زوجه أَمْ جاريه رواية لآروي الطاهر
زين:تلفت بغضب وقرب منها وخبط الذولاب بيده ويدوي بصوت عالي يخوف…..انااااا يلي معش قادر نتحملللل منو انتي ؟!من وين طلعتيلي !!!!!
شنو ام القلب يلي عندك مخليك تتحملي مني كل شي وتستقبلي ولد مش ولدك وتعامليه خير مني حتى
نهاد:حطت يدها علي لحيته….لاني حبيتك
زين:……زياد:شاف مريم اطلع في كيسة الكناسه(حشاكم)
زياد:مريم
مريم:ايوا
زياد:كيف حالك
مريم:بخير تبي شي
زياد:قرب….عرفت كل شي
مريم:اها?
زياد:ليش مقلتيليش؟!ع الاقل لي اي حد كبير في العيله
مريم:بلعت ريقها بخوف…انت شن عرفت؟!
صفاء:طلعت من الحوش بتشوف زياد وين لانه عطل ….وقفت مصدومه تشوف لي زياد كيف يهدرز مع مريم وحاط يده علي كتفها
خشت صفاء لحوشها بسرعه تبكي وترعش مصدووومه
_______________
نهاد:يدها هلي لحية زين….حبيتك زين والله حبيتك من قلبي والشي هاذا خلاني نتحمل كل شي
زين:مقرب عليها هلبا…حط يده فوق يدها ونزلها
نهاد:نزلو دموعها …علاش ترفض فيا?
زين:لاني مش مؤمن بي الحب يلي تحكي عليه
انتي عندك فيا مصلحه وبس
نهاد:بصدمه…مصلحه؟!?
زين؛اي لان عارفك مستحيل تطلقي معش عندك مكان غير حوش خوك وخوك رفضك
نهاد:مصدومه كيف عرف؟!??
زين:وانا مخليك عندي عشان مصلحه مفيش حد خير من حد
نهاد:بصوت يرجف…وشنو مصلحتك فيا؟!
زين:تو يجيك يوم وتعرفي
نهاد:حست بي الاهانه هلبااااا لاول مره في حياتها هكي ?والغضب متاعها غلب حبها لي زين
نهاد:وجها احمر وناقره حواجبها….اول منجيب يلي في بطني يازين وعدد مني ليك معادش تلقاني جنبك ولو نبات في الشارع وربي معاد قاعده معاك
زين:ساكت ويشوفلها
نهاد:بعداته بقوه من كتافه وطلعت وهيا تبكي
زين:رجع شعره للخلف بيده وكان شعوره متلخبط بكل وتسلل الخوف لقلبه من تهديد نهاد
والمره هاذي كانت اول مره زين يخاف يفقد حاجه
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
زياد:صفووو صفااااء
صفاء:خست للمطبخ وعيونها في الارض…ع سلامتك تعالا تعشى
زياد:مستغرب….في شي؟!
صفاء:متبيش تقيم عيونها وتقرض في الخيار…لالا مفي شي برا لي الطاوله لاحقاتك
زياد:مش مقتنع …تمام
طلع زياد لطاوله ولحقاته صفاء بي السفره
نهاد:رقدت ع الصالون تبكي ويدها علي بطنها كانت معتبره زين سند ليها بس بعد الكلام يلي سمعاته منه حست انها فعلا معندهاش حد ولا حتى مكان تمشيله منو بيستقبلها مطلقه مره تانيه؟!
__________________
زياد:مقدرش ياكل ويشوف لي صفاء
صفاء منزله عيونها وتمرر في الكاشيك ع الماكله بدون متاكل
زياد:صفاء خيرك؟
صفاء:ولا شي
زياد:صفاء قيمي عيونك فيا
صفاء:خلاص حبيبي كول
زياد:قيمي عيونك فيا قلت
صفاء:قامت راسها وكانو عيونها حمممر ومنفوخات
زياد:بخوف…خيرك شن فيه
صفاء:معش قدرت تتحمل وبدت تبكي…زياد قولهالي في وجهي بالله عليك متطعنيش في ضهري ?نحسها زي السم
زياد:ناض من مكانه وقعمز بي ركبيه ع الارض ومسك يديها …صفاء خوفتيني شن شايفه شن سامعه احكي
صفاء:شفتك كيف تحكي مع مريم
زياد:مفي شي لاكن م…..
صفاء:زياد متحلفش بالله عليك
زياد:سكت
صفاء؛بدت تبكي بي العبره وغطت عيونها بي يديها
زياد:قلبه معش تحمل ….حضنها
صفاء:بصوت مخنوق ….بعد عليا طلعت زيك زي اي راجل مستحيل يعيش مع وحده ناقصه مهما كان حبه ليها
زياد:شن تقوووولي انتي منبدلكش بي الدنيا كلها
صفاء:ويلي ريته برااااا ؟!
