أحببت عدوي

أحببت عدوي
الحلــقة 4

دينا/أني موافقة اوكي حنكون مساعدة ال السيـد رواد

حسان/ اوكي اتفقنا معناها وكل شي تمام ومن غدوة تقدروا تباشروا في العمــل

رواد/ اوكي وإن شاء الله نكونوا عند حسن ظنك

دينا/ اني شخصيا نوعدك يا استاذ حسان إنك مش حتندم إنك إخترتني لمنصب هو

حسان /قصدك إخترتكم يا دينا

رواد جي خاطره يضحك بس شدها بالسيف

دينا/ متنرفزة اي اي قصدي اخترتنا

حسان/خلاص توا شن رأيكم نتفاهموا ع المرتب والإمتيازات

دينا &رواد/ اوكي

حسان /شوف يا رواد مرتبك حيكون حوالي 25000 درهم لمدة شهر وبعدين موضوع قابل للزيادة وموضوع نسبة بعد 6شهور او سنة وكل هذا يعتمد ع جدارتك وكفائتك بالإضافة إن حنعطوك سيارة للأستعمال الشخصي ومصاريف شقتك حندفعولك إيجار سنة مقدما لو انت حاب مكان تاني مافيش مشكله نختارولك مجمع سكني تاني ونستاجرولك شقة وفاتورت تليفونك حتكون ع حسابنا شن رأيك لو في شيء تاني مفيش مشكلة اطلب

رواد/ والله يا أستاذ حسان شن بنقولك الحــق معاش عندي شن نقول أنت شبه حققت جميع امنياتي وأحلامي ونوعدك إني حنكون قد المسؤولية

حسان/ معنديش شك في خبرتك وإجتهادك وانتي يادينا حيكون مرتبك 15000 درهم
ونفس شيء مصاريف تليفونك ع حسابنا وبما انا عندك سيارة فمعناها إنك مش محتاجة صح ولا

دينا/ في خاطرها شن موضوع من توا فيه زيد وعبيد لكن ضحكت ضحكة صفرة وقتله اكيد ياأستاذ حسان اني مش محتاجة في ناس مساكين حالتهم تااعبة احوج مني
وكانت تلقح ع رواد
هو وجعاته الكلمة وعرف إنها تدوي عليه لكن كبر عقله

حسان/ اوكي والنسبة انت برضو بعد6 شهور أو سنة نفس الرتم شن قلتي

دينا/ قلت اوكي واني يا أستاذ حسان الفلوس ميهمونيش زي ماتعرف حالتنا ووضعنا المادى كيف وبابا رجل سياسي مخضرم
واني ميهمونيش الفلوس والحمد لله أهم شي مكانتي حتي لو تبيني نشتغل بدون مرتب مافيش مشكله
هني رواد ضايق ع الأخر وقال

رواد/ أستاذ حسان لو سمحت لو معاش في شي نحكوا فيه نستأذن منك عندي موعد ولازم نطلع توا منبيش نتأخر

حسان/لا خلاص معاش في شيء تقدر تتفضل

طلع رواد وهو حامق وشرار يطلع من عيونــه تمنى ان دينا تكون ولد مش يضربها ويفش غله بس هي للأسف بنــت
أما دينا قعدت شوي وطلعت واول مطلعت اتصلت برؤياء وكان في بركــــان ع وشك الإنفجار داخلها

دينا/ انتي وين …به خليك شوي وجايه

أما رواد كان مضايق من كلامها وحس إن الدنيا صاغرة بيه وإن دينا تشوف فيه فقير ويفكر كيف بيتفاهم معاها
مش ينسي همه مشي لأقرب جامع خش توضي وصلي وقعد يحضر في درس ديني

أما دينا تلاقت مع رؤياء

رؤياء /هلا حبيبتي شن جوك من قبل وأنتي تجكتري مالا توا كيف بعد ماوليتي مدير قسم العلاقات العامة

دينا/اووف خليني ساكته تعرفي عفاريت الدنيا كلها تطنطت في وجهي نبي اي حد ندير معاه عركة وياريت يكون رواد

رؤياء /علاش شن صار؟

دينا/ هذا الي صار….. وحكتلها ع كل شي ووصلت في لحظة الي ردت فيها دينا وقالت إنها موافقه ع منصب

رؤياء/علاش وافقتي كيــف مفروض رفضتي

دينا/ انتي مجنونة كان رفضت راهو ضاعت عليا الفرصة هو من جيهة محصلتش المنصب ومن جيهه نطلع ونخليله الشركة لا مستحيل مايحلمش بيها هادي

رؤياء / شن بتستفيدي وانت في منصب مش حابيتيه مع شخص كارهتيه

دينا/ حنطفشه نخليه يكره اليوم الي وافق عليه اني دينا تو تشوفي شن راح ندير

رؤياء /متلعبيش بالنار يا دينا مهما كـان هو راجل وانتي بنت

دينا/ يعلم مافي خيله يركبه معاش ولا كان الي يخليني ننحرم من شي كنت نبيه حيشوف معمري كرهت شخص زيه كان عندي الموت راهو طلقتها عليه

رؤياء / يالطيف هذا كله كره وحقد بديتي تخوفي يابنت

دينا/هذا المطلوب ان الباشا روااد يخاف مني يلا فكينا من سيرته شن تشربي

رؤياء/ هوت شوكليت

دينا/ قارسون 2 هوت شوكلت

رؤياء /دينا شن شكله هو؟

دينا /من هو ؟

رؤياء /رواد من يعني جاي فضول نعرفه

دينا/ معندك مديري بيه شكله استغفر الله

رؤياء/ دينا قولي الحق مش كرهك يعمي عليك

دينا/ اووف منك الولد الحق شخصية وجنتل وحلو وسيم بمعني الكلمة لكن خدي مني وظيفة أحلامي اوووف نكرهه

رؤياء /ههههه تعرفي نحس فيه الكره بينقلب حب

دينا/ بسم الله فال الله ولا فالك اني نشبح لواحد زيه نقتل قلبي قبل ميفكر في شي زي هوا

رؤياء/ تو نشوفوا قالوها قبلك هلبا يا عمري
*******
رواد كمل درسه في الجامع ومشي روح لحوشه وصل فتح الباب وخش قعمز ع كنبه وقعد يفكر في كلام دينا واهانه الي وجهتها له
وقعد يقول اخ يا رواد معقوله
واحدة زي هي تخلي ثقتي في نفسي تهتز لا مستحيل نسمح لها تهز شعره مني واني المدير مش هي وتو تشوفي يا دينا كان مكرهتكش في اليوم الي مش قدمتي فيه ع وظيفة حنكرهك في اليوم الي قريتي فيه إدارة اعمال
بالله خل نوض ندوش ونأكل حاجة ع روحي ونرقد
وهذا الي صار دوش وتغدي ورقد
ومفاقش إلا ع جرس الشقه
ناض يتلمس وشاف الساعة لقاها 6 عشية ناض يتكسل ويحك في شعره يفتح الباب يلقاه