رواية اختطاف

جميع الحقوق محفوظة للكاتبة أروي الطاهر

الحلقه1 او (مقدمه )

 

عارفه شعور لما تنقري فاتحتك ع الشخص يلي تحبيه❤️لما ترسمي معاه احلام وامال وفعلا تتحق ويجي يخطبك لما توتي فستان عرسك وتقعمزي في الكوافير وانتي مش مصددددقه روحك وفرحتك مش عاطيتيها لي حد ومره مره يناشبك بي رساله وتلقيه باعتلك …هيا امتى نجي نروح بيك ياحلالي الشعور هاذا عايشاته حاليا اخيراااا اليوم فرحي مع الانسان يلي نموووت فيه ونحبه

اسمي سمر مواليد97عندي اخت وحده منال مواليد95مخطوبه لي ولد خالي امي متوفيه من كان عمري13 انا ومنال اغلى شي في حيات بابا مدللنا هلباااا ومش منقص علينا ولا شي عشنا في لندن14السنه بسبب خدمة بابا كان يخدم في شركة بترول بعدها استقرينا في ليبيا وبدي بابا راجل اعمال كبير ومعروف من فترة 5شهور بس تعرفت علي ولد شريك بابا في الخدمه وحبني هلبا وخلاني نتعلق بيه وغير شن تبي وفي وقت قصير بس حبيته ومقدرتش نتخيل حياتي بلاه وجي خطبني في البدايه بابا رفض لاني وقتها قاعده صغيره مسكرتش العشرين بس بسبب اني بكيت هلبا وخشيت في حالة اكتئاب وافق ودارلي عرس كبير حكت بيه طرابلس كلهااا

مواصفاتي بيضه وطولي متوسط ورقيقه عيوني وسط مش كبار ومش صغار خشمي صغيرون فمي صغير ومنفوخ شووي بكل يعني نقشي كله رقيق شعري وعيوني لونهم علي العسلي الهاااادي ديمه قصتي فوق عيوني طبيعتي دلوعه هلبا بسبب الدلال يلي تربيت فيه لا نطيب ولانعرف حتى اساسيات تنضيف الحوش قريت لغات ومش متحجبه عكس اختي منال يلي كانت ست بيت شاطره ومتحجبه ومن كثر حبها لي ولد خالتي نخطبتله رغم ضروفه الماديه التعبانه ومش من طبقتنا …خلينا نشوفو ليلة العرس شنو صار

?أروى الطاهر المسلاتي?

سمر:خشيت للقاعه وقفت قدام المرايا الكبيره شفت لي روحي كان مكياجي خفيف بكل عشان يخلي ملامحي زي ماهيه والڤيلو نفخته بسيطه خليت شعري مفتوح لان طووول عمري منقتنعش بي التسريحه والحجات الاوڤر يعني تقدرو تقولو عروسة اجانب بس طالعه تجنن ?❤️
منال:يارووحي طالعه كيوت
سمر:?زحمه القاعه؟
منال:تساوي في الفيلو….اي هلبا تعرفي حتى يلي معزمناهمش جو هيا شويه وبيفتحو الميش عشان تخشي
سمر:قلبها يدق…تمام

انفتحت الزفه وفتحو الميش وخشت سمر تدرج بشويه عليها ومصوره وراها ومصوره قدامها والناس كلها تتفرج عليها البعض عجبتهم لين خلاص والبعض التاني قعد يعلق ليش مش مدايره مكياج ليش الفيلو مش كبير هلبا ليش التسريحه مش مطنقره فوق …وهكي لين وصلت للكوشه والابتسامه مش مفارقه وجها

زينب:روروروروي سلم بنت وخيتي الحمد الله ريناك عروس الف مبروك
سمر:يبارك فيك خالتي وين البنات?
زينب:اهو ع الطاوله تو يجو يسلمو
منال:مسكينه حايسه بين عاملات التفريق والعشي وطبعا العيون عليها حتى هيا

ع طاولة بنات العيله:-
حياه:مبطلتش ابتسامات من بكري
نجاح:طبعا حبيبتي سمعت انها مشت للمركز دارت ابتسامة بليوود
اسراء:وانا نقول سنونها مساويات ورايحات بيض يلمعو من بعيد
نجاح:قالو مدايره حتى فلر لي فمها
حياه:بس طالعه تهبللل محلاها زي الممثلات الاتراك
اسراء:شن الفايده كله صناعي?

بعد الهياجه والعشي والجو الحلو جي وقت سمر تروح لي راجلها تزاحمو عليها عماتها وخلاتها يسلمو ويبكو لان امها مش موجوده عشان تفرح معاها وطبعا منال مبطلتش بكي حتى هيا

بعد كلللل ها الدموع طلعت سمر سلمت علي بوها وركبت في سيارت العريس
ميلود:راهي بنتي الغاليه يا مالك حطها في عيونك معادش بنوصي مش تجيني في يوم زعلانه ولا تنزل منها دمعه بسببك
مالك:ابتسم عيب عليك ياعمي معقوله نزعلها وانا محصلتها إلا بطلاع الروح
ميلود:دمعت الفرحه في عينه…ربي يحفضكم
سمر:مسحت دموعها من تحت الكاب

طلع بيها مالك والفرحه مش سايعه سمر قريب اطير من فرحتها وطووول الطريق يبوس في يدها ورومنسيات واغاني حب ❤️❤️

سمر:حبيبي ليش مخليتش حد يلحقنا ع الاقل اختي والبنات
مالك:الليله ليلتنا فكيني منه الضجيج الزايد ياقلبي نبي انا وياك وبس وبعدين مش رح نرفع للحوش
سمر:امالا وين؟
مالك:فندق حبيبتي يكون هدووء والجو رايق عشان بكرا نسافرو طول ومنكونوش تاعبين من الدوشه
سمر:ابتسمتله وعلة صوت المسجل

?اروى الطاهر المسلاتي?

سمر:حست ان الطريق طولت هلبا والمكان يلي فيه يخوف بس كانت مطمنه بي وجود مالك معاها لين فجأه جت سياره عااليه قطعت عليهم الطريق ونزلو منها زوز ولاد ملثمين

سمر:مالك منو هاذم?????
مالك:اششش خليك هاديه
عمران:فتح باب سيارة مالك ….انززززل تحركككك بسررررعه
مالك:نزل وحط يديه ورا كتاف وسمر تعيط بصوت عالي ومصدومه من ردة فعل مالك البارد ه
عمران:تسكتي ولا نفرغ السلاح في راجلك توا
سمر:خاافت ان يأذو مالك وسكتت وهيا ترعش مع بعضها وتبكي ….لا بالله خوذو يلي تبوه وخلونا ????
عمران:تعالا يا صلاح ركبوه معاكم في السياره وانا وراكم
صلاح:تم هي …وركبو مالك في السياره العاليه وعمران ركب في السياره يلي فيها سمر وطلع معاهم طبعا سمر موقفتش بكي وتترجى فيه بس عمران هددها في القتل لو مسكتتش
سمر:قولي شن تبو مستعده نعطيكم?????بس خلونااا
عمران:تسكري فمك توا ولا شنو
سمر:جتها حالة هستيرياا وبدت تعيط بصوت عالي ….خطفووووونااا ساعدووووني ???
لين عمران خبطها بي خلفية السلاح علي رقبتها وطوول اغمى عليها

بعد مرور وقت:———
سمر:فتحت عيوني وكان الصوت والصوره قدامي مش واضحه هلباا قمت راسي وكان رززززين هلبااا وشوي شوي بدت توضح نشوف في مالك واقف مع الولد يلي خطفنا وقفت وانا فاقده توازني

سمر:بخوف ودموع….مالك شن يبو هادم خلونااا في حالنا ماااالك تكلم
مالك:تم عموره ياغالي اهي عندكم نضمو اموركم وزي متفاهمنا بالله عليك
سمر:جتها صدمه ومستوعبتش يلي سمعاته حست روحها سمعت شي غلط ….ماالك شنو تحكي
مالك:قرب منها وضحك…هادي مشكلة البنات اي واحد يهديلكم شوي حجات ويقول نحبك تصدقو طول
سمر:تعابير وجها متتفسرش…..ممم م م م مالك شن تقول انت عرسنا اليوووم شنو نديرو هنايا ومنو هادم وليش تحكي هكي
مالك:اممم الواضح ان العروسه مفهمتش …شوفي لافيه حب ولا شي شنو بنحب فيك وانت وحده مغروره وتحب الجكتره بي فلوس بوها؟بالك تسحابي جمالك هوا يلي رح يعلقني فيك انتي انسان فراغه من داخل غبيه ساذجه تسحابيني بنحبك في 5شهور؟؟؟لا ياماما تحملتك 5شهور عشان اليوم هاذا من وراك رح نكسب صفقه يبيها بوي وفلوس لي الشباب طبعا رح ناخذهم برضى بوك ياغزاله حراام بنته الغاليه مخطوفه
سمر:سكرت عيونها ونزلو الدموع وهيا تسحاب روحها تحلم وقاعده مفاقتش عقلها مقدرش يستوعب يلي صار
مالك:توا بنمشي لي بوك وع اساس خطفوك وانا ضربوني ولوحوني ?‍♀️ ااااه قبل مننسى انتي طالق وبي ال3زياده موتي وانتي مطلقه احسن منبدا ارمل???
سمر:عيونها يرمشو بصعوبه ولسانها ربط
مالك:هكي هكي رح تموتي مهما دفع بوك
عمران:هيا مالك وقت
مالك:سلام يااا عروسه ?

طلع مالك مع عمران والاولاد كلللهم وسكرو ع السمر في الدار
سمر:معش نعلم بي شي مش قادره نستوعب يلي نحكا قدامي من صدمتي فقدت الوعي ??

مالك: بعد مناخذو يلي نبوه البنت ضروووري تموت
عمران:ولا يهمك
صلاح:خلينا نزردو فيها الزح قبل
مالك:تي خودو راحتكم
زياد:اي الليله ليلتها علاش تفوت عليها?
مالك:بدل عريس 5عرسان?????

سمر:نضت وكان راسي يدور شغت روحي قاعده في نفس الغرفه وبي الڤيلو عرفت اني منحلمش بديت نبكي ونبكي واناااادي بصوت عالي ونخبط في وجهي وع الباب وفي كل مكاااااان لين نفتح الباب …خش ولد طووويل وعريض جسمه عضلات بشكل رهيب ولابس كناتيرا كحله وسلسله نازله ع رقبته شعره ولحيته اسود من سواد الليل

صقر:قايم حاجبه وشاد قهوا في يده….منو انتي ؟
سمر:بالله عليك وراااااسك طلعني وصلني لي بابا نترجاك والله يعطيك كل شي فلوس اي حاجه تبيها طلعني من هني ورااااسك بيقتلوووني????
صقر:امتا جابوك؟
سمر:مسحت دموعها….مبكري شوي
صقر:جي بيطلع …
سمر:متخلينيش بالله عليك لاااااا????اعتبرني اختك امك حد من عيلتك ترضاها؟؟؟
صقر:اسف انا هنايا عامل نضافه لا اكتر …وطلع وسكر الباب ورجعت سمر تعيط وتخبط

ترن ترن ترن
عمران:ها حبي
صقر:وين انتم ؟
عمران:بنخلصو الموضوع يلي قتلك فيه امس
صقر:ياعن وجهك انت وياه ياولد الكلب مقلتوش البنت عروسه قتلي البنت هاربه مع مالك بي الحرام
عمران:تي عادي زي بعض المهم في فلوس من وراها بعدين بنزردو فيها اليوم اهي عروسه جايا نضيفه ومتكمه واتيه يا برنس واول واحد يدخل عليها انت غير فكنا من الاعصاب
صقر:عروسه البنت ياعمران
عمران:تي به مش عندك من قبل خلفيه ع الموضوع
صقر:تي لا خلفيه لا شاشة توقف نضمو اموركم مدخلي بشي …وسكر الخط

صقر مواليد 87 طويل شوي وبسبب التمرين يلي مدمن عليه جسمه رياضي هلباااا حنطي مايل للبياض شعره مصفف فوق شوي واسوووود لحيته كثيفه وسوووده وحواجبه طوال وكحل ??عيونه عسلي هااااادي لين قريب اصفر ملامحه رجوليه هلبا لدرجة يخوف لو فنص بس طرف?شخصيته واعره شوي مش هادي مستعد يلعلع ويعيط قدام اي حد ومعمراش كلم بنت ولا دار علاقه لان يكره البنات وميعرفش يتصرف معاهم عنده استراحه واصحابه يخدمو في حجات ممنوعه فيها وهوا مره معاهم وعشره لا ….يتبع