أحببت عدوي

احببت عدوي

الحلقة 23
كان الجو حلو وصيف وصوت الموج ومد والزجر والشط هادي وهني بعد سكوت واستمتاع بالمنظر قالت دينا

دينا/علاش اني ؟

رواد/ شن علاش انتي !

دينا/ علاش حبيتني وتزوجتني شن فيا خلاك تحبني

رواد/ به علاش اني الي حبيتيني وعلاش رضيتي تتزوجني جاوبي علي سؤالي وراح تعرفي إجابة سؤالك

دينا/ اني حبيتك لما عرفتك وعرفت طيبتك من معاملتك في الموظفين في الشركة وعرفت اني كنت غالطة واصدرت الحكم من قبل منسمع منك اي شي كرهتك لمجرد اني حسيت انك راح تأخد مكاني في الشركة وبتأخد حلمي وطموحي ومكنتش نعرف انك انت راح تكون حلمي حبيتك لما شفت خوف في عيونك عليا حتي لما تدخلت في لبسي مزعلتش بالعكس فرحت وحبيت التصرف متاعك حسيت انك خايف عليا واني نعنيلك بس لما سمعتك تكلم في نيرمين

رواد حط يده علي فمها وقالها
ورأس امك خلاص اهني وبس متخربيش ام اللحظة كنا حلوين وكنت اني حلو في عينك متخربيهاش عليا

دينا/هههههه لا انت اناني تبي تسمع الحاجة الحلوة الي فيك بس متبيش تسمع الشي الي مش حلو

رواد/ تعرفي يا دينا لما شفتك في المول حسيت بأنك سطحية ومتكبرة

دينا/الله الله به كمل وشن تاني

رواد/ غير بجد وبدون زعل اسمعي لما شفتك في الشركة متوقعتش انك تكوني بالمهارة والخبرة قصدي بنت في عمرك تكون خريجة اكسفورد والرابعة علي الدفعة وفي العمر هو ماشاء الله شكلك السنة في شهر تقري فيها

دينا/هههه لا انقولك اني سافرت وهمي الدراسة بابا كان يبيني ندرس علوم سياسية بس اني منحبش السياسة اقنعته بالادارة ونكون مديرة مكتبه وهكي قريبه منه بس اني في داخلي كنت نكذب لاني مش حابة النمط السياسي كله علي بعضه

رواد/ احسن لو قريتي سياسة مكنتش راح نعرفك

دينا/لاحظت انك غيرت الموضوع ومجاوبتش علي سؤالي

رواد/ههههههه اي جوابي طويل شن رأيك ديريلنا قهوة ونكملوا حكينا

دينا/ حاضر شكلي اليوم مش راح نروح

واد/ نوضي بسرعـــة هيا اسمعي كلامي

دينا/ حاضر امرك يا سي السيد

خشت دينا ودارت قهوة وصبتها في مق وطلعت لقت رواد سرحان ومبتسم

دينا/ هههه خيرك تضحك

رواد/ ههه تذكرت لما عامل الفندق هزبنا

دينا/ ههههه تعرف خاطري نرجع من جديد ونكون معاك ونلفوها

رواد/ حاضر من عيووني غالي والطلب رخيص خلاص شهر العسل راح نسافرواا لسنغفورة تمام

دينا/ تمام نحبـــك لانك مجنون به جاوب علي السؤال

رواد/ هههه يا لطيف شكلك متنسيش ابدا

دينا/ لا هي حبيبي جاووب

رواد/ به الحق اكثر شي حبيته فيك عنادك وتسكير رأسك بس نفس الوقت نحب نظرة البراءة الي في عيونك وخاصة لما ديري شي غلط واني نعاركك ونحب فيك شجاعتك وثقة في نفسك وانك عصامية ومش معتمدة علي بوك بس غروروك وارستقراطية متاعك منحبهمش

دينا/ واللهي والهي ماني ارستقراطية بس شن بندير اني طبعي هكي

رواد/ راح نغيره هالطبع هو اي تزوجتك لانك هكي واني حبيتك لانك هكي ونبي نحكي لصغاري واحفادي علي كرهي الي تحول حب ونحكيلهم علي عنادك الي بيجيب اخرتي

