روايه قوة انثي

قوة_أنثى الحلقه11

يقين:اي وكملت اليوم كورس الفرنسي خلاص بديت نتكلمه رسمي
عمر:ايوا حني معش نقدروك
يقين:امالا شنو تسحابني ساهله?
عمر:به افتحي الكاميرا يا بارده قداش ليا مشفتكش
يقين:انلاااا توا نخدم ومشفشفه
عمر:ههههههه نحب نشوفك هكي تي هيا خير منجيك الاردن
يقين:افف به لحضه(طبعا يقين قايمه شعرها كعكه وفيها قلم ولابسه بيجامه وجنبها لابتوب ونسكافي )
عمر:هههههههههه
يقين:شفت علاش منبيش نفتح الكاميرا يابارد ?
عمر:خيره القلم عالق في شعرك
يقين:باش يبدا ساهل نلقاه لان وين بنجي نكتب ديمه يريح مني
عمر:فكره والله?
يقين:يلا خلاص بنصكر
عمر:غير خليك قاعد مشبعتش ضحك
يقين:يابااارد هيا اقلب وجهك عندي خدمه
عمر:لك دخيلووو انا يلي عم يشتغل
يقين:هههههه صرت تحكي اردني كمان ?
عمر:بعجبك هههههههه المهم يامشفشفه اول متفتحي نت ديريلي رنه ع الفايبر
يقين:اوكي
عمر:سلاام

رولا(البنت يلي تسكن مع يقين):شو سكر حبيب الألب
يقين:حبيب عينك
رولا:اي مبين والله من صوت ضحكتك يلي واصله اخر الشارع
يقين:رولا طلعي من مخك الافكار الخبيثه وخليني نركز ?في شغلي
رولا:اي صحيح ع سيرت الشغل عطلة الاسبوع قربت شو رأيك تجي معي لعند اهلي بي الضيعه
يقين:اناا?
رولا:اي بنغير جو هنيك الطبيعه كتير حلوه يلا وافقي مشاااني
يقين:اي ليش لا
رولا:خلص رح نروح مع بعض
يقين:اوكي

✨روايات بنووتة الشيخ✨

في الشغل :-
البنات كل وحده في مكتبها وكانو مكاتب مصغره يعني جنب بعض كلهم فجأه يخش المدير عليهم
علي:يقين
يقين:نعم
علي:تعالي ع المكتب
يقين:جايه
رولا:شو عامله
يقين:وين نعلم ربي يستر …ومشت

علي:يقين انا زعلان كتير
يقين:نهاري حرف ….ليش؟?
علي:لانك من اليوم معاد رح تشتغلي معنا
يقين:انا غلطت في شي؟
علي:لانك تلقيتي 4دعوات من برا
يقين:مافهمت
علي:لانك اصبحتي شاطره وتتكلمي لغتين وحلوا يخزي العين ههههه بعتولنا 4قنوات من برات البلد بدهن ياكي تركيا فرنسا بريطانيا ماليزيا وانتي اختاري
يقين:حسيت الدنيا لفت بيا ??مش مصدقه
علي:انتي تستاهلي صراحه لانك شاطره كتير الله يوفقك في شغلك وهادي الاوراق تبع الدعوه من كل بلد شوفي الوقت يلي يناسبك وروحي
يقين:شكرااا استاذ ?
علي:العفو
يقين:طلعت وانا طااااااايره من الفرح مش مصدقه معقوله انا وصلت للمرحله هاذي من النجاح 4دول طالبيني يااااااربي ??طلعت وقلت للبنات يلي يخدمو معاي وقعدو يباركولي
رولا:يعني رح تتركيني؟
يقين:سافري معاي لو تبي
رولا:حضنت يقين الله يوفقك حبيبتي بس مافي سفر قبل ماتروحي معاي لضيعتي
يقين:اي اكيد

✨روايات بنووتة الشيخ✨
ع سفرة الغدي:-
حميد:نحي التالفون ياولد من يدك وكول
عمر:يشوف لي التالفون ويبتسم
حميد:عمررر
عمر:اهاا
حميد:نحي التالفون وكول
عاصم:يلي واخد عقلك يتهنى
حميد:مدخلكش انت الها في روحي
عاصم:??
امنه:مش عارف لا امتا بيقعد شادها تالفون بس امتا بيخطب البنت ويريحني
عمر:اي بنت
امنه:بتجلطني انت؟؟!
ترن ترن وصلت رساله
يقين:تو نوريك ع البراده غير نروح ونفضالك
عمر:شاف الرساله وابتسم ?
امنه:صبرني ياربي بس

