رواية اختطاف

اختطاف 11

سمر:فرقت الحلويات لين تمت السفره ورجعت بتعبيها خشت من باب المطبخ الخارجي ناداها صوت من وراها❤️
صقر:بلقيس؟
سمر :تلفتت …

عند منال:واقفه قدام حوش وليد والاغاني واصله لا برا تنهدت بوجع وخشت ..

سمر:صقر?خيرك تبي شي؟?
صقر:يشبحلها
سمر:صقرر؟؟
صقر:خشي اقلبي وجهك معش تطلعي قدامي هكي
سمر:ابتسمت وخشت
صقر:اسمعي
سمر:شبحتله وتبتسم …شنو
صقر:ناديلي بلقيس
سمر:حاضر تبي شي تاني?
صقر:للمره الالف استري روحك
سمر:والله انا قاعده في العرس مش في الشارع انت يلي خاش لا احم لا تستور
صقر:قام حاجبه….والله هاذا حوشي ياماما
سمر:وكان حوشك في بنات ولازم تستأدن قبل متخش
صقر:عقد حواجبه…وانتي شنو لسانك طول كأنه
سمر:خافت منه…قلت الحق والله
صقر:خشي خشي خير منفسدلك وجهك
سمر:حاضر????…وخشت تجري
صقر:عليك بارده ?….بعدين اذكر منضرها ابتسم ثواني وفاق ع روحك رجع عقد حواجبه

منال:خشت لحوش خالها الحوش يلي مفروض تخشله كنه?بس دمرولها احلامها خشت وهيا تمشي بي خطوات بطيئه لين شافت المعازيم يرقصو ويزغرطو من بين المعازيم شافت صاحباتها واحبابها?ناس متوقعتهمش يوقفو ضدها وع الجها الثانيه شافت حب حياتها يلبس في الدبله لي غيرها قعدت واقفه ساكته دموعها ينزلو والناس انتبهولها وقفو مصدومممممين يستنو فيها ادير اي ردة فعل لاكن ولا شي غير ان لسانها ارتبط ودموعها ينزلو وليد قعد واقف ومعرفش شنو يدير حاول يباعد عيونه من عليها بس مقدرش ?

منال:حست بي حد يدف فيها
زكيه:اطلعي بره منسمحلكش ادمري فرحت ولدي اطلعي
منال:فرحته؟؟؟؟ليش هوا فرحاان هه شوفي وجها واسأليه
زكيه:اطططططلعي
منال:تشهق بي البكي …والله ماني مسامحاتك لا انتي ولا ولدك وحسبي الله ونعم الوكيل فيكم???
زكيه:تي اطططططططلعي
منال:طلعت من الخوش وركبت مع نسرين وتبببكي
نسرين:ولعت سيارتها وطلعت وهيا تحاول تهدي منال

بلقيس:ها صقور شنو؟
صقر:طلعونا اميه مصقه لي الرجاله برا
بلقيس:به
صقر:اسمعي
بلقيس:ها؟
صقر:اءء معش تخلو البرانيه يطلعولي
بلقيس:ليش منو طلعلك؟
صقر:شي المهم رد بالك ….وطلع
بلقيس:خيره هاذا?

منال:تبكي بلعبره….حسبي الله ونعم الوكيل
نسرين:يامنو خلاص اهدي من البدايه منبيش نجيبك انا غير كله من الزن متعك
منال:كذبتهم يا نسرين قلت يمكن يطلع مفي شي ويحبني وليد ميديرهاش
نسرين:درست سيارتها…ننزل ناخذلك اميه اناا …ونزلت من السياره
منال:طلعت تالفونها واتصلت بي اخر رقم في المكالمات بدون متنتبه وال مشافت الخط انفتح بدت تبكي

منال:??حرقلي قلبي ياسمرر بنموووت مش قادره??كذبت كلام الناس ومشيت حوش خالي لقيتهم مدايرين حفل خطوبه وليد ياسمر وليد?وليد حبيبي ويلي مزال علي عرسنا شهرين بس ناااار والعه في قلبي مش مصدقه وربي????

