زوجه أَمْ جاريه رواية لآروي الطاهر

#زوجه_أَمْ_جاريه 17 والاخيره

نهاد:غفت جنب بنتها شوي وناضت ع صوت بكاها خذت الشيشه وطلعت من الغرفه وصلت لصاله وهني كانت صدمتها ….كان زين واقف ونجاح مقربه منه هلبا وتحكي معاه وزادت قربت اكثر لين لصقت فيه

نهاد:قلبها متحملش ورجعت غرفتها بسرعه قبل ميحسو بيها تبكي من وسط خاطرها?معقوله يكون زين متع نساوين ويتستر ع روحه بشخصيته القويه؟!نقهرت من يلي شفاته تحملت هلبا عشان حبها لي زين وبنتها وليث بس لحد هنايا وخلاص معش قادره اكتر من هكي

___________________

نجاح:غير خليني نفهمك الله يربحك زين
زين:دفها بلقوه لين طاحت وهددها بصوت وااطي عشان نهاد متنوضش من النوم ….اقسم بعزة جلالة الله تعاودي الحركات هيا متلومي الا نفسك
نجاح:بدت تبكي وتحاول توقف
زين:عندك من هني لعند يوم الثلاث ومعش نبي نشوف خليقتك في الحوش اقلبي وجهك وخليني نعيش انا ومرتي وصغاري بهدوء
نجاح:تبلع في ريقها….لاكن !!!
زين:قاطعها …ملاكنش ولو حاولتي حتى شوووي حتا نص محاوله بس تخربيلي حياتي صدقيني رح تموتي بين يديا
نجاح:سيباته ورجعت لي غرفة الضيوف وسكرت ع روحها
زين:خذي نفس عميق ومحسش بروحه غير عند نهاد في غرفة ليث ❤️
نهاد:اول مسمعت خطواته جايه من بعيد سكرت عيونها بسرعه
زين:شاف بنته وليث ورجع لي نهاد غطاها وباسها ع خدها وطلع

فاتت ليله صعبببه ع نهاد قلبها محروق والف سؤال في بالها مش لاقيتله جواب غير ان زين خاين ومش مزبوط
اما نجاح ع طول حكت مع امها عشان يشوفو حل تاني يخلي زين يتزوجها ويصرف عليها هيا وامها وتعيش في مكان نهاد
صفاء:طول الليل بالها مشغول علي زياد حاسه ان في شي وزي اي وحده تحب راجلها خافت يكون الموضوع متعلق بوحده تانيه
زياد:كان في غصه في قلبه مش عارف كيف بيحكيها بس ضروري لين يطلع الصبح ?
قعد طووول الليل نايض بس مسكر عيونه قدام صفاء ع اساس انه راقد وهوا في الحقيقه يعد في الثواني عشان تطلع الشمس
زين:رقد احلا نومه ❤️وهوا حاس بشعور حلوو مع نهاد مش حاسه من قبل ولا جربه اصلا مش عارفه شنو بس يلي متأكد منه ان يبيها جنبه طول العمر وبس

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

ثاني يوم???

ناضت نهاد الساعه 10الصبح خشت غرفة نومها خذت حوايج ليها وشوية حجات تبيهم وهيا طالعه جت عينها علي زين كيف راقد❤️قلبها تقطع الف مره لانها وهمت روحها بي شي وفي النهايه اكتشفت شي تاني دمرها من داخل ?

طلعت نهاد من الغرفه للحمام ع طول خذت دوش خفيف يمكن يهون عليها حرقت قلبها شويه وطلعت ….كانت لابسه سروال اسود قطني ❤️مع فنيليا صوف واسعه شوي لونها بيج فاتح وقامت شعرها بدون اي شي في وجها
طلعت لي بنتها يلي كانت قاعده راقده غسلتها وبدلتلها ورضعتها ع طول استسلمت لنوم من جديد?❤️اما ليث خلاته راقد

____________

صفاء:خيره حبوبي انا هاااا؟!ياعمري ياغزالي انت ياحليلي منك ومن يديك الصغيرونات
حمودي:يضحك ويناغي مع صفاء ع خشت زياد
زياد:ابتسم بوجع …شن اديري
صفاء:شي ياعمري نبدل للبارد هاذا عاملها تحته ??
زياد:ضحك ضحكه خفيفه….بعد تكملي تعالي حوش بوي الغدي غادي اليوم
صفاء:ليش حبيبي شن في
زياد:ولا شي عادي امي قتلي نادي صفاء
صفاء:به حاضر نحوس ع الحوش ع السريع ونمشو
زياد:تمام

