زوجه أَمْ جاريه رواية لآروي الطاهر
#زوجه_أَمْ_جاريه 1 (مقدمه)
♡بـــ قلـــم ✍️اروى الـطاهر المســلاتـــٰـي.
نهاد:بشهقات عاليه وتنفس سريع وجسم يرجفف طلعت من بيتنا نجررررى ونتعثر بي الڤيلو ونطيح ع الارض ونبكى من الخوف
خايفه يشوفني حد ويرجعني ?حاولت نجرى ونبعد قد مانقدررر لاكن للاسف مقدرتش
حسيت بشخص جبدني من يدي ولحضات يلي شفت فيها وجها رغم الضلام وضي القمر البااااهت عرفت ملامحه?تجمدت من خوفي ومدرت ولا حاجه غير دموعي ينزلو ثواني وجاني منه كففف خلاني نطيح ع الارض مقدرتش نقيم عيوني وتمنيت نموت لحضاتها ولا نرجع لحفلة الموت يلي اسمها عرسي بكيت بحرقه وقامني خوي من يدي بعنف ورجعني ?طول المسافه وانا نبكي ونترجى فيه يحميني بس كان جماااااد قلبه محنش عليا نهائي
اسمها نهاد اليوم هاذا كان عمرها فيه 15السنه و8شهور بزبط البنت الوحيده لي امها يلي توفت بي سرطان الدم امها كانت الزوجه الثانيه لي بوها
الزوجه الاولى متوفيه وعندها من بوها ولد اسمه حمدى واختين ليها وصال و خوله متزوجين كلهم
من فتره توفى بوها و مقعدلهاش حد ?اضطرت تعيش مع خوهاحمدي يلي جابها عنده بسيف عشان الناس متحكيش بيه ويقولو سيب اخته وطبعا مرت الخو مستحيل تتحمل حماتها معاها وضايقها في البيت
كل يوي تشكي منها بسبب وبدون سبب بدت نهاد تكبر وجمالها يزيد وبمجرد موصلت 14السنه بدت العيون عليها والناس تشكر في جمالها يلي كان شبه امها …بيضه بي شعر احمر وملامح طفوليه ❤️
بدت تعبي في راس خوها عليها ان خلاااص البنت كبرت ولو طولت بدون زواج رح تجيبلهم العار
احتلت الافكار هاذي في راس حمدي لين خلاته يعرض اخته علي صاحبه يلي كان عمره 32سنه وصاحبه بمجرد مشاف نهاد طااااار عقله وتم فيها گ زوجه تانيه بدون متعلم زوجته الاولى وفعلا تم الزواج?بحفله بسييييطه مفيهاش حد غير عمتها وخلاتها الزوز المنقهرات عليها ومش قادرين يديرولها شي ?
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:غصه في قلبها وتبكى طوووول الوقت تمنت لو امها موجوده بوها موجود يدافع عليها ويوقف المهزله يلي صايره لاكن للاسف مكانش في حد معاها وحتى عمامها وقفو مع خوها?
جى العريس روح بيها وكانت اسوء ليله في حياة نهاد مكانتش عارفه شنو يلي يصير في الليله هاذي؟!
شن يعني البنت تفقد عذريتها في الليله هيا ؟!
شن يعني جنس اصلا
طبعا عريسها مراعاش سنها ولا عطاها فرصه زي الكلب الجعان هجم عليها
قاومت عيطت صرخت بس مفيش نتيجه غير الضرب?
بعد ليله منهكه مقززه فاتت ع نهاد صارلها نزيف حاااااد والساعه 4الفجر كانت في المشفى لين طلعت الشمس
طلعت عليها الشمس لمدة 3سنين زواج وكل يوم تتمنى فيه الموت الف مره ضرب استحقار اهانه وفي اي مناسبه متطلعش حتى عيد ربي ?
وتراجي في اليوم يلي رح تموت فيه رغم صغر سنها قاعده حتى موصلتش للعشرين وحاولت تنتحر مرتين بس بقدرة ربي ميصيرش منه …..بكت ايام وليالي وتدعي ربي يفكها منه لين خلااااص ايست وضنت انها رح تقعد معاه عمرها كله لاكن!!!!!
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
في يوم من الايام فاقت نهاد علي صوت عياط بين راجلها وصوت مرا طلعت بسرعه من غرفة النوم وتشوف مرا حنطيه جسمها مليان بعيون سوداء تخوف واضح عليها كبر السن …شافت لي راجلها ومن خوفها لسانها ارتبطت ومعرفتش تحكي لحضات تسمع في المرا تقول …..هااااذي؟!تكلللللم
نهاد:شافت لي راجلها يهز براسه مذلول وخايف كانت اول مره تشوف راجلها هكي سرحت في منضره وفاقت من سرحانها لما سمعت المرا تقول…طلقهااااا طلقها توا يا ابراهيم
نهاد:بلعت ريقها وهيا تشوف لراجلها منتضره جوابه؟!ونصدمت لما سمعاته يقول….انتي طالق نهاد طالق طالق طالق
نهاد:بلعت ريقها بصدمه كانت فرحاااااانه داخلها بس متخيلتش ان رح يطلقها بي امر من بنت ؟!
