ?

صقر:قعد مقعمز بروحه لوح الدخان وعفس عليه لان مضايق من يلي صاير وقرر يروح يمكن يطلع الموضوع من دماغه وقف وفي يده شيشة اميه شرب وسكر الشيشه وجت عينه ع باب الدار يلي فيها سمر …قرب منها بي خطوات متردده وفتح الباب

سمر:ناضت وقفت
صقر:قعد يشوفلها فتره كيف وجها تاعب من كثر البكي وبعدها نزل عيونه…تفضلي اشربي
سمر:قربت منه …بالله عليك وراااااسك انت الوحيد يلي رتحتله فيهم وحسيتك راجل يرررحم امك ان شاء الله ربي يستر امك وخواتك ومرتك وكل بنت تقربلك
صقر:تنهد…اشربي الميه وفي الدولاب تلقي غطاء عشان ترقدي…وجي بيطلع
سمر:مسكاته من يده يلي كلها عضلات بي يديها الصغيرونات
صقر:نزل عيونه وشاف لي يدها
سمر:اطلب يلي تبيه بس وصلني لي بابا ??
صقر:نفض يدها ووقف….انا مدخليش لا بيك ولا بيهم افهمي
سمر:شافت للباب المفتوح
صقر:اهدي وارقدي وبكرا يتصرفو معاك
سمر:مشت تجري للباب بتهرب شدها صقر من خصرها بي يد وحده وسكر الباب بيده الثانيه
سمر:بدت تخبط فيه ع كتافه وتعيط …..بيغتصبوووووني الكلاااااب
وبيقتلوووني????حرااام عليك معندكش ضميرررررررر
من كثر ماسمر تعيط وتحاول تفك روحها لين طاحت وجبداته معاها
صقر:سكرلها فمها بيده وهيا قريبه ليه…..اشششششش معش نبي نسمع كلمه ….وطلقها بقوه
سمر:مسحت دموعها ….اطلع من الدار مستحيل نخليهم يديرو يلي في راسهم…شافت للثريه يلي في الدار …..رح نشنق روحي اي بنشنق روحي اططططلع من الدار انت
صقر:وقف وتنهد خذي نفس….وتي روحك بلا صوت مابين وقربت السياره
سمر:مسحت عيونها بفرحه…..بترجعني لي بوي صح
صقر:سرعي روحك….وطلع
قعدت سمر تلف في الكاب ع روحها وسكرت شنطتها وطلعت من الدار

قعد صقر جسمه كللله ينمل ووجها احمر لان اول مره يقرب ع بنت في حياته ?كل البنات يعجبهم شكله بعدين يخافو منه يوخرو
سمر:مشت بسرعه ركبت السياره وطلع بيها صقر

?روايات بنووتة الشيخ.اروى الطاهر المسلاتي?

منال:بابا تعشيت؟
ميلود:مقعمز وعقله في بنته يفكر كيف بيطلعها من المصيبه هادي وهوا خايف يصيرلها شي
منال:بابا؟؟!
ميلود:ها شنو؟
منال:تعشيت ولا نحطلك؟
ميلود:لالا شبعان الحمد الله
منال:قعمزت جنبه ومسكت يده….عارفه انك زعلان بسبب زواج سمر بس الله غالب هاذي سنة الحياه لا امتى بتقعد جنبك؟
ميلود:بي ابتسامه مزيفه….ربي يهنيها
منال:بعدين دير في بالك حتى انا معش مزال هلبا ع العرس ومنبوش نخلوك بروحك لازم نزوجوك
ميلود:نهني عليكم يابنتي بعدين ساهل
منال:باست راسه….وطلعت من المربوعه لان قااعد الحوش زحمه من حوست العرس والعيله بايته

صقر:يجري بي السياره وقريب يقلب الدنيا
سمر:رغم اني كنت مع واحد غريب ومنضر عضلاته كأنه بوديقارد او مجرم بس كنت مترررريحه وقلبي مطمن منعرفش علاش …كان الجو صقع هلباااا والنصر تصب وانا لابسه بيجامة نوم متع عرايس ولافه روحي بي كاب الڤيلو ?طول الطريق دموعي ينزلو بلا صوت اليوم عرسي بدل منكون في دار نوم انا وعريسي وفرحانين هاربه مع واحد منعرفاش ولا عمري شفته وانا سارحه وعيوني ع الروشن نتفرج ع المطر يلي تصب قاطعني صوت كله رجوله❤️…..انزلي وصلنا
سمر:شبحت قدامها شافت مزرعه كبيره ومفيش اي سكن ….بس هادا مش حوش بابا
صقر:ومش حوش عمك …انتي في الخمس توااا
سمر:?خمس شنووو
صقر:جابوك فاقده الوعي متعلميش بروحك انزلي نباتو هنايا وبكرا يصير خير
سمر:هزت براسها ونزلت تجري تحاول تهرب من المطر لين خشت تحت مضله ولحقها صقر
صقر:وقف طلع المفاتيح وفتح الباب وخشو
سمر:قعدت تتفحص في الحوش بعيونها كان صغيرون دار ووسط حوش وحمام وكوجينه بس مخدوم حلووو ارضيه خشبيه وديكور يجنن
صقر:لوح المفتاح ع الصالون….تقدري تخشي الدار هيا نضمي امورك فيها
سمر:مبليت من المطر و ….معنديش حوايج
صقر:قام حاجبه بهزوه….اي؟؟؟؟ومنين تبيني نجيبلك حوايج في ها الوقت حتى المنضفات مش فاتح توا
سمر:بتردد….لا مش هكي يعني لو في حوايج اي حد هنايا حوايجك مثلا
صقر:تنهد…شوفي في الدولاب اي شي
سمر:ابتسمتله…صحيت
صقر:شحوري دين امي في ها الليل وقوليلي صحيت
سمر:سكتت وخشت لي الدار وسكرت ع روحها
صقر:قعمز ع الصالون وراسه بين يديه ….شن درت ياصقر كيف تتورط هكي الزززح

سمر:فتحت الدولاب شفت حوايج ولد الواضح ان حوايجه هوا لان نفس ستايله كناتيرات وسروايل مشروكات وشورتات وملابس تمرين وهكي خذيت فانيله متع صوف رقبه لبستها وجتني لا فوق الركبه وطبعا وااااسعه هلبا سكر الدولاب وحطيت راسي ع المخده وانا نبكي ومش مصدقه يلي داره معاي مالك كيف يعد الحب هاذا كله يطلع كذاب

صقر:مر ع الحوش كللله سكر الرواشن والبيبان كويس وتلوح ع الصالون ودماغه ترفع وتجيب لين غفي ???

ميلود:فتح الخزنه متعه طلع الفلوس يلي في حوشه كلهم تقريبا جو ال20ألف حطهم في شنطه عشان تاني يوم يسحب من الشركه ويكمل المبلغ المطلوب طلع ورق المناقصه متع تركيا يلي طلبوها العصابه قعد يشبح للورق فتره ….عرف روحه رح يخسر جزء كبير من ثروته لان رح يتراجع علي عقد وبيدفع هلبااا بس مدورش عادي وعنده بنته بي الدنيا❤️

?روايات بنووتة الشيخ.اروى الطاهر المسلاتي?

الساعه5الفجر:-
صقر:فتح عيونه ع صوت التالفون يشرين ناض من مكانه ورد …الوو
عمران:صقررر وين البنتتتتت???
صقر:وين نعلم
عمران:مديرش ام الجو عليا صقر فاهم يلي ادير فيه كوووويس ره رجع البنت قبل ما الشمس تطلع لو عرف بو مالك انها هربت رح يقطع رقابينا ياصقر الدوه مش لعب
صقر:خش للمطبخ وصب اميه ….وانا شن دخل رقبتي؟انتم متفاهمين معاه تقدرو تطلعو منها زي مدخلتو
عمران:البنت بترجعهااااا ولا لا من الاخير راهو حتا انت بتمشي في الجره متنساش عيلتك
صقر:للحضه فكر يتراجع ويسلمها لاكن وهوا يقرب ع الصالون وقف ع باب الدار وسمع سمر تبكي
عمران:ها شنوووو قلت
صقر:تعرف شنو؟
عمران:شنو
صقر:برا ?????
عمران?خيرك صقر؟
صقر:اطلع من دماغ دين فيتي ترا مش ناقص ….وسكر الخط
عمران:لوح التالفون ع طول يده وبدي يسب ويخرط
صلاح:ضرب المزهريه بي رجله….كنت عارف مش راضي ع يلي صاير النم ياريتني قعدت نايض
عمران:وعيونه شرار….سيوره يجيبها يبي ولا ميبيش?

ترن ترن ترن
قيس:عيونه مسكرات….خيرك تحلم بيا ولا تنوض فيا للفجر
صقر:نوض صحصح نبيك
قيس:يحك في عيونه…ها شنو
صقر:الايام هيا اقعد جنبك امك وخواتك اي حد يجيك الحوش طربقه
قيس:افففف مع منو مداير مشكله؟ووين مسافر؟
صقر:لا مش مسافر حاجه بسيطه تو نتلاقو ونهدرزو مهم دير زي مقتلك وخواتك عينك عليهم
قيس:به الزح فهمنا خلينا نتمرقدو
صقر:طير هي

ثاني يوم:✨✨✨
زينب:غريبه خيرهم مكلموناش العرسان؟
منال:والله منعرف ياعمتي متردش من بكري نتصل
فاطمه:ترا بري سلم بنتي اسألي بوك بالك كلمه مالك
منال:تمام…وطلعت

مالك:تكنطااااا ويخبط:تي كيييييييف تهرب الزح وينكم انتووو
عمران:هدي روحك البنت مع صقر
مالك؛وكااان معاه النمممم مش مستريحله الولد هوا انا تي كان وصلت بوها بتفضحني انا وعيلتي كلها
عمران:متخافش كلمت البوابات كلهم وعطيتهم المواصفات متقدرش تطلع لي طرابلس بدون ميكون عندنا علم
مالك:قعمز وهوا يتنفس بعننف من كثر الغيظ…تو نشوفو اخرتها

منال:اااه به علاش متردش علينا مدام مالك كلمك
ميلود:يحاول ميوضحش…اختك عروسه معش تزعجيها تو تكلمكم قبل متسافر
منال:بس…..
ميلود:خلاااص بنتي مستعجل بنطلع
منال:بقلق…به?
ميلود:خذي دفتر الشيكات والفلوس وطلع

?روايات بنووتة الشيخ.اروى الطاهر المسلاتي?

سمر:فتحت عيونها وماهيا إلا ثواني واذكرت هيا وين وشن صار معاها وتمنت لو كانت حلم?ناض من سرير وفتحت باب الدار وشافت صقر نقعمز ع طاولة الاكل يشرب في الشاهي بي يد واليد التانيه يتمرن بيها ??

سمر:صباح الخير
صقر:رفع عيونه فيها ونصدم…يتبع