أحببت عدوي

أحببت عدوي
الحلقة 12

طلع رواد من حجرتــه ومشي لدينا وطقطق الباب ولقاها

رواد/ شن لابسة انتي ؟

دينا/ شن حلو صح ولا ؟

رواد/ اني نازل وانتي غيري لبستك أحسن ومتعطليش

دينا/ هي انت شن غيري لبسك هيا وأحسن من أنت مش تقرر شن نلبس وشن لا من تسحاب روحك

رواد/ بعصبية ونرفزة -قتلك غيري حوايجك بسرعة ومتعطليش وممتناقشينيش

دينا /رواد احترم نفسك واحترمني انت مديري وميحقلكش تقرر شن نلبس ولا كيف نتصرف انت ماتكون ليا شي

كانت دينا تحاول تستفزه وتبيه يقوله انك تخصيني ونحبك لكن هو قالها

رواد/ مستحيل تنزلي باللبس هو واني معاك ياهانم اني رجل #شرقيتعرفي شن معناها #شرقــي يعني بنت تكون زميلتي ولا صديقة ولا حتي عربية زي نخلي واحد أجنبي يقعد يشبحلها من فوق للواطى شن تحسابيني مش راجل

دينا/ قوت جرعة الاستفزاز وقتله- اها يعني علي خاطر غروروك ال#شرقي انت متبيش نطلع معاك واني لابسة هكي؟

روا/ حمقت قرب منه ومسكلها يدها من معصمها وقالها دينا كلمتين ومافيش ليهم ثالت يا تغيري لبسك يا أقسم بالله العلي العظيم نرتكب فيك جريمة وماني سأل ع روحي باااش تفهمي يا بنت الناس اني منحملش حد يشوفك ولا يفكر شيطان يوسوسله اي وسواس اتجاهك علي ما أعتقد فهمتي قصدي مافيش داعي نزيد نشرح

دينا- فرحت وخافت من الكلام الي قاله وقتله به حاضر خلاص 5 دقايق ونكون جاهزة

رواد/ ماشي متتاخريش

دينا/ اوكي حاضر شوي بس

سكرت الباب وهي خايفة من وعلي رواد خايفة منه لانه غيور وهذا كله مافيش بينهم شي وخايفة عليه لو يعرف إن سومر كان يبيها وهي رافضاته وان دينا سبب انه سيب بنت خالتها

لبست دينا علي السريع ونزلت
وأول ماطلت علي رواد وقف رواد من كثرت ما كانت ديناحلوة وبسيطة

رواد/ بسم الله ماشاء الله تبارك الله أحسن الخالقين

دينا/ سلمك شكرا

رواد/ ناقصاتك حاجة واحدة بس

دينا/شن هي ؟

رواد/ الحجاب لو تكملي جمالك بالحجاب تكوني أجمل

دينا// -_- مصدومة شنو حجاب !!

رواد/ اي حجاب خيرك مستغربة انتي جميلة وجمالك فاتن ولازم انك تتحجبي مش متحمليش الأثم ليك ولرجال وبعد الحجاب تستغفري الله وعفا الله عما سلف

دينا -كانت ناقصة شوية من الناحية الدينية والسبب الرئيسي عدم اهتمام أهلها بيها وانشغال بوها في منصبه السياسي اي مقلتلكمش دينا صح من نفس بلاد رواد الي منعرفش شن هي لكن لانها مولودة في الامارات وبوها عليش غادي أكثر من 30 سنة حصل الإقامة الدائمة والجنسية وأصبحت مواطنة اماراتية المهم دينا معرفتش ترد علي رواد شيء قعدت ساكته وسارحة خافت انه رواد يكون متطرف ولا تابع لتنظيم سياسي لانها سامعــة هلبا قصص من النوع هو المهم بعد سكوت ردة دينا علي رواد