قيس:بلع ريقه…اهدي
منال:نصدمت وشافت الرقم لقاته قيس تجمدت ومعرفتش شنو تحكي
قيس:عرف انها خالطه ونحرجت….اهدي مفيش شي يستاهل يلي باعك بيعيه وربي يعوضك
منال:اءء ان انا انا غلطت وو….
قيس:عارف عارف تصير مدوري شي المهم اهدي بس وردي بالك ع روحك لو محتاجه شي نساعدك فيه احكي ميردك إلا لسانك
منال:شش شكرا❤️
قيس:تفضلي في اي وقت
منال:سكرت الخط وهيا ترعش وزادت في بكاها

عند سمر قعمزت جنب البنات وبدت الدربوكه وسكر مصدومه ومتهستره بي الضحككككك اول مره تسمع اغاني وجو هي سهريه رااابخه وتصفيق وتزغريط

حني عروستنا مطفوشه والعاقل يقعد في حوشه???
نحنا كيف جوامع مكه كل الزين علينا اتكا???
يازينه جيتك فرحانه والشاهد ربي سبحانه????
حني وادينا وادي فل ياسعد الي فيه صل???
حني وادينا وادي شوف الي يناسبنا راسه فوق???
نحنا علوه ودروج ذهب الي فارس فيكم يركب?????
الحوش الي مليان صقوره ان شاء الله مانبكي في سوره??????
خشي العيله خطيوه خطيوه مره شاهي ومره قهيوه????

حي حي هاها رووووووووري

?روايات بنووتة الشيخ.اروى الطاهر المسلاتي?

قيس:سكر الخط وهوا مصدووم?في صوت منال وقصتها شبه فهمها بس قلبه تقطع عليها ومحبش يضغط عليها ويعاود يكلمها

منال:روحت للحوش وهيا تااااعبه قعدت معاه نسرين شويه لين اطمنت انها هدت وروحت

اما سمر كملت الصهريه بدلو حوايجهم وحاسو ع الحوش وقعمزت اتصلت بي منال بس مردتش عليها?

نجلاء:مان نقوللكم عرفت من هيا خطيبت صقر
سمر:تلفتت بسرعه
اميمه:امتى خطيبته بسم الله غير يولد ويسموه
نجلاء:ياحماره امه حاطه العين ع وحده وعرفتها
هدايه:منو هيا يلي بطيح فيه وبتروح مطلقه من اول يوم ياكبدي???
سمر:ابتسمت بغصه?
بلسم:تي انبحي
نجلاء:شفتو البنت يلي لابسه قفطان اسود قصير ضهره عريان شعرها كاري قصير ؟
سمر:منذكرش
هدايه:وين مقعمزه ترا؟!
نجلاء:جنب امها في اخر الخيمه ع اليمين
بلسم:مركزتش
نجلاء:بكرا نوريهولكم خلينا نلهو في الحناء توا وسريبها
سمر:كيف بديرو ؟
نجلاء:انتي عمتنا الاجنبيه تفرجي وسكتي
كلهم:هههههه
سمر:???
بلقيس:هيا انتي وياها خلي نوتو مكان العروسه
هدايه:وووه جت العسكري

جي الليل متأخر وبدو يحنو في روان ويغنو ويدربكو اما سمر كان عقلها مش معاها ومتعرفش ليش قليها واجعها ان صقر بيخطب وتدكر في ايام قعدت معاه في الحوش بروحهم وتذكر في تفاصيله كيف يدرب وكيف راقد وريحته وكللل شي ❤️?
بعد ماكملو الحنه ومل شي خذو وضع انبطاح كلهم رقدو وسمر طلعت ….

سمر:افففف ردي يامنال ردي الله يهديك
فيصل:بلسم؟!
سمر:تلفتت…ها لا غالط
فيصل:ابتسم…نسحابك بنت عمي
سمر:ولا يهمك …بنسألك في نت هنايا؟!
فيصل:اي جايب معاي تبي؟!?
سمر:ياريت ضروري
فيصل:هاتي فونك نفتحهولك
سمر:مدتله التالفون
فيصل:فتح الرمز وعطاهولها ويشوفهم صقر من بعيد

صقر:بصوت واعر ويخوف….فيييييصل
فيصل؛ها صقر
صقر:برا مع الشباب يبوك ومعش توقف ع غير خواتك
فيصل:لا مش هكي تبي …
صقر:برااا قلت
فيصل:مزادش كلمه وطلع
سمر:بلعت ريقها
صقر:شدها من يدها بقوووووه ورفعها ورا الحوش
سمر:اسمعني صقر صقرررر
صقر:حدفها ع الحيط
سمر:تألمت من كتفها ويدها…..ااااه
صقر:قارن حواجبه ومضااايق….اسمعيني ?حركات المفرخ هياااا متمشيش عليها ندفنك في ارضك سامعه
سمر:شنو يلس درته انا طلبت منه يفتحلي نت بس
صقر:بي لبستك هاذي وشعرك هكي????
سمر:وخيرها لبستي توته ومحترمه بعدين من البدايه قتلك مش متحجبه ياصقرررر
صقر:تنرفز وبطريقه مفاجأه مسكه من شعرها بس بهدوء وقرب عليها

