زوجه أَمْ جاريه رواية لآروي الطاهر

#زوجه_أَمْ_جاريه 6

زين:خذي الصونيه يلي فيها الميه وخش لدار عصر الفوطه وحطها علي راسها وطبعا كله تعليمات قوقل بعدين بعد عليها وقعد يشوفلها حس ان في شي غلط ؟!!!
اذكر ان حط الفوطه علي العبايه يلي لابستها علي راسها?بعد الفوطه ونحا العبايات يلي لافهم بيها زي البراك ورجع حطلها الفوطه
قعمز زين جنب نهاد يلي كانت راااقده ومتعلم بشي
ويقلب في الفوطه علي راسها تقول لحم هبورقه?ويشوف لي الدواء يحفض في مواعيدع تقول جدول ضرب

ترن ترن ترن
زين:ايوا
مجهول:وينك نستنى من بكرى مش بتجيب باقي الفلوس؟
زين:صارت عندي شوي مشاكل هكي
مجهول:نستنوك تجي اليوم؟!
زين:شاف لي نهاد
مجهول:الوووو
زين:هااا….لا لا منقدرش
مجهول:تمام موعدنا بكرا
زين:تم
مجهول:سكر الخط

___________________

عياده(خالة زين):غباااااره علي فاطمه امتى صار هاذا كله
امنه:امي والله قريب حطيت مصاريني من الرعاش
عياده:والله يا امنه كان زين ولدي معاد نزوجه ياسر خلاص معقوله يعامل بنات الناس هككي
زمزم:كل يوم نقول فيه الكلام هاذا ياخالتي لاكن هاتي من يفهم
امنه:صالح مسكر راسه يبي يشوف صغار زين
عياده:وزين ميبيش صغار الله اعلم السبب والله اعلم علاش نساوينه ميحملوش
امنه:ااااه وخلاص
عياده:لاكن الاخيره صغيره يناري حرام عليه
زهور:وتهبل ياخالتي تو تجي بكرا وتشوفيها محلاها
عياده:مسكينه

زين:حط يده علي وجها والحراره نخفضت غطاها وطلع من الدار رجع صونيه الكمادات ع المطبخ وتوضئ ….صلى العشاء بعدين قعمز قدام الصالون منع روحه يحكي في موضوع نهاد بس عقله مقدرش يصيطر عليه .
زين:ممكن تصرفي هاذا بسبب صغر سنها….ممكن لانها يتيمه ومعندها حد…يالله يلي فات مات وفي الجديد منبيش نرحم حد مهما كان الغلط متاعها بسيط بنوريها شي عمره مشفاته عشان تعرف اني منو وتبطل الحركات التافها يلي ادير فيها .

مريم:رقدت ولدها ومقعمزه مع العيله ….وصلها مسج ع الماسنجر وقلبها فرررح لما شافت اسم زياد
زياد:اهلين مريم
مريم:هلا بيك
زياد:شنو وصلتو حوش خالتي ؟!
مريم:اي من بكري
زياد:تمام ترا اطلعي من بحداهم شوي نبيك في موضوع
مريم:تمام….طلعت برا وردت ع المكالمه
مريم:ايوا
زياد:اها شن الجو
مريم:تمام بخير
زياد:اءء مش عارف كيف بنخشلك في الموضوع
مريم:بخوف…شن في؟!
زياد:بوي اصر اني نكتب كتابي عليك عشان حمودي
مريم:قلبها فررررح…..اها؟!
زياد:وافقت عشان يخليني ناخذ البنت يلي نبيها بس رح يكون زواجنا ع الورق بس ورح تكوني في حوشك
مريم:اءء اي اي??
زياد:انتي شنو رايك؟!
مريم:والله اي شي في مصلحة ولدي منرفضاش
زياد:تمام امالا متفاهمين
مريم:ت تت تمام
زياد:تصبحي ع خير
مريم:وانت من اهل الخير

سكرت مريم الهط وشعورها مختلط بين فرحه يعني ع الاقل جزء بسسسيط من حلمها رح يتحقق بس حزنها علي مشاعر الحب يلي حاملهم لي وحده غيرها

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

طول الليل وزين ماشي جاي ع نهاد يشوف في الحراره كل مره يقيس فيها حرارتها كان يباعد في شعرها الاحمر من علي وجها …..شعرها الاحمر يلي لفت نضره اول حاجه فيها ❤️?

