رواية اختطاف

#اختطاف 17 ماقبل الاخيره

ميلود:خليك هنايا متتحركيش لين نجيك
سمر:هزت براسها
طبعا كانت تكذب مكانتش دايخه بس تبي تقعد لين الطياره تقلع عشان تتأكد ان صقر سافر وفعلا طلعت الطياره ?وسافر صقر.
سمر:تنهدت ونزلو دموعها لما شافت بوها جاي من بعيد مسحتهم
ميلود:ها شنو تحسي
سمر:الحمد الله
ميلود:خلي الدكتور يشوفك
الدكتور:What you feel now
(بما تشعرين الان)
سمر:I felt nauseous but improved thanks
(شعرت بي الغثيان ولاكني تحسنت شكرا )
الدكتور:Well I’m glad to hear that
(حسنا انا مسرور لسماع ذالك)
ميلود:Thank you so much
(شكرا جزيلا)
الدكتور:Pardons
(العفو)…ومشي

ميلود:هي نوضي سلم بنتي نروحو
سمر:ابتسمت وقلبها يتقطع مشت مع بوها وعيونها ع المطار يمكن يصير زي الافلام وتشوف صقر جايها ويعترفلها انه مقدرش يسافر بس للاسف مصارش هكي ركبت السياره مع بوها ورجعو لي الشقه

اما عند صقر كان راكب في الطياره يحاول يغير جوه وينسى بي اي طريقه وهوا يردد داخله عادي فتره وتفوت خلاص حمل ونزاح ع قلبي المهم وصلتها سالمه لي بوها

سمر:مقعمزه جنب بوها…بابا شن صار معاك في الخدمه
ميلود:يخدم ع اللاب توب …الحمد الله كله تمام كل يوم نتحسن اكتر واكتر مرات نفكر نرجعو ليبيا ونفتح شركه من جديد
سمر:اي احسن يعني اهلنا وحبابنا كلهم غادي
ميلود:يصير خير يابنتي المهم انتي واختك بصحه كويسه وجنبي معادش نبي شي
سمر:ابتسمت وباست يد بوها …بابا بنسألك
ميلود:اها شنو
سمر:وليد فسخ من منال رسمي خلاص؟
ميلود:تنهد بوجع….اايي وخطب قريبته
سمر:مش ع اساس ولد خالي وقريبنا وميرضى فينا شي؟!
ميلود:الله غالب عشنا وشفنا وياااما بنشوفو
سمر:بس محسيتش انها حزينه يعني عادي تضحك وتاكل وجوها حلو
ميلود:ابتسم الباين في حد جديد
سمر:تحشمت من بوها وقعدت تضحك….هههه لالا معتقدش
ميلود:غضوا يذوب الثلج ويبان المرج
منال:انا جييييت
سمر:ههههه اذكر الحقير يجيك يطير
منال:كنتو تقرمو فيا
ميلود:نزل نضراته …مدخليش انا هيا تقرم
منال:هههههه به به

مالك:طلع بوه من المشفى وكان مشلول تماما عيونه بس يتحركو خذي مالك بوه وامه ومشو لحوش جده المهجور نضفه وقعدو فيه وامه مريم تبكي وبس علي بنتها ونست شنو قالت علي سمر وكيف سايرت ولدها ع الغلط وفضحتها بين الناس زي ما ربي فضح بنتها

?روايات بنووتة الشيخ.اروى الطاهر المسلاتي?

الساعه8في الليل:-
صقر:وصل تونس ونزل في فندق قريب من المطار اول مخش للغرفه طووول دوش ورقد ع السرير وحاس انه راسه بيتفجر