رجعت لي حوش خوها حامله حوايجها وكل شي يخصها بعد معرفت ان المرا تكون زوجة راجلها الاولى يلي مكانتش تعلم بي زواجه من نهاد ….كانت نهاد حاطه في بالها انها بتكمل قرايتها وبتأسس حياة خاصه بيها بدون راجل وقرف الزواج لاكن!!???…..لقت معامله من خوها ومرته اسوء من قبل بي ستين الف مره وحرموها من كل شي حتا طلوع في الجنان الحوش علاش؟!لانها مطلقه
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
نهاد:كوابيس تلاحق فيا كل ليله ?بسبب راجلي الاول وضربه ليا وبسبب اخ مرت خوي يلي يتحجج بي اي شي عشان يجي لي اخته ويحاول يلمس جسمي ?حاول كم مره يغريني بي فلوسه مقابل نعطيه يلي في باله وانا كنت نرفض بدون منحكي لحد لان لو فتحت فمي بكلمه رح نطلع انا العايبه ونحاول نغري فيه زي ميقولو الولد ميعوره شي ….ااااه قداش نكره المجتمع الذكوري هاذا يلي يشوف للبنت مجرد اله للمتعه والانجاب وتلبية رغباتهم ….تقريبا مفيش ليله رقدت فيها بدون دموع نهائي ?كنت مستسلمه لكل شي تقريبا لي معاملة مرت خوي وخوي وحتى خواتي وكلام الناس عليا ?
نهاد:بعد سنه كامله من طلاقي خطبني واحد منعرفش من وين يعرفني بزبط بس امه كلمت مرت خوي وطبعا خوي مصدق ع طول وافق بدون حتى نضره شرعيه وطبعا انا ميحقليش نتكلم نهائي ومفيش حاجه اسمها راي نهاد
المهم جت امه خطبتني وقالت انه ولدها مطلق عمره 28طلق مرته لان متجيبش في صغار يخدم في القوات الخاصه وصفاته انه راجل وميحبش كلمته اطيح نهائي بس في نفس الوقت حنون ومستحيل يقصر في شي معاي ولا مع عيلته
تخيلته في بالي هوا يعتبر مناسب لي سني تقريبا انا سكرت ال20وهوا28 حاولت نتخيله مقدرتش يعني شنو يعني القوات الخاصه ؟!ممكن حاجه في الجيش بس منعرفش شنو بزبط …..صليت استخاره ومحسيت بشي عادي حدا
قعدت مخطوبه شهرين بس وبعدها حددو موعد العرس طبعا هوا مش عرس عباره علي يوم واحد يروح بيا فيه وبس وطول وقت الخطوبه لاشافني ولا كلمني نهائي
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
حددو يوم وكنت مجهزه نفسي من حلوه لي تنضيف وجه لكل شي لبست قفطان حفله بسيططط بكل وخلين شعري الاحمر يلي نازل لا نص ضهري مفتوح مع مكياج بسيط وروج لونه احمر دمي زي القفطان وطبعا فرحة مرت خوي مش سايعتها لانها بتتفكا مني
جو اقاربي سلمو عليا وباركولي وجت امه وخواته الزوز كانو معجبين بيا بشكل مش طبيعي ويعاملو فيا كويس هاذا يلي ريح قلبي شوي لاكن مازال قلبي مقبوض خايفه لو طلع الشاب زي طليقي شنو بندير؟!…..لبست عبايتي وطلعت مع خواته ركبوني في السياره من القدام وسكرو الباب وركبو في السيارات يلي كانو ورانا
طول الوقت قلبي يدق بسرعه وحلقي جف واطراف يدها بردوو مقدرتش نقيم عيوني فيه والخمار عليا مشفتاش ولا سمعت صوته بس كانت ريحته القويه معبيه المكان?…..
سكرت عيوني وقعدت ندكر في كل شي وجعتني نفسى كيف جوزوني وانا قاصر قبل?كل شي قاعد محفور في قلبي مستحيل ننساه مستحيل ننسا كيف حرموني من قرايتي عشان زواج اشبه بي الموت ….بين ذكرياتي يلي زي السم ع قلبي وسرحاني قاطعني صوته يلي اول مره نسمعه…يتبع
❤️