زوجه أَمْ جاريه رواية لآروي الطاهر
#زوجه_أَمْ_جاريه 16
طق طق طق
نهاد:قعمز تفرج ماما
ليث:به
نهاد:حطت زينه ع الصالون وفتحت الباب….
نجاح:السلام عليكم
نهاد:وعليكم السلام تفضلي اختي؟
نجاح:نبي امنه ام زين وين؟!مشيت الحوش طقيت محدش فتحلي
نهاد:منعرفش يمكن طالعه ليش منو انتي
نجاح:قامت حاجبها بخبث…انتي مرت الزين؟!
نهاد:اها ان شاء الله وانتي
نجاح:بكل وقاحه خشت للحوش ودخلت شناطيها…ليييث ليييث وينك
نهاد؛بي استغراب….خيرها هاذي?….تي منو انتي!!!
ليث:قعد يشوفلها من بعيد
نجاح:للليث تعالا جاي سلم ع خالتك ياروحي تعالا
نهاد?????
ليث:جي بسررعه يحضن في نهاد
نجاح:شهقت….ليثثثث تعالا خيرك شن دارت فيك هاذي ؟؟
نهاد:لو سمحتي تكلمي وقولي انتي منو ولا اطلعي
نجاح:وتلزي فيا ياحقيره ياكلبه ولد اختي شكلك سحرتيه م…
زين:نجااااااح????
نجاح:تغيرت نبرة صوتها وبكل رقه….اااه زين انت هنايا كيف حالك
نهاد:فاتحه فمها من الصدمه كيف نضرات نجاح وصوتها تغير
زين:شنو اديري هني لي شنو جايه؟!
نجاح:جايه بنشوف ولد وخيتي الله يرحمها عيب ولا حرام وليش هكي تستقبل فيا انت
نهاد:قررت تستغل الموقف لي صالحها ….ااه اسفه والله مكنت نعرف انك خالة ليث تفضلي استريحي
نجاح:قايمه حاجبها….اممم طبعا بنستريح اكيد تعالا ليث
نهاد:برا حبيبي لعند خالتك
ليث:مشالها ومتوتر كأن الطفل البريئ هاذا يعرف بي نوايا خالته?
زين:قعمز ع الصالون وقارن حواجبه….وين امك وامتى جيتي
نجاح:بدت ع اساس تبكى …..امممي??اه يازين امي تاعبه هلبا الايام هاذي خليتها في بيروت وجيت نشوف ليث نحلم بي اختي كل ليله تجيني وتقولي بري لي ولدي راهو يتعذب
نهاد:????
نجاح:ااااححح مكنتش نعرف انك تزوجت لاكن لما عرفت فهمت الحلمه وفسرتها
زين:بلا كلام فاضي متع الفروخ هاذا وامتى بتروحي
نجاح:بدلع…العفو خيرك مستعجل ع مرواحتي
زين:نجاااااح?
نجاح:خافت …به به مش معطله اسبوع اكتر شي
زين:علاش السبوع يومين تطمني علي ليث وتروحي
نجاح:لا اسبوع لان شقة امي بعتها والاوراق يبو وقت
زين:ووين بتقعدي فترة السبوع ان شاء الله ?
نجاح:ااااه الله غالب معندي وين نقعد حتا شقة امي بعتها من ضيق الحال
نهاد:زين عادي خليها تقعد معانا اكيد استاحشت ليث
نجاح:تشوف لي نهاد بخبث
زين:وقف …جيبي البنت وتعالي وراي
نهاد:خذت بنتها ومشت لغرفة النوم مع زين …حطت زينه في السرير وتلفتت لي زين
نهاد:شن فيه
زين:قرب منها ويمسح علي شعرها …نبيك اديري بالك منها خلي عيونك علي بنتك اكتر شي
نهاد:زينه وليث ?
زين:ليث ولد اختها مش رح تأذيه بس انتي ديري بالك
نهاد:زادت قربت…انت بتخليها تأذيني ?
زين:حاس بي نفس نهاد عليه?جبدها من خصرها….انتي عارفك انك تجنني فيا
نهاد:تمرر في اصابعها ع رقبته…كيف
زين:باسها بقوه ع فمها ??