في غرفة منال وسمر:-
منال:الله مش مصدقه اخيراااا رجعنا زي ايام قبل
سمر:ابتسمت..الحمد الله
منال:حاسه انك مضايقه من شي خيرك؟!
سمر:خذت نفس عممميق….ولا شي
منال:احكككي بلا جو ع خاطر مالك؟!
سمر:اففف انتي التانيه من مالك
منال:امالا خيرك تكلمممي بلاجو
سمر:صقر
منال:خيره؟
سمر:غلطت وو…
منال:غلطي فيه؟?
سمر:اففف لا
منال:امالا شنو تكللللمي نشفتيلي ريقي
سمر:حبيته?
منال:شنوووووو?
سمر:وهوا زي الحجر ولا عاطيني وجه بكل
منال:كيف صار امتى لحقتي تنسي مالك سمر خيرك
سمر:عرفت اني مكنتش نحبه مالك ممكن عاجبني الجو يلي دايرهولي زمان والدلع بس محبيتاش ليه هوااا
منال:تسمع ومصدومه
سمر:بس صقر راااجل حماني من نفسه قبل اي حد فيه صفات تجنن يامنال
منال:بس هوا خطب
سمر:هاذا يلي قهرني حتى بعد اعترفتله بيلي نحس بيه سمعني كلام زي السم
منال:وعترفتيله فوقها ?…..مسحت وجها بي يديها،…اسمعي واضح عليه جدي هلبا ومش متع حب لهاذا السبب خلاص حاولي تنسي يعني انتي توا في لندن وهوا توتس وبيرجع ليبيا كل واحد بيرجع لي حياته وين مزال بتتلاقو؟!خلاص انسي
سمر:اااااه هادا يلي بيصير ياالله خليني نرقد مصدعه نحس في روحي
منال:ارتاحي
سمر:حطت راسها ع المخده واول مسكرت عيونها جت قدامها صورة صقر

اما منال غطت روحها بي الشرشاف وتهدرز مع قيس يلي منسيها وليد وخطبته وكل شي ومحلياها جوها

عبدو:تسافر بدون علم ياتيس
صقر:تي رجعت البنت لي بوها الزح قصه طووويله
عبدو:هاذي متع موضوع صلاح وعمران؟
صقر:اي
عبددو:حقا سمعت بي عمران شن صار فيه؟
صقر:يصب في الميه….خيره؟
عبدو:بدي يغسل في الكلاوي وخشت بعضها عليه سافر المانيا يعاين وشي شي قاعد وصلاح معادش ريناه
صقر:هاذا عقاب الدنيا مزال الاخره
عبدو:ااااه ياشيخ الليل انت ياصقع?
صقر:ضحك ….والله معندي نيه فيك طير خلي نرقد
عبدو:شنو منو امتا مروح
صقر:غضوا اول طياره معندي لاش قاعد
عبدو:تي اقعد ياراجل ونلحقوك
صقر:مش عااارف
عبدو:غير خليك تو نجو حني ونشدوها اسبوع هياجه ونروحو مع بعض
صقر:تم تم
عبدو:ماشي هي تو نسق مع الاولاد
صقر:تمام

#تسريع_في_الاحداث
بعد مرور شهر ونصف…….

سمر:رجعت حياتها زي قبل وكلمت عيلتها فيديو عمامها وخوالها واطمنو عليها والامور تمام بس قلبها مرضاش ينسى صقر?

ميلود:من خلال شهر بس قدر يرجع شغله ومصالحه وبدي مطلوب وهلبااا شريكات تبي تتعامل معاه

منال:من اسبوع تقريبا اعترفلها قيس بي حبه ليها وهيا مصدقت وقلها ان رح يدير المستحيل عشان يتزوجو❤️

اما صقر قعد اسبوع هوا وصحابه في تونس ع امل ينسى كل شي بس حتى بعد روح يشوف فيها في كل مكان بذات بعد شاف سلسلتها في دار بلقيس وعرف روحه حبها بس مش قادر يدير شي

ميلود:حنين بنت خالكم عرسها الاسبوع الجاي
منال:بنمشوووووو???
ميلود:اي قاعد اهو ندور في حجز
سمر:مسرع كبرت هذيك الفصعونه?
ميلود:ههههه بسرعه متجري الايام
منال:خلي نشوف الشاهي ع النار ….وناضت
سمر:بابا امتى بنمشو؟
ميلود:السبت كان حصلت حجز
سمر؛به

منال؛بعتت مسج لي قيس…..حبيبي الاسبوع الجاي مروحين ليبيا
قيس:بسرعه مرد عليها….كككككيف وامتا ؟قصدي بتقعدو هنايا؟!
منال:لالا بنحضرو عرس بنت خالي ونروحو
قيس:تمام تو ندير راي شوي ونكلمك
منال:تمام?❤️

?روايات بنووتة الشيخ.اروى الطاهر المسلاتي?