فجريه:شنو رايك نزيدو ناخدو منهم
دعاء:منو
فجريه:عيلة ياسين هاذم
دعاء:خلاص ماما بعد معطوك الفلوس شنو مزال تبي
فجريه:بنخليه يتزوجك غصبا عنه
دعاء:كيف
فجريه:هاذي خليها عليا اناا

✨روايات بنووتة الشيخ✨

يقين:جت العطله ووتيت روحي مشيت مع رولا لي ضيعتهم زي ميقولو كان الجو خياااااال بكل الدنيا كلها خضراء وورد والناس بسيطه جدا حتا ماكلتهم بسيطه وفايحه رحبت بيا ام رولا واخواتها حسيت روحي في دقيق بين اهلي واذكرت ماما وخوتي وبابا الله يرحمه وقلبي وجعني عندي كل شي بس دفئ العائله مفيش درت دوره مع اب رولا وكليت حجات غريبه هههههه جبنه صانعينها في الحوش والتبوله والمنفس وهلبا حجات قعدت مع رولا تقريبا اسبوعين ورجعنا مع بعض للاستوديو

يقين:انت شنو رايك وين نمشي
عمر:تعالي ليبيا ?
يقين:عمررر بلا تسهويك هيا اختار معاي اي بلد راسي بيتفجر من كثر التفكير
عمر:بري لي فرنسا حلو خصوصا انك بديتي تتكلميه كويس يعني تقدري تتفاهمي مع الناس مش تهزي في راسك زي السطل ?
يقين??خزي عليك بارد خلاص نحجز غادي وخلاص
عمر:نبي نتلاقا معاك
يقين:قلبي بيطلع..ليش انشاء الله تبي تخطفني وتاخد فلوسي ?
عمر:اي ونبيع كلاويك شنو رايك
يقين:ههههه مجرم وين انت
عمر:قاعد مكسد في المعرض
يقين:الله يعاون
عمر:تسلمي
طق طق طق
عمر:خليك ع الخط …تفضل
ولاء:معصبببه نبي نفهم علاش تنجاهل فيا ومتردش عليا ديمه وانت عندك مكالمات ع الماسنجر ?
يقين:?
عمر:انتي كيف جيتي هنايا ?
ولاء:مش مهم كيف جيت لو معش تبيني تكلم قوولها مش تقعد معلقني كل شويه نستنا فيك امتا تفتح موضوع الخطبه وانت ولا هامك عارفه ان في وحده تانيه في حياتك بس خليك راجل واعترف
عمر:عصصصب ونسي ان يقين الخط…ولاااء اطلعي برااا
ولاء:ياعيني وتلز فيا فوقها والله مليح امتا لحقت تتغير هكي؟وانا يلي حبيتك ونرفض في كل حد يجيني ع خاطرك هكي ادير فياااا
عمر:تنفس بي عمق وحاول يهدا …انتي روحي وتو نحكو في الموضوع
ولاء:لا توا خلينا نطلعو لي اي مكان ونحكو
عمر:اخذ مفتاحه وتالفونه وطلع مع ولاء
يقين:صكرت الخط وحست انها السبب في كل شي قاعد يصير مع عمر قررت انها تباعد عليه الفتره هادي ومعش تحكي معاه كل يوم .

✨روايات بنووتة الشيخ✨
في المقهى:-
عمر:امك عارفه انك معاي
ولاء:اي وهيا طلبت مني نقابلك باش نشوفو حل للموضوع وامك نفس الشي
عمر:اهااا به
ولاء:فهمني بس ليش تغيرت
عمر:اسف اسف ولاء ضغط شغل الايام يلي فاتو وهلبا حجات
ولاء:شدت يد عمر ….خلينا نتزوجو ونتريحو من هاذا كله
عمر:خلينا نديرو خطبه في الاول زي ماكنتي تتمني ولا؟
ولاء:بتسمت اي ?
عمر:شد يد ولاء ….حاضر ياقلبي

عمر:حسيت روحي ضلمتها معاي قداش ليا معلقها ع الفاضي بس في نفس الوقت معادش نحبها زي قبل ومش فاهم السبب