______________

زين:طلع من غرفة لابس سروال جيش وفانيليا رقبه ع الاسود مرتب شعره ولابس كدار ..طالع يجنن??…خش المطبخ شاف نهاد واقفه ع الدولابه حضنها من الخلف❤️
زين:صباح الخير
نهاد:جسمها كله رعش ومقامتش عيونها…صباح النور
زين:باسها ع رقبتها وهوا مغمض عيونه?…شنو اديري
نهاد:ارتبكت….اءء فف فطور ليث شوي وينوض
زين:به انا طالع تبي حاجه؟!
نهاد:عيونها في الارض…لالا سلامتك
زين:بعد من عليها بس رجعلها…فيك شي؟!
نهاد:لا علاش؟
زين:مش عارف جوك متبدل
نهاد:انت تتخايل
زين:ممكن…وطلع
نهاد:مسحت دموعها يلي كانو علي طرف عينها وكملت فطور ليث
نجاح:صباح الخيرات
نهاد:صباح النور…وكملت شغلها ولا كأن حد جي
نجاح:وين الفطور لتوا معقوووله!؟
نهاد:تلفتت وقايمه حاجبها….تبي حاجه دريها بروحك مش فاضيه انا
نجاح:نصدمت….تردي في الكلام????
مشاء الله تطورات خلي زين يروح بسسس نعرف شغلي معاك
نهاد:طز فيك وفيه ….ومشت لدار ليث
نجاح:حقيره تو نوريك????

ترن ترن ترن
نهاد:الو
زهور:هلا نهاد شن اخبارك اليوم
نهاد:الحمد الله تمام شن صار في فضانية زمزم؟!
زهور:تأجلت لين تروح مريم
نهاد:اااخ قداش واجعتني ان شاء الله خير
زهور:يارب المهم قتلك امي تعالي تغدي هنايا اليوم حتى صفاء جت
نهاد:والحصله يلي قاعده عندي!!
زهور:جيبيها معاك وخلاص
نهاد:ان شاء الله
زهور:هي سلام
نهاد:سكرت الخط

________________

نهاد:فطرت ليث ونضمتله ملابسه وريحته ❤️
بعدين خشت لغرفة نومها وتت ملابسها كلها وملابس بنتها زينه وطلعت لحوش اهل زين
طبعا نجاح مصدقت بتمشي لحوش اهل زين عشان تزيد تحتك بيهم مزال قاعد عندها امل فيه??‍♀️

زياد:يعني شنو ؟!
زين:اليوم بيتحاسبو …تأكدت ان هوا وتم
زياد:زين للمره الف متقتلش انت عندك صغار يازين حتى قدام ربي مديرش روح في رقبتك
زين:طبطب ع كتف خوه….فوتها الدوا هيا تو ندير راي مدور شي
زياد:خلي نروح انا اكيد بوي جي
زين:بتقلهم؟!
زياد:اي
زين:تمام انا بندير دوره ع الشباب في المعسكر
زياد:تم
زين:ركب سيارته وطلع

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نهاد:خليني ساكته بالله عليك
زمزم:انوض نريشهالك ونبرد علي كبدك؟!
نهاد:خليها بينها وبين ربي
زهور:حقيره وصحة وجه غير عاديه الصراحه
صفاء:ياسر بنات من بكري تشبحلكم عارفتكم تحكو عليها
زهور:بالله اسكتي انتي التانيه خير منوض نقتلها
زمزم:نجيها ياربي اختي المجرمه?