صقر:قلبه ددددق لما سمع بي اسم سمر وسرررح
قيس:هاا شنو صقر بتكلمها؟؟…صقررررر
صقر:هااشنو
قيس:ايااااه علي امنا ساعه ليا نخرف خش فهم امي ع القصه كلها وراسك النم البنت بضيع مني كان مخذيتهاش توا
صقر:عقد حواجبه…هيا …هيا بتجي بروحها ولا كلهم؟
قيس:هيا واختها وبوها
صقر:اممم
قيس؛تي هيا خش النممم
صقر:اففف به ارزن ارزن
قيس:قعد ماشي جاي وقريب يهبل .
اما صقر خش لي امه

صقر:امي
سالمه:تخيط في القفطان….نعم
صقر:في موضوع هكي بندويلك فيه
سالمه:شنو قررت امتا ادير عرسك??
صقر:تي لالا عرس شنو مزال
سالمه:تكنطت…امالا شنو
صقر:خليني نكمل للاخر واسمعيني
سالمه:خوفتني احكي
صقر:بدي يعترف بككككل شي …..

ميلود:منااااال يامناااال
منال:طلعت من المطبخ …نعم بابا
ميلود:وتو روحكم غضوا الطياره
سمر:جاته تجري …مش ع اساس السبت?
ميلود:الاسبوع هاذا مفيش رحلات الا غضوا
منال:لوحت يلي في يدها وخشت توتي هيا وسمر في حجاتهم

سالمه:وووووه عليااااااااا
صقر:بدينا??‍♂️
سالمه:يانهاري الاحرف خطفتو البنت ?هكي علمتك انااااا هكي ربيتك سميتك صقر باش تقعد صقرر الصقوره طول عمرك هكي ادددديرررر
صقر:يما قتلك انا مكنتش معاهم ومخليتهاش البنت
سالمه:لطفك ياربي استرنا يا ربي …والبنت وين رفعتها توا
صقر:رجعتها لي بوها بعد ما تأكد ان البنت مدخلهاش في شي
سالمه:الحمد الله يلي عدت علي خير وانت كيف متقوووووليش البنت مسكنتها في حوشي وقاعده بينا ومنعرفش قصتها واصلها وفصلها؟؟
صقر:كان البنت متنفعش راهو مدخلتهاش بينكم بعدين شهاده من دينك ريتي عليها حاجه غلط انتي ؟
سالمه:حطت يديها فوق بعض…لا الحق علاش الكذب
صقر:خلاص اماله
سالمه:وانت علاش جاي تحكيلي توا؟شن في
صقر:شبح لي قيس يلي واقف قدام الباب وقريب يهبل ورجع شبح لي امه….البنت عندها اخت وحده امهم متوفيه قاعدين مع بوهم ومن عيله محترمه وليهم مكانه واسم
سالمه:وباااااه؟؟؟
صقر:ولدك قيس يبي اخت سمر
سالمه:شنوووو يبي اخت البنت المخطوووفه
صقر:??‍♂️افففف….امي خلاص السيرة تسكرت ورجعناها البنت ليها شهر ونص عايشه حياتها مع بوها
سالمه:ياودي يلقى خير من اختها وبعدين من وين عرفها هوا ؟!
قيس:خش لي الصاله وهوا يلعلع ويلاطي بي يديه….تي وربي مناخذهاش معاااد قاعد في الحوش والاما نسافر ومعاد متجوز ومعاد واكل ومعاد شارب ومعاد متنفس
سالمه:قامت حاجبها….غير من امتا صارت ها المحبه
قيس:نبيهاااا ياااام
سالمه:لوت بوزها …خلي نشوفها قبل كان عجبتني نخطبهالك وندير عرسك انت وخوك مع بعض
قيس:قعمز جنبها وعيونه قلوب قلوب ….تعجبك تعجبك?
اما صقر حسد خوه لان رح ياخد البنت يلي يبيها في وقت هوا مش عارف شنو يبي ومنو يبي

في الليل:—-
منال:سمر بما ان بكرا راجعين ليبيا بنصارحك بحاجه وخايفاتك تعصبي عليا
سمر:شن درتي
منال:اءء الموضوع يخص خو صقر
سمر:صقر❤️?خيره؟
منال:تي مش صقر خوه قيس
سمر:شنو ؟؟!
منال:اول منروحو لي ليبيا بيجي يخطبني
سمر:لوحت ع منال المخده….نخمدي وانتي بديتي تحلمي نايضه
منال:خذت المخده وباعدتها….والله زي منحكيلك
سمر:بجديات تدوى انتي؟!?
منال:اي بصراحه لما كنتي مع صقر ويجيني ياخذ في حجاتك مني هكي تقربنا من بعض ولاتوا قاعدين وهوا ناوي الحلال
سمر:اشي ميطلع منك?ياخامرة الخامرات اختك مخطوفه وانتي تصيعي
منال:بلا جو سمر متحسسينيش بذنب عااد?
سمر:مصدومه …شن بنقولك توا
منال:مسحت دموعها …شنو ?
سمر:فكرت ثواني وناضت حضنت اختها وبتسمت….ربي يهنيك معاه وان شاء الله تكمل معاكم
منال:زادت حضنت سمر بقوووه…ياااارب
سمر:وانا نقوول منال هايمه في العسل ومعش هامها وليد وخطبته؟
منال:???
سمر:حيوانه صايعه??