ترن ترن ترن
وفاء:الوو
الشاب:انتي اخت السيد وائل ؟
وفاء:لا انا مرته تفضل
الشاب:الاستاذ وائل دار حادث هوا وخوه وليد لو تقدرو تجو للمشفى
وفاءياحي عليااااا حي في اما مستشفى
الشاب:مستشفى الامل
وفاء:صكرت وهيا تبكي وتخبط فيها العبره واتصلت بي نجوى
نجوى:اي انا في المستشفى توا ???تعالي ياوفاء الحقيني يانهاري الاغبر بوه صغاري ياربي
وفاء لبست بسرعه وكلمت خوها يرفعها

يقين:وتيت الشناطي وجيت بنرقد بس مقدرتش طول الليل نتقلب ونفكر في عمر نشوف في تالفوني كل شوي يوصل مسج من عمر بس انا مرديتش ومش قادره نرد اصلا قعدت نايضه لين جت الساعه5الفجر خداني النوم ونضت مع الجو الساعه8 فطرت وصليت ولبست حوايجي ونزلت للمطار

الدكتور:بنسبه لي وليد في العنايه وحالته صاعبه شويه ووائل للاسف خش في غيبوبه وربي يستر نحنا يلي علينا درناه
نجوى:يااااااربي صبرني?????
وفاء:تعيط وقريب تقلب المستشفى

يقين:المره هادي خلاص متعوده ع السفر والخوف اني بروحي بححح معادش فيه قعمزت في الطياره ونفكر الله الله يادنيا وين كنتي يا يقين ووين وليتي فرنسا يلي مكنتش نحلم بيها توا ماشيتلها بجد فرحانه بلانجاز يلي حققته في حياتي حتا لو جي متأخر صكرت عيوني ورقدت

امنه:جديات خلاص نوتو للخطوبه؟?
عمر:اي وتو ديرو رايكم
امنه:بي منو تتصل
عمر:امي خليني في حالي…وطلع
امنه:ربي يهدي
عمر:علااااش الزفت مترديش

يقين:فتحت عيوني ع صوت المضيفه تقول ان وصلنا وزي العاده طووول للفندق تلوحت رقدت راسي بيتفجر بعدين نضت نزلت للمحلات شريت شوي حوايج بضاعتهم خياااال?وكليت حجات غريبه هههههه وروحت

عمر:وينك انت من اولامس معادش كلمتيني شغلتيني عليك
يقين:اسفه عمر بس بهيت بي سفرتي انا وصلت
عمر:الحمد الله ع السلامه ومعش تعاوديها
يقين:انشاء الله ?

#تسريع_في_الاحداث
يقين:قعدت 3شهور في فرنسا نخدم بديت نترجم في اللقاأت السياسيه والخطابات وحجات زي هكي تعودت ع الوحده وعلي فرنسا بس عمر حسيته يتعلق فيا اكتر واكتر ?وانا نفس الشي لان الوحيد يلي ديمه يكلم فيا ومعاي

عمر:درت حفلة خطوبه ولبست ولاء الذبله بس طول الحفله حاس روحي مضايق وكأني ندير في شي فرض علياا

يقين:في يوم نتصفح ع الفيس لقيت ولد جرانه زمان يعني قي المنطقه يلي نعيش فيها فرحت قلت نحش نسأله ع حال خوتي

يقين:كيف الحال اسماعيل
اسماعيل:تمام منو
يقين:انا يقين بنت جرانكم اخت وليد
اسماعيل:استغرب…اها اهلين بيك
يقين:نبي نسأله ع خوتي ف اخترعت كذبه …اسماعيل شنو حال خوتي بالله غير انا مسافره ونتصل بيهم تالفوناتهم مصكره
اسماعيل:معرفتيش شنو صار؟
يقين:لا انشاء الله خير
اسماعيل:والله منعرف كيف نقولهولك الحق
يقين:احكي?
اسماعيل:خوتك الزوز عطوك عمرهم من السبت يلي فات
يقين:كككككككيف ??
اسماعيل اي والله دارو حادث وهما في نفس السياره نقلبت بيهم اكتر من 4مرات قعدو 3شهور في المستشفى وائل توفى الاربعاء ولحقه وليد السبت
يقين:منعرفش علاش انصلت بي عمر وانا نبكي بهستيرياااا

عمر:قين فهميني خيرك احكي بشويه
يقين:??خووتي ياعمر
عمر:خيرهم اهدي وتكلمي
يقين:توفو الاثنين مع بعض في حادث
عمر؛ان لله وان إليه راجعون
يقين:انا لازم نرجع ليبيا لازم نشوف صغارهم ونعزيهم
عمر:تمام يقين انتي احجزي وتلقيني نستنا فيك …يتبع