صقر:بنات العيله كلهم نقلهم موتو يموتو متجيش فرخه زيك اطول لسانها وتبدا تلاطي فياااااا يلي نقولك عليه يتنفذذذذذذ بعدين انتي بسبب يلي قاعد ندير في دين امه معاك ومتحملك مفروض سمع وطاااعه
سمر:تجمعو الدموع في عيونه ومسك يده بي يديها الصغار وتحاول تفك شعرها منه لين وخر عليها صقر
سمر:مسحت دموعها لو لا حاجتي ليك مكنتش ادخلت في حياتك ولا دخلي في شي بس ضروفي اجبرتني مش بكيفي….وخشت للحوش
صقر:حس بي شعور اخخخخي كأنه كسرها او جرحها اكتر ما هيا مجروحه بس قعد يتجاهل في شعوره ويبين ان مفيش شعره نهزت منه
سمر:خشت فراشها وهيا تبكي

ثاني يوم✨✨✨✨✨

منال:ناضت الصبح زي العاده جهزت الفطور وفطرت مع بوها وتحاول تبتسم رغم انها مكسوره طبعا ميلود حس ان بنته فيها شي بس محبش يضغط عليها?

سمر:ناضت الصبح تحس في يدها توجع ومنفوووخه كلهم يسألو فيها قتلهم طايحه فطرو ونضمو امورهم وهووووب كل وحده لي مزينها الا سمر قالت انها تاعبه بي سبب يدها ومش رح تحضر الحفله اصلا خشت دار بلقيس واتصلت بي منال وبدت كل وحده تشكي في همها لي الثانيه

سالمه:قييس ياقيس
قيس:ها يما شنو فكينا من جيب وارفع ونبي
سالمه:ناديلي صقر بسررررعه
قيس:اهو طالع …صقررررر
صقر:شنو
قيس:تعال تبيك امي
صقر:قعد يقرب لين وصل فيهم…ها شن تبو
سالمه:وليدي تربح البنيه يدها منفوخه قالت طايحه زود ارفع عاينها
صقر:اي بنت?
سالمه:اخت صاحبك ياولدي البنت امانه متراجيش ارفعها
صقر:اذكر كيف دفها ع الحيط وغمض عيونه ثواني
سالمه:شنو نقلها تطلع؟تمشي معاكم بلقيس مره وحده تجيب الشكلاته
صقر:خليهم يطلعو
سالمه:تمام
صقر:تنهد بي ندم ع يلي داره وركب سيارته

سمر:والله انا تمام ياعمتي شويه ونكون كويسه
سالمه:لالا سلم بنتي متورينيش توا بسرعه البسي
بلقيس:هيا سموره
سمر:تنهد ?…وناضت لبست سروال اسود وكاب بيج وخدت وشاح اسود من بلقيس

صقر:كان مقعمز يستنى وشافهم طالعين الزوز نزل راسه وبتسم لما شاف سمر لابسه وشاح
بلقيس :ركبت من القدام …صقوره ولعنا الدفايه وووه بنتجمد
سمر:ركبت وولا كلمه وطووول عيونها في الروشن
صقر:مره مره يشوف لي سمر في المرايه وعرفها حرجانه
بلقيس:بعد ما تعاين سمر خطمني علي فنيسا نجيب الشكلاته
صقر:به به وانتي دوشه اسكتي
بلقيس:??

?روايات بنووتة الشيخ.اروى الطاهر المسلاتي?

