زوجه أَمْ جاريه رواية لآروي الطاهر
#زوجه_أَمْ_جاريه 10
زين:في شي؟!
نهاد:اءءء اء ها؟!
زين:مقعمزه هنايا تبي شي؟!
نهاد:زين ففف في شي لازم تعرفه
زين:شبحلها بي استغراب
نهاد:دموعها ينزلو بشكل مش طبيعي لدرجة خلت زين يبي يعرف سر دموعها؟!
زين:شن فيه
نهاد:زز ز زين انا حامل ?
زين:رمش بعيونه اكتر من مره بصدمه….شششني ؟!كيف كيف
نهاد:تبكي وخايفه…منعرفش كيف صار هكي
زين:حافض علي هدوئه….كيف عرفتي؟
نهاد:تمسح في دموعها….اختبار منزلي مبكري. خذيته من صفاء شكيت في روحي لاني حاسه بوحم
زين:رفض انه يصدق……نوضي البسي تحركي
نهاد:بخوف….وو وين?
زين:بعياط…وووين يعني بلا استعباط نوضي البسي نمشو المختبر
نهاد:بلعت ريقها….تتمام
زين:مسح وجها بيديه ويحاول يتمالك اعصابه بعد ما خش الخوف لقلبه
______________
طق طق طق
صفاء:جاااايه ……اهلا مريومه
مريم:كيف الحال
صفاء:الحمد الله تفضلي
مريم:لا والله مستعجله جايني خوي عندي موعد في عيادة الاسنان ونبيك في خدمه
صفاء؛ادللي
مريم:نبي نخلي عندك حمودي مابين وجيت غير زمزم وزهور طالعين
صفاء:اكيد هاتيه حمودي جبتي حجاته؟!
مريم:اي شيشته واتيه مرات يقعد راقد لين نجي وكان فاق وقعد يعيط عطيه الشيشه
صفاء:خذاته….تمام متشغليش بالك
مريم:صحيتي هي بسلامه
صفاء:سلمك …..وسكرت الباب
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
في المصحه نهاد وزين مقعمزين يستنو في النتيجه
وزين متوتر ومره مره يفتح في تالفونه ويسكر
نهاد:تدعي في داخلها يطلع مفيش حمل
الدكتوره:نهاد عبد الفتاح
زين:ناض خذي منها التحاليل
نهاد:طمنيني دكتوره
الدكتوره:تمام امورك كويسه رح نكتبلك فيتامين عشان صحة البيبي لانه قاعد في الاشهر الاولى
نهاد:شافتلها بخوف….يي يعني حامل؟
الدكتوره:بي استغراب….اي ليش مش زوجك هاذا؟!
نهاد:اي اي راجلي
الدكتوره:تفضلي ….مدتلها ورقة الروشيتا
زين:طلع قبل نهاد بدون ميتكلم ولا يقول اي شي
نهاد:راجعه لسياره بخطوات مهزوزه والخوف كان كبير بشكل لا يوصف …ركبت السياره
وزين:قعد مقعمز بدون ميحكي فتره بعدين ولع السياره وطلع
نهاد:زز ز زين انا م…..
زين:يشوف لطريق ويعيط بغضب….صوووووتك معش نبي نسمممعه ….تضحكي علي انااااا متاخذيش الحبوب باش تحملي ونقعد معاك بسيف ؟!زاااااابط امها الحركات هيا مش عليا
نهاد:تبكي بدون صوت
زين:يخبط ع دومان السياره….مش عييييييل اناااا ميفوتش عليا الجو هاااااذا لاكن حساابي معاك ساهل
__________________
زياد:واقف قدام باب دار النوم يتأمل بدون صوت
صفاء:كانت مقعمزه ترضع في حمودي وعيونها كلها حب ❤️تمسح عليه وتبوس فيه بهدوء ودايره بالها عليه بشكل مش طبيعي
زياد:باس صفاء ع راسها
صفاء:ااه حبيبي امتى جيت؟!
