أحببت عدوي

أحببت عدوي
الحلقة 16

وهني دينا خطرت علي بالها فكرة جهنمية

طووط طووط

دينا/ الو انت وين اوكي به شن رأيك نتلاقو في كافي بلازا بعد هكي ساعتين ونص
اوكي ماشي متعطلش

ومشت دينا لمكتبها ودارت شغلها وكانت مستمتعة بالخطة الي راح تنفذها وفاتوا الساعات وجت نهاية الدوام وطلعت دينا قبل الوقت وهي في الطريق كان رواد

رواد/ سماح دينا في مكتبها شوفيها وقوليلها تجيني

سماح/ بس دينا طلعت مش في مكتبها ليها حوالي ربع ساعة طالعة

رواد/ ربع ساعة به به خلاص اوكي

سماح/ أستاذ في شي ضروري تبيه نقدر نديره اني؟

رواد/ لالا خلاص سماح الله يعطيك العافية

رواد بينه وبين نفسه اخ منك يا دينا وين مشيتي بس هذا كله وقتلك نبيك في موضوع وقام تليفونه واتصل بيها

دينا /مردتش قامت تليفون وشافت الرقم وقالت والله لخليك تبكي دم اني دير فيها هكي اخ يارواد كان صارحتني ومكذبتش عليا بس ولو كنت حبيتني كنت راح ترتاح معاي بس انت كذبت عليا

وصلت دينا للكافي

دينا/ هلا شنجو مفجأة اتصالي صح ولا؟

سومر/ تبي الحق لا كنت متوقع منك اتصال

دينا/ لا ياشيخ بجدك انت يعني اني ملوحة روحي عليك

سومر/لا الموضوع مش زي مافهمتي

دينا/ به به خلاص متقعدش تبرررلي شن تطلب؟

سومر/ شاي اخضر وانتي؟

دينا/ نسكافيه

سومر/ قارسون وحد شاهي اخضر واحد نسكافيه

وهني فون دينا مبطلش رن وهي متبيش ترد لدرجة سومر انزعج وقالها

سومر/ دينا يا ردي يا حطيه سايلنت

دينا/ كانت تبي ترد مش الخطة تنجح وقتله- لا هذا مديري بنرد

دينا/ الو استاذ خير في شي؟

رواد/ دينا وينك انتي مش علي اساس بنحكوا في موضوع مهم وينك؟

دينا/ اوو سوري استاذ نسيت وتلاقيت مع صديق نسيت موضوع
طبعا كلمت صديق شرينت عند رواد وقالها

رواد/ اها به كويس بعد متكملي من صديقك اتصلي بيا انتي وين؟

دينا/ لا مافيش داعي استاذ اني نجيك

رواد/ لا بس غير قولي انتي وين اصلا عندي شغل نبي ساعتين مش نكمل

هني دينا ضايقت حست الخطة فشلت ورواد مش راح يجي لانه حسسها مش مهتم وقتله
في كافي بلازا

رواد/ اوكي نخلص شغلي ونجيك وسكر رواد

ودينا تعفلقت لان رواد مهتمش بالموضوع حتي طشة وقعدت تهدرز مع سومر وفوووق من نفسها

سومر/ هي دينا شن اخر اخبار خطيبك

دينا/ اه خطيبي كويس تمام

ومتندريش دينا علي ان رواد كيف درس سيارته وخش للكافي ويشوفها وهي شافاته ودارت روحها ماشفتاش وشدت يد سومر

دينا/ سومر في شي نبي تقولك عليه

سومر/ دينا كنت عارف انك تحبيني واني نحبك

رواد قرب وشاف الموقف وسمع كلمة سومر دينا انصدمت ورواد بغضب قالها

رواد/ شن ديري ؟ ومع هو قولي

سومر/ هي انت من تسحاب روحك

رواد/ اص انت ولا كلمة كلام مش ليك ليها دينا ردي شن ديري هني؟

دينا/ زي ماتشوف مقعمزة مع صديق

سومر/ قوليله يا دينا انك تحبيني ومتحبيشي

رواد/ شنو شن قاعد يقول شن دينا ردي عليا فهميني

دينا/ سومر اسكت انت خلاص

رواد /شد دينا من يدها وجبدها وقالها نوضي وتوا

دينا/ رواد بلاش فضايح قدام الناس

دينا/ قسما بالله الي منقسم بغيره يا تنوضي توا يا نقلب المحل فوقي لوطي تعرفي هبالي ولا

دينا/ به خلاص اس بلا فضايح

سومر/ دينا يا دينا

رواد/ ياعم فرفوط قسما بعزة الله مزال نشوفك جيهتها ولا مقرب منها الله ماهو صابح عليك صبح

سومر/ به ابه حاضر

جبد رواد دينا وهو حامق وضاغط علي يدها وركبها في السيارة وطلع بالسيارة زي المجنون

دينا/ رواد هدي منبيش نموت ساد فضيحة الي درتها في كافي

رواد/ دينا اسكتي والله توا نفش غلي فيك

دينا/ من انت مش تعلي صوتك عليا

رواد/ ولا كلمــــــــــــــة اسكتي

خافت دينا وطول طريق وهي تبكي
وصلوا لقدام الكورنيش

رواد/ نزل زي مجنون ودينا لحقاته

رواد/ بعصبية متقوليليش شن الي كنتي ديري فيه ومن هذا؟

دينا/ من انت مش تحاسبني مليكش علاقة بيا

رواد/ دينا قسما بربي توا نتمنى نقتلك لكن ….