صالح:السلام عليكم
كلهم:وعليكم السلام
امنه:شنو ياحاج نحطلك تتغدى ؟!ولا تصلي قبل
صالح:مخاطريش صحيتي
زياد:السلام عليكم
صفاء:وعليكم السلام
امنه:بعلامات استغراب…..خيرك العفو
صالح:خذي نفس عمييييق ….ان الله وان اليه راجعون
كلهم وقفو في حالة خوف
نهاد:خيرك ياعمي شن فيه
صالح:مريم عطتكم عمرها
امنه:شهقت بصدمه وطاحت ع طول اغمى عليها ?
صفاء:طاحت ع الفراش دموعها ينزلو وولد مريم بين يديها
زهور وزمزم:عياطهم وصل لعند الشارع ويفيقو في امهم
اما نهاد قاعده مش مستوعبه يلي سمعاته !!!!
ونجاح تراقب من بعيد

صفاء:ماسكه حمودي وتبكي….زياد كذب صح ؟!
زياااااد رد عليا قالتلي بنرجع ناخد ولدي حراااااام نضلمت مريم ????
زياد:ساكت ومنزل راسه
صفاء:رد علياااا زياد شن بنقولو لحموووودي ؟!
هيا قالت بنرجعله كيف هكي تكلم ???
زياد:عيونه تعبو دموع وطلع من الحوش والدنيا مقلووبه داخل بكي وصدمه وامنه فاقت تعيط بحررررقه ع مريم

__________________

قبلها بيوم الساعه 7المغرب :-
زياد:كان مع اصحابه لما اتصل بيه رقم من تونس
زياد:الوو
مريم:بصوت تاااعب ….كيف الحال زياد
زياد:رجع شاف الرقم….مريم؟!?
مريم:اي مريم ….كيف حالك وحال حمودي
زياد:اءء بخير الحمد الله حمودي متخمميش فيه اموره طيبه صفاء راده بالها عليه انتي اهتمي بروحك وشدي حيلك عشان تروحيله
مريم:تنهدت بتعب…..خلاص معادش فيها مرواح?
زياد:شن تقولي خيرك
مريم:حاسه ان المرض انتشر في جسمي كله ?
والدكتور يحاول ميوضحش بس عارفه ان خلاص
زدت تعبت انا متوقعه في اي لحضه نموت
زياد:بصوت يرجف…بعيد الشر متحكيش هكي
مريم:هه ….المهم زياد حمودي امانه عندك منبيش حد يربيه غيرك انت وصفاء بالله عليك
زياد:مريم معش تحكي هكي م…..
مريم:زياد
زياد:نعم
مريم:بما ان خلاص رح نموت ومعش بنشوفك نبي نعترفلك اليوم بكل شي
زياد:بلع ريقه …شنو
مريم:من قبل ميخطبني خوك حبيتك هلباااا وكنت مراقبه كل شي فيك ?
زياد:???
مريم:خطبتني امك وافقت بدون نضره شرعيه طرت من الفرحه نسحابه انت ونصدمت في البيان لما لقيته خوك ومعش قدرت نوخر?
زياد:يسمع مصدوووم
مريم:حبيتك هلبا وقاعده نحبك حتا وانا ع فراش الموت بس والله محاولت نخرب عليك لانك تحب صفاء وانا مجربه الحب?من غير ان صفاء بنت طيبه ونيتها كويسه
زياد:ارتبك ولسانه ارتبط
مريم:الغلط فيا محكيتش بحبي ليك بس الحمد الله ع الاقل وح نموت انا خلاص وانت حياتك بتكملها
مع الانسانه يلي تحبها
زياد:معش تقولي بنموت يا مريم مش…..
مريم:قاطعاته….نموت ونرتاح غير منقعد عايشه ونموت كل يوم زياد?…….ااااااه انا لازم نسكر بس نوصيك علي حمودي امانه في رقبتك خاطري نشوفه في اخر ايامي بس الله غالب ….وصي صفاء تعامله زي ولدها يا زياد ارجوك
زياد:كيف جاي بيتكلم بس تسكر الخط ….حاول يتصل مره اثنين عشره بس مفيش فايده?
مريم:سكرت الخط ومسحت الدموع يلي نزلو منها وناضت صلت ركعتين بي جسمها الضعيف ورجعت رقدت ومعش ناضت?لتاني يوم
مريم كانت حاسه فعلا انها رح تفارق الدنيا بس فارقتها بهدوووء وسلام من دون مضر حد حتى بكلمه والشي هاذا يلي مخلي العيله كلها بتهبل علي موتها

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

وصلو اهل صفاء لحوش اهل زين وركبت خيمة العزي ….كانو العيلتين يقطعوووو القلب بيهبلو بس الله غالب مفيش شي في يدهم غير يحاولو يصبرو
اما صفاء طول الوقت ولد مريم في يدها ودموعها موقفوش نهاااائي هيا ونهاد ?
كثرت زحمة العزي ناس طالعه وناس خاشه