زياد:خذي نفس عميق…البنت مريضه صفاء وقاعده تموت ببطئ
صفاء:تبدلت ملامح وجها….ششش ش شنو?
زياد؛علمت من المشفى انها تتردد عليهم وطلع عندها الورم ومنعرفش لو تعيش او لا
صفاء:سكتت بصدمه
زياد:حضنها….منبيش الخبر يطلع
صفاء:تبكي وجعتها مريم
زياد:ياسر معش توجعيلي قلبي انتي عارفه منحبش نشوف دموعك
صفاء:اسفه?
زياد:حاضنها ويبوس فيها ع راسها
فاتت الليله علي صفاء بكي في حضن راجلها وقلبها متوجع علي مريم وولدها كيف بيصير فيه؟!
نهاد دموعها موقفوش حاسه نفسها وحيده ومعندهاش سند في الدنيا حتى زين يبي منها مصلحه لاكن مش عارفتها شن هيا
اما زين …..زين كان ضعيف من داخل من ناحية نهاد لاكن يكابر كأنه الماضي هوا يلي مخليه هكي
قاسي وميلينش مهما دارت نهاد ?
مريم:راقده وولدها في حضنها دموعها ينزلو سخااااان علي خذوذها كانت خايفه علي ولدها هلباااا شن رح يصير فيه
امنه:حكت للعيله كلها ان زين طلع عنده ولد متلازمة داون طبعا مكلمتهمش واحد واحد لا
كلمت خاله وحده تقول لي خواله
وعمه وحده تقول لعمامه وطبعا كانت صدددددمه للعيله لا مش صدمه وحده كانو اثنين
رلد زين وحمل نهاد ….يعني زين صار حديث الساعه للعيله كلها ومفيش حد يسترجا يكلمه في وجها ولا حتى يدير لقطه قدامه من خوفهم منه
__________________
#تسريع_في_الاحداث
بعد مرور 8شهور
نهاد بطنها كبرت هلبااا وبدت تدهش …كان صعب عليها ادير بالها علي ليث وعلي حملها
وزين قعد يساعد فيها في كل شي وطبعا زاد تعلق بيها اكتر فترت حملها ❤️?
بدي يغيب علي خدمته واكتر شي يقعد في الحوش بحجة انه بياخذ فترة راحه من التدريب وشوشرة القوات الخاصه ….لاكن كله كذب قاعد عشان يساعد نهاد وهيا متحسش ان كل شي يدير فيه علي خاطرها يعني عشان متحسش بي اهتمامه
صفاء:محكتش مع حد علي مرض مريم بس كانت مهتمه بيها وبي ولدها هلبا كانت كأنها اخت ليها
وحبها هيا وزياد كل يوم يزيد اكثر واكثر
امنه وصالح كانو يستنو امتى نهاد تجيب ع نار لاكن نهاد كان فيه خوف صغغغير في قلبها مرات يطلع البيبي متلازمة داون زي ليث
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
الساعه9في الليل :-
نهاد:داهشه وتتمشى في الصاله
ليث:امممماما
نهاد:ابتسمت بتعب…عيوني انت شن تبي
ليث:يقيم في يديه
نهاد:حبيبي نقدرش نقيمك
ليث:بيبكي وقايم يديه
نهاد:مسكاته من يده بتقيم فجآه جي زين خذاه
زين:هني روحك وياسر هبال معش تقيمي الرزين قالك الدكتور
نهاد:خايف عليا ع اساس؟!
زين:انتي في وضع ميسمحلكش تلقحي وتستفزيني اخطيني نهاد
نهاد:خذت نفس عميق وسيباته …وصلت لعند باب الدار ووقفت شافت تحت رجليها حست بشي نزل منها خشت في حاله هستيريه وبدت تبكي وتعيط بي اسم زين
زين:تغيرت ملامحه حط ليث ع الارض ومشالها يجري
نهاد:تبكي….زين شكلي بنجيب خلااااااص
زين:ششش شنو ?
نهاد:تتوجع….اااااااه زين معش قادره نتحممممل
زين:تفركس مع بعضه خذي ليث رفعه لي امه ورجع يجري لي نهاد وامه مش فاهمه شي
ركبت نهاد السياره بصعوبه وحاسه روحها بتطلع
امنه استغربت كيف نهاد بتجيب وهيا في الثامن؟!