رقد صقر وهوا يستنى امتا يشوف سمر حتا لو مكانتش ليه عادي بس استاحشها ويبي يشوفها ❤️

اما سمر المصدرمه من اختها بس في نفس الوقت فرحتلها لان حتى منال نجرحت هلبا من خطيبها السابق ?وقعدت تفكر هل رح تشوف صقر؟؟وكيف رح تكون تعابير وجها اول متشوفه بعد غياب شهر ونص

اما منال وقيس مرقدوش من فرحتهم وهما يخططو لي الايام الحلوه يلي تستنى فيهم ❤️

?روايات بنووتة الشيخ.اروى الطاهر المسلاتي?

رح نختصر عليكم كيف طلعو والوقت يلي يستنو فيه في المطار والطياره عشان ميكونش فيه ملل وخلونا نحكو بعد موصلو للحوش❤️

وصلو لحوشهم ورتبو حوايجهم وياااااه قداش استاحشو الحوش والدكريات يلي فيه رجعو عيله كامله بعد مسافرو وسمر مش معاهم رجعو رافعين راصهم ومتقويين وطبعا زحممممه العيله كلها لتمت خوال عمام خلات وعمات ودار ميلود عشي كببببير وذبح فيه بسبب رجوع بنته وشغله ❤️

بعد مروحو كلهم منال في المطبخ اضم وسمر تساعد فيها طبعا منال مصدووومه من اختها لان قبل متبي تمس شي بس تسهويك صقر عليها وكلامه خلاها تبي تتعلم كلللل شي

ترن ترن ترن
ميلود:الو
صقر:السلام عليكم عمي
ميلود:وعليكم السلام تفضل ؟
صقر:انا صقر لو تذكرني
سمر:خشت حطت الشاهي لي بوها
ميلود:اوووووه صقر اهلا اهلا ولدي كيف ننساك كيف حالك وحال العيله
سمر:حمدت في مكانها لما سمعت اسمه
صقر:الحمد الله ياعمي الحمد الله ع السلامه
ميلود:الله يسلمك يارب تعالا غضوا زورنا في البيت ضروري ره قبل منسافرو
صقر:تسلم متقصرش صراحه اتصلت عشان نبي موعد منك بخصوص موضوع
ميلود:ان شاء الله خير؟
صقر:والله هوا الموضوع ميجيش في التالفون بس ضروري نعطيك خلفيه عليه
ميلود:بي اهتمام حط كوب الشاهي ع الطاوله ووقف….شنو في ؟
صقر:عندي خوي الاصغر مني وقت كانت سمر عندنا يعني وقت المشكله ساعدني هلبا وتواصل مع منال عشان تطمن علي اختها
ميلود:به؟
صقر:والحق فرخ لما عرف انكم روحتو ويبي يتقدملها لو معندكش اعتراض
ميلود:تلفت وشاف منال واقفه ع الباب لما شبحلها هربت عرف انها تبيه??
ميلود:ابتسم تفضلو وبي اذن الله ميصير الا الخير
صقر:تمام بارك الله فيك
ميلود:يبارك في عمرك….وسكر الخط

ميلود:طابختها صح اختك
سمر:هههههه منعلمش
ميلود:متعلميش يافصعونه صار …ومسكها وقعد يشفشف فيها
سمر:ههههههه ياسر يابابا معش صغيره انا ??