ثاني يوم???
نهاد:نزلت من السرير وجسمي يوجع فيا نكح ولوزتين مش قادره نبلع ….طلعت من الدار شوي شوي نبي نشرب عطشاااانه بس وقفني صوت كأنها عركه ….قربت على المربوعه نسمع

صالح:انت ولددددددى فااهم؟!ولدي حتى لو مفيش حد يعرف انك مش ولدي رح تقعد في نضري ولدددي مش ولد امك بروحها
زين:ساكت
صالح:خلااااص عاد ….اي بوك توفى وانت صغير ومنعرفش شنو عشت معاه خير ولا شر بس امك قعدت معاك لاخر نفس ورفضت حتى تتزوجني لو مكنتش معاها
وافقت انا وحبيتك كأنك ولدي وقطعه مني وربيتك علي الاساس هاذا قولي من وين جايب القسوه هاذي كلهااا
نهاد:حطت يدها ع فمها مصدووومه?????
زين:ساكت
صالح:حميتك وربيتك وقريتك و……
زين:لا معليشي??…قرايتي وخدمتي وتخرجي وفلوسي كلها من تعبي حتى حمايتي حميت روحي بروحي وهاذا كله درته من لما كان عمري 11السنه بس
صالح:خذي نفس عمميق….زين انا منتجملش بيه عليك توااا انا يلي نبيك تفهما ان زيك زي خوتك متفرقش عليهم في شي ممكن حتى مكانك في قلبي اكتر منهم فهمني علاش القسوه يلي عندك هاذي كلها؟!عمرنا مشفناك حتى تبتسم بس خواتك عايشين الرعب بسببك
زين:سكت
صالح:انا عارفه متبيش صغار لاني مخليتكش…..
زين:قاطع كلامه…..لو سمحت ??فوتها القصه هاذي يابوي خلاص سيرتها تسكرت
صالح:تنهد وجي حضن زين….سلم ولدي بعد الافكار السلبيه وتعاله مع خوك عول لي حوشه وعرسه ….باعد من علي زين
زين:قاعده ملامح الحده والقسوه علي وجها….ان شاء الله اكيد مش رح نخليه
صالح:طبطب ع كتف زين وطلع

نهاد:رجعت بسسسسرعه لغرفة النوم وهيا مصدومه وتفكر….كييف؟!يعني زين بوه مش صالح؟!بوه ميت ?زعمى خواته يعلمو؟!شنو الحاجه يلي مخلاشي يديرها عشان يرفض الصغار ؟؟
زين:خش لدار النوم وشاف نهاد مقعمزه ع السرير …تجاهلها وطلع حوايجه
نهاد:صباح الخير
زين:هز براسه
نهاد:تعبتك معاي امس صحيت ❤️
زين:متعبتش ولا قربتك اصلا
نهاد:بضحكه….من جابلي الدوا وصاهر جنبي امس ?
زين:بدون ميشبحلها….جبت ممرضه ….وخش الحمام
نهاد:ضحكة لان عارفاته يكذب في الليل كل متفتح عيونه تشوف فيه جنبها والشي هاذا خلاها تتأكد ان مهما كان قاسي اكيد فيه في قلبه شوية رحمه❤️

_____________________

نهاد:طلعت لي حمام الصاله غسلت وجها وبدلت حوايجها رغم كانت قاعده تاعبه ….خشت المطبخ لقت الفطور واتي صح كانت كل طاسه من لون ?والفطور خاش بعضه حتى المعدنوس ع الطاوله بس عادي المهم فطور فرحها ?….بدت تساوي في السفره وتضحك لين شمت ريحه تعرفها كووويس ومتذكرتها ❤️?…..قامت عيونها وكان زين لابس البدله العسكريه السوداء كاااامله مع شعره المرتب والبرفان القوووي وسلاحه طالع شخصيه يجنن❤️❤️

زين:يلبس في ساعته …..رواشن الحوش مينفتحوش في غيابي
نهاد:تشوفله بصدمه من شكله يلي يجلط…..اها?
زين:يربط في خيوط الكدار….الدواء متعك مكتوب عليه خوذيه وكان متبيش تاخذيه بلاش
نهاد:حبت تستفزه….بجد محلاك وانت مهتم بيا?
زين:شبحلها ورفع حاجبه….مش مهتم بحد انا وبطلي حركات مايعه احسن ماتشوفي شي ميعجبكش
نهاد:كل شي منك يعجبني?
زين:انصدم في كلامها وجرأتها….جربي تغلطي من اليوم مش راحمك
نهاد:كانت الكلام هاذا تخاف منه بس بعد يلي صار امس بدي كلامه معش يأثر فيها
زين:لبس جاكيته وجي طالع
نهاد:دير بالك ع روحك زين?
زين:سكر الباب في وجها وركب سيارته وهوا يتمتم ….حركات فروخ
اما نهاد حطت يدها ع قلبها ….حليلي الشخصيه الطول العرض والجمال وكل شي ووووه محلاه❤️

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

زين:مشي للمعسكر لان كان عندهم تخرج دفعه جديده ومدايرين حفله وطبعا كان هوا من ضمن القوان الخاصه ومعزوم❤️

نهاد:رجعت ع السرير ترتاح بعد مخذت دواها سكرت عيونها بترقد بس عقلها موقفش بسبب ريحة زين القويه يلي كانت في كلللل مكان في غرفة النوم ❤️?