دينا/ إن شاء الله خير هي نمشوا

رواد/ معجباش ردها بس فوت الموضوع وقالها

هي نمشوا

طلعوا وتمشوا في الحديقة وبعد مشي تعبت دينا

دينا/ رواد رجليا شن رأيك نقعمزوا ونرتاحوا تعبت

رواد/ به قعمزي وتلفت رواد وقالها شوية ونجيك

دينا/ وين ماشي تعالي متخلينيش نخاف

رواد/ متخافيش شوية وجاي

بعد 5 دقايق جي رواد وفي ايده زوز طرابيش أيس كريم

دينا/حي ايس كريم يامــــــــي

رواد/ههههه رسمي انك طفل عارفك تحبيه شدي

دينا/ شكـــرا هلبااا وبالشكلاطة تعرف ذوقي

رواد/ لو نقولك المعلومات الي نعرفها عليك تخافي وبعدين تفكري اني نشتغل في الإستخبارات

دينا/ حي عليا بنبدأ نخاف

رواد/ هههه لا مش لدرجة هيا والله مانخوف راه

دينا/ تعرف لو كنت تخوف ولا اني خايفة منك مكنتش سافرت معاك ولا كنت مقعمزة توا معاك

رواد/ الله كلامك حلوو يا دينا

دينا/ نعرف جيب حاجة جديدة اصلا عندي اسلوب مش عادي ولبقة

رواد/ واك مغرورة بس بس امسحي في نقطة كريمة

دينا/ وين؟

رواد/ هني ع خدك

دينا/ وين هني ؟

رواد/ لالا قرب يده ومسحلها نقطة الكريمة طبعا ديناخشت في حوايجها ووجها ولا زي طماطمة واستاكت

رواد/ قعد سارح في عيونها العسليات وبعدين تدارك الموضوع وقالها خلاص مسحتها

دينا/ اها به نستأذن بنمشي للتواليت

رواد/ أذنك معاك

مشت دينا وهي ترعش وبمجرد ما دخلت للتواليت غسلت يديها وواجها بمية مسقعة وجمعت قوتها وجمعت شن صار معاها وتأكدت ان رواد يحبها وكانت بس تستني في انه يعبر علي مشاعره

وهي راجعه سمعاته يتكلم في فون ويقول

رواد/ والله واني استحشتك هلبا وقلبي ملهوف عليك خلاص متزعليش ياعمري والله بس نرجع حناخد أول تذكرة ونجيك ع طول ولا انتي تجيني

واني نحبك ونموت فيك ربي ما يحرمني منك يارب في امان الله ردي بالك علي روحك

دينا سمعت مكالمة ومصدومة ومش عارفة شن دير
مقدرتش متسالش والدمعة كانت في عينها

دينا/ في من كنت تكلم

رواد/ اه يوسف صاحبي

دينا/ اه ربي يحفظهولك

رواد / تسلمي يارب خيرك شن في تبكي

دينا/ لا غير شورة حاجة خشت لعيني رواد نبي نرجع للهوتيل رأسي يوجع فيا

رواد/ مزال بكري خيرك قاعدين الجو حلو

دينا/ اوكي انت اقعد واني بنرجع ورانا سفرة طويلة غدوة ونبي نرتاح

رواد\حس في شي مش مزبوط بس مخطر في باله انها سمعت مكالمة وقالها اوكي زي ماتحبي هي نمشوا
طول الطريق هما ساكتين ولما وصلوا قدام حجراتهم رواد كيف قرر يقول لدينا علي مشاعره

رواد/ دينا نبي نقولك علي شي مهم

دينا/ اني توا تاعبة لو يتأجل خليه بعدين

رواد/ حس نوعا ما انها مش مزبوطة ومحبش يضغط عليها وقالها لالا مش مهم هلبا يتأجل

دينا/ اوكي سلام نتلاقو غدوة

رواد/ غدوة! قصدك معاش بنشوفك للعند غدوة الصبح

دينا/اي معاش عندنا شغل صح ولا وزي ماقتلك تاعبة هلبا

رواد/ به زي ماتحبي

دينا/ سلام وخشت وسكرت الباب وقعدت واقفة عليه وتبكي ومنهارة بالبكي لين طاحت علي الآرض
حوالي دقايق وهي في بكاء متواصل لعند ما