الساعه10في الليل :-
نهاد:لفت بنتها وليث يلي كان بيرقد خلاص ورجعت حوشها عشان ترقد ليث وتاخد حوايج زينه وترجع العزي ….واول مخشت شافت زين مقعمز ع الصالون ومنزل عيونه

نهاد:السلام عليكم
زين:مردش ويشوفلها بغضب …تعالي نبيك
نهاد:عرفت ان زين شافت شناطيها….نرقد ليث ونجيك
زين:عيط عليها….تعااااااالي قلت
نهاد:شافت لي ليث كيف خاف ودموعه بينزلو….الولد يازين نرقده ونجيك
زين:قعد ساكت ويحاول يكمد النار يلي فيه
نهاد:خشت للغرفه حطت ليث في سريره بعد مبدلتله وزينه في سريرها وطلعتله وهيا بتموت من الخوف

نهاد:اها جيتك
زين:قام عيونه وكان قارن حواجبه وواضح عليه الغل ….شن يلي فوق السرير
نهاد:بثقه…حوايجي وكنت بنطلع اليوم بس موتت مريم فركست كل شي رح نقعد لين تخف الزحمه وبنمشي
زين:لي وين ان شاء الله
نهاد:اي مكان بعيد عليك المهم تاخد راحتك مع نجاح
زين:شبحلها بعدم فهم!؟
نهاد:وقفت….شفتك امس معاها في الليل
بعد مرقدت تبي تاخد راحتك معاها وانا رجعت مكاني بدون منزعجكم
زين:شن تخرفي انتييييييي
نهاد:ولعت?…..منخرفش انااااااا تحملت الف حاجه ع خااااااطرك كل شي تحملته رغم صغر سني وحبيتك بكل عيوبك وكنت مستعده نضحي بي اي شي ع خاطرك وفي النهايه هاذا يلي تجازيني بيييييييه ؟!…..خياااااانه في نص الحووووش احترم بنتك ع الاقل يلي قاعد عمرها شهووور احتمرني وخوني برا الحوش ?خلااااص يكفي معش قدرت نتحمل
زين:لوح الطاوله برجله وطاحو التحف تكسرو ويعيط بصوت عااالي…..انااااااا يلي معش نتحمممممممل
نهاد:مخلتش مجال ردت عليه بصوت اعلى وتبكي…..شنو يلي معش تحملته هاااااا؟! شنوووو
زين:تي حبببببببببيتك النم حببببببيتك
نهاد:سكتت وشهقة البكي تخبط فيها ….كانت اول مره تسمعها منها كلمة نحبك❤️
زين:مكنتش هكي اناااااااا ….شن يلي درتيه فياااااااا
جاوبي اممممممي لما نكلمك
نهاد:خافت منه وقعدت ساكته ودموعها ينزلو
زين:معش قاااااادر نقعد في الحوش بدونك معش قادر نتصرف في شي خليتيني زي المرااااااهق
زين:يخبط ع قلبه…..نحس في شي هننننننني حلووووو اول مره نحس بيه وتوا نحس فيه بيتمزززق ?
نهاد:ساكته وتبكي
زين:لوح المزهريه يلي جنبه وتكسرت…..ردي علياااااااااا لما نكلمك
نهاد:حطت يدها ع فمها بخووف وتبكككي
زين:خذي سلاحه وطلع بدون ميزيد ولا كلمه
اما نهاد نهااااارت بي البكي في وسط المرش يلي مكسر جنبها

_________________

زين:ولع السياره وقرررريب يقلبها الشر باين في عيونه لين وصل
نزل من سيارته وطق ع الباب مرتين محدش رد خبطه برجله بقوووووه لين نفتح وكانو في مجموعة شباب في الشارع يشبحوله بس مش قادرين يكلموه لان عارفين زين فاصل ولما يفصل محدش يكلمه?