دينا/ لكن شنو ؟
ويرن فون رواد

رواد/دقيقة بس – ايوا نيرمين مش فاضي توا تو نتصل بيك بعدين

دينا/ الحق مش فيك فيا الي خليتك ترفع صوتك عليا ونجي معاك

رواد/ يا بنت الناس اني نحبــــــك

دينا/ مصدومة ولا كلمة

رواد/ انتي تغيرتي مش اني مكنتيش هكي علاش شن جاك في سنغافورة حسيت للحظة انك مش حبيبتي انك مرتي وحسيت بشعور حلو واني معاك وحسيت عندك نفس الشعور بس تغيرتي مرضتي سختي قدامي وربي يعلم قداش كنت خايف وانتي طايحة بين ايديا ونكلم فيك ونقولك دينا حبيبتي نوضي فيقي منقدرش نعيش بلاك وانتي شن رديتي بعد منضتي شكرا استاذ انت مدير متفاني واي حد من الي يشتغلوا معاك كنت رح دير نفس شي حسيتها في قلبي ومشيتها خديتي اجازة اسبوعين معاش سألتي ولا عدلتي واليووم نقولك في موضوع مهم وبنحكوا فيه تطلعي وتفوتيني ونجي نلقاك مع ها الطرطور كيف تبيني نتصرف

دينا/ تحبني توا جاي تقول تحبني والهانم الي كلمتها في سنغافورة ولما سالتك قلت يوسف صاحبي نفسها الهانم الي خشيت للمكتب وانت تكلم فيها لما اغمى عليا وتوا وهي تتصل بيك شن حنت عليك سيباتك ورجعت

رواد/ دقيقة بس انتي لالا انتي فاهمة غلط نيرمين قصدك

دينا/ اي نيرمين ال

رواد/ علاش متسأليش من هي نيرمين علاش تصدري في الإحكام وطول تحقدي عليا وتكرهيني ومتكلفيش نفسك انك تعرفي نيرمين حبيبتي ونور عيوني وكل شي في الدنيا نيرمين اختي يا دينا اختي الي معنديش غيرها في الدنيا

دينا/ اختك لكن

روا/ لكن هذا هو اللكن الي فهمتيه زي ماانتي تبي وحكمتي عليا ومتعرفيش قداش نحبك ومتوقعتش في يوم اني نحبك ولا نحب اصلا

دينا/ تبكي بحرقة ولا انت تعرف قداش اني نحبك وقداش تعذبت فكرة ان في واحدة غيري في حياتك بروحها تقتل فيا وكل مانجي بنسألك في شي يمنعني

رواد/ كرامتك ولا غروروك ولا كبريائك ولا الارستقراطية الي انتي عايشة فيها

دينا/ خلاص رواد بالله عليك معاش تقول ولا كلمة انت مش حاس بيا اني مش مستوعبة
وقامت عيونها فيه وقتله سامحني تقدر تسامحني؟

رواد/ اني اسف حبيبتي اني تعاملت معاك بالطريقة هيا بس لما شفتك معاه الدم ركب لرأسي انتي متعرفيش قداش نغار عليك

دينا/ اسفة اسفة سامحني قتلي رؤياء اني الي شي الي ندير فيه غلط بس كنت نبي ننتقم منك

رواد/ اوووف شريرة اي شر الي وقعت نفسي فيه وفي حبه

دينا/ هههه والله نحبك بس لو بجد تطلع في واحدة في حياتك نقتلك

رواد/ واحدة هو انتي وياالله نقدر عليك خلاص تو امسحي دموعك

دينا/ بس مسكين سومر خاف منك مكنتش نسحابك عصبي وخلوقك ضايقات

رواد/ هو اني متفهم وصبور بس تخايلي روحك مكاني نشوفك مع هالطرطرو وتبيني نسكت

دينا/ هههههههه حرام عليك

رواد/ دينا اعرفي شي واحد اني واقسم بالله العلي العظيم اني نحبك ورايدك وشاريك وبالحلال وتأكدي ماعمري خنتك ولا راح نخونك ثقي وتأكدي

دينا/ الله كلامك قداش ماحلو والله اني مجنونة بيك وانت غيرتني هلباا تصدق اني تخلصت من غروري الزايد ومعاش فكرت في نفسي انت خديت تفكيري كله

رواد/ به امتي نجي ونقابل عمي أحمد

دينا/ههههههه مزال بالسرعة هيا

رواد/ والله مش ضامن نفسي اني شاب وحلو وبنات بالطابور

دينا/ تعطيه عزقة باهيا علي كتفه – بنات في عينك عيونك السود الي فرحان بيهم نسلهم لك لو تشوف لواحدة غيري

رواد/ههههههههه واعرة خفت اصلا توا بنفكر في موضوع من جديد

دينا/ قد أعذر من انذر

رواد/ ربي خليك ليا ومايحرمني منك يا احلي عدوة في حياتي

دينا/ ولا يحرمني منك يا عدوي

دينا ورواد/ ههههههههههههه