دينا/ رواد اوعدني انك راح تقعد معاي العمــر كله مش راح تسيبني

رواد/ وعد انا من بعدك اتوه وعالمي بعدك يضيع تختلط عندي الوجوه

دينا/ الله الله احبك موت كلمة مالها تفسير ولين اليوم مدري كيف افسرها

رواد/ اووو صوتك حلو

دينا / احم احم من ذوقك

دينا / اي قولي وين مشيت بكري

رواد/ اوو تصدقي انك نسيتيني في اهم حاجة

دينا/شنو هي؟

روادد/ هاتي يدك

دينا/ اه يدي علاش؟

رواد/ ووواك منك قداش ما قصقاصة غير هاتي بس وغمضي عيونك

دينا/ اه غمضت واهي يدي

رواد/ مسك يدها ولبسها خاتم وقالها افتحي هي

دينا/ الله محلاه ربي يخليك ليا ومايحرمني منك امتي جبته

رواد/ عجبك؟

دينا/ يجنن دبله الي طوول عمري نحلم بيها

رواد/ ربي يقدرني اني نسعدك ونفرح قلبك دووم ومش يوم يارب

دينا/ امين قولي امتي جبته؟

رواد/امبكري كنت موصي عليه خديت خاتمك مش نزيد نتاكد من مقاس وطلع كبير شوي عدلوا فيه هذا علاش عطلت وخدي منهم وقت

دينا\نحبــــــــــك ربي مايغيبك عليا كل منتذكرك وانت بين ايديا وانت تنزف ننجن

رواد/ خلاص انسي الماضي والحزن وعد مني حياتنا كلها راح تكون سعادة
وقعدوا ابطالنا الليل كله قدام البحر ويحكوا علي حياتهم لين جي الصبح وطلعت الشمس

رواد/ دينا رقدتي خيرك سكتي

دينا\ خليني نبي نرقد ناعسة

رواد/ حبيبي نوضي نوصلك للحوش وبعدين ارقدي بنمشي للشركة عندي شغل

دينا/ اممم رواد خليني راقدة نعسانة تو بعدين نكلم سماح ونقوللها

رواد/ كسولة نوضي خلاص هيا اصلا اكيد اهلك انشغلوا عليك

دينا / قامت راسها وابتسمت وشبحتله وقتله لا مش راح ينشعلوا اني معاك مع حبيبي وزوجي

رواد/ ربي مايخرمني منك لكن برضوا نوضي وقت

دينا/ اوووف انت مش رومانسي نهائيا نوض هيا خل نكمل نومة في الحوش

رواد/ هههههه نوضي نوضي تو نوريك شن هيا الرومانسية
ركبوا في السيارة ووصل رواد دينا ومشي رجع للشاليه خدي دوش وغير ملابسه ومشي للشركة اما دينا فكانت راقدة من كترث التعب

وفاتت ايام والايام بعدها اسابيع وشهور وبعد 6 شهور كان موعد عرسهم وكانت التجهيزات علي قدم وساق

رؤياء/ شن مزالك يادينا

دينا/خلالاص تعبت منسحابش الزواج بالشكل هو

نيرمين/هههه علي شن كنتي عابية

رؤياء/ حقا يا نيرمين علاش مروحتوش

نيرمين/ اني عجبتني العيشة هني وحصلت شغل وشكلي راح نستقر هني

رؤياء/ ودراستك

نيرمين/ سحبت ملفي من جامعة راسلتهم عن طريق النت وكملت اخر سيمستر هني ومن شهر تخرجت مقتلكش دينا

دينا/ خوك خلاه فيا عقل باللهي عليك ههههه

رؤياء/هههه لكن شن قصة الإستقرار هني

نيرمين/ اني في حد في حياتي ونحبه وهو يبي يتقدملي بس نستنوا في عرس رواد ودينا قبل وبعدها راح يجي ويخطبني

رؤياء/ اها من هو؟

دينا/ اخ منك يارؤياء تستعبطي من هو يووووسف واخيرا قالهها انه يحبها وقالي اني بس رواد ميعرفش

رؤاء\يوسف ربي يهنيك بجد راجل كويس مع اني منعرفاش هلبا بس باين عليه

نيرمين/ تسلمي حبيبتي عقبه ليك

دينا/ هي انت وياها جاين مش تساعدوني ولا تحكوا ع يوسف

نيرمين/ ههه اسف ياعمري شن مزال كل شي جاهز

دينا/ اي تو بعد تفكرتي كل شي جاهز وملابسي في شناطيهم بس خايفة شوية وبنمشي نأكد علي حجز الفيلو الحمد لله ارتحنا من الفندق ومصاريفه لانه هدية من السيد حسان

رؤياء/ اي ياريته مديري باللهي

دينا/ ههههه خلاص غير تزوجي وفندق عرسك علي حسابي , تليفوني يرن خل نرد
الو اهلين حبيبي

رواد/ دينا نبي نقولك شي مهم

دينا/ شن في قول حبيبي خوفتني