زين:طلع سلاحه خبط مرتين في الهوا لين طلع صاحب الحوش
عبدو:تي خيرك ياحاج وين تسحاب روحك ياراجل م…..
قاعد مكملش كلامه جبده زين من سوريته…..وين خوك
عبدو:اءءء ممم مش عارف
زين:وين خووووووووك خير مناخذك بدله?
عبدو:ااء اهو جي جي ?
زين؛لوحه بقوه وتلفت وراه
منذر:اوووو زين شن الاخبار
زين:دخل يدع شد منذر من رقبته وطلع من الروشن ….قعد يضرب فيه وكلهم يتفرجو حاولو يدهلو بس خافو ?ضربه بشكل مش طبيعي لين منذر فقد الوعي
زين:خذي منذر وركبه السياره وطلع بيه

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

نهاد:لمت كل شي مكسور وهيا تبكي ….خذت بنتها ورجعت للعزي وطول الوقت عقلها مش معاها مش عارفه في شنو تفكر !!!في مصيبة موتت اميره ولا كلام زين يلي شبه فرحها وتأكدت ان يحبها

صفاء:طول الوقت مع اهل صفاء تبكي هلبا وتجي دقايق تنسى بس كل شوي يذكرها حمودي ?

زين:نزل من سيارته والغبره وراه من الجري….نزل منذر وكان مغطي بدم كله لوحه ع رجلين الشباب
وسيم:يديه علي راسه…..تي شن درت يازينننن ??‍♂️
مش قتلك غضوا نعتقلوه بأمر قانوني علاااش هكي
زين:جت الهبله عليه ….خلو عندكم وانا المسؤل ….لو فيه كسر محدش يداويه
كلهم يشبحو لبعض
وسيم:يا زين مم….
زين:كلمممممه هياااا البنت مرت خوي خلوني انا نتصرف معاه….خوته شويه وبيجو هما وجماعتهم
وسيم:تمام تمام

________________

الساعه1في الليل :-
نهاد:مقدرتش تروح لا هيا ولا صفاء قعدو بايتين في حوش العيله حوش العزي الرسمي ?
اما نجاح رجعت لحوش زين رقدت جنب ليث ع اساس …..والسبب الحقيقي روحت ع امل يجي زين وتستفرد بيه ونهاد مهناش

فاتت اسوء ليله ع العيله كلللللهاااا?قاعدين في صدمة موت مريم محدش مستوعبها
زياد:كان يعول في خيمة العزي متع الرجاله وكلهم يسألو ع زين …انشغل زياد هلبا واتصل اكتر من مره بس مفيش رد وزاد هببل لما اتصل وسيم وحكاله يلي صار !!

#بعد_مرور_يومين
بدي خبر اختفاء زين ينتشر في العيله وانتشر خبر منذر كيف اعتدى ع مريم وكانت صدمه للكل والحمد الله تأكدو من مريم بريئه من خلال تسجيلات صوتيه ورسائل تهديد توضح ان صار الشي هاذا مش بي رغبتها وكان اغتصاب ?
ومنذر قعد مرمي في الحبس وخوت مريم بيهبلو من يلي سمعوه …..لاكن القصه كلها توا زين وين !!!

نهاد:حاسه قلبها بيوقف ?تذكر في كل كلمه قالها زين وكيف اعترف بي حبه ليها
تسمع في صالح وزياد كيف يحكو وشاكين ان خوت منذر قتلو زين …..خشت في حاله هستيريه مش متخيله حياتها بدونه مهما كان عصبي وغامض?
4ايام مش قادره ترقد زي الناس والعيله ملها واصحابه يدورو عليه في كل مكان بس مفيش فايده
امه قلبها ناااااار عليه?ونهاد بزياده
بدت العيله كلها تستنى في خبر موته وان لقو الحثه وبس?

________________

بعد مرور اسبوع علي موت مريم ….يوم الاثنين الساعه 4العصر
نهاد:مقعمزه قدام الروشن بنتها في حجرها وليث يتفرج ع التلفزيون….عيونها معلقات في الروشن ع امل زين يخش عليها …معش رقدت ولا كلت ولا شي كل همها زين وبس

نجاح:استنت هلبا زين يروح بس مفيش فايده وصار لازم ترجع لي امها ….خذت حوايجها وفلوس شفة امها وطلعت بدون اهتمام لحد ….طلعت وخلت نهاد تراجي في زين والدموع مجفوش بس رغم هاذا كانت صاابره?عشان زينه وليث

