أحببت عدوي
الحلقة 3
بعد أسبوع الوضع عند رواد
الساعة 8 الصبح كان رواد راقد يرن فونه
رواد/ الو صباح الخير من معاي؟
المتصل/ السيد رواد معاي ولا ؟
رواد/ ايوا رواد تفضلي خير إن شاء الله
المتصل /أني موظفة في شركة المتحدة القابضة واتصلت بيك مش نقولك الف مبروك انت انقبلت في الوظيفة ولو سمحت تعال غدوة الساعة 9 للشركة مش تقابل السيد حسان ويفهمك كل شي
رواد/ شكرا بجد باراك الله فيك هذا احلي خبر نسمعه اليوم شكرا ليك
المتصل / العفو مدرت شيء هذا شغلي
وسكر رواد وناض وهو فرحاااااااان بيطير من الفرحة وهو في قمة النشاط ناض خش للحمام حشاكم وطلع صلي ولبس حوايجه واتصل بي
رواد/ اه جو شن وينك فيه يا حبها
يوسف/ شن في حبها وناشط شكلك مش مزبوط شن شارب ع الصبح
رواد/ اخص عليك توا اني متاع الدوة هيا استغفر الله فرحان وقلت بنفرح صاحبي الوحيد بها الخبر
يوسف/ اها هات ماعندك شن في
رواد/ تو الشركة اتصلوا بيا وقبلوني ومن غدوة شكلي بنبدا في العمل
يوسف/ باهي الف مبروك يا صاحبي واخيرا بجد فرحتلك ارتحت واخيرا بتحصل شغل يستاهلك ويستاهل شهادتك وخبرتك
رواد / اي الحمد لله كله توفيق من الله عز وجل واني صبرت وربي كفاني والحمد لله ومن دعاء امي تعرف والله من الفرحة متصلتش بيها خل نكلمها نبشرها
يوسف/ صح ح تراهي ع نار سلملي عليها باهي
رواد/ يوصل هي سلام توا اسمع في الليل تعال اسهر عندي مخطريش نطلع تعرف مش جوي سهر برة ونايت كلاب
يوسف/ به خلاص تو نجيك نروح بمريم من الكورس ونجيك
رواد/ به ماشي باي
سكر رواد من يوسف واتصل بي أمه
طووط طووووووط
رواد/ الو يا امي كيف حالك؟ وحال بوي ونيرمين
ام رواد/ الحمد لله يا ولدي بخير نخمم عليك بس شن وضعك والخدمة واقامتك الي قريب تكمل
رواد/ متفكري في شي كل شي تمام هذا اني الي صار معاي مش هونا قتلك قبل قدمت في شركة كبيرة هني والدوة هيا قبل شهر
ام رواد/ اي عارفة يا ولدي مش قتلي خيرك تسحاب جاني زهايمر ههههههه
رواد/ بعيد السوء عليك يا غالية
أم رواد/ به شن صار قولي؟
رواد/ الحمد لله قبلوني وتعينت رئيس قسم وكله من دعواتك يا غــالية
أم رواد/ الحمد لله ياربي الحمد لله اللهم لك الحمد شفت ياولدي صبرت وربي كفاك إنا الله مع الصابرين
رواد/ ونعم بالله يا امي بجد فرحان الحمد لله وضعي ووضعكم راح يتغير
وهدرز رواد مع أمـــــــه ودعتله دعوات حلوووة
أما دينا فكان وضعها
المتصل /الو معاي الانسة دينا
دينا/ ايوا تفضلي اي اني دينا منو معاي؟
المتصل/ اني من شركة القابضة مبروك انتي انقبلتي في شركة وتقدري من غدوة تجي تعرفي طبيعة عملك شن بتكون
دينا/ الله يبارك فيك أكيد رئيس قسم العلاقات العامة صح ولا أني قدمت عليها
المتصل/ حقيقتا منعرفش لكن تقدري غدوة تجي وتقابلي السيد حسان وتعرفي كل شي
دينا /اوكي ماشي شكرا ليك
سكرت دينا واتصلت برؤياء مش تقوللها علي الخبر
في اليل جي يوسف لحوش رواد مش يحتفلوا بتعين رواد
علاقة رواد ويوسف أكثر من الاخوة
(صديقي مستعد أن أضحي بنفسي لأجلك وحدك)
دينا روحت ورقدت وهي في قمة الســـعادة
وفات اليوم كله والزوز جوهم حلو ميعرفوش شن مستنيهم غدوة
تاني يوم الصبح ناضت دينا وكلها نشاط وفرح وزي كل يوم جهزت نفسها وتشيكت ونزلت وركبت في سيارتها
رواد ناض وصلي ودعي لربي وشكره علي نعمه وجهز نفسه ونزل خدي تاكسي ومشي للشركة
رواد وصل للشركة قبل دينا لان دينا لازم قبل متمشي تخطم ع كوفي شوب متاعها وتأخد الكافي متاعها وزحمة الطريق ضيعت حوالي نص ساعة وخلال نص الساعة هيا وصل رواد
وصل رواد وخش لمكتب الاستاذ حسان طبعا صار سلام وشكر رواد أستاذ حسان علي الفرصة الي عطهاله وهو في نص الكلام خشت
دينا/ السلام عليكم
حسان/ وعليكم السلام
رواد في حالة صدمة ودينا بعد مشافته مصدوووووووومة شن الي صار
رواد/ استاذ في خلبطة في الموضوع ولا شنو
حسان/ لا يا رواد مافيش خلبطة ولا شي قعمزي يا دينا خل نفهمكم ع كل شي
حسان/ اليوم الي قابلت فيه رواد في الاول كنت حنتختاره ع طول لانه بجد ابهرتني سيرته الذاتيه بس محبيتش نحكم ع دينا من قبل من نشوف خبرتها وهني زادت حيرتي الضعف لان دينا متقلش كفأة وخبرة ع رواد وبعد تفكيــــــر طويل واستشارات مع مجلس الادارة قررت
الاتي /السيد رواد هو الي ح يستلم منصب رئيس قسم العلاقات العامة والانسة دينا ح تكوني مساعدته
وإن شاء الله انتوا الزوز تقدروا تقدموا كل شيء يكون في مصلحة الشركة
هني دينا معجبهاش الكلام
دينا/ كيف يا أستاذ اني خبرتي وشهادتي مفروض نكون رئيس قسم مش مساعد
رواد/ سيد حسان الباين من أول في مشاكل وحني زوز مش ح نتفاهموا فإختار واحد فينا
حسان/ وانتي شن رأيك يا دينا؟
دينا/ اي اني رأي واضح من الاول
حسان/ اني مش حنغير قراري يا أساتذة لو كلاكما رضي بالعرض صلي الله وبارك ولو مرضيتوش مافيش مشكلة الشركة ح تحط إعلان من جديد
رواد/ استاذ هو الموضوع غصب ولا كيف؟
حسان/ لا مش غصب بس اني صاحب رزق واني نبيكم مع بعض ولما تكونوا مع بعض حيكون لمصلحتي ومصلحة شركتي
رواد/ اني معنديش مشكلة اني حكيتلك اني حاب الشغل والشركة وموافق
الرأي والقرار لانسة دينا
شن بتقرر دينا وهل قرارها بيصدم رواد ولا لا نعرفوا في الحلقة4