نهاد:بعدت شويه عشان تاخد نفس وهيا تضحك…يلا عندنا ضيوف
نجاح:من بعيد….زززززين وينكم عطلتو
زين:باس راس نهاد…عمري ماننسى يلي قاعده اديري فيه
نهاد:بساته ع خده وطلعت من الدار وبطيييييييييير من الفرحه
________________
زياد:خش الدار وجت عينه علي صفاء تشوف لحمودي كيف راقد ودموعها ينزلو
زياد:حط يده علي كتفها…شنو ياصفاء خيرك
صفاء:مضايقه نحس في روحي
زياد:قعمز قدامها….علاش ياقلبي احكي
صفاء:يوم اسبوع نهاد سمعت مريم تحكي ع التالفون ومش عارف يلي سمعته صح ولا انا نتوهم
زياد:شن سمعتي!!؟
صفاء:تمسح في دموعها…كانت تحكي مع بنت بس منعرفش منو …تقلها تحملت هلبا حتا البلاكونا متع داري قاعد مرشها مكسور.
مستحيل حد يصدق انه اغتصبني رح تطلع عليا شائعات اني ندخل فيهم لحوشي مفيش حد رح يقول كلمت الحق ويقولو انهم يضايقو فيها ولما رفضت الحرام خذاه بلقوه
زياد:????شششش شنو ؟!
صفاء:كنت بتقولك بس محصلتش فرصه
زياد:طلع من الحوش وصفاء تنادي عليه اكتر من مره بس طلع ومردش عليها
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:فطرتي؟!
نجاح:ماسكه ليث….لا وتيلي فطوري مدابيك القهوا تحطي فيها شوي حليب ومناكلش في المربي ديريلي حاجه باهيه
نهاد:استفزتها نجاح كيف تتأمر عليها بس كل متذكر زين وكيف عاملها تفوت عاادي
نهاد؛حطت الفطور ع الطاوله وجت نجاح تاكل ونهاد تحوس ع الغدي
نجاح:شفت عندك بيبي مبكري لي منو
نهاد:بنتي زينه
نجاح:زينه??اممم زي اسم بوها يعني
نهاد:اي حاجه زي هكي?
نجاح:غريبه زين قدر يتأقلم مع وحده تانيه ويجيب منها
نهاد:ردت بثقه….الحب يدير كل شي ?
نجاح:هه حب قلتيلي اصلا من شكلك فرخه ومتعرفي شي
نهاد:سكتت عشان متتعاركش معاها
نجاح:فمها معبي ماكله….شن مطيبه
نهاد:رز بلاو وبشاميل
نجاح:الرز مديريش فيه سمن ديري زبده زين يحبه بزبده اكتر
نهاد:تلفتت…من وين تعرفي؟!
نجاح؛ضحكت….هههه اااااااه ايام بالله بعد توفت منار بدي يتردد عندنا كان مياكل شي الا بين يديا حتا نومه ميرتاحش لين…
نهاد:تلفتت لي البصل تقطع فيه وقلبها يغلي
نجاح:سوري تماديت في دوتي في حجات مفروض متعرفيهاش وانا بسلامتي يلي في قلبي ع لساني
نهاد:بتتفجر….لا عادي خوذي راحتك
نجاح:استفزها اسلوب نهاد البارد وقررت بشوي بشويه تخش ع القوي
زين:طالع متبي شي؟!
نهاد:ابتسمتله….سلامتك❤️
نجاح:سلامتك ياغالي ربي معاك
زين:شبحلها بنضره تخوووف وطلع
_____________________
زين:طلع من الحوش فتح سيارته بيركب لاكن وقفه صوت زياد…..
زياد:زززين ززززين راجي
زين:تلفت….اها
زياد:صباح الخير
زين:صباح النور عندي موضوع بنخشلك فيه بلا مقدمات
زين:شن في؟!
زياد:مريم مرت خوك
زين:كلمني خوها امس طلعو تونس….صايرلها شي!؟
زياد:خذي نفس عميق ….صاير هلبا
زين:شن في؟!
زياد:…..