زياد:يبتسم ويلعب في حمودي،….ملياش هلبا مشاء الله انتي مش لاهيا بشي الا بيه لين غرت
صفاء:هههههههه
زياد:شن جيبه الصايع هاذا عندنا
صفاء:تمسح علي شعر حمودي….امه عندها موعد في العياده خلاته عندي لين تجي
زياد:امممم به ياسرك معش تبوسيه
صفاء:ههههههه محلاه لايقاوم
زياد:وانااااا?
صفاء:بساته ع لحيته?…..انت غزالي انا
زياد:ياحليلي?
صفاء:هيا حبيبي نوض ولع ع الغدي يسخن مابين كملت لحمودي ونجي نسقي
زياد:ناض بيطلع بس رجع….قتلك
صفاء:قامت عيونها….ها حبيبي
زياد:وح تكوني احلا ام في الدنيا
صفاء:ابتسمت…..لانك بوهم?❤️
_________________
طول الطريق ونهاد تفكر في كلام مريم
مريم:وطلعت شائعات ان زين قتلهم او قتل البنت يلي تعارك معاها
والفتره هذيكه طلعوو هلبااااا اشاعات لا تعد ولا تحصى قالو حتى دفنها حيه وقالو ذبحها وقالو قتلها وردمها كل واحد يقول في قصه
وصلو للحوش …نزلت نهاد خشت لدارها طول وسكرت ع روحها الباب خايفه من زين لان شكله كان واضح يقدر يدير اي شي
لاكن الغريب ان منزلش من سيارته خلا نهاد تخش الحوش ورجع طلع مره تانيه
وسيم:?جديات؟!
زين:سحب سلاحه وضربه علي جسم التدريب
وسيم:به شنو منو توا ؟!
زين:ماسك السلاح ويقنص ع الجسم …شنو برايك
وسيم:بلع ريقه وخايف يحكي….مش عارف يازين لاكن ليش متعطيش روحك فرصه ممكن الولد او البنت يلي جاي يغير كل شي
زين:ضرب طلقه وشبحله…..تحكي وكأنك واحد متعرف شي عليا ولا الشي يلي خافيه علي الكل
وسيم:فاهمك زين ….لاكن بلعقل فكر حتى انت العمر يجري راهو في غمضت عين تلقى عمرك في السبعينات ومفيش لا زوجه ولا ولادك ولا بناتك جنبك يعني لا امتى بتقعد ع هاذي الحال؟!
متشوفش لي روحك توا بصحتك وفلوسك وخدمتك
زين:خذي نفس عممميق….مستحيل
وسيم:سكت
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
نهاد:اتصلت بخوها يجي يرفعها بس كان كان رد خوها لو تبي تجي زياره يجيبك راجلك ولو حرجانه او بتطلقي الشارع يستقبلك وحوشي لا !!!
بدت نهاد في صراع عميق مع روحها كيف زين بيصدقها انها خذت الحبوب بس برغم هاذا حملت؟؟!
___________________
طق طق طق
زياد:فتح الباب …..اهلا اهلا
مريم:قلبها رجف❤️…..اهلين زياد كيف حالك
زياد:الحمد الله بخير تفضلي
مريم:نحت كندرتها وخشت …..
صفاء:منو زياااااد؟!
زياد:مريم
صفاء:طلعت من المطبخ….اهلا ع سلامتك
مريم:الله يسلمك وين حمودي ان شاء الله متعبكش
صفاء:لالا عاقل رضعته ورقد ….انتي ليش وجهك هكي؟!حسيتك تاعبه في شي ؟!!!
مريم:ها؟!لالا عادي بس كانت عندي سوسه واليوم نحيتها
صفاء:اهااا به قعمزي نديرو قهوا
مريم:لا والله تاعبه بناخذ حمودي وبنرقد
صفاء:به لحضه نجيبهولك
مريم:قعمزت ع الصالون تراجى
زياد:خيرك متكلمتيش راهو رفعتك انا ليش تقولي لخوك يرفعك المصحه؟!
