رواية اختطاف

اختطاف 18 والاخيره

محدش يعلق قبل ميقرا والملصقات ممنوع

وفجأه حاوطوهم زوز سيارات وبسرعه رهيبه نزلوهم صقر وسمر يلي قريب يغمى عليها من الخوف والعياط اذكرت شنو صار معاها ليلة عرسهاا?

منال:افففف متردش عليااا سمر
قيس:به منو خيرك متوتره تو تكلمك مشالها صقر
منال:به حبيبي
قيس:عمررررى
منال:اهااا
قيس:اهدي ياروحي واسترخي
منال:تمام ?هي سكر توا
قيس:نستنا في الليل بي فاااارغ الصبر
منال:قيس خلاص عاد?
قيس:مش كان درنا عرس طوول وخلاص ?علاش خطبه وتشحوير
منال:هههههه حبيبي هيا بنسكر
قيس:تمام ياروحي هي نتلاقو
منال:سلامات …وسكرت الخط

اما عند سمر:-
3سيارات لبوه مسلفرات وجنبهم اكتر من واحد ملثم وجها شادين يدين قيس وسمر مقابلين بعض

سمر:????بعد من عليااااااااا
الولد:فوت قدامي تحرك
صقر:ماشي ومردش بي حتا كلمه
سمر:صقر?لالالا????صقرررر تعاااالا متخلينيش ???
صقر:قعد واقف قدام سمر ومردش بكلمه وسمر قااالبه الدنيا عياطات
الولد:فك يدين صقر وعطاه باكو صغير وتراجعو الاولاد كلهم
الولد:سحب السلاح علي صقر….هياااااااا تكلم
سمر:مفهمتش قعدت تشبح علاش الاولاد يلي بسلاحاتهم وملثمين تراجعو وسيبونا؟؟قعدت تشوف لي صقر ومسحت دموعها
صقر:ااءء انا من يوم سافرتي وانتي في راسي يعني مقدرتش نطلعك في كل مره نحس بي حاجه نتراجع واضيعي مني و. ….قعد يحك في رقبته ومتوتر
الشاب:كممممممممل
سمر:مصدوووووومه وعيونها حمر من البكي تشوف للولاد وترجع تشوف لي صقر
صقر:اممم انا انن انا اخترت الطريقه هادي عشان لو تراجعت يردوني ويخلوني نعترف
سمر:شش شنو؟!
صقر:بلع ريقه…انا منعرفش نعبر ومنعرفش في العاده يلي يحبو او يلي في الموقف هاذا شنو يقولو لاكنن…
سمر:مصدووووومه
صقر:فتح الباكو ….تتزوجيني؟?
سمر:حطت يديها ع فمها من الصدمممممه ودموعها ينزلو
صقر:قرن حواجبه …اءءء بس ديري في بالك حتا لو رفضتي رح ناخذك مش مستعد نكمل حياتي زي الدرويش لاعارف نرقد زي الناس لاعارف ناكل راسي تقول في متفجرات و…
سمر؛حضناته وهيا تبكي بدون ميكمل كلامه
صقر:??
عبدو:نحا اللثام متع وجها……الله واكبررر?
وبدو يضربو بي سلاحاتهم فوق وخشت بعضها

صقر:بلع ريقه ووجها احمر …تحشمي قدام الاولاد
سمر:بعدت من عليه وهيا تضحك وتبكي في نفس الوقت
صقر:لبسها الخاتم….اركبي السياره وساوي وشاحك
سمر:ضحكت من قلبها مسحت دموعها وركبت السياره
صقر:قعد يسلم علي صحابه
عبدو:خيتسلمه يلي خدوده حمر
صقر:عبدووو خلاص عاد
عبدوو:حضن صقر وهوا ميت بضحك علي منضره كيف متحشم
وقعد صقر يسلم ع بتقي صحابه ويباركوله لين ركبو سياراتهم كلهم وطلعو