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

طق طق طق
نهاد:سارحه في الروشن
طق طق طق
ليث:ناض يجري فتح الباب
زهور:وين ماما حبيبي
ليث:مام داخخ داخل
زهور:خشت الغرفه …نهاد ياعمري
نهاد:عيونها ع الروشن…اها
زهور:بعتتني ماما قتلي جيبي نهاد تقعد معانا معش تخليها بروحها …وزياد اتصل قبل شوي بخصوص زين
نهاد:ناضت بسرعه ….زززززين ?وينه زين ووووين
زهور:مقالنا شي قال لقيناه وبس
نهاد:خذت تالفونها ترعش وتبكي اتصلت بي زياد
هلبا مكالمات بس مردش
زهور:نهاد اهدي ان شاء الله خير
نهاد:لو خير كان زياد تكلم ?????ياررربي وينه زيننننن ياااااارب صبرني ياررررب
زهور:مسحت دموعها وخذت منها زينه
وليث يشوفلهم بكل برائه مش فاهم شي

#بعد_مرور_3_ساعات
نهاد خلاااااص نهارت وتعبت ….رقدت ع الصالون وغلبها النوم
اما زهور قعدت جنبها تهتم بزينه مقدرتش تخليها ?

_______________

صفاء:اللهم لا اسألك رد القضاء ولاكن اسألك اللطف فيه ….يااااارب يكفي مصايب ياربي رجعه سالم لي مرته وصغاره
امنه:ولدي???زيدي كلمي زيااااااد شوفيه وين ياصفاء
صفاء:تالفونه مصكر اكيد فصل شحن ياعمتي
امنه:يااااااارب

طق طق طق
نهاد:ناضت مخلوعه
زهور:اهدي الباب اكيد صفاء
نهاد:قعمزت تمسح في عيونها
ليث:ناض يجري فتح الباب
ليث:بااااااب باااااابى
نهاد:تشبح وتمسح في عيونها لان كانو مضببات من كثر البكي
زهور:اخيراااااا زين وين كنت شغلتنا طمني عليك ????
زين:بخير بخير
زهور:حطت زينه وطلعت تجرررري بتقول لي امها
نهاد:وقفت وسكرت عيونها ….يارب مش حلم يااااارب يااااارب نترجاك ميكونش حللللم معش قادره تعبت ?
زين:حضنها….متحلميش
نهاد:نهاااااااارت في حضن زين تبكي بي العبره وتبوس فيه لي كل مكاااان وتحضن اكتر من مرا وتتلمس في وجها كانت زي المجنونه حالتها محدش يقدر يوصفها
زين:يحاول يسيطر عليها بي حضن يثبتها بس كانت مش مصدقه انه قدامها

نهاد:علااااش زين??????وين كنت هبلتني عليك ووووين???
زين:ااشششش خلاص اهدي ….كان لازم منها الغيبه هاذي
نهاد:معش تخليني ????معنديش غيررررك نموت وربي بعدك نموت
زين:قلبه رجع لدقة الحب الاولى بس ها الره بزياده هلباااا ….قرب عليها بيبوسها بس وقفه صوت امه جايه من بعيد بعياطاتها ??‍♀️
زين:بعد ع نهاد ورجع لنقرة الحواجب

وبدت امه عاد ?معش بتسكت وتعيط وحالتها حاله قعدو جو نصف ساعه باش العيله هدت وقتنعو ان زين قدامهم ?❤️

—————————-

القصه ان زين قعد في المعسكر بي امر من واحد يخدم في الشرطه طبعا صاحب زين في نفس الوقت
خاف عليه من خوت مندر طلب منه يختفي وميعطيش علم حتى للعيله لين ياخذو اجراء قانوني بخصوص منذر ….وهاذا يلي صار

__________
الساعه 12في الليل:-
طبعا زحمة العزي شيه قاعده واهل مريم ماشيين جايين ….تعشو مع بعض وتطمنو ع زين ونهاد روحت معاه طووول

زين:غير حوايجه لبس سروال توته ومن فوق ولا شي
نهاد:خشت الدار وكيف باديه تتكلم ….شدها بعنف ولصقها فيه??
زين:استاااااحشتك بطريقه مش طبيعيه
نهاد:انا ا……
زين:قاطعها بي بوسه طووووويله عنيفه لين جرحها في فمها?ع امل تطفي النار يلي فيه بس اكتر مزادت ولعتها ??
نهاد:معش قدرت تتكلم من بوسات زين يلي واضح ان استاحشها من وسط قلبه وحبه ليها اكتر مزاد قوه