منال:لبست حوايجها وطلعت لي الجامعه ورفعت معاها ورق سمر وحجاتها عشان تقابل قيس قعمزت وساااارحه لين قاطعها صوت قيس

قيس:هلااا
منال:بي ابتسامه ومنحرجه من موقف امس…اهلين كيف الحال
قيس:تمام شنو امورك
منال:بخير استنى نطلعلك الاوراق …وفتحت شنطتها
قيس:استني استني جايب فطور خلينا نفطرو ونهدرزو شويه وعطني الاوراق خيرك تلزي?
منال:لا بسس
قيس:خلاص عاد متعب روحي وجايب فطور وحاسبك
منال:ابتسمت …اوكي تمام

الدكتور:يشوف لي الصور…اممم لا الحمد الله مش كسر بس محصله خبطه قويه شنو ضربك
سمر:شبحت لي صقر ونزلت عيونها …زلقت في المطبخ
صقر:ساكت
الدكتور:تمام نوصفلك مرهم ديريه من الليل لا الليل
سمر:تمام
الدكتور كتب الوصفه وطلعو

منال؛هههههه بارد
قيس:شفتي كيف صوتك وانتي تضحكي احلا من لما تبكي
منال:تحشمت..بخصوص مبارك انا اسفه م….
قيس:خلاص عااد مصار شي بس لو مضايقه وتبي تحكي شي عادي حني بيناتنا ضحك وملح يعني
منال:هههههه اوكي يابو دم خفيف خلاص انا لازم نروح قلت لي بابا مش معطله هادم الاوراق
قيس:تمام هاك ارفعي عصيرك معاك
منال:شكرا?
قيس:ولوو?

عند سمر:-
ركبو السياره وخطمت بلقيس ع المحل جابت الشكلاته وطلعو
بلقيس:بي استغراب…صقر وين ماشي
صقر:درس السياره …انزلي خوذيلها قفطان تمشي بيه اليوم
بلقيس:من هيا؟!
صقر:سمر
سمر:?لالا بلقيس منبي شي صحيتي اصلا انا مش ماشيه حاسه روحي تعبانه
بلقيس:مصدومه في صقر….انزلي بلقيس
بلقيس:نزلت من السياره وقعدت سمر مقعمزه وبتطربق علي تصرف صقر يلي ولا كأنه مداير حاجه

صقر:خش المحل:خوذيلها حاجه وكان ملقيتيش شوفي يلي بعده
بلقيس:ليش تو نعطيها من حوايجي
صقر:زي متلبسي الجديد انتي هيا زيك هادي لما خششتها الحوش زيها زيكم مفيش فرق
بلقيس:صقر ياكبدي??
صقر:بلا خرا خير متاكلي كف
بلقيس:????

قعدت بلقيس تقلب في القفاطين لين عجبها واحد عنابي من قدام قصير ومن تالي طويل ومركبينله كندره فضيه خذتها حتى هيا وطلعو
صقر:فتح باب سمر وحدف الكيسه ع وجها وسكر الباب
سمر:شافتله في المرايا ومعصصصصصصبه

قعدت ساكته اين وصلو الحوش وسااااعه يقنعو فيها البنات تمشي معاهم لين حصلو عليها مكيجوها ودارولها شعرها ولبست القفطان طلعت حلللللوه ومشو لي الصاله

طبعا اجراء الحفله معروفه بس سمر كان جديد عليها لان حفلتها كانت سلو ونضام اجانب قعدت تتفرج ومسبوها طول الوقت خشت روان ومدخلها صقر العسل وسمر اذكرت روحها كيف خشت وفرحانه بدو دموعها ينزلو بدون شعور والبنات يسحابوها تأثر من دخلت العروسه وطبعا عيونه متنحوش من علي صقر يلي كللللهم يشوفوله بي اعجاب لحيته الكثيفه طويله شويه ومحدده وشعره المرتب والبدله الرسميه وطول الوقت مش قادر يقيم عيونه وهيا عارفه ان هكي هكي رح تخصره وهوا لي غيرها

تعشو وهيجو ورقصو وصورو وسمر تحاول تنسى عنف صقر معاها وكل جرح في قلبها لين خلاص معش قدرت تقعد وروحت مع عمته
صقر:روح للحوش عشان يبدل ويرجع يروح بيهم

وصلت للحوش مفيشي حد غير زوز عزايز وبس خشت سمر لي الدار نحت عبايتها وقعمزت تبكي وتبكي وتبكي خذت راحتها لان مفيش حد قعدت تبكي بعيرتها ع خشت صقر لي الدار

سمر:وقفت ومسحت دموعها
صقر:قعد يشوفلها كيف طالعه بي القفطان وشعراتها❤️وعيونها الحمر وقبل مينطق ولا كلمه قاطعاته سمر
سمر:اوكي رح تعيط عليا وتقولي استري روحك….خذت عبايه وغطت روحها
صقر:لا بس انا ….يتبع