طق طق طق
نهاد:فتحت الباب…اهلين زهور خشي
زهور:بصوت واطي…حقا جاتك اخت منار
نهاد:بي استغراب….من قالك
زهور:زين توا قال لي امي
نهاد:راسي بيتفجر منها تعرفي خشي
زهور:نحت كندرتها وخشت مع نهاد
نجاح:اهلا اهلا
زهور:اهلين كيف الحال
نجاح:الحمد الله حبيبتي انتي شن اخبارك وشن مدايره
زهور:مستغربه من اسلوب نجاح معاها وهيا متعرفهاش اصلا…..اااه الحمد الله كويس
نجاح:الله يبارك سمحه زي خوك قنينه
زهور:عيونك الحلوات?
نهاد:في خاطرها زيك خوك صااار!!!…اااه بس لو اطيحي بين يديا لاكن الصبر حلوو
نجاح:بري ديريلنا قهوا شن واقفه تتفرجي انتي
زهور:مصدومه كيف تأمر في نهاد …?
نهاد:ابتسمت….اكيد حاضر زهور كلمي صفاء تجي تهدرز
زهور:كلمتها متقدرش حمودي ولد مريم عندها
نهاد:اهاا به….وخشت للمطبخ
نجاح:مريم مرت خوك المتوفي صح
زهور:اي
نجاح:لازم نتعرف علي عيلتكم كلها انا ههههههه
زهور:سايرتها بضحك بس في داخلها مش هاضمتها بكل وليش تبي تتعرف ع العيله كلها؟!?
_______________________
زين:بيقلب السياره
زياد:زين اهدا محكيتلكش باش تقلب الدنيا انااا
زين:ايواا
وسيم:تي وين ياراجل مريناكش من اسبوع
زين:مشاغل والله المهم عندي موضوع مستعجل
وسيم:شنو ياغالي
زين:بنبعتلك رقم ابعته لجماعة الاستخبارات غير انا بعيد شوي نبي سجل مكالمات يوم 3/12نبي كل الارقام يلي تم الاتصال معاهم يوم التاريخ هاذا من الساعه 8لعند ال10
وسيم:به تمام بس خوفتني في شي!!؟
زين:تو نهدرزو نوصل في الموضوع ونتأكد ونكلمك انت والباقي
وسيم:تم نستنا في الرقم
زين:تمام….وسكر الخط
زياد:زين فكنا من جماعتك محكيتلكش باش تقتل انا تربح
زين:اطلع منه انت الموضوع
زياد:مديرش روح في رقبتك
زين:هز براسه بدون اهتمام ويسوق بسرررعه
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نجاح:خيرك اقعدي
زهور:لا والله جايين ضيوف بعد شوي لازم نروح
نجاح:به سلميلي ع امك تو نجيكم بكرا نسلم عليكم
زهور:ان شاء الله
نهاد:طلعت مع زهور لعند الباب
زهور:خيرها هاذي تلصق في روحها لينا بسيف
نهاد:مريضه وحده مررريضه
زهور:وانتي كيف متحمله وساكته؟!خايفه من زين؟
نناد:مش خوف بس عادي بتقعد كم يوم ع خاطر ليث حقها
زهور:الله يعطيني كبر قلبك وخلاص
نهاد:ضحكت….ربي يهديك
زهور:لبست كندرتها وطلعت
نهاد:سكرت الباب ومشت لي بنتها كل مره تسمع في تلقيحه من نجاح لاكن خلت روحها عاديه وهيا من داخل تغلللللي
ترن ترن ترن
زين:رد ع تالفونك نفخهم
زياد:ايواا
صفاء:وينك زياااد شغلتني عليك ياريتني محكيتلك
زياد:انا مش فاضي توا مع زين نروح بعدين ساهل
صفاء:زززززين?????ياحيه عليا بيقتلهم هااااذا ليش قلتله يازياد عارف خوك ميعرفش يتفاهم
زياد:اصلا الموضوع هاذا مفيشي تفاهم فيه حساب وبس
صفاء :زياد وراااس حبيبي رد بالك لو صارلك شي عمري منسامح روحي نموووت راهو
زياد:بصوت واطي….اهدي متخافيش مش رح يصير شي
صفاء:امتى مروح
زياد:مش معطل ديري بالك ع الولد وتو نروح
صفاء:نراجي فيك
زياد:تمام…وسكر الخط
زين:ها شنو؟!