صقر:خذي نفس عمممميق وركب السياره وهوا خاش في بعضه وبردو قارن حواجبه ?
سمر:تشوف للخاتم يلي في يدها وتبكي مقامتش عيونها بكل
صقر:يسوق وعيونه في الطريق….علاش البكي تواا
سمر:مسحت دموعها وشافتله …وامك وخطيبتك صقر ؟
صقر:مسك يدها باسها وقعد يسوق وهوا ساكت
سمر:ابتسمت بعدين قرنت حواجبها وبدت تخبط فيه علي كتفه وعضلاته
صقر:درس السياره….تي خيرك خيرك?اهدي
سمر:?علاش خليتني الفتره هادي كلهااا مكلمتنيش مدام تحبني علاش خليتني هاااااا؟انت عارف قداش تعذبت وبكيت الفتره هادي كلهااااا
صقر:مقدرش يشد ضحكته وحضنها بيد وحده بين ضلوعه??وسمر تعيط زي الصغار?

?روايات بنووتة الشيخ.اروى الطاهر المسلاتي?

تعالو خلونا نشوفو شن صار قبل؟وكيف خطط صقر لي هاذا كله؟!

عبدو؛ليك ساعه تقولي تعاله تعاله ولما جيتك تبلع في ريقك وتتمرن شنو جايبني نكحل فيك ولا كيف
صقر:اففف به نوض روح اقلب وجهك
عبدو:ههههه به اهدا وخوذ وقتك وانت تفكر هي
صقر:بلع ريقه…الموضوع يخص البنت
عبدو:اي وحده؟!
صقر:شنو اي وحده حسستني عندي الملايين نحكي على متع موضوع صلاح وعمران
عبدو:اهاا شن كان اسمها هيا
صقر:معندك مدير بيه اسمها?
عبدو:نزل راسه وشد ضحكته…به تمام خيره البنت
صقر:مش عارف هكي من يوم سافرت وانا نفكر فيها نفكر فيها زي ميصيرلي لما نبي نشري سلاح جديد نقعد نفكر فيه هلبا غير مزال هيا اكتر
عبدو:تفجر بضحك…..ههههههههه سلاح شنو يااهبل انت تحبها البنت
صقر:تي لا لا
عبدو:ههههههه اسمع صقر انت تحبها ومتعرفش الحب لما حسيت هكي خشت بعضها عليك ومش فاهم شي الزح انت حتى اسمها مش راضي تقولي عليه من الغيره
صقر:والحل
عبدو:قبل منقولك الحل …انت شنو شن تبي منها البنت؟!
صقر:نخطفها وهكي تقعد نتفرج عليها ونريح راسي الملخبط
عبدو:تعرفت عليها في خطفه وبتنهيها في خطفه?حياتك كلها ✨اختطاف✨ربي يهديك?
صقر:شنو به ؟!?
عبدو:تزوج النم
صقر:بلع ريقه….وكان هيا متبيش؟
عبدو:نخطفوها
صقر:تم تم
عبدو:قعد يضحك
صقر:خلاص عاد سكر فمك خير منفترشلك وجهك
عبدو:هههههه به خلاص ها

صقر:قارن حواجبه وبجديه….اي نبيها
سالمه:شنو تقول صقر تحشم انت خاااطب
صقر:شبح لي قيس
قيس:بصوت وااطي…زي معلمتك هيا هيا
صقر:احمم كان مخذيتهاش طلعي سريب الزواج من راسك
سالمه:ياحليلي خيرررركم ساحرينك انت وخوك ولا شنو?
صقر:هاذا يلي عندي بتوافقي نعرسو انا وقيس مع بعض
سالمه:تنهدت ..وقعدت تفكر تبي صقر يتزوج بس تبيه للبنت يلي خطبتها
بلقيس:اي ماما وخيرها سمر في الزين قنينه وباقي الحجات تتعلم شوي شوي اهم حاجه يبيها صقر
صقر:الوجه الوان الوان من الحشم ومداير روحه مش معدل
سالمه:ديرو يلي يساعدكم ?
صقر:منبيهاش هكي انا خليها برضاك ولا نسافر ونلغي كل شي
سالمه:لالالا شنو تسافر غبارتي …امري لله خودها
صقر:ابتسم وباس راس امه ❤️