ثاني يوم:—✨✨

من صباحات ربي منال اتلمع وتكنس وتساوي ووصلت علي الف حاجه من النت وجهزت الضيافه وسمر لحق حتى هيا وميلود مره مره يخطف في نضره لي منال ويضحك وهيا بتموووت من الحشم

اتصلت منال بي خالتها زينب الكبيره وعمتها صفيه عشان يكونو في مكان امها وفعلا جو وقامولها القدر❤️

وصلت ام صقر وجي قيس وصقر وعمهم في مكان بوهم وسمر تشوفلهم من الروشن وقلبها يررررعش لما شافت صقر

بنووتة الشيخ:بدون منطول عليكم سالمه عجبتها منال هلبا والحوش وترتيبه وكلام خالتها وعمتها واضح انهم عيله راقيه وسمر بتمووت من الحشم قدامها لانها كذبت عليها في قصتها بس سالمه خلت روحها عاديه متبيش تحرجها

اما ميلود فرح ان حد من طرف صقر هوا يلي خطب منال لان عارف صقر راجل واي حد من طرف اكيد رح يحافض علي بنته
وافقو العيلتين وحددو موعد للخطبه ولحد توا صقر وسمر متلاقوش وجه لوجه خلونا نشوفو يوم الخطبه شن صار وشنو رح يغير؟؟!

?روايات بنووتة الشيخ.اروى الطاهر المسلاتي?

ميلود:مداير حفله كبيررررره تقول عرس عزم صحابه كبار رجال الاعمال واقاربه كلللللهم وحجز في افخم صاله

اما سالمه خذت احسن وارقى الحجات لي منال عشان ترفع راس ولدها ومتحسسهمش ان قيس اقل من مستواهم بلعكس وطبعا بلقيس وروان نصدمو لما عرفو قصة سمر

قيس:فرحان ومش مصدق روحه ويسحاب روحه دخوله مسكين طوووول الوقت في الحلاق ويتكم في روحه وصقر زي العاده قارن هذوك الحواجب وساكت

منال:نسيت القفطااان وبنطلع من هني لي الصاله طووول????
سمر:لانك غببببببه …افففف كيف بنتصرف توا
منال:دبريلي وراااس سمر
سمر:تحوس في الحوش….تو نحيبهولك البسيه في الصاله
منال:منقدرش المزينه ضروري تشوفه عشان تختارله المكياج والتسريحه وراااااس سمر دبريلي ?
سمر:سكرت في وجها وتصلت بي بوها
ميلود:ها سموره
سمر:بابا منال نست قفطانها في الحوش وضرووري نرفعه للكوافير
ميلود:شوفي احمد ولد خالتك ترا
سمر:طلع من بكري بعد مخذي البكلاوه
ميلود:مبكري شوي كلمني صقر بيجيب مش عارف شنو قال خليه يخطمك وتو نروح بيك انا غير توا عالق في الزحمه
سمر:كككيف يرفعني صقر؟?
ميلود:خلاص عاد هاذا سلف اختك ولااا هي بري وتي روحك تو نكلمه
سمر:بب به…قعمزت ع السرير وخبطت علي وجها نهاااااري?كيف بنتلاقا معاااااه????

اما عمكم صقر مرفضش طلب ميلود بلعكس طياااره مشاء الله ?

بعد ربع ساعه كانت سمر لابسه عبايه ووشاح وتستنى لين سمعت كلاكس شافت من فوق لقاته صقرر❤️خذت القفطان ووقفت قدام الحوش خذت نفس وطلعت وقلبها خلااااااص
قعدت تمشي شوي شوي لين وصلت وركبت السياره جت عينها في عين صقر قاعد نفس ماهوا بي لحيته وعضلاته ورررريحته يلي تجنن
سمر:اءء كك كيف الحال صقر
صقر:بتوتر سلم عليها…تمام شن اخبارك انتي
سمر:بخير
صقر:يحك في حاجبه…اءءء خلاص مشينا؟
سمر:اي تمام

صقر:عجباته سمر كيف حافضت علي روحها بعد مسيبها بي عبايتها وحجابها كان خاطره يحضنها من كتر مستاحشها

صقر:كيف حال لندن
سمر:بي ارتباك …الحمد الله صقع وماشيه امورها
صقر:اممم شن صار جديد في حياتك متزوجتيش ؟
سمر:قلبها يدق…لا مزال نصيبي معش نوثق في حد بعد يلي صار …وانت امتا عرسك
صقر:مع قيس
سمر:تجمعو الدموع في عيونها ….ربي يهنيك
صقر:ويهنيك
سمر:مكانتش تعرف انها قاعده تحبه هلبت هكي لين سمعت ان عرسه قريب وولعت نااااار في قلبها?مسحت دمعتها يلي كانت علي طرف عينها

وفجأه حاوطوهم زوز سيارات وبسرعه رهيبه نزلو صقر وسمر يلي قريب يغمى عليها من الخوف والعياط اذكرت شنو صار معاها ليلة عرسهاا?…يتبع