وسيم:مد لي زين ورقه…هاذا كشف بي الارقام يلي اتصلو يوم3/12بس الرقم هاذا 5مكالمات الساعه 9
زين:تمام منور
وسيم:ع فكره زين الرقم بي اسم بنت اسمها ناديه اهو مكتوب الاسم
زين:تمام صحيت
وسيم:ادلل كان في حاجه دورني
زين:ان شاء الله …هيا زياد
زياد:طلع ورا زين لي السياره
_______________
نهاد:تعالا ماما تغدا شكله بوك معطل
ليث:يجري لعند نهاد ويبوس فيها
نهاد:تضحك….ناكلو ياعمري توا مش نبوسو
نجاح:وخيره هكي ميت عليك هوا شن مدايرتيله
نهاد:تمسح علي شعر ليث وهوا ياكل….شنو بنديرله يعني
نجاح:ممكن ع خاطر قاعد معاك حتى انا زمان كان هكي معاي بيهبل عليا زي بوه ههههههه
نهاد:???
نجاح:كملت ضحكها….العفو خيرك مصدومه
نهاد:لا شي
نجاح:مش قتلك في هلبا حجات متعرفيهاش …هاذا زين كان بيهبل عليا غير انا كنت مخطوبه وقتها صح هيجت معاه بس مقدرتش ناخذه ع خاطر خطوبتي بيني وبينك لايقاوم صراحه?❤️
نهاد:عيونها بيطلعو مش مصدقه كمية الوقاحه يلي عند نجاح
نجاح:اخخخخ ايام بالله وتوا انا فسخت خطوبتي
نهاد:شن يعني ؟!
نجاح:متعلميش ع النصيب وين الشرع محلل4?
نهاد:تتنفس بسرعه من الغيره والغضب يلي قريب خلاها تقلب الدنيا بس وقفها صوت زين
زين:السلام عليكم
نهاد:وعليكم السلام
زين:حس ان نهاد فيها شي
نجاح:وين الوشاح درته….اففف يالله عادي زين متعود عليا حتى هكي
نهاد:خلي نحط الغدي ….وناضت من بحداهم وواضح عليها متنرفزه
زين:كان موضوع مريم شاغل باله لدرجة معطاش نجاح اي اهميه
________________
صفاء:كيف?
زياد:لازم الطريقه هاذي عشان نتأكدو منه الكلام هاذت
صفاء:كيف بنمشي لي اخت مريم شنو بنقول
زياد:ارفعي معاك ولدها ع اساس بتخليهم يشوفوه وبلمره بتسألي ع مريم بري مع امي بتمشي بعدين
ولما توصلي كلمي اختها وقوليلها انك سمعتي كل شي وحاولي لااااازم تجيبي اسم يلي اعتدى عليها
صفاء:بخوف…بب به
زياد:مسك يديها….ارتاحي متخافيش انا معاك
صفاء:حضناته….ربي يخليك لياااا منبيش ولا اي شي يضرك
زياد:طبع بوسه علي راسها….ومايحرمني منك❤️
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
ع سفرة الغدي:-
نجاح:تقدم في اللحم لي زين…كول صحتين انت يلي فيك الفايده ياكبير الحوش
نهاد:شافت لي زين وقامت حاجبها
زين:بعد اللحم يلي قدامه….مناكلش فيه وبلاها الحركات المايعه هاذي اخسن متجي بقطع رقبتك
نجاح:هاااا?ليش العفو
زين:مردش عليها وكمل ماكلته
نهاد:بعتتله بوسه من بعيد بدون متنتبه نجاح
زين:تفركس مع بعضه من بوسة نهاد???
نجاح:قتلك زين
زين:مردش عليها وياكل
نجاح:بما ان فسخت من خطيبي وهكي نفكر نرجع لي ليبيا انا وماما
نهاد:شن علاقة خطيبك برجعتك لي ليبيا؟!
نجاح:قلبت عيونها ….شن رايك زين
زين:قام راسه….نضمي امورك ملياش علاقه بيك
نجاح:به قولي حسب رايك تذكره لي تركيا كم تكلف؟!