مريم:لا عادي انت كنت في العمل وزين طالع
زياد:في الجديد تبي اي شي كلميني حتى في العمل نجي
مريم:ابتسمت ….صحيت ربي يخليك
صفاء:وهاااذا حمودي
مريم:صحيتي صفاء وسامحيني علي تعبك
صفاء:لا تعب ولا شي بلعكس ❤️
مريم:طلعت من حوش زياد وهيا مبهوره بي ولدها كيف مرتب وريحته تجنن❤️✨
__________________
الساعه2ونص في الليل:-
الحوش مضلم مفيش غير ضي الصاله الهادي بكل ونهاد المقعمزه تراجي في زين
مش قادره ترقد قبل متعرف مصيرها شنو
واخيرا سمعت الباب انفتح ووقفت تراجي فيه لين خش
زين:لوح سلاحه وفلوسه ع المدخل
نهاد:زين لازم نتكلمو
زين:معنديش خلوق ابعدي من وجهي لان شياطين الدنيا قدامي حاليا
نهاد:باش تبيني نحلفلك اني خذيتهم الحبوب والله
زين:كسر طاولة المرش يلي جنبه …..سكررررري فمك بلا كذب
نهاد:سكرت عيونها لحضات من الخوف
زين:مسك يدها بقووه….جاينك ايام يانهاد اسود من ضلام الليل
نهاد:تنرفزت ونفضت يدها…..البيبي مستحيل انزله ودير فيا يلي تبيه حتى لو بطلقني
زين:بصوت عاااالي ويخوف….مش فررررررخ حرام انا باش نطلب منك تقتلي روح
نهاد:تشوف لي زين وكانت تتنفس بسرررعه وترعش
زين:بهدوء…..رح يقعد الولد يانهاد رح يقعد لاكن يلي يجيك مني رح تتحمليه انتي وياه بسيف عليك?
نهاد:كان شعورها مختلط ….بين فرحه ان حملها رح يكمل ومطيحاش وبين خوف ورهبه من يلي جاي
زين:لوح برجله باقي الطاوله المكسوره وخش داره
اما نهاد قعمزه ع الصالون بحيل مهدود تفكر وتبكي وتبي تعرف شنووو السبب ورا كل يلي قاعد يدير فيه زين؟!
______________
ثاني يوم???
زياد:فتح عيونه علي صفاء يلي مقعمزه ع السرير وتتألم من بطنها
زياد:بخوف….صفاء فيك شي؟!
صفاء:اااااه الم رهيب مش قادره نتحمل
زياد:خيرك شن تحسي
صفاء:بطني يازياد بنمووووت منها
زياد:بعيد الشر نوضي بسرعه نرفعك المشفى
بعد زياد يساعد في صفاء لين لبست وطلع بيها المشفى
اما نهاد فتحت عيونها علي المرش المكسور طايح جنبها من خبطت زين امس
نزلت بحذر لي دار النوم بس كان زين مش موجود واضح عليه طالع من الصبح
جت بتفتح باب الحوش بس كان مسكر بي المفتاح …..ومن اللقطه هاذي عرفت نهاد ان زين بدي ينفذ في تهديداته ?
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
زياد:ها شن صار؟!
الدكتوره:تنحي في القوانطي….حمل خارج الرحم للاسف مضطرين لي عمليه انزلو البيبي وحتى الرحم لازم نستأصلوه
زياد:ككككيف??
الدكتوره:اسفه خوي بس زي مسمعت خطر عليها لو خليناه لان الحمل مطول شويه لو زادت اكتر كنت رح تخسرها حتى هيا
زياد:حط يده علي راسه بصدمه…..