_________________

صفاء:واضح علي وجها علامات الحزن
زياد:حضنها من الخلف…..لا امتى بتقعدي هكي
صفاء:مش عارف
زياد:يلي عارفه انا انك رح تكوني احسن ام في الدنيا
صفاء:تنفست بعمق….ورح تكون احسن اب ….وعد ياقلبي رح نحطه في عيوني ونربيه احسن تربيه
زياد:ابتسم وباسها علي راسها ….وانا معاك ❤️

في السرير كانت نهاد في حضن زين ويلعب بشعرها
نهاد:حبيبي نسألك
زين:اسألي
نهاد:قامت عيونه….تعتبر فيا زوجه ولا جاريه ؟
زين:انا فاهم انك سألتي باش تحرقيلي دمي …عارفه السؤال هاذا ينزفز فيا مش عارف علاش عالق في راسك
نهاد:به جاوبني ونننننبي تعتبر فيا زوجه ام جاريه؟!
زين:امممم زوجه وحبيبه وام صغاري و
نهاد:بساته قبل ميكمل
زين:معش تبوسي الناس وهما يتكلمو
نهاد:ضحكت وزادت حضناته بقوه
زين:ابتسم لثاني مره بس ع طول الروايه ?وباسها ع راسها

نهاد:لما كنت صغيره سمعت بابا يقول لماما انتي مرجد جاريه عندي بالك تسحابي روحك زوجتي جديات ….ومن وقتها الكلمه هاذي عالقه في راسي

?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?

صفاء وزياد…..شايلين حمودي ع كفوف الراحه وحاطينه في عيونهم كأن ولدهم جديات وحلهم اكتر ميزيد

زين:قاعد نفس الطبع مع العيله متغير شي لاكن مع نهاد ياحليلى زي البيبي??واكتر ميزيد حبه ليها

زمزم:حاليا مخطوبه وزهور رفضت تبي تكنل قرايتها
نحاح وامها معش عليهم اي خبر
نهاد:معمرهاش فرقت بين زينه وليث وبذااات ليث ديمه ساخفه عليه وتحبه واي واحد يديرله حركه بسيطه تقلب الدنيا…..ومهبله زين بذات قدام العيله اديرله في لقطات تخليه مرتبك ?❤️❤️❤️بس تموت فيه وحامل بولد?

ليث ياحليلي بدي يدير في باله ع اخته وميحبش حد يضايقها ولا يبوسها ???

اخ مريم قتل منذر لان متحملش في اخته حتى لو كانت ميته ?

هاذي نهاية روايتي اي حد يقول مفيش نهايات سعيده غالط لو كانت نهياتك حزينه متشوفلهاش وتحطها الاساس لاااا في غيرك هلبا قصص بدت بي مأساة ونهايتها تجنن ❤️

*متخفيش مشاعرك قدام حد وافقي ع يلي تحبيه ويلي معندكش اي مشاعر ليه ردي بالك تغلطي وتكملي حياتك معااااه لو مريم حكت لي زياد من البدايه مكانش صار فيها هكي ومكانتش تعذبت ?

*اي شخص يحاول يضايق او يحاول يعتدي عليك متسكتيش ….لان السكوت عند المجرمين علامة الرضا ويخليه يتمادى عليك اكتر واكتر

*متلازمة داون ناس زينا❤️او حتى احسن منا لانهم بريئين ميعرفوش الخبث عاملهم كويس ولما تشوفوهم في اي مكان عام مفيش داعي توضحيله انك متقززه منه او تسمعيهم كلام اخي ((لاتؤذي روح لا يسمع انينها إلا الله))

*الصبررررررررر مفتاح لي الف حاجه الصبر مفتاح الفجر ومفتاح لقلب هلباااا ناااس❤️

*ورا كل انسان قاسي قلب حنين وطيب وحجات خلاته هكي لاكن مفيش حد ميتغيرش

*حبي الناس تعاملي بي اصلك واحمدي ربي حتى علي مصايبك لان اكيد والف في الميه ربي رح يجازيك

وزي منقول ديمه الحب في كل مكان بس انتي دوري كووويس واختاري صح …اروى الطاهر المسلاتي (بنووتة الشيخ))

 

error: