أحببت عدوي
الحلقة 8
روحت دينا وطول الطريق تفكر في كلام رؤياء هل صح ولا لا ومعقولة إن إعجابها برواد وتفانيه في الشغل يكون حب حارت دينا ومعرفتش وضعها
فتحت ال FM
وطلعتلها أغنية
انا عمري النهار ده تولد من جديد , ده عيد النهار ده ومش أيَّ عيد
يا حبييييييبي يا حبيييييييبي
أنا عاشقاك و أوصف بأيه الغرام , ده راح مني تاه مني كل الكلام
يا حبييييييبي يا حبييييييبي
الله الله الله ايه اللي بيحصل الله الله الله , ايه اللي جرالي مالي كده
سرحانة في ايه
الله الله الله ايه اللي بيحصل الله الله الله , ايه اللي جرالي مالي حالي
متلخبط ليه
**********
وقعدت دينا سارحة في الكلام وحست ان ميريام تغني عليها ومش عارفة لو شعورها صح ولا غلط بس تعرف حاجة واحدة إن في شي تجاه رواد وشي كبيــر وصلت للحوش وجوها مليح علي حايرة المهم رقدت مش تنوض مصحصحة تاني يوم والي كان في مفأجاة لدينا كبيرة
***************
تاني يوم الصبح كان في إجتماع لمجلس الإدارة ورؤساء الأقسام ومساعدين
المهم كان إجتماع طويــــــل وحكوا علي هلبا حاجات
وبعد ماتم الإجتماع السيد حسان قال
حسان/ رواد ودينا خليكم في شي مهم لازم نحكوا فيه
رواد/ إن شاء الله خير
حسان/ لا خير متخافش الموضوع وما فيه إنا في مؤتمر في سنغافورة وبحكم إنك مدير علاقات العامة لازم تسافر
ودينا حتسافر معاك بحكم مساعدتك
دينا/ ضروري اني نسافر؟
رواد/ أكيد يا دينا اني منقدرش ندير شي بدونك
كلمة رواد هيا خلت وجه دينا يولي أحمر وتتحشم
رواد/ به امتي السفرة يا أستاذ ؟
حسان/ بعد يومين وحجزتلكم والطيارة راح تكون الفجر الساعة 4
رواد/ اوو اني معنديش مشكلة بس دينا شن كيف بنت تقعد في مطار للفجر
دينا/ عادي مافيش مشكلة
رواد/نبرة حمق شن هو الي مافيش مشكلة شن تقولي انتي
حسان/خلاص يا رواد انت معاها مافيش مشكلة خلاص توا امشوا لكماتبكم وتموا اشغالكم وغدوة متجوش مش تلحقوا توتوا شناطيكم وبالنسبة لموضوع المؤتمر توا سماح تعطيكم ملفات تتعلق بكل الي راح يكون وشن طبيعة المؤتمر وسبب إنعقاده
رواد/اوكي هيا دينا خل نكملو الشغل وبعدها نروحوا
مشوا كل واحد فيهم لمكتبه وبعد ساعات كملوا شغلهم
كملت دينا ونزلت والمفأجاة لقت سيارتها العجلة مفشوشة
دينا/ ياربي كيف ندير خل نركب ونسأل سماح لو في سيارة فاضية
ركبت دينا ومشت لمكتب سماح
دينا/ سموحة قوليلي في سيارة توا في شركة فاضية بنروح وعجلة سيارتي لقيتها مفشوشة
سماح/ شن بنقولك شوي بس ونشوف وكان ملقيتش نطلب لك تاكسي
دينا/ به إن شاء الله تحصلي
سماح/ مافيش المنظومة مربوطة مع البيركيدجو والجراجات مافيش سيارة نطلب لك تاكسي
دينا/ الله غالب شن بندير به
وكان الباب مفتوح ويسمعهم رواد
رواد/ شن تقولي انتي تاكسي شنو تعالي دينا اني نروح بيك
دينا/متحشمة لا أستاذ توا نأخد تاكسي منبيش نتعبك
رواد/ قتلك هيا شن تاكسي هو هيا
دينا /متحشمة وخدودها حمر اوكي شكرا بنتعبك
سماح مفلوقة بالضحك عليها وتدعي لربي إنهم يكونوا لبعض
ركبت لسيارة وهي ملخبطة وقلبها يدق ومش عارفة توصف مشاعرها كانت حايرة وشن الي صاير فيها
رواد/ دينا معاي ولا وين سافرتي من توا
دينا/ هههه لا مزال قاعدة بس الحق متحشمة تعبتك
رواد/ اس معاش تقولي هكي لا تعب ولا شي بعدين تعبك راحة
دينا/ تسلم أستاذ
رواد/ اه هكي متفاهمناش أستاذ في المكتب لكن برة اني رواد رواد وبس
دينا/ صعبة شوية اني نرفع الكلفة
رواد /يا بنت الناس تبي تكبريني قبل وقتي مازلت شباب اني ع كلمة أستاذ
دينا/ خلاص يا رواد هكي تمام
رواد/ تمامين
وقعدوا يهدرزوا ومنسجمين طول الطريق وصلت دينا لحوشها
وكيف بتنزل رن تليفون رواد
رواد/الو هلا بالغالية كيف حالك؟
دينا /تغيرت ملامح وجهها وحست بغليان بس بسرعة هالغليان ما برد لما سمعت رواد يقول
رواد/ كيف حالك وحال بابا إن شاء الله تمام
***********
دينا / اشرتله بيدها وقتله باي
فتح رواد الروشن وقاللها
رواد/ دينا غدوة الساعة 12 نجيك نمشوا للمطار مع بعض لان مش حنخليك تجي للمطار بروحك الساعة 12
دينا/ بيإبتسامة وفرحانــــة اوكي خلاص بينا اتصال
رواد/ اوكي ردي بالك ع روحك
دينا/ وانت كمان
رواد/ اه امي قولي كيف حالك
ام رواد/ متقوليش في من تكلم
رواد/ اه هادي هادي
ام رواد/ الموضوع فيها هادي هادي شكلها هادي بتولي كنتي
رواد/ههههههههههه تعجبيني ياأمي تلقطيها ع الطاير اي هادي كان سخر ربي حتكون كنتك
ام رواد/ شن قصدك انت تحبها ومقتليش
رواد/ غير بشوية عليك هي بروحها متعرفش اني معجب بيه والوقت مزال مش مفكر توا نقوللها لين نتأكد من انها تبادلني نفس الشعور
ام رواد/ إن شاء الله خير يا وليدي وكان هيا بنت حلال ربي يجعلها من نصيبك
رواد/ امين
( الحق اني منبيش زيه نبي ام منجوهي الي بيخطبني زي ام رواد شفتوها محلاها متفهمه كان واحدة تانية قتله عينك بنخطبلك بنت خالتك ولا بنت خالك يلا خل نرجعوا للقصة)
تاني يوم كل واحد فيهم يرتب في شنطته وجوهم مليح وبسرعة مافات الوقت وجت الساعة 12 واتصل رواد بدينا