الدكتوره:رح نكتبلها توا دخول مستعجل والعمليه توا
زيتد:هز براسه بموافقه لانه مش قادر يتكلم من الصدمه
__________
نهاد:قعدت تلم في المرش المكسور ورتبت الدنيا ….خشت دوشت واول مطلعت من الحمام لقت زين قدامها
نهاد:قعدت ساكته وزين بادلها بنفس الشي
زياد:اتصل بي اهل صفاء وجت امه وخواتها وبوها للمشفى وجت زهور وزمزم وامنه حتا هما
كان زياد خايف علي صفاء قريب يهبل
قعد يدكر كيف امس بس كانت تلعب في حمودي وخاطرها في بيبي
كيف صفاء بتتقبل انها مس رح تجيب في حياتها ابدا
قعد زياد يحاول يتماسك روحك لين تمت عملية صفاء ع خير وطلعوها
طبعا زياد كان اول واحد جنبها ماسك يدها ويراجي فيها تفتح عيونها
________________
نهاد:كانت منعزله علي العيله وبسبب انها معندهاش تالفون مكانتش تعلم بي صفاء ويلي صاير معاها
زين:طلع قريب 4اسلحه ينضف فيهم وكان متعمد الشي هاذا لان نهاد تخاف من وجود اي سلاح او حجات زي هكي في الحوش وتقعد علي اعصابها
نهاد:بصوت يرجف….زز زين طلعهم برا نضفهم
زين:سحب السلاح ونهاد تجمدت من الخوف
زين:طلع المخزن ويركب في الرصاص
نهاد:ناضت لي دار الضيوف وامتدت علي الجلسه لان كان الوحم متاعبها اكتر من اللزم
___________________
صفاء:فتحت عيونها ….واول مشافت زياد بدت تبكي وحتها حالك هستيريا وبدت تبكي بصوت عالي وزياد حاضنها ويهدي فيها
صفاء:خلااااص يازياد????معش بنجيب في حياتي بكككككل
زيااد:اششش اهدي ياقلبي عع ع عادي مش نهاية الدنيا
صفاء:تقطع القلب بي بكاها?….امس قلتلي رح تكوني احسن ام في الدنيااا???معش نقدر نجيبلك صغارنا يلي سميناهم من قبل منتزوجو يازياااااد خلاااص??
زياد:قعد حاضنها بقوووه وام صفاء وخواتها يبكو برا الدار من الموقف اما زهور وزمزم كأنه اختهم حتى هما?
طلبو علي صفاء انها تقعد يومين في الملاحضه طبعا كانت بي المهدئات وبس عشان حالتها النفسيه وزياد مش راضي يتحرك من جنبها
?روايـــــــاتٌ بــــــــَنُــــــــووتِــةْ الــــشِـــيــــخْ?
?اروى الــــطــــــاهــــر المــــســـلاتــــٰــي?
روحت امنه وبناتها متأثرين وقريب يهبلو ولما زين سمع بيلي صار خلا نهاد تمشيلهم وطلع مستعجل
نهاد:تبكي…..ياروحي عليها حرام متستاهلش
زهور:ياريتك شفتي حالتها يانهاد كيف تقطع القلب
زمزم:قلبي وجعني علي زياد انااا?
مريم:تبكي بعيرتها…..تحب الصغار امس خليتها عند حمودي اهتمت بيه اكتر مني ??
نهاد:قعدت تبكي وساكته وفي خاطرها تقول…..سبحان الله في لحضات تمنيت نكون فيها عقيمه منجيبش عشان المشاكل وتوا حملت بي روح داخلي منبيهاش وبكيت انها نزرعت فيا?
في وقت غيري يبكي انه مش رح يجيب يلي انا عندي ورافضاته ?سامحني ياربي بس انت اعلم بحالي
قاطع صمت نهاد وهدرزت امنه وبناتها ومريم صوت زين وهوا خاش عليهم وكان في شي معاه خلاهم ينصدمو
زين؛خش وسكر الباب
كلهم:يشوفوله بصدمممممممه ويراجو فيه يحكي …يتبع