لاكن من خوفها خلت ليث مع زمزم وزهور وكلمت صالح طلعو لحقو علي زين بسرعه
________________
ليث:يبكي
زمزم:وووه عليا الصغار منعرفش نتعامل معاهم
زهور:اسشش خلاص حبيبي تو يجي بابا
ليث:يبكي بشويه خايف
زمزم:فتحت علي صورت زين وعطاته التالفون بس ليث يبكي قاعد مفيش فايده
زهور:ترا افتحي علي صورت نهاد
زمزم:معنديش
زهور:تي مصوره في تالفونك في عرس زياد
زمزم:تقلب في الصور…اي اهيا …وعطاته لي ليث
ليث:سكت وقعد يشوف لي صورت نهاد ❤️
نهاد:راقده ع السرير ويدخلو فيها لصالة الولاده
نهاد:تبكي وشاده في يد زين…..زين رد بالك من ليث لو صارلى شي?
زين:ساكت بس واضح انه متأثر
نهاد:تبكي وتتوجع….زين رد بالك ع ليث مستحيل حد يتقبله غيرنا متسلمه لحد يازين
زين:مصدوم بلكلام يلي تقول فيه نهاد وحالتها كيف?
قعدت نهاد توصي ع ليث لين دخلوها وسكرو الباب
زين:انهارررر داخله …خايف قريب يهبل علي نهاد لو صار فيها شي !!
عمره مسمعها كلمه حلوه وهيا غير شن تبي يازين وولده في عيونها حطاته قعد زين ماشي جاي وخايف من ولادتها وهيا في الشهر الثامن
امنه:مستغربه في زين وحالته؟!…كأنه واحد يموت في مرته ويرعش عليها
مش زين يلي يكشخ علي نهاد قدام اهله
?روايـــــــاتٌ بــــــــَنُــــــــووتِــ
?اروى الــــطــــــاهــــر المــــســـلاتــــٰــي?
مريم وصفاء جابهم زياد للمصحه وكلهم واقفين يستنو في اي حد يطلع يطمنهم علي نهاد❤️
زين:يدعي داخله بس من برا كان جمااااد بكل هادي وع اساس مش هامه
الدكتوره:طلعت وتنحي في القوانطي
امنه:طمنينا الله يطمنك
الدكتوره:ولاده مبكره بس الحمد الله البيبي في الحضانه ورح يقعد تحت المراقبه
زين:الام ؟!الام شن موضوعها كيف صحتها
الدكتوره:تعبت شوي لاكن الحمد الله توا تبي راحه بس
امنه:شنو جنس البيبي تربحي ?
الدكتور:ابتسمت….مش رح نقول خلي بوها يمشي مع الممرضه للحضانه ويعرف بروحه الام هكي طلبت
كلهم يشوفو لي دين وتعابير وجها
الممرضه:هيا تفضل
زين:ساوا جاكيته وقارن حواجبه عاد خلاص اطمن علي نهاد❤️?….ومشي مع الممرضه
صفاء:تلفتت شافت راجل خاش وراسه دم متحملتش المنضر وداخت طووول
زياد:زي المهبول قامها وينادي ع طول رقبته لين قامها ودخلها للاسعافات ❤️
وهاذا كله مريم تشوف فيه وقلبه يتقطع من داخل وكان وجها اصفر وذابله
امنه:لو سمحتي لو سمحتي تربحي
الدكتور:هتفضلي ياحاجه
امنه:العيل ماغولي؟
الدكتوره:لا البيبي سليم مش متلازمة داون
امنه:اااااه طمنتيني الله يبشرك بلخير
الدكتوره:ليش في شي؟!
امنه:اي ولدي بسلامته عنده ولد من مرا تانيه متلزم ولا شن تقولوله مهم ماغولي خفت يجي زيه
الدكتوره:اطمني البيبي سليم
امنه:سلمك يارب
صفاء:فتحت عيونها ببطئ
زياد:باس يدها ويبتسم…طلعتي حساسه بزياده
صفاء:ضحكت وخبطاته علي كتفه….بارد منعرفش شنو صار
زياد:احممم هاذي دبدبات الحل متعي مأثره عليك بشكل كببببير
صفاء:قرصاته ع خذه….حبيبي الرومنصي ياكبدي
زياد:ههههههه
زين:وصل للحضانه وكانت كلها اطفال صغيرين بكل❤️
خشت الممرضه جابت بيبي ومداته لي زين
زين:خاف علي البيبي من عضلاته ويديه ….ارتبك معرفش كيف يشده لين ساعداته الممرضه
زين:كان زي المتهلوس شاد البيبي ومش مصدق روحه شاف للاسوار يلي في يد البيبي عشان يقرا جنسه…يتبع