وهاذا يلي صار خلينا نرجعولهم توا :——

صقر:حاضن سمر وهوا وهيا تبكي من فرحتها ومش مصدقه كيف صار هكي وقطع عليهم صوت التالفون

سمر:بعدت عليه ومسحت دموعها …الوو
منال:سمررر وينكككككك
سمر:اهو خلاص وصلت
منال:تمام هي نستنى فيك
سمر:تمام
صقر:خوذي حتا الكيسه يلي من تالي نزليها
سمر:به…جت بتنزل بحركه مفاجأه مسك يدها وجبدها ليه
سمر:جي وجها علي لحيته?
صقر:دخل الشعرتين الطالعات من الوشاح ومسحلها دموعها ….تنزل خطيبتي وهيا مبتسمه مش تبكي زي الصغار
سمر:نزلت عيونها وبتسمت
وميف زاد قرب عليها صقر وانفاسهم اتداخلت في بعض ?? يطق سوداني ع الروشن
سمر:بعدت من عليه بسرعه
صقر:نزل المرش….نعم ؟!
السوداني:انا في هنايا نضف ممنوع سياره توقف
صقر:به تمام …هي انزلي لي اختك
سمر:ابتسمت …تمام
نزلت سمر ونزلت القفطان وكيسه تانيه وخشت للكوافير

سمر:السلام عليكم
كلهم وعليكم السلام
منال:اخيرا جيتي
سمر:شافت لي منال لقتها قريب تكمل التسريحه ….مش قلتيلي تبي القفطان باش تختار عليه ؟
منال:اسكتي وقعمزي
المزينه:هاذي وخيتك العروسه
منال:اي كمليلي وخوذيها طوول
سمر:شنو?
منال:حلوا الذبل مبارك ياروحي
سمر:شافت لي ذبلتها بعدين رجعت شافن لي منال…..وانتي تعلمي؟
منال:نوضي شوفي قفطان بيانك خترته انا وبابا وصقر
سمر:شن تقولي انتي??????
منال:مداير هولك سبرايز ياروحي يحبك لاكن رومنسيته كلها بي الاسلحه والمتفجرات
سمر:قعمزت فاتحه فمها
البنت:يارووحي محلاها مداير هواك مفاجأه ربي يكمل عليكم بي الخير
سمر:ابتسمت وهيا مصدومه
ناضت منال من كرسيها حضنت سمر وسمر في عالم تااااني ???

ترن ترن ترن
ميلود:ايوااا
سمر:حتى انت كنت تعرف ومقتليش ?
ميلود:ههههه يافصعونه انتي واختك تسحابيني منفهمش قريب هبلتي لما سافر
سمر:تحشمت ….والله مصارت هي
ميلود:هههههه بري وتي روحك مع اختك خليني نزوجكم ونفتك منكم
سمر:???نرفض ونقعد علي قلبك ره
ميلود:تو نكلم صقر يتفاهم معاك
سمر:??

?روايات بنووتة الشيخ.اروى الطاهر المسلاتي?

طلعو وسمر ومنال من الكوافير وكل وحده احلا من التانيه سمر كانت حاسه روحها في حلممم
بعد خشو للقاعه وكلهم مصدومين كيف حتى سمر لابسه شنو بيانها؟ولا هكي وخلاص ويتساألو يتسألو لين خش قيس وتغطو كلهم لبس منال والفرحه والضحكه من الودن لا الودن وبعد شوي تغطت منال وخش صقر الصقوره ياكبدي??حتى في عز فرحته هذوك الحواجب مقرونات واللحيه مساويها والشعيرات ❤️❤️❤️خش لبس سمر وكلهم مصدوووومين لان محدش كان يعرف

فاتت الحفله حلووووه وتهبل الفرحان فيها اكتر من الزعلان والامور مرتبه روحو وطبعا بايتين عندهم البنات والاقارب وسمر تحكيلهم في قصتها وكيف صار معاهم وهما هاااايمين معاها يا كبدي ❤️❤️

بعد الخطوبه بي اسبوع بدي صقر شوي شوي يتعلم في الرومنسيه وسمر كانت تموت فيه لما ميعرفش يتكلم ويعبر? وقرر صقر يقرا الفاتحه علي سمر وفعلا قراها مستعجل ياروحي ❤️جي عرس بنت خالهم حضروه كامل وطبعا صقر البسي هكي مديريش هكي و و و و

تم العرس ويوم الحفله روحو منال وسمر للحوش وبوهم قعد في العرس بايت .