زين:بعد ما سلم علي كل صحابه والناس يلي موجوده في الاحتفال وقفو عشان يشوفو العرض العسكري وكل شوي يذكر في نهاد وحركاتها وشعرها الاحمر ?
وسيم:واقف استعداد زي زين بس فمه يتحرك بشويه….خيرك مش علي بعضك اليوم
زين:يتكلم بنفس الطريقه….خيرني ؟!
وسيم:كأنه بالك مشغول بشي
زين:لا عادي غير امس مش راقد كويس
وسيم:في شي؟!
زين:اذكر كيف يمس في وجه نهاد ويباعد في شعرها?…..لالا ولا حاجه
وسيم؛بتلقيح…كان في حاجه ياصاحبي ادوي نساعدوك
زين:قام حاجبه….مفي شي قلنا
وسيم:ضحك

__________________

زهور:اففف شكله سكر دماغه وميبيش يجيبها
امنه:كلمته الصبح قال واخذه برده متقدرش تجي
زهور:بنضرات شك…اممم برده
مريم:زهور تعالي ساعدينا بنحطو الغدي
زهور:جااايه

زين:خش لي حوشه ينحى في الكدار وكيف بيخش الصاله وقفه صوت الباب
طق طق طق
زين:فتح الباب مستغرب….تفضلي ?
وصال:نن نهاد قاعده؟!
زين:اي منو انتي؟!
وصال:اختها وانت منو؟!?
زين:سيبها واقفه وخش بدون ميرد علي سؤلها شاف نهاد راقده بصوت رجولي ??…نهاااد نهاااد انتي
نهاد:فتحت عيونها وناضت بسرعه…اهاا امتى جيت
زين:اختك واقفه برا
نهاد:اختي؟!?
زين:طلع من الدار للحمام بدون ميرد عليها كأنه يبي اقل كلام معاها وميبيش يطول الدوا
نهاد:طلعت بسرعه وفرحت من قلبها لما شافت اختها ❤️

وصال:حبيبتي نهاد ياعمري والله لهيت في الصغار وانتي تعرفي مشاغل الحياه عاد
نهاد:ولا يهمك تفضلي خشي
وصال:خشت للحوش وهيا تتفحص في الحوش بعيونها زي الحربايه
نهاد:خشت للمطبخ عشان اضيف اختها
اما وصال عيونها بيطلعو في كللل شبر في الحوش

مريم:خشت لدار تغير لي ولدها
امنه:خشت وسكرت الباب
مريم:خير عمتي؟
امنه:مرتبكه ….بنتي انتي قعدتي في حوشك بروحك
خايفه تكتر دوة الناس وانتي صغيره وحلوه و….
مريم:عارفه عمتي قالي زياد
امنه:به وشن رايك انتي؟
مريم:عادي مدام الشي هاذا في مصلحة ولدي
امنه:به الحمد الله ربي يجيبلك الايام الطيبه
مريم:بي ابتسامه حاولت تخفي جروحها?…..يارب

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

وصال:هاذا يلي فتحلي الباب راجلك؟
نهاد:اي ….شن حال الصغاروحمدي
وصال:ااااخ خوك بالله فرقت حاله عراكات 24ساعه هوا ومرته
نهاد:هاذا حالهم ديمه ربي يهدي وخلاص
وصال:تشوف للحوش…..والله باين عليك الدنيا ضحكتلك وعشتي في عز يافرخه
نهاد:ابتسمت….الحمد الله
وصال:هي خلي انوض توااا
نهاد:وين مسررع خليك تغذي معانا
وصال:لا مستعجله قلت ندير عليك دوره بعدين تو ندير جيه باهيه
نهاد؛تمام ع سلامتك في اي وقت
وصال؛خذت شنطتها…هي بسلامه
نهاد:سلمك….وسكرت الباب….طبعا مكانتش مستريحه لتصرفات وصال ليش فجآه بدت اختها وحبيبتها ؟!وقبل كانت نهاد بنت مرت بوهم مش اختهم ??‍♀️

_____________

خشت نهادلدار النوم شافت زين راقد في نوم عميق واضح ان سهر معاها هلبا امس ❤️
غطاته وقعدت تتأمل فيه من بعيد ملامح وجها كانت قاسيه حتى وهوا راقد بس في شي يجذبها ليه حتى قسوته كانت في عيونها جذابه ?