زين:قام راسه عشان يرد علي نجاح لاكن بمجرد مشاف نهاد قدامه قارنه حواجبها وتشوف لنجاح بغل قعد سارح فيها?❤️….عجبه منضر نهاد كيف بتتفجر من نجاح كان واضح عليها من خدودها الورديات حب زين يخلي نهاد تزيد من غيرتها
زين:لو تبيها ولا يهمك نحجزلك
نجاح:سلمه ياربي عارفاتك متقصرش ياغالي
نهاد:حطت الطاسه بقوووه ع الطاوله لين قريب تكسرت دارت صوت قوي لين شبحتلها نجاح وزين
نهاد:ابتسمت بي غل…الحمد الله شبعت?
زين:خلا روحه طبيعي بس من داخل مات ضحك عليها
نهاد:وقفت ع مراية المدخل وعاطيه زين ونجاح بضهرها فتحت شعرها ع اساس بتعاود تلمه وهيا عارفه زين يمووت علي شعرها الاحمر وميقدرش يقاومه طاح شعرها علي كتافها وضهرها وبدت تلاعب في خصلات شعرها بحجة انها بترجع تلمه
وزين كان هااااايم وعيونه بيطلعو فيها كان كل شعره من شعرها الاحمر يسحر فيه?
نجاح:فهمتني كيف!!
زين:عيونه في نهاد…هااا?
نجاح:قتلك ع امي مش اخر مره بدي العلاج يجيب ….وقعدت تحكي
نهاد:طيحت التوكه جنب رجل زين
نجاح:لهاذا السبب انا حبيت نخلي …….وكملت
نهاد:ترا شويه
زين:بعد رجله ونزلت نهاد ع اساس بتاخد توكتها ولما ناضت تعمدت شعرها يخبط وجه زين بلغلط ع اساس
وزين قريب يهبل من شعرها وريحته ❤️?
نجاح:شن رايك انت
زين:انا راسي يوجع فيا فوتيني وحلي مشاكلك بروحك يا يت مطويليش هنايا ….وناض
نجاح:خيره هاذا العفو?
نهاد:مش تعرفيه؟!كيف متعرفيش انه مزاجي ياحليلي منه
نجاح:افففففف
_______________
صفاء:بدلت ملابسها وطلعت مع امنه ام زين لحوش اهل مريم ورفعو وادها طبعا عشان يشفوه خلاته وام امه وطول الوقت صفاء مرتبكه وتبي تفتح الموضوع مع اخت مريم ومش قادره
لين تحججت انها بتخش الحمام ومتعرفش مكانه ولما ناضت مع ناديه شدتها بروحها وحكتلها الموضوع
طبعا ناديه اخت مريم كانت صدمه ليها كيف صفاء علمت؟!بس فرحت عشان تاخد حق اختها بأي طريقه وفعلا قالتلها اسم الولد يلي اعتدى عليها
#بعد_مرور_يومين
نهاد:مضايقه من وجود نجاح وتلقيحها وكلامها بس مع هاذا كله صايره لاخر قطره من دمها وتتعامل عادي ومدايره بالها علي زينه وليث ومتنرفزه من زين طول اليومين هاذم مبعده عليه بسبب نجاح
اما زين قريب يهبل عليها?بذات انها معش رقدت جنبه ترقد جنب ليث في دراه وطبعا كان يستنى في نجاح تروح عشان يتفاهم مع نهاد بطريقته الخاصه??
صفاء:حكت لي زياد وطلع الولد يلي معتدي ع مريم يكون ولد جرانهم ولد صايع حقير ويستغل في المدامات اكثر شي
الساعه12في الليل ?
صفاء:رمت جسمها ع السرير بتعب
زياد:خش للغرفه وجها متغير كأن صاير شي
صفاء:خيرك حبيبي
زياد:ولا شي …
صفاء:قعدت تشوف لي زياد وهيا مش مطمنه
نهاد:غفت جنب بنتها شوي وناضت ع صوت بكاها خذت الشيشه وطلعت من الغرفه وصلت لصاله وهني كانت صدمتها…يتبع
عارفتها قصيره بس اضطريت نوقف هنايا عشان بكرا الاخيره