سمر:تاكل في اللليم ….ها بيبي
صقر:الف مره نقولك معش تقوليها الكلمه هيا
سمر:ايواا ياصقر
صقر:مش هكي عاد?
سمر:ها حبيبي
صقر:اي هكي باهي
سمر:خيتي سلمه حبوبي غزالي عضلاتي انت ??
صقر:ابتسم …بعد شويه جايك
سمر:الله?
صقر:اي بندير عليكم دوره بوك مهناش وانتي مرتي
سمر:به??

قيس:الزح هيا امتا بنتزوجو فديت
منال:??قريب قريب
قيس:يقهر فيا صقر كمل حوشه
منال:وانت ياروحي كمل حوشك علاش تراجي
قيس:اااااه عطيني شهر بس وجايك حي عليك حي
منال:???

سمر:لبست جاكيتهاوطلعت بعد ماقلها صقر قريب نوصل طلعت ترتب وتساوي وفجأه ناداها شخص قلبها طااااح هيا عارفه الصوت هادا كووووويس تلفتت ونصدمت
مالك:كيف الحال سمر
سمر:اءء اطلع اطللللللع وربي نقلب عليك الدنيا
مالك:استني نبيك في كلمتين
سمر:منبي نسمع منك شي اطططططططلع
مالك:سمر عارف اني غلطت و…..
سمر:هههه غلطت؟؟؟؟تي انت دمرتني مش غلطت بس الحمد الله يلي درتها باش نتعرف علي راجل زي صقر
مالك:اسمعيني انا….
صقر:يخش وعيونه ناااااار??شده من حوايجه وطلعه وسمر قريب تموت
صقر:حذف مالك براا…..وربي ثم وربي ثم وربي نشوف وجهك قدام الحوش هاذا خودها مني كلمه معاد صابح عليك صبح
مالك:وقف ساوا حوايجه وركب السياره وطلع
صقر:تلفت لي سمر يلي كانت واقفه تررررعش …سكر الباب وجاها
سمر:والله مدخلي انا كنت…
صقر:شدها من يدها….منو يلي قااااالك افتحيله؟منوووو
سمر:هوا لقي الباب مفتوح مدخليش انا
صقر:تنفس بعمق ويحاول يهدا
سمر:حطت يدها علي لحيته وقربت منه بدلع…حبيبي خلاص والله مدرت حاجه انا
صقر:بعد يدها….بطلي بلا حركات مايعه
سمر:زادت قربت ….شن دخلك انت راجلي وحره فيه
صقر:قعد يشوف لي فمها ويبلع قي ريقه
سمر:زادت قربت وزادت دقات القلب وزاد النفس الحااار ?❤️
صقر:ولي اول مره قامها وعطاها بوسه طوووويله?ودفن وجها في رقبتها
وسمر:حاضنه عضلاته

منال:تهدرز مع قيس ….وطاحت عينها ع روشن تشبح ومصدوومه
قيس:الووو
منال:حي عليهم??
قيس:من هما؟!

صقر:دخل صوابعه بين خصلات شعر سمر وزاد لصقها فيها ويبوس فيها
سمر:حست انه الحكايه سخنت اكتر من اللازم ?….حبيبي
صقر:مغمض عيونه وعلي رقبتها…همم
سمر:مسكاته من خدوده وهوا زي الدايخ….احممم خلاص عمري
صقر:كله منك تجري فيا للفحشاء والرزيله
سمر:قرصتله خدوده….نجيهووووولي ياربي
صقر:هاذي اخرتها؟صقر الصقوره يقرصو خدوه زي العيل ويقولوله نجيهولي ياربي ؟
سمر:حضناته وهيا تضحككك

زكيه:عرس منال واختها قريب
وليد:عرسهم قريب وسمر طلعت بريئه ورجعو زي قبل واحسن وانا طلقت يما عاجبك يلي درتيه فيا؟؟؟حرمتيني من البنت يلي نحبها ومقدرتش نتفاهم مع بنت الاصول ع قولتك يلي جبتيهولي شوفي لاوين وصلت
زكيه?

?روايات بنووتة الشيخ.اروى الطاهر المسلاتي?

بعد مرور 4شهور:——
منال:نررررعش بنموووت
سمر:تساوي في الفيلو …احرف منك
منال:شافت للمرايا….بس طالعين زي العسل
سمر:ياحليلي امتا بنروح مع صقري ??
منال:صايعه حيوانه
سمر:دخلكش ?

زينب:هيا عرايسنا اطلعو هي
حوريه:تلود عليهم بي البخور والزغاريط بدت تعلاااا
ومنال وسمر يدرجو وبوهم بينهم رافع راسه❤️دخلهم ورقص معاهم وهوا في قمة فرحته وطلع كانت الحفله كبيره ومش ناقصها حتى حاجه فرقه غنائيه كبيره واحسن عشي وكل شي حلوو وهياجه من بداية الحفله لين كملت✨وطلعو العرايس

ركبت منال مع قيس وسمر مع صقر وشباب وبنات العيله وراهم في السيارات ومدايرين العار شوفو???

نجلاء:ويا امي محلا دين امه حي حي حي حي يعاكس والسبسي في فمه حي حي حي حي
بلسم:وين علي صدرك ترميني حي حي حي حي ننسا حتى لي مربيني حي حي حي حي
هدايه ووووووووه ??????

في السياره:-
صقر:مسك يد سمر ….اليوم ياقلبي
سمر:رفعت الكاب علي عيونها…شنو?
صقر:حتى اليوم بيصير فيه ✨اختطاف✨بس ع ذوقي …وغمزلها
سمر:هههههههه

بعد مرور سنه:—
ميلود بوهم تزوج وحده اسمها فتحيه ويدلعو فيها توحه وهااايم معاها في العسل?

منال:عندها وليد اسمه محمد علي اسم بو قيس
ويموتو في بعض قاعدين

اما صقر قاعد زي ماهو يتحشم ونقرت الحاجب ديمه بس لما يوصل في سمر يستسلم ?جابتله بنوته سموها جنى نسسسسخه من سمر وقصتلها قصتها زيها سمر الصغيرونه❤️دلوعت بوها ياكبدي ومتناديش فيه بابا تقوله يا صقري?

وليد هاجر وامه معش شافاته وقعدت ايامها كلها عزي وبكي وبس

اما مالك بوه قعد طريح فراش لين صارله تقرحات في كل جسمه وتوفى واخته معش سمعو عليها شي وقعد مالك يخدم في محل مواد غذائيه ((الله الله ع الدنيا))

بلقيس:تزوجت وحامل ❤️❤️اما بنات العيله نجلاء يلي قريب تهبل هيا وهدايه واميمه نخطبو لاكن بلسم تقرا طب ورفضت الزواج في الوقت الحالي

*احيانا اكبر مصيبه في حياتك تتحول لي احلااا شي في حياتك ❤️

*سواء كان بعد اسبوع او شهر او سنه او سنين لو كنتي مضلومه الحق رح يباااان واي حد نيته سوداء رح تولي عليه

*ميغركش اليوم صحتك وفلوسك وانك من عيله متسميه وياخذك الطمع وتضلمي غيرك لان في لحضه هووووب معش عندك ولا شي منهم

*ديما موجود فرصه تصلحي من نفسك وغلطك مهما كاااان ره ديمه الفرصه موجوده استغليها وصلحي وحاولي وديري العاااار والمستحيل عشان ميضيعش بين يديك شخص تحبيه ❤️

النهايه❤️…وزي منقول انا ديمه بنووتة الشيخ(اروى)الحب موجود في كل مكان بس انتي دوري كويس واختاري صح

راايكم يهمني