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

مع مرور الايام خطبو صفاء لي زياد وحددو العرس
زين معش تلاقى مع نهاد هلبا طووول الوقت مع زياد يفرشو في الشقه وتحضيرات العرس مكملتش

كانت نهاد لاهيه مع زمزم وزهور في حوش العيله من قضيه لي تجهيزات لي الف حاجه وحاجه

#تسريع_في_الاحداث
بعد مرور شهر ونصف ……في حوش صالح
كانت زحمممممه عرس زياد كان اول فرح بعد موتت خوه محمد حتى زين تزوج نهال بدون عرس
زياد من فرحته بي حبيبته دار عرس كبيييير ودار دعوه عامه
كان العرس 3ايام اليوم الاول غدي وفاتحه وسهريه كبيره واليوم التاني دخول بسيط اما ثالث محضر كبييير في الصاله

كانو عمات زياد وخلاته كلللهم مطرحات فس الصاله وتحني فيهم الحنايه?وزحمة الصغار عاد بروحها تكفي

زمزم:نهاد حني حتى انتي
نهاد:لالا منحبهاش ريحتها
زهور:حني هنديه متع الصبغه حلوه وبدون ريحه
نهاد:مش عارف ?
زمزم:غير هيا حني معانا ونبي
نهاد:به خلي نكلم زين قبل
زمزم:شهقت…..شن بتقوليله بنحني؟
نهاد:اي ويعطيني فلوس حق الحنه امالا من وين بنخلصها
زهور:لالالا ردي بالك زين يكرها الحنه مش رح يعطيك شي غير كلمات اخي
نهاد:خلي نحاول معاه….لبست وشاحها وطلعت
زهور:ربي يستر وخلاص

مريم:كانت تحوس معاهم ومبينه روحها عاديه جدا مع ان داخلها يحترققق??

________________

نهاد:وقفت في الجنان واشرت بيدها لي زين
زين:كان واقف يهدرز مع صاحب الخيمه ولما شافها كمل دوته ومشالها

زين:شنو؟
نهاد:نبي نطلب طلب صغيرون هكي كبره
زين:يشوفلها وعاقد حواجبه
نهاد:نبي نحني خاطري فيها حنة صبغه بدون ريحه
زين:وشن دخلي انا بنحنيك ولا كيف
نهاد:هههههههه تخيل
زين:قام حاجبه وبدي وجها ميبشرش بخير
نهاد:احح م المهم نبي نقود ?بنخلص بيهم الحنايه
زين:قداش تبي
نهاد:يلي يطلع من جيبك هي
زين:طلع من جيبه ومدهولها
نهاد:بتسهويك…..تشكرات فندم
زين:خشي ومزال نشوفك برا نقصلك رجليك
نهاد:ابتسمت وخشت بسرعه
زين:تنهد وحس كأنها مش مرته بسبب حركاتها الطفوليه …..كأنها بنته صغيره عطاها فلوس وفرحت

خشت نهاد تعد في الفلوس لقتهم 150وتضربها حنه لا الركاب والمرافق???

فات اليوم يهبل بي العيله ولمتهم بعد مكملو الحنه وقرضو البصل للغدي ❤️وطبعا نهاد ومريم باتو في حوش العيله

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم???
بعد حوسة الفطور بدو النساوين الكبار يعولو ع الغدي
اما نهاد روحت لحوشها لبست قفطان قصير خفيف لمت شعرها وطلعت الزبون العنابي متع زين?وبدت تحدد في السوريه متعه وطرحاته ع السرير
بعدين طلعت الشبشب متع الزبون لمعاته ….وتت كل شي يخص زين عشان الفاتحه

زين:خش للمطبخ يشرب
نهاد:جيت؟?…..وتيتلك حوايج الفاتحه
زين:حط الكوب بدون مايشوفلها….به
نهاد:شوف الحنه شن رايك فيها ?
زين:عيونه في التالفون….مليحه
نهاد:تي شوفها مريتهاش انت
زين:قام عيونه بيكشخ عليها ع طولك لسانها….بس سكت لما شافها كيف ماده يديها والقفطان قصير موضح حنتها ?❤️
نهاد:ابتسمت….شن رايك حلوه صح؟….كنت نبيها حمرا بس مفيش غير كحله
زين:بلع ريقه ورجعت عقدة الحواجب علي وجها …..خش لدار النوم بدون ميرد عليها
نهاد:لحقاته….به قولي حلوه ولا لا ع الاقل
زين:اطلعي بنلبس
نهاد:به?

صفاء:مش مصددددقه
زياد:دقايق وتكوني ليااا استني بس❤️
صفاء:خايفه
زياد:من شنو
صفاء:مش عارف بس خايفه يصير شي
زياد:حبيبي ياسر طلعي الافكار هيا من راسك خلاص كلها دقايق بس وتنقرا فاتحتنا
صفاء:ان شاء الله يارب

_________________

زين:طلع من الدار يلبس في شبشبه
نهاد:استنا
زين:شبحلها
نهاد:وقفت تساويله في رقبة السوريه
زين:بعد يديها وقعد يساوي في روحه
نهاد:جابت المبخره وقعدت تبخر فيه
زين:بنطلع نحي
نهاد:استنا قيم يديك
زين:قام يديه
نهاد:قعدت تبخر فيه في كل مكان بعدين طلع
زين؛وقف قدام باب الحوش شويه يفكر في اللقطات يلي دارها……كيف سمع كلامها ؟!!!كيف قام يديه وخلاها تبخر؟!!!
معقوله زين يسمع كلام بنت حتى علي حجات تافها؟؟؟شبح للباب وفكر…..يخش يقلب عليها الدنيا؟
به شنو السبب ؟!انه خذي كلامها يعني؟…..هز براسه عشان يبعد الافكار يلي في دماغه وطلع

مشو رجالة العيله كلهم قرو الفاتحه وتمت ع خير
واول موصل خبر للعيله ان قرو الفاتحه دارو شوط دربوكه يهبل???????
وصلو المعازيم للغدي وبدو التباسي المسلفرات ?وهذيك ريحة البصله تفحفح?
تغدو كلهم بعدين بدت تحضيرات السهريه الكبيره وطبعا نهاد ومريم غاطصين في كل شي

كملو الحوسه مع اذان المغرب وكل واحد بدي لاهي في روحه هادي حاصله في شعرها وهادي في مكياجها وهاذي كيف مروحه من المزين ??‍♀️??‍♀️

__________________

روحت نهال الحوشها طلعت قفطان قصير لونها موف هادي ماشي ع الجسم وكمامه منفوخات ?فيه فتحه لا الركبه حطاته ع السرير وبدت تمكيج

مريم:رجعت لحوشها دوشت لي ولدها ورقداته وفتحت دولابها قعدت قريب ربع ساعه سارحه بعدين قعمزت تفكر….لحد هاذي الدقيقه مش عارفه روحي نفرح لانه رح يتزوجي؟حتى لو مقربش عليااا؟حتى لو قلبه مع غيري؟!اففففف قداش تحملت انا ؟!

وافقت علي خوه نسحابه خطبوني ليه …كيف تحملت صدمتي وكملت مع خوه رغم ان قلبي معلق مع زياد؟!توا كيف بنتحمل نشوفه مع عروسته فرحان بيها ويحبها؟!!!
ناضت مريم بعد تفكير طووويل غسلت وجها وبدت تحاول تخفي اثار البكي بشوية مكياج

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نهاد:كملت المكياج حطت الروج يلي لونه يجنن?
وبدت تلم في المكياج
زين:خش لدار ونحا الزبون
نهاد:علقه زين لين نروح نساويه
زين:بتصكير راس….نحاه ولوحه ع الارض
نهاد:عصبت …..علاش هكي به
زين:يشوف ليده وينحي في ساعته…كلمتي يلي تمشي ولا كلمتك
نهاد:بعيض بس متبيش تبين….كلمتك ?
زين:نحا السوريه وقعد فس كناتيرا فتح الدولاب يدور في حاجه يلبسها
نهاد:استنا تو نطلعلك انا
زين:الهي في روحك
نهاد:بصوت واطي عليك اسلوب
زين:تلفتلها قايم حاجبه
نهاد:شفاته من المرايا قعدت ساكت
زين:قرب عليها ومسك يدها بقوه….خيره اسلوبي؟
نهاد:قق ق قصدي رسمي انا نحكى معاك بشويه وانت معندكش خلوق لحد
زين:زيدي ارفعي صوتك
نهاد:مش قصدي لاكن….
زين:حط يده علي رقبة نهاد
نهاد:قلبها يدق بسرعه بعد محست ان زين بيخنقها بيده وبدي يقوى في قبضة يده شوي شوي
نهاد:زز